ليش الشباب يدورون عند اللاند ولا فيلاجيو ؟

[ابو حيان]

بسم الله الرحمن الرحيم
السلام عليكم ورحمة الله وبركاته

اليوم بتكلم عن ظاهره سيئه منتشره عندنا بقطر واتمنى
الشباب مايزعلون مني واتمنى كذلك يدور النقاش حول موضوعي
بما يفيد الشاب القطري ورجاء مابي الردود الي فيها تسلم او مشكور
على الموضوع ابي تفاعلكم ورايكم بجديه حول اشياء تفيد الموضوع

اول شي بقولكم قصه قصيره وهي حقيقيه وسمعتها
من احد الاخوان في مجلسه وكان يتكلم فيها بطريقه
اثبتت لي ان الموضوع كبير لان وهو يسولف لنا ويقص
القصه والله شعوره ماكان طبيعي وانا اعرف الرجال عدل
اعرف متى يتكلم بجديه واعرف متى يسولف ويتكلم
باشياء ماتهمه وتكون بس مجرد سوالف ، المهم اسمعو القصه

في يوم من الايام ، طلبت زوجه من زوجها القطري بالخروج لشراء
بعض الملابس والتنزه مع زوجها فخيرها باحدى المجمعات فــ قررو
الذهاب الى فلاجيو كان القصد من هذه الطلعه ان يفرح زوجته ويطلع
معاها لان الزوجه لها حق على الرجل ففي الطريق قال لها اخذي الي
بخاطرج ولكن قبل ذلك سندخل الى السينما ، وعلشان اكون اوضح معاكم
الشاب المتزوج صغير بالسن عمره 23 سنه وشكله مو شكل شاب متزوج
مثل مانتو عارفين الشباب عندنا في هالايام اغلبهم يتزوجون بعد التخرج من
الجامعه والبعض منهم يقول مابتزوج الا لما اكون نفسي ومستقبلي المهم
وصل الشاب وزوجته المجمع شاف الزحمه عند البوابات واستغرب اكثر يوم
شاف شبه المواقف فاضيه نزل الرجل وزوجته وهم متجهيين صوب البوابه
الرئيسيه ولا يسمع يامحلاها تطليعه من شخص في سياره مع اصحابه
طبعاً تمالك اعصابه الرجال لان مع حرمته ومايبي يسبب مشاكل ومشى
معاها ودخلو المجمع وهو معصب ويفكر بالموقف الي صار وكان يتمنى يشوف
احد من هله بالمجمع او احد اخوانه ليترك حرمته معهم ويخرج لهذا الشخص الي
مايعرف من الاحترام شي لكن الحمدالله ماحصل حد بالمجمع وماصارت مشكله
ممكن توصل لمراكز الشرطه وطبعاً بعد الموقف الي صار له كانت اعصابه مشدوده
ويقول وانا امشي احس ان الشباب يمشون ويتكلمون عنا وكان الامر غريب وكاني
فعلا طالع مع وحده ووله كانها زوجتي طلب من زوجته انهم يدخلون السينما مع ان
ماصار لهم الا كم دقيقه وهم داخلين المجمع قالت له انطر شوي واصر عليها انهم
يدخلون ماحب يتم على اعصابه ودخلو السينما وهم داخلين يحلف لنا بأن حتى مرته
استنكرت الموقف العالم تشوفهم وتناظرهم واغلبهم كانو شباب في الاخير البنت
نفسها اصرت عليه انهم مايتمون ويطلعون من المجمع.

بعد ماقلت لكم هالقصه ندخل في الموضوع.
كثرت في الاونه الاخيره انتشار الشباب والدواره بالسياره
امام البوابات في المجمعات مثل اللاند وفيلاجيو والاكبر من ذلك
وصلت فيهم انهم يتحرشون بالداخل والخارج من البنات والعوايل ايضا
والبعض الاخر يتمشى بالمجمع رايح راد وكل مامر على وحده قط له
كلمتين وهو ماشي وحتى لو ماقط كلام شاب في مجمع رايح وراد
ليش ياخي في قهوه في سينما في محلات وله بس داش تسوي رياضه
ياشباب بنات الناس مو لعبه وممكن توصل للدم بمجرد مايشوفك احد من
اهلها صدفه بالمجمع وانت تتحرش .. ياناس تكفون افهمو المجمعات انشأت
للتسوق او للترفيه عن النفس بالجلوس في القهاوي او دخول السينما او اخذ
الاطفال للالعاب الموجوده بالمجمع ماصارت علشان تلعوز فيها خلق الله وليش تجيبون
لنفسكم المشاكل والكلام اصلاً .. والامر الي منرفزني اكثر الشباب الي يدورون برع
عند البوابات والله المفروض يحطون لهم شرطه واي واحد يتمشى عند البوابات يتلونه
المركز لان هالدواره مب طبيعيه ووراها شي المجمع مب لهدرجه يعني شكله حلوو وكانه
شاطيء بحر وله منظر طبيعي خلاب يخليهم يتمشون بالساعات عند البوابات ملعوزين خلق
الله بس بالروحه والرده .. ورسالتي في هذا الموضوع للشباب هي انهم يستفيدون من اوقاتهم
بشي ينفعهم وينفع قطر في مليون شي تقدر تسويه وتخلي هالعاده البطاله الي مامنها الى
ضياع الوقت واذيه خلق الله ... وبما اني طرحت الموضوع مابي حد يقولي شنسوي يعني
بعطيكم الف شي وشي تقدر تسويه وتخلي عنك هالدواره الي مامنها فايده ..

وخل نذكر الاشياء الي يقدر يسويها الشاب القطري :

1- يفتح مجلسه ويستقبل فيه ربعه ومب شرط يكون المجلس كبير
ياما مجالس تهد فيها الخيل من كبرها بس مافيها روح وولافيها وناسه
وياما شباب افتحو لهم خيم عند بيوتهم وصارت الجلسه من اروع مايمكن
سوالف وضحك .
2- الرحلات ويامحلا الاماكن الي تقدر تروحها , يمع ربعك وضبطو اغراض
الرحله وتوكلو على الله عندك رحلات البر والبحر .
3- المباريات والدوله مامقصره موفره لكم دوري ونجوم على مستوى العالم
ومخليه سعر التذاكر 10 ريالات وين تحصل هالدعم والله محد صايدها الا الاجانب
الي يعرفون قيمه هالشي استانس وتابع ناديك واحضر له الملعب الدوله تخسر
ملايين وماتبي منكم الا حظوركم تبي جمهور .
4- النوادي اشتركو في نوادي مثل نادي الدانه ونادي الرتز والانتر كونتنانتل عندكم
برك سباحه وجيم بالنادي وملاعب كره قدم وطائره وتنس واكثر بعد .
5- البولينج والبليارد عندكم رانديفو وقطر للبولينغ وهوت شوت من افضل الاماكن
في قطر وفي اكثر بعد .
6- تاجير بعض الانديه لملاعبها تقدر تجمع ربعك وتروحون تاجرون نادي
وتلعبون كووره والحين بعد اغلب الانديه عندها الملعب الصابوني حلوو .
7- تاجير سكوترات ووصلت الى انك تاجر طراريد الحين بعد واطلعو بسكوترات حق وناسه
وله بطراريد حق صيد وله تروحون جزيرة السافليه ويامحلا التجمعات هناك من طراريد وسكوترات
جو وربي روعه .
8- الكورنيش مكان حلوو تتشمون فيه وتاجرون لنج وتتمشون فيه على البحر .

في جداول كثيره لكم ياشباب بس انتو
ماتبون الا الشين مع احترامي لكم

وهذي قصيدة الشاعر حمد البريدي اختم فيها موضوعي


هدوء .. عندي شـي يحتـاج التفـات من خاطـرٍ مـا كـل شـي يعجبـه !!


قدلي .. وانا ساكـت ومليـت السكـات امتر الموضـوع وارجـع واحسبـه !!


هـذي نصيحـة اخ وخذوهـا وصـات والعاقل اللي عـارف ٍ وش مكسبـه !!


يا صاحبي يا اللي خذتك المغريـات !! العمر مـره .. والمواقـف تجربـه !!


يعني هي الدنيا كذا .. عطني وهـات !! فاسمع كـلام ٍ مـا عرفـت آرتبـه !!


في ذمتي مـا عـاد رحـت مجمعـات لان الرجل درب الرداا مـا يقربـه !!


لا تقول لي فيلاجيـو .. ولا الحيـاة !! على الحرام انهـا سـوى فالمرتبـه !!


كاشخ .. ومن كشختك تكـره الاتفـات من لا يعرفك .. قال مكسـور رقبـه !!


ذبحة روحك .. والعرب راحت وجـات لا حزت لك نظره .. ولحدن ينتبـه !!


