نصايحكـم : صبغ الفيلا الخارجـي :.. ـــــــــــــــــــــــ !

[بو الجوري]

السلام عليكـم ورحمة الله و بركاته

شخباركـم

على نهاية هالشهـر ببدأ بـ الصبغ الخارجي للفيلا
إن شاء الله

فطبعاً نصايحكـم لي و لغيـري مفيده

ومنها ناخذ تجاربكـم
:)

أمس كنت عند راعي الجبس أخلص حساب الجبس و الصبغ الداخلي

فتناقشنـا على الصبغ الخارجي :..

فقال الصبغ العادي المتعارف عليه في أغلب الفلل
اللي هـو بـ 12 ريال

لكـن نصحني إني أصبغ ( جوتاشيلد توب كوت )
يقول هذا أحسـن و يـعـمّر أكثر من العادي
و حسبلي إياه بـ 23 ريال

يعني تقريباً الدبل :(

هو عجبني ، لكـن قلت أستشير أهل الخبـره :)

و هذي صورتـه وفي كذا نوع
خشن ، ناعـم ، مطفي ، لميـع ،،


http://im12.gulfup.com/2012-01-17/1326777592381.jpg (http://www.gulfup.com/show/Xbco8v69nygc)


ولقيت هالكلام فالنت :

جوتاشيلد توب كوت
(الحماية الخارجية القصوى التي يمكنك الإعتماد عليها)


إنه الحماية الخارجية القصوى التي يمكنك الإعتماد عليها

دهان خارجي عالي الجودة ، مكوّن من الإكروليك النقي
مما يجعله غير ضار بالبيئة و ذو مظهر نهائي
أملس ورائع
إن جوتاشيلد توب كوت بدرجات لمعانه المختلفة
(مات/سيلك/جلوسي)
يقاوم الأشعة فوق البنفسجية
ويمنع تراكم الغبار ويؤمن الحماية والإستمرارية للأسطح الخارجية
http://www.alfarestrading.com/images/articles/i151453.jpg

[بودحوم]

وعليكم السلام

تبي صبغ يعمر معاك اطول فترة عليك بصبغ جوتشلد من جوتن


http://www.jotashield.com/jotashield_extreme.html

[بو الجوري]

تسلم بودحوم :..

وهو نفسه اللي أنا أبغيـه ( جوتاشيلد توب كوت )

[كبير المتداولين]

اخوي ابو الجوري جوتاتشل من جونتون توكل لايعلئ عليه عن تجربه الخشن مب شي

[فيزيائية]

انا صابغة بيتي من ثمان سنوات اللون ممتاز و اللمعة ومايمسك الغبار

الله يوفقك

[ايزو]

كل الأصباغ وظيفتها الحمايه الخارجية فاصبغ على قد فلوسك واهم شي مراحل الصبغ تكون صحيحة والبلاستر جيد

[فويرط]

مرحبا اخوي

انا كنت في البداية باصبغ صبغ خارجي المتر 25 ريال .. تقريباً نفس اللي بتركيبه او قريب منه ،، وفيه مواصفات وايد .. وطريقة صبغة بمكينة ... ولاني انا كنت باصبغ السور بس ... فطلع عليي كامل 13000 ريال .

بعدين شفت صبغ خارجي جوتن (جوتاشايلد) بعد هذا صبغ خارجي وزين للصبغ برع البيت
ويصبغونه برولر ... يعني ينصبغ عادي .. والمتر 12 ريال

وبعد مافكرت .. وقلت مثل ما قال اخوي العضو (ايزو) إن ( كل الأصباغ وظيفتها الحمايه الخارجية فاصبغ على قد فلوسك واهم شي مراحل الصبغ تكون صحيحة والبلاستر جيد )

فقررت إن أسوي جوتاشايلد اللي المتر بــ 12 ريال وطلع علي تقريبا 6800 ريال ، نص السعر تقريباً

