التباس بالعنوان سبب تاخير الاسعاف في حادث الشمال

[الكلدي]

مؤسسه حمد تجري تحقيق بعد حادث الشمال
وتبين ان موظف الاتصالات الذي تلقى المكالمةالطارئة للحادث
وجود التباس بمكان الحادث

وان المؤسسة سوف تقوم بمراجعة التكنلوجيا المستخدمة من فرق الاستجابه لحالات الطوارى
لتحديد موقع الحادث والوصول باسرع وقت

[حمد بن سعد]

عذر اقبح من ذنب

[بوخالد911]

حلوة هالجملة : وان المؤسسة سوف تقوم بمراجعة التكنلوجيا المستخدمة من فرق الاستجابه لحالات الطوارى
لتحديد موقع الحادث والوصول باسرع وقت


خليهم يكثرووون منها

[للصبر اخر]

كلام للجرايد فقططططط

[al-sadd]

شعقبه؟

[قطــ86ــر]

شوي و بيطلع واحد يمدح شغلهم




الله المستعان

[SULTAN1]

سمعت بيانهم في اخبار الساعة الثامنه والنصف البارحة،والله عيب واكبر مسئول في الوزارة لازم يعاقب على هذا الخطأ ،معقولة ماعندنا شباب او احد من المتقاعدين او من احد الجاليات اللى عاشوا في قطر يشتغل مكان هذا الشخص ، لاحول ولا قوة الا بالله العلي العظيم

[مستر راشد]

والله لو شسوو
بيضل مستشفى حمد مثل ماهو

الخلل في مسؤلينه وليسى في اجهزتهم

[درع الوطن]

حطوها في راس الموظف المسكين ... وهم قاعدين ومرتاحين ...

دولة .. من أغنى دول العالم ... ماتقدر توفر أجهزة تحديد المواقع في سيارات الإسعاف والطوارئ وتعتمد على الإحداثيات لمعرفة مكان الحادث؟ ...

عجبي ... إذا يبون يلملمون السالفه .. حطوها في راس أصغر واحد .. علشان الكبار يتمون على كراسيهم ..

هذي السالفة تخلي أي وزير في دول العالم المتقدمة يقدم إستقالته على طول ..

والدوام لله الواحد القهار .... وحسبي الله ونعم الوكيل

[][ الوحيد ][]

بدينا بالأعذاار

[CH Engineer]

اذا صارلك حادث اتصل على 999
اذا جات الدوريه بـ5 دقايق يعني الاسعاف بتجيك بعد 25 دقيقه
اذا جات الدوريه ب10 دقايق يعني الاسعاف بتجيك بعد 50 دقيقه

وعليك الحسبه
نظامهم تعبان اذكر مره شفت حادث فالخليج الغربي "موتر منقلب"
اتصلت لـ999 وعطيتهم الموقع بعد 5 دقايق متصلين علي يسألون وين المكان!!!
بعد 10 دقايق متصلين لي من رقم ثاني اتوقع الاسعاف يسألون عن المكان
ومكان الحادث بعد دوار كتارا باتجاه الريتز اول دوار يسار! غريبه محد يعرف دوار كتارا!!!

[doha2012]

لاحول ولاقوة الا بالله

[الرويـس]

لا تستعجلون

يمكن بكرة بينزل رد يفند الخبر

[بوحمد111]

اعذارهم غير منطقيه والمفروض ردع المسؤلين الكبار قبل الصغار لأن المشكله منهم ومن اختيارهم للسواقين اللي ما عندهم الخبره الكافيه في مناطق قطر ومثل ما شفت في احدى الردود وين السواقين من اهل البلد او من مواليد البلد او المتقاعدين الشباب.
لين فات الفوت ما ينفع الصوت

[الفا برافو]

كبش الفدا جهزوه.... وهم بردا سلاما

[كود نمبر]

المفروض تكون مراكز خدميه على الطرق السريعه

يعني مثل محطات وقود الي على الطرق السريعه يكون بجانبها مركز للاسعاف

السواقين المفروض يا يكون قطري او مواليد قطر

موظف الاستقبال المفرووض قطريين ولا مواليد قطر

الدوله في تقدم على الورق ولكن في الواقع نحن في الموخره دائمآ

[الشاااهين]

س سؤال ليش مايحطون سواقين قطريين والا مواليد الدوحه وهل يجرى اختبار لسواقين الاسعاف في مستشفى حمد وخاصة في المناطق البعيده مثل سيلين ؟؟؟؟