ما غير بس تـدور وتطـرد بنـات !! يا بعدها بعداه قولـت (( مذربـه )) !!


لو ان حدن سوى بهلك نفـس السـوات يمكن تسوقه بكـس .. ولا تضربـه !!


يعني بنات النـاس .. حـق مغـازلات ولا هلك .. عن هالـدروب مجنبـه !!


ياخي المحلات احفظـو شكلـك ثبـات ووجهك غداا وجه معروف ومشتبـه !!


دارس دروب السوق من كـل الجهـات وحافظ .. ممـر وزاويـات المكتبـه !!


ابكي اللي لا شافوا كذا طارف عبـاة !! سوو مسيـره .. فالمجمـع وأجنبـه !!


وين الرجال اللي لشوفتهـا طـرات !! اللي يحشم .. اسمه وربعـه ونسبـه !!


[ اغبى رجل .. اللي لا شاف البنت مات واذكى رجل .. ما كـل زول ٍ يجذبـه ]


كنـك تبـي تختـار .. دور فالصفـات لاشكال ما تنفـع .. رفيـع المرتبـه !!


كم واحد من خلقتـه .. راهـي سمـات والى بخسته .. قلـت لحـد ٍ يقربـه !!


يا صاحبي يا اللي خذتك المغريـات !! العمر مـره .. والمواقـف تجربـه !!


واللي يحسب ان الرجوله .. فالبنـات !! على الحرام انها مهـي بعنـد شنبـه !!



وفي الاخير اتمنى ان موضوعي ينال اعجابكم
والسموحه ادري طولت عليكم

اخوكم الصغير : بوعابد

ــــــــــــــــــــــــــــــــــــــــــــــــــ ــــــــــــــــــــــــــ

طبعا الموضوع منقول من احدى المنتديات القطرية المعروفة :nice:

وبصراحة كنت باكتب عن الموضوع بس اخوي بو عابد :victory:

ما قصر وكفى وفى اشكره



وانتظر تعليقاتكم وحلولكم

عن اسمحولي على الكلمه (المصخرة والمصبنة وحركاتهم) الي كل يوم نشوفها
مع الاسف الشديد :anger1::weeping::rolleyes2:



اخوكم ابو حيان

[شبح الصمت]

يدورون فقع

:secret:

[ودي أكون]

والله الاخ بوعابد كفى ووفى وماخلى لنا تعليق رد وحل جميل مثله الل هو ذكره ..

عليك ابهم اخوي ابوحيان :app:


:waiting:

[المسك1969]

جزاك الله خيرا على حرقة دمك وخوفك على نساء المسلمين ...

وأضف إلى ما قلت:

1) حفظ القران
2) حضور الدروس الدينيه
3) دخول دورات في العقيدة والفقه

مب كله لعب وميالس بدون فائدة

صراحة أنا ما واجهت مثل ما ذكرت بس أكيد هو صحيح وذلك لقلة خروجي لمثل هالاماكن ولكن يجب من وجود الشرطة لتأديب مثل هالشباب

بس غريبة أنهم صاروا بهالجرءة؟ والله المستعان

جزاك الله خيرا

[للصبر اخر]

انا اكره اللاند بسبة الـ ..... اللي هنااااااااااااك
الله يهدييهم هالشبااااااااااااااااااب

[intesar]

هذولي دقه قديمة..

[بيرق_المجد]

مساكم الله بالخير الظاهره هاذي مزعجه للعوايل والناس العقال من هل البلد المفروض يصير فيه مخلافه مروريه على الاشخاص الى يدور كم مره مسببين زحمه والشغله واضحه مايبغي لها ذكاء من الجمهور الكل منهم متسكع على شان يشوف له حد من الحريم ويرقمهما الشاب على باله ان الحريم الى يجون السوق خربانين مايدرون الخراب في مخهم وتفكيرهم والشباب الى يدورن على المجمعات في نظري مافيهم رجاله ولا فيه خير فيه مجالس وفيه اماكل بعيده عن السوق والى امر وادها ان فيه بنات وصلت فيهم انهم يدرون على المجمعات وانا قلت هذا الشي شفته بعيني دش المجمع تقهوى عندك كافيهات على كيفك بدال ماتسبب زحمه وعرقله السير وزود على ذا المسجل صوته يسمعه الى بعد مئة متر شباب ماعندهم اي مسؤليه

[الموضوعي]

هذولا يعانون من شي اسمه قلة تربية ومرجلة

[شبح الصمت]

وترى في شباب يدورون حطو هالشيء في بالكم ..

سالفة طالعني وطالعك يعني مب كلهم يدورون يدورون على بنات ..

شوفني انا عندي موتر شوف موتري

فاهمين

وترى على فكره في بنات بعد يفترون وان دشت وحده تفتر

ما يحتاي اقولكم شتسووي


:secret:

[ودي أكون]

وترى في شباب يدورون حطو هالشيء في بالكم ..

سالفة طالعني وطالعك يعني مب كلهم يدورون يدورون على بنات ..

شوفني انا عندي موتر شوف موتري

فاهمين

وترى على فكره في بنات بعد يفترون وان دشت وحده تفتر

ما يحتاي اقولكم شتسووي


:secret:

خف شوي وركز ..

ترا الموضوع عن الشباب :victory:

اتموتون لو ماتجيبون طاري الحريم :waiting:


يلا اعترفوا شيوديكم هناك :tease:

[البرنس_توب]

جزاك الله خير فعلا هذي حقيقة هالايام صار الوضع عادي عند الاكثرية

[شبح الصمت]

خف شوي وركز ..

ترا الموضوع عن الشباب :victory:

اتموتون لو ماتجيبون طاري الحريم :waiting:


يلا اعترفوا شيوديكم هناك :tease:



اي نموووووووووووت

وننقهر

وتصيدنا حكه في المخ لازم نرد

ههههههههههههههههههههههههههههههههههههههاي


انا مب ما اروح ان رحت لازم افتر عشان احصل لي موقف قريب ما احب اوقف بعيد

شووف عيني حتى البنات يفتروون

قالت ههههههههههههههههههههههههاي

:tease:

[التميمي 3]

اللهم أصلح شبابنا وفتياتنا...
اللهم حبب إليهم الإيمان.. وزينه في قلوبهم.. وكره إليهم الكفر والفسوق والعصياان. وإجعلهم من الراشدين

آآآآمييين يارب العالمين

[بوعلي2]

اكثرهم شوفني واشوفك يدور ويدخن زقاير واذا مرت وحده قط الرقم وتحصل حنجه شكبر كنه كيلو مال ميزان والرقم يطع بصوت ضخم يخرع الموجودين مالت بس واكثرهم بلشتيه ثوب ضيق ومرطب شسمه ومش يومك

الله يقطع بليسهم فشلونا ههههه

خل يتعلمون مني ومن شبح الصمت الذرابه عدل شبوح

والحمد الله جيلنا مكان فيه هالسوالف والله يستر على الجيل الحالي ويهتم بامور افضل

وان شاء الله الفئه هذي تكون بسيطه وتنعد على الاصابع لان الشباب يهتمون للمجالس والرحلات وعننهم بكل بمكان

شبح الصمت قوه حبيب قلبي شحالك (وجه مشتاق)

[كازانوفا]

سبحان الله الرسول عليه فضل الصلاة والسلام خاف على الامه من شيئين النساء --والفرااااغ
لانه هاي بلاويه
حسبي الله ونعم الوكيل

[شبح الصمت]

اكثرهم شوفني واشوفك يدور ويدخن زقاير واذا مرت وحده قط الرقم وتحصل حنجه شكبر كنه كيلو مال ميزان والرقم يطع بصوت ضخم يخرع الموجودين مالت بس واكثرهم بلشتيه ثوب ضيق ومرطب شسمه ومش يومك

الله يقطع بليسهم فشلونا ههههه

خل يتعلمون مني ومن شبح الصمت الذرابه عدل شبوح

والحمد الله جيلنا مكان فيه هالسوالف والله يستر على الجيل الحالي ويهتم بامور افضل

وان شاء الله الفئه هذي تكون بسيطه وتنعد على الاصابع لان الشباب يهتمون للمجالس والرحلات وعننهم بكل بمكان

شبح الصمت قوه حبيب قلبي شحالك (وجه مشتاق)


ابشرك طيب ومستانس وفوق النخل

بوووعلي تخبر يوم انا وانت على البوقاتي ونفتر


قولهم قووولهم


واحنا رايحين نبي نجلس في كوفي

كاميرات وفلاشات شنسوي يعني بوقاتي ما توقف في اي مكان

مفروض مكان انسيابي حتى مسكين السكورتي قال لنا ابطل لكم باب المجمع ادخلون السيارة لين داخل الكوفي نتقهوى ونرد نطلع ..

