فقر الدم

[بوحارب]

السلام عليكم

بعيد الشر عنكم صايدني فقر دم من 4 شهور تقريبا وسويت كلللللللللللللل انواع الفحوصات ومابين وش السبب اللي ينقص الدم فيني

لأني خذيت نقل اكثر من مرة وبعد فترة الدم ينقص :omg:

وفي الأخير الدكتور قالي بنوديك برع ناخذ راي ثاني عشان انعرف السبب

وانت انسان سليم مافيك اي مرض خطير ولا شي !!!


حد صادة نفسي فقر دم وماعرفوا الأطباء السبب ؟؟

[(محمد)]

لا بأس طهور ان شاء الله

اسأل الله ان يشفيك وان يعافيك اخي الحبيب ابا حارب

[المهاجر]

ما عليك شر وأجر وعافيه أخوي بوحارب

انصحك كثر من الكبده والسبانخ مفيده للدم

وان شاء الله ماعليك إلا العافيه

اسأل الله أن يشافيك ويعافيك

[ابوعلي]

ما عليك شر اخوي بوحارب

ويالليت تتأكد من نوعية الأكل لأن في اكلات هي الي تسبب فقر الدم

وتجنب شرب الكرك

وعليك بتايلند واذا تبي مرافق انا والمهاجر:nice:

[جرح الزمان]

سلامتك يا بو حارب

أجر وعافية مثل ما قال أخوي المهاجر

الكبدة بس تكون طازجه والسبانخ يطبخ بطريقه صحيه علشان ما تروح فايدته >>> لا تسئلني عن الطريقة لاني فاشل في الطبخ :(

أسئل الله العظيم رب العرش العظيم أن يشفيك

[elders]

ما عليك شر اخي الفاضل وطهور ان شاء الله
الكبدة والتبولة وعيّن خير ان شاء الله
:nice:

اخي ارقي نفسك والله يشفيك ويعافيك يارب

[بوحارب]

لا بأس طهور ان شاء الله

اسأل الله ان يشفيك وان يعافيك اخي الحبيب ابا حارب

جزاك الله خير بوجاسم ماقصرت :)


ما عليك شر وأجر وعافيه أخوي بوحارب

انصحك كثر من الكبده والسبانخ مفيده للدم

وان شاء الله ماعليك إلا العافيه

اسأل الله أن يشافيك ويعافيك
جزاك الله خير اخوي المهاجر

مستمر على برنامج غذائي صحي مع حبوب الحديد لكن لا جدوى !!

الله المستعان



ما عليك شر اخوي بوحارب

ويالليت تتأكد من نوعية الأكل لأن في اكلات هي الي تسبب فقر الدم

وتجنب شرب الكرك

وعليك بتايلند واذا تبي مرافق انا والمهاجر:nice:
الشر مايجيك بوعلوش

واكلي كله صحي والكرك موقف عنه ويمكن اشرب قلاص او قلاصين في الأسبوع بس عن الخاطر :(


والصراحة اخاف اروح تايلند معاكم ونتزوج وننسى العلاج ههههههههه:secret:





سلامتك يا بو حارب

أجر وعافية مثل ما قال أخوي المهاجر

الكبدة بس تكون طازجه والسبانخ يطبخ بطريقه صحيه علشان ما تروح فايدته >>> لا تسئلني عن الطريقة لاني فاشل في الطبخ :(

أسئل الله العظيم رب العرش العظيم أن يشفيك
كلنا فاشلين في الطبخ

ماخذ برنامج غذائي صحي وكلت كبده لين قلت بس ومافيه فايده :telephone:

جزاك الله خير اخوي جرح ماقصرت

ما عليك شر اخي الفاضل وطهور ان شاء الله
الكبدة والتبولة وعيّن خير ان شاء الله
:nice:

اخي ارقي نفسك والله يشفيك ويعافيك يارب

الشر ماييج خيتو والخير بويهج

الحمدلله مداوم على الأذكار والله كريم :)

[findi]

ماعليك شر اخوي بوحارب

نصيحه سافر برا وشوف شيقولون لك لاتهمل نفسك

يمكن عندك شي في الدم

الله يشفيك ويعافيك

[حقيقه]

ماتشوف شر بوحمني تطمن مادام كل تحاليلك سليمه ان شاءالله فتره ويرد يرتفع الدم عندك
عليك بالتمر والدبس والسمن الاصلي

وحده من اهلنا الدم وصل عندها 4
لكن ماكان فيه سبب واضح
فكرو ينقلون لها دم بس اهي ارفضت
واستمرت تقريباً سنه على حبوب الكورتيزون والحديد والحين نسبة الدم عندها اوكي

بس صارت دبه من الكورتيزون :tease:

[بوحارب]

ماعليك شر اخوي بوحارب

نصيحه سافر برا وشوف شيقولون لك لاتهمل نفسك

يمكن عندك شي في الدم

الله يشفيك ويعافيك

بنتظر لين يوم الثلاثا الجاي اخر فحص للدم اذا نقص على طول الدكتور بيطرش تقرير للجنة الطبية

مشكورة اختي فندي والشر ماييج



ماتشوف شر بوحمني تطمن مادام كل تحاليلك سليمه ان شاءالله فتره ويرد يرتفع الدم عندك
عليك بالتمر والدبس والسمن الاصلي

وحده من اهلنا الدم وصل عندها 4
لكن ماكان فيه سبب واضح
فكرو ينقلون لها دم بس اهي ارفضت
واستمرت تقريباً سنه على حبوب الكورتيزون والحديد والحين نسبة الدم عندها اوكي

بس صارت دبه من الكورتيزون :tease:

انا في البداية كان دمي 5.5 وماقدرت اتحمل خلااااااااص كله ذبلان ودوخة حتى الصلاة في البيت وعلى الكرسي :)

وبعدها خذيت دم على طول ولا كنت بنتهي :telephone:

بس ما شاء الله عليها بنتكم من 4 قدرت ترفع دمها والمتن زين وانا اخوج ههههههههه

الشر ماييج اختي حقيقه

[WGA]