[hamoor4ever]

دايما الاداره تتخد الخيار الاسهل وهو يشوفون لهم موظف ويسوونه كبش الفداء , اما تطوير الخدمه مايفكرون فيها

[كازانوفا]

يا حراااااااااااام لا مساكين دايما احنا ظالمينهم
لا حول ولاقوة الا بالله

ليش ما يتم توزيع كاميرات مراقبه بكل انحااااااااااااااااااااااااء الدوله
متى راح نرتقي اكثر واكثر حالنا حال الدول الاوروبيه الفقيره

[qataria]

مؤسسه حمد تجري تحقيق بعد حادث الشمال
وتبين ان موظف الاتصالات الذي تلقى المكالمةالطارئة للحادث
وجود التباس بمكان الحادث

وان المؤسسة سوف تقوم بمراجعة التكنلوجيا المستخدمة من فرق الاستجابه لحالات الطوارى
لتحديد موقع الحادث والوصول باسرع وقت





والمفروض ان المشكلة انحلت و الوضع صار مستتب و الدنيا كلها بخير ، اعتذورا وحلوا المشكلة الحاليه و بيراجعون التكنولوجيا المستخدمة علشان يمنعون هالمصيبة في المستقبل و بهالطريقه طبقوا كم جملة درسوها في الاداره. بس الظاهر ان مؤسسة حمد المحترمة نسوا انهم ما يتعاملون مع منتج او خدمه عاديه و في فرق كبير بين مشكلة تؤدي لخسارة في الارباح ومشلكة تؤدي لخساره في الارواح (مع ان خسارة الارواح صارت لعبه و شي متوقع وسهل في مستشفى حمد).
و السؤال الحين من اللي بيحقق في هالموضوع ومن بيرجع الحق لاصحابه؟ هل يعقل ان الجاني هو اللي يحقق في جريمته علشان يدور كيف يطلع براءته.

[M!$s ĀŁ!eN]

مااعندي شي ؟؟
الموظف اللي تلقي الاتصال .. 999
ويااليت لو فيه نص اللي في امريكا 911
والله اهم وين احنا وين
متظورين ويتقدمون
انا متطورين ونرجع للخلف
والله حرام والله حراممم

و انا ابي دوره في الاسعافات الاوليه
كل الدوار الحكوميه لازم
تاخد دورات .. اسعافات اوليه
بعيد ليش موسسة حمد رافضه انها توظف القطرين
في الاسعاف يعني الاجنبي اولي براتب اللي تعطينه

[مريومة]

اسعاف طائر واسعاف طائر

وهي

طيارة وحدة .. ولمصاب واحد

عيل هالهوليلة والطنطنة على وشو

لا يكون على الاستاف اجنبي

والله فشيلة

الله يرحم الموتى .. والله المستعان

[دلة الرسلان]

العيب في العقول اللي ما تعرف تستثمرالمقدرات المالية والبشرية :anger1:

[العنيده]

و بعد هالعذر المفروض ننسى اللي صار مثلا

وايش العقاب غير انهم بيسوون مراجعه للموضوع وعقب تتسكر الملفات نفس غيرها ..

[عضو المنتدى]

لو الواحد ضاع في البحر أو في السيلين أوصار له حادث راح يتلقى نفس المصير

حسبنا الله ونعم الوكيل .

والسبب أنه مافي أهتمام والكل يلقى التهمة على الثاني .

ووين الهليكوبتر الأسعاف لضايعين في البحر أو البر أو للحوادث البعيده .

والله المستعان .

[زهرةالسوسن]

حتى والله مستشفى حمد ما يدلونه مره امي تعبت وديتها المركز الصحي ومن المركز الصحى ودوها بسعاف الى مستشفى حمد تخيل عاد من مركز الريان الصحي ما دل اشلون يروح الطورئ مستشفى حمد قام يروح على الدوار المايل وبيروح على دوار الغرافه لين قلت له انت ما تدل ونزل من السياره يتصل بالتلفون عاد امي هني خافت وبدينا انوسوس لين قلت لهم اذا ما تدلون انا ادل وصلتهم لين المستشفى هذا من سنتين اوتقريبا

[غايه الطواش]

فالاخير مراح يصير شي...
لين واحد من اصحاب المقام الرفيع يصير فيه شي ....وبنشوف التغير والتعيين في 24 ساعه !!!

[منهم وفيهم]

قهر والله ليتهم ماردوا
الله يرحمنا برحمته

[بصمة قطرية]

حطوها في راس الموظف عشان يطلعون من السالفة ..!!