:shy:

[المواطن]

أخوي بوحيان مشكور على الموضوع
وما نقول إلا الله يهدي شباب المسلمين ويردهم رداً جميلاً لدينه
وأنا مع الرأي أن توجد شرطه أو من يوكل الأمر له برد الفئه الطائشه من الشباب وياليت يبسطون لهم واحد او اثنين هناك يعني كم جلده وذلك للعبرة.

[بو الجوري]

أنا أكره أروح المجمعات وخاصةً اللاند و فيلاجيو
بسبة الشباب البلشتيـه ،، مشكلتي بسرعـه أعصب و أتنرفز :)

صج ماعندهم سالفه اللي يدورون وتلاقيـه يتمشى شوي شووووي :..
آآآآآخ قسماً بالله ودي بصدام صب و أدزه :.. :anger1:

اللي يلفلفون هناك ، منهم يدورون بنات و يرقمون
و منهم يزابي بموتره :..

لـحد يقول ألف أدور موقف :.. يعني مب هنود إحنا :..

معروفين هالأشكال ،، الله يهديهـــم :..

[بوعلي2]

ابشرك طيب ومستانس وفوق النخل

بوووعلي تخبر يوم انا وانت على البوقاتي ونفتر


قولهم قووولهم


واحنا رايحين نبي نجلس في كوفي

كاميرات وفلاشات شنسوي يعني بوقاتي ما توقف في اي مكان

مفروض مكان انسيابي حتى مسكين السكورتي قال لنا ابطل لكم باب المجمع ادخلون السيارة لين داخل الكوفي نتقهوى ونرد نطلع ..

:shy:

بس ذاك اليوم عصبنا انا وانت يوم الخدامه دافه الجاري مال كارفور وزلغت البوقاتي :weeping:

ذبحونا بالفلاشات عين ماصلت على النبي

لان انا حلو وانت حلو والسياره حلوه فكانت الفاجعه

تحمل بعمرك شبح من عيون الناس وحاول ماتحلق :( خلك مبهدل شنسوي بجمالنا لاحول ولاقوة الا بالله :weeping:

--> بيروح يتغدى بيض وطماط
--> اتوقع واحد غداه جذي ممكن يكون حلو وعنده بوقاتي هههههه ؟؟ :secret:

حسبي الله على بليسك الله يسعدك خليتني اضحك من احشائي :shy: ههههههههه


فمان الله (وجه بيشتاق لك )

[شبح الصمت]

أنا أكره أروح المجمعات وخاصةً اللاند و فيلاجيو
بسبة الشباب البلشتيـه ،، مشكلتي بسرعـه أعصب و أتنرفز :)

صج ماعندهم سالفه اللي يدورون وتلاقيـه يتمشى شوي شووووي :..
آآآآآخ قسماً بالله ودي بصدام صب و أدزه :.. :anger1:

اللي يلفلفون هناك ، منهم يدورون بنات و يرقمون
و منهم يزابي بموتره :..

لـحد يقول ألف أدور موقف :.. يعني مب هنود إحنا :..

معروفين هالأشكال ،، الله يهديهـــم :..



بوالجوري ابشر

وصلت خير عندي صدام صب في البيت حق نيسان

مب صب مستعد شاقول لك

اليوم وين تبي اجيبه لك بجيبه

:victory:

[وطن]

ما عندهم سالفه مثل ما ذكر الأخ شبح الصمت
طالعني واطالعك
وحق التحرش بالبنات

الله يهديهم ويصلحهم


اخوي انا بس عندي ملاحظة على القصة اللي ذكرتها في بداية الموضوع
شدعوه لهذي الدرجة شكلهم مب ازواج او اهل !!
اسمح لي بس ترى نطلع مع اهالينا و ما قد حد قزنا و شافنا بنظره مو زينه

ما توصل لهذي الدرجة ابدااا الا ان كان هم الاثنين منظرهم مريب

وايد بنات وشباب متزوجين صغار ويطلعون مع بعض او وحده مع اخوها و يروحون مطاعم وسينمات
ما قد سمعنا حد تحرش فيهم بهالشكل الغير حضاري
ولا حد ازعجهم بنظراته

شلون يقولون تطليعه ؟؟ ليش ما افترضوا انها اخته لو مب زوجته ؟؟
في شي مفقود بالسالفة

[بو الجوري]

بوالجوري ابشر

وصلت خير عندي صدام صب في البيت حق نيسان

مب صب مستعد شاقول لك

اليوم وين تبي اجيبه لك بجيبه

:victory:

:shy:
لو عندك نيسان باب بعـد زين




تسلـم ،، بس صج يبيلـه صب عالكروزر :telephone:

[Mohammed2]

وبعض الشباب يدور هناك لانه تعود يدور هناك فقط لاغير
مب عشان بنات ولاترقيم ولا لان عنده سياره كشخه
هو بس تعود انه يروح هناك

[بو الجوري]

وبعض الشباب يدور هناك لانه تعود يدور هناك فقط لاغير
مب عشان بنات ولاترقيم ولا لان عنده سياره كشخه
هو بس تعود انه يروح هناك

هههههههههههههههههه
عيل كلش ماعنده سالفه
إذا موتره مب كشخه ولا رايح حق البنات
ليش يلفلف هههههههه لهالدرجـه متملل !!!

قولـه يتعود يروح الصاله أو يتعود يقعد في مجلس أو مكان مع الشباب
أحسنله من إنه متعود يلفلف و يسوي زحمه عالفاضي

[شبح الصمت]

بس ذاك اليوم عصبنا انا وانت يوم الخدامه دافه الجاري مال كارفور وزلغت البوقاتي :weeping:

ذبحونا بالفلاشات عين ماصلت على النبي

لان انا حلو وانت حلو والسياره حلوه فكانت الفاجعه

تحمل بعمرك شبح من عيون الناس وحاول ماتحلق :( خلك مبهدل شنسوي بجمالنا لاحول ولاقوة الا بالله :weeping:

--> بيروح يتغدى بيض وطماط
--> اتوقع واحد غداه جذي ممكن يكون حلو وعنده بوقاتي هههههه ؟؟ :secret:

حسبي الله على بليسك الله يسعدك خليتني اضحك من احشائي :shy: ههههههههه


فمان الله (وجه بيشتاق لك )

عزيز يابوووعلي

يا وجه القمر

:)




:shy:
لو عندك نيسان باب بعـد زين




تسلـم ،، بس صج يبيلـه صب عالكروزر :telephone:



ابشر


ونرجع لموضوع ابو حيان

انزين يدورون هل تتوقع الشباب كلهم يغازلون .. !!!

ياخي يمكن واحد ناسي واحد من ربعه من نسنين ويدور عليه :tease:

يمكن توه مطلع موتر عدل ويبي يفوشر فيه

الحين شارع الشانزليه او الجميره احسن من الاند مارك !!

معرووووووووووووفه السالفه يا مغازل يا طالعني وطالعك ..

بس المفروض انه تكون في دوريات الشباب الي مالهم حاجه فره وحده يبي يوقف حياه الله يبي يفتر اكثر من فره مخالفه


التوعيه يجب ان تكون عن طريق المرور بالتخويف

وربعنا يبيلهم توعيه

وكلنا مرينا بهالمرحلة ولاحدن يقول ما افتر ترى هااااااااااااااااااااااااااا

بطلع افلام الفيديو مالت المواقف

:shy:

[Rider]

اكيد هي ظاهرة تبغي حال لكن انا عندي وجهة نظر بسيطه على سالفه الرجال مع زوجته وادخل فلاجيو في وقت يمكن مايكون مناسب يعني حزة الزحمة ونقهر من الشباب الي يقطون عليه نغزات مع احترامي للبعض الزواج مايكون له سن معين علشان يبن انه هذا الشخص متزوج ولا لا بس بعض المتزوجين للاسف كاشخ بزوجته يعني الوجه مكشوف ومكياج وحركات وماسك يدها واذا حد كلمه زعل لا واخر شي بيدخل السنيما

[دااانة قطر]

ألف شكر لك صااحب الموضوع عالموضوع
والله يهدي هالشباااب ويرزقهم عقل وااعي يخليهم يعرفون قيمة الوقت وشلون يستفيدون منه في شي طيب



يدورون فقع

:secret:



خوش مكااان يحصلون فيه فقع
واللي يحصل يعلمني

[الهاجري 2]

اولا اللي تكلم غير مؤدب واحنا ماختلفنا فيها والغير متربي بتحصله في كل مكان
بس تبون الصراحه مالوم اللي يفترون عند فيلاجيو او اللاند لانه كل شي ممنوع + قلة الاماكن الترفيهيه

[للصبر اخر]

هذولا اللي يدورون يستعدوون
يمكن لاسمح الله صار شي
يكونون هم في قلب الحدث

:telephone:

[قناص 787]

يدورون فقع يقولون الحيا وااااااااااجد :)

[شبح الصمت]

يدورون فقع يقولون الحيا وااااااااااجد :)



ان حصلت وانا اخووك

بس زاعق

جايك ركيض

:nice:

[غزلان]

فراااااااااااااااااااااغ

[قناص 787]

ان حصلت وانا اخووك

بس زاعق

جايك ركيض

:nice:

مر بعد المغرب على افاا من يشيل على قولة إخوانا

الصينيين:nice:

[شبح الصمت]

مر بعد المغرب على افاا من يشيل على قولة إخوانا

الصينيين:nice:



يعني البيكم بترسه فل

:eek5:

:secret:

:shy:

:telephone:

[موضي قطر]

السبب الأول الأهل وخاصة الأب .. شفت عيالك عندهم وقت فرااااغ قاااتل بعد العصر وبعد مايخلصون واجباتهم .. اخذهم معاك للمجالس او خلهم يحفظون قرآن في مراكز التحفيظ ..

