استفسار : السياحه في جولد كوست ... استراليا

[لولو ومرجان]

مرحبا اعزائي ،، انا ناويه ان شاء الله اصيف في جولد كوست وحبيت استفيد من ارائكم وتجاربكم اذا سمحتوا ....
افضل خطوط طيران ،، افضل سكن ،،افضل المناطق الترفيهية ،،افضل المطاعم و،،وغيرها ....
لاتبخلوا علي بالرد وجزاكم الله كل خير ...

[blueZircon]

رجعتي لنا ذكريات الجولد كوست ، مدينه روعه الصراحه وفيها الكثير من الأنشطه السياحيه ، بخصوص الفنادق أختي إذا كانت سفرتكم عائليه فاأنصحج بشقق فندقيه لفندق جديد تؤه فاتح اسمه
Sea temple surfers paradise at soul
ويطل على البحر مباشره وفي قلب المدينه النابض. اللي يسمى بالسيرفرس برادائز ، الفندق راقي وشرح ، آخر مره سكنت فيه وارتحت فيه وإيد ، المحلات. والمطاعم والكوفيات وحي العرب كلها تحتج . وعندج خيار ثاني. للسكن إلا وهو فندق
The tower of chevron الحلو اللي فيه أنه فيه مجمع تحت تابع للفندق وفيه جميع الخدمات جمعيه ومطاعم وكوفيات ،
واذا السفره مب عائليه فاأنصحج بفندق إلهيلتون ، وإيد راقي ومكانه بعد استراتيجي ،

[blueZircon]

أفضل خطوط طيران ؤمن دون منازع هو طيران الإمارات لأنها تروح دائركت من دبي لين سيدني وبرزبن ، طبعا إذا كانت وجهتج النهائبه هي القولد كوست لازم تنزلين في مطار برزبن اللي تبعد عن قولد كوست أقل من ساعه بالسياره ، القطريه مشكلتها بس تروح ملبورن ، وملبورن تبعد عن برزبن ساعتين بالطياره ، والتذاكر بتطلع عليكم أعلى لأنكم بتضطرون تستخدمون الطيران الداخلي . واحلى وقت الصراحه هو الصيف وخاصه إذا رحتوا سيدني ، سيدني بالنسبه لي عشق لاينتهي. استأنس فيها أكثر من قولد كوست بحكم أنها راقيه وتجمع مابين الجمال الشاطئي والريفي ، وان شاءلله أنا مخطط شهر العسل راح أقضيه بين سيدني وقولد كوست وجزيرة هاميلتون ،

وبخصوص المطاعم بشكل عام بإاستراليا بتحصلين كل أنواع المطاعم واغلبها حلال ولله الحمد ، أنصحكم تجربون ناندوز لأنه أكلهم هناك خيالي ومطعم برتقالي اسمه oporto ,
واذا رحتوا سيدني ، فيها مطاعم خياليه ؤمنها مطعم زعفران الهندي ،. أنصحكم بزيارة سيدني لأنه من تجربه بتعجبكم أكثر من القولد كوست ،

شهر. سته و سبعه وثمانيه. يكون عندهم شتا ، فجهزوا ثياب شتويه لأنه هالفتره هي عز الستا ، دائما شتاهم جاف وحلو ، قولد كوست جوها مب بارد كثير مقارنه مع سيدني ،

وحاضرين لأي استفسار آخر

[naklan]

هلا اخوي لولو ومرجان استراليا احسن بلد زرته وستانست فيه
بالنسبة للشرح عن قولد كوست ما قصر اخوي blueZircon :nice:


شوف صور عن رحلتي لقولد كوست قد تفيدك
موفق اخوي :)

http://www.qatarshares.com/vb/showthread.php?t=478581&highlight=%C7%D3%CA%D1%C7%E1%ED%C7

[للصبر اخر]

بالتوفيق

[Bozizoo]

الله يالجولد كوست و برزبن وسدني و ملبورن
ذكرتوني بالايام الخوالي
بس انا من رائي ان افضل وقت لزيارة استراليا هو في من شهر 12 لين 4
يكون صيف عندهم لان في الشتاء ماتقدر تطلع اماكن وااايد
ولا تقدر تسمتع بالالعاب خاصه اكثر الالعاب مائيه هناك
عموما الي يرووح استراليا ولا يرووح دارلنج هاربر كنه ما راح
و امكان كثيره ممكن الواحد يروحها
حتى شهر ماتكفيك
واااايد روعه اعيالي حنون علي يبون يروحون

[Bozizoo]

ملاحظه في احد الاخوان السوريين مشهود له بالامانه و الاخلاص
عايش هناك
ممكن تتواصلين معاه ولا راح يقصر معاك
ويعز القطريين واايد