ख़ख़ بدون الكويت ... قطريين + خليجيين !!!! ख़ख़

[المتحدث الرسمي]

.....


أعلن الجهاز المركزي لمعالجة أوضاع المقيمين بصورة غير قانونية عن اكتشافه لجنسيات أغلب البدون حيث تبين له (حسب بيانه له) أن منهم مصرييين وباكستانيين وقطريين وإماراتيين، فيما توعد في الجانب نفسه بالويل والثبور وعظائم الأمور لمن يخرج إلى التظاهر مرة أخرى.

وأكد أن من يثبت خروجه من أبناء العسكريين سيتم تسريح والده، وسيسحب البيت الشعبي منه، كما سيتم شطبه من كشوف التجنيس وإلغاء البطاقة الأمنية، وإبعاده عن البلاد.
وأعلن الجهاز أنه توصل إلى "مؤشرات" قد تدل على الجنسيات الحقيقية لـ64% من "البدون" حيث بين أن عدد العراقيين هو الأكبر بينهم يليهم السعوديون والسوريون والإيرانيون.


الطريف في الأمر هو أن الجهاز ذكر أن هناك 16387 سعوديا، 634 عمانيا،و329 بحرينيا، و127 إماراتيا و29 قطريا
أخفوا وثائقهم الأصلية وادعوا أنهم "بدون" لكي يحصلو على مميزات الجنسية الكويتية رغم ماتقدمه تلك الدول من رفاهية وتنمية لشعوبها.


ولايزال أبناء فئة البدون يوجهون الدعوات عبر وسائل التواصل الاجتماعي للخروج في اعتصامات سلمية يوم الجمعة المقبل بعد أن أحسوا بعدم جدية الحكومة في حل هذه القضية المتراكمة منذ ما يقارب الخمسين عاما.



.....



http://www.sabr.cc/inner.aspx?id=20804

[المليونير الفقير]

القطري شيبي فالكويت والله خسران

[رآعي موآجيب]

الأرقام تخوف

وإذا الجهاز صادق في هالأحصائيه ما ينلامون الكويتيين


الله يعطيك العافيه يالمتحدث الرسمي

[حسن]

الكلام هذا غير صحيح مافي قطري بدون عندهم هناك وهوعلى كيفهم

[الموضوعي]

معروف ان في ضباط وزارة الداخلية في الكويت عبارة عن مافيا مايخفون الله وخير دليل على ذلك عندما قتلوا الميموني وقالوا انه انتحر! ، لذلك ليس غريب عليهم التزوير والتلفيق على البدون المساكين

[دلة الرسلان]

شنهي المميزات في الكويت اللي تدفع ها المواطنيين الخليجيين للتضحية بجنسياتهم والأدعاء

بأنهم بدون للحصول على الجنسية الكويتية ؟

[للصبر اخر]

في اماراتيين وقطريين
بدون في الكويت من وين هالكلام
شنو المميزات اللي تقدمها الكويت لهم عشان يخفون اوراقهم الرسميه

[bo_hamad]

فئة البدون في قطر رحلوا الى الكويت واخفوا الوثائق لديهم للحصول على الجنسية الكويتية

[GCC]

العدد كبير جداً

عن نفسي اؤمن بالمقولة : اللي يدور عز عن عزه، يجيه ابليس ويهزه

ماعتقد اليوم وفي ظل توافر الحياة الكريمة في كل دول الخليج يخللي الواحد يفكر يترك بلده ويصير واحد من البدون في دولة أخرى

والله ولو اعيش فقير فبلادي مستحيل افكر في يوم اهدها

فقير واصيل في وطني ،ولا غني ومجنس في بلد ثاني

رأي شخصي

[eXpert*]

يمكن هاربين من العدالة في دولهم . :secret:

[فطووم]

الكويت من أوائل دول الخليج في التطوير والنمو ويعتبر الكوييتيين اغنى شعب في الخليج من ايام الثمانينات والى الان مميزات المواطن الكويتي افضل من اي مواطن في دوله ثانيه ( الله يزيدهم) فمن المتوقع تكون الاحصائيه صحيحه .

[بوعلى 1]

الكويت من أوائل دول الخليج في التطوير والنمو ويعتبر الكوييتيين اغنى شعب في الخليج من ايام الثمانينات والى الان مميزات المواطن الكويتي افضل من اي مواطن في دوله ثانيه ( الله يزيدهم) فمن المتوقع تكون الاحصائيه صحيحه .



