الدكتورة اجازة انطرها تداوم!!!!!!

[فلهاااا]

السلام عليكم ورحمة الله وبركاته

الى متى يا مستشفى حمد ؟؟؟؟

الى متى و الاستهتار بأرواح خلق الله ؟؟؟؟

هل من المنطق ان يستغرق اظهار نتيجة تحليل كان اساساً ارجنت قرابة الشهرين وذلك لأن الدكتورة المتابعة للطفل طلعت اجازة ؟
لا والادهى ان هالطفل المسكين ممكن يتحول لعيادة الكلى بس للحين ماداومت الدكتورة اللي راح تبت فالموضوع....

طيب خل نفرض ان هالدكتورة قررت ما تداوم وبشكل نهائي !!!
ماتت مثلاً !!!
ايش راح تسوون يا مستشفى حمد؟؟؟؟؟؟؟؟؟؟

المشكله مافي حد يفهم فهالمستشفى
تخيلو التحليل انعمل تاريخ 1\12\2011 ولين امس يقولون انطر الدكتورة

[رجل الجزيرة]

طبعا ما يصير لازم يكون لها بديل / ة روح لمشرف العيادات أو علاقات المرضى وهم بخلصونك.

[ام السعف]

اللي اعرفه ،، النتيجة ممكن تطلع في الطواري من خلال الكمبيوتر في الحالات المستعجلة
او تطلبين مراجعة طبيب ثاني ،، ولازم تراجعين المسؤولين في المستشفى ،،

[تاجر كشخة]

الله يكون في عونكم انا من رايي انك تروح مستشفى الاهلي

[بوحمد111]

هذه عوايدهم ومب غريبه عليهم

الله يعينكم

[ملاك]

حسبي الله على كل من له يد من قريب او بعيد في المصايب والمآسي اللي تصير في مستشفى حمد

ارواح الناس مب لعبه اتقوا الله فينا

[هسلان]

كان عندي موعد عن دكتور ناطره من فترة ولما حضرت قالوالدكتور في اجتماع واعتذر وخذ موعد ثاني ويالله أنطر من جديد
يامستشفى حمد بياناتي عندكم علموني أن الدكتور اعتذر قبلها بيوم عشان ما اجي
ولا احنا ماعندنا اشغال والله شيء يبط الكبد مادري الى متى

[بصمة قطرية]

التحليل يطلع في الكمبيوتر من اي مكان ..
و اذا استعصى الأمر اختي
روحي لمسؤول العيادات الخيارجية و يطلع لج نسخه من التحليل من الكمبيوتر
لا تنتظرين الدكتورة في غيرها
لا تقيدين نفسج بيها ما عليج منهم
ما يصير انتي بعد تنتظرين شهرين ..!!
التحليل كم يوم بس و يطلع ..
الحين بيقولون لج التحليل صار له شهرين لازم ينعاد ..
اي دكتور فاضي في العيادة المشائية ادخلي عليه و قولي له عن الموضوع
و ان شاء الله ما راح يقصر ..
في الحالات العاجلة دوري البدائل لا تنتظرين الدكتورة
و ممكن تروحين الطواري و يطلعون نسخه من التحليل و تعرفين النتيجة ..
اختي انا وايد تعاملت مع حمد وأعرف هالاشياء
صدقيني الأمر سهل ..
مواعيد العيادة المسائية أسرع
و في حالة عدم وجود موعد قريب روحي اليوم وكلمي الدكتور اللي تبينه يشوف الولد
و راح يدخله بتوقيع على طول
ما عليه شر ان شاء الله ~

[ولد شرق]

الله يكون في عونكم انا من رايي انك تروح مستشفى الاهلي

مافي مقارنه بين مستشفى حمد والأهلي وانا اخوك
الاهلي تجاري بحت وحالات اكثيره يحولنها بالاسعاف لحمد الطبيه
يظل مستشفى حمد الافضل في حالات كثيره

[السهم الشمالي]

أخي الفاضل
الله يعينك ويشفي مريضك

تذكرت موقف
بمناسبة التحدث على الدكاترة
أخوي سافر أمريكا من زمان على حساب الدولة للعلاج لإستئصال ورم في المخ
أثناء المراجعات كان له موعد مع بروفيسور وصار ظرف لهذا البروفيسور وإضطر أنه يغير الموعد تخيلوا جاء البروفيسور بنفسه عند أخوي ويعتذر بأن أضظر لتغيير الموعد ، للأسف بعض الأحيان يكون عندك موعد مع دكتور ما وتجي وتفاجأ بأن هذا الدكتور في إجازة ولا في إجتماع ولا ولا ولا ..................الخ .
صحيح إلى متى المفروض في مهنة الطب معالجة الأرواح قبل الأمراض .

