معرس وعروسه وين يسكنون؟ مع الاهل او ........

[الصغيره]

جاتني صديقتي بعد خطوبتها محتاره

خير يالغاليه

خطيبي يبي نسكن بروحنا ويقول افضل من السكن مع العايله

واننا بالسكن بنكون حرين انفسنا ومعتمدين على انفسنا

نكون اسره على اسس مال احد تدخل بها

وانا مالي بالمسؤوليه صغيره وكيف اتصرف مع خدم وخادمات

علما ان البيت مش بعيد عن اهلي واهله ؟


قلت لها توكلي على الله مادام هو بيوفر البيت ولان كل اخوانه بببيت اهله مع ازواجهم انتوا مش لازم تسكنون مع اهله مثل اخوانه

المهم

انتوا ايش رايكم بالسكن مع العايله او السكن ببيت مستقبل


رايكم يهم


بنتظاركم

[kayed]

اذا الرجال قادر يفتح بيت افضل له يسكن مع زوجته

اما اذا لا ف الافضل انه يكون نفسه وبعدين يفتح له بيت


لان الاجارات عاليه والمعيشه غاليه والله يعينهم على اغراض البيت

[الإكسير]

افضل مع الاهل خاصة اول سنه او سنتين او على طول يكون احسن مع ابوك وامك الله لايبعدنا عنهم

[المريش]

اعطيك نظرتي كرجل
الافضل والأحرى ان يكون في سكن مستقل، فالحياة الزوجية المستقبلية تتمحور على اول سنين الزواج

فعدم وجود اطراف خارجية في اول سنة او سنتين لها فائدة عظيمة في تشكيل الحياة الأسرية وفي فهمكم لبعض

غير كذا المتزوجين الجدد وضعهم خاص ويبون يأخذون راحتهم فهي اجمل السنين وانصح بعدم جلب خادمة الا بعد مولود وذلك لتوثيق الحياة بينكم


فهذا اللي سويته والحمدلله احسن شي سويته أني ما سكنت مع اهلي

ولكل وجهة نظر

[امـ حمد]

افضل ان يسكن بروحه هو وزوجته تجنباّ للمشاكل

[بوحارب]

الأفضل في بيت لحالهم لكن اذا كان والد او والدة الزوج في حاجه له يسكنون معاهم احسن :)

[غرِيبهـ]

الافضل يبدون حياتهم ببيت مستقل

اذا بيت الاسرة مكتض. بعداً عن المشاكل

و افضل لتحمل المسئولية

انا مع المريش. ان تاجل جلب خدم لين تحتاج لهم فعلاً

واحين ممكن الواحد يتعاقد مع مكاتب تنظيف وخدمة جزئية

الله يوفقهاا ياارب

[مضارب دوسري]

مع الاهل طبعا عشان تندمج مع حياه هله
وفي نفس الوقت يبدا التفكير في تامين منزل مايكون بالايجار
لان بيت الايجار بيضطر يعدل فيه ويسوي ويسوي ويسوي ويخسر
وفالاخير بتضيق عليه عيشته فالمستقبل

يسكن مع هله سنه او سنتين
وفي هالفتره يكون امّن مستقبله ببيت يبنيه او يشتريه

لاني اعرف ناس بدو حياتهم بالايجار وفي الاخير مع مصاريف الحياه الزوجيه ماقدر يسدد الايجار وتوهق

اخيرا
التامين المستقبلي افضل من التامين الوقتي والايجارات طايره وبتطير اكثر مع اقتراب كاس العالم
حتى البنيان بيرتفع كل ما قرب المونديال
والله يوفقهم ويرزقهم الذريه الصالحه

[الأصيلة]

حسب مقدرة الزوج
وحسب نفسية كل من زوجته و أهله وأطباعهم...
فيه زوجات مايحبون المسؤولية ويقعدون في غرفة وحده
في بيت أهل الزوج للمبيت فقط
وطول اليوم في بيت أهلها...والزوج مرتاح من مسؤولية بيت وغيره ومعتمدعلى أهله...
وفيه زوجات يكرهون القعده في بيت الأهل بقصد
عدم الإحتكاك بالأم والأخوات ونسوان الحمو...
وكلٌ حسب طريقته وتفكيره...

[بوحمد111]

اول سنه او سنتين يفضل مع اهل الزوج وإن الله رزقهم بعيال من الممكن ان ينتقلو الى منزل مستقل مع ضمان تحمل المسؤليه من توفير جميع متطلبات المنزل من أمن وأمان وتمويل

[Dawn]

دام مثل ما قلتي كل اخوانه بالبيت ( احشم لها ) انها تختار العيشه ببيت مستقل حتى لو فيه صعوبات .. واكيد الزوج ما قرر هالشي الا لانه عارف وضعه .. ( الحمو الموت )

[بنت العلي]

انا افضل يسكنون بروحهم احسن لهم يكونون بعيد عن المشاكل والحساسيات اللي تصير يوميا... انا اعرف وحده مسكينه تطلقت مرتين سبة اهل الرجل لانهم واايد كانوا يتدخلوون بينهم في كل صغيرة وكبيرة ما صارت مشاكل وانفصلووو.

بس هالشي ما راح يصير مع كل وحده بس تجنبا حق هالاشياء انا اشوف الاستقرار فس بيت بروحهم احسن

[Dana’1]

أنا مع اهل زوجي لي ٨سنوات تقريبا من بداية حياتي كنت بغرفة والحين بملحق وعادي مشت الامور الحمدلله وانا أحترمهم وهم يحترمونني خالتي ام زوجي خط احمر ما أتحسس منها باي شي بمقام الوالدة الله يحفظهم وحتى وان صار ما ابين لان ادري انة مو قصدها شي شين لان هي طيبة وكريمة أخلاق الحمدلله
وخواتة عادي حتى وان صار تش ما ادخل زوجي بالسالفة لان هو مالة دخل أنا ارد عليهم وبطريقة زينة او لآبائس فيها وهذا كان قبل اما الحين فأهمين بعض
يعني السكن مع الأهل الا مايصير تش بس تختلف درجاتة وطريقة التعامل معة

فرأيي بما أنة قادر علي السكن خصوصا ان اهلها قريب عليهم بالسكن بروحهم افضل عشان يعتمدون على انفسهم اكثر وتقدر تجيب خدامة ٣او ٤ مرات بالاسبوع تنظف من والي وتطلع اما باقي الأشغال اليومية هي تقوم فيها بس عشان تاخذ راحتها مع زوجها من غير مراقبة من خدامة
والاهم من هذا كلة قناعتها هي وتعرف إمكانيتها تتحمل السكن بروحها او تتحمل اي تحسس مع حريم الاخوان او الأهل ؟ هي ادرى بعمرها فتتفق مع زوجها بالي يناسبهم ويريح الطرفين

[حقيقه]

اكيد بروحهم احسن
بدل المشاكل مع اهله والتدخل بحياتهم

وزيارتها لهم تجي عزيزه وتطلع عزيزه

[لمعة الالماس]

الاحسن يسكنون بروحهم

عن المشاكل اللي تصير مع ام الزوج وخواته

وعشان محد يتدخل في حياتهم ويبدون حياتهم مثل ما يبون

واريح لها في بيت بروحها

[حسن]

انا من راى ودام هي تقول انها صغيره وماتعرف شي خلى صديقتك تسكن مع هله وخصوصا وهم في بدايه الزواج على الاقل لين سنتين او يبنون بيت لهم ذيك الساعه يطلعون
بس ان تكون في بيوتهم سعه
بالنسبه لي اول زواجي لى ولا خواني كلهم كنا في بيت ابوي وكان الغرف كثيره والله كانت احلى ايام لكن عقب كلن بنى بيت وخلص وسكن بيته ولامشاكل وغيرها
والحين انا في بيتى الجديد امي معاي وخواتي معاي واخوي الكبير معاي والحمدلله مستانسن
وعيالي مونسين عليهم البيت ومتباركين على ابشرك
اما اللي يقول لا بيت بروحها هذه عارفه تفسها انها راعيه شخصيه قويه وتفرض رايها بالقوه ومحصله زوج شخصيته ضعبفه وتتبي تسرحه وتضويه على مايقولون

[دااانة قطر]

ماشاااء الله الأغلبيه متفقه على السكن الخااص والمستقل
حلو ان الزوج يكون عاارف الأفضل له ولأهله من البداايه

[ودي أكون]

كله يعتمد على صديقتج ..

اذا هي اتحب عوار الراس .. تسكن مع اهل الزوج

واذا هي من النوع المسالم واللي ماتعرف تاخذ حقها ومن النوع الخجول والخواف .. تسكن في بيت مستقل

ومن رايي الشخصي تسكن في بيت بروحها وتستحمل غثا الخدامات احسن من السكن مع اهل الزوج

لان الخدمات بتقدر في اي وقت اتقلفعهم .. اما مع اهل الزوج .. فلازم تتوقع انها هي في اي وقت يمكن تتقلفع:tease:


مع احترامي لج ولها حبيبتي :shy:

والله يوفقها ان شاءالله ..


بس نصيحة أخت .. خليها من البداية تسكن في بيت بروحها .. لان بعض الرياييل اذا ماخذتي حقج منه من البدايه فصعب تاخذينه عقب .. بمعنى

ان يقول لها بيت بروحنا هي اتقول لا مابي اكلف عليك الخ من الكلام .. وعقب يوم تسكن مع اهله وتصير مشاكل اتقول ابي بيت بروحي .. يقعد يقول لها انتي من اول رفضتي احين علي وعلي وعلي وين نطلع .. وهلي يبون و..و..و.. المنوال اللي دوم نسمعه !!

فتكون طيبة البنت سبب في عيشتها المتعبه !!


فدام الريال معاها طيب ومقدر ان لازم اتكون لها حياه مستقله .. خل اتوافق على البيت المستقل .. وهي بينها وبينه بتقدر اتنازل عن اشياء ثانية كمساعده منها له ..

وهكذا تسمتر الحياة :victory:

[حسن]

قولي حق صديقتك يقولك حسن من واقع تجارب اخرين اعرفهم تزوجو وسكنو في بيوت بروحهم والله ما مرت سنه ولا كلهم متطلقين
فا مقبياس نجاح الزواج مش ببيت بروحه ولا مع هله هناك اسباب كثيره
منها من الزوج ومنها من الزوجه ومنها من هله ومنها من هلها فالاسباب كثره مثل ماذكرت
من واقع شفت في المجتمع بعض الازواج لوهو ببيت بروحه تلقى المره تبعده عن هله وكل يوم هلها عتدها زلا هي عند اهلها وهو وراها مثل 000 ونادرا ماتزور هله بسباب مشغوله تعبانه امك كذا اختك كذا وغيرها
انا مادري ليش الحريم مايتقبلون يعيشون معى بعض عكسنا احنا

[wadha-qa]

اذا هي من النوع اللي ما تعتمد على نفسها و تدري انها مب كفو تشيل مسؤوليه بيت الافضل تقعد مع اهله

لان اللي متعمده على نفسها و تحب الاستقاليه و قد المسؤوليه ما بتتحمل بيت مشترك

[ام السعف]

يسكنون وين ما يبون ان شاءالله في قش عصافير
المهم يكونون راضين ومتفاهمين واسرار حياتهم الزوجية بينهم

انتهى
اللي بعده
:(

[طلعة الروح]

الأفضل بيت بروحهم مع تحمل مسؤولية البيت وتبعاته،،

[حسن]

يسكنون وين ما يبون ان شاءالله في قش عصافير
المهم يكونون راضين ومتفاهمين واسرار حياتهم الزوجية بينهم

انتهى
اللي بعده
:(

صدقتي واهم شي اسراهم بيتهم
وش سلفه اللي بعده

[ام السعف]

صدقتي واهم شي اسراهم بيتهم
وش سلفه اللي بعده

يعني المشاركة اللي عقبها وتحتاج رد :(

[doha2012]

محد يعرس وهو مو كفو يتحمل مسؤوليه


اللي مو مستعد لايعرس يقعد في بيت اهله من مره او رجال


وبلاش نقول صغيره وصغير كلها كلام فاضي


من اعرس يستقل بحياته احسن ويخلي الاهل يرتاحون من المسؤوليه الزايده

[بيرق_المجد]

انا مايد الرجال ابوه عايش ولا امه ويطلع بروحه في بيت مستعجل الموت بيجي وبيفرقم غصب الواحد مع شايبه والعجوز والمعزبه تنثبر مالها كلمه هههههههههههه امزح معكم بس الى اشوفه الواحد مع والوالد والوالده هذا شي ثمين كم واحد بعد موت ابوه ولا امه قعد يراجع حساباته يقول يالتني ماطلعت وكنت ساكن معهم انتبه تفر مخك الحرمه هههههههههه تحياتي والله يجمع كل مسلم مع اهله في سرور

[بوخالد911]

بالبداية مع هله

وبعدها لا بد من سكن مستقل

موفقيين

[روح الاطلس]

اذا من البدايه طلعوا بروحهم بتكون الزوجه علاقتها سطحيه جدا ومنعزله عن اهل الزوج ، الافضل مع اهله ويكونون اسرة وحده وعيالهم يتربون عند عمامهم وعماتهم ، واذا البنت صغيره ولا هي قد المسؤليه بتتعلم من اهل الزوج اما لو طلعت بروحها بتتوهق واول سنه كل اكلهم بيض وطماط ^_^ هذا اذا عرفت تسوي بيض بعد

[GCC]

اذا الزوج بادر بهذا الشيء فمن رأيي انه يصب في مصلحتها

لان في حالة انها سكنت مع اهله وكونت اسرة واحتاجت انها تطلع بعدها لبيت بروحها راح يكون صعب عليها بعد ماتكون تعودت عليهم

اما وجودها ببيت مستقل راح يعلمها اشلون تكون سيدة بيت صح

عن نفسي سكننا ببيت مستقل واشوف انه كل الطرفين مستفيد من هذي التجربة خصوصا في مايتعلق بتحمل المسؤولية ..الخ

نتمنالهم التوفيق وعقبال مانفرح بكل العزابية

[بـــــــنت النوخـّــــذه]

جاتني صديقتي بعد خطوبتها محتاره

خير يالغاليه

خطيبي يبي نسكن بروحنا ويقول افضل من السكن مع العايله

واننا بالسكن بنكون حرين انفسنا ومعتمدين على انفسنا

نكون اسره على اسس مال احد تدخل بها

وانا مالي بالمسؤوليه صغيره وكيف اتصرف مع خدم وخادمات
علما ان البيت مش بعيد عن اهلي واهله ؟


