سعره 600 في دولة مجاورة وفي الدوحة 8000 ريال..

[غزلان]

سعره 600 في دولة مجاورة وفي الدوحة 8000 ريال.. مواطنة تشتري فستاناً بعشرة أضعاف ثمنه!



نجاتي بدر:الشرق


مبالغة كبيرة فى بيع وتداول المنتجات من الملبوسات وتفاوت كبير بين الأسعار للسلعة الواحدة داخل السوق القطري وأسواق الدول المجاورة، قد نجد أحد انواع الملابس يباع بسعر قد يصل إلى ضعف سعره فى محال أخرى رغم توافق السلعة بشكل كامل فى أغلب الأحيان، البعض يرجع السبب إلى تفاوت مستوى المحل والموقع، فالمحل الذي يمارس نشاطه فى منطقة تجارية شعبية يختلف بالطبع عن المحلات الأخرى التي تعمل وتمارس نشاطها من داخل كبرى المجمعات، أسباب عديدة قد تكون وراء تفاوت الأسعار بين المحال والمجمعات وربما الكثير منها مقبول رغم تدنى أسعار نفس السلع فى أسواق الدول المجاورة، قد يكون من المقبول أن تزيد الأسعار إلى الضعف أو حتى الضعفين بين أسواقنا وأسعار نفس السلع من الملبوسات بأسواق الدول الخليجية المجاورة، ولكن من غير المقبول أن يصل الضعف إلى 13 من القيمة التي تباع بها نفس السلعة فى سوق خارج قطر.

تقول مواطنة لـ "الشرق" إن التلاعب بالأسعار من قبل المحال التجارية خاصة المتخصصة فى بيع الملابس وغيرها من الضروريات التي يحتاج إليها جميع أفراد المجتمع باستمرار أصبح أمرا يجب التدخل من قبل الجهات المختصة لبحث سبل القضاء على كل الحجج التي يمارسها العاملون فى محال بيع الملابس لتحقيق أعلى الأرباح وأن تفاوت الأسعار يرجع للماركات واختلاف بلدان التصنيع، وتضيف المواطنة: غش فى البيع وصل إلى درجة بيع فستان بسعر يتعدى 13 ضعف ثمنه الذي يباع به فى سوق دولة مجاورة، وتقول: لقد قمت بشراء فستان من أحد المحال المتخصصة فى بيع الملابس النسائية بقيمة 8 آلاف ريال بعد أن أقنعني العاملون بالمحل بجودته وصناعته المتميزة لأحد البلدان المعروفة بتصنيع الفساتين الراقية.

تلاعب خطير

وتضيف: بعد شرائي الفستان قمت بالسفر إلى دولة مجاورة وهناك اكتشفت خلال جولتي بسوق هذه الدولة أن نفس الفستان والموديل والصناعة يباع بـ 600 ريال فقط الأمر الذي صدمني للغاية وتأكدت حينها أن هناك جشعا رهيبا وتلاعبا خطيرا يحدث من قبل العاملين بمحال بيع الملابس النسائية وكافة المحال الأخرى التي قد تشترى من دول مجاورة بأسعار زهيدة لتبيعها للمواطنين والمقيمين من الجنسين بأسعار خيالية تتطلب تدخلا فوريا لبحث سبل القضاء على هذا الجشع وردع مرتكبيه.

اتخاذ إجراءات صارمة

وتطالب المواطنة بضرورة اتخاذ إجراءات صارمة بحق محل بيع الملابس الذي اشترت منه الفستان بسعر خيالي وحماية النساء الأخريات من الوقوع ضحية لهذا المحل وغيره من محال بيع الملابس النسائية أو الرجالية التي قد تبيع ملابس ومنتجات مقلدة أو رخيصة للغاية بأسعار تفوق 13 - وربما أكثر - ضعفاً من ثمنها فى أسواق دول مجاورة.

[ملاك]

اقروووووووووووا يا حماية المستهلك

[تاجر كشخة]

لين متى واحنا مضروبين على اذنا خلاص انهبوا فينا نهب عسى ربي لا يوفقهم على كل ريال خذوه بدون وجه حق
نصيحه اشتروا من امازون اوفر بكثيييير وافضل
بس نصيحه قبل لا تلبسون اشياء ماخوذه من برع اغسلوها في المغسله وبعدين البسوها تجنب للامراض وهذا والله اعلم

[بوحمد111]

الحمد لله على نعمة العقل وهذه ليست المرة الاولى ولا بتكون الاخيره اللي يتلاعب بها التجار واستغلالهم للمستهلكين والاشياء كثيره جدا تجدها في قطر اضعاف اضعاف السعر في الدول المجاوره وعلى سبيل المثال قطع غيار السيارات والمواد الكهربائيه والملابس وغيرها وغيرها
الله عليهم قوي والدور على حماية المستهلك اذا لم يكن احد منهم مستفيد من ارتفاع الاسعار بشكل فضيع وكأنه ما يشوف ولا يسمع ولا يتكلم

[بصمة قطرية]

تصدقين غزلان انا ما احب آخذ فساتين من الدوحة
دوم آخذها من السعودية وبفرق كبييييير في السعر
يعني هني تلقينه أضعاف أضعاف السعر ..
و كم مرة قارنت سعر نفس الفستان اللي خذته من السعودية
سعره ( 1200 ) في الدوحة ( 3600 )
و في بعد غير و أسعار دبل
انقهر و اقول الحين انا قادرة اسافر و أتسوق من هناك
غيري اللي ما يقدر مب قهر يدفعون دبل الأسعار ..!! :anger1:
من فترة بسيطة إضطريت اني آخذ فستانين من الدوحة
قلبي عورني على الأسعار لأني متأكدة انها في السعودية الربع
لكن شنسوي مرات نحتد و نضطر ناخذ من هني ..

والله حرااام يخدعون العالم
و يستغلونهم و يستغفلونهم ..