[M!$s ĀŁ!eN]

مؤسسة حمد الطبيه

لا تعليق الصراحه

[دااانة قطر]

كان عندي موعد عن دكتور ناطره من فترة ولما حضرت قالوالدكتور في اجتماع واعتذر وخذ موعد ثاني ويالله أنطر من جديد
يامستشفى حمد بياناتي عندكم علموني أن الدكتور اعتذر قبلها بيوم عشان ما اجي
ولا احنا ماعندنا اشغال والله شيء يبط الكبد مادري الى متى

الله المستعاان
يااما صاارات معااي بنتي يكون عندها موعد واخذها من المدرسه واروح لهم ولا الدكتوره اجازه
والقهر الموعد الثااني بعد شهرين او ثلاااث ويتصلون علي ان بعد تأجل لأن الدكتوره ماخذه اجاازه
مب حااله:rolleyes2:

[CH Engineer]

كان عندي موعد عن دكتور ناطره من فترة ولما حضرت قالوالدكتور في اجتماع واعتذر وخذ موعد ثاني ويالله أنطر من جديد
يامستشفى حمد بياناتي عندكم علموني أن الدكتور اعتذر قبلها بيوم عشان ما اجي
ولا احنا ماعندنا اشغال والله شيء يبط الكبد مادري الى متى
طيب ليش تنتظر وتحجز مره ثانيه انت اولى من الي جايين بعدك!

عيب يامستشفى حمد نسمع هالشكاوي !!!!!!!

[تحداني]

هذيلن بعد يبيلهم أحد يقول لهم " في ستين داهيه "
إدواهم بعض الناس


جملك الله برضاه

[مهرة]

وهالمستشفى مافيها الا دكتورة وحدة .. لا حول ولا قوة إلا بالله وعلى حد علمي التحليل المستعجل يطلع بنفس اليوم واذا بيتاخر بياخذ له يومين ليش العبث والإهمال واللا مبالاة .. الله لا يحوجنا لمثل هالمستشفيااااات

والله يعينكم

[رجل الجزيرة]

اللي اعرفه ،، النتيجة ممكن تطلع في الطواري من خلال الكمبيوتر في الحالات المستعجلة
او تطلبين مراجعة طبيب ثاني ،، ولازم تراجعين المسؤولين في المستشفى ،،


إلا تحاليل زراعة الدم والبول يطولون على الأقل يومين.

[حقيقه]

نتيجة التحليل على الكمبيوتر

روحي لأي دكتور وقولي لهم بإدخل عليه كأستشاره
بيسوون لتس موعد
وهو بيطلع لتس النتائج

[ام السعف]

إلا تحاليل زراعة الدم والبول يطولون على الأقل يومين.

اتكلم عن التحاليل بشكل عام ،، لو كانت زراعة وتاخذ ثلاث ايام ،، ومحتاجين النتيجة
تروح على الطواري ،، ويطلعون لها النتيجة ،، ويعطونها تحويلة مستعيلة لو حالة الطفل
تستدعي ،،

الوالد ربنا يواليه الصحة والعافية ،، تعب ،، شكينا ان الغدة ردت له ،، وموعده كان قريب
سووا له التحاليل والموعد الثاني بعد 3 شهور ،، كلها 4 ايام والطواري مسنعين لنا امورنا
وصرفنا الأدوية من دكتور مسائي ،، وتم كل شي بفضل من الله وتيسيره ،،

[للصبر اخر]

انا عندي سؤال خارج عن الموضوع ؟؟
وين كتاب المقالات عن مؤسسة حمد
ناس تموت وادويه غلط
ليش ساكتيييييييين
وبالنسبه لمواعيد الدكاتره خذ وخل
والله المستعان

[طبيب قطري]

(مؤسسة حمد الطبيه ..لا تعليق الصراحه)
معاج حق ,, مؤسسة حمد بيبلها اعادة تقيييييم . بلاويهم واهمالهم في المرضى واضح بس مااحد يحاسبهم ليش ماادري!!

[فلهاااا]

اولاً اشكر كل من تفاعل مع الموضوع

مشكلتي يا اخواني واخواتي اني مسافر على طول ويوم نزلت فاجازة راس السنة رحت للمستشفى عساس اطلع النتيجة وارسي معاهم على شي اسبوعين اراكض ورى هالدكتورة وماقدرت اصيدها حاولت الاقي دكتور ثاني فكان رد كل دكتور ببساطة مو من اختصاصي لدرجة اني فيوم من الايام قالوا عندها جوله عالمرضى الدخليين رحت ادورها قدرت احصلها الساعة 12 اللا خمس تقريبا قالت انا خلص دوامي تعال يوم الخميس وعطتني ظهرها وراحت لو رجال بعرف اتصرف معاه بنفس اللحظة وطبعاً المسؤلين فأجتماعات كلهم وهم لا اجتماعات ولاهم يحزنون
المصيبة انها قطـــــــــــــــــــــــــــــــــــــرية

[المفترسه]

ما ينلامون الدكاتره صدقوني الي يشتغل في حمد في القطاع الطبي
بيعرف معنى كلامي طبيعة العمل مرهقه وفيها ضغط مستمر والطبيب
يعمل في اكثر من مكان فاليوم يعني يستقبل مرضى في الطواري تالي يروح
على الاقسام الداخليه يتابع المرضى وعقب يراكض في العياده هاذي غير الاجتماعات والمحاضرات الي بيحضرها اثناء دوامه وحتى في اجازتهم يكونون اون كول وينادونهم في الحالات الحرجه وفوق هذا المووسسه تعاني من نقص
الكادر الطبي في بعض التخصصات وازياد المرضى بشكل يومي فعلا مشكله
كبيره الموسسه بحاجه الى اعادة تنظيم سريع