استفسار :اللى عنده فكرة عن فنادق اسطنبول لا يبخل علينا

[SULTAN1]

اللى عنده فكرة عن فنادق اسطنبول لا يبخل علينا من حيث الموقع والأسعار

[الجنوبي 11]

ان شاء الله الاخوان يفيدونك

[الخزرجي قطر]

فنادق اسطنبول كثيره جدا وحسب الموقع الي انت تبيه منطقة تقسيم او جامع السلطان او منطقة الاسواق
حدد خياراتك وممكن تشوف موقع بوكينج دوت كوم بيعطيك المواقع والاسعار انا احجز عن طريقهم

[ماجد البدر]

فندق فريزر حلو ومجرب وتحته مجمع كارفور صغير حلو حق المقاضي وفيه حديقة خاصة للاطفال وفيه كوفيات و فيه حلاق وكوافير و التاكسي متوفر عند الفندق ومكان هادي خلف منطقة تقسيم

خذنا شقة بسعر 600 ريال بس يختلف السعر بحسب المواسم ممكن تلاقيه وتحجز من بوكنج

Fraser Place Anthill Istanbul,
,

http://www.booking.com/hotel/tr/fraser-place-anthill-istanbul.en.html


اذا بتسافر عطله الربيع او هذي الايام الى شهر 3 و 4 ترى الدينا ثلج هناك في كل مكان بتركيا تقريبا

[Eman Qtr]

فندق ايليت ورد في منطقة تقسيم
وفندق كونراد
من الفنادق الحلوة اللي أنا جربتها

[لولو ومرجان]

Fraser Place Anthill Istanbul شقق فندقيه رائعة انصحك بها انا توني راجعه من اسطنبول وارتحت وايد فيها .

[مزعله النساء]

السلام عليكم
والله اخوي انصحك بفندق الريتز روعه المنظر يطل على مظيق البسفور وسباء في قمه الروعه وجنب ساحه تقسيم المشهوره

[عـذب الكـلام]

جزاكم الله خير عالطرح انا رايح شهر 6 بحول الله

[عـذب الكـلام]

ان شالله تفيدونا اكثر

[قرنقووش]

تألمت من العنوان جدا هههههههههههههههه
مابي اتذكر هالسفره .. جدا كانت مب شي

عالعموم بلاد حلوه لكن يبيلك دليل ومرشد .. لو عرفوا انك خليجي بيشتغلون عليك

[SULTAN1]

ماقصرتوا وبيض الله وجيهكم