الحمدلله ... صبغت ... والصبغ تمام ... والامور طيبه

وجهة نظري ... اذا صبغت صبغ عادي بالرولر مثل (جوتاشايلد) مستقبلاً اذا بغيت تكسر شي وتصبغ مكان صغير ... تقدر تسوي .. اما بذاك الصبغ اللي بومكينة ... ماعتقد يجيك على مكان صغير يصبغلك أياه .. بتضطر تصبغه صبغ عادي

الله يوفقك اخوي

[بوحارب]

انا صابغ فيلتي صبغ رملي وصارله 3 سنين وللحين ماتقشر ولا شي انصحك فيه بوجوجو

واذا تبي صباغ محترم طرشلي على الخاص :)

اعرف واحد صابغ لنا 5 فلل والصراحة شغله ولا اروع وسعره مايحتاي بعد

[بو الجوري]

اخوي ابو الجوري جوتاتشل من جونتون توكل لايعلئ عليه عن تجربه الخشن مب شي

تقصد العادي ! اللي بو 12 ريال


انا صابغة بيتي من ثمان سنوات اللون ممتاز و اللمعة ومايمسك الغبار

الله يوفقك

ممكـن تقولين أي نوع تقصدين :)
هل هو العادي و إلا اللي انا قلت عنـه وحاط صورتـه ؟


كل الأصباغ وظيفتها الحمايه الخارجية فاصبغ على قد فلوسك واهم شي مراحل الصبغ تكون صحيحة والبلاستر جيد

بس اللي أعرفـه أخوي إن صبغ عن صبغ يفرق :..
يعني في اللي يتقشـر و مع المطـر لونـه يتغير
وفي العكــس



مرحبا اخوي

انا كنت في البداية باصبغ صبغ خارجي المتر 25 ريال .. تقريباً نفس اللي بتركيبه او قريب منه ،، وفيه مواصفات وايد .. وطريقة صبغة بمكينة ... ولاني انا كنت باصبغ السور بس ... فطلع عليي كامل 13000 ريال .

بعدين شفت صبغ خارجي جوتن (جوتاشايلد) بعد هذا صبغ خارجي وزين للصبغ برع البيت
ويصبغونه برولر ... يعني ينصبغ عادي .. والمتر 12 ريال

وبعد مافكرت .. وقلت مثل ما قال اخوي العضو (ايزو) إن ( كل الأصباغ وظيفتها الحمايه الخارجية فاصبغ على قد فلوسك واهم شي مراحل الصبغ تكون صحيحة والبلاستر جيد )

فقررت إن أسوي جوتاشايلد اللي المتر بــ 12 ريال وطلع علي تقريبا 6800 ريال ، نص السعر تقريباً

الحمدلله ... صبغت ... والصبغ تمام ... والامور طيبه

وجهة نظري ... اذا صبغت صبغ عادي بالرولر مثل (جوتاشايلد) مستقبلاً اذا بغيت تكسر شي وتصبغ مكان صغير ... تقدر تسوي .. اما بذاك الصبغ اللي بومكينة ... ماعتقد يجيك على مكان صغير يصبغلك أياه .. بتضطر تصبغه صبغ عادي

الله يوفقك اخوي

شاكــر مداخلتك أخوي فويرط :..
وكلامك صحيح ،، لكـن انا ودي في شي مايتغير لونـه بسرعـه مع المطـر و يتقشر



انا صابغ فيلتي صبغ رملي وصارله 3 سنين وللحين ماتقشر ولا شي انصحك فيه بوجوجو

واذا تبي صباغ محترم طرشلي على الخاص :)

اعرف واحد صابغ لنا 5 فلل والصراحة شغله ولا اروع وسعره مايحتاي بعد

تسلم بوحمني عالمداخلــه :..
و الصباغ موجود لكـن أبي أقرر نوع الصبغ :(

و الصبغ الرملي بكـم متره حسبلك !!

[الســـهم]

هلا اخوي بو الجوري ..