[سهم عتيج]

يعطيك العافية اختي غزلان على النقل

ولكني اعتقد ان الجريدة اخطأت بالموافقة للصحفي بنشر الموضوع لانه يبدو انه تصفية حسابات لااكثر

يعني الصحقي عجز انه يسوي تحقيق في الموضوع وياخذ كلام مجموعة من الناس عشان يكون الكلام عام

مش يطرح موضوع ويعرض فيه حالة وحدة فقط ومن ثم يطلب من الجهات المختصة اغلاق المحل

شخصيا لااحبذ هذا النوع من الطرح خاصة الذي يطغى عليه الطابع الشخصي وتحريك المشاعر للتعاطف لااكثر

والله الموفق

[نيساني]

حماية المستهلك كلمتهم مره قالوا لي يمكن راعي المحل عنده تصريح لرفع السعر


للاسف كنت اتمنى يقولون ابشر طال عمرك بنمر اليوم هناك ونشيك ونرد لك خبر لا وبعض ردودهم دام انك عرفت ان هالمحل سعره فوق لاتروح له اكيد مب رايح له عيل ليش متصل لكم

والله ردودهم تبط الجبد

حسبي الله ونعم الوكيل

وشكراً

[elders]

فساتين وكماليات مش منطق نعترض عليها ابداً ...بين البايع والشاري يفتح الله

[بوحارب]

معروفة اسعار الفساتين في قطر دبل دبل دبل السعر عن السعودية :anger1:



فساتين وكماليات مش منطق نعترض عليها ابداً ...بين البايع والشاري يفتح الله

يعني اذا جى وقت الكماليات والزينة يحق للتاجر النصب على المستهلك صحيح ؟؟

[قناص الخليج]

الحين شوفوا المواد الغذائية والمواد الاستهلاكيه تختلف اسعارها من مجمع لاخر

[elders]

يعني اذا جى وقت الكماليات والزينة يحق للتاجر النصب على المستهلك صحيح ؟؟

مش نصب هو حر والمشتري كمان حر .. المستهلك مش مضطر يشتري ببساطة ..في خيارات تانية اخي

[للصبر اخر]

وين حماية المستهلللك

امس على تويتر جمعية الشرقه تثبت اسعار 100 سلعه
هني ليش مايتحررررررررررررررررركون

[love1972]

الله المستعان

[A.L.I]

سعره 600 في دولة مجاورة وفي الدوحة 8000 ريال.. مواطنة تشتري فستاناً بعشرة أضعاف ثمنه!



نجاتي بدر:الشرق


مبالغة كبيرة فى بيع وتداول المنتجات من الملبوسات وتفاوت كبير بين الأسعار للسلعة الواحدة داخل السوق القطري وأسواق الدول المجاورة، قد نجد أحد انواع الملابس يباع بسعر قد يصل إلى ضعف سعره فى محال أخرى رغم توافق السلعة بشكل كامل فى أغلب الأحيان، البعض يرجع السبب إلى تفاوت مستوى المحل والموقع، فالمحل الذي يمارس نشاطه فى منطقة تجارية شعبية يختلف بالطبع عن المحلات الأخرى التي تعمل وتمارس نشاطها من داخل كبرى المجمعات، أسباب عديدة قد تكون وراء تفاوت الأسعار بين المحال والمجمعات وربما الكثير منها مقبول رغم تدنى أسعار نفس السلع فى أسواق الدول المجاورة، قد يكون من المقبول أن تزيد الأسعار إلى الضعف أو حتى الضعفين بين أسواقنا وأسعار نفس السلع من الملبوسات بأسواق الدول الخليجية المجاورة، ولكن من غير المقبول أن يصل الضعف إلى 13 من القيمة التي تباع بها نفس السلعة فى سوق خارج قطر.

تقول مواطنة لـ "الشرق" إن التلاعب بالأسعار من قبل المحال التجارية خاصة المتخصصة فى بيع الملابس وغيرها من الضروريات التي يحتاج إليها جميع أفراد المجتمع باستمرار أصبح أمرا يجب التدخل من قبل الجهات المختصة لبحث سبل القضاء على كل الحجج التي يمارسها العاملون فى محال بيع الملابس لتحقيق أعلى الأرباح وأن تفاوت الأسعار يرجع للماركات واختلاف بلدان التصنيع، وتضيف المواطنة: غش فى البيع وصل إلى درجة بيع فستان بسعر يتعدى 13 ضعف ثمنه الذي يباع به فى سوق دولة مجاورة، وتقول: لقد قمت بشراء فستان من أحد المحال المتخصصة فى بيع الملابس النسائية بقيمة 8 آلاف ريال بعد أن أقنعني العاملون بالمحل بجودته وصناعته المتميزة لأحد البلدان المعروفة بتصنيع الفساتين الراقية.

تلاعب خطير

وتضيف: بعد شرائي الفستان قمت بالسفر إلى دولة مجاورة وهناك اكتشفت خلال جولتي بسوق هذه الدولة أن نفس الفستان والموديل والصناعة يباع بـ 600 ريال فقط الأمر الذي صدمني للغاية وتأكدت حينها أن هناك جشعا رهيبا وتلاعبا خطيرا يحدث من قبل العاملين بمحال بيع الملابس النسائية وكافة المحال الأخرى التي قد تشترى من دول مجاورة بأسعار زهيدة لتبيعها للمواطنين والمقيمين من الجنسين بأسعار خيالية تتطلب تدخلا فوريا لبحث سبل القضاء على هذا الجشع وردع مرتكبيه.

اتخاذ إجراءات صارمة

وتطالب المواطنة بضرورة اتخاذ إجراءات صارمة بحق محل بيع الملابس الذي اشترت منه الفستان بسعر خيالي وحماية النساء الأخريات من الوقوع ضحية لهذا المحل وغيره من محال بيع الملابس النسائية أو الرجالية التي قد تبيع ملابس ومنتجات مقلدة أو رخيصة للغاية بأسعار تفوق 13 - وربما أكثر - ضعفاً من ثمنها فى أسواق دول مجاورة.







:eek5::eek5::eek5::eek5::eek5::eek5::eek5::eek5:

[بصمة قطرية]

مش نصب هو حر والمشتري كمان حر .. المستهلك مش مضطر يشتري ببساطة ..في خيارات تانية اخي

لا والله نصب ...
صحيح حر بس مرات الواحد يكون مضطر ..
و ما في بديل ..!!!

[chillis]

انا اعتقد فيها مبالغه وان ما كانت مبالغه ميه بالميه الصناعه تختلف مستحيل كل هالفرق شي ما يدش العقل :)

[بوحارب]

مش نصب هو حر والمشتري كمان حر .. المستهلك مش مضطر يشتري ببساطة ..في خيارات تانية اخي

صح محد مغصوب انه يشتري بس بعد ماتكون المبلاغه في رفع الأسعار كذا :)

على العموم متعودين على حركات التجّار الجشعه عندنا :omen2:

[elders]

لا والله نصب ...
صحيح حر بس مرات الواحد يكون مضطر ..
و ما في بديل ..!!!