هذا الكلام غير صحيح هذاك اول الكويت الان تعيش مرحلة الظلام والتخبط والشعب الكويتي ثالث شعوب الخليج من حيث دخل الفرد وليس للمواطن الكويتي مميزات اسوة بباقي دول الخليج

اللة يعز قطر وحاكم قطر قطر اغنى دولة في العالم لا كويت ولا غير كويت

[fhd4]

مصدر الخبر والموقع ... مشكوك فيه ... وله نوايا خبيثة ...

[غايه الطواش]

انا سمعت من زمان ان في ناس من هل قطر زعلوا وراحو الكويت يمكن هم !!

[بوعلى 1]

انا سمعت من زمان ان في ناس من هل قطر زعلوا وراحو الكويت يمكن هم !!



من تقصد

[cavok]

يبى بلا عوار راس

[حسن]

انا سمعت من زمان ان في ناس من هل قطر زعلوا وراحو الكويت يمكن هم !!

كلهم ارجعو ماعادا واحد اوثنين ويحملون الجنسيه الكويتيه ولاهم بدون

[غايه الطواش]

كلهم ارجعو ماعادا واحد اوثنين ويحملون الجنسيه الكويتيه ولاهم بدون

شكرا على التوضيح اخوي حسن

[Q8JP]

الكويت من أوائل دول الخليج في التطوير والنمو ويعتبر الكوييتيين اغنى شعب في الخليج من ايام الثمانينات والى الان مميزات المواطن الكويتي افضل من اي مواطن في دوله ثانيه ( الله يزيدهم) فمن المتوقع تكون الاحصائيه صحيحه .

مثل ما قالت الاخت فاطمة
البدون في الكويت الخليجيين سابقا هاجروا الى الكويت بالثمانينات
اي قبل النقلة النوعية في قطر و الامارات. . و اخفوا مستنداتهم..
كانت الكويت في ذاك الزمان غير بكل شي
حتى و ان رجعوا الى بلدانهم الآن لن يحصلوا هم و ابنائهم على مميزات
القطريين و الاماراتيين

وكذلك هناك فئة اخرى
بدون زوروا جوازات قطرية و اماراتيه ليعاملوا معاملة الخليجي
في الكويت من تملك و رخص و غيرة من ميزات ابناء مجلس التعاون الخليجي

قضية البدون حلها سهل بتجنيس المستحق
واعطاء الباقي اقامة دائما و يكون للبدون الحق لكفالة نفسة و ابنائة و التملك و رخص التجارية

اهم شي انه مانبي تجنيس للشيعة والله يفكنا من شرهم

[قناص الخليج]

و127 إماراتيا و29 قطريا

والله مادش العقل

[أبو يووسف]

كلام مايصدقه العاقل ، هل يعقل أنه يوجد قطريين وإمارتيين بدون في الكويت
حدث العاقل بما يعقل

[بوعبدالرحمن5]

مشكلة اخوانا الكويتين لين الحين يبكون على الاطلال ..ويصيحون على مسلسل درب الزلق وفيصل الدخيل وفتحي كميل وصورة ابراج الكويت !!

مب راضي يصدقون او يعتقدون او يعترفون انهم اللي حولهم وصلوا اطول برج في العالم وان اللي حولهم بيستظيفون بطولة كاس العالم !!

نفس سالفة قطارات مصر ايام الباشا ..من أوائل الدول اللي افتحت سكة حديد للقطار ولين الحين هي نفسها ..:nice:

[BoFahed]

كلام مايصدقه العاقل ، هل يعقل أنه يوجد قطريين وإمارتيين بدون في الكويت
حدث العاقل بما يعقل

يمكن اخوي هم فئة قليلة من بعض البدون اللي جوا قطر و الامارات وتجنسوا وما عجبهم الوضع وردو لاهلهم وجماعتهم في الكويت لانه اللي اعرفه(مب متاكد) البعض منهم تجنس عندنا في التسعينات والبعض الاخر في اخر حياة الشيخ زايد الله يرحمه امر بتجنيس ابناء القبائل لعربية من البدون واللي لهم معرف عنده في الديوان

لانه صعب عند بعض الناس بانه يعيش بعيد عن البلد اللي انولد فيها مهما كانت الامتيازات او في بلد ماله عزوة وعيال عم فيها

[حيهور]

اما قطريين بدون عندهم ويبون جنسية الكويت!!!!!


