قهوه عشريج

[بيرق_المجد]

بسم الله الرحمن الرحيم
بغيت اطرح لكم موضوع غريب حصل لى في هذا المكان قبل كم يوم انا واحد من الشباب تقهوينا في المكان المذكور وكان الجو رائع المهم تقهوينا ونبسطنا ومن الطبيعي من ضمن الخدمه الفاين يكون على الطاوله طلبت فاين جاب لى علبه فاين ومن الطبيعي اي واحد محلى بيفتح العليه وبعدها تفاجات ان العلبه من ضمن الحساب قلت لصاحب المكان هذا مايجوز اول شي الطريقه غير مقبوله من وجهت نظري ليه لان سوق واقف اصبح من المعالم السياحيه في قطر فريت الدنيا وتقهويت في اماكن كثيره اول مره يحصلي هذا الموقف قلت للاخ المصري الى بداخل هذا الطريقه ممكن الناس يتكلمون عليكم قال اخلهم يتكلمون لو بالجرايد مايهم قمه الاستهتار وانا مالومه مايهمه سمعت السياحه في قطر ولاني من هل قطر وخوفي على لديرتي مارضاء اي واحد من السواح يقول والله قطر حلوه بس فيه بعض المقاهي او المطاعم تحاسبك على علبت الفاين الله يستر بكره لايحاسبون على السكر

[R 7 A L]

لو انا منك ماراح أدفع له نص ريال
وين قاعدين
شدعوة لهدرجة وصلت عندهم طرق النصب

[السهم الشمالي]

هاذولا هم من يسيئون لسمعة البلد
الله يفكنا منهم ومن أسلوبهم البهلواني الممل .

[بو نايف]

نصب !!!


زين ما حاسبك على ورقه الفاتوره وضريبه استهلاك للكرسي والقلاص !!!

[مساهم عادي]

لا تدفع له ..... لأنه هذا مطعم ومقهى ونشاطه يقتصر على بيع الأطعمة والمشروبات ... وعلبة الفاين ليست من هذه الاصناف ولا موجودة ضمن قائمة اسعار المطعم ..... هذا شغل استهبال عيني عينك ... بيقول من 10 بيدفع 5 يعني مكسب ....

[CH Engineer]

لا تدفع له ولا ريال
ناقص بعد يدفعك سعر الكرسي الي قاعد عليه

[كلنا قطر 1981]

بسم الله الرحمن الرحيم
بغيت اطرح لكم موضوع غريب حصل لى في هذا المكان قبل كم يوم انا واحد من الشباب تقهوينا في المكان المذكور وكان الجو رائع المهم تقهوينا ونبسطنا ومن الطبيعي من ضمن الخدمه الفاين يكون على الطاوله طلبت فاين جاب لى علبه فاين ومن الطبيعي اي واحد محلى بيفتح العليه وبعدها تفاجات ان العلبه من ضمن الحساب قلت لصاحب المكان هذا مايجوز اول شي الطريقه غير مقبوله من وجهت نظري ليه لان سوق واقف اصبح من المعالم السياحيه في قطر فريت الدنيا وتقهويت في اماكن كثيره اول مره يحصلي هذا الموقف قلت للاخ المصري الى بداخل هذا الطريقه ممكن الناس يتكلمون عليكم قال اخلهم يتكلمون لو بالجرايد مايهم قمه الاستهتار وانا مالومه مايهمه سمعت السياحه في قطر ولاني من هل قطر وخوفي على لديرتي مارضاء اي واحد من السواح يقول والله قطر حلوه بس فيه بعض المقاهي او المطاعم تحاسبك على علبت الفاين الله يستر بكره لايحاسبون على السكر

اخوي الغالي بيرق المجد

ما نلوم العامل المصري و لا نلوم صاحب القهوه تدري ليش اخوي.....

لانه من امن العقوبه ساء الادب و دام انه لا حسيب و لا رقيب عليهم عادي يسون كل شي

انت ماعجبك و لا انا بعد عجبني لانه هذا استغلال بكل عيون وقحه

بس بالنسبه للموظف المصري هو اجير و يستلم راتبه و هذا هو شغله و مايقدر يغير شي ....