طيب ومسألة ان الاسعاف ما يدل مستشفى الخور و ما يعرف يروح له ..؟؟
هاذي اش عذرهم ..؟؟

استغفر الله العظيم ..
الله يرحم اللي توفوا و يشفي المصابات ..
قسم بالله هالحادث فاجعة صابت كل هل قطر ..
واللي زادها تأخر الاسعاف و الاشياء اللي صارت بعدها ..!!
قسم بالله اني مقهورة ..
شلون اهاليهم ..!!!
الله يصبرهم ..
من بعد سالفة امي الله يرحمها مع طـــواري حمد والاسعاف بصفة خاصة
و انا غاسلة يدي منهم ..
قمة الإهمـــال ..
ما خذنا منهم غير كلااااام ..
بنحقق وبنعاقب ..
قلتها وارد أقولها ..
الله لا يبيح دمها من رقابهم ..
حسبي الله ونعم الوكيل ..

خافوا ربكم أرواح راحت ..
لي متى بيظل سائق الاسعاف ما يدل شوارع الدوحة ..
أهل مكه أدرى بشعابها ..
وظف هل قطر مواليد قطر سكان قطر ..
دورة تدريبية على الاسعافات الأولية ..
الأمر بغاية البساطة ..

[mas]

عذر اقبح من ذنب

صدقت اخوي والله العظيم انه عذر اقبح من الذنب !!!!!!!!!!!!!!!!!!!!!! أنا شفت مكان الحادث وكان يوم الجمعه العصر قبل لفة مركز الزبارة بمئة متر تقريبا يعني المركز ماعندهم إسعاف متواجد ع طول وثاني شي المركز الصحي في مدينة الكعبان مافي إسعاف ولا دكتور طواري للحالات للي مثل هالحدث مع كثرة المصابين وين التنسيق في 999 مع الصحة والمراكز الخارجية سوي الأمنية او الطبية للي سمعته وقريته لأني مانزلت بس شفت الطيارة والدوريات والله ياجماعه كل الجهات مقصره الشرطة لازم يوقفون إسعاف عندهم بشكل دايم والمركز قريب اشلون الأخوة في وطني الحبيب يقولون حتي الدوريات تاخرو والله لومشي يوصلون في 5 دقايق أتمني ان للي يمسك التحقيق الاخوان في الاخويا وللي يمسك الإسعاف رجال الاخويا الأشاوس بقيادة الفريق للي تدرب في مستشفي حمد من قبل وكلهم اهل للمسوليةانشالله وسامحوني ع الإزعاج وع فكرة صارللي سنين ماكتبت ف لمنتدي بس حرق قلبي رد حمد الطبية والله يحفظ الجميع ويرحم للي ماتو انشالله

[ريم المدينة]

take it easy....

[غايه الطواش]

حطوها في راس الموظف عشان يطلعون من السالفة ..!!

طيب ومسألة ان الاسعاف ما يدل مستشفى الخور و ما يعرف يروح له ..؟؟
هاذي اش عذرهم ..؟؟

استغفر الله العظيم ..
الله يرحم اللي توفوا و يشفي المصابات ..
قسم بالله هالحادث فاجعة صابت كل هل قطر ..
واللي زادها تأخر الاسعاف و الاشياء اللي صارت بعدها ..!!
قسم بالله اني مقهورة ..
شلون اهاليهم ..!!!
الله يصبرهم ..
من بعد سالفة امي الله يرحمها مع طـــواري حمد والاسعاف بصفة خاصة
و انا غاسلة يدي منهم ..
قمة الإهمـــال ..
ما خذنا منهم غير كلااااام ..
بنحقق وبنعاقب ..
قلتها وارد أقولها ..
الله لا يبيح دمها من رقابهم ..
حسبي الله ونعم الوكيل ..

خافوا ربكم أرواح راحت ..
لي متى بيظل سائق الاسعاف ما يدل شوارع الدوحة ..
أهل مكه أدرى بشعابها ..
وظف هل قطر مواليد قطر سكان قطر ..
دورة تدريبية على الاسعافات الأولية ..
الأمر بغاية البساطة ..

تدرين اختي بصمه
انا ابوي صابته جلطه في راسه ويوم ودينا الطواري قالو لنا الضغط والسكر مرتفعين ....
بذمتج هاي تشخيص ؟؟؟
مايفرقون بس جلطه بالراس والسكر والضغط ؟؟

[BoFahed]

حديث أبي هريرة رضي الله عنه أن رجلا سأل النبي -صلى الله عليه وسلم- عن الساعة فقال -صلى الله عليه وسلم-: (إذا ضيعت الأمانة فانتظر الساعة) قال: كيف إضاعتها يا رسول الله؟ قال: (إذا أسند الأمر إلى غير أهله فانتظر الساعة)1

عذر اقبح من ذنب والله حرررررررررررررررررررررررررررررررررررررام اللي يصير فينا لين متى بس ارحمممممممممممممممممممونا الكوسة في كل شي حتى في مكان مسئول عن انقاذ ارقاب وحياة البشر

واول العام مات جارنا الله يرحمه بسبب ازمة قلبية مفاجئه وجالهم الطواري بعد ساعتين لانه ضيعوا بالعنوان و شلوه جثة اموت واعرف حد يضيع عنوان في ازغوه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

وقبل كم سنة صارت المجزرة عيال المري الله يرحمهم في خط سلوى اللي انزفوا لما ماتوا بسبب الاسعاف الطائر التعيس

وقبل ايام صار جريمة الاهمال في تصاريح السلامة واختنق واغمى العشرات من امهاتنا وخواتنا واطفالنا من ضمنهم الوالدة الله يحفظها في فندق بسبب تسريب الفريون والتحقيق قالوا السبب هو اختناق بسبب الزحمة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟ زحمة تسبب اختناق ورعشة واغماء فوق ال 20 حالة شباب وعجايز واطفال في 5 دقايق ؟؟؟؟؟

[REEMajesty]

شوي و بيطلع واحد يمدح شغلهم




الله المستعان

شر البلية ما يضحك

يوم قريت ردك ضحكت

والله انك صادق اخوي :victory:

عذر اقبح من ذنب

[بصمة قطرية]

تدرين اختي بصمه
انا ابوي صابته جلطه في راسه ويوم ودينا الطواري قالو لنا الضغط والسكر مرتفعين ....
بذمتج هاي تشخيص ؟؟؟
مايفرقون بس جلطه بالراس والسكر والضغط ؟؟

قسم بالله قهرررررررررر .. :weeping:

[ريم المدينة]

وينها دولة القانون و المؤسسات

[OREO]

يعطيهم العافيه على المجهود اللي يبذلونه ،،

[Roo7MooT]

الحل عندي

لازم يدمجون فرق الاسعاف مع الداخلية تستلمها اللخويا او الفزعة وهذا هو الحل

اما نخلي ارواح اهلنا وربعنا وشعب قطر بيد اجانب وفلبن وتوانسة صار لهم شهرين في الدولة هذا غلط واكبر غلط

مثل ما الكل عارف اول من يوصلون للبلاغ الدوريات مثل الفزعة واللخويا والمرور

هذا وان دل على معرفتهم بجميع مناطق قطر دون الأستعانة بصديق ( جي بي اس )

فلو دمجوا الاسعاف بالداخلية راح تنحل مثل هالمشاكل والتاخير

والداخلية راح تقدر توفر بدل الهليكوبتر 100 هليكوبتر

[القحطاني505]

ما شاء الله

طلعوا منها مثل الشعر من العجين

حسبنا الله ونعم الوكيل

أهل قطر راحوا والسبب الحوادث

[CH Engineer]

طيب واذا الي رد ع المكالمه مواليد قطر او حتى مواطن بيسوق الاسعاف عن بعد!!
البلا من الي يسوق تخيل معاي تشرح لفلبيني او هندي مكانك!
حد مره اتصل على دريولهم وقاله تعال المكان الفلاني!! تخيلوا الوضع!

الاسعاف الطاير اتوقع الللجنه الالومبيه عندها كذا هليكوبتر وبما انهم مش محتاجين لهم ليش ماتستخدمهم مستشفى حمد وبنفس الوقت تدفع لهم يعني الكل يستفيد..

[ماجستك]

ماكنت ناوي اعلق ع الموضوع لان احس ان ضغطي مرتفع ويمكن ينفجر

قبل فتره صار نفس سيناريو الاسعاف

كنت اصلي الجمعه في مسجد صغير ع طريق الشمال ولما اقيمت الصلاه طاح اللي كان جالس جنبي..طلعت من المسجد وكلمت الاسعاف وعطيتهم رقم المسجد..

قال لي موظف بداله الاسعاف انه مايعرف برقم المسجد لازم ادليه ع المكان.. والمشكله ان طريق الشمال كان مازال تحت الانشاء ولا فيه شي تقدر اتوصف به..