ماتشوف الشر .. اجر وعافيه انشالله
ماندري من وين قامت تطلع لنا هالامراض الغريبه علينا
ماعليك شر انشالله .. لاتحاتي دام تحاليلك زينه

[شمس2]

صدمتني تصدق مايبين عليك :weeping:
ماتشوف شر اجر وعافيه وطهور ان شاء الله :nice:
رفيجتي المصريه كانت تقول لي اخذي عسل اسود ( ومنيل ) عجيييييييييب :victory:
جرب ماراح تخسر الا اذا كان فيك سكر هذي سالفه ثانيه :eek5:

[دااانة قطر]

ماعليك شر اخوي
والرد التاالي يفيدك اكثر


ما عليك شر اخي الفاضل وطهور ان شاء الله
الكبدة والتبولة وعيّن خير ان شاء الله
:nice:

اخي ارقي نفسك والله يشفيك ويعافيك يارب

بس غريبه هم ينقلون لك دم ولا يعطونك علااجات حديد وغيره
انا اعاني من فقر دم ومااشيه على حبوب الحديد

[بو خليفه 123]

جعلك ماتشوف شر يابو حارب

تبيني اشق يدي و اعطيك دمي :(


بو حارب ترا مايعاتبك الا الي يحبك , و أنا لاحظت ان نوعية الاكل الي تاكلها بشكل دائم او اغلبية الوقت من معاصر ولا مطاعم و هذا الاكل مايفيد كثر مايضرك ..

انصحك انك تكثر من الالياف والتوت والجح والموز

و عليك باللحم طباخ بيت مع سلطة جرجير فوقها دبس الرمان :nice:

الكافي (شوكولاته)

و انصحك بالتعرض للشمس الدافئة .. يعني حاول بعد صلاة الفجر اتم قاعد لين الشروق و اطلع تمشى بالفريج

استمر على هذا البرنامج لمدة شهر مع مشي لمسافة 3 كيلو يومياً ان شاء الله تتحسن (حاول يكون مشي بطيء عشان اركبك ماتتعب نظراً لنقص الدم


و اذا مانفع و بغيت دم أنا بالشوفه و راسي بكبره يفداك ونا اخوك

[قلم صادق]

ما عليك شر وأجر وعافيه أخوي بوحارب

ما قالك بيسويلك منظار على المعده ولا القولون لان اللي نفس حالتك لازم يسوون هالمنظاريين ...

وعليك بالرقيه وشرب ماء زمزم بنيه شفائك ان شالله ( ماء زمزم لما شرب له ) واذا تبي ماي

زمزم ولا يهمك قولي على الخاص وابشر .... واخوي عليك بالصدقه ولو بالقليل بنيه شفائك

وشفاء كل مريض والله ان لها فضل كبير .... وحبوب الحديد ضروري بس لازم تاخذها بالليل

وتكون بعد وجبه العشا بساعتين يعني ما تاكله بعدها شي واشربها مع عصير برتقال مب مع الماي وتاخذها قبل لاتنام

على طول هذا الكلام قاله دكتور لي في لندن . وما تشوف شر ان شاءالله

[بوحارب]

ماتشوف الشر .. اجر وعافيه انشالله
ماندري من وين قامت تطلع لنا هالامراض الغريبه علينا
ماعليك شر انشالله .. لاتحاتي دام تحاليلك زينه

الحمدلله على كل حال

مشكورة اختي والشر ماييج



صدمتني تصدق مايبين عليك :weeping:
ماتشوف شر اجر وعافيه وطهور ان شاء الله :nice:
رفيجتي المصريه كانت تقول لي اخذي عسل اسود ( ومنيل ) عجيييييييييب :victory:
جرب ماراح تخسر الا اذا كان فيك سكر هذي سالفه ثانيه :eek5:
الرجل في العادة مايبين للناس انه مريض :(

وايد انصحوني في العسل بس ماستسيغه :rolleyes2: لكن اخذ اشيا ثانية مفيده ومانفع معاي بعد :(

الشر ماييج شمس والحمدلله مافيني سكر :)


ماعليك شر اخوي
والرد التاالي يفيدك اكثر



بس غريبه هم ينقلون لك دم ولا يعطونك علااجات حديد وغيره
انا اعاني من فقر دم ومااشيه على حبوب الحديد
نقل الدم كان اخر علاج

وقبله كنت اخذ حبوب الحديد وبرنامج غذائي صحي ولا فيه فايده !!!!!!!

انتي كم وصل دمج ولين كم ارتفع ؟

والشر ماييج اختي دانه :)

[بوحارب]

جعلك ماتشوف شر يابو حارب

تبيني اشق يدي و اعطيك دمي :(


بو حارب ترا مايعاتبك الا الي يحبك , و أنا لاحظت ان نوعية الاكل الي تاكلها بشكل دائم او اغلبية الوقت من معاصر ولا مطاعم و هذا الاكل مايفيد كثر مايضرك ..

انصحك انك تكثر من الالياف والتوت والجح والموز

و عليك باللحم طباخ بيت مع سلطة جرجير فوقها دبس الرمان :nice:

الكافي (شوكولاته)

و انصحك بالتعرض للشمس الدافئة .. يعني حاول بعد صلاة الفجر اتم قاعد لين الشروق و اطلع تمشى بالفريج

استمر على هذا البرنامج لمدة شهر مع مشي لمسافة 3 كيلو يومياً ان شاء الله تتحسن (حاول يكون مشي بطيء عشان اركبك ماتتعب نظراً لنقص الدم


و اذا مانفع و بغيت دم أنا بالشوفه و راسي بكبره يفداك ونا اخوك
مرحبا بوخليفة

اول شي جعلك تسلم وماتقصر يالذيب ورحم الله والديك

مالك حل الصراحة عليك برنامج ولا برنامج الدكاتره :) ههههه

ابشرك اكل المطاعم كنسلته ويمكن اتعشا مرة وحده في الأسبوع برع البيت بس مب نفس قبل ادمان

لكن الغريب يابو بودعي اني مع الأكل الصحي وحبوب الحديد دمي ينزل !!

