استفسار: مدينة فينيسيا البندقية أيطاليا

[صمتي حزن]

السلام عليكم ورحمة الله لاوبركاتة

ان شاالله رايح فينيسيا كم يوم ومنها الي لندن لكن المهم

انا اول مره اروح فينيسيا وابي اعرف الجدول هناك شلون
وشو احلى الاماكن الي تستحق الزياره وشو احلى المطاعم يعني امكاكن مميزه

واذا في مطعم عنده شيشه

لاتبخلون برد انتظر ردودكم جزاكم الله خير

[eqahtani]

فنيسيا مافيها شيشه ولا المجلس بس خلفها في مطعم وشيشه حسنين جدام الاصمخ مول
بالتوفيق

[صمتي حزن]

من يعرف معنى القافة

بس بطلع من الموظوع الرئيسي شوي

[وجه السعد 2]

من يعرف معنى القافة

بس بطلع من الموظوع الرئيسي شوي

الظاهر اخونا يوعان و قرا اخر سطر من الموضوع بس :)

[فطووم]

اخوي مدينة فينيسيا الايطاليه فيها ساحة سان ماركو وااايد حلوه هالساحه فيها مطاعم ومحلات راقيه وعاديه وفي بعد جسر ريالتو واااااااايد روعه هالجسر لماتوقف عليه وخصوص لما الشمس تبدأ تغييب وانصحك عن تجربه تاخذ معاك كيمره وتصور هالمنظر وعموما فينيسيا حلاتها يوميين بس مو اكثر.

[الجنوبي 11]

روح جزر قريبه من فينسيا ،اسمهم مورانو والثأنيه بورانو احسن مكان لصناعه الزجاج الفاخر

[محامية قطر]

فينسيا اخوي كله منطقة وحده
يعني بالكثير يبيلها ثلاث ايام فقط
أماكن محدوده
منطقة جدا رومانتيك
المحلات أسعارها نااار مبالغ فيها لأنها سياحية بالدرجة الأولى
التعامل مع الأيطاليين جدا صعب - عصبيين - يعني لو دخلت محل تتفرج ما يعجبهم ملزوم تشتري
الله يعينك على ريحة المنطقة - من المياه الراكده
موفق أنشاءلله

[mE mYself & i]

اختلف مع الاخت محاميه شعبهم وايد ارحم من الفرنسين والالمانين وطيبين

بالنسبه لفينيسيا من اجمل المدن وممكن اتروح مورانوا وبورانوا واتروح قصر وسجن سان ماركوس عن الساحه وتاخذ لك لفه بالجندول.

بتستمتع اخوي والحين الجو عندهم ضباب شيش ما بتحصل و مطاعم بتحصلها في كل مكان بس وفي مطعم اسال عنه عجيب هوم ميد اسمه Da Mario

بس حاسب من الاكل لان معظم اباكل الي فيه لحوم مثل البيتزا والاسباغيتي والازانيا يكون اللحم مخلوط بقر وخنزير

واذا انك مطول روح جاردا لاند بتستمتع فيه


واي شي تحتاجه راسلني

[الباحثة]

الله يوفقك

[مخطط قطري]

فينسيا حلوه ومدنيه خلابه وروعه وبتستانس اهم الاماكن الي يوصى بزيارتها
- ساحه سان ماركو وفيها المطاعم والقهاوي وفيها متحف مشهور اعتقد اسمه دوكالي اودوكلي شي
طبعا من المطار لين الفندق بيكون بقارب خاص يعني بتستمع لين توصل الفندق:)
- ساحه سان بولو
(فيها مطاعم عربيه بس شخصيا ماجيتها بس اتوقع بتحصل عندهم الشيش
لاني في الفتره الاخيره من زيارتي لاوروبا صرت اقاطع المطاعم العربيه لانه اغلبها ومش الكل نصاب
تتعشى مع ربعك في مطعم عربي 400 يورو ولا 500 يورو
تروح مطعم ايطالي ولا مطعم هندي ولا اي مطعم غير عربي مايعدي حسابك 200 يورو)
طبعا الي بين الاقواس خارج سياق الموضوع خله على الهامش بس حطه في بالك للسفرات عموما

[ANONYMOUS]

ياريال لاتضيع وقتك


عطها 8 ساعات بالكثير

[شجن]

صراحه مدينة خياليه وغريبه عن باقي المدن لاتستخدم فيها السيارت وتنقل بالمراكب حياة مختلفه..وفيها مطاعم البيتزاء والباستا وزور الساحه رووووعه وكلها قهاوي نسيت اسم الساحه مشهوره عندهم.
ورحلة موفقه ان شاءالله

[كازانوفا]

حلوه هاي سوؤالك عن الشيشه وليش مغلب نفسك خد الشيشه معك وكل شي من هنا وروح فيهم ههههه
الله يهنيكم ويبسطكم بانتظار التقاريرررررر

[مشتاقة لقطر]

بالسلامة ان شاالله

[Class - Qtr]

ياريال لاتضيع وقتك


عطها 8 ساعات بالكثير


انا اتفق مع هالراي ,,

خاصه فنادق فينيسيا سيئه

[هيـااا]

فينسيا حلوه وايد بس كفايه عليها يوم او يومين بالكثير
لان مافيها غير ساحة سان ماركو وبعد في شارع الجهه المعاكسه لساحة سان ماركو بس ماعرف اسمه
وغاليه..اغلب المحلات ماركات
فنادقها حتى لو خمس نجوم مب حلو قديمه :rolleyes2:
بس اهم من ذي كله
حاسب تروح فينسيا دايركت من مطار ميلان:(:weeping:
وخااااصه بالسيارة لان الطريق تقريبا 5 ساعات
واصحاب التكاسي بيقلون لك ان محطة القطار بتسكر وغيره من الكلام عشان تغير رايك وتروح بالسيارة
انا من مطار ميلان ع طول رحت فينسيا بالسياره حسيت من طول الطريق اني مابوصل :weeping:
قالولي في تاكسي بوت.. بس لما سألت قالوا مافي يا تروحين بالقطار او بالسياره

اذا ماتبي تقعد في ميلان ع الاقل اقعد يوم عقب روح فينيس بالقطار

وبالتوفيق:victory:

[صمتي حزن]

الشكر لكم

[qatar6]

فينيسيا من اروع المدن اللي زرتها ودائما انصح لزيارتها
لها طابع مختلف عن كل دول العالم
بس حدها يومين

[QTR-1978]

:telephone:يبييييله

[فكتوريا]

فينيسا حلوه بس لاتروحون في الويكند وخصوصا يوم الاحد زحمه مب طبيعيه

جربو فندق نيكولو برولي وايد حلو مثل بيت جنا في فلم قديم

[تحداني]

ما توقعت مدينه فينيسيا يكفيها يوم او يومين
كنت متوقعتها احلى واجمل من الكلام الي قلتوه



جملكم الله برضاه