صح محد مغصوب انه يشتري بس بعد ماتكون المبلاغه في رفع الأسعار كذا :)

على العموم متعودين على حركات التجّار الجشعه عندنا :omen2:

طول ما هو شايف الناس عم تشتري منو بأسعار خيالية من غير اي سبب مقنع !! عادي يحكي زيادة الخير خيرين واكثر ..

اللي بدي اوصله انه لا تضلو تحكو حماية المستهلك ،لما المستهلك يكون واعي ما بدو حماية

طبعا حكيي بس في الكماليات ..قال فستان تكلفتو اقل من 600 اشتريه بأكثر من 12 ضعف !!!

اي حماية هاي ؟؟

[غايه الطواش]

انا اعتقد فيها مبالغه وان ما كانت مبالغه ميه بالميه الصناعه تختلف مستحيل كل هالفرق شي ما يدش العقل :)

احيان ماتكون مبالغه

اختي شرت جلابيه من المحل الي فوق "مابي اذكر اسمه"" في رويال بلازا الي فيه جلابيات مغربيه ومني دراعه وجلابيات كشخه ب 1100 ويوم راحت كشك في لاند مارك لقت الجلابيه ب 450 :shy:

[ريان]

لقد أسمعت لو ناديت حيا
ولكن لا حياة لمن تنادي

[رآعي موآجيب]

انا اعتقد فيها مبالغه وان ما كانت مبالغه ميه بالميه الصناعه تختلف مستحيل كل هالفرق شي ما يدش العقل :)


اي شخص بيقول مبالغه لأن الموضوع لا يصدق اصلا


لكن مع الأسف هذا الصحيح وخصوصا في موضوع فساتين النسوان

محل معروف في الستي سنتر عنده فستان بـ 3800 ريال ، اخوه في العثيم بـ 900 ريال

واعتقد منصوب علينا بعد بحكم الكشخه القطريه :)

علشان كذا انا مصدق كلامها :nice:

[المدريدي]

اقروووووووووووا يا حماية المستهلك


من ما أسمع عدل :discuss:

من هؤلاء حماية المستهلك ليش عندنا حماية المستهلك في الدوحه :omen2:

[نوار قطر]

فساتين وكماليات مش منطق نعترض عليها ابداً ...بين البايع والشاري يفتح الله

صح بس بحدود المعقول مب نلاقي الفرق بالالاف ونقول بين البايع والشاري يفتح الله:secret:

[وسمي2016]

[color="purple"][size="5"]
يعطيك العافية اختي غزلان على النقل

ولكني اعتقد ان الجريدة اخطأت بالموافقة للصحفي بنشر الموضوع لانه يبدو انه تصفية حسابات لااكثر

يعني الصحقي عجز انه يسوي تحقيق في الموضوع وياخذ كلام مجموعة من الناس عشان يكون الكلام عام

مش يطرح موضوع ويعرض فيه حالة وحدة فقط ومن ثم يطلب من الجهات المختصة اغلاق المحل

شخصيا لااحبذ هذا النوع من الطرح خاصة الذي يطغى عليه الطابع الشخصي وتحريك المشاعر للتعاطف لااكثر

والله الموفق

,,,,,, كلام سليم 100%%,,,,

[مهرة]

شي مو جديد على سوق الدوحة لا رقيب ولا حسيب والتجار يلعبوونها مع بعض على حساب المواطن المسكين المغلوووب على امره .. حسبي الله عليهم متى بيوقف طوفان الطمع عندهم ومن الي راح يوقفه .. حسبي الله عليهم خافووو الله وارحمو من في الأرض يرحمكم ويرزقكم من في السماء .. هي جات بس عالفساتين والله في ناس حالتهم كسيفة الله يعينهم ..

[حسن]

ولاتوجد مقارنه بين تكاليف المحل واجاره بين قطر وباقي العالم في فرق كبير لازم الاسعار مختلفه تقارن محل ايجاره في قطر شهريا 25000 وفي السعوديه ايجاره السنوي 12000 شفتو شلون الفرق

[الحياة الخالدة]

حماية المستهلك كلمتهم مره قالوا لي يمكن راعي المحل عنده تصريح لرفع السعر


للاسف كنت اتمنى يقولون ابشر طال عمرك بنمر اليوم هناك ونشيك ونرد لك خبر لا وبعض ردودهم دام انك عرفت ان هالمحل سعره فوق لاتروح له اكيد مب رايح له عيل ليش متصل لكم

والله ردودهم تبط الجبد

حسبي الله ونعم الوكيل

وشكراً


أول مرة أعرف إن بعض المحلات عندها تصريح لرفع السعــــــر :omg:

[غزلان]

اقروووووووووووا يا حماية المستهلك


حماية المستهلك مركبين مخفي:(

[غزلان]

لين متى واحنا مضروبين على اذنا خلاص انهبوا فينا نهب عسى ربي لا يوفقهم على كل ريال خذوه بدون وجه حق
نصيحه اشتروا من امازون اوفر بكثيييير وافضل
بس نصيحه قبل لا تلبسون اشياء ماخوذه من برع اغسلوها في المغسله وبعدين البسوها تجنب للامراض وهذا والله اعلم


---

اخوي مب كل البضايع متوفره بامازون فلازم نحتاج الى محلات اخرى

[غزلان]

الحمد لله على نعمة العقل وهذه ليست المرة الاولى ولا بتكون الاخيره اللي يتلاعب بها التجار واستغلالهم للمستهلكين والاشياء كثيره جدا تجدها في قطر اضعاف اضعاف السعر في الدول المجاوره وعلى سبيل المثال قطع غيار السيارات والمواد الكهربائيه والملابس وغيرها وغيرها
الله عليهم قوي والدور على حماية المستهلك اذا لم يكن احد منهم مستفيد من ارتفاع الاسعار بشكل فضيع وكأنه ما يشوف ولا يسمع ولا يتكلم


--

الله يعين ويصدر قانون لعلاج هالمشكله

[غزلان]

تصدقين غزلان انا ما احب آخذ فساتين من الدوحة
دوم آخذها من السعودية وبفرق كبييييير في السعر
يعني هني تلقينه أضعاف أضعاف السعر ..
و كم مرة قارنت سعر نفس الفستان اللي خذته من السعودية
سعره ( 1200 ) في الدوحة ( 3600 )
و في بعد غير و أسعار دبل
انقهر و اقول الحين انا قادرة اسافر و أتسوق من هناك
غيري اللي ما يقدر مب قهر يدفعون دبل الأسعار ..!! :anger1:
من فترة بسيطة إضطريت اني آخذ فستانين من الدوحة
قلبي عورني على الأسعار لأني متأكدة انها في السعودية الربع
لكن شنسوي مرات نحتد و نضطر ناخذ من هني ..

والله حرااام يخدعون العالم
و يستغلونهم و يستغفلونهم ..




--
مب اول مره يكون فرق السعر بين دول الخليج وقطر خاصه في الفساتين الظاهر المحلات مستغله احتكارها والناس الى مايقدرون يسافرون..

[وطن]

بالفعل شفت محل في احد المجمعات عنده فساتين نفس اللي شفتها في الانترنت في موقع امريكي
والسعر ضارب

طبعا احنا طلبنا من النت
الموديلات تكون اجدد
والسعر مع الشحن ما يوصل نص سعر الفستان هني

وبعد نسيت اقول
ارخص من الدول المجاورة

[الماريّة]

صحيح كلامها

دايم ناخذ فساتين من الحسا والرياض اسعارهم اضعاف اضعاف الي في الدوحه

لكن شنقول الشكوى لله

[غزلان]

يعطيك العافية اختي غزلان على النقل

ولكني اعتقد ان الجريدة اخطأت بالموافقة للصحفي بنشر الموضوع لانه يبدو انه تصفية حسابات لااكثر

يعني الصحقي عجز انه يسوي تحقيق في الموضوع وياخذ كلام مجموعة من الناس عشان يكون الكلام عام

مش يطرح موضوع ويعرض فيه حالة وحدة فقط ومن ثم يطلب من الجهات المختصة اغلاق المحل

شخصيا لااحبذ هذا النوع من الطرح خاصة الذي يطغى عليه الطابع الشخصي وتحريك المشاعر للتعاطف لااكثر

والله الموفق




---


الله يعافيك اخوي سهم عتيج

يمكن اخوي ومعاك حق ان الجريده تسرعت لكن ماذكرت اسم المحل ,,لكن مايمنع ان فعلا هالشي موجود وهو ارتفاع الأسعار عن باقي الدول ومثال بسيط خذت من ميجامارت فلفل تباسكو العلبه الحجم الميني تكون فيها ست غراش صغار 40 ريال وحصلتها بجده 11 ريال

شكرا لمشاركتك

[غزلان]

حماية المستهلك كلمتهم مره قالوا لي يمكن راعي المحل عنده تصريح لرفع السعر


للاسف كنت اتمنى يقولون ابشر طال عمرك بنمر اليوم هناك ونشيك ونرد لك خبر لا وبعض ردودهم دام انك عرفت ان هالمحل سعره فوق لاتروح له اكيد مب رايح له عيل ليش متصل لكم

والله ردودهم تبط الجبد

حسبي الله ونعم الوكيل

وشكراً



سلبيه في التعامل ليكون عاجبهم الوضع مستحيين يقولون:(

العفوا

[غزلان]

فساتين وكماليات مش منطق نعترض عليها ابداً ...بين البايع والشاري يفتح الله


:omg:

[غزلان]

معروفة اسعار الفساتين في قطر دبل دبل دبل السعر عن السعودية :anger1:




يعني اذا جى وقت الكماليات والزينة يحق للتاجر النصب على المستهلك صحيح ؟؟


---
اكثر من وحده تقول نفس كلامك ومن تجربه خاصه في السعوديه ارخص بوااايد

[غزلان]

الحين شوفوا المواد الغذائية والمواد الاستهلاكيه تختلف اسعارها من مجمع لاخر


واحنا الى ندفع الثمن:(

[كلنا قطر 1981]

انا اعتقد فيها مبالغه وان ما كانت مبالغه ميه بالميه الصناعه تختلف مستحيل كل هالفرق شي ما يدش العقل :)

اختي شليز اولا ولكم باك

بس بصراحه في اختلاف كبير في الاسعار و انا بعطيج مثال بسيط صار وياي

رحت ابي ابدل تواير موتري في الدوحه قيمة ال4 تواير 7000 ريال و بيسون لهم طلبيه لانهم

مب موجودين و بتوصل التواير عقب اسبوعين من الطلبيه

المهم رحت السعوديه و ف الطايف بالتحديد عند الربع و قلت خلني اشيك اذا التواير موجودين

عندهم و لا لا حصلتهم و خذتهم ال 4 ب 3000 ريال الفرق بين الدوحه و السعوديه بهالسلعه

4000 ريال شدعوه وين عايشين احنا ؟؟؟؟

و نفس النوعيه و نفس النقشه و نفس الحجم زين ليش كل هالفرق بين قطر و السعوديه ؟؟؟

اوكي انا ادري انه الايجار عندنا اغلى من عندهم و تسكين الموظفين اغلى بعد بس مب

لهدرجه يكون الفرق


اما بالنسبه لحماية المستهلك فهم فعلا يحمون المستهلك الي هم التجار اما احنا يطلق علينا

المتاهالك مب المستهلك

تسلمين اختي غزلان على الطرح الطيب
بس ما نقول غير الله المستعان :)

[بنسل]

قبل شـوي في وطنـي الحبيب
مواطن عنده رنج وفيها عطل فالهيدروليك
فحصوله المووتر بملغ وقدره ألف وشي
وقالوله الموتر فيه كذا وكذا وكذا وراح يكلفك 13،000

راح عند اقرب كراج وصلحله صاحب الكراج العطل. بـ 900 ريال :)

يَ هوه صَح صِح شـوي

[ام السعف]

دام ان ما عندنا حماية للمستهلك ،، كل يخيط ويبيط على كيفه

[M7ammd]

تحية خاصة جدا لحماية حقوق المستهلك

[غزلان]

وين حماية المستهلللك

امس على تويتر جمعية الشرقه تثبت اسعار 100 سلعه
هني ليش مايتحررررررررررررررررركون


لو شايفينها مشكله كان تحركوا:shy:

[غزلان]

الله المستعان


سبحان ربي

[غزلان]

:eek5::eek5::eek5::eek5::eek5::eek5::eek5::eek5:


عادي الأسعار بقطر توب تن لاتتعجب:eek5:

[غزلان]

انا اعتقد فيها مبالغه وان ما كانت مبالغه ميه بالميه الصناعه تختلف مستحيل كل هالفرق شي ما يدش العقل :)


اختي المواقف الى تعرضوا لها الأعضاء وذكروها بالموضوع تثبت انه مافيه مبالغه كلش:rolleyes2:

[بوعلي2]

حسبي الله ونعم الوكيل

[بوالبيض]

والله مب شي بسيط صج جشع من التجار لو افترضنا سعر المحل غالي بس مو لهدرجه
سعره يكون غالي اضعاف مضاعفه ....
الله المستعان

[غزلان]

احيان ماتكون مبالغه

اختي شرت جلابيه من المحل الي فوق "مابي اذكر اسمه"" في رويال بلازا الي فيه جلابيات مغربيه ومني دراعه وجلابيات كشخه ب 1100 ويوم راحت كشك في لاند مارك لقت الجلابيه ب 450 :shy:


الأسعار بين المحلات بعضها البعض وبين دول الخليج وقطر صايره شوربه:(

[غزلان]

لقد أسمعت لو ناديت حيا
ولكن لا حياة لمن تنادي


--

يعني عادي نفلس اذا الأسعار بتكون جنونيه وبدون قوانين:(

[حراير قطر]

تدرين غزلان شريت فستان من الحسا

وفيه شغل وااااااايد بـ 700 ريال

واهنيه شريت فستان ما فيه شيء ناعم وااااايد بـ 2400 ريال

سألت وحده عن الفستان اللي خذته من الحسا

قلت لها تتوقعين كم سعره قالت اتوقع بـ 3000

من كثر الشغل اللي فيه يوم قلت لها السعر انصدمت

على بالها من اهنيه مأخذته والحين عندي عرس قريب

ان شاء الله باروح اخذ لي من الحسا وناسه وسكن ومشتريات

بقيمة 3000 ريال واذا مب اقل ...

[غزلان]

اي شخص بيقول مبالغه لأن الموضوع لا يصدق اصلا


لكن مع الأسف هذا الصحيح وخصوصا في موضوع فساتين النسوان

محل معروف في الستي سنتر عنده فستان بـ 3800 ريال ، اخوه في العثيم بـ 900 ريال

واعتقد منصوب علينا بعد بحكم الكشخه القطريه :)

علشان كذا انا مصدق كلامها :nice:


--

وانا اخوي مصدقه وكل المواقف الى تعرضوا لها الأعضاء تثبت ان كلامها صح رغم فرق السعر لكبييير

[غزلان]

من ما أسمع عدل :discuss:

من هؤلاء حماية المستهلك ليش عندنا حماية المستهلك في الدوحه :omen2:


هههههههههههههههههههههههههههههههههههههههههههههههه :secret:

[المفترسه]

مو بس الفساتين الجاهزه حتى اسعار المصممين شابه ضو
مره بغيت افصل فستان رحت لابوم وعطا الله وادم التصميم الي
ابيه مع الخلق يطلع ب17 الف ويوم رحت للمصمم احمد بدوي في السعوديه
وحياتكم فصلي فستان السمكه مال نجمات هوليوود ب5000ريال وطلع شي خيال

[غزلان]

صح بس بحدود المعقول مب نلاقي الفرق بالالاف ونقول بين البايع والشاري يفتح الله:secret:


لو ماكانت المبالغه غير طبيعيه ومايتقبلها عقل كان مااعترضنا:nice:

[غزلان]

شي مو جديد على سوق الدوحة لا رقيب ولا حسيب والتجار يلعبوونها مع بعض على حساب المواطن المسكين المغلوووب على امره .. حسبي الله عليهم متى بيوقف طوفان الطمع عندهم ومن الي راح يوقفه .. حسبي الله عليهم خافووو الله وارحمو من في الأرض يرحمكم ويرزقكم من في السماء .. هي جات بس عالفساتين والله في ناس حالتهم كسيفة الله يعينهم ..


--

الأسعار لخبطت الميزانيه وبعض الأسر مب قادره تلحق مصاريف ولا حتى توفير للزمن

[مبتدئة]

اختي كانت ماخذه فستان من الرياض بعد الخصم بـ7000

وعقبها بـ شهر شفت الفستان معروض في المحل اللي في فندق شرق بـ 3500

!!

هاي المرة الوحيدة اللي حسيت ان قطر ارخص! اعتقد انها غلطة

[غزلان]

ولاتوجد مقارنه بين تكاليف المحل واجاره بين قطر وباقي العالم في فرق كبير لازم الاسعار مختلفه تقارن محل ايجاره في قطر شهريا 25000 وفي السعوديه ايجاره السنوي 12000 شفتو شلون الفرق


--

حتى لو تقول السبب اختلاف الأجار وهل البايع بيعوض الأجار الى يدفعه من رفعه للأسعار ؟ اذا كانت الدول المجاوره ارخص محد بيشتري من عنده

[غزلان]

بالفعل شفت محل في احد المجمعات عنده فساتين نفس اللي شفتها في الانترنت في موقع امريكي
والسعر ضارب

طبعا احنا طلبنا من النت
الموديلات تكون اجدد
والسعر مع الشحن ما يوصل نص سعر الفستان هني

وبعد نسيت اقول
ارخص من الدول المجاورة


--

اعرف وايد من هلي يطلبون من النت مثل ماقلتي وطن ارخص بكثير

انا صرت اخذ من برع ارخص واحسن توني ماخذه فستان من جده بسعر3500 تقول اختي لو بقطر مابيكون اقل من 11000 اشوف بعض الدول اسعارهم معقوله وتناسب البضاعه المعروضه ..