طلعت بعيد شوي امشي يمكن اشوف شي اقدر اوصف به.. اكتشفت ان المسجد مقابل بالضبط حق بلديه ام صلال وقلت حق الموظف

قال لي اي بلديه ام صلال محمد او ام صلال علي واحنا ماعندنا الا بلديه ام صلال وحده

قال لي لا لا وصف لي من اول.. يعني يبي اوصف له من جسر الاند مارك

سكرت منه ولحقت ع الصلاه والمريض في زاويه المسجد

عقب ماخلصنا الصلاه الناس التمت ع المريض وانا مشيت وعقب ربع ساعه كلمني مال الاسعاف يسالني مره ثانيه عن المكان

.. صرخت عليه وقلت له ان هو الشخص الغلط في المكان الغلط..وسكرت السماعه

لهجته كانت ابرانيه

[روح الاطلس]

رضي الله عنك يا عمر بن الخطاب حين قال " لو عثرت بغلة في العراق لخشيت ان يسألني الله عنها لمَ لم تعبد الطريق لها يا عمر " :(


يا مسؤلين انتم مؤتمنون مؤتمنون مؤتمنووووون فأدوا الأمانه التي في اعناقكم


اعترفت مؤسسة حمد بالجريدة اليوم ان البروتوكول الدولي لوصول الاسعاف يجب ان لا يزيد عن عشر دقائق ووصل الاسعاف بعد نصف ساعه !! فهل سيتم محاسبة المتسببين بالتأخير!! ام كما هي العادة

[روح الاطلس]

ماكنت ناوي اعلق ع الموضوع لان احس ان ضغطي مرتفع ويمكن ينفجر

قبل فتره صار نفس سيناريو الاسعاف

كنت اصلي الجمعه في مسجد صغير ع طريق الشمال ولما اقيمت الصلاه طاح اللي كان جالس جنبي..طلعت من المسجد وكلمت الاسعاف وعطيتهم رقم المسجد..

قال لي موظف بداله الاسعاف انه مايعرف برقم المسجد لازم ادليه ع المكان.. والمشكله ان طريق الشمال كان مازال تحت الانشاء ولا فيه شي تقدر اتوصف به..

طلعت بعيد شوي امشي يمكن اشوف شي اقدر اوصف به.. اكتشفت ان المسجد مقابل بالضبط حق بلديه ام صلال وقلت حق الموظف

قال لي اي بلديه ام صلال محمد او ام صلال علي واحنا ماعندنا الا بلديه ام صلال وحده

قال لي لا لا وصف لي من اول.. يعني يبي اوصف له من جسر الاند مارك

سكرت منه ولحقت ع الصلاه والمريض في زاويه المسجد

عقب ماخلصنا الصلاه الناس التمت ع المريض وانا مشيت وعقب ربع ساعه كلمني مال الاسعاف يسالني مره ثانيه عن المكان

.. صرخت عليه وقلت له ان هو الشخص الغلط في المكان الغلط..وسكرت السماعه

لهجته كانت ابرانيه

لو مطعم كنتاكي ولا ماكدونالدز كان دلوا المكان بدون توصيف:anger1::anger1:

[ريتويت]

ماكنت ناوي اعلق ع الموضوع لان احس ان ضغطي مرتفع ويمكن ينفجر

قبل فتره صار نفس سيناريو الاسعاف

كنت اصلي الجمعه في مسجد صغير ع طريق الشمال ولما اقيمت الصلاه طاح اللي كان جالس جنبي..طلعت من المسجد وكلمت الاسعاف وعطيتهم رقم المسجد..

قال لي موظف بداله الاسعاف انه مايعرف برقم المسجد لازم ادليه ع المكان.. والمشكله ان طريق الشمال كان مازال تحت الانشاء ولا فيه شي تقدر اتوصف به..

