الان خط 22 فبراير زحمه رهيبة !!!

[Mohammed2]

الله يعين اللي في الخط احين :(
انا فالزحمه والسبب حادث 3 سيارات
كروزرين وبيكم

[هآيدي]

لآحول ولآ قوة الا بالله

[Mohammed2]

الحادث صاير على جسر الجوزات ( سوق العلي )

[basma222]

الله يحفظهم

[الحياة الخالدة]

لا إله إلا الله

الله يحفظ الجميع

[@north_star@]

الله يحفظهم جميعا وصدقا هالشارع كنه حلبة سباقات وراليات

[الزعفراني]

هذا المشروع ضمن عدة مشاريع للأسف " التخطيط " فيها كان صفر ع الشمال .

[للصبر اخر]

انا الليوم بغيت ادعم ع الخط بسبة اللي شاخط وراي
وما اقدر اخذ يمين فيه سيااره
اربكني ووتر اعصاابي
الله المستعان

[بصمة قطرية]

لا اله الا الله
ان شاء الله ما يكون في اصابات :(
أكره هالشارع احسه وايد خطر ..
العالم كأنها في رالي ,, :(
الله يحفظ الجميع و يكفينا شر الحوادث
اللي زادت كثير في الفترة الأخيرة .. :(

[بـارود]

مستخدم هالطريق - المسكين - هو اللي يدفع فاتورة - غباء - مسؤولي ومنفذي المشروع

:(

[عالي الهمم]

هالشارع مصيبة ... زحمة , وسباق (( عااد يعجبك اللي مسوين فيها حلبة لويسيل , واحد بأقصى اليسار وواحد بأقصى اليمين ..ودعس ))

ولا مخارج زي الناس ولا مداخل زي الناس

يعني المخرج قبل المدخل بـ 100 متر .. يعني انت تدخل وواحد يخرج .. بالعربي حركة المقص

لا عااااد بعض البشر اللي جاي داعس ومش مصدق مركب فلاش عالموتر يقعد يزعج العالم .. (( احلى بريك بوجهه يتسنع فيه )) ..

ولا عاد انا اللي كنت بدعمه اليوم ماسك اليسار وانا وراه , ورااح يمين وما صدقت دعست انا , الا ويرجع يسار (( الظاهر تراجع عن قراره (: )) الا انا ملصق بالجدار .. تكفون هذا اضعف الايمان معاه الدعاء عليه .. -_-

الله يستر علينا بس..

[بوحارب]

شارع غبي الصراحة صرت اتجنب امر منه

[الخزرجي قطر]

الله يحفظ الجميع ان شاالله

[Rashid554]

القيادة في هالشارع وخصوصا من الاسيوين الي اطلق على قيادتهم " القيادة الباردة "
يعتبرون هم السبب الاساسي في معظم الحوادث مع بعض الحريم
البريكات + البرود القيادي = حوادث

[البحار00]

يا جماعه خل يشوفون لهم حل مع الي يسووووق ٥٠ وماسك الخط اليسااار

مجمع سيارات خلق الله وراة


ومنهم بعض الأوروبيين الي لاكبست له ليت

قام وسوى الحركه الي تدل على تربيته

أظن فهمتوها !!!

[airbus]

هدا الشارع تدري ليش غبي لانه يلتقي فيه نوعين لسايق السريع ابو 140 والبطيء ابو 60 وطبعا حادِث مية في المية من الطرفين !

والحل انه يمنع اي شخص يمشي 60 الي يمشي يصيده الرادار بتقلل نسبة الحوادث وتقلل عدد السيارات لان في ناس بتصير خايفة من الرادار الي بيصيدها على 60

ادا مايقدر المرور يصيد الي يمشي 60 ينشروا خبر بانه بيتم مخالفة اي شخص يمشي 60 والمخالفة متلا 6000 ريال متأكد تنقص عدد الحوادث في هدا الشارع بنسبة كبيرة

[وطن]

العيب مب في الطرق
العيب في بعض مستخدمين الطرق

اللي صج عبالهم حلبة سباق وراليات

انا الحين قاعده في بيتنا واسمع اصوات سيارات تشخط
تقولون قاعده جنب حلبة الرالي

crazy

[بوخالد911]

الله يعين

الحل كثروا كاميرات الرادارات

[باراكودا]

فعلا هذا الشارع يحتاج الى توسعة بسبب العدد الهائل من السيارات ومن المتوقع العدد يتضاعف
بعد أفتتاح المراكز التجارية جديدة الشارع يحتاج الى حل عاجل لايحتمل التاخير أنا ارشح هذا
الشارع بأن يصبح مثل شارع زايد في المستقبل على الجهات المختصة عمل اللازم من الان
يجب عمل ثمانية مسارات بدل ثلاث وعمل جسر خاص لكل مركز تجاري .وقد اعذر من انذر .

[الإكسير]

سكروا اللفه من اشارات الاند الي تدخلك على خط 22 والسبه الحادثه خلونا ناخذ لفه طويله بس الحمدلله ماكانت ذيك الزحمه على دوار المرخيه