متأكدين انهم قطريين واماراتيين !


مايعرفون يكذبون ريعنا في الكويت

[المقاول]

كــلام غير صحيح .
البدون كلهم متسللين من ايران . عشان يزودون عددهم في الكويت . والمصيبة اذا اعطتهم الكويت الجنسية بيصير حال الكويت نفس البحرين ..وبيصير يطالبون بالبحرين الكبرى الفارسية التي يدعون انها لهم ..وعن طريق الجنسية بيتغللون داخل شعوب الخليج بيمسكون المناصب وبترجع هيمنة فارس على الخليج الفارسي... والله افضل حل نسفهم في ليلة وضوحاها واخفائهم عن الانضار واللي بيبقى بيرجع مع الطريق اللي جابة..

[Abdulraman]

قطري بدون في الكويت ايش هالكلام المسخره
مع احترامي للجواز الكويتي اللي عنده الجنسيه القطريه مايتنزل لاي جنسيه ثانيه

[al-sadd]

هي وحده من الثنتين
يا أما مسوي مصيبه في الدوحه وشارد
او انه مطرود من الدوحه وماحصله غير الكويت

[Emarati]

الكويت كل يوم في تخبط للاسف

[بنت الاجواد]

ماصدق ان فيه قطريين بدون في الكويت لان الكويت مو احسن من قطر عشان

يروحون ياخذون الجنسيه واعتقد مجرد تلفيقات وكلام فاضي

والله يعين البدون

[alfahad1]

كلكم نفس الرد ما اصدق وكأنه حدثت معجزة

لا تنسوا ان قطر كانت دولة فقيرة يوم من الايام فلا استبعد هجرة بعض

العائلات للبحث عن العمل حيث ان الكويت كانت دولة غنية في تلك الفتره

في الاخير اقدر اقول ان التقرير ممكن صحيح وممكن لا

[اسعاف]

القطري شيبي فالكويت والله خسران

الله يهديهم

هم يفكرون بفكرة

عفورين في اليد احسن من عصفور واحد

آتذكر قبل كم سنة واحد إماراتي قلت له ايش جنستك قال إماراتي

واعطاني بطاقته فإذا هي بطاقة قطرية تثبت انه قطري !!

ثم سحبها مني واخرج البطاقة الأماراتية !!!

وقد سمعت ان ( بعض الناس قديما ) عندهم 4 جنسيات (اماراتية وقطرية وسعودية وكويتية )

[بوحارب]

الله يعين الكويت على البلاوي اللي طايحة فيها

[اسعاف]

الله يعين الكويت على البلاوي اللي طايحة فيها

بو حارب

دلة الحليب (الي في توقيعك تحت )، هذي على زنجبيل او سادة ؟؟

[الخزرجي قطر]

الارقام والجنسيات مبالغ فيها مااعتقد في قطريين او اماراتيين
في الكويت بدون مميزات دولهم احسن من الكويت اما باقي الجنسيات
يمكن تكون صحيحه واغلبهم من ايران والعراق ودول اخرى ؟؟؟؟؟؟؟

[رمح الشمال]

ههههههههههاي زين ماقالو فيه امريكان بعد. بطني خخخخ

[الفا برافو]

يمكنهم من سكان قطر البدون وعندهم اهل ومعارف بالكويت... قالوا خلونا نجرب الكويت يمكن نحصل على جوازات..
والله العالم

[R 7 A L]

طيب
بما ان الحكومة الكويتية تعترف وتعرف انهم من الجنسيات المذكورة
ليش تعاملهم معاملة البدون الحقيقين وتعطيهم هذه الا متيازات ؟

[بدوور]

القطري ايش يبي من الكويت ؟ ما عندهم سالفة 29

[قطري2012]

انا قرأت الموضوع الاصلي في الجريده ما فيه ذكر للقطريين
ما فيه داعي للكذب وتشويه الامور والكلام اللي ما له داعي
الكويتيين اخواننا وباقي دول الخليج وتقوا الله فيما تنقلونه او تكتبونه