ممكن احد يساعدني

[(بـونـورة )]

السلام عليكم

أنا موظف وحاب اشتغل بعد دوامي في سيارة الإسعاف وبدون مقابل
يعني تطوع مني . اهم شي أن ما يكون دوامي صباح وبعد الظهر ما عندي مشاكل أداوم

ممكن احد يفيدني من الاعضاء :):):) *

[مرحوم قطر]

الله يجزاك خير و كثر الله من امثالك

[شبح الصمت]

الله يجزاك خير

سمعت مقطع حادث الشمال

المفروض كوادر شبابية من اهل قطر

او ان ما صار الشباب المقيمين الي يلمون بمناطق الدوحة ويا كثرهم

لانه الدوام صج متعب وملل بس في نفس الوقت مفروض وهم في حاجه

اسمع المقطع وقلبي يعورني

الله يرحمهم برحمته ويرحم جميع موتى المسلمين

والله يقويك اخوووي

[عنودالصيد]

ماشاءالله عليك .. هذا هم عيال قطر

[doha2012]

جزاك الله خير

والله يوفقك

[@ vip @]

هلا اخوي اولا اقول جزاك الله خير
وبعدها وليه تطوع من حقك تأخذ مبلغ على العمل مثل ما يعطون الاجانب وليش انت غير عنهم
انت ولد البلد وتستاهل بدل الراتب راتبين

والله يوفقك اخوي ويعطيك على نيتك

[alrasee]

اللي يشتغلون في الاسعاف سواء كان سائق او مسعف لهم دورات وتدريب خاص بهم وشهادات عالمية ومب متاكد اذا هالتدريب متوفر في قطر

بس هذا ما يمنع انهم يعيونون متطوعين في المناطق عشان الاسعافات الاولية او اجرءات السلامة لحد وصول الاسعاف والطاقم الطبي

[برشلوني قطر]

اعتقد ان الكثير ممكن يشتغل ذي الشغل...

بس خل يفتحون المجال ويعطون دورات تدريبيه واعتقد بتكون النتايج طيبه

قواك الله اخوي والله يعطيك ع قد نيتك

[(بـونـورة )]

اشكركم جميعا على الردود والله يجزاكم كل خير.

بس تكفون ابي احد يقولي وين اقدم وانا عندي خبرة في إسعافات الأولية وماخذ دورة في الإسعافات مدتها شهر . يخلوني سواق بس واثنين من المسعفين والامور طيبة.

والله العظيم والله العظيم والله العظيم .. مابي راتب حرام الي قاعد يصير قسم بالله حرام. *

[qataria]

الله يجزاك خير اخوي..وان شالله نسمع عن ناس ثانية تتطوع.
ونصيحتي لك اتصل في برنامج وطني صباح الخير و قولهم انك سمعت بالمأساه اللي صايرة واللي يسوقون الاسعاف ما يدلون وحاب تتطوع لانك اذا رحت دايركت للمستشفى بيتفلسفون ويقولون لازم السايق يكون عنده شهادة اسعاف (مادري شاللي فادتنا فيه هالشهاده و الناس تموت من طول الانتظار)، وخلي اللي عنده شهاده يقعد ورا مش لازم يسوق. واعتقد هذا افضل وقت علشان نضغط عليهم ونحل مشكلة السواقين اللي ما يدلون في شوارع الدوحة ونخلي القطريين هم اللي يسوقون سيارات الاسعاف.

[قطري مفلس]

جزاك الله خير

الله يكثر من أمثالك ياخوي

صدقني أنا على ثقه لو أن يفتحون المجال لشباب قطريين أو حتى مقيمين من مواليد قطر ، ماراح أحد يتأخر في هالخدمة ،،،،

ومايمنع ان يعطونهم بعض الارشادات والتعليمات ،، ومثل ما تفضلت بمساعدين يكونون معه بالسيارة وان شاء الله تصل سيارة الاسعاف بالوقت المناسب وبطرق تختصر الطرق الطويلة وتفادي اماكن الزحمة وهذا يرجع لخبرة أهل البلاد بالطرق كلها .........

والله أتمنى تستمر بهالطلب وحتى لو مثل ماقالوا الي قبلي انك تتصل على وطني الحبيب وتخلي الموضوع مفتوح قدام الملأ بدل مايتسكر من تحت ل تحت ،، وما استفدنا من الفكره الطيبة

^_^

تحياتي

[M!$s ĀŁ!eN]

انا مستعده اخدم بلادي

[(بـونـورة )]

ياجماعة الخير تدرون ان مدير الإسعاف طلع اجنبي ويقول ان الإسعاف ما تأخر
اليوم في جريدة الراية

حسبي الله ونعم الوكيل

[(بـونـورة )]

اتمنى أنا الموضوع يوصل حق المسؤولين ويوافقون على المتطوعين لخدمة الشعب

[q6r2009]

جزاك الله الف خير وجعله في ميزان حسناتك ..

[eXpert*]

النقطة ليست في سائق الإسعاف فحسب .

1) الطرق في قطر غير مهيأة للسيارات الإنقاذ و الإسعاف ،، .

2) ثقافة فتح حركة السير في الشوارع إلى الآن تجد بعض السائقين بين المطرقة و السندان ،، وده يفتح للأسعاف ولكن خايف يقطع الإشارة ويدفع 6000 ريال !! (طبعاً أغلبهم جنسيات أسيوية).

[(بـونـورة )]

كلامك صحيح وهي من الأسباب أيضاً

[نتفـه]

الله يجزاك خير اخوي .. كفوووو

[مستر راشد]

مشاءلله

بيض الله وجهك

[خليفـة]

وليش يا الغالي تشتغل بدون مقابل ؟
لا يكون احنا في بلاد تعاني من مجاعة ؟؟؟
الحمدلله الخير وايد .. وانت ولد الديرة
وتستاهل راتب مُجزي ويكون اعلى من راتب التونسي او الموظف الأجنبي اضعاف مضاعفة
جزاك الله خير على هالمبادرة الطيبة .. والله يوفقك ان شاء الله اخوي

خليفــة

[الحياة الخالدة]

بارك الله فيك أخي الكريـــــــم

الله يعطيك على قد نيتك الطيبة

[بصمة قطرية]

كفووووووووووو عليك والله
بيض الله وجهك ..
الله يكثر من امثالك ..
ان شاء الله يوصل صوتك للمسؤولين و يدركون ان القطري او المقيم في قطر
انسب من اللي ما يدلون شوارع قطر ..
و ارواح تروح بسبب تأخرهم ..
مثل ما قالوا لك اتصل وطني الحبيب
ووصل صوتك ..

يارب تبشرنا بالوظيفـــة ..
الوظيفة وليس التطوع ..
تستاهل الله ياخوي ..
ربي يوفقك ..
الله يجزاك خير ~

[شمـوخ]

اشكركم جميعا على الردود والله يجزاكم كل خير.

بس تكفون ابي احد يقولي وين اقدم وانا عندي خبرة في إسعافات الأولية وماخذ دورة في الإسعافات مدتها شهر . يخلوني سواق بس واثنين من المسعفين والامور طيبة.

والله العظيم والله العظيم والله العظيم .. مابي راتب حرام الي قاعد يصير قسم بالله حرام. *


الله عليك .. الله يبارك فيك ولك ويخليك لعين ترجيك
جزاك الله الف خير .. والله دمعت عيني حسيت الدنيا
للحين فيها امثالك اللي تتحرك قلوبهم ويسعون بدون مقابل
في خدمات انسانيه غير مريحه على الاطلاق وفيها تعب نفسي وجسدي
الله يوفقك ويكثر من امثالك يارب



احترامي وتقديري

..

[(محمد)]

جزاك الله خيرا وجعلها في ميزان حسناتك يوم القيامة

[مهرة]

ماشاءالله .. الله يعطيك على قد نيتك ويجزاك بكل خير وبميزان حسناتك والله يكثر من أمثالك وان شاءالله تلاقي مرادك ويوصل صوتك لكل المسؤولين وأتمنى نشر التوعية ودورات الأسعافات الأولية اجباري لكل الدوائر الحكومية والخاصة بحيث تصل إلى أكثر عدد ممكن .. وتراها سهلة وتاخذ اجر في انقاذ الأرواح..

يعطيك العافية اخوي الفاضل على هذه المبادرة الطيبة وياريت تخصصون جمعية لشباب قطر بمايخص هالمجال والله يوفقكم ..

[مسكين قلبي]

جزاك الله كل خير

وبارك الله فيك والله يوفقك

[(بـونـورة )]

الله يجزاكم خير

والله اتمنى اخدم إخواني

[أم حمد]

جزاك الله كل خير

وبارك الله فيك والله يوفقك

[المدريدي]

ما شاءالله عليك يا بونورة كلام يقشعر له الابدان

وينكم يالمسؤولين شوفوا كلامه شوفوا يبغي يخدم بلاده بدون مقابل

عاد من منكم يحس ويتحرك مشاعره لهذا الكلام

[khaleeji]

وانا حاضر اداوم كل خميس زام ليل بدون مقابل

واذا فيه موافقه علمني يابونورة

[(بـونـورة )]

ان شاء الله يوافقون علينا. أنا ابي كل يوم ما عندي مانع من الأحد لين الجمعه

ابي احد يوصلنا للمسؤولين

[المدريدي]

ان شاء الله يوافقون علينا. أنا ابي كل يوم ما عندي مانع من الأحد لين الجمعه

ابي احد يوصلنا للمسؤولين

ان شاءالله