حديده فاصله بين بلاط الغرفه وبلاط الحمام

[المزن الرياني]

السلام عليكم
شفت بمكان عباره عن حديده فاصله احتمال المنيوم تتركب بالارض وتفصل بين بلاط الغرفه
وبلاط الحمام

ياريت اللي يعرف شلي اقصده ويعرف مكان بيعها يفيدني
دورت بكافود و نابينا والعمودي ومالقيت

[ولد المنصور]

يمكن تفصيل عند الالمنيوم ؟ او شوف رافكو او محلات السجاد ...

[محامية قطر]

اعتقد الأفضل يكون الفاصل بين الغرفة والحمام الحاجز اللي يكون من الرخام أرتب وأأمن في حالة تسرب الماء من الحمام
أما الفواصل الألمنيوم تستخدم عادة للموكيت

[OREO]

الحديد تستخدمه اذا الفاصل بين الغرفه و الممرات و شرط تكون الغرف فيها موكيت او العكس لاجل طرف الموكيت ما يخترب و هذه الحديد غرضها حماية طرف الموكيت،،، اما بخصوص بين الغرفه و الحمامات و انت بكرامه لازم تحط قطعة رخام لاجل اذا الحمام خر ماي او شي جذي ما يدخل الماي على الغرفة،،

بخصوص الحديد ،، روح مفروشات الخليج راح تحصله لان من فتره لقيت عندهم كذا نوع ،، من تدخل من البوابه الرئيسيه روح يسار و راح تشوف القطع في ويهك ،،

موفق ان شاءالله ،،

[abunaif]

موفق ان شاء الله

[مرحوم قطر]

الافضل انك تشرتي لك قطعة رخام و تقطعها بالطول و تخلي عرضها 3 او 3 سانتي

و تفصل ابهم الحمام عن الغرفه سكله ارتب و احلى و ارخص و اسلم و بيتم طول العمر

[captin]

الافضل انك تشرتي لك قطعة رخام و تقطعها بالطول و تخلي عرضها 3 او 3 سانتي

و تفصل ابهم الحمام عن الغرفه سكله ارتب و احلى و ارخص و اسلم و بيتم طول العمر

هذا هو الحل المثالي

[احساس شايب]

الرخام افضل وارقى
ويحطونه في الحمامات ومدخل البيت الرئيسي علشان الغبرة

[المزن الرياني]

اشكر الجميع على الرد
الرخام آخر الحلول عندي

[khaldoon]

يفضل اخوي انك تسوي عتبه رخام و لو ما تبي تقدر تخلي بلاط الحمام اخفض من بلاط غرفة النوم او الممر ب 2سم


الحديدة اللي تتكلم عنها ...هي مثل الالمنيوم مب حديد و وزنها خفيف تكون في محلات الموكيت و يجي نوعين ....نوع يفصل بين نوعين او لونين من الموكيت و نوع اخر يفصل بين الموكيت و البلاط (بكافة انواعه)