الأراضي اللي على الشارع العام كيف يمكن الحصول عليها !!؟؟؟

[عضو المنتدى]

السلام عليكم ورحمه الله وبركاته



ممكن حد يفيدني .

الأراضي اللي على الشوارع العامه في الدوحه .... كيف حصلوا عليها المستثمرين ؟

هل تعرض بالمزاد على المستثمرين من البلديه !!؟؟

مثال : الأراضي على الشارع العام لطريق سلوى .

من دوار قطر لديكور إلى دوار المنطقه الصناعيه كلها محلات تجاريه !!؟؟

كيف حصلوا عليها س أو ص من الناس ....هل هي بالمزاد من البلديه ومن أي قسم ؟؟






وشكرا لمشاركتكم

[وطن]

ماعندي علم

بس يمكن هم شارينهم من زمان
قبل لا يستوي شارع سلوى شارع تجاري :)

[إنتعاش]

اخوي هالاراضي كلها مشتراه من زمان

وفيه منها معروض للبيع تلقا في مكاتب العقار يفيدونك
يمكن يحصلون لك شي

واعتقد ان سعر الفوت كان واصل 1000 ريال واكثر لكن مدري الحين يمكن نزل

[سهم الدوحة]

السلام عليكم ورحمه الله وبركاته



ممكن حد يفيدني .

الأراضي اللي على الشوارع العامه في الدوحه .... كيف حصلوا عليها المستثمرين ؟

هل تعرض بالمزاد على المستثمرين من البلديه !!؟؟

مثال : الأراضي على الشارع العام لطريق سلوى .

من دوار قطر لديكور إلى دوار المنطقه الصناعيه كلها محلات تجاريه !!؟؟

كيف حصلوا عليها س أو ص من الناس ....هل هي بالمزاد من البلديه ومن أي قسم ؟؟

وشكرا لمشاركتكم



والله يا خوك مادرى ...

أغلب المحلات التجاريه من دوار سلوى إلي دوار المنطقه الصناعيه لمحسن بكشيشه

ومن دوار المطار إلى دوار سلوى لسليمان حيدر .على ما أعتقد

بس ما أدرى طريقه البلديه في توزيع هذه الأراضي التجاريه على الناس وشلون حصلوها

و ما هي أجراءات حصول على الأراضي التجاريه ياريت حد يخبرنا ...



:court:

[بويوسف]

الله يسلمك اخوي انه بفترض فيك حسن النية وانك ماتبي تسأل عشان تعمل بلبلة او حسد لـ س او ص ..

عليهم بالعافية اللي عندهم هالاراضي والله يرزقنا باذن الله من فضله..

كل الموضوع يالطيب ان في قديم الزمان ماكان حد يهتم بهالاراضي واللي يعرف قيمة الاراضي قليلين فكنت اذا تقدم على طلب ارض من الحكومة يعطونك مقابل مبلغ من المال او حتى كنت تستطيع ان تشتري باسعار معقولة. حتى الاراضي المقام عليها الابراج على الكورنيش تعطى لمن يستطيع ان يبني عليها.

[مراقب السوق]

ياخوي هذي اراضي كلها كانت معروضه للبيع وتنتقل الملكيه من مالك ألى خر

يعني هذا يبيع وهذا يشتري .. وكل واحد ونصيبه ..

بس اراضي الكورنيش من استوت وهي هبه من الدوله يعني قدم كتابك .. والموافقه من السلطات العليا من الدوله .. وفي الوقت الحالي هي عند سمو الأمير فقط ..

[مستثمر خطير]

الله يوفقك اخوي

[عضو المنتدى]

جزاكم الله خير على إفادتكم ومشاركتكم الطيبه

أخوي بويوسف سؤالي ماكان لغرض الحسد وأعوذ بالله من الحسد

ولكن طريقه الأجراءات المتبعه ... وفرصه الحصول على الأراضي على الشارع العام

كباقي المستثمرين ....ومن أي قسم في البلديه هذى المعلومه إلي بغيتها .


وشكرا لكم

[قطري مغامر]

أرزاق وكلنا ياخذ رزقة نسئل الله الجنه

[الأختصاصي]

اكيد الناس الي شرت كانت على يقين انه هالأراضي بتكون تجاريه
ولاكن من الي كان يعرف ؟؟؟؟؟؟؟؟ هذا مربط الفرس
على قولتهم سؤال يسدح نفسه :d

[Qa6ar]

ماخذينها جذي مايدرون علم الغيب... توقعون حد بيحط فلوسه بشي ءمو مضمون

حدث العاقل بمايعقل

[بويوسف]

ماخذينها جذي مايدرون علم الغيب... توقعون حد بيحط فلوسه بشي ءمو مضمون

حدث العاقل بمايعقل

لاتفترض في الناس كلهم سوء النية والاحتيال نعم هناك عالم كانت تعلم ماوراء الكواليس واستغلوا هالشي لكن في ناس كانت تشتري العقار وتشتري اراضي وهذي الله انعم عليها بالرزق فما في داعي نثير كلام عليهم ..

[Qa6ar]

لاتفترض في الناس كلهم سوء النية والاحتيال نعم هناك عالم كانت تعلم ماوراء الكواليس واستغلوا هالشي لكن في ناس كانت تشتري العقار وتشتري اراضي وهذي الله انعم عليها بالرزق فما في داعي نثير كلام عليهم ..

الله يزيدهم ونيتنا طيبه انشالله