قلت لها توكلي على الله مادام هو بيوفر البيت ولان كل اخوانه بببيت اهله مع ازواجهم انتوا مش لازم تسكنون مع اهله مثل اخوانه

المهم

انتوا ايش رايكم بالسكن مع العايله او السكن ببيت مستقبل


رايكم يهم


بنتظاركم

والله احترنا معاهم

مواضيع فيها مشكله لـــ ناس يبغون بيت مستقل ومواضيع مايبغون بيت مستقل

بالنسبة لشرايكم انا اقول رأيي الي مهب مستعده لظروف الزواج ومتطلبات الحياة الزوجيه لاتعرس


وشكرا جزيلا"

[المــزن*]

انا صار لي سنتين متزوجة والحمدلله في ملحق في بيت اهل زوجي في الحوش و لاحد درا عني
بس الافضل بيت بروحها
لان زيارات هلي تكون صعبة بالنسبة لي بالذات اخواني لان البيت فيه حريم اخوانه وبناتهم

البيت المستقل اريح من ناحية زيارات الاهل

والله يوفقهم يارب

[كازانوفا]

سبحان الله انا اشوف صعب المعيشه مع اهل الزوج حتى لو كانو ملااائكه
يفضل الاستقلال بروحهم على اساس يفهمو بعضو ويعتمدو على انفسهم

[مخطط قطري]

افضل يروحن بيت اهل الرجال حتى تتعلم البنت اكثر ويكون الرجال وحوليه هله احسن من انه يكون ابروحه لانه بداية الزواج ولا انا اشوف راح تكون هناك صعبوه ومشقه بين الاثنين اذا بروحهم

[The End Qtr]

طبعا مع الاهل وخاصه امي من اول سنه لحد اخر سنه في حياتي او حياتها

اذا كان عنده استطاعه يبني بيت لكن ما اطلع من بيت امي يا تطلع معي يا اقعد معها

والزوجه الصالحه هي اللي بتقعد مع امي وتعتبرها امها

[الدمعه]

بكل بساطه ..

اذا البيت فيه ناس ومكتظ ..يروحون بروحهم افضل للكل ..

لكن اذا البيت مافيه حد الا الوالدين او بنات لافضل يكونون مع اهل الزوج..

واذا هي شايفه نفسها مب قد مسؤوليه لاتتزوج ..خلها ببيت اهلها ابرك لها..

[الصغيره]

بدايه الف الف شكر لكل من تفضل بالراي والرد والصراحه فرحت بردودكم وتجاربكم ونصايحكم

الردود نصين مابين مؤيد ورافض وطبعا الردود جاءت حسب اغلبيه التجارب

نقلت لها الرابط تشوف ردودكم واراءكم

عني افضل الاستقالاليه ولانها 20 سنه اكيد بتكون تخاف تسكن بروحها على ان هناك ميزه بالسكن هي قالتها ان السكن قريب اهلها واهله

هي ماشاء الله قادره وفاهمه لكن مسالة سكن بروحهم محيرتها واكثر حيره لها اخوانه متزوجين بالبيت وطبعا ماراح تاخذ راحتها

دعواتكم لها بظهر الغيب بالتوفيق

وربي يوفق كل المقبلين على الزواج ويوفق كل عازب وعازبه امين

ششششكراااااااااا للجميع على التجاوب الرااااائع


جزاكم الله الخير كله

[Qt.1]

انا مستغرب من الي ايقولون تجنبا للمشاكل !! هو ساكن مع هله علشان ايتهاوش مثلا !! ماله خص مشاكل وغيره اذا يقدر ايحط بيت كان بها ماقدر لاحول ولاقوه الاا بالله !

[مهرة]

ماشاءالله عليه يعني هو الي طلب انهم يسكنوون ببيت مستقل!!! وهي مو عاجبها !!! تحمد ربها بس الرجال شاريها وصج يحبها ويبي يبدا حياتهم برووحهم ويستقلوون ويساندوون بعض ترى حبيبتي قلة ماتلاقين الحين الرجال يفكر في استقلال بيت الزوجية:nono: .. لكن اذا مافي حل ممكن تسكنووون اول سنه او سنتين اذا مافيه أطفال بس أول ماتحملين لااااااااا حبيبتي روحي بيت بروووحج ولا تربين الا فيه واتسوين ذيك الحفلة وتعزميني عليها:nice:

[مهرة]

بدايه الف الف شكر لكل من تفضل بالراي والرد والصراحه فرحت بردودكم وتجاربكم ونصايحكم

الردود نصين مابين مؤيد ورافض وطبعا الردود جاءت حسب اغلبيه التجارب

نقلت لها الرابط تشوف ردودكم واراءكم

عني افضل الاستقالاليه ولانها 20 سنه اكيد بتكون تخاف تسكن بروحها على ان هناك ميزه بالسكن هي قالتها ان السكن قريب اهلها واهله

هي ماشاء الله قادره وفاهمه لكن مسالة سكن بروحهم محيرتها واكثر حيره لها اخوانه متزوجين بالبيت وطبعا ماراح تاخذ راحتها

دعواتكم لها بظهر الغيب بالتوفيق

وربي يوفق كل المقبلين على الزواج ويوفق كل عازب وعازبه امين

ششششكراااااااااا للجميع على التجاوب الرااااائع


جزاكم الله الخير كله


صح اختي ماراح تاخذ راحتها بالمرة ماشاءالله البيت شكله مرة زحمة مترووووسة الله يعينهم وفي البداية تكون العيشة حلوة بس مع الوقت بتصير حساسيات ومشاكل... بس ماعليج توهم معاريس وكتاكيت وبيتعودون وبيستانسوون بالبيت الجديد وهم اقراب من أهلهم والله يوفقهم لما يحبه ويرضاه

[نوار قطر]

والله هالشي يعتمد على امكانية الزوج بعد مااقدر اني اشرط عليه حط لي بيت بروحي وهو ماديا مايقدر صعبه تبتدي الحياه الزوجية بضغوطات مادية

[ريتويت]

ماشاءالله عليه يعني هو الي طلب انهم يسكنوون ببيت مستقل!!! وهي مو عاجبها !!! تحمد ربها بس الرجال شاريها وصج يحبها ويبي يبدا حياتهم برووحهم ويستقلوون ويساندوون بعض ترى حبيبتي قلة ماتلاقين الحين الرجال يفكر في استقلال بيت الزوجية:nono: .. لكن اذا مافي حل ممكن تسكنووون اول سنه او سنتين اذا مافيه أطفال بس أول ماتحملين لااااااااا حبيبتي روحي بيت بروووحج ولا تربين الا فيه واتسوين ذيك الحفلة وتعزميني عليها:nice:

والله مادري .. بس كلامج :victory:

[الامتياز]

الموضوع يعتمد على حالات معينة ومحدودة
يعني اذا الوالدين ما عندهم حد في البيت والبيت لهم ملك الافضل يسكنون واياهم
اذا الوالدين عندهم حد والبيت يضيق والزوج عنده مقدرة مالية الافضل يسكن بروحه
اذا الوالدين يحبون المعرس والبيت متروس والمعرس مقتدر الاحسن يستقل وياخذ الوالدين واياه
في النهاية بر الوالدين مطلوب والخصوصية والاستقلالية هم زينة بعد
والمعرس هو اللي يقدر يحدد ظروفه

[وطن]

والله احترنا معاهم

مواضيع فيها مشكله لـــ ناس يبغون بيت مستقل ومواضيع مايبغون بيت مستقل

بالنسبة لشرايكم انا اقول رأيي الي مهب مستعده لظروف الزواج ومتطلبات الحياة الزوجيه لاتعرس


وشكرا جزيلا"

:victory:

مافي شي اسمه صغيره
في وايد بنات أصغر منها ويشلون المسؤولية
خلها تشل مسؤولية بيتها وزوجها

دام الرجال يبي استقلاليتهم وراحتهم
لا ترفض

احسن من القعده في بيت فيه ناس وايد
وفي الطلعه والدخله يشوفونها
ووين رايحه و من وين جايه
حتى لو بيطلعون بروحهم في اي وقت العيون عليهم !! ليش !!!

بيتها احسن لها
مملكتها الخاصة

و رأيي انها تعتمد على نفسها وما تجيب خدم الا بعد البيبي الاول
عشان البيت يكون لهم بروحهم هم الاثنين ياخذون راحتهم بدون عذول


الله يوفقها ويهنيها وياه


:victory:

[تحداني]

على حسب اوضاع " عريس الغفله "
هو يفصل والزوجه المصونه تقرر تلبس ولا تغير


اهم شي يعيشون مع بعض ابسلام وأمان وبدون خلافات واهواش
قولي لها تتعلم الطبخ .. ترى لو ما تعلمت بيتزوج عليها الثانيه
كاني خبرتج


اهم شي بطنهم


جملك الله برضاه

[ام السعف]

على حسب اوضاع " عريس الغفله "
هو يفصل والزوجه المصونه تقرر تلبس ولا تغير


اهم شي يعيشون مع بعض ابسلام وأمان وبدون خلافات واهواش
قولي لها تتعلم الطبخ .. ترى لو ما تعلمت بيتزوج عليها الثانيه
كاني خبرتج


اهم شي بطنهم


جملك الله برضاه

هذا هو على حساب اوضاع المعرس

اما معر توه وما يقدر يفتح بيت مستقل ،، نجبره يفتح هالبيت من باب
بيراقبونها داشة وطالعة وطالعة وداشة :telephone:

الحياة الزوجية تحضيات وتنازلات وصبر
ومن صبر نال الخير في نفسه وعياله وزوجه ،،
فليش كل شي نبي ناخذه بالساهل :(

[تحداني]

هذا هو على حساب اوضاع المعرس

اما معر توه وما يقدر يفتح بيت مستقل ،، نجبره يفتح هالبيت من باب
بيراقبونها داشة وطالعة وطالعة وداشة :telephone:

الحياة الزوجية تحضيات وتنازلات وصبر
ومن صبر نال الخير في نفسه وعياله وزوجه ،،
فليش كل شي نبي ناخذه بالساهل :(




شوفي يا ستو :) ما اعرف ستي :) .. يا الغاليه يا ست الحسن والدلال
يا ام السعف والليف .. يا عذبه اللسان .. وعجوزه المنتدى .. والمرأه الطويله البال
القليله الاستسلام


هم لو يشيلون فكره فارس الاحلام هاذي من مخيلتهم .. ويتعلمون شي اسمه
ان ولد الناس يوم طق الباب .. ما طق الباب عشان يسمع نبي بيت مستقل
كثر ما توقع يسمع كلام طيب " انت والنعم فيك .. والنعم في اهلك . وعيلتك .. وسمعتك
وطريقك .. وصلاتك .. وامك بنت فلان الطيبه .. وابوك الي قلبه كبير "
كان عمت الفرحه فريجنا وفريجكم .. وفريج كل الاخوان والاخوات


نعم حلو ان الشخص يعيش في بيت مستقل .. والله لو كان هاي تفكير " زوجه الاحلام "
صدقيني هو " هم كبير يحمله زوج الأحلام "
الرجال نفسه حريص اكثر على ان يكون عنده بيت يأمن فيه حياه اعياله وحياته وحياه زوجته

لكن مثل ما تفضلتي يبون كل شي من البدايه وهاذي صعبه
الي ابوه وضعه المادي مب وايد قوي .. صعب الشاب يوفر كل هالاشيا حق نفسها

اخوي يوم طق بيت باب الناس
قلنا لهم من البدايه .. تبين غرفه غرفتين ثلاثه هذا مو انتي اتقررينه
هذا احنه راح انوفر لج اياه لان لايمكن نرضى انغربلج .. طلعتي امعززه .. وبتعيشين معانه امعززه .. لكن ولدنا يقول لكم من البدايه ما عندي عشان اوفر بيت مستقل
ووعد راح اوفر البيت حق نفسي واعيالي قبل لا يكون عشان خاطرها وخاطر اني طقيت بابكم


هاذي ما نبي انسميها " لغه تنازل " ابدا
هذا كلام المنطق والعقل

الا اذا .. كان يعيش ظروف صعبه تظل فيها بنت الناس
الي هي ان الزوج عنده اخوان اكبار والبيت اصغير

الا اذا صعب يبنون لها ملحق
الا اذا


لكن المشكله في بنات هالزمن يبون كل شي فل اوبشن
والشباب يخضعون للطلبات وتالي يتذمرون



جملك الله برضاه

[كلنا قطر 1981]

طبعا مع الاهل وخاصه امي من اول سنه لحد اخر سنه في حياتي او حياتها

اذا كان عنده استطاعه يبني بيت لكن ما اطلع من بيت امي يا تطلع معي يا اقعد معها

والزوجه الصالحه هي اللي بتقعد مع امي وتعتبرها امها

الله يحفظ امك و امهات المسلمين كلهم

نعم الراي و نعم الولد

اايدك و اتفق وياك بالراي

:victory:

[Locale]

طبعا بيت مستقل افضل لها

قوليلها صعبه فالبداية ومسؤليه لكن بتتعود

ودام ان زوجها عنده استعداد ليش ترفض وتروح تسكن عند هله
بكره تتبجبج وتقول قطوا علي كلام ويسالوني في كل صغيره وكبيره

ناس يتهاوشون ويارياييلهم يبون يستقلون في بيت وهي تبي تقعد مع هله

[ام السعف]

شوفي يا ستو :) ما اعرف ستي :) .. يا الغاليه يا ست الحسن والدلال
يا ام السعف والليف .. يا عذبه اللسان .. وعجوزه المنتدى .. والمرأه الطويله البال
القليله الاستسلام


هم لو يشيلون فكره فارس الاحلام هاذي من مخيلتهم .. ويتعلمون شي اسمه
ان ولد الناس يوم طق الباب .. ما طق الباب عشان يسمع نبي بيت مستقل
كثر ما توقع يسمع كلام طيب " انت والنعم فيك .. والنعم في اهلك . وعيلتك .. وسمعتك
وطريقك .. وصلاتك .. وامك بنت فلان الطيبه .. وابوك الي قلبه كبير "
كان عمت الفرحه فريجنا وفريجكم .. وفريج كل الاخوان والاخوات


نعم حلو ان الشخص يعيش في بيت مستقل .. والله لو كان هاي تفكير " زوجه الاحلام "
صدقيني هو " هم كبير يحمله زوج الأحلام "
الرجال نفسه حريص اكثر على ان يكون عنده بيت يأمن فيه حياه اعياله وحياته وحياه زوجته

لكن مثل ما تفضلتي يبون كل شي من البدايه وهاذي صعبه
الي ابوه وضعه المادي مب وايد قوي .. صعب الشاب يوفر كل هالاشيا حق نفسها

اخوي يوم طق بيت باب الناس
قلنا لهم من البدايه .. تبين غرفه غرفتين ثلاثه هذا مو انتي اتقررينه
هذا احنه راح انوفر لج اياه لان لايمكن نرضى انغربلج .. طلعتي امعززه .. وبتعيشين معانه امعززه .. لكن ولدنا يقول لكم من البدايه ما عندي عشان اوفر بيت مستقل
ووعد راح اوفر البيت حق نفسي واعيالي قبل لا يكون عشان خاطرها وخاطر اني طقيت بابكم


هاذي ما نبي انسميها " لغه تنازل " ابدا
هذا كلام المنطق والعقل

الا اذا .. كان يعيش ظروف صعبه تظل فيها بنت الناس
الي هي ان الزوج عنده اخوان اكبار والبيت اصغير

الا اذا صعب يبنون لها ملحق
الا اذا


لكن المشكله في بنات هالزمن يبون كل شي فل اوبشن
والشباب يخضعون للطلبات وتالي يتذمرون



جملك الله برضاه

ماهي طلباتهم مرات كثيرة تعد كلام منطق وعدل للاسباب اللي انتي ذكرتيها
البيت صغير وفي اخوان وصعوبة بناء ملحق ،، ومع هذا الشاب ما يقدر يطلعها
في بيت بروحها ،، ولا ممكن ايأمن لها غرفتين او غرفة،، لكنه مثل ما قلتي
في الاخير راح يبني لها البيت المستقل ،،

اهنيه يا آنستي الرقيقة الى حد الترف
تتنازل الوحدة في سبيل خلق جو اسري متفاهم ومتقبل كل الظروف
ومتعايش معاه من البداية ،،

[بوحارب]

ام السعف جهزي فلل حق عيالج لين يعرسون

مب تخلينه يسكن عندج في البيت وتنكدين عليه هو ومرته وتشغلين مرته خدامة عندج ههههه

[Rider]

من وجهة نظر متواضعه اذا كان في البيت الاب والام فقط مافيه مشكله ان المراة تسكن مع اهل زوجها لكن اذا البيت مليان اخوانه واخواته لااااااااا لكن للاسف بعض الرجاجيل تحصل عنده خير وبدل البيت بيتين لكن تحصله ساكن مع اهله في ملحق فوق السطح وانا اعرفه ناس من هالنوعية

[ام السعف]

ام السعف جهزي فلل حق عيالج لين يعرسون

مب تخلينه يسكن عندج في البيت وتنكدين عليه هو ومرته وتشغلين مرته خدامة عندج ههههه

:weeping:

اشدعوة اشغلها خدامة عندي ؟

بنتي ما شغلتها خدامة عندي بشغل بنت الناس خدامة عندي :weeping:

انت يالسوسة لا تخرب علينا ورانا مشاريع لتزويج العيال
ولاتشوه السمعة واذكرني بالطيب يمكن اسكنوا كلهم عندي ويملون لي
البيت يهال اضربهم لشاغبوا :anger1:

[غروب الشمس]

انا وحده ساكنه 12 سنه في بيت اهله عانيت من الذل والاهانه طول هالفتره وزوجي محلك سر لانه يحب اهله ورضاها علي حتى اهلي اشتموهم بس خلوها على الله بس اقول لج ياختى روحي بعيد وارجعي سالمه اهل الزوج تطيح اقنعتهم بعد فتره قصيره من الزمن (مب الكل) يكيدون للزوجه ويتدخلون بكل صغيره وكبيره غير الالفاظ النابيه مب اي وحده تقدر تصبر اخرتها تركت عيالي وزوجي ورحت بيت اهلي

[ام السعف]

انا وحده ساكنه 12 سنه في بيت اهله عانيت من الذل والاهانه طول هالفتره وزوجي محلك سر لانه يحب اهله ورضاها علي حتى اهلي اشتموهم بس خلوها على الله بس اقول لج ياختى روحي بعيد وارجعي سالمه اهل الزوج تطيح اقنعتهم بعد فتره قصيره من الزمن (مب الكل) يكيدون للزوجه ويتدخلون بكل صغيره وكبيره غير الالفاظ النابيه مب اي وحده تقدر تصبر اخرتها تركت عيالي وزوجي ورحت بيت اهلي

الله يكون في عونج ،، ويرحم بحالج :(

[روح الاطلس]

ليه احس من الردود تطلعون اهل الزوج وكأنهم اشرار ووحوش :(

اللي يقول ابعد من المشاكل
واللي عشان ماتشوف الذل والاهانه

انا احس الوحده تعيش مع اهل الزوج افضل للمحافظه على الترابط الاسري الحميمي
ومب كل حماة نسرة
ولا كل ام زوج شعشبونه

:(

[أبو يووسف]

أكيد إذا هو قادر مادياً يسكن في بيت مستقل أفضل له من أن يسكن مع أهله ، وأبعدله عن المشاكل ووجع الراس

[chillis]

حسل مقدرة الزوج ان كان بامكانه توفير السكن حتى لو كانت شقه افضل انهم يسكنون بروحهم ويكونون حياه خاصه فيهم بدون تدخل يكونون مستقلين اما ان كانت ظروفه صعبه هم حلو يسكن مع اهله سنه او سنتين

[ام السعف]

ليه احس من الردود تطلعون اهل الزوج وكأنهم اشرار ووحوش :(

اللي يقول ابعد من المشاكل
واللي عشان ماتشوف الذل والاهانه


:(

صدقتي والله :telephone:

[تحداني]

ليه احس من الردود تطلعون اهل الزوج وكأنهم اشرار ووحوش :(

اللي يقول ابعد من المشاكل
واللي عشان ماتشوف الذل والاهانه

انا احس الوحده تعيش مع اهل الزوج افضل للمحافظه على الترابط الاسري الحميمي
ومب كل حماة نسرة
ولا كل ام زوج شعشبونه

:(


صدقتي والله :telephone:



يمكن بالفعل عندهم مشاكل
ترى في امهات يغارون على اعيالهم وايد فيترجمون هالشي ابغضب
لا اتلومونهم




جملك الله برضاه

[ام السعف]

يمكن بالفعل عندهم مشاكل
ترى في امهات يغارون على اعيالهم وايد فيترجمون هالشي ابغضب
لا اتلومونهم




جملك الله برضاه

وفي كنات ما يستحملون كلمة من امهات الريل ،،

الكلام ما يخص حد في الموضوع هذا ،،

بس في جذيه وفيه جذيه ،،

[تحداني]

وفي كنات ما يستحملون كلمة من امهات الريل ،،

الكلام ما يخص حد في الموضوع هذا ،،

بس في جذيه وفيه جذيه ،،




صح في جذيه وفي جذيه
بس الكنه اهني اتقول انا هديت بيتي
وتركت أهلي مو عشان الغير يستعرض عضلاته علي
انا جيت اهني بيتكم وانتوا طقيتوا بابي واحمدوا ربكم اني وافقت عليكم فلا اطولون السانكم علي .. وتعتبر كل موقف لا يناسبها تعدي وما تعتبره ان وارد الاختلاف
يعني تبي تتفضل على العالم وكونها زوجه ولدهم فماعطه صلاحيات اكبيره لانطباعاتها
والعيب مو منها العيب من هالبعل الي عندها .. واخر شي يقول
والله انا محتار اراضي من واهد مني
شوفي وجهه المقارنه يحط زوجته عند امه " امحق زوج " وع


جملك الله برضاه

[ام السعف]

صح في جذيه وفي جذيه
بس الكنه اهني اتقول انا هديت بيتي
وتركت أهلي مو عشان الغير يستعرض عضلاته علي
انا جيت اهني بيتكم وانتوا طقيتوا بابي واحمدوا ربكم اني وافقت عليكم فلا اطولون السانكم علي .. وتعتبر كل موقف لا يناسبها تعدي وما تعتبره ان وارد الاختلاف
يعني تبي تتفضل على العالم وكونها زوجه ولدهم فماعطه صلاحيات اكبيره لانطباعاتها
والعيب مو منها العيب من هالبعل الي عندها .. واخر شي يقول
والله انا محتار اراضي من واهد مني
شوفي وجهه المقارنه يحط زوجته عند امه " امحق زوج " وع


جملك الله برضاه

:weeping:

[|bq|]

بصراحه من ناحيتي دام الرجال امكانيته الماديه تسمح له انه يفتح بيت افضل السكن في بيت مستقل .. ما ابي اقول ان السكن في بيت افضل من انهم يسكنون مع الاهل ولكن كل مرة تحب ان تكون لها اشياء خاصه في كل شي ومابتحس بالراحه كثر اذا كانت هي صاحبت البيت ترتب وتطبخ وتامر بالخدم وتاخذ راحتها مع زوجها...الخ عكس اذا كانت محشوره بغرف وصاله ممكن تحس براحه بس مابتقدر تتصرف ببعض الامور راح تتقيد بعادات البيت الي هي ساكنه فيه ...

[love life]

تسكن في بيت بروحها احسن لها من الهم وعوار راس والمسوليه عادي الواحد شوي شوي يتعلم