حديقة البيت ؟؟

[wadha-qa]

السلام عليكم

اتمنى تساعدوني في ايجاد مكان ينفذ لي حديقه البيت بسعر معقول كل اللي لقيتهم اسعارهم مبالغ فيها

واحد يقول لي 59 الف و الثاني 45 و واحد 28 الف و 30 الف !!!


الحديقه بسيطه مجرد مسطح اخضر و اشجار مثمره و ورود و ريحان و فل

مع شلال بسيط و صغير و منطقه لا تتعدا مترين و نص باربكيو

ياليت اللي مجرب مكان زين يفيدنا

[shaheen-915]

اخوي شيك الخاص لا هنت

[wadha-qa]

للتوضيح ما ابي تصميم ابي تنفيذ يعني حد يزرع لي و سوي لي الباربكيو و الشلال

[doha2012]

الله يوفقك


شوفي احد عنده زراع ومجربه وسويها عن طريقه ارخص واكيد احسن

[فواز1976]

سوي مثل ما عملت انا ...... صممت الحديقه تصميم بسيط, وبعدين رحت المشتل واشتريت منه الشجر الي ابي والنجيل اعطيته الامتار المطلوبه على انه هو الي يجي ويزرعهم ..... والحمد لله مشى الحال

لكن خذ هذه الملاحظات البسيطه:
- لو تحط اناره ارضيه مسلطه على الشجر الرئيسي ... بيطلع شكلها مره حلو
- اذا بتزرع نخل واشنطونين ... فلازم يقصقص لك حواف السعف او الورق حقها ويربطها عشان ما تتحرك من الهواء ثم تموت .... وطبعاً عليك بالمويه لمده 3 اشهر تقريباً بعدها تقدر تفكها
- ايضاً لا تنسى تركب جهاز ري اوتوماتيكي اريح لك وافضل من انه الشجر يموت اذا سافرت
- عند اختيار الشجر والنباتات عليك انك تعرف حجمها كيف راح يصير في المستقبل عشان تعرف توزعها , وبالنسبه للنباتات في بعضهم يبي له ضوء شمس مباشر وفي بعضهم يحب الظل .... المزارع يعرف كل نوع خله يفيدك
- الورد دور على الورد الدائم ... صحيح راح تلقاه اغلى شوي بس افضل واجد

بالتوفيق