الميرة تستحوذ ودسمان يخسر اهم مواقعه ,,

[قطري طموح]

الميرة ادارة قطريه قوية استحوذت وبقوة على المخازن الكبرى وقريبا ستستحوذ على مقر دسمان في نجمه ومقرات اخرى ستستحوذ عليها وستكون مفاجأة .وواما عن دسمان فقد اغلق مقره المهم في المرخيه ويبقى مقره في الغرافه ومقره الاضعف في دخان والمسمى(ا لفريج ) .وقريبا انشالله سنرى استحوذات قادمه ومهمه للميره ،وفرع اخرى جديدة سيتم افتتاحها لتنافس اكبر واضخم المجمعات الاجنبيه وخصوصا الهنديه والفرنسيه .
والى الامام يالميره وشكرا لمجلس ادارتكم يالميرة . يكفي ان الميره تمثل قطر واهل قطر .وانشالله الميره ستكون اكبر سلسلة تجارية قطريه خلال السنوات المقبله دون منازع .ولاعزاء للهنود والفرنسيين والاجانب .

[راجي الشهاده]

بالتوفيق للميرة والتنافس دايما لمصلحة المستهللك..

[للصبر اخر]

بالتوفيق للميره

[هدوء العاصفة]

الميرة لو مب كانت جنب البيت ما رحت لها .. مافيها شي جديد .. ومافي اي مقارنة بينها وبين كار فور واللولو .. ياليت تكون إدارتها قوية فعلاَ أما الاستحواذات فبسبب الدعم الحكومي فقط ..

[خزامئ]

عن نفسي ماشوف فيها اي ميزه
لا من حيث البضاعه او التسويق
كل رفوفها غبار
وعمالها خدمتهم زفت من روس مناخيرهم

[مابدل العادات]

عاد اتمنى مايرفعون الأسعار

[أم مشعل]

والله من فترة رحت الفرع اللي في المنصورة والله انبهرت لما دخلت ........ مغيرين الديكور

بالمرة صاير روعة والبضاعة اشزينها ونظيفة واللي يقول مغبرة ظلمها صراحة ..... مجمل الكلام

روعة ....

[جرح الزمان]

الميرة بتصير أخطبوط

أتوقع أنها تتفوق على الكثير من المجمعات

[مضاد]

:nice:

[Nojoom]

كل الموضوع ان دسمان خسر في السوق والميرة شرت المواقع منهم

[رآعي موآجيب]

شيء مفرح

ولكن
نتمنى من إدارة الميره الأهتمام بتنويع البضائع مثل كارفور والمخازن والأهتمام بالمتسوق لأن إذا كنت تتقضى من الميره وحبيت تستفسر عن غرض ماحد يهتم فيك ولو اصريت على السؤال يجيك احد الموظفين ابو نفسيه ولا يخدمك بالشكل المطلوب بعكس كارفور والمخازن .

[تغلبية]

ألاحظ عالميرة تطور ملحوظ وأحب أتسوق منها الأساسيات أسرع بالنسبة لي من الهايبرماركت

قطري طموح .. بماذا تفيد الاستحواذات ؟ ألاحظها على المقار فقط ...!

ودنا أن الاستحواذات مثل ماراح توفر للميرة انتشار وزيادة مبيعات يستفيد منها المستهلك ويكون من ضمن الخطة اسعار تنافسية مع الهايبركت موب العكس !

وشكراً،،

[@north_star@]

فرع دسمان اللي صوب نجمة اللي شراه سوبرماركت هاي كوالتي وليس الميرة واللوحة مكتوبة شكبر ...
وبالنسبه للميرة حاليا ابتدوا يطورونها بفرح المنصورة وصارت أحسن ونتمنى يكون عندهم تنويع أكثر بالبضائع وتكون أسعارهم معقولة

[wadha-qa]

افرع الميره الصغيره صراحه ماساه غبار و الاغراض مب مرتبه عكس الفرع الرئيسي

و انا صراحه احب كارفور اكثر مافي مقارنه بينه و بين ميره من ناحيه تنوع البضائع

[بلوتنيوم]

الوطنية مرتفعة حبتين هالايام
لذا قررت اقاطع اللولو وكارفور
واشتري من الميرة :)

[مرتبش]

فرع المنصورة ممتاز
بس

لازم هالبس..مايصير الشغل بدون بس

عدد المحاسبين بارك الله فيكم..مايصير اتسوق نص ساعة واحاسب نص ساعة.

[almaf1a]

الميرة الافضل في قطر من ناحية المواد الغذائيه
المعلبات مثلا تاريخ تصنيعها قريب جدا من يوم الشراء لان الضغط عليها
فالبضاعه تتجدد اول باول

[ام ناصر1]

كل شيء يتمدد زياده عن الحد في النهاية سيترهل
واذا الميرة بتستحوذ على كل شيء ...رجعنا للاحتكار من الباب الخلفي ؟!

[الســـهم]

الميرة تحسنت كثيرا فالفترة الاخيرة , وصار فيها تنوع والخيارات صارت اكثر , وحتى المنتجات اللي تحمل اسمها والله جودتها لا يعلى عليها ..

انا بالنسبة لي كمستهلك يحب يشتري اغراضه وقت اللي يحتاجها وما يحب التخزين , فإن الميرة افضل خيار لي , أولا لأنها تتوفر فيها الاساسيات بشكل دايم ومتجدده ( يعني نادر ماتحصل بضاعه فترة انتهاءها قريبة ) , وثانيا حجمها والتنقل بين ارففها اسهل بكثير من الهايبرماركت كاللولو وكارفور واللي ادخله فالشهرين مرة اذا مالقيت احتياجاتي فالميرة , وثالثا الميرة مقارنة بالهايبرماركت اشوفها ماخذه اماكن استراتيجية اكثر وسهولة الوصول لها في أي مناطق الدوحة وضواحيها ..

الله يوفق مجلس الادارة لما فيه الخير لكل من يعيش على هالارض مواطن ومقيم ..

[Only Me]

شي ممتاز
بس اتمنى ان ترتقي جمعية الميره وتصبح مثل اللولو او كارفور وايد اشياء نبيها مانحصلها بالميره وعدد الكونترات من ثلاث الى اربع كونترات ودايما نشوف زحمه بالكونترات

[asad100]

الميرة لو مب كانت جنب البيت ما رحت لها .. مافيها شي جديد .. ومافي اي مقارنة بينها وبين كار فور واللولو .. ياليت تكون إدارتها قوية فعلاَ أما الاستحواذات فبسبب الدعم الحكومي فقط ..

اتفق معاك

وسنحاول قدر الامكان دعمها

لكن اهم شي بعد هالاستحوذات نبي نشوف شي مميز


مش بس مجرد اسم

[Jeune et bel]

اتوقع في خطة مدروسة لتتغير الميرة بشكل ايجابي وشامل ..

تمنياتي بالتوفيق لجميع الشركات المحلية

[بوحارب]

اهم شي انشوف اسعار ارخص من باقي المجمعات وبضائع احلى

[كازانوفا]

ان شالله تكون احسن من غيرها وما تعلي بالاسعار وتحتكر البشريه ...
الشي السلبي بهالمكان الكاشير عندهم قليل وبطئ بحركة المحاسبه يالله بس لو حد يعطيه طاقه عشان يخلصنااا انمل واحنا واقفين ننتظر دورنا وهو يا دوب على اقل من مهله

[chillis]

عن نفسي ما حب الميره ولا ادشها لان ما فيها شي وحت الخضار تعبان جدا عندهم

[طلعة الروح]

مب مشكلة يستحوذون.. المهم انهم يحسنون خدماتهم والبضاعه تتجدد وتتنوع
ومايتمون على حالهم الواقف من امية سنة..
بالنسبة لي كنت افضل دسمان ع الميرة...

[الخزرجي قطر]

الله يوفقهم ان شاالله

[وطن]

اهم شي انشوف اسعار ارخص من باقي المجمعات وبضائع احلى

بالضبط

لان اللي اعرفه حاليا ان في بضايع سعرها اعلى



عن نفسي ما حب الميره ولا ادشها لان ما فيها شي وحت الخضار تعبان جدا عندهم

نفس كلام امي الاسبوع اللي طاف
تقول الخضار تعبانه عندهم

[al3grab]

والله ايام الجمعيات التعاونيه كانت احسن

[بوعبود]

الميره غاليه في اسعارها

انا احب اللولو نظيف ورخيص

وكل شي متوفر فيه

وماشالله الله موفق راعيه بكل فرع زحمه

[sendarala]

الميرة زينة واللي يقول عنها مغبرة وبضاعتها مب شي ما اعتقد هذا الكلام

كلمة حق تنقال البضاعة ورفوفها نظيفة والعمال اللي فيها دوم يساعدونك <<<<<< مجرد راي شخصي

بس اسعارها اللي ما تنزل ودوم في ارتفاع ليش ما ادري ؟؟؟؟؟؟؟؟؟؟؟؟؟؟؟