طلعت بعيد شوي امشي يمكن اشوف شي اقدر اوصف به.. اكتشفت ان المسجد مقابل بالضبط حق بلديه ام صلال وقلت حق الموظف

قال لي اي بلديه ام صلال محمد او ام صلال علي واحنا ماعندنا الا بلديه ام صلال وحده

قال لي لا لا وصف لي من اول.. يعني يبي اوصف له من جسر الاند مارك

سكرت منه ولحقت ع الصلاه والمريض في زاويه المسجد

عقب ماخلصنا الصلاه الناس التمت ع المريض وانا مشيت وعقب ربع ساعه كلمني مال الاسعاف يسالني مره ثانيه عن المكان

.. صرخت عليه وقلت له ان هو الشخص الغلط في المكان الغلط..وسكرت السماعه

لهجته كانت ابرانيه

قسم بالله فطست من الضحك على تعليقك...ههههههههههههههههههههههههههههههه

[نور قطر 1]

شباب قطرين وايد يتصلون ببرنامج وطني صبح الخير يقولون :telephone:

ماعندهم عمل ومحتاجين انهم يشتغلون حتى لو سائق وهم

ادري ببلادهم

والله واقسم بالله قهر يجبون من الخارج وشباب يبحثون عن عمل

[طبيب قطري]

السلام عليكم....

اعتذار مستشفى حمد في الجريدة مستفز جدا وواضح انه محاولة لتبرئة ساحتهم مش اكثر ...
حسبي الله ونعم الوكيل والله يرحم هؤلاء الضحايا.. ضحايا اهمال مستشفى حمد
وينكم يالمسؤلين؟

[روح الاطلس]

السلام عليكم....

اعتذار مستشفى حمد في الجريدة مستفز جدا وواضح انه محاولة لتبرئة ساحتهم مش اكثر ...
حسبي الله ونعم الوكيل والله يرحم هؤلاء الضحايا.. ضحايا اهمال مستشفى حمد
وينكم يالمسؤلين؟


اعتذارهم هو اعتراف صريح بالخطأ لمخالفة البروتوكول الدولي لوصول الاسعاف وهذي الغلطة يجب ان لا تمر مرور الكرام خاصة من القانونيين واهل الضحايا والمطالبة بالتعويض

[طبيب قطري]

اعتذارهم هو اعتراف صريح بالخطأ لمخالفة البروتوكول الدولي لوصول الاسعاف وهذي الغلطة يجب ان لا تمر مرور الكرام خاصة من القانونيين واهل الضحايا والمطالبة بالتعويض



صح لسانك ياروح الاطلس .. مع ان ملايين الدنيا ماتعوض الي راح ولكن محاسبة المسؤولين راح تمنع فقد المزيد من الارواح البريئة ..

[الحاقول]

حطوها في راس الموظف المسكين ... وهم قاعدين ومرتاحين ...

دولة .. من أغنى دول العالم ... ماتقدر توفر أجهزة تحديد المواقع في سيارات الإسعاف والطوارئ وتعتمد على الإحداثيات لمعرفة مكان الحادث؟ ...

عجبي ... إذا يبون يلملمون السالفه .. حطوها في راس أصغر واحد .. علشان الكبار يتمون على كراسيهم ..

هذي السالفة تخلي أي وزير في دول العالم المتقدمة يقدم إستقالته على طول ..

والدوام لله الواحد القهار .... وحسبي الله ونعم الوكيل

صحيح هذه السالفه تخلي اي وزير يقدم استقالته على الطول

لانه الموضوع راحت فيها ارواح بسبب نظام الاسعاف الفاشل

والوزير يحاسب على ذلك

هذا الموقف يذكرنا بالموظفه التي انفجر محول الكهرباء عليها

في موقف الصحه المدرسيه بسبب الجهل بالصيانه

وماتت موظفة الصحه المدرسيه . وماذا عمل الوزير لاشئ

[طبيب قطري]

والله لا حياة لمن تنادي .. مدير عام المؤسسة لازم تتحاسب ياالحاقول .. الموضوع صج مصخ !! كم روح بريئة راحت ضحية الاهمال الطبي .. واخر شي يحطون اللوم على التكنولوجيا !! مااكثر التكنولوجيا والاجهزة في المستشفى بس مخ مافي !!!

[المفترسه]

دام مديرهم امريكي مافي امل يتحاسب
الله المستعان

[مخطط قطري]

لو في اوروبا كان الوزير مستقيل لانه اي اهمال او تقصير هو محاسب عليه بالدرجه الاولى وليس موظف الاسعاف وان كان يتحمل جزء من المسؤليه

[سارق الكحل]

لو المسئله كرة قدم او بطوله كان حصلتو مليون اسعاف داخل الملاعب لتفادي اصابات اللاعبين

[هام السحاب]

للأسف صار المواطن رخيص ومايسوى قيمة اسعاف وهلكبتر

[بوحارب]

يعطيهم العافيه على المجهود اللي يبذلونه ،،

اي مجهود يالحبيب ههههههههه :omen2::tease: