مدرسة جديدة وقطرية الزيادة ماتشملني ... تعالوا شوفوا

[صوت الضمير]

السلام عليكم و رحمه الله و بركاته

عندي استفسار بالنسبة لزيادة أنا خريجه جديدة و توظفت فمدرسه و قالوا إن الزياده ماتشملني لأني توظفت بعد القرار ..؟؟
هل الزيادة بس للي كانوا متوظفين وقتها ؟؟

طيب وش ذنب الخريجين الجدد ؟؟ وش فايدة شهادتهم الجامعية إذا رواتبهم نفس رواتب الثانوية اللي استلموا الزيادة ؟؟؟

قالوا لي الراتب 18 الف ... مع العلم انه السكرتيره معها شهادة ثانوية وتسلم 18


هاذي رسالة صديقتي اوصلها للاصحاب القرار

هل فعلا المدراسات الجدد لاتشملهم الزيادة؟؟

ام ان كل صاحبة ترخيص تخيط وتبيط على كيفيها

ضروري مناقشة اصحاب الخبره

أبداع

[اللورد]

يتم تعيينك على بداية الدرجة السابعه. بلائحة رواتب المدارس المستقلة الجانب الاكاديمي. والزياده تشملك طبعا

[سان سيمون]

يتم تعيينك على بداية الدرجة السابعه. بلائحة رواتب المدارس المستقلة الجانب الاكاديمي. والزياده تشملك طبعا

مثل ما قال الاخ واذا تبين تتاكدين راجعي المجلس الاعلى في منطقة الأبراج عند الاخت هدى ياقوت لنحسب لج بالضبط الراتب كم واذا انت مدرسةفراتبج لا يقل عن 30 الف

[ذكي جدااا]

اكييد تشمللك مليون بالميه

[sendarala]

الله يعينها ،،،،، مدارس واهواء مديرات

[روح الاطلس]

ماهذا الهراء!!!!

[تاجر كشخة]

الله يوفقج ويعطيج نصيبج ...... أميين:shy:

[المرسى الأخير]

عزيزتي ماله خص

صديقتج توظفت بعد تطبيق الهيكل الجديد لرواتب المستقلات و الي تشمله الزيادة ٦٠٪

ما هذا الهراء !!

[برشلوني قطر]

عزيزتي ماله خص

صديقتج توظفت بعد تطبيق الهيكل الجديد لرواتب المستقلات و الي تشمله الزيادة ٦٠٪

ما هذا الهراء !!


اعجبتني ( الهراء) هههههههههههه

فعلا هراااء آخر زمن

[نتفـه]

الظاهر يبون يقصون عليها !! لا حول و لا قوة الا بالله .. اكيد فيه سوء فهم للائحه في هالمدرسه؟!

[صوت الضمير]

أشكركم من كل قلبي على ردود

هي تشوف الموضوع وتشوف ردوردكم

لانها استشارتني وقلت مالنا الا منتدىشبكةالاسهم

مشكورين ماقصرتوا ....

أبداع

[khaleeji]

لاتسكتين عن حقك الزياده للموظفين القدام والجداد

[موضي قطر]

اما غريبه .. اختي مالهم حق يعينونها على راتب بكيفهم .. فيه قانون يلزمهم

ونصيحة لا تسكت لهم

[الـقـاسـي]

شدخل يعني لو بروح الحين لوزاره مثلا بيعطوني نفس الراتب القديم بدون زياده ..

المفروض الفهلوي اللي قال هالكلام يخلون يقعد في بيتهم ويقولون له خلاص بعد الزياده معاد لك حاجه فالدوام

[صوت الضمير]

اخواني اخواتي

اليوم حبيت اتاكد اكثر

المديره تقول في لائحة جديدة والزيادة ماتشمل اللي توظفوا بعد قرار الزيادة

والمشكله موب بس هالمدرسه كلمت اكثر من صاحب ترخيص ويقول لي نفس الكلام

شسالفه

اما انهم يتلاعبون بالخريجين الجدد وخبركم ماعندنا خلفيه عن الرواتب
ولا عن شي

بس هل لهم الحق يتلاعبون ؟؟؟ اذا كنا نجهل القانون

الموضوع اكتبه عن رفيقتي افيدوها جزاكم الله خير

والا انا غاسله ايدي اتوظف في المدارس



أبداع

[basma222]

الاساسي 14400
علاوة اجتماعية 4000
بدل سكن 3500
علاوة تنقل 2000
بدل طبيعه عمل5040
المجموع 28940
بياخذواا منج التقاعد920
الباقي28020

هذا راتب التعين الجديد

اذا قالوا لج لالالا روحي الحسابات في المجلس الاعلي

[التيما]

اختي الرواتب اصلا كل المدارس مالهم شغل فيها .. انا بنفسي شفت الجدول هو عبارة عن بيانات تخزنها المحاسبة والراتب يبين على طول من المجلس الاعلى مافي مجال للتلاعب فيه صدقيني .. يعني الموضوع فيه لبس .. بس حتى لو ماخذت حقها لسبب ما بتاخذه باثر رجعي .. بس سؤال هل رفيجتج مدرسه دعم او دعم اضافي ؟ لازم تشوف شنو المسمى الوظيفي لها واكيد ينطبق عليها الجدول ..
ويا جماعه ترى تظلمون المديرات لان الجدول والراتب طلع من يدهم الحمد لله فكونا من اهوائهم ومزاجهم . *

[لمعة الالماس]

الزيادة حق الكل

اشتكي عليهم وطالبي باثر رجعي

[basma222]

اختي الرواتب اصلا كل المدارس مالهم شغل فيها .. انا بنفسي شفت الجدول هو عبارة عن بيانات تخزنها المحاسبة والراتب يبين على طول من المجلس الاعلى مافي مجال للتلاعب فيه صدقيني .. يعني الموضوع فيه لبس .. بس حتى لو ماخذت حقها لسبب ما بتاخذه باثر رجعي .. بس سؤال هل رفيجتج مدرسه دعم او دعم اضافي ؟ لازم تشوف شنو المسمى الوظيفي لها واكيد ينطبق عليها الجدول ..
ويا جماعه ترى تظلمون المديرات لان الجدول والراتب طلع من يدهم الحمد لله فكونا من اهوائهم ومزاجهم . *

الغلط من المحاسبه
انا بنتي كان لها مبالغ باثر رجعي ومانزل لها هالشهر يوم كلمات المحاسبه قالت لها ما لج شىء انت تعيين جديد قالت لها بنتي انا من 3 سنوات اشتغل وبعد قالت لها المحاسبه ما لج شىء وكلمت بنتي المديرة ولا فيه فائدة ويوم راحت الحسابات في المجلس الاعلي طلع لها مبالغ وعلاوة بعد وقالوا لها روحي للمحاسبه وقولي لها الكلام اللى قالنا لج وبعدين المحاسبه قالت لها انا اسفه وخلاص بطرش ايميل وبينزل لج باثر رجعي الشهر الجاي
الغلط كله من المحاسبه

[مخطط قطري]

معليش انا سمعت انه في مدارس تعين دايركت وفي مدارس تعين عن طريق مجلس الاعلي لتعليم يعني لي يتعين عن طريق المجلس له زياده لي موجودة في قانون الموارد البشرية لمدارس المستغله اقصد المستقلة
واذا كان عن طريق المدرسة فاراتبك لي يحددون المدرسة وبكيفهم ساعات الدوام بعد هشكل وصلني بس اذا الخبر غير صحيح يقولي عشان اتعلم مننكم؟؟؟

[حيهور]

اعتقد ان الزيادة مو على المتدربيين لان المتدربيين مالهم ززيادة اذا ثبتوكم راح تشملكم الزيادة هذا والله اعلم

[((ام خالد))]

انا رفيجتي مساعدة مدرسة تعينت بعد القرار على طول وتاخذ 14 الف والمساعدات اللي معاها من العام مشتغلين ياخذون حاليا 17 الف
الحين هل القرار يشملهم وما يشملها..؟ بليز الله يخليكم ابي حد يوضح لها

[سان سيمون]

انا رفيجتي مساعدة مدرسة تعينت بعد القرار على طول وتاخذ 14 الف والمساعدات اللي معاها من العام مشتغلين ياخذون حاليا 17 الف
الحين هل القرار يشملهم وما يشملها..؟ بليز الله يخليكم ابي حد يوضح لها

القرار يشملها بدليل14 الف مسالة فرق الراتب ممكن بسبب العلاوات الاجتماعية والسكن بالاضافة الى الخبرة. يعني الدرجة الوظيفية ممكن اعلى منها

[فطووم]

الله يوفقج حبيبتي وتاخذين حقج انشالله

[نوت]

السلام عليكم ,,بالنسبه للموضفات الي ع البند المركزي سواء اداريات او مدرسات هل تشملهم الزياده او ينزلهم أثر رجعي المتعلق بالدرجه وكيف امورهم مع التسكين الوظيفي افيدونا جزاكم الله خير بعض المحالات ع البند المركزي نزلهم شهر 11 زياده ألفين تقريبا فقط شهر 11 وماعاد نزلوها الأشهر الي بعدها شالسالفه

[com]

قرار أميري على كيفها هي

[روعة الجوري]

الرواتب تخضع للفرق في العلاوات الاجتماعية والدرجة الوظيفية وحتى بدل السكن

خلها تشيك في جدول الرواتب قبل كل شي

وترى قبل كانو التعيين المباشر ياخذون 11200 مب 18000

[ترنيمه]

الكلام هذا صحيح 100 %

صديقاتي جامعيات متوظفين إداريات بمدرسه راتبهم تقريباً 18

و قالوا لهم اللي توظفوا بعد شهر 11 ما تشملهم الزياده ..

وش هالزياده اللي تشمل ناس و ناس ..

[ساس الوفا]

لو فيه امكانيه .. اسم المدرسة اللي التحقت فيها .. ورقم الوظيفي .. وصدقيني بيوصل الموضوع عند المدير المختص ..

.. لاحول ولاقوة .. صارت مدارس ربحية مب تعليمية ..

الله المستعان ..