انا اخترت نفس نوعية الصبغ ولكن من شركة همبل والمتر بـ 25 ريال ..

استقريت على هالنوع لانه يتجدد ويصير نظيف اذا جا عليه ماي , ولقيت كثير مشاريع حكومية وخاصة مصبوغه بهالنوع وطالعه حلوة وللحين تحس الصبغ جديد ماتغير ..

اهم شي ان الصباغ يعطيك ضمان على اساس اذا صارت اي مشكله خلال فترة الضمان يكون هو المسؤول عن تصليحها ..

بالتوفيق اخوي بو الجوري , وانا مع هالنوعيات من الاصباغ لانها تدوم اكثر من غيرها ..

[بو الجوري]

هلا اخوي بو الجوري ..

انا اخترت نفس نوعية الصبغ ولكن من شركة همبل والمتر بـ 25 ريال ..

استقريت على هالنوع لانه يتجدد ويصير نظيف اذا جا عليه ماي , ولقيت كثير مشاريع حكومية وخاصة مصبوغه بهالنوع وطالعه حلوة وللحين تحس الصبغ جديد ماتغير ..

اهم شي ان الصباغ يعطيك ضمان على اساس اذا صارت اي مشكله خلال فترة الضمان يكون هو المسؤول عن تصليحها ..

بالتوفيق اخوي بو الجوري , وانا مع هالنوعيات من الاصباغ لانها تدوم اكثر من غيرها ..

شاكـر مداخلتك :..
ومثل ماقلت مع الماي يصير نظيف :..

[ايزو]

[QUOTE=بو الجوري;7932001][FONT="Arial"][COLOR="Purple"][SIZE="



بس اللي أعرفـه أخوي إن صبغ عن صبغ يفرق :..
يعني في اللي يتقشـر و مع المطـر لونـه يتغير
وفي العكــس

الصبغ نفسه ما يكون في مشكله والتقشير سببه الصباغ اذا يحاول يخفف في الصبغ عشان يوفر او الصبغ على بلاستر لين مش متعالج

[كبير المتداولين]

مادري كم متره بس الدرام تقريبا ٣٥٠ ريال كلفتني الفله مع السور ١٥ الف

[QTR-SOUL]

اخوي ليش ماتبلط احسن من الصبغ ويسوي عازل صيفا شتاء
اعرف ناس مبلطين بيتهم من 5سنوات نظيف ويلمع قالوا لي البلاط من كافود المتر ب20ريال
الراي في الاخير يرجع لك
اسف على المداخله
ماحبيت اطلع بدون ماارد:)

[سهم قطر]

شلون يبلط يعني يحط بلاط على السور والفيلا

[Northman]

استخدم صبغ همبل. عن تجربه. اشوفه أحسن من جوتن

[بو الجوري]

شاكر مداخلاتكـم :.. و نصايحكــــــم


بس سؤال لـ qtr-soul شقصدك بالبلاط !!!
اللي أعرفه يا حجر أو صبغ

البلاط شفته فالصالات و المجالس و حلو :..
لكـن عمري ماشفتـه برع الفيلا !!!

[QTR-SOUL]

انا شايف بيوت من الاهل شارين بلاط من كافود مستطيل المتر ب20 ولبسوا البيت كامل بلاط والله 5سنين من التركيب ولا احلا نظيف والبلاط يسوي مثل العزل اشرايك اخوي تجرب تسال محل كافود عن البلاط اللي يتلبس الفلا من الخارج

[QTR-SOUL]

واذكر انه الانصار ستي عندهم

[حياة]

ابو الجوري انا صبغت حاليا نفس اللي اقول عليه
بالضبط
خذت الدرامات منهم وجبت عمال يصبغون لي

[بو الجوري]

انا شايف بيوت من الاهل شارين بلاط من كافود مستطيل المتر ب20 ولبسوا البيت كامل بلاط والله 5سنين من التركيب ولا احلا نظيف والبلاط يسوي مثل العزل اشرايك اخوي تجرب تسال محل كافود عن البلاط اللي يتلبس الفلا من الخارج