وش السبب الله اعلم :)

هذا الشي اللي مدهور صحتي

ويسلم راسك ياخوي :)




ما عليك شر وأجر وعافيه أخوي بوحارب

ما قالك بيسويلك منظار على المعده ولا القولون لان اللي نفس حالتك لازم يسوون هالمنظاريين ...

وعليك بالرقيه وشرب ماء زمزم بنيه شفائك ان شالله ( ماء زمزم لما شرب له ) واذا تبي ماي

زمزم ولا يهمك قولي على الخاص وابشر .... واخوي عليك بالصدقه ولو بالقليل بنيه شفائك

وشفاء كل مريض والله ان لها فضل كبير .... وحبوب الحديد ضروري بس لازم تاخذها بالليل

وتكون بعد وجبه العشا بساعتين يعني ما تاكله بعدها شي واشربها مع عصير برتقال مب مع الماي وتاخذها قبل لاتنام

على طول هذا الكلام قاله دكتور لي في لندن . وما تشوف شر ان شاءالله

مرحبا اخوي

الله يجزاك خير ماتقصر واحد من الربع توه راد من العمره باخذ من ماي زمزم واذا ما جاب بعطيك خبر :)

بالنسبة للمناظير سويتها وخذوا مني عينات من المعده والقولون والأثنى عشر وكلها سليمة اللهم لك الحمد

وحبوب الحديد كنت اخذ 3 حبات في اليوم مع تغذية صحية ولا نفع معاي

والحمدلله اقول الأذكار وقرى علي شيخ والأمور طيبة

بس بعد الدم ينقص :)

مشكور والشر مايجيك

[بو الجوري]

ماعليك شـر إن شاء الله :(

زين جربت تغيـّر الدكتور !!

و إذا تبي نتبرعلك طال عمـرك :.. :)
خبرك أنا O+ :..


أجر و عافيه إن شاء الله :..


و أنا و المهاجـر و ابوعلي مستعدين نروح معاك تايلند :..

أنا الدليل و المترجـم :telephone:

[أم مشعل]

أخوي يمكن الكبد عندك ما تخزن دم فبمجرد ما ينتهي كورس الحبوب يصير عندك فقر دم

عشان هالسبب انت محتاج للحبوب طول حياتك ما تقطعها أبد .........

أو الحبوب اللي تاخذها مو كافية انها ترفع نسبة الحديد عندك .........

أو عندك نقص في فيتامين B12 وهذا مهم وضروري للجسم ونقصه يسبب وهن وألم شديد

أنا ما قلت هالكلام الا عن تجربة وحبوب مستشفى حمد جربتها تقريباً كلها ما انفعت معاي

ورحت مستوصف الجزيرة وتابعت مع د طارق وهو جزاه الله خير وصف لي دوا Feroglobin B12

وحدة بعد الفطور ووحدة بعد العشا والشي الثاني عليك بالعسل الأسود ( حلواني ) ملعقة أكل بعد الفطور

بالإضافة إلى التمر والفلفل الرومي والتفاح والجرجير والكبدة

ان شاالله أكون افدتك ........

[بو طالب]

ما عليك شر اخوي بوحارب

ويالليت تتأكد من نوعية الأكل لأن في اكلات هي الي تسبب فقر الدم

وتجنب شرب الكرك

وعليك بتايلند واذا تبي مرافق انا والمهاجر:nice:

وانا وانا وانا ابي اروح خذوني وياكم لا تخلوني في البيت

سلامتك يا بو حارب وهالله هالله في الاكل لا ترحم نفسك وخاصة الكبده والسبانخ والطماط

سو مثلي 24 اكل جيعان ولا شبعان دايم اكل

تسلى به

[روح الاطلس]

سلامات بو وضوح ماتشوف شر

احيانا في اسباب داخليه لفقر الدم مهما تناولت من حديد وحبوب مايفيد

واكيد الطبيب ماقال بنعرض حالتك على طبيب من برا الا يمكن يحتاجون فحوصات اشمل واوسع ويمكن مو متوفرة عندهم

تطمن لا تحاتي وايد حالات نفسك

الله يشفيك من كل شر

في احد من اهلكم يعاني من اي نوع من فقر الدم ؟؟ سواء ثلاسيميا او منجليه او نوع ثاني

فيه وااايد اسباب لازم يستبعدها الطبيب حتى يوصل للعلاج

[شويهينــه]

ماتشوف شر بوحارب

سويت فحص الثلاسيميا؟؟

[بو خليفه 123]

ماعليك شـر إن شاء الله :(

زين جربت تغيـّر الدكتور !!

و إذا تبي نتبرعلك طال عمـرك :.. :)
خبرك أنا O+ :..


أجر و عافيه إن شاء الله :..


و أنا و المهاجـر و ابوعلي مستعدين نروح معاك تايلند :..

أنا الدليل و المترجـم :telephone:

يقولون في المغرب عندهم وحدة تبرع بالدم ممتازه

لو سمحت لا تنسى إسمي مره ثانيه :anger1:

[بو خليفه 123]

يمكن تحداني الزمن نشفت دمه بالحوار العام

[ضوى]

قلت للطبيب انك تكثر من الشاي الكرك ؟؟؟ لانه هو السبب الرئيسي لفقر الدم

[للصبر اخر]

ماتشوف شر بو حارب
لاتاكل مشبووس
بو حارب متاكد من تحاليل مستشفى حمد ؟؟

[دااانة قطر]

نقل الدم كان اخر علاج
وقبله كنت اخذ حبوب الحديد وبرنامج غذائي صحي ولا فيه فايده !!!!!!!
انتي كم وصل دمج ولين كم ارتفع ؟
والشر ماييج اختي دانه :)



العفو يالطيب
كاان 7 ووصل 11 ونص ويقولون لي الحين احسن
والحين بس كالسيوم وفيتاامين د لأني على اقل مجهود اتعب :weeping:


ومثل ماقاالوا احد الاخواان نظاام الأكل جد المعااصر والمطااعم ماتفيد لاازم يكون اكل بيت وكثر من الخضاار والعصااير الفريش وابتعد عن الكرك
وماعليك شر ان شااء الله

[Dawn]

شيك على القولون والمعده ،، يمكن عندك نزيف داخلي ؟؟

ما تشوف شر ان شا الله

[بوحارب]

ماعليك شـر إن شاء الله :(

زين جربت تغيـّر الدكتور !!