[غزلان]

صحيح كلامها

دايم ناخذ فساتين من الحسا والرياض اسعارهم اضعاف اضعاف الي في الدوحه

لكن شنقول الشكوى لله


الأغلبيه اذا عندهم مناسبه يروحون الحسا او الخبر فساتين متنوعه وباسعار معقوله

[غزلان]

اختي شليز اولا ولكم باك

بس بصراحه في اختلاف كبير في الاسعار و انا بعطيج مثال بسيط صار وياي

رحت ابي ابدل تواير موتري في الدوحه قيمة ال4 تواير 7000 ريال و بيسون لهم طلبيه لانهم

مب موجودين و بتوصل التواير عقب اسبوعين من الطلبيه

المهم رحت السعوديه و ف الطايف بالتحديد عند الربع و قلت خلني اشيك اذا التواير موجودين

عندهم و لا لا حصلتهم و خذتهم ال 4 ب 3000 ريال الفرق بين الدوحه و السعوديه بهالسلعه

4000 ريال شدعوه وين عايشين احنا ؟؟؟؟

و نفس النوعيه و نفس النقشه و نفس الحجم زين ليش كل هالفرق بين قطر و السعوديه ؟؟؟

اوكي انا ادري انه الايجار عندنا اغلى من عندهم و تسكين الموظفين اغلى بعد بس مب

لهدرجه يكون الفرق


اما بالنسبه لحماية المستهلك فهم فعلا يحمون المستهلك الي هم التجار اما احنا يطلق علينا

المتاهالك مب المستهلك

تسلمين اختي غزلان على الطرح الطيب
بس ما نقول غير الله المستعان :)




---

اخوي السعوديه ارخص من عندنا بوااايد ولو كلامي غلط كان مب كل اهل قطر رايحين ورادين على السعوديه يتشرون منها وش الي بيجبرهم دام بقطر ارخص

[غزلان]

قبل شـوي في وطنـي الحبيب
مواطن عنده رنج وفيها عطل فالهيدروليك
فحصوله المووتر بملغ وقدره ألف وشي
وقالوله الموتر فيه كذا وكذا وكذا وراح يكلفك 13،000

راح عند اقرب كراج وصلحله صاحب الكراج العطل. بـ 900 ريال :)

يَ هوه صَح صِح شـوي


--

دايما اخوي التصليح بالوكاله اغلى من الكراجات

مره اخوي يقول لنا عن تواير سيارته قال له صاحب احد الوكالات صلحها برع وذكر له اسم محل ارخص من عندنا احنا اصلا ناخذ من المحل الى قلت لك عليه:secret:

[غزلان]

دام ان ما عندنا حماية للمستهلك ،، كل يخيط ويبيط على كيفه


صدقتي اختي ام السعف الأسعار صارت عجينة لقيمات
http://www.qatarshares.com/vb/images/smilies/biggrin.gif

[غزلان]

تحية خاصة جدا لحماية حقوق المستهلك


المفروض يكون لهم دور اكبر على تزايد الشكاوي من الأسعار

[غزلان]

حسبي الله ونعم الوكيل


ان شاء الله يكون فيه حل حتى لو في المستقبل

[غزلان]

والله مب شي بسيط صج جشع من التجار لو افترضنا سعر المحل غالي بس مو لهدرجه
سعره يكون غالي اضعاف مضاعفه ....
الله المستعان



فرق السعر مب بسيط غصب الواحد ينقهر

[غزلان]

تدرين غزلان شريت فستان من الحسا

وفيه شغل وااااااايد بـ 700 ريال

واهنيه شريت فستان ما فيه شيء ناعم وااااايد بـ 2400 ريال

سألت وحده عن الفستان اللي خذته من الحسا

قلت لها تتوقعين كم سعره قالت اتوقع بـ 3000

من كثر الشغل اللي فيه يوم قلت لها السعر انصدمت

على بالها من اهنيه مأخذته والحين عندي عرس قريب

ان شاء الله باروح اخذ لي من الحسا وناسه وسكن ومشتريات

بقيمة 3000 ريال واذا مب اقل ...



---

حراير الكلام الى تقولينه سمعته اكثر من مره الكل صار يروح الحسا او الخبر اذا عنده مناسبه اولا البضايع متنوعه والأسعار لكل المستويات بلا احتكار بلا مبالغه وقص على الناس
اختي ماخذه عبايه لسهره من مصممه سعرها 1200 لقتها وحده نعرفها بالخبر 600 وسوت مثلها

[باراكودا]

اقروووووووووووا يا حماية المستهلك


اقروووووووووووووووووا ياحريمنا ..... درس المجاني .

[WGA]

طبعا فرق الجوده والقماش اهني احسن .. هناك اتحسين مادري شلون:rolleyes2:

[السحابة]

لاتعليق

[captin]

ماذا تنتظرون من سوق مغلق محتكر
لصالح فئة قليلة تتحكم فيه

بكل سهولة تستطيع الدولة المساهمة في تخفيض أسعار السلع والخدمات
بخطوتين فقط لاغير

فتح الاستيراد لجميع السلع والاصناف دون تحديد وكيل لتلك الاصناف والسماح لمن أراد
استيراد أي صنف أو أي ماركة من أي مكان.

تخطيط وبناء آلآف المحلات الجديدة بكل مكان من قطر ليصبح إيجار المحل
الواحد لايزيد عن 3000 ريال وبالتالي قلة مصروفات الانشطة التجارية مما
يؤثر إيجابا على أسعار السلع والخدمات كما هو حاصل بالدول المجاورة حيث نجد أن إيجار أفضل محل بأفضل موقع من السوق لايزيد سنويا عن 25000 ريال .

سنبقى نتحدث عن حماية المستهلك ودورها إلى قيام الساعة دون جدوى

[A.R]

سعر الملابس هني مب طبيعي ولاعاد السلام ابوووو النصب

[حراير قطر]

امس كنت في الستي وتذكرت موضوعج

شفت العام فساتين في الحسا اقل من 1000 ريال

امس شفتهم في محل بالستي على 1800 و 2000 ريال :secret:

[غايه الطواش]

خاطري اشوفه هالفستان الي من 600 ريال لين 8000 ريال

[مرتبش]

هي تصير حتى في الدوحة ..مايحتاج مقارنة مع الدول المجاورة
كما ذكر الاخوان..الزبون لازم يفتح عيونه ويقارن الاسعار في اكثر من مكان

[دلال قطر]

لان البايع ماخذ فكره عن حريم قطر انهم يفسفسون فلوسهم على كل شي وماهمهم السعر سواء الغرض يسوى او مايسوى ، مره رحت محل والفستان ب 5000 ومااايسوى 1000
قلتله ليش هالسعر غاالي ! قالي مو غالي ع القطريين :s
خزيته قام قال : بساوي لك ديسكاوند تكرم عينك
!!!!!!!!