إن شاء الله بسأل أخوي :.. و شاكـر مداخلاتك


ابو الجوري انا صبغت حاليا نفس اللي اقول عليه
بالضبط
خذت الدرامات منهم وجبت عمال يصبغون لي

بالتوفيق و إن شاء الله يكون شغلهـم ممتاز :)

[بو الجوري]

للرفع و الإستفاده

:)

[المزن الرياني]

على شنو استقريت اخوي بو الجوري ؟

في نوع اسمه بروفايل من جوتن و سيجما
خاطري استخدمه بس غالي .. المتر ب35 ريال

[تحداني]

بعطيك نصيحه اخت وراح تدعي لي ان شاء الله
مر على محل اسمه " سفاري " هالمحل خلف الصالون الازرق والفردان للسيارات في السد وانت رايح اشارات حمد


روح اخذ رايهم شوف الي عندهم
هالطاقم الهندي الي في هالمحل يصبغون بيوت الشيوخ والقصور
تعاملنا معاهم قبل 20 سنه وتعال شوف البيت الي صبغناه ما راح اتصدق هالعمر كله

خذ فكره مب لازم تصبغ من عنده
واسمع نصايحه


جملك الله برضاه

[بو الجوري]

على شنو استقريت اخوي بو الجوري ؟

في نوع اسمه بروفايل من جوتن و سيجما
خاطري استخدمه بس غالي .. المتر ب35 ريال

و الله للحيـن أسأل مني و مناك :..
وغالي بـ 35 :(





بعطيك نصيحه اخت وراح تدعي لي ان شاء الله
مر على محل اسمه " سفاري " هالمحل خلف الصالون الازرق والفردان للسيارات في السد وانت رايح اشارات حمد


روح اخذ رايهم شوف الي عندهم
هالطاقم الهندي الي في هالمحل يصبغون بيوت الشيوخ والقصور تعاملنا معاهم قبل 20 سنه وتعال شوف البيت الي صبغناه ما راح اتصدق هالعمر كله

خذ فكره مب لازم تصبغ من عنده
واسمع نصايحه


جملك الله برضاه

:nice:
يعني إنتوا من الشيوخ أو من أصحاب القصور


أمزح إختي تحداني يالراقيه :shy:

إن شاء الله بمـر عليهـم و بشوف نصايحهـم

و ماقصرتي ،،

[تحداني]

:nice:
يعني إنتوا من الشيوخ أو من أصحاب القصور


أمزح إختي تحداني يالراقيه :shy:

إن شاء الله بمـر عليهـم و بشوف نصايحهـم

و ماقصرتي ،،



لا والله مب شيوخ ولا عندنا قصور " ادري تتغشمر "
بس رحنا لهم قبل شهر .. قال ما نقدر نصبغ البيت الحين ... وتذكر بيتنا عدل
قلنا له ليش ؟؟ قال عندي قصر في ام باب .. وعندي مزرعه .. وما راح اكون فاضي للاسف الا بعد 6 شهور

الرجال ما يتعامل مع بيت ولا بيتين :(

بس نصايحهم ذهبيه .. وعن تجربه


جملك الله برضاه

[نوت]

انا صابغ فيلتي صبغ رملي وصارله 3 سنين وللحين ماتقشر ولا شي انصحك فيه بوجوجو

واذا تبي صباغ محترم طرشلي على الخاص :)

اعرف واحد صابغ لنا 5 فلل والصراحة شغله ولا اروع وسعره مايحتاي بعد

ممكن رقم الصباغ اخوي

[Amer]

مرحبا اخوي

انا كنت في البداية باصبغ صبغ خارجي المتر 25 ريال .. تقريباً نفس اللي بتركيبه او قريب منه ،، وفيه مواصفات وايد .. وطريقة صبغة بمكينة ... ولاني انا كنت باصبغ السور بس ... فطلع عليي كامل 13000 ريال .

بعدين شفت صبغ خارجي جوتن (جوتاشايلد) بعد هذا صبغ خارجي وزين للصبغ برع البيت
ويصبغونه برولر ... يعني ينصبغ عادي .. والمتر 12 ريال

وبعد مافكرت .. وقلت مثل ما قال اخوي العضو (ايزو) إن ( كل الأصباغ وظيفتها الحمايه الخارجية فاصبغ على قد فلوسك واهم شي مراحل الصبغ تكون صحيحة والبلاستر جيد )

فقررت إن أسوي جوتاشايلد اللي المتر بــ 12 ريال وطلع علي تقريبا 6800 ريال ، نص السعر تقريباً

الحمدلله ... صبغت ... والصبغ تمام ... والامور طيبه

وجهة نظري ... اذا صبغت صبغ عادي بالرولر مثل (جوتاشايلد) مستقبلاً اذا بغيت تكسر شي وتصبغ مكان صغير ... تقدر تسوي .. اما بذاك الصبغ اللي بومكينة ... ماعتقد يجيك على مكان صغير يصبغلك أياه .. بتضطر تصبغه صبغ عادي

الله يوفقك اخوي

كلام جميل و عاقل .. للون و الحماية .. دهان اكريليك لماع ..يكفي و السعر كما ذكر سابقا
اما للديكور مع دهان اكريليك لماع فالسعر حول 25 ريال

و الله الموفق

[Amer]

هلا اخوي بو الجوري ..

انا اخترت نفس نوعية الصبغ ولكن من شركة همبل والمتر بـ 25 ريال ..

استقريت على هالنوع لانه يتجدد ويصير نظيف اذا جا عليه ماي , ولقيت كثير مشاريع حكومية وخاصة مصبوغه بهالنوع وطالعه حلوة وللحين تحس الصبغ جديد ماتغير ..

اهم شي ان الصباغ يعطيك ضمان على اساس اذا صارت اي مشكله خلال فترة الضمان يكون هو المسؤول عن تصليحها ..

بالتوفيق اخوي بو الجوري , وانا مع هالنوعيات من الاصباغ لانها تدوم اكثر من غيرها ..

استعمل الديكور الرش و من ثم دهانه بمادة لميعة مقاومة للماء من جوتن او همبل او غيرها .. سعر المتر 23 ريال

[راشد محمد]

يالتوووفيق ..بس للاسف ما عندي خلفية

[ANONYMOUS]

اذا ضاقت عليك اشتر ٦ درامات وانا وبوحارب بنصبغ بيتك

بس جيب درج وبروش وعلمنا شلون :looking:

[بو الجوري]

شاكـر مروركـم :..




اذا ضاقت عليك اشتر ٦ درامات وانا وبوحارب بنصبغ بيتك

بس جيب درج وبروش وعلمنا شلون :looking:

هههههههههههههههههههههههههه
أهم شي أعلمكـم شلون
هههههههههههههههههههههههههه

[Amer]

شاكـر مروركـم :..





هههههههههههههههههههههههههه
أهم شي أعلمكـم شلون
هههههههههههههههههههههههههه

اذا بتكون فيه قهوة طيبة أنا أساعد ... وفقكم الله و ادام المحبة

[بو الجوري]

أفا عليك بس قهوه :.. يا عـــامر !
أكبر بكـرج موجود ولايهمك :)

[Amer]

أفا عليك بس قهوه :.. يا أميـر !
أكبر بكـرج موجود ولايهمك :)

بارك الله فيك و لك و عليك ... و أنا بالخدمة يا أخا العرب .. اي استشارة بالتشطيبات .. مجانا بالطبع

دامت ديارك و قهوتك عامرة ..

أخوك .. عامر

[محمدوميار]

موفق ان شاء الله

[شرقاويه]

على مااعتقد الاخ الي تكلم عن البلاط يقصد نفس الي مستخدم في البيوت الكويتيه