و إذا تبي نتبرعلك طال عمـرك :.. :)
خبرك أنا O+ :..


أجر و عافيه إن شاء الله :..


و أنا و المهاجـر و ابوعلي مستعدين نروح معاك تايلند :..

أنا الدليل و المترجـم :telephone:
نفسي او موجب :omg: خخخخ

الشر مايجيك بوجوجو والدكتور استشاري على مستوى كبير ومعروف وهو بنفسه قالي بنوديك برع عشان نتأكد بس ولا انا ضامن التحاليل كلها

وبعدين صدقني لو رحنا تايلند مع شباب المنتدى ولابنشم ريحة السبيتار كله مطيحين في الأسواق وتسدح على السيف

ماعليك من بوعلي والمهاجر تراهم زقرتية ويعجبونك :nice:



أخوي يمكن الكبد عندك ما تخزن دم فبمجرد ما ينتهي كورس الحبوب يصير عندك فقر دم

عشان هالسبب انت محتاج للحبوب طول حياتك ما تقطعها أبد .........

أو الحبوب اللي تاخذها مو كافية انها ترفع نسبة الحديد عندك .........

أو عندك نقص في فيتامين B12 وهذا مهم وضروري للجسم ونقصه يسبب وهن وألم شديد

أنا ما قلت هالكلام الا عن تجربة وحبوب مستشفى حمد جربتها تقريباً كلها ما انفعت معاي

ورحت مستوصف الجزيرة وتابعت مع د طارق وهو جزاه الله خير وصف لي دوا Feroglobin B12

وحدة بعد الفطور ووحدة بعد العشا والشي الثاني عليك بالعسل الأسود ( حلواني ) ملعقة أكل بعد الفطور

بالإضافة إلى التمر والفلفل الرومي والتفاح والجرجير والكبدة

ان شاالله أكون افدتك ........
سويت تحليل على الكبد وكان سليم ومافيه شي

حبوب الحديد كنت اخذ 3 حبات في اليوم ومانفعوا

وبي تولف كان ناقص عندي وخذييت 7 ابر ورفعت لي الفيتامين

والله يبيلي امر على مستوصف الجزيرة على الأقل اخذ استشارة :)

مشكورة ام مشعل على الرد الطيب والمفيد :)





وانا وانا وانا ابي اروح خذوني وياكم لا تخلوني في البيت

سلامتك يا بو حارب وهالله هالله في الاكل لا ترحم نفسك وخاصة الكبده والسبانخ والطماط

سو مثلي 24 اكل جيعان ولا شبعان دايم اكل

تسلى به

لاتحاتي بوطالب انت في المقدمة خبرك نبي واحد يسنع لنا القهوه هههههه

الشر مايجيك يارب والأكل لاتوصي ضرب بالخمس بدون بريك :(

[khaldoon]

ما عليك شر وأجر وعافيه أخوي بوحارب

[بوحارب]

سلامات بو وضوح ماتشوف شر

احيانا في اسباب داخليه لفقر الدم مهما تناولت من حديد وحبوب مايفيد

واكيد الطبيب ماقال بنعرض حالتك على طبيب من برا الا يمكن يحتاجون فحوصات اشمل واوسع ويمكن مو متوفرة عندهم

تطمن لا تحاتي وايد حالات نفسك

الله يشفيك من كل شر

في احد من اهلكم يعاني من اي نوع من فقر الدم ؟؟ سواء ثلاسيميا او منجليه او نوع ثاني

فيه وااايد اسباب لازم يستبعدها الطبيب حتى يوصل للعلاج



.

الله يطمنج اختي والشر ماييج يارب

لا الحمدلله محد من الأهل صاده فقر الا وحده من خواتي جاها فترة وراح عنها بسرعة بس

ونفس ماقلتي الدكتور قالي برع يمكن يسوون لك فحص مب موجود عندنا في الموسسة


الله كريم




ماتشوف شر بوحارب

سويت فحص الثلاسيميا؟؟
الشر ماييج مشرفتنا

والله مادري عن الثلاسيميا اول مرة اسمع هالأسم !

بسأل الدكتور الأسبوع الجاي




يقولون في المغرب عندهم وحدة تبرع بالدم ممتازه

لو سمحت لا تنسى إسمي مره ثانيه :anger1:
اي والله ياريت :(



يمكن تحداني الزمن نشفت دمه بالحوار العام

هههههههههههههههه لا مسكينة مب شرية لهدرجة :secret:

قلت للطبيب انك تكثر من الشاي الكرك ؟؟؟ لانه هو السبب الرئيسي لفقر الدم

لا ماقلتله

اكيد الكرك سبب رئيسي بس انا موقف عنه من 4 شهور تقريبا

وهالأيام يمكن اشرب قلاصين في الأسبوع عن الخاطر بس :)

[بوحارب]

ماتشوف شر بو حارب
لاتاكل مشبووس
بو حارب متاكد من تحاليل مستشفى حمد ؟؟
الشر ماييج والمشبوس مالنا غنى عنه ههههههههه

اي متأكد اشدعوة لأني عايدها اكثر من مرة :)







العفو يالطيب
كاان 7 ووصل 11 ونص ويقولون لي الحين احسن
والحين بس كالسيوم وفيتاامين د لأني على اقل مجهود اتعب :weeping:


ومثل ماقاالوا احد الاخواان نظاام الأكل جد المعااصر والمطااعم ماتفيد لاازم يكون اكل بيت وكثر من الخضاار والعصااير الفريش وابتعد عن الكرك
وماعليك شر ان شااء الله
ما شاء الله والله زين طلع الدم عندج

ماتشوفين شر واجر وعافية :)





