اشرايكم ياشباب؟

[بويوسف]

ياشباب ايش احسن انواع العوازل ؟

في اثنين ومحتار فيهم ..

تيتانيوم وقال لي 1400 ريال اخر كل السيارة

وفي كول قال لي 2000 ريال اخر ..

من اللي جرب الاثنين وشرايكم ؟

[Al-Kuwari]

نصيحه لا تركب بيحجزون موترك ممننووووع

[23سلطان]

نصيحه لا تركب بيحجزون موترك ممننووووع


نعم, كلامك سليم

في الماضي كان مسموح والآن ممنوع

حجز للسيارة

كل يوم عندنا قانون

[المزن الرياني]

ليش ممنوع !!!!!!!!!
لا وعندي أمل يسمحون بالمخفي هالصيف ...
والله ماينعرف لهم هالمرور

[الأختصاصي]

اذ مستغني عن سيارتك ركب عازل تلقاها بس محجوزه شهر

[سلمان]

أنا الصراحه مسغرب أذا العازل ممنوع ليش مسموح أنه يمباع
أزين أذا كان العازل شفاف بعد ممنوع أذا ممنوع
الله يعين العالم على الصيف

[Al-Kuwari]

^
^
^
كل انواع العازل ممنوعه
حتى اللي نسبته صفر ومايبين

[بويوسف]

معقولة ؟؟؟؟؟؟؟؟ حتى بنسبة قليلة جدا ؟؟؟ طيب ماهو المنطق واللي هو تصنيفات وبس

[صقر بلادي]

كل واحد سامع له اشاعه وحطها اهنيه

يا اخوان الاعزاء

العازل الحراري 0% مصرح من المرور

لنه شفاف 100% اللي موقفينهم المرور هذيله مركبين فوق 30 %

يا شباب لحد يحط كلام قبل لايتاكد

هل الكلام انا جايبه واحد شغاااااال في التحريات قبل والحين في الدوريات

قالي 0% عادي لنه مايبين اصلن

وقالي 10% يعني على حسب لعانه الشرطي

وسلامتكم

[Al-Kuwari]

^
^
^
بس رفيجي مركب 0% ووقفوه وحجزوا موتره ولوا الواسطه ماقدر يطلع موتره للحين...

[صقر بلادي]

^
^
^
بس رفيجي مركب 0% ووقفوه وحجزوا موتره ولوا الواسطه ماقدر يطلع موتره للحين...

شييييييي غررررررررررررررررررريب

[Al-Kuwari]

^
^
^
تبي الزبده ؟
كلن يغني على ليلاه فالمرور للأسف

[بويوسف]

^
^
^
بس رفيجي مركب 0% ووقفوه وحجزوا موتره ولوا الواسطه ماقدر يطلع موتره للحين...

الكواري مو معقولة 0% يوقفونه اصلا مافي تظليل كلش .. كلام صقر بلادي منطقي .. والا بالعقل شلون بيوقفونك على ورق شفاف خير شر ؟؟

[سهم الخيانة]

أنا قول ركبوا ورق جرايد أحسن محد راح يوقفكم حتى مدير المرور مش راح يكلمكم .

توقيع موظف عنده موقف خاص:dance

[سلمان]

^
^
^
بس رفيجي مركب 0% ووقفوه وحجزوا موتره ولوا الواسطه ماقدر يطلع موتره للحين...

أشرايكم ياشباب أن اليوم شا يف سيارة شرطي في المرور صافه تحت الطبيله مركب عازل

بس ماركزت كم النسبه

[إنتعاش]

اخوي اللي اعرفه ان الشفاف 0 % ما عليه شي

ونصيحه

v- cool
في كول

وبسسس

اسأل مجرب

[الســـهم]

وأنا بعد انصحك بالفي كول ..

انا مركب التيتانيوم والرؤية فيه مش اوكي ..

تحس اصطابات الموتر اللي قدامك مضببة وهذا طبعا بالليل ..

[انسان حساسي]

هههههههههههههههههههههههههه حلوه جرايد ولو وقفوك قول لهم انك مثقف وماتقدر تستغنا عن القرايه هههههههه


المهم الشيخ تر كل الانواع ممنوعه من صفر وانت طالع

وعلى فكره واحد من ربعنا مسكوه واهو مركب 0 بالميه لا تقول لي اشلون بس كان في تفتيش

[صقر بلادي]

اخوي اللي اعرفه ان الشفاف 0 % ما عليه شي

ونصيحه

v- cool
في كول

وبسسس

اسأل مجرب

اخوي انتعاش كم اسعار v- cool الله لايهينك؟

[إنتعاش]

اخوي انتعاش كم اسعار v- cool الله لايهينك؟

والله ياخوي هي تعتمد على اي نوع بغيته عندهم

واقصد مثلا :

النوع 1 : يعزل 90 % من الحراراه

النوع 2 : يعزل 75 % من الحراره

والنوع 3 والنوع 4

وهكذا

طبعا ويختلفون بدرجات الالوان

انا اذكر ركبت على كروزر عندي من شهرين تقريبا

ركبت جميع النوافذ اللون اللي هو ( بداية الاسود ) خفيف يعني

وفي الامام يعني بوجه السائق ركبت الشفاف

طلع علي 1900 ريال على ماذكر

لكن يعني اللي عرفته من الموظف هناك

ان النوع الشفاف هو اكثر عزل للحراره واغلى سعره للكروزر كامل 2200 ريال في ظني

ان ماخانتني الذاكره

فقط للعلم : في هذا المجال لا تنظر للسعر إنما انظر لجودة واسم الفيلم اللي انت مركبه ايش

الفيلم = الجلاد العازل

[صقر بلادي]

يعطيك الف عافيه يالغالي

[الســـهم]

هلا أخوي بويوسف ..

آسف على تأخري بالرد عليك ..

ولأن مشاركاتي قليلة فما أقدر عالخاص ..

تبي نصيحتي خلك بعيد عن التيتانيوم من تجربة لي ..

بصراحة ركبت بموتر واحد من الربع عليه في كول تقول مافيه عازل ..

شي نظيف ومرتب وتركيبهم مليون مرة أحسن من التيتانيوم ..

لو تفرق معاك 1000 ريال بعد اقولك اشتر راحتك ..

واتمنى اني قدرت افيدك يالغالي ..