شنو ف حوش بيتنا بير بترول واحنا ماندري؟!!
ليمتى يعني !!!

[دلال قطر]

بالفعل شفت محل في احد المجمعات عنده فساتين نفس اللي شفتها في الانترنت في موقع امريكي
والسعر ضارب

طبعا احنا طلبنا من النت
الموديلات تكون اجدد
والسعر مع الشحن ما يوصل نص سعر الفستان هني

وبعد نسيت اقول
ارخص من الدول المجاورة

أحسن حل :victory:

[بوخالد2]

كيف الحال ياحماية المستهلك !!!!!

[رذاذ]

اصلا السموحه ع الكلمه (( الغبية )) الى تشتري جهازها للعرس من السوق هنا..

اكثر الى اعرفهم يا من السعودية يا البحرين يا دبــــي يا لبنان .

حتى ملاحف النوم من برع يشترون الين روب الحمام ..

للأسف جشع ناتج من غلاء ايجار المحل ولا زم التاجر لجل ما يخسر يضرب السعر بفستان ولا فستانين .

[قرنقووش]

اووووه لو بتقارنون بيننا وبين الدول المجاوره تحتاجون ٧ جرايد تكتبون فيها و ١٣٥ منتدى
الله يعين الجميع ..
نصيحة لحماية المستهلك : غيروا النشاط , بيعوا فلافل ولا افتحوا دوبي .. يعني شغله ثانية تتسلون فيها

[بصمة قطرية]

لان البايع ماخذ فكره عن حريم قطر انهم يفسفسون فلوسهم على كل شي وماهمهم السعر سواء الغرض يسوى او مايسوى ، مره رحت محل والفستان ب 5000 ومااايسوى 1000
قلتله ليش هالسعر غاالي ! قالي مو غالي ع القطريين :s
خزيته قام قال : بساوي لك ديسكاوند تكرم عينك
!!!!!!!!

شنو ف حوش بيتنا بير بترول واحنا ماندري؟!!
ليمتى يعني !!!

ذكرتيني مرة كنت في الحسا ..
في محل مكياج اتعامل معاه دايماً ..
طلبت البودرة اللي آخذها كل مرة ..
قا لي السعر دبل ..
قلت له شنو ..؟
من متى تبيعها بهالسعر ..؟
قال لي : من زمان ..
قلت له هالسعر تعطيه لناس ما يعرفون اسعارك ..
اول مرة يدخلون عندك ..
انا جاية و عارفة سعر كل شي باخذه ..
مب اول مرة أدخل محلك ..
على طول رجع السعر القبلي ..
و انا طالعه قلت له والله حرام عليكم تستغلون الناس ..
صج قهر والله ..
أكثر من محل صادفني هالموقف انهم يرفعون السعر لمجرد كوني قطرية ..!!

الحين صرت أطلب ملابس العيال من النت ..
اشهر الماركات العالمية و بأرخص الأسعار ..
مثال بسيط :
اخوي ماخذ جاكيت بولو ( رالف لورين ) من الدوحة بـ 1100
طلبته لولدي من النت ..
نفس الموديل واللون والمقاس بــ 350 مع الشحن ..!!!

[fahad1]

انا عن نفسي شريت ليت رول المخفي من دبي 100 متر على 1300 ريال وفي الدوحة نفسه بظبط المتر على 60 ريال يعني 100 متر على 6000 ريال

[Qa10]

الله يخلي الاي فون حمل برامج البار كود وخذ لفة على كم محل ، وشوف النصب بعض المحلات 200% ، والبعض اسعاره اقل من النت .

وانت وحذرك في هالموضوع

[أم خـالد]

صح كلامج

انا شريت فستان في السيتي ومافي الا من كل موديل قطعه وحده بس و شريته بـ3600 بطرة زايده يابلفيت متميزه واخرتها اختي شرت نفس الفستان لون ثاني بـ800 ريال ..وللعلم في 6 الوان ومن ضمنهم اللون اللي خذته

[حسن]

شي طبيعي تلقى الاسعار مختلفه بينه وبين الدول المجاوره اجار محل في قطر 15000 شهريا
وفي الدول المجاوره 12000 سنويا هني الفرق والحكومه ادري بالمصلحه

[بوخالد911]

وللأسف واايد حريم يدفعون

ولا هامهم

[محمد الجفيري]

لا حول الله يا ربي



تم التعديل. من قبل الاداره
تكتب

لاحول ولا قوه الا بالله

[النواخذة]

لاحول اللة واللة المستعان





تم التعديل. من قبل الاداره
تكتب

لاحول ولا قوه الا بالله

[الصغيره]

اي والله شي ما يصدق وياليته ماركه بعد الا ما شيء

[gprs]

شي طبيعي تلقى الاسعار مختلفه بينه وبين الدول المجاوره اجار محل في قطر 15000 شهريا
وفي الدول المجاوره 12000 سنويا هني الفرق والحكومه ادري بالمصلحه

يخوي ياليت على ال 15000 الف شهريا للباب الواحد واقل شي يبيلك 3 ابواب
يعني على الحسبه يبيلك 45000 الف
وسكن العمال او الموظفين بكم حاليا اقل شقة فالشهر ب 4500
والاستور 50 و 60 و70 الف فالشهر
ورواتب الموظفين والسجل والرخصة والكهربا وكيوتل يعني فالشهر يبيلك
100 الف بس مصاريف فالمقابل هم اذا زادت مصاريفهم بكل شي ما تعدى ال 15 الى 20 الف فالشهر وغير سوقهم المفتوح والمبيعات وعدد السكان
وغير اذا انا بجيب البضاعة من المصدر او المصنع في فرق بين الكمية اللي بجيبها لسوقنا وسوقهم يعني انا اذا بطلب لسوقنا المحلي كتاجر 1000 هو بيطلب 100 ألف
لان سوقهم يستوعب هل الكميات وطبعا راح يكون فرق فالمعامله من المصنع للي طالب 1000 وال 100 ألف طبعا الي طالب ال 100 ألف بيكون له سعر لان ساحب كمية كبيره

اتمنى اني افدتكم وشو سبب الارتفاع

[ابوالكلام]

اعلى دخل فرد في العالم لازم

[aaa333]

انا شايفة فستان في دبي ب1600 واكثر من لون وهني لقيته ب4400 ولون واحد بس << لا ويقول اللبناني هادا ايتالي ئطعه وحده مابتلائي فسطان يشبهو :) :)
(المحل عند لاسيغال )

[راكـــــــان]

لاغرابة ولا استغراب

[قطرية مثقفة]

هذي محل معرووووف فساتين الأعراس كلها ب10000 وطالع وتحصلينهم في الحسا ب1000 ونفس الشي البديهات

[بازار]

هههههههههههههههههههههه

والله لو اقول قصه اختي يمكن البعض تجيهم الحاله الزعلانيه الفقيرية المليونيرية

[طارق]

للأسف في قطر, عند البعض
الغالي يعني زين

[طارق]

هههههههههههههههههههههه

والله لو اقول قصه اختي يمكن البعض تجيهم الحاله الزعلانيه الفقيرية المليونيرية

صراحه هألجمله أبداع :nice::):)

[جلاد_قطر]

نفس الحبوب اللي تساعد على التوقف عن التدخين .. هني تنباع على 1200 ريال وفالبحرين ب200 ريال ..

[جلاد_قطر]

للأسف في قطر, عند البعض
الغالي يعني زين

جبتها عالجرح .. صدقت يا اخوي

[رحال الدوحه]

الله يرحمنا برحمته ..

[fantasy]

اسمحلوي و اعذروني الغباء يأتي من المستهلك يعني لو ماحصلت الوحده الا فستان و قيمته خياليه اقسم برب العالمين انها راح تشتريه بحجه ان مافي الا هذا فالبايع ماضرب حد على ايده و اجبره على الشراء
اول شي غيروا في ثقافتكم في الشراء يالحريم و احرموا نفسكم حتى لو كنتوا ميتيين تبون الغرض و صدقوني راح تتعودون لكن للاسف لان فلوسكم واجد فتقولون مايهمنا و هذا الصرف بعينه والخساير يعني لا تلومون حمايه المستهلك او التاجر ,,اما انكم تحطونه على البايع و انه هو همه الجشع و الطمع عيل خلوني اقول دام في غباء و رغبه في هدر المال فاعذروا الجشع و لا تزعلون تراني اقول الحق

[وثائقي]

اكيد الدولة المجاورة السعودية ^^

[fantasy]

انا بعد اتوقع بس الامارات اظن اسعارهم جيده ياليت نشوف اتحاد للنساء لمحاربه الجشع و اهم من هذا التوعيه بينهم و ان الفلوس اللي تجيهم ممكن تكون نعمه زايله الله يهداهم حريمنا

[F-analyst]

صج جشع التجار

[naif3]

حماية المستهلك للحين ناااايمين

[امنة]

وحدة كويتية جاية المعرض تبيع فية تقول انتم يااهل قطر تشترون باي سعر احط السعر 20 دينار في الدوحة ابيعة 3500 ريال الدراعة ويشترون وين الرقابة عليهم وتحديد الاسعار .

[دااانة قطر]

اللي مايعرف يكااسر رااحت عليه
واذا الاسعاار محدده دوروا البديل
واذا مالقيتوا مالكم الا تشترون
يعني مومعقوله اكون في دوله مجااوره الدخل الشهري يمكن ربع اللي استلمه في قطر والاسعاار بتكون ناار

اذكر العاام خذت 3 فسااتين من العثيم على 1200اغلى وااحد فيهم
لقيته في عطيف بـ1500
ويوم قلت لها تنزل لي وصل سعره 1000
وحتى المحل اللي مقابل عطيف والمحلااات اللي مقاابله روياال بلااززا

[دااانة قطر]

حماية المستهلك للحين ناااايمين



وحدة كويتية جاية المعرض تبيع فية تقول انتم يااهل قطر تشترون باي سعر احط السعر 20 دينار في الدوحة ابيعة 3500 ريال الدراعة ويشترون وين الرقابة عليهم وتحديد الاسعار .



وين تبينهم يصحون وهالأشكاال تخرب عليهم


حتى الموااعين الكشخه في هوم سنتر تلااقين التااجراات يزيدون عليها 150 وفوق ويبيعونهم :eek5::rolleyes2:

[شبكة المعرفة]

الله المستعان. فعلا فرق كبير

[عوآآآآشـي]

الله يهديهم التجار الجشعيين

صج في الدول المجاورة تاخذين فستانين او ثلاثة بقيمة واحد عندنا

[بومحمد المطاوعه]

مهزله الصراحه

اللهم لا شماته فستان مادري بكم حق ليله وحده

الحمدلله عرسنا والعرس مشى وعندنا عيال

بس مادفعنا نفس هالفساتين الي يقصون على الناس هالوقت

ترى والله هذا فسق

نسأل الله السلامه والعفو والعافيه

[نوت]

لقيت فستان في جلامور ب25000 وفي محل ميموزا الخبر ومعروف انه يبيع ماركات معروفه وجوده عاليه لقيت نفس الفستان ونفس التصنيع ب 8000 والحمدلله ما شريت وللا ولاواحد منهم كذلك عجبتني مغاسل شبيب العطيه المغسله ب 10000 بدون مبالغه خذته من الخبر شارع الكباري ب 1670ريال ونفس الشركه المصنعه واحسبوا الفرق اسال الله العفوا والعافيه

[suwaidi7]

الله يعينا من الجشع

[خالد1]

اكيد في السلام

[.. الكاش ..]

حمايه المستهلك في واااااااادي والتجار في وااااااادي

[الصغيره]

اصلا من يشتري من الدوحه يادبي يالرياض يالكويت

[ريتويت]

مستحيل اشتري فستان ب٨٠٠٠ ريال!!!! وحق ليله وحده !!! واجد صراحه

[جادووور]

انا نفس الشي اتفاجأت بفستان بمحل ملابس بالستي يبيع فستان ب 1800وبعد التنزيلات واصلآ انا ماخذه اخوهبالضبط نفس الصناعه ونفس القماش من السعوديه وب250ولا عليه تنزيلات لازم تكون هناك قوانين صارمه ممكن يزيدون بالسعر ضعفه معقول وماعليه لكن توصل لاكثر من اربعة اضعافه

[moonبنتnight]

من متى ونتكلم في الموضوع ومافي فايدة 00

[Cooki]

يقولون لك من امن العقاااب اساء الادب ..
يدرون محد بيحاسبهم ...لنا الله

والله المستعان
دمتم بود