شيك على القولون والمعده ،، يمكن عندك نزيف داخلي ؟؟

ما تشوف شر ان شا الله

سوولي مناظير وخذوا مني عينات بعد وكل شي سليم :telephone:

الشر ماييج ابلتي




ما عليك شر وأجر وعافيه أخوي بوحارب

الله يعافيك اخوي خلدون

تسلم ماقصرت :)

[Angel]

أنا مريت بنفس حالتك لمد 4 سنين الدم كلة نازل بين 5 و 7 واخد بي 12 ثلاث مرات باليوم . سويت كل الفحوصات كلة سليمة ’ بالاخير تبين من الطحال السبب مايفرق بين الكريات البيضا او الحمرا ..تمنياتي لك بالشفا

[بوحارب]

أنا مريت بنفس حالتك لمد 4 سنين الدم كلة نازل بين 5 و 7 واخد بي 12 ثلاث مرات باليوم . سويت كل الفحوصات كلة سليمة ’ بالاخير تبين من الطحال السبب مايفرق بين الكريات البيضا او الحمرا ..تمنياتي لك بالشفا

الحمدلله على سلامتج اختي:)

ولاحول ولا قوة إلا بالله

[الإكسير]

ماتشوف شر يابوحارب

[بوحارب]

الشر مايجيك اخوي ")

[بـومحمد]

ماتشوف شر يا بو حارب والله اني تضايقت يوم قريت عن هالمرض ياخوي صحيح معرفتنا بس في المنتدى لاكن والله اخوان ولاتهمل نفسك وسو فحوصات برع وتاكد مره وثنين وخلنا معاك في كل جديد يصيرلك
انشاء الله كله اجر وعافيه والله يشفيك

[بوخالد88]

الله يشفيك ويعافيك إن شاء الله وجميع مرضى المسلمين يارب ....

اخوي بوحارب عندي واحد من الشباب صارله فتره يتعالج وهوا بعد نفسك ، فجأة توقف انتاج الدم

عنده وكان كل فترة يحطون له دم وتنوم في مستشفي حمد لمدة ٢٥ يوم ، تحاليل تحاليل دم كل يوم

وارسلو بعض العينات الى المانيا وماعرفو ايش السبب اخر شئ قرور ياخذون عينه من النخاع لانه

هوا الحل الاخير والاكيد بإذن الله لمعرفة السبب سافر الى تايلند وسوا العينه عناك وطلعت النتايج انه

نخاعه متوقف عن الانتاج والسبب غير معروف وعلى طول من تايلند الى امريكا والدم كان نازل لين

خمسة .

والحمدلله سوا الزراعه من سنه واحين احسن إن شاء الله.

[بوحارب]

ماتشوف شر يا بو حارب والله اني تضايقت يوم قريت عن هالمرض ياخوي صحيح معرفتنا بس في المنتدى لاكن والله اخوان ولاتهمل نفسك وسو فحوصات برع وتاكد مره وثنين وخلنا معاك في كل جديد يصيرلك
انشاء الله كله اجر وعافيه والله يشفيك

الشر مايجيك يابوحمود

والله يرحم والديك وماتقصر وانت اخو عزيز وغالي :)


الله يشفيك ويعافيك إن شاء الله وجميع مرضى المسلمين يارب ....

اخوي بوحارب عندي واحد من الشباب صارله فتره يتعالج وهوا بعد نفسك ، فجأة توقف انتاج الدم

عنده وكان كل فترة يحطون له دم وتنوم في مستشفي حمد لمدة ٢٥ يوم ، تحاليل تحاليل دم كل يوم

وارسلو بعض العينات الى المانيا وماعرفو ايش السبب اخر شئ قرور ياخذون عينه من النخاع لانه

هوا الحل الاخير والاكيد بإذن الله لمعرفة السبب سافر الى تايلند وسوا العينه عناك وطلعت النتايج انه

نخاعه متوقف عن الانتاج والسبب غير معروف وعلى طول من تايلند الى امريكا والدم كان نازل لين

خمسة .

والحمدلله سوا الزراعه من سنه واحين احسن إن شاء الله.

الحمدلله على سلامة ارفيجك

وانا سويت فحص النخاع الشوكي اهني في مستشفى الأمل والنتيجة كانت طيبة الحمدلله

ومافيه امل انسى ابره النخاع اللي تاخذ الروح :(

الشر مايجيك يابوخالد ماقصرت:)

[ANONYMOUS]

ماتشوف شر اخونا العزيز

انا من رايي تمر على كمن مستشفى

ماتدري يضع سره في اضعف خلقه


بلغة السيارات

نفس الوكاله اللي ماتعرف تصلح السياره وتوديها اي محل عادي يعرف العله ويصلحها


بعدين روح برا شالمشكله... بس بليز شهر 2 عشان اجي وياك " عندي اجازه " :p

[am-tmim]

السلام عليكم
اخوي بوحارب ماتشوف شر ان شاء الله
عندي وحده من خواتي عندها فقر دم ودايم تطيح علينا والحين نصحنا شيخ بخلطه زينه حق الدم وتسمن وان شآء الله بتتبعها الا وهي ( كيلو عسل سدر + ٥٠ جرام لوز قشور مطحون + ٥٠ جرام عين الجمل مطحون + ٥٠ جرام فستق مطحون+ ٥٠ جرام كاجو مطحون+ ٥٠ جرام حلبه مطحونه + ٥٠ جرام بندق مطحون )اخلطها كلها مع العسل واخذ ملعقه الصبح مع ماي زمزم وملعقه بالليل مع ماي زمزم والله يشافيك باذنه
*

[بوحارب]

ماتشوف شر اخونا العزيز

انا من رايي تمر على كمن مستشفى

ماتدري يضع سره في اضعف خلقه


بلغة السيارات

نفس الوكاله اللي ماتعرف تصلح السياره وتوديها اي محل عادي يعرف العله ويصلحها


بعدين روح برا شالمشكله... بس بليز شهر 2 عشان اجي وياك " عندي اجازه " :p

الشر مايجيك

اذا رحت اللجنة الطبية بختار السفره في عطلة الربيع والمرافقين 25 نفر

بودي معاي كل شباب المنتدى :eek5: مالهم حل جاهزين حق السفرات :tease:


السلام عليكم
اخوي بوحارب ماتشوف شر ان شاء الله
عندي وحده من خواتي عندها فقر دم ودايم تطيح علينا والحين نصحنا شيخ بخلطه زينه حق الدم وتسمن وان شآء الله بتتبعها الا وهي ( كيلو عسل سدر + ٥٠ جرام لوز قشور مطحون + ٥٠ جرام عين الجمل مطحون + ٥٠ جرام فستق مطحون+ ٥٠ جرام كاجو مطحون+ ٥٠ جرام حلبه مطحونه + ٥٠ جرام بندق مطحون )اخلطها كلها مع العسل واخذ ملعقه الصبح مع ماي زمزم وملعقه بالليل مع ماي زمزم والله يشافيك باذنه
*

وعليكم السلام

الشر ماييج اختي ام تميم

بالنسبة حق الخلطة ماظن انها بتفيدني لأنه دمي نقص وانا مسوي برنامج غذائي صحي + حبوب حديد+ ابر فيتامين بي تولف ولا نفع معاي !!

وانصحج خلي اختج تراجع طبيب دم يمكن فيها شي لاقدر الله

مشكورة :)

[naklan]

ماتشوف شر اخوي بوحارب
والله يشافيك ويعافيك المفروض تروح على
الاقل بانكوك تسوي فحوصات الجماعة متطورين
يوم وتاخذ علاجك وتطمن موفق يالغالي :)

[المفترسه]

اوووه ماي قااااد
معقوله سويت كل التحاليل وماطلعت النتيجه ووصلت لمرحله نقل الدم لاكثر من مره!!!
بوحارب حسب علمي اذا طلعت كل نتايج الفحوصات سليمه مثل فحص الدرقيه والغدد ووظائف
الكبد والكلى وترسب الدم والثلاسيميا وماكنت تعاني من اي مرض عضوي وسوء تغذيه فهذا خلل في تكوين كريات الدم الحمراء وراح يفحصون نخاع العظم والطحال الفحص واستمر على كبسولات الحديد والفوليك اسيد وفيتامين بي12 لين ماتعرف تقارير الاطباء
ماتشوف شر ان شاءالله

[بوحارب]

ماتشوف شر اخوي بوحارب
والله يشافيك ويعافيك المفروض تروح على
الاقل بانكوك تسوي فحوصات الجماعة متطورين
يوم وتاخذ علاجك وتطمن موفق يالغالي :)

الشر مايجيك

والله الربع امس يحنون علي روح تايلند وروح تايلند

لكن الحين بنطر وش بيقول الدكتور واذا شفت ماعنده شي طرت على طول

تسلم اخوي نكلان ولاهنت :)



اوووه ماي قااااد
معقوله سويت كل التحاليل وماطلعت النتيجه ووصلت لمرحله نقل الدم لاكثر من مره!!!
بوحارب حسب علمي اذا طلعت كل نتايج الفحوصات سليمه مثل فحص الدرقيه والغدد ووظائف
الكبد والكلى وترسب الدم والثلاسيميا وماكنت تعاني من اي مرض عضوي وسوء تغذيه فهذا خلل في تكوين كريات الدم الحمراء وراح يفحصون نخاع العظم والطحال الفحص واستمر على كبسولات الحديد والفوليك اسيد وفيتامين بي12 لين ماتعرف تقارير الاطباء
ماتشوف شر ان شاءالله

سويت كل الفحوصات والحمدلله كلها سليمة لدرجة اني شكيت انه فيه تشخيص غلط !! :rolleyes2:

الشر ماييج اختي السنفوره قصدي المفترسه والله كريم :)

[wadha-qa]

الله يشفيك ويعافيك اخوي :(
تحمل من نقل الدم و عليك بالتغذيه الصحيه ركز على مصادر الحديد + فيتامين سي لانه هو اللي يثبت الحديد في الدم ما ينفع حديد بدون فيتامين سي
التمر احسن مصدر للحديد و البرتقال و البقدونس و الجرجير احسن مصدر لفيتامين سي
و دور بعد عن مصادر اكثر في النت بتحصل اشياء كثيره عشان تنوع في الاكل و ما تمل

وماتشوف شر ان شاء الله


الأغذية الغنية بالحديد لمنع فقر الدم الناتج عن نقص الحديد

--------------------------------------------------------------------------------

الأغذية الغنية بالحديد
لمنع فقر الدم الناتج عن نقص الحديد
***********************أهمية الحديد :-
- بوجد الحديد في كل خلية حية من خلايا الجسم ، ويتركز معظمه في الدم .
- يوجد 75% من الحديد في خلايا الدم الحمراء ، خاصة في المادة الحمراء التي تسمى الهيموجلوبين .
- إن الهيموجلوبين ينقل الأكسجين باستمرار من الرئتين إلى أنسجة الجسم المختلفة ، وبالمقابل يعيد ثاني أكسيد الكربون إلى الرئتين .

نصائح غذائية :-
للحصول على غذاء غني بمادة الحديد تذكر / تذكري الآتي :-
• تناول وجبات متوازنة ومتنوعة .
• تناول الحبوب بقشورها ، كذلك الحبوب المضاف إليها الفيتامينات والمعادن .
• يفضل تناول أطعمة غنية بالكالسيوم مثل الحليب ومشتقاته .
• يفضل تناول أطعمة غنية بفيتامين ( ج ) مثل الفواكه ( كالبرتقال مثلاً ) وعصيراتها مع البقوليات المجففة كالعدس أو الفاصوليا أو المكسرات أو البذور أو الخضروات الورقية ( ذات اللون الأخضر الغامق ( مثل / السبانخ – البقدونس )) واللحوم والكبدة وذلك لزيادة امتصاص الحديد .
• قلل من تناول الشاي والقهوة والمشروبات الغازية وذلك لاحتوائها على الكافيين .

