مساعده في البحث عن اسم تراثي لشركتي

[قول و فعل]

السلام عليكم ورحمة الله وبركاته

ادري ماراح تقصرون معاي ,,

بغيت افكاركم و مقترحاتكم لوضع اسم لشركتي


ابيه اسم تراثي

مثلا : منظقه من مناطق الدوحه ( اسم قديم ) - ( البدع - الوجبه- الزباره)

او فيما يتعلق بمهنة الغوص قديما ( الدانه - الحصباه - السنبوك )

بس كل هالاسامي مستهلكه

بس اسم سهل وحلو ع الاذن باللغتين العربيه والانجليزيه



مساعدتكم ياهل الدوحه

[المدريدي]

على حسب طبيعة عمل الشركة

[شبح الصمت]

وشنو طبيعة عمل الشركه

[قول و فعل]

مقاولات..

بس مابي الاسم يكون له علاقه بالمجال

بس ابي اسم تراثي

[شبح الصمت]

شركة النوخذه

[الفهد1]

بر ماء اسم جميل يربط بين شبة جزيرة قطر ويربطها بين البر والبحر وبالتوفيق

[بو الجوري]

نـَهام Nahaam

[مستوى الدعم]

صـوغة

[elders]

السردال
al serdal

[فواز1976]

في اسماء تحسها تراثيه وجميله في نظري منها :

- الوادي
- المهباج
- الصيوان
- قناديل
- الدار

هذي بعض الاسماء الي جاءت في بالي والله يوفقك انشاء الله , اذا بغيت اسم يكون مميز بالعربي والانجليزي عليك باتباع اسلوب اخذ اول حرف من كل كلمه مكونه لاسم الشركه
مثل:
International code Council اختصارها راح يصير اي سي سي ICC
Saudi consultant designing office اختصارها سكادو SCADO

واذا احتجت اي استشاره بالبزنس انا حاضر

[بوحمد111]

عندي اقتراح بس يمكن اسم العائله ما تقبله والاسم هو

البناي

او

اسم منطقه في قطر

الذخيره او راس مطبخ او عريده وكلهم في الشمال بالقرب من الخور

[غايه الطواش]

1-غايه الطواش للمقاولات ""يعني الدانه"" >>>>قايله شي جديد الاخت :)
2- التنديل للمقاولات
3-اليزوه للمقاولات
4- القفال للمقاولات
5- الطواش للمقاولات
6- الفريه للمقاولات
7- وذنان للمقاولات
8- الوسيل للمقاولات
9- السردال
10- البانوش للمقاولات
لي لقيت بعد اسامي بكتب لك

[elders]

1-غايه الطواش للمقاولات ""يعني الدانه"" >>>>قايله شي جديد الاخت :)
2- التنديل للمقاولات
3-اليزوه للمقاولات
4- القفال للمقاولات
5- الطواش للمقاولات
6- الفريه للمقاولات
7- وذنان للمقاولات
8- الوسيل للمقاولات
9- السردال
10- البانوش للمقاولات
لي لقيت بعد اسامي بكتب لك

حطي جنب السردال "للمقاولات " :shy:

اخي قول وفعل اختياري للسردال كان لعلمي ان السردال هو : أكفأ النواخذه وأقدمهم وأكثرهم خبرة ودراية في الحسابات وأماكن الهيرات وأعماقها والاتجاهات الصحيحة وعلى معرفة بالشمس والنجوم والعلامات الموجودة على الساحل كما أن من مهامه أيضاً قيادة جميع سفن الغوص إلى المغاصات كما يعطي الأوامر ببدء موسم الغوص ونهايته وجميع السفن تلتزم بالمواعيد التي يحددها السردال

يعني اسم جميل لشركة ويعطي انطباع انه الشركة قائدة في مجالها وبروفيشنال وكلمتها مسموعة

الله يوفقك ويفتحها عليك

[غايه الطواش]

حطي جنب السردال "للمقاولات " :shy:

اخي قول وفعل اختياري للسردال كان لعلمي ان السردال هو : أكفأ النواخذه وأقدمهم وأكثرهم خبرة ودراية في الحسابات وأماكن الهيرات وأعماقها والاتجاهات الصحيحة وعلى معرفة بالشمس والنجوم والعلامات الموجودة على الساحل كما أن من مهامه أيضاً قيادة جميع سفن الغوص إلى المغاصات كما يعطي الأوامر ببدء موسم الغوص ونهايته وجميع السفن تلتزم بالمواعيد التي يحددها السردال

يعني اسم جميل لشركة ويعطي انطباع انه الشركة قائدة في مجالها وبروفيشنال وكلمتها مسموعة

الله يوفقك ويفتحها عليك

ههههههههههه
9- السردال للمقاولات
10- النوخذه للمقاولات
11- القناص للمقاولات
12 - التلواح للمقاولات >>>>مش هاضمه الاسم

[fhd4]

إذا تبي من أسماء المناطق ...

هذي جداول أسماء كل المناطق الجغرافية في قطر ... خذلك فرة عليهم واختار اللي يعجبك ...

http://www.gisqatar.org.qa/arabic/gnp/list.htm

[al wafi]

الليوان

[elders]

ههههههههههه


دوم يا رب http://www.qatarshares.com/vb/images/icons/icon11.gif

[basma222]

الهير للمقاولات

المزلاي للمقاولات

المحماس للمقاولات

الفتيله للمقاولات

الفنطاس للمقاولات

الكوس للمقاولات

الصرم للمقاولات

السرود للمقاولات

الدعن للمقاولات

المهباش للمقاولات

[قطري واصيل]

انا افضل اسم النوخذه لانه اسم يدل على الاصاله والتراث وهالاسم يتحدث عن نفسه

[the engneer]

ثنية الحشا /القطارة/ام سوية/البرثة/ البلط/القراح/السيلي/التريج/ اليزوة/التباب/الطواش/القليل/النخش/المفروي
مليحة/المنسدح/لقهاب/المسكر/لسناح/القطيع/الذرى/الاهوب/سبحة/القرقور/الفاح/ الدرية/القبة/الشلة/الفنة/الروشنة/الفنر/لسراي/المسرى /القبشة/البقشة/لعويزة/العينية/الشيمة/القايلة/المنز/السدرة/ الفي/الرفاع/مسيان/ال لقن/السفرة/البراحة/الحوش/ الوارش/المرفاعة/الضيفة/ال لسقا/الكشتة/لسنافي/

[nouar]

الياقـــــوت :)

[رحال الدوحه]

مـــا شــــاء الله

عليكم كلكم أبدعتوا فالاسامي يالذوق .. وحسب خبرتي يا جماعة الخير
حسب قوانين والاجراءات فالسجل التجاري وخاصة إختيار الاسم التجاري
سالفه وعباله لان ما يصير يعطون اسم موجود أو متشابه وخاصة الارقام
والحروف ( لازم يكون الاسم له دلاله وكيان ومعنى )

وكلنا أهل قطر نشجع هالشئ ..

ومجرد راي للأخ : قول وفعل حاول تضيف على
الاسم اللي بتختاره ( للمشاريع - للأعمال - للإنشاءات - للإعمار ) عشان فالمستقبل
ربي يزيدك يوم تحب تضيف نشاط قريب من المقاولات ( تجارة مواد البناء ) ما تتوهق بتعديل
الاسم من المقاولات الى ( مقاولات وتجارة مواد البناء ) لكن لو خذت للمشاريع بيكون شامل ..

ربي يوفقك ويوفق الجميع


أخوكم : رحال الدوحه

[محمد الجفيري]

بالتوفيق يا رب

up up up

[حياة]

بيضاء القاع للمقاولات والمشاريع الانشائيه
اشرايك؟

[ابومريم]

بالتوفيق يارب

[بكرة أحلى]

زبره للمقاولات

d:

[طير شلوى]

النوخذه

[Bo AbduRhman]

السلام عليكم ورحمة الله وبركاته

ادري ماراح تقصرون معاي ,,

بغيت افكاركم و مقترحاتكم لوضع اسم لشركتي


ابيه اسم تراثي

مثلا : منظقه من مناطق الدوحه ( اسم قديم ) - ( البدع - الوجبه- الزباره)

او فيما يتعلق بمهنة الغوص قديما ( الدانه - الحصباه - السنبوك )

بس كل هالاسامي مستهلكه

بس اسم سهل وحلو ع الاذن باللغتين العربيه والانجليزيه



مساعدتكم ياهل الدوحه

وعليكم السلام ورحمة الله وبركاته

بالتوفيق اخوي قول وفعل

اختيار اسم يكون متوفر ويلبي الطموح

ويعكس روح الشركة مسألة ليست هينة

الله يعينك

[رحال الدوحه]

بيضاء القاع للمقاولات والمشاريع الانشائيه
اشرايك؟


كل الشكر والتقدير للجميع .. ما قصرتوا ربي يسلمكم

مجرد اضافه الاسم التجاري يكون :

* بيضاء القاع للمقاولات
* بيضاء القاع للمشاريع
* بيضاء القاع للانشاءات

القصد يكون مختصر ومعبر عن النشاط التجاري وما يكون طويل
( قصيده ) ، وأتمنى الكل يستفيد ويوفقكم الرحمن

أخوكم : رحال الدوحه

[flourish]

قهواجي - الرستة

أنا أقترح

[feva qatar]

لخويا

[السهم الملتهب]

التراث

التراث للتجارة والمقاولات