او تسجلهم في دورات المعهد البريطاني منها ياخذون لغة ويستفيدون ومنها يشغلون نفسهم

بشي مفيد .. في الغالب الشباب اللي يفترون عند المجمعات صغار في السن يبون التوجيه الصحيح

من الأهل والمجتمع

[hk94]

العتب على الشباب و هم عدة المستقبل اللي كل واحد
متخصر و ماسك زوجته كأنها بتطير عنه ( شوفيني يا ام هلول)
و المحترم محد يقدر ايناظره و لا ايشوف اهله لانه كفو و محافظ عليهم و مسترهم و يمشي معاهم مب لازق جنه لزقه !!!!!!
و بعدين طالعين لنا بالتشابك بالأيدي الحمدلله و الشكر !!!!!
رجال اشكبرك و انتي مره ام عيال اشتبون في هالحركات و الله عيب!!!!!
وين لول المرأة تمشي و زوجها يحميها و يكلم البايع عنها و يدفع و ايشيل الاغراض اتحس ان معاها رجل ايغار عليها!!!!
مش الحين و العياذ بالله يمشون ميتين من الضحك و المكياج
و العباية و في الأخير ايقول تحرشوا فينا انا و زوجتي !!!!!
انا ما أشوف و لله الفضل و المنة انمر بهذي المواقف ليش ؟؟؟؟
سؤال يطرح نفسه!!!!!!

[Right]

أشبه هؤلاء بالـــ " الذباب الذي يحوم حول الشخص ويضايقه "



فلابد لهم من " مبيد حشري " !!!




السؤال الذي يطرح نفسه:




" أين هذا المبيد الذي سيقضي على هذا الذباب الناقل للمرض ؟ "

[WGA]

يدورون عقولهم ,, والله العالم !!

[قناص 787]

أشبه هؤلاء بالـــ " الذباب الذي يحوم حول الشخص ويضايقه "



فلابد لهم من " مبيد حشري " !!!




السؤال الذي يطرح نفسه:




" أين هذا المبيد الذي سيقضي على هذا الذباب الناقل للمرض ؟ "





اول شي لابد من تنظيف المكان من القاذورات وبعد

ذلك سيذهب الذبان بنفسه ليبحث عن قاذورات في مكان اخر

حتى يجد قاذورات جديده ومكان جديد :nice:

[Right]

اول شي لابد من تنظيف المكان من القاذورات وبعد

ذلك سيذهب الذبان بنفسه ليبحث عن قاذورات في مكان اخر

حتى يجد قاذورات جديده ومكان جديد :nice:





يالله شد حيلك :nice:

[قناص 787]

يالله شد حيلك :nice:





في شنو اشد حيلي :eek5:

[qtr qtr]

موضه قديمه الدواره فالمجمعات والمغازل .. الشباب ازهقوا من هالسوالف وهم لين الحين عالنظام القديم

الله يهديهم

[Right]

في شنو اشد حيلي :eek5:





إذا تعرف واسطة في البلدية قسم التنظيفات :nice:

[OREO]

ليش الشباب يدورون عند اللاند ولا فيلاجيو ؟

يدورون بنات ،،

[findi]

ما عندهم سالفه مثل ما ذكر الأخ شبح الصمت
طالعني واطالعك
وحق التحرش بالبنات

الله يهديهم ويصلحهم


اخوي انا بس عندي ملاحظة على القصة اللي ذكرتها في بداية الموضوع
شدعوه لهذي الدرجة شكلهم مب ازواج او اهل !!
اسمح لي بس ترى نطلع مع اهالينا و ما قد حد قزنا و شافنا بنظره مو زينه

ما توصل لهذي الدرجة ابدااا الا ان كان هم الاثنين منظرهم مريب

وايد بنات وشباب متزوجين صغار ويطلعون مع بعض او وحده مع اخوها و يروحون مطاعم وسينمات
ما قد سمعنا حد تحرش فيهم بهالشكل الغير حضاري
ولا حد ازعجهم بنظراته

شلون يقولون تطليعه ؟؟ ليش ما افترضوا انها اخته لو مب زوجته ؟؟
في شي مفقود بالسالفة

اتفق معاج اختي وطن .. معقوله فيه أحد بهالوقاحه بيقول مثل هالكلام حق ريال مع زوجته ؟! معقوله بيروح تفكيره على طول انها مب زوجته ولا اخته ؟! الا اذا كان فعلا شكلهم يجيب الشبهه .. لأن الصراحه السفور انتشر عندنا بشكل كبير ياما شفنا رياييل مع حريمهم ولا خواتهم وكل وحده كاشفه ومطلعه نص الشعر ومكياج كامل وفاتحه نص العبايه ومتسبحه بالعطر شدعوه وين الغيره ؟؟؟!!!
طبعاً ماعمم على كل الي يكشفون عن ويههم .. فيه بنات كاشفين لكن محترمات ومحتشمات لكن الفئه الاولى منتشره واااايد للأسف وشي يقهر والله لما نشوف مثل هالاشكال وواقف حذاها ريال طول بعرض وعادي عنده منظر اخته ولا زوجته بهالشكل


اولا اللي تكلم غير مؤدب واحنا ماختلفنا فيها والغير متربي بتحصله في كل مكان
بس تبون الصراحه مالوم اللي يفترون عند فيلاجيو او اللاند لانه كل شي ممنوع + قلة الاماكن الترفيهيه

هذا العذر دايما قلة الأماكن الترفيهيه .. انا معاك ان ماعندنا أماكن ترفيهية عدله لكن عندكم بدائل وااااايد واخوي صاحب الموضوع ماقصر جزاه الله خير .. وبعدن وين المتعه أو شنهي المتعه الي يلقونها في الدواره في المواقف ؟!!

[chillis]

وترى في شباب يدورون حطو هالشيء في بالكم ..

سالفة طالعني وطالعك يعني مب كلهم يدورون يدورون على بنات ..

شوفني انا عندي موتر شوف موتري

فاهمين

وترى على فكره في بنات بعد يفترون وان دشت وحده تفتر

ما يحتاي اقولكم شتسووي


:secret:

الموضوع عن الشباب ليش تلي تقلبه علي البنات خلك في صلب الموضوع للحين في شباب جذي صج انهم مال اول

[قناص 787]

إذا تعرف واسطة في البلدية قسم التنظيفات :nice:





وش فايدة البلديه اذا الناس تصوخ المكان وماتنظفه

[Right]

وش فايدة البلديه اذا الناس تصوخ المكان وماتنظفه







تصوخ = توصخ :nice:



صح كلامك

[انتر ميلان]

ظاهرة الدوارة على اللاند قديمة
وموجودة من ايام التسعينات شارع السد والنصر ،،، وموجودة في كل الدول مثلا السعودية عندهم شارع التحلية والكويت شارع المطاعم والبحرين شارع البوكوارة الخ ....

ومن وجهة نظري ان البنات هم السبب ،،، ليش مانشوف الشباب يدورون عند المول او حياة بلازا ؟؟

المشكلة في اغلب البنات اللي عند اللاند وفيلاجيو فل ميكب وفاتحين العبايات وهذا سبب تواجد الشباب طول الوقت وفي بعضهم يتمشون الظهر :rolleyes2: مدري وين يداومون وايش هالمزاج اللي يخليه كاشخ ويلف صوب اللاند من الصبح ....

وللاسف مافي حل :omen2: وزارة الداخلية سوت المعجزات علشان يخفون الزحمة عند اللاند بتشديد المخالفات بس مافي فايدة

[MAZEN37]

كل هذا موضوع

[qews]

كل الي يدورون حول المجمعات عباره عن شباب فشله بالمجتمع

[قناص 787]

تصوخ = توصخ :nice:



صح كلامك





اتخبر وقت تقييل وانا كنت على الفراش يوم اني اكتب :)

[أنثى]

بصراحه موضوع جدا رائع وانا انتبهت له يوم الجمعة اللي فاتت اعيالي وخواتي خاطرهم في ايس كريم من بينكبيري قلنا بس بنمر اللاندمارك دقايق نأخذ طلبنا ونطلع خذنا تقريبا ساعة وشوي بس عشان السواق يلف ويرجع لنا (مع ان داخل المحل خذنا بس ربع ساعة)والسبب الشباب الله يهديهم وياريت يسمعون هالكلام وتخف الزحمة شوي لان فعلا محد يقدر يتسوق في هالمجمعات

[عبدالله الخوار]

بالاول كان فيه شي اسمة أمن وقائي ّ! مادري ليش كنسلوه .. او ليش ما عاد صار يقوم بواجبة

بمعنى اي شخص يرقم .. شالوه وبكرة الصبح اعرضوه على القاضي وعشرين جلدة وانت ماشي

تخييل ؟؟ واذا عادها 80 جلدة والمرة الثالثه سجن شهر ..

هنيه صج القانون ..

بس الحيين لاء ؟؟ ابعرف ليش ما يرجعون هالقانون

[أبو يووسف]

من المستحيل أن يغازل الشباب امرأة متحجبة وقصة هذه المرأة التي ذكرتها أتوقع أنها كانت متبرجة ، لذلك من الطبيعي جدا ماحصل لها
هذا الشيء الي يقهر من قلب يوم تشوف الزوجة مع زوجها تمشي وياه وهي متبرجة أو الب مع ابنته
أ

[سان سيمون]

والله في فيلاجيو الاسبوع الي فات ان الشرطة موجودة و الشباب اغاني ورقص ومصخرة وعادي ولا كانه صاير شيء بس قاعد يمشي السير

[شمووع]

الله يهديهم الفراغ وما يسوي
بس للامانة مايتعرضون لأحد
بس مضايقنا تفرفرهم حول المجماعات يعني شوفوا سيارتي
ربي يهديهم ويحفظهم
وتشكر أخووي ع غيرتك وياليت كل الشباب مثلك

[..er..]

صحيح انا قطري


بس قسم بالله ولا مره دخلت ( اللآند ) ولا افتريت بمواقفه :s

اشوفه من بعيد ولا ادري وش الزين فيه اللي يخلي الشباب يمسكون شفتات عنده :|

[بوحارب]

الله يهديهم الشباب من كثر مايدورون عند المجمعات صاروا يسمونهم خرفان :(

اقعد في الميلس يا خروووووف

[chillis]

الله يهديهم الشباب من كثر مايدورون عند المجمعات صاروا يسمونهم خرفان :(

اقعد في الميلس يا خروووووف

بيقولون لك شنسوي وين نروح مافي اماكن نقضي وقت فراغنا ولا في مكان لنا مع ان لو يفكرون شوي بيلقون وايد شغلات مفيده لهم :secret:

[بوحارب]

بيقولون لك شنسوي وين نروح مافي اماكن نقضي وقت فراغنا ولا في مكان لنا مع ان لو يفكرون شوي بيلقون وايد شغلات مفيده لهم :secret:

انا اسميهم فاضيين عمل :omen2:

[المدريدي]

الله يهديهم الشباب من كثر مايدورون عند المجمعات صاروا يسمونهم خرفان :(

اقعد في الميلس يا خروووووف

:victory:

[بنت قطرر]

ظاهره منشره بشكل كبير خصوصا اللاندمارك
كأن ما وراهم شغل غير القز في خلق الله

[.خالد]

يمرون ياخذون كرك النعيمي ويروحون يطوفون حول اللاند يكحلون عيونهم مع تقنيدة راس ،، بس مشكلة طوافهم اكثر من 7 اشواط

[الكاسر99]

ماعندهم سالفة الشباب كل واحد يدور في موتره كأنه يقول للعالم شوفوني عندي موتر

ولو كان متربي ما سوى هذه الحركات

مره على وقت صلاة العشاء صفيت ودخلت المسجد اللي في محطة اللاند مارك والصلاة قايمه

والشباب ولا همهم لا صلاة ولا خوف من الله


لكن الله يمهل ولا يهمل


وليعلم هذا الشاب الغير متربي واللي يدور على البنات الغير متربيات أمثاله أن الله سيبتليه

في نفسه أو في زوجته بما يفعله في بنات الناس

وجزاك الله كل خير أخوي على الموضوع

[بوحارب]

الكاسر صحيح كلامك والله الواحد يشفق على هذولي الشباب الأمام يقيم الصلاة ويصلي والناس دوارة وشرب كرك واخر همهم الصلاة !!

الله المستعان


:victory:

تحس اني جبتها مضبوط ههههههههه :secret:

[مهره]

خبايل بعيد عن السامعين

[Google]

ياجماعة اصلحو النيه يمكن الشباب المساكين يتدربون على الطواف عشان الحج السنه الجايه.

:nice: :nice: :nice: :nice: :nice: :nice: :nice:

[style]

اششش يدورون كنز مالقوه ..يوم رجعوا بيوتهم لقوا عنز...هههههه...الطبع من التطبع

[مبتدئه]

انا اروح اللاند واروح فيلاجيو انا وريلي لكن ولا مره حد قط علي كلمه لاتقولون هاي عجوز:)
لا بعباة راسي وبشكلي المحتشم والله المستتره بعباتها وبلبسها ومشيتها نادرآ ماحد
يتحرش فيها ، اللي يخاف على زوجته وبنته من الكلام يراقب لبسها هل فيه شي قد يعرضها للكلام وشوفوا حد يتجرا يطالع او يقط كلمه ،اشلون نحط الكبريت بجنب الغاز ونقول مانبغي تشب نار

[com]

وترى في شباب يدورون حطو هالشيء في بالكم ..

سالفة طالعني وطالعك يعني مب كلهم يدورون يدورون على بنات ..

شوفني انا عندي موتر شوف موتري

فاهمين

وترى على فكره في بنات بعد يفترون وان دشت وحده تفتر

ما يحتاي اقولكم شتسووي


:secret:

ايه كله الشباب مب زينيين حسسوني ان البنات ملايكة مالهم بهذي الحركات صدقوني لولا البنات اللي خبري خبركم ماشفتو حد في اللاند هم البلا ..

وللأمانه عشان اكون منصف في بنات محترمات يدخلون بنية التسوق ويجوون هالخمة يصيدونهم عند البوابات ليتها اختك عشان تعرف ان الله حق

[A.L.I]

يوسعون صدورهم

[وجه ابن فهره]

يبي لهم كم لشطه بخيزران وبيتوبون :D




:shy:

[حصه20007]

يقول المثل (كل ساقط لة لاقط )
عساك ع القوة

[R 7 A L]

وقت فراغ
وفضاوه

[الرويـس]

أبشركم

كللللللهم فيهم خير . وربي بيصلحهم
قريب باذن الله

[هداف]

هذول يصلح لهم ملازم يسمونه ( الدنقي ) يسحب لياسنهم ومخالفات لين يكرهون الدواره عند المجمعات!

اتمنى توفير اكثر من دنقي في ادارة المرور على مدار الساعه في مواقف المجمعات التجاريه !

[قطرية كشخه]

كل اللي قلته صح وصاير .. للاسف

قله عقل .. المصيبه ما تحلى لهم الدوارة الا القايله :rolleyes2:

الناس يردون بيوتهم يرتاحون وهم يفترون في هالشموس :eek5:

من اسباب كرهي للاندمارك هاللي يدورون ويتصيدون حق البنات ما يدرون ان الكلمة السيئة سبب من اسباب الرمي في جهنم والعياذ بالله ..:weeping:

ما عندنا غير الله يهديهم ان شاءالله

[رايق البال x]

وليش الدوريات والخويا ما يتخذون ضدهم الاجراء اللازم ،، مسببين زحمة على الفاضي ...ويمنعونهم الدوران ومخالفتهم لتسبيب الفوضى .

[بوعلي2]

الله يهدي الجميع

[جوهرة قطر]

ناقصين عقل ... الله يهديهم ويصلحهم

[الشاااهين]

ذكرتوني بأيام زمان مجمع غرناطه على أيامنا ندور بلبي ام اكس:secret: في عز القايله


البي ام اكس سيكل 16

[شيخ القبيلة]

شوف اخوي طبعا اللي يدورون هذول ماعندهم سالفة وقلة أدب ونفوسهم ضعيفة
في نفس الوقت القصة اللي ذكرتها سمعتها من قبل .
بس تقدر تسأل نفسك ليش صار جذي؟؟؟؟ وشنو الاسباب ؟؟؟!!!!!!!
في احتمالات :::::يمكن هي مب متسترة ويمكن العباية المرصرصة وغير المكياج الصارخ والقذلة والمشية وطبعا مليووووووووووون في الميه وجها مكشوف والله اعلم .
لكن أأكد لك لو البنت متغطية والعباية واسعة ومغطيه وجهها صدقني محد بيكلمها واصلا محد يتجرأ يكلمها لأنها مستورة.
وعلشان محد يقوللي عن تغطية الوجه وهذي في علماء قالو مب حرام الخ وهذي حرية شخصية .
أقول حتى لو كان الوجه مكشوف المفروض مايكون فيه مكياج ولاحتى كحل والعباية واسعة .
اما لو تكون وحده ماشية كانها رايحة عرس هنيييييييييييه اصحاب النفوس الضعيفة وطبعا قليلين الادب يمكن يفكرونها وحدة مب زينة .
لان ياما شفنا حريم المكياج والروج وماشيه مع زوجها جنها رايحة حفلة والدلع في المشيه .
الخلاصة: الستر الستر الستر ومحد بيكلمها ولا بيتجرأ عليها .
وسامحوني على الاطالة .والله يستر على بنات المسلمين .

[رجوان]

مساكين يدورون شي ضايع لهم خخخخخخخخخخخخخخ

[سهاير]

اي والله رحت الاند مارك الا واحد مطلع لنا جلب من سيارته اعزكم الله حاطه في حضنه وكل ما شاف بنات ظهره من الدريشه

ومره شفت بنات مشغلين اغاني اجنبيه ومطولين على الصوت تقول واحد من الشباب وضحك مع صديقتها والميكب فل ابشن والوجوه جياكر

الحمد لله على نعمه العقل

[vxr 5.7]

لآحد يولمهم في شى .. ومب كل اللوم علي الشباب ترى في بنآت والله آشوفهم يتمشون بعد ويطولون علي صوت المسسجـل

وهذول الى يتمشون في للاند وفيلاجيو آكثرهم مب عشآن ترقيم ولآ غيره بس عشآن طآلعني وآطالعك شوف موتري جديد شوف آني ولد نعمـه

ومشكـور ي رآعي الموضوع :)

[المقاول]

عيالنا اهل مقناص وراعي القنص يدور على المكان إللي فية صيد .. وهذي الاماكن متروسة حباري ... يخلون الحباري لغيرهم يقنصها .. عيالنا اولا .. وحباري الاماكن
هذي حسب ماسمعت ماتطول مع الطير .. شوي ويعلقها .
واعتقد ان عدد الحباري زاد على الطيور ... حتى قنوص الدول المجاورة تجي وتهد ..
الله يصلح الحال.
علاج هذة الحالة هيئة الامر بالمعروف والنهي عن المنكر

[الـقـاسـي]

يدورون بنات بعد شيدورون ..

الحل عندنا بسيط يكثفون من وجود الامن الوقائي يعني حسب اللي انا سمعته من الشباب في الامن الوقائي انه فيلاجيو يداوم فيه فردين والضابط يشرف عليهم بس ..

مجمع مثلا فيلاجيو يبي له 20 الى 25 واحد من الامن الوقائي ويقفون الباص عند الباب واي واحد مب يرقم بس يقول اول رقمين ولا يسوي اي حركه يركبونه الباص وعلى طول النيابه المسائيه ومن هناك توقيف اربع ايام تهقون عاد في حد بيرقم ولا بيتحرش ..

لكن ربعنا مايبون يوقفون اللي صاير والله العظيم صار الواحد يكره المجمعات من اللي يصير فيها مصخره وقله حيا وضياع ..

[vxr 5.7]

عيالنا اهل مقناص وراعي القنص يدور على المكان إللي فية صيد .. وهذي الاماكن متروسة حباري ... يخلون الحباري لغيرهم يقنصها .. عيالنا اولا .. وحباري الاماكن
هذي حسب ماسمعت ماتطول مع الطير .. شوي ويعلقها .
واعتقد ان عدد الحباري زاد على الطيور ... حتى قنوص الدول المجاورة تجي وتهد ..
الله يصلح الحال.
علاج هذة الحالة هيئة الامر بالمعروف والنهي عن المنكر



ههههههههههههههههههههههههههههههههههههههه

يآخي آشكرك علي الرد :victory:

[الـقـاسـي]

عيالنا اهل مقناص وراعي القنص يدور على المكان إللي فية صيد .. وهذي الاماكن متروسة حباري ... يخلون الحباري لغيرهم يقنصها .. عيالنا اولا .. وحباري الاماكن
هذي حسب ماسمعت ماتطول مع الطير .. شوي ويعلقها .
واعتقد ان عدد الحباري زاد على الطيور ... حتى قنوص الدول المجاورة تجي وتهد ..
الله يصلح الحال.
علاج هذة الحالة هيئة الامر بالمعروف والنهي عن المنكر

البلا ان مقناصهم كل وقت وكل حزه لو فتره وخلاص كان تنبلع ..

والحباري يجيها بلا لاشافت على قولتك قنوص الدول المجاورة

[تحداني]

ملانين وعليه عليهم
ويبون يوسعون صدرهم .. وعندهم فراغ كبير .. ويبون يعيشون شبابهم ومراهقتهم
على قوله واحد تايهه في هالحياه .. صعب ارجع بذاكرتي للوراء
وما القى في تاريخي الانساني ابنيه ما غازلتها .. او بنت وما ناظرتها
او رقم وما فلعته .. هاذي يسمونها فلسفه " صايع "

لازم نفهم المراهق .. لازم


:)


جملكم الله برضاه

[تحداني]

وبعدين من قال لكم يدورون بنات .. انتوا من صجكم " هذاك اول "
الحين حط رجل على رجل يا شيخ .. وتجيك بارده امبرده
والله معلوماتكم قديمه

صرنا مثل بعض دول الجوار لايعه اجبودهم من البنات
وصاروا هم يلاحقونهم


جملكم الله برضاه

[ريتويت]

يغازلون ويرقمون وعقبها يبلعون في فرايديز وبس

[M!$s ĀŁ!eN]

والله أنا بنت وعندي مجلسي ( صاله الاستقبال ) ربعي يجون البيت ونتجمع والحمد الله ما اروح المجمعات الا في السينما واطلع وصار لي فترة طويله ما دشيت سينما او مجمع يمكن من العيد الاضحئ لان المضايقات الشباب التافه الي ما عنده احترام لذاته اعتذر على الكلام بس والله لؤلؤ وعو جبدي بسالفه الدواره

ف الدول المجاوره الامارات تحديدا المجمعات مافيه ناس متفرغه وتضيق على الناس
اشمعنا بقطر دولتي الحبيبة اللي فيها الملل اللي يعتذرون فيه
مع في مطاعم و كوفيات يتسلون فيها

[شموخ]

الله يهديهم ان شاءالله وتقولون ليش يروحون اللاند مايحتاج اقول انتوا تعرفون هالشيئ-

[الإكسير]

كلامكم غير دقيق...
اغلبية الشباب يروحون هناك حق الكشخه وعرض المواتر اكرر الاغلبية...
اما الي يروحون حق المعازل نسبه بسيطه جدا...
والبنت الي تروح هناك هي رايحه تتحرش فالشباب ... صدقوني تجمع الشباب تجمع بريء من الكلام الي تقولونه...

[nouar]

تعرفون لانهم ما عندهم شغل حقيقي يشغل عقولهم ويعصر ذهنيهم،،،

شغل قريب من القلب والعقل ،،، المغازله الحق يقال مب شي وللاسف معظم الاماكن تقريبا ممنوعه من دخولها أو حتى المشاركات فيها سريه أو غير معلنه


اتمنى فعلا لمه تحب هوايه معينه ما يقولون لك ممنوع منشان ما في مكان أو للقطرين فقط ..

يعني وين نروح ....

[دبلوماسية]

على فكرة هالظاهرة مب جديدة ......

تتوارثها الاجيال ....جيل بعد جيل

في اواخر السبعينات بداية الثمانينات .....كان اللف والدوران عند ( السنتر ) ...
وشارع السد ....والسلام بلازا ...


شباب اليوم هم اولاد شباب الامس .....والحب يطلع على بذرة .......


بس نرجع ونقول البعضضضضضضضضضضضضض

[بنت شيوخ]

صح السانك بوعابد

واللي نقل الموضوع ماقصرت

كفيتو ووفيتو

والله يعينا على هاي النوعيه من البشر

[الصغيره]

وليتهم يشترون شي يلفون ويلفون ويردون الصراحه قلة ادب واي واحد يجي حتى يضايق خلق الله وهو ماله حاجه يجي يوم ويضايقون اهله ولا بد يوم مادام هو مضايق خلق الله

الله يهديهم

[لاجل QT]

نقص في الاخلاق والدين..اي شخص ضعيف الدين توقعو ممكن يسوى كل شي واي شي

يعنى مستحيل تلقون مطوع يدور بسيارتة في المجمعات

البعد عن الدين والادب خلاهم كذا بهالمنظر السخيف

[Roo7MooT]

1- لازم يغسل سيارته ويلمعها يوميا

2- يضرب بوليش للتواير

3- يحلق

4- يودي الغترة الدوبي

5- الحين يروح الدوام ( لاند مارك )

هذا هو حال فئة من الشباب والله ثم والله لو بس تمرون الاند يومين متواصلين تحصلونهم هم هم

لازم الأخ الظريف يكمل السعي ( الصفا والمروة) من الساعة 6 الين 11 في الليل

يوميا على هالحالة وعلى نفس الترتيب والسبب معروف عند الأغلبية

الاند معروف فيه نوعية من البنات الساقطات وهم قلة يتجمهرون عند لاند

مع ظهور سيارات بنات لبعض الدول المجاورة أتت لهالمكان لغرض في نفس يعقوب

ياعالم المواقف فاضية والمجمع فاضي بس الكم الهائل من السيارات الي برع توهم لك ان

المجمع مكتظ عن بكرة أبيه

وبخصوص الي يقولون لازم الشرطة تخالفهم على شنو تخالفهم عطني قانون صريح يخالفونهم عليه

على الدوارة مافي قانون صريح يمنع مثل هالحالات واذا خالفوهم مثل على الحزام

طلعت لنا أصوات وكالت بالاتهامات للخرجي والمرور والداخلية وقلتوا تخالفونا واحنا داخل المجمعات

للأسف الحل الوحيد أبتعاد البنات عن مثل هالأماكان لان ان عرف السبب بطل العجب

وجربوا يغيرون ويروحون المول وبتشوفونهم هم هم رايحين المول

الحل لمثل هالفئات الشاذة تفعيل دور الأمن الوقائي الي قاعدين في عمارتهم ولا نسمع فيهم ولا نشوف لهم

اي دور في المجتمع لان الشرطة ماتقدر تتدخل في مثل هالحلات علشان لاتسبب لنفسها اي احراجات

اذا كانوا هم نفسهم أفراد الشرطة قاموا يادون السعي فلاند

[chillis]

1- لازم يغسل سيارته ويلمعها يوميا

2- يضرب بوليش للتواير

3- يحلق

4- يودي الغترة الدوبي

5- الحين يروح الدوام ( لاند مارك )

هذا هو حال فئة من الشباب والله ثم والله لو بس تمرون الاند يومين متواصلين تحصلونهم هم هم

لازم الأخ الظريف يكمل السعي ( الصفا والمروة) من الساعة 6 الين 11 في الليل

يوميا على هالحالة وعلى نفس الترتيب والسبب معروف عند الأغلبية

الاند معروف فيه نوعية من البنات الساقطات وهم قلة يتجمهرون عند لاند

مع ظهور سيارات بنات لبعض الدول المجاورة أتت لهالمكان لغرض في نفس يعقوب

ياعالم المواقف فاضية والمجمع فاضي بس الكم الهائل من السيارات الي برع توهم لك ان

المجمع مكتظ عن بكرة أبيه

وبخصوص الي يقولون لازم الشرطة تخالفهم على شنو تخالفهم عطني قانون صريح يخالفونهم عليه

على الدوارة مافي قانون صريح يمنع مثل هالحالات واذا خالفوهم مثل على الحزام

طلعت لنا أصوات وكالت بالاتهامات للخرجي والمرور والداخلية وقلتوا تخالفونا واحنا داخل المجمعات

للأسف الحل الوحيد أبتعاد البنات عن مثل هالأماكان لان ان عرف السبب بطل العجب

وجربوا يغيرون ويروحون المول وبتشوفونهم هم هم رايحين المول

الحل لمثل هالفئات الشاذة تفعيل دور الأمن الوقائي الي قاعدين في عمارتهم ولا نسمع فيهم ولا نشوف لهم

اي دور في المجتمع لان الشرطة ماتقدر تتدخل في مثل هالحلات علشان لاتسبب لنفسها اي احراجات

اذا كانوا هم نفسهم أفراد الشرطة قاموا يادون السعي فلاند
طيب وليش هالتعذيب النفسي شبيحصل

[ابن سينا]

اقتراح يخصصون يوم للعائلات

[كلنا قطر 1981]

طيب وليش هالتعذيب النفسي شبيحصل

اما اخت شيليز شنو بيحصل ؟؟؟!!:eek5:

معروف شنو بيحصل ;)

[chillis]

اما اخت شيليز شنو بيحصل ؟؟؟!!:eek5:

معروف شنو بيحصل ;)

اذا هو يلف بالسياره متى يمديه بس :secret: يعني يصارخ من السياره من صجك :omg:

[Anas_G]

وين الشيخ عبدالله بن خالد عنهم

[روح الاطلس]

اما اخت شيليز شنو بيحصل ؟؟؟!!:eek5:

معروف شنو بيحصل ;)


بيحصل كعب على راسه:nice:

[كلنا قطر 1981]

اذا هو يلف بالسياره متى يمديه بس :secret: يعني يصارخ من السياره من صجك :omg:

اي والله يقعد يصارخ و هذا الشي شفته بعيني من علو صوته انا حفظت الرقم :nice:

[كلنا قطر 1981]

بيحصل كعب على راسه:nice:

اختي روح الاطلس اول شي انتي ما يقدر يقولج شي لانج حاشمه عمرج

و لو سوى شي لج بيحصل كعب مقاس 39 على راسه :nice::nice:

بس مع الاسف من غيرج بيحصل الي يبيه ;):thumbdown:

[الزعفراني]

عشان " يقزّون " الكائنات " الفضائية " اللي تظهر من المجمع :)

[الخفي]

(( ان الشباب والفراغ والجده - - - - - مفسده للمرئ ايتو مفسده ))

[ابو حيان]

اشكر جميع من تفاعل مع الموضوع

وهذا ان دل فانه يدل على حبكم وحرصكم على مصلحة شباب هذا الوطن


وان شاء الله يتم تفعيل دور المسؤول عن هذا الموضوع


ان كان المرور ولا حتى الامن الوقائي ولا حتى العوين



انتظر الردود من باقي الاعضاء


تقبلوا تحياتي
اخوكم ابو حيان

[AL-MAYSTRO]

ياكثرهم خصوصا في اللاند مارك
تشوف زحمه مواتر برع وداخل فاضي

ليش مدري

[R 7 A L]

مايجيهم دوار البحر من كثر الفرفرة والدوران
على مبنى اللاند !
:rolleyes2:
أحس من فرتين بينتهى بي المطاف الى طواري حمد :(

[شبح الصمت]

احد يعطينا احداثيات الاند مارك هاليومين اشلون كان التفاعل عقب طرح الموضوع

[chillis]

احد يعطينا احداثيات الاند مارك هاليومين اشلون كان التفاعل عقب طرح الموضوع

عبالك بياثر فيهم الي فيه هالطبع مابيجوز عنه وللاسف لو تشوفهم اغلبهم تعدا الثلاثين يعني شياب :(

[دلة الرسلان]

ياليت حد يتبرع ويسوي عليهم بحث الدنيا ها الأيام هابة في البحوث العلمية يالله استغلوا

الظاهرة وادرسوها اسبابها ونتائجها :)

[AL-MAYSTRO]

احد يعطينا احداثيات الاند مارك هاليومين اشلون كان التفاعل عقب طرح الموضوع

مب حولك تتغير الاحداثيه

الا زادوا عقب طرح الموضوع لان الحين امتحانات خخخخخخخخ

عقب الامتحان اللاند درب السلامه وكرك النعيمي تايم

[شبح الصمت]

عبالك بياثر فيهم الي فيه هالطبع مابيجوز عنه وللاسف لو تشوفهم اغلبهم تعدا الثلاثين يعني شياب :(



الحين 30 شيبه


:eek5:

[شبح الصمت]

مب حولك تتغير الاحداثيه

الا زادوا عقب طرح الموضوع لان الحين امتحانات خخخخخخخخ

عقب الامتحان اللاند درب السلامه



آآآآآي صادق

ترى هالجيل جيل 90 ورايح

جيل 70 والـ 80 خلاص ندل امكانهم وين

:secret:

[لابس بشت]

لسببين
شوفني واشوفك
وللمغازل

والحل بيد المرور

[chillis]

:secret:
الحين 30 شيبه


:eek5:

انا قلت تعدا يعني له اربعين وطالع

[AL-MAYSTRO]

خخخخخخخخخخخخخخخ قهوة السالميه من اهم اماكنهم خخخخ

[AL-MAYSTRO]

لسببين
شوفني واشوفك
وللمغازل

والحل بيد المرور

صحيح

ليش مايسوون المواقف بفلوس نفس سوق واقف و الستي سنتر

بيخفون من هالظاهره 100 %

[ضوى]

ليش يدورون ؟؟

انا ريلي يدور لين اخلص شغلي اذا محل واحد والا محلين ولغرض معين ، بس الشباب ليش يدورون ؟

[chillis]

صحيح

ليش مايسوون المواقف بفلوس نفس سوق واقف و الستي سنتر

بيخفون من هالظاهره 100 %

تتوقع هذي هو الحل انا اقول للي ياخذ اكثر من 3 لفات ليش ما يخالفونه اذكر زمان اول فتره بسوق الجبر سوا جذي الي ياخذ اكثر من لفتين يخالف الله يرحم ايام اول

[سونيتا]

استغفرالله بعض الشباب تقول لو الكعبه مادار عليها كذا ...

[AL-MAYSTRO]

تتوقع هذي هو الحل انا اقول للي ياخذ اكثر من 3 لفات ليش ما يخالفونه اذكر زمان اول فتره بسوق الجبر سوا جذي الي ياخذ اكثر من لفتين يخالف الله يرحم ايام اول

هم اصلا يخالفون هناك على الحزام
ومع ذلك ما آثر فيهم :secret: مالهم الا حل المواقف بفلوس
لان اكيد فالخروج بيكون زحمه وطابور الناس تدفع رسوم
وربعنا مايحبون الاماكن اللي هالشكل فيها تنقيعه وتأخير فالطلعه
وبيخفون من هالظاهره حبه حبه

يعني اشوف هاي حل جيد

[هدوء الليل]

استغفر الله

يمكن يدورن على عقولهم


:)

آشكرك عالموضوع..~

[ابو حيان]

احد يعطينا احداثيات الاند مارك هاليومين اشلون كان التفاعل عقب طرح الموضوع

اخوي شبح

هالشباب ترى انا ملاحظ عليهم انهم ما فيهم صبر وما يحبون القراءة
يعتبرونها مضيعة وقت:omg:

واعتقد واجزم انهم ما يدشون منتدانا الغالي
لان كله مواضيع وقرايه وكله انتقاد لهم:weeping:


فااا لو اكتب وانت تكتب واعضاء المنتدى كلهم يكتبون والله ما راح يأثر فيهم:anger1:

[ابو حيان]

عبالك بياثر فيهم الي فيه هالطبع مابيجوز عنه وللاسف لو تشوفهم اغلبهم تعدا الثلاثين يعني شياب :(




اي والله صدقت ولا درو عنا


بس اعمارهم من كل جيل للاسف

يعني فيه من العشرينات واقل
ومن العشرينات واكثر للثلاثين وفوق بس ما يبين عليهم :shy:

[ابو حيان]

خخخخخخخخخخخخخخخ قهوة السالميه من اهم اماكنهم خخخخ



صوب وين هاااذي :nice:

[ابو حيان]

استغفر الله

يمكن يدورن على عقولهم


:)

آشكرك عالموضوع..~


اي والله صج يدورون عقولهم
و يدورون شي اكبر ؟؟؟ يظنونه انه على سنع

الا وهو الشهامه والرجوله وكل ما يدور في هذا النطاق ؟؟
و ان بتصرفهم الغير حضاري ولا غير مهذب انهم راح يوصلون له :weeping:
:rolleyes2:

[الشيخة شيوخة]

لو كانت زوجته محتشمه كان محد تعرض لها

[بوحارب]

احس الموضوع طول وشكلي بروح اتلفلف هناك نحاسه لكم :(

[الصغيره]

بعد نسيتوا شي حتى الشيبان بعد يدوروون بدون هدف والواحد يلف وان انتبه له احد سوى عمره يسوي رياضه يعني ايش فيه الكورنيش ما يمشون فيه الصراحه الرجال مالهم بسوق الحريم رايحين رادين وياليت الواحد بيده مشاري او مع هله الا بس مضايقه للناس

[شبح الصمت]

احس الموضوع طول وشكلي بروح اتلفلف هناك نحاسه لكم :(



فآآآآآآآآآآآآآآآآآآتك أأأمس














































أأمس فآآآآآآآآآآآآتك



مريت على الاند مارك كان مووووووووووووولع بس قلت ادخل ما ادخل ادخل ما ادخل


عقب قصرت الشر وكملت صوب كرك النعيمي كركت وحركت ..

:)

[وطن]

آآآآآي صادق

ترى هالجيل جيل 90 ورايح

جيل 70 والـ 80 خلاص ندل امكانهم وين

:secret:


وين

:omg:

[R 7 A L]

وين

:omg:

في عزبهم
أو مجالسهم

[وطن]

في عزبهم
أو مجالسهم

اشوووه


عبالي بعد في مواقع ثانية ما نعرفها

مثل طخة اللاند وفيلاجيو

[R 7 A L]

اشوووه


عبالي بعد في مواقع ثانية ما نعرفها

مثل طخة اللاند وفيلاجيو



لا وين
خلاص
ماعاد فيهم شده للفرفرة
:tease:

[وطن]

لا وين
خلاص
ماعاد فيهم شده للفرفرة
:tease:

يا الهي

يعني كانوا على نفس الطريق

:rolleyes2:

[شبح الصمت]

وين

:omg:



ما يبيلها ليش معروفه


بيوتهم

اهلهم

مجالسهم

عننهم

اعزبهم

:victory:

[بوخالد911]

محد مستفيد غير محطات البترول

[وطن]

ما يبيلها ليش معروفه


بيوتهم

اهلهم

مجالسهم

عننهم

اعزبهم

:victory:


:victory:

[R 7 A L]

يا الهي

يعني كانوا على نفس الطريق

:rolleyes2:


كل شاب وله مراهقته وجهالته
بس مو شرط كلهم يفرفرون عند مجمعات
بعضهم كانوا بالساعات يصفون عند باب السلام محله القديم الصغير الى عند القنصلية البريطانية بالسد
وبعضهم في الكورنيش وبالساعات من غير مايزعجون خلق الله والعوايل

[لاجل QT]

محد مستفيد غير محطات البترول

هههههه اي والله

وياريت بفايدة محد يعطيهم وجة:)

[لاجل QT]

كل شاب وله مراهقته وجهالته
بس مو شرط كلهم يفرفرون عند مجمعات
بعضهم كانوا بالساعات يصفون عند باب السلام محله القديم الصغير الى عند القنصلية البريطانية بالسد
وبعضهم في الكورنيش وبالساعات من غير مايزعجون خلق الله والعوايل

اخبر لاول مغازلهم بس فرفورة بالسيارة من غير ازعاج...اما الحين يصارخون بالرقم يدلل علية:taunt:

غير الازعاج والتعليقات اذا ماحد عطاة ويةيعنى محتر:funny:

الحمدالله والشكر

[chillis]

ما يبيلها ليش معروفه


بيوتهم

اهلهم

مجالسهم

عننهم

اعزبهم

:victory:

والله الشياب للحين بحركاتهم البعض طبعا روح المول وشوفهم بالكافيه :secret:

[دبلوماسية]

اخبر لاول مغازلهم بس فرفورة بالسيارة من غير ازعاج...اما الحين يصارخون بالرقم يدلل علية:taunt:

غير الازعاج والتعليقات اذا ماحد عطاة ويةيعنى محتر:funny:

الحمدالله والشكر

:secret:

الا قبل قمة الازعاج ......ايام التفلع بالاشرطة الكاسيت ....

[Qa10]

لازم نجيب خبراء لبحث هذي الظاهرة
واللي محتاج يودونة مصحة

الله يشفيهم

اللي مايقدر او مايعرف ينجز ، يهتم بالمظاهر وفشخرة وهو حتى ثوبة مايعرف يكوية
ابحث عن عقدة ( النقص ) وبتعرف شاللي مخسر ناس واجد أموالهم واوقاتهم وحتى صحتهم

[شبح الصمت]

بس ناس عايشه الدور

خفو عليـنا بس

http://e2.img.v4.skyrock.com/e27/merkowac/pics/484292386.gif

[يحفظك ربي]

الصراحة الملام في هذه المواقف بعض او اغلبية البنات المستعرضات
شوفة عيني شفت ترنح البنات في المجمعات لا خوف من الله ولا من الناس
الشباب لو مالقوا مثل هالبنات الفارغات صدقني كان ما راحوا هالاماكن ولا لفوا فيها
الحين زايدين زايدين
مرة كنت في اللاند مارك شفت ثنتين من الجالية العربية والله هم اللي كانو يتحرشون في الشباب وضحكة وقلة ادب ياليت عندي الصلاحية اكفخ وامشي
يدخلون من محل لمحل وهم على ذي الحال
لانهم حاطين في بالهم انهم لو طاحوا على قطري طاحوا على كنز بيصرف عليهم بالهبل من الجوال لين السيارة لين اغراضهم الشخصية
حسبي الله ونعم الوكيل*