لتجنب حدوث فقر الدم عند الأطفال الرضع :-
قدم للأطفال أطعمة متنوعة تدريجياً تلائم أعمارهم وحسب ما يصفه الطبيب. كما يفضل إعطائهم حبوب الإفطار المضاف إليها الحديد مع عدم إعطائهم مشروبات محتوية على الكافيين .
أما الأشخاص الذين ليس لديهم أسنان أو لديهم أسنان صناعية مركبة بشكل غير ملائم مما يجعل المضغ عملية صعبة عادة ما يصابون بفقر الدم نتيجة لقلة تناولهم للحوم والفواكه والخضار .
وللمساعدة في تجنب نقص الحديد لديهم يجب أتباع الآتي :-
 طبخ اللحم جيداً ومن ثم يقطع أو يفرم ويضاف إلى الحساء أو اليخنة كما تقطع الخضروات والفواكه إلى قطع رقيقة أو تطبخ جيداً .
 والنساء في حاجة أكبر للحديد خلال فترة الحمل وخلال سنوات الإنجاب لتمكين الأم والجنين للحصول على ما يحتاجانه من الحديد وخاصة في الأشهر الأخيرة من الحمل .
 يجب إجراء اختبارات الدم بصورة دورية حسب تعليمات الطبيب وذلك لمعرفة نسبة الحديد والهيموجلوبين في الدم .

كيفية امتصاص الجسم لمادة الحديد :-
لكي يمتص جسمك الحديد بطريقة أفضل ننصح بالآتي :-
• إن فيتامين ( ج ) ( الموجود في البرتقال والليمون وفواكه الحمضيات والطماطم والأناناس وعصائر فواكه الحمضيات ) يساعد على امتصاص الحديد عندما يتم تناولها معاً .
• إن عملية امتصاص الحديد المأخوذ من مصادر حيوانية ( مثل الكبد واللحوم الحمراء والدجاج والسمك والبيض ) تتم بصورة أفضل من الحديد المأخوذ من مصادر نباتية ( مثل / البقوليات المجففة كالفاصوليا والعدس والمكسرات والخضروات ذات الأوراق الخضراء والفواكه المجففة كما أن تناول مصادر الحديد الحيوانية والنباتية معاً يزيد من امتصاص الحديد بطريقة أفضل .
• إن الكالسيوم الموجود في الحليب ومنتجاته ( مثل اللبن والزبادي والجبنة ) يساعد على امتصاص الحديد .

العوامل التي تقلل من امتصاص الجسم للحديد :-
• شرب الشاي أو القهوة أو المشروبات الغازية أثناء تناول الوجبة .
• الإسهال المتكرر .
• وجود الطفيليات ( مثل الديدان في الأمعاء ) وذلك ناتج عن وجود حالة مرضية .

فقر الدم الناتج عن نقص الحديد :-
• يتسبب فقر الدم الناتج عن نقص الحديد في تصغير حجم خلايا الدم الحمراء وتقليل مستوى الهيموجلوبين في الدم .
ويمكن أن يسبب فقر الدم في حدوث التعب والإجهاد والضعف العام وضعف التنفس .
• إن الرضع وأطفال الروضة والفتيات في فترة المراهقة والحوامل والمرضعات معرضات للإصابة بفقر الدم الناتج عن نقص الحديد .
• ومما يزيد في خطورة التعرض لفقر الدم هو نقص فيتامينات ( ج ) و ( هـ ) و ( حامض الفوليك ) و ( ب12 ) و ( ب6 ) و البروتينات .
• يمكن علاج فقر الدم بتناول أقراص الحديد حسب وصف الطبيب وأيضاً بزيادة تناول الأغذية التي تحتوي على نسب عالية من الحديد .

مسببات فقر الدم الناتج عن نقص الحديد :-
• تناول الأطعمة التي لا تحتوي على الحديد والإقلال من تناول البروتينات والفيتامينات .
• فقدان الدم ( فقدان كمية كبيرة من الدم خلال فترات الحيض ، النزف بسبب بواسير أو جروح ) .
• المرض ووجود طفيليات .
• سوء عملية امتصاص الحديد في الجسم .

مصادر الغذاء الغنية بالحديد هي :-
• الكبدة ، الكلاوي ، القلب ، اللحوم الحمراء ، الدجاج ، السمك ، صفار البيض ، البقوليات المجففة كالفاصوليا والعدس والمكسرات والبذور .
• الخضروات ذات الأوراق الخضراء ( السبانخ – البقدونس – الملوخية – والقرنبيط الأخضر ) .
• الفواكه المجففة ( المشمش – التين – التمر – الخوخ – الزبيب ) .
• الحبوب بقشورها ومنتجات الحبوب الغنية بالفيتامينات ، البطاطس بقشرها .

نموذج لقائمة طعام تحتوي على نسبة عالية من الحديد :-
الإفطار :-
• كوب من عصير الفاكهة ( مثل البرتقال أو الجريب فروت أو الطماطم ) .
• بيضة واحدة ( معدّة بأي طريقة ) .
• ثلاث قطع من خبز البر العربي أو الشرائح .
• كوب من حبوب الإفطار الغنية بالحديد ( اقرأ المكونات عند الشراء ) .
• كوب من الحليب قليل الدسم .

الغداء والعشاء :-
• كوب من الشوربة ( مثل / العدس أو الفاصوليا أو الشوفان أو الهليون ) ثلاث أونصات ( 90جرام ) من اللحوم الحمراء أو البيضاء المنزوعة الشحم أو الجلد .
• كوب من عصير الفواكه الحمضية .
• نصف كوب من الخضار ذات الأوراق الخضراء ( كالسبانخ أو الملوخية أو القرنبيط الأخضر أو السلطة الخضراء ) أو نصف كوب من البقوليات المجففة المطبوخة ( كالفاصوليا أو البازيلا ) .
• قطعتان من خبز البر العربي أو الشرائح .
• كوب من الأرز أو المعكرونة ( يفضل أن يكون مخلوطاً بالعدس أو الفاصوليا أو البازيلا ) والبطاطس المشوية مع قشرتها .
• كوب من الحليب قليل الدسم أو اللبن أو الزبادي .

ملاحظات :-
• يفضل للنساء خلال فترة الحمل تناول الكبدة أو القلب أو الطحال أو الكلاوي مرتين في الأسبوع على الأقل .
• قائمة الطعام الموضحة أعلاه تفي بالاحتياجات اليومية من البروتينات والسعرات الحرارية والألياف الغذائية والحديد والكالسيوم للحوامل والمرضعات .
• تناول الكثير من الماء مع أخذ الراحة الكافية وممارسة رياضة المشي .

[زهرة قطر]

ثنتين من هلي كان دايما ينزل الدم عندهم وينقلون لهم دم ولكن بس صفايح دموية يعني مب الدم بكل محتوياته
وقالو لهم الدكاترة أن السبب وجود علة بالطحال ومن شالوه هم ألحين بأحسن حال وما صار ينزل الدم عندهم
شيك على هالشي أخوي والله يشفيك إن شاالله

[بوحارب]

الله يشفيك ويعافيك اخوي :(
تحمل من نقل الدم و عليك بالتغذيه الصحيه ركز على مصادر الحديد + فيتامين سي لانه هو اللي يثبت الحديد في الدم ما ينفع حديد بدون فيتامين سي
التمر احسن مصدر للحديد و البرتقال و البقدونس و الجرجير احسن مصدر لفيتامين سي
و دور بعد عن مصادر اكثر في النت بتحصل اشياء كثيره عشان تنوع في الاكل و ما تمل

وماتشوف شر ان شاء الله

مشكورة يا سمية بنتي على الرد الطيب :)

وانا سويت كل اللي قلتي عنه ولا فاد معاي !!

الدكتور قرر اروح اسوي فحوصات برع والموضوع بيروح لجنة العلاج في الخارج يوم الأثنين وان شاء الله خير




ثنتين من هلي كان دايما ينزل الدم عندهم وينقلون لهم دم ولكن بس صفايح دموية يعني مب الدم بكل محتوياته
وقالو لهم الدكاترة أن السبب وجود علة بالطحال ومن شالوه هم ألحين بأحسن حال وما صار ينزل الدم عندهم
شيك على هالشي أخوي والله يشفيك إن شاالله

مادري والله كانه الدكتور قالي الطحال عندك سليم مب متاكد !!

بس لو منه كان عرف الدكتور من البداية مانتظر كل هالفترة !

مشكورة على الرد الطيب ولاهنتي :)

[marsa]

انا ما جربت
لكن ممكن اقولك تصدق على نفسك واذبح احسن شي الذباح بنية الشفاء مب لين تشفى لا قبل احسن
الف لا باس عليك والله يخليك لعيالك ِ

[بوحارب]

انا ما جربت
لكن ممكن اقولك تصدق على نفسك واذبح احسن شي الذباح بنية الشفاء مب لين تشفى لا قبل احسن
الف لا باس عليك والله يخليك لعيالك ِ

الحمدلله نتصدق باللي نقدر عليه

مشكورة على النصيحة الطيبة والدعاء الأطيب لاهنتي اختي :*)

[ريتويت]

عليك بالعسل الاسود والسمسم

[النهار]

بوحارب متشوف شر
عندي لك وصفه انشاءالله فيها الشفاء
عسل القصب الاسود تأخذ منه ثلاث بيلات شاي في اليوم
او عليك بعصير قصب السكر في محل فتح جديد يبيع عصير قصب السكر
تراها ترفع نسبة الدم وحتى الوزن يزيد خلال شهرين

[بوحارب]

عليك بالعسل الاسود والسمسم
ماظن بينفع :)


بوحارب متشوف شر
عندي لك وصفه انشاءالله فيها الشفاء
عسل القصب الاسود تأخذ منه ثلاث بيلات شاي في اليوم
او عليك بعصير قصب السكر في محل فتح جديد يبيع عصير قصب السكر
تراها ترفع نسبة الدم وحتى الوزن يزيد خلال شهرين

الشر مايجيك اخوي النهار
ولاعليكم امر وين مكان المحل اللي يبيع عصير قصب السكر !

[النهار]

بوحارب اسم المحل محلات العمده المحل جديده شفت له اعلان من كم يوم في الوسيط
حسب ماهو مذكور في الاعلان عند دوار سناء مدري مقابل كنتاكي اوهارديز
وفي محل جديد اسمه المندره جنب بنك قطر الاسلامي شارع سحيم بن حمد عنده عصير قصب السكر

[بوحارب]

جزاك الله خير اخوي النهار ماقصرت :)

[بصمة قطرية]

لا حول و لا قوة الا بالله
ما تشوف شر اخوي بو حارب
الله يشفيك ..

كثر من الورقيات..
السلطة..
( الجرجير _ السبانخ _ الملوخية )

ابتعد عن الكرك و المشروبات الغازية ..
و أكل المطاعم اللي ما وراها الا المرض ..

[بوحارب]

سويت كل اللي قلتيله عنه بس مانفع معاي

مازال الدم ينقص بدون سبب واضح

وخلاص تقريري راح اللجنة الطبية بروح اسوي فحوصات ثانية يمكن في لندن

مشكورة اختي بصمة والشر ماييج

[سداوي&مدريدي]

بوحارب يالدب سلامات ماتشوف شر

خل عنك الدلع يالكيوت ههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههههه

مر علينا الغاريه الخميس الجاي عندي لك خلطه سحريه :shy:

[بوحارب]

بوحارب يالدب سلامات ماتشوف شر

خل عنك الدلع يالكيوت ههههههههههههههههههههههههههه
هههههههههههههههههههههههههههههههههه
هههههههههههههههههههههههههههههههههههههههه

مر علينا الغاريه الخميس الجاي عندي لك خلطه سحريه :shy:

ههههههههههههههههههههه

مشكور يبه خل خلطاتك لك مب فاضي افنقش بسبتك :tease:

الشر ماييك ولاهنت على المرور الحلووو :nice: