زحمة سير خانقة عندنا ،،،، كم ساعة تجلس في الزحمة؟

[سلطان23]

زادت الزحمة عندنا اخر 3 سنين

سؤال : كم ساعة تجلس في الزحمة لين الدوام ؟

سؤال اخر : وش تسوي وقت الزحمة ؟ تسمع إذاعة ؟ أغاني ؟ تحفظ قران ؟ قصص انبيا ؟ او تجلس سبهللة ومضيع وقت الزحمة على ولا شي

*

[خوي الدرب]

في الزحمن ما لي خاطر اعمل شيء لأن كل تفكيري منصب في الخروج منها

[al wafi]

انا في اي زحمه ماخذ اكثر من عشر دقايق :secret:

[al-sadd]

الحمدلله الطريق الي اروح منه للدوام ماياخذ مني 10 دقايق بالكثير ^^
يمكن اكثر زحمه تواجهني عند دوار الفروسيه ولاكن ماتاخذ اكثر من دقيقتين او ثلاث

[GCC]

عن نفسي يحتاجلي٤٥ دقيقة مع الزحمة لحد ما اوصل دوامي في حين لو ما كان فيه زحمة ما يحتاجله اكثر من ٢٠ -٢٥دقيقة

طبعا القرآن الكريم خير ونيس وللي دوم يسألوني اشلون متحمل هالزحمة والانتظار بالشارع ارد عليهم بأنها فادتني في حفط اجزاء من القرآن

احيانا وخصوصا بوقت الرجعة استمع للاذاعة *

[Rashid554]

من ٢٥ الى ٣٥ دقيقه
اشوف اليوتيوب من الايباد

[يوسف الحمادي]

الطريق من المنزل الى العمل يستغرق خمس دقائق تقريبا .... ولكن عندما اعلق في زحمة المساء احاول استغلال وقتي بأفضل طريقة
احيانا اذا ماقريت القرآن استمع له
واحيانا اقرى بعض الكتب عن طريق الآي فون او ارد على ايميلات العمل
ولاتستهينون بالوقت الضائع من اعمارنا في الزحام فيجب إستغلالة بأفضل طريقة

[بوخالد911]

30 - 40 د

موفقيين

[MAZEN37]

في الزحمن ما لي خاطر اعمل شيء لأن كل تفكيري منصب في الخروج منها
راح تتعب:discuss:

[حمد بن سعد]

من البيت الى الدوام بدون زحمه يعني نقول مثال يوم الجمعه اخذ 10دقايق تقريبا .

اليوم طالع من البيت الساعه 6.55 وصلت الوام 7 ,45 خمسين دقيقه تقريبا .



طبعا في الزحمه ان من النوع الي يتنرفز بسرعه الهي نفسي اشغل القران العب في البي بي وال الايفون اعدل الكشخه خمس مرات ههههههههههههههه

الله المستعان

[عذب الكلام 1]

كل يوم اطلع متااخر نص ساعه واواصل الشغل مرتاح وجربت مع الناس نفس الشي

[abdo222]

عندي فوق ال 7 دورات لدكاتره ومدرسين ههه خلصت 3 منهم في شهر (كل دوره تقريبا 6-8 ساعات) من كثر الزحمه هه (دورات عن: الحياه الزوجيه, الفراسه, الطموح , تفسير قران و و و )

وشريت زياده 3 روايات انجليزيه سي دي للسياره,, على هال المنهاج اتوقع اخلص كل الدورات والروايات في اقل من شهرين,, الله يصبرنا

يوميا من ساعه- 3 ساعات في السياره بغرض شغل السايت والمشاوير

[تحداني]

3 دقايق و20 ثانيه اذا كانت الاشاره خضره
اما اذا كانت حمره 4 دقايق و16 ثانيه


اوقات اسمع صوت الخليج
واوقات كيف اصبحت
واوقات دبي اف ام
واوقات موسيقى
واوقات ارد على المسجات والايميلات
واوقات افتح الدرايش واسمع ازعاج السيارات


على حسب


جملك الله برضاه

[Al-Kuwari]

على حسب الزحمه

اخذ من 25 دقيقه الى 45 دقيقه

وفهالفتره اسمع قرآن والحمدلله لاحظت على نفسي اني حفظت بعد الايات والصور من كثرة الاستماع بشكل يومي

[روح الاطلس]

الزحمة جعلتني اختم القران 4 مرات في عشرين يوم :)

والحمدلله

بالنسبة لي لا اعرف الملل في الزحمه مع اني اخذ بحدود ساعه وربع لقطع مسافة 16 كيلو فقط !

بعض الاحيان اخذ كتب معاي
بعض الاحيان اخذ فطوري
واوقات الدراسة كان هالفترة اقضيها بالمراجعه واحيانا اخذ اللاب توب واخلص بعض الابحاث

ما اقعد على روتين واحد احب اغير كل فترة وتيجي فترات بس اتأمل في العالم كل يوم التأمل لوحده عالم آخر :)

[The Watcher]

وانا رايح الدوام أخذ حوالي ٤٥ دقيقة
وفي الرجعة نص ساعة

هذا غير المشاوير الثانية

أنا استمع لمجموعة ضخمة من الدورات والمحاضرات

[روح الاطلس]

تحداني الزمن

ماشاء الله بس ثلاث دقايق .. عيل مافي داعي للسياره روحي مشي احسن ^_^

[ذيب ازغوى]

عندك البلاك بيري في الزحمه ماله حل

[المبرمج صلاح]