و بالنسبه حق صاحب القهوه فهو انسان و يبي يربح باي طريقه و اي وسيله و ما يهمه اذا

كان في استغلال و لا لا لانه لو همه هالشي ما اظن انه بيقدم الشيشه الي مدخولها حرام و

فيها ضرر للانسان هو فتح هالمشروع و همه بالاول و الاخير المـــــال و لا شي غير المال

بس نلوم حماية المستهلك الي تاركه الكل يخيط و يبيط على كيفه و نلوم الناس الي تروح و تدفع

و تعرف انه الي يسويه صاحب القهوه هو استغلال و مع كل هذا للحين يروحون وراضين على

هذا الاستغلال و الاستنزاف حق مالهم


لو سوو مقاطعه للقهوه بسبب هالشي بيجبرون صاحب القهوه انه يتراجع عن هالنوع من

الاستغلال

و لو انا مكانك خذت باكيت الفاين وياي كيفي دفعت قيمته و صار حق لي

الله يوفق الجميع لمى يرضاه

السموحه على الاطاله اخوي الغالي بيرق المجد :)

[ام السعف]

اشتك عليه الجهات المعنية
وان وقفوا وياه لا تدخل قهوته مرة ثانية

[بيرق_المجد]

شاكر لكم على تفاعلهم والله أني فرحت من الردود هذا شي طيب تشوف اخوانك وخواتك في المنتدى معارضين على هذا النوع من استغلاليه..أبشركم دفعت قيمت العلبه وخذتها منهم ماسك العلبه في يدي وتمشى في السوق هاهاهاها المشكله مايحطون لك فاين على الطاوله على شان تطلب وتدفع قيمت العلبه

[intesar]

كان خذت العلبة وشلتها معاك .. عقابا لتصرفه الأرعن.. لو أنا مادفعت وسويت لهم بلبلة..

[hamad1990]

شهالزمن اللي صار كله نصب واحتياااال !!!!

والله ياخوي لو انا منك بطلت الفاين ومشيت يدي وقمت ولا عطيته ولا ريال

والله اسوي له بلبله على الطلب البايخ والسخيف منه !!

اصلا هالمكان خلاص صار لي سنتين مقاطعه مع ان قبل قعدتهم حلوه والجو حلو لكن النصب مب لهدرجه !!

[MAZEN37]

سبحان الله صراحه حركات غير مقبوله وتشعر الزبون بانه مستغل

[آلملآزم]

ذكرتني بسوريا الاخ اللي يفتر في سيارته بالحلوى ويوقف عندك يقول لك ذوقها وبعد ماتتذوق بضاعته أذاا أشتريت كان بها وأذا ماشتريت قال لك أدفع حق اللي ذقته :eek5:

[com]

هو ماخذ فكرة ان سوق واقف غير لازم يشفط ههه

والله المطاعم الهندية فيها فاين مجانا وماي من الولف بعد لووول

[الخزرجي قطر]

هذه الطريقه قمة الاستغلال لاحسيب او رقيب عليهم

[مضاربه]

من كثروا هالاشكال في الدوحه كثر الاستغلال متى الله يفكنا منهم زين مادفعك قيمه الشوكه والسكين الي تاكل فيهم اخرتها بتصير الدوحه نفس مصر وسوريا كله نصب واحتيال

[A l i]

لو انا منك مادفع له واخذ كرتون الفاين واحطه فالموتر

[الحياة الخالدة]

المفروض يكتب تحت لافتة القهــــوة : الفاين من ضمن فاتورة الطلب

أو يحط الفاين في قائمة المينيو :telephone:

[wadha-qa]

ههههههههه زين انك خذت العلبه هم على بالهم القطري بيستحي يطالب بحقه و بيدفع وهو ساكت

[The Watcher]

هذا النظام معمول فيه في بعض مطاعم ومقاهي مصر وسوريا

للأسف يحاولون يدخلونه قطر

قال عرب قال

[بيرق_المجد]

شاكر لكك من شاركني في هذا الموضوع وبنسبه لنصب لازم يكون له رادع من الجهه المختصه في في مثل ذا المواضيع وهل حمايت المستهلك لها شغل في مثل هذاالموضوع
ولا بيقلون شغلها في رفع الأسعار

[captin]

مافي أحسن من العمالة الآسيوية في التعامل والأخلاق

عشان تنجح المرافق السياحية نحتاج التخلص من الحثالة من امثال
العامل في قهوة عشيرج

[لابس بشت]

والله غلطان
كان كلمت صاحب القهوه هو موجود يوميا فالقهوه

واذا ماكان موجود ادفع حسابك وامش عنه وقوله يشتكي عليك

هذا اللي ناقص بعد بيحاسبونا ع الفاين

[بيرق_المجد]

مافيه الى مصري ضارب العالم بعرض الحايط اقوله ممكن تشتكي عليك العالم يقول خلهم يشتكون في الجرايد لو مش عاجبهم ماحسب حساب القطريين ولا السواح ماعليه من حد