الحمد لله لا اواجه زحمة عادة
ولكن بعض الاحيان في اوقات حرجة في الدورات الرئيسية اجلس من 20 - 40 دقيقة
استغلها في صلة الرحم بالاتصال بالوالدة والوالد والاقارب والاصدقاء وبعض الاحيان اخطط للمستقبل وحياتي العملية

[تحداني]

تحداني الزمن

ماشاء الله بس ثلاث دقايق .. عيل مافي داعي للسياره روحي مشي احسن ^_^


أما إنتي روح الأطلس تخيلي امر الشارع الرئيسي ابعبايتي وابكعبي وابشنطتي. .. أحس شكلي يضحك

مكان دوامي من بيتي محسوده عليه

جملك الله برضاه

[روح الاطلس]

أما إنتي روح الأطلس تخيلي امر الشارع الرئيسي ابعبايتي وابكعبي وابشنطتي. .. أحس شكلي يضحك

مكان دوامي من بيتي محسوده عليه

جملك الله برضاه


ههههه

الله يبعد عنج الحسد ويوفقج بالدنيا والاخرة

كنت اتغشمر معاج لو احنا بديرة ثانيه كان الوضع سهالات :nice:

[Dawn]

7 دقايق
اقرا فيهم اذكار الصباح

والمع الجوتي
وألبس الساعه
واسكر ازرة كم القميص
واتعبث بالتلفون
وفيه ايام اغير الشنطه في السياره اقعد انقل الاغراض من شنطه لشنطه



وبس وصلنا الشغل

[تحداني]

ههههه

الله يبعد عنج الحسد ويوفقج بالدنيا والاخرة

كنت اتغشمر معاج لو احنا بديرة ثانيه كان الوضع سهالات :nice:




الله يرضى عليج
يعني مب محسوده بمعنى محسوده بس أطلع من البيت آخر وحده وأوصل أول وحده وبعد ما أوصل أشيك عليهم وتعالي إسمعي بس نبره الغبطه


قولي بس ان شاء الله ما يشدون دوامنا أسمع شي من هالكلام اليوم


انتي بالنسبه لي الفار والقطو الي حبيته حب هالكثر


جملك الله برضاه

[Lap top]

يا ربي عالزحمه الصبح اطلع من البيت بدري عشان ما تصيدني الزحمه لان دوامي بعيد عن البيت ...

تقريبا نص ساعه و الشارع فاضي و ساعه الا ربع اذا زحمه وانا قمت متاخره

في اوقات الويك اند الصبح بدري اوصل الدوام ربع ساعه

ام في العصر يا الله ما ادرك اما العصر في الويك اند زحمه الين اخر اشارة في الشارع في الروحه والرده

اطلع من البيت قبل الدوام بساعه ونص تقريبا و حزات ساعه بس عشان اوصل على الاقل اوصل قبل الوقت

اغلب الاوقات اسمع اذاعة القران او تكلم بالتلفون .. او البي بي برودكاستات

و حزات اكمل مكياجي في السيارة الين اوصل الدوام

اكره الزحمة في الحر اووووف

[ولد البدر]

انا دايما اشغل القران الكريم ومن ثم وطني الحبيب *

[غايه الطواش]

اربع دقايق بالضبط :)

[الإكسير]

ساعه :weeping: لين ماوصل شغلي..من شمال قطر لين جنوبها
اسمع الاذاعه :) ومرات ادش النت وحزات اتصل فالربع:telephone: ...

[نيساني]

كنت اقول زحمه بس لما شفت زحمة دبي قلت الحمدلله والله احنا في نعمه


والله يديمها علينا آمين

بس اذا صادفت زحمه سيده افتح منتدى الاسهم من الاي فون


وشكرآ على الموضوع

[الـقـاسـي]

انا الحمد لله قبل كنت اخذ تقريبا ٤٥ دقيقه اذا مب اكثر ,,

بس الحين بعد ماتغير دوامي اخذ عشر دقايق بالكثير وانا امشي على الراحه واشيك على الايميلات

[باراكودا]

تفكيري في الزحمة ينصب أشلون ازرق وأستغل الفرص أحشر نفسي بين باصات التاتا
والف على التنكر واتجاوز اللوري واصف جدامه أحصل نفسي في المقدمة وقبل لااوصل المقدمه البس حزام الامان وأخش ساندويش الفلافل والبيبسي .

[تحداني]

تفكيري في الزحمة ينصب أشلون ازرق وأستغل الفرص أحشر نفسي بين باصات التاتا
والف على التنكر واتجاوز اللوري واصف جدامه أحصل نفسي في المقدمة وقبل لااوصل المقدمه البس حزام الامان وأخش ساندويش الفلافل والبيبسي .




:) .. :)

عجيب انت


جملك الله برضاه والله يحفظك يارب

[بوحارب]

دوامي من الفجر حتى قبل شروق الشمس :( والحمدلله مفتك من الزحمة لكن مب مرتاح في الرقده هههههه

واذا نشبت في زحمة اتصفح البي بي واطرش برودكاستات يعني فاضي عمل تقريبا

[بوخالد911]

دوامي من الفجر حتى قبل شروق الشمس :( والحمدلله مفتك من الزحمة لكن مب مرتاح في الرقده هههههه

واذا نشبت في زحمة اتصفح البي بي واطرش برودكاستات يعني فاضي عمل تقريبا

يا خي : لا تطرررش برود كاست ونت بالزززحمة
لأني مشغووووووووووول

:anger1::anger1::anger1::anger1: