برنامج البنات في الويك اند

[ابتسامه]

السلام عليكم ورحمة الله


حبيت اشاركم بموضوع من فتره طلعت بين البنات ظاهره وبكثره اللي هي البارتيز او الحفلات اللي ماشاء الله صارت كل ويك اند تستوي خميس جمعه سبت البنات في حالة انتفاضه
حفلات مالها معنى وبدون مناسبه وكل وحده تبي حفلتها احلى من الثانيه ومن تدفع اكثر وتسوي في قاعه احلى
وحدث ولا حرج شنو يستوي في هالحفلات والله مصايب وبلاوي شي ندري عنه وشي ماندري عنه طبعا انا ماقول كل البنات لكن الاغلب من البنات صار هاي نظامهم والاهل طبعا خلاص دام حفلة بنات عادي بيخلون بناتهم يروحون نصيحه افتحوا عيونكم ترى في بنات بس شغلتهم يتصيدون البنات من هالاماكن عشان يسحبونهم لطرق ثانيه

مجرد تنبيه:rolleyes2::eek5:

[MAZEN37]

جزيتم خيرا على التنبيه
وهذه قصه وتقليعه جديده لجيل الله يعينه ويهديه

[بصمة قطرية]

الشــرهة مب عليهم على أهاليهم اللي تاركين لهم الحبـل على القــارب ...!!!

[روح الاطلس]

حفلات داخل البيت عادي وين المشكلة دام انهم بنات في بنات؟؟

[بصمة قطرية]

حفلات داخل البيت عادي وين المشكلة دام انهم بنات في بنات؟؟

في البيت ..!!
صارت الحفلات في الفنادق و المطاعم ..!!

[روح الاطلس]

في البيت ..!!
صارت الحفلات في الفنادق و المطاعم ..!!

وااااخزياااه:eek5:

[روح الاطلس]

ما اتخيل بنت تسألها امها عواشه وين رايحه


رايحه الريتز يمه عندي بارتي مع رفيجاتي !


اذا الاهل يرضون ان بناتهم يطلعون حفلات للفنادق والمطاعم ما اقول الا على الدنيا السلام

[بصمة قطرية]

وااااخزياااه:eek5:

:secret:

[ابتسامه]

يعطيكم العافيه اللي علقوا والموضوع ماوقف على قاعات في فنادق ولا مطاعم لا وصلوها لين سويت في فندق يقولون لك مانبي زحمه والكل يدري ليش شنو في هالحفله اللي مايبون حد يدري كلامي اعني فيه بس البنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[(محمد)]

كثر الخبث في البلاد ... حسبنا الله ونعم الوكيل




اللهم لا تؤاخذنا بما فعل السفهاء منا

[hk94]

يرحم ايام لول ان كثرت البنت و ما فوقها فوق علبة ماكنتوش

و توزعها على المعلمات و الزود ربعه تاكله في الطريق و الباقي

اتصدق فيه على صديقاتها هههههههههه ،،،،،

و لا مصاريف و لا خرابيط !!!!!!

الا صج بسنا خرابييييييييط

[نتفـه]

اول مره اسمع بهالحفلات بهالموضوع !!!لاحول و لا قوة الا بالله ,,

[شـعـشـبـونـه]

اختي بصراحه اول مره تمر علي هالسوالف واسمع فيها

يعني كل ويك اند البنات يسوون احتفالات في الفنادق؟؟!!!

اتوقع انج تقصدين مجموعه معينه (وناادره ) ..

لكن هالشي مب موضه مثل ماتبين توضحين ولا ندري عنه ولا نبي ندري عنه بعد والله يستر على الجميع..

[المسك1969]

الحمدلله ماعندنا هالسوالف

بس وين هالحفلات تكون؟ وليش يتصيدونهم ومن يتصيدهم دام كلهم أهل وربع ويعرفون بعض؟

جزاج الله خير على تنبيهج وحرصج

[ريتويت]

من كم يوم .. اخت من الاخوات الي بالدوام عازمه بنات الشركه كلهم على عيد ميلادها فالفندق .. ويصادف يوم ميلادها مع راس السنه الجديده .... واليوم الثاني الشركه كلها شباب وبنات بلا استثناء يتكلمون على الي صار فالفندق :anger1: يعني وش استفادت الحين ابي اعرف؟؟
انا قلت عيل لو عرسها شبتسوي اذا يوم ميلاد سخيف وحجزت قاعه مؤتمرات عشان تحتفل مع البنات فمابالكم لو كان عرسها مثلا!!!!!!!

[findi]

كثرت الفلوس وكثر الفسَق والتبذير للأسف
على أي مناسبه صارو بيسوون حفله
وصدقتي أختي أنا بعد سمعت عن الحفلات الي يسوونها في الفنادق وسمعت هالكلام من بنتين مراهقتين كانو يسولفون لي عن البنات الي في مدرستهم والسوالف الي تصير بينهم والله قالولي سوالف تشيب الرااااس والله العظيم
وأنا طول الوقت فاجه حلجي :omg:
وقعدت أتحسر على أيامنا وعلى برائتناااا :weeping:
بنات اليوم مب مثل قبل كل شي تغيييير في هالزمن
الله يستر على بناتنا ويحفظهم ويهديهم ياااا رب

[M!$s ĀŁ!eN]

عادي والله أنروح الحفلات ولا تسكع في المجمعات و في الموولات اللي كلها مصخره

الحفلات مووو بايت كل البنات موجودين

[سان سيمون]

لا حفلات ولا رفيجات كله موب مقبول وقد الواحد يخاف من البنت مع البنت موب مثل اول البنت مع الولد وهالنوع من البنات سوري معروفات ولهم بيئتهم

والحمد لله هم فئه قليلة وضآلة نسال الله يهديهم ويبعدهم منا ويبعدنا منهم

ورفيجاتنا من وسط العائلة بس واذا كونا علاقات خارج اطار العائلة نقعد سنوات الي نعرفهم عدل ونتزاور بوجود امهاتتنا وعلى فكرة هذا قد حن أمهات بعد هههههه

[حقيقه]

حفلات عاديه بنات وبس
انا حضرت كذا حفله في فنادق وشاليهات وطلعت مستانسه ولا فيها قلة ادب

احسن من المجمعات اللي صارو الرجال اكثر من البنات فيها

لكن التفكير السيء عند البعض هو اللي يبيله حل

كل شيء تعلقون عليه ومب عاجبكم

[Dawn]

اول مره اسمع بهالحفلات بهالموضوع !!!لاحول و لا قوة الا بالله ,,


اختي بصراحه اول مره تمر علي هالسوالف واسمع فيها
يعني كل ويك اند البنات يسوون احتفالات في الفنادق؟؟!!!

اتوقع انج تقصدين مجموعه معينه (وناادره ) ..

لكن هالشي مب موضه مثل ماتبين توضحين ولا ندري عنه ولا نبي ندري عنه بعد والله يستر على الجميع..


الحمدلله ماعندنا هالسوالف

بس وين هالحفلات تكون؟ وليش يتصيدونهم ومن يتصيدهم دام كلهم أهل وربع ويعرفون بعض؟

جزاج الله خير على تنبيهج وحرصج


لا حفلات ولا رفيجات كله موب مقبول وقد الواحد يخاف من البنت مع البنت موب مثل اول البنت مع الولد وهالنوع من البنات سوري معروفات ولهم بيئتهم
والحمد لله هم فئه قليلة وضآلة نسال الله يهديهم ويبعدهم منا ويبعدنا منهم

ورفيجاتنا من وسط العائلة بس واذا كونا علاقات خارج اطار العائلة نقعد سنوات الي نعرفهم عدل ونتزاور بوجود امهاتتنا وعلى فكرة هذا قد حن أمهات بعد هههههه

هذا الكلام الصح ،،، و انا اشارككم الراي لا هي ظاهره ولا موضه وعدد اللي يسوون هالشي قليل والحفلات معروفه ولها اسباب مهمه مب كل اسبوع اسوي حفله في الويك اند واعزم ربعي ... اشدعوه ... حدثوا العاقل بما يعقل :omen2:

[غابت الشمس~]

ايه بصراحه هابين فيها هبه وكله بارتي تايم وخرابيط

[قلب قطر..!]

الظاهر انا هب في الدوحه لاني ماسمعت بهالحفلات ولاشفتهاااا

انتوا من وين تيبون الحجي ....!!!

[intesar]

أول مرة أسمع عن هالحفلات..

[الحياة الخالدة]

ما شاء الله بناتنا تطوروا

صارت ما تييب راسهم إلا حفلات الفنادق :secret:

[بـن عدوان]

انزين وين اماكن هالحفلات هههههههههه

[hamad1990]

والله ياجماعة الخير انا سمعت عن الحفلات وسمعت عن وايد اشياء مادري شلون صايره فالدوحه

وفعلا احيانا بسبب واحيانا من غير سبب بس تغير جو ويالله نبي نستانس نبي نغير جو احسن من المجمعات !!!

انزين شحلاتها الجمعه مع الاهل فالبيت العود ويتيمعون البنات ويا بعض ويسووون بارتي مع اهلهم ولا مايصيير يعني لازم في فندق ولا مطعم !!!

لدرجة ان واحد من الربع فكر في مشروع يفتح مطعم ويخلي الطابق العلوي خاص فالويكند لحفلات البنات !!

بصراحه الموضوع منتشر في الفتره الاخيره ... واللهيستر على بناتنا ويعيننا على هالزمن الاغبر ...

[بنت شيوخ]

الله على ايامنا

مافي طلعه ولا نروح مكان

حتى رحله المدرسه مممنوع


واليوم

حفلات كل ويك اند وبالفنادق


وعليييييه علللينا

[عيون Qatar]

لاحول ولاقوة الا بالله

الله يستر على بناتنا ويهديهم

[بوعلي2]

كل شي ممكن

لكن تعد فئه ضاله وقليله ومعروفيين الي يسون هالنوع

[الجوكر90]

يعطيكم العافيه اللي علقوا والموضوع ماوقف على قاعات في فنادق ولا مطاعم لا وصلوها لين سويت في فندق يقولون لك مانبي زحمه والكل يدري ليش شنو في هالحفله اللي مايبون حد يدري كلامي اعني فيه بس البنات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السموحه ع المداخله
حفلات بمشيها
بس سويت ففندق اقولج مايصير
لان ممنوع قطريه تحجز فندق باسمها
ولا فندق يقبل لازم قطري او اجنبي او اجنبيه
قطريه ممنووووووووع

[قناص 787]

السموحه ع المداخله
حفلات بمشيها
بس سويت ففندق اقولج مايصير
لان ممنوع قطريه تحجز فندق باسمها
ولا فندق يقبل لازم قطري او اجنبي او اجنبيه
قطريه ممنووووووووع
خبرك عتيج ...... الحين اذا تعرف المصري او اللبناني


اللي في الرسبشن يسجل لها السويت بأسم واحد من الروم سيرفس

او حتى بأسم اي واحد يعرفه اه ومالوه ده كله علشان الشيخه


طويلة العمر ايوا ياعم ابسط ابسط بسس إديني البخشيش


وانا ازبطك متخفش

[ضوى]

حسستوني اني جاية من كوكب المريخ ، اكيد اللي يسوي هالشي فئة قليله ونادرة وهالفئة موجودة من زمااان ، والحمد لله لا عندنا ولا في محيطنا ولا في مجال عملي سمعت بهالشي او احد لمح بهالشي

الله يستر على بناتنا وعلى جميع بنات المسلمين

[لاجل QT]

بما انى اول مرة اسمع بالهشي!!!!!

اذا الاهل راضين مالنا خص هم يتحملون النتائج اللى بتصير حق بناتهم يعنى قلعتهم

تناقض ناس مسكرة على بناتها وحاطينهم في عيونهم ومحتوينهم.. وناس فاتحة لهم الباب على مصرعية

الذنب واللى بيصير لى هالبنات يتحملونة الاهل

[Roo7MooT]

السموحه ع المداخله
حفلات بمشيها
بس سويت ففندق اقولج مايصير
لان ممنوع قطريه تحجز فندق باسمها
ولا فندق يقبل لازم قطري او اجنبي او اجنبيه
قطريه ممنووووووووع


سلامتك فديتك يصير تحجز من قال لك ما يصير كذا مرة وشوف عيني شفت قطرية تحجز

والحفلات الي تتكلمون عنها اغلبيتها كلها في قراند حياة صج الي استحوا ماتوا

[MAZEN37]

خبرك عتيج ...... الحين اذا تعرف المصري او اللبناني


اللي في الرسبشن يسجل لها السويت بأسم واحد من الروم سيرفس

او حتى بأسم اي واحد يعرفه اه ومالوه ده كله علشان الشيخه


طويلة العمر ايوا ياعم ابسط ابسط بسس إديني البخشيش


وانا ازبطك متخفش
هههههه رايك يعني:)

[قناص 787]

هههههه رايك يعني:)

:nice::nice:

[almaf1a]

مساكين الاهالي راقدين على اذانيهم
حتى الخدامه اذا طرشوها مع البنت
تشتري لها البنت سندويشات وعصير وشبس وتخليها ترن في السيارة
من يومين شفت الموقف عورت قلبي الخدامه راقده في السيارة والحبيبه تشطح


الله لا تبلينا بهل الاشكال

[بوحارب]

الله يهديكم يالبنات وش اللي تبون توصلون له !!!

[chillis]

خبرك عتيج ...... الحين اذا تعرف المصري او اللبناني


اللي في الرسبشن يسجل لها السويت بأسم واحد من الروم سيرفس

او حتى بأسم اي واحد يعرفه اه ومالوه ده كله علشان الشيخه


طويلة العمر ايوا ياعم ابسط ابسط بسس إديني البخشيش


وانا ازبطك متخفش

ماعتقد يقدر فيها عقد زواج وبطاقات شخصيه صعبه شوي الا اذا الفنادق ام 4 نجوم يجوز يابيه :secret:

[راية الفخر]

حفلات عاديه بنات وبس
انا حضرت كذا حفله في فنادق وشاليهات وطلعت مستانسه ولا فيها قلة ادب

احسن من المجمعات اللي صارو الرجال اكثر من البنات فيها

لكن التفكير السيء عند البعض هو اللي يبيله حل

كل شيء تعلقون عليه ومب عاجبكم

يا اختي الكريمه المشكله مب في الحفلة وبس المشكله بعد البنات ايش يلبسون في هالحفلات .. انا سمعت عن وحده كانت حاطه صورتها هي ورفيجاتها في البلاكبيري في حفلة عيد ميلاد وحده من ربعهم ومسويته على حوض السباحه في بيتهم ومسمينها بارتي المايوهات و كلهم لابسين مايوهات خيوط وحجتهم انهم كلهم بنات وعادي يلبسون اللي يبونه بس نسوا ان اجسامهم عوره حتى على البنات اللي مثلهم ..
ولبسهم في الحفلات لاتقل سوءا عن المايوهات .. فساتين قصيره ومشخلعه واللي عاري اكثر من المستور وكل هاي بحجة انهم بنات ويلبسون اللي يبونه .. اتحدى وحده منهم تطلع جدام ابوها او اخوانها بهاللبس لكنهم يطلعون بالعباة المسكره والخافي اعظم .

[FAUCHON]

ماعتقد يقدر فيها عقد زواج وبطاقات شخصيه صعبه شوي الا اذا الفنادق ام 4 نجوم يجوز يابيه :secret:



لا والله ارقى الفنادق بس المفضل غراند ويحبون سويت w بعد

مب لازم موظفين الفندق عادي دريول والا حد يعرفونه

والله يااااا جماعه تصييييييييييييييييييييير وووايد

وترى في شرب وحبوب بعد ** ولاحد يقول ابالغ

[FAUCHON]

بس للامانه في حفلاات ووووووايد محترمه وفي بعض الحفلات يحضرونا اهل البنات ..

[شـعـشـبـونـه]

واااااااااااااااااااااي الله يستر

بصراحه احسن شي لما الواحد يعيش على عماه ولا يدري عن هالسوالف

ادري ان الاغلبيه يطرح مثل هالمواضيع بقصد الاصلاح

بس والله لما ماندري فيها ارحم بواجد

بليز خفوا علينا من المواضيع الي فيها (بلاوي البنات او الشباب) لانها تعور القلب والواحد مابيده شي ان يصلح

الله يستر علينا والله يهدي الاهالي ويفتحون عيونهم شوي

[بدون]

اول مرة أسمع بهالشيء
ما عندنا بنات يروحون حفلات و خرابيط
و لا نسمع عنها في الشغل

[Al-Kuwari]

خبركم عتيج من قالكم البنات مايقدرون يحجزون غرف فالفنادق

يبه في فنادق مصرح لها انها تحجز غرف بأسامي بنات قطريات ولكم على سبيل المثال فندق لاسيغال

الله يستر علينا وعلى بناتنا وبنات المسلمين :)

[العقل الحر]

هي جات على الحفلات هذي

في حفلات اخس من هذي الحفلات

تقام كل نهاية اسبوع مختلطه وقطرية خالصه :secret:

[ام ناصر1]

من كثر هالمواضيع ...وامثالها
خليتوا الواحد يخاف ...... من وعلى المجتمع
ترى الي يقولون هاي فئة ضالة وقليلة اخاف باكر تنتشر الظاهرة واحنا لسنا
كغيرنا من الدول الي لديها هيئة الامر بالمعروف والنهي عن المنكر فشنوا بيكون الحل ...والعذر ؟!

[مخطط قطري]

مشكلتنا العويصه في قطر شرذمه صغيره تسوي منكر نجيب مجهر كبير ونكبر الموضوع ونسويها سالفه ومعضله
اعتقد الكل حر في تصرفاته والنار ماتحرق الا واطيها وبعدين خير يعني دامهم بس بنات ومحتفلين
والي فيها خبث ولا تبي تسوي شي اعتقد انه الي فيها خير وتعرف السنع بتصدى لها وبتعرف شلون تلجمها وتوقفها عند حدها
قبل 10 سنوات او اكثر كان عيب ومنقود الاعراس في الفنادق وكانت الاعراس بس في البيوت(للنساء )
الحين نادر تحصل عرس حريم في بيت
ياقاعه او فندق .............بعد كم سنه بتصير حفلات البنات الي حاليا اشوف اكثرها بس في البيوت بتصير في فنادق وان كانت حاليا تصير بعضها في فنادق المجتمع القطري لازال بخير والبركه في شيبانا وابهاتنا الي ربونا على مكارم الاخلاق والمواجيب والسنع المستد من الشريعه الاسلاميه وهذي عادات اهل قطر الاصليه
فارقد وامن .... البلا والمصيبه اذا صارت من مجموعه تدعى انها من قطر وتسوي المنكرات ويقلون شوفو هل قطر هنيه المصيبه
الي عنده خلل ولا مشكله لايصدرها ويعمم ويقول الناس كلها كذا :×
لازلت اتوسم الخير والبركه والعفه والستر في بنات قطر وخلو عنكم سوء النيه
نعم فيه منحرفات وفيه صيع وهذا من التربيه الفاشله والبعد عن الدين بس عددهم قليل ولله الحمد والمشكله هالقليل بارز على السطح
والسلعه كلمها رخصت كلما زادو زبائينها

[حلم الطفولة]

مشكلتنا العويصه في قطر شرذمه صغيره تسوي منكر نجيب مجهر كبير ونكبر الموضوع ونسويها سالفه ومعضله
اعتقد الكل حر في تصرفاته والنار ماتحرق الا واطيها وبعدين خير يعني دامهم بس بنات ومحتفلين
والي فيها خبث ولا تبي تسوي شي اعتقد انه الي فيها خير وتعرف السنع بتصدى لها وبتعرف شلون تلجمها وتوقفها عند حدها
قبل 10 سنوات او اكثر كان عيب ومنقود الاعراس في الفنادق وكانت الاعراس بس في البيوت(للنساء )
الحين نادر تحصل عرس حريم في بيت
ياقاعه او فندق .............بعد كم سنه بتصير حفلات البنات الي حاليا اشوف اكثرها بس في البيوت بتصير في فنادق وان كانت حاليا تصير بعضها في فنادق المجتمع القطري لازال بخير والبركه في شيبانا وابهاتنا الي ربونا على مكارم الاخلاق والمواجيب والسنع المستد من الشريعه الاسلاميه وهذي عادات اهل قطر الاصليه
فارقد وامن .... البلا والمصيبه اذا صارت من مجموعه تدعى انها من قطر وتسوي المنكرات ويقلون شوفو هل قطر هنيه المصيبه
الي عنده خلل ولا مشكله لايصدرها ويعمم ويقول الناس كلها كذا :×
لازلت اتوسم الخير والبركه والعفه والستر في بنات قطر وخلو عنكم سوء النيه
نعم فيه منحرفات وفيه صيع وهذا من التربيه الفاشله والبعد عن الدين بس عددهم قليل ولله الحمد والمشكله هالقليل بارز على السطحوالسلعه كلمها رخصت كلما زادو زبائينها

قال الله عز وجل تعليقا على حادثة الإفك : “ لولا إذ سمعتموه ظن المؤمنون والمؤمنات بأنفسهم خيرا وقالوا هذا إفك مبين “ ( النور ١٢ ) ، ثم عقّب سبحانه بآيات أخر توضح المنهج مع مروجي الفضائح فقال : “ إذ تلقونه بألسنتكم وتقولون بأفواهكم ما ليس لكم به علم وتحسبونه هينا وهو عند الله عظيم (١٥) ولولا إذ سمعتموه قلتم ما يكون لنا أن نتكلم بهذا سبحانك هذا بهتان عظيم (١٦) يعظكم الله أن تعودوا لمثله أبدا إن كنتم مؤمنين (١٧) ” ( النور )

[روح الاطلس]

مشكلتنا العويصه في قطر شرذمه صغيره تسوي منكر نجيب مجهر كبير ونكبر الموضوع ونسويها سالفه ومعضله
اعتقد الكل حر في تصرفاته والنار ماتحرق الا واطيها وبعدين خير يعني دامهم بس بنات ومحتفلين
والي فيها خبث ولا تبي تسوي شي اعتقد انه الي فيها خير وتعرف السنع بتصدى لها وبتعرف شلون تلجمها وتوقفها عند حدها
قبل 10 سنوات او اكثر كان عيب ومنقود الاعراس في الفنادق وكانت الاعراس بس في البيوت(للنساء )
الحين نادر تحصل عرس حريم في بيت
ياقاعه او فندق .............بعد كم سنه بتصير حفلات البنات الي حاليا اشوف اكثرها بس في البيوت بتصير في فنادق وان كانت حاليا تصير بعضها في فنادق المجتمع القطري لازال بخير والبركه في شيبانا وابهاتنا الي ربونا على مكارم الاخلاق والمواجيب والسنع المستد من الشريعه الاسلاميه وهذي عادات اهل قطر الاصليه
فارقد وامن .... البلا والمصيبه اذا صارت من مجموعه تدعى انها من قطر وتسوي المنكرات ويقلون شوفو هل قطر هنيه المصيبه
الي عنده خلل ولا مشكله لايصدرها ويعمم ويقول الناس كلها كذا :×
لازلت اتوسم الخير والبركه والعفه والستر في بنات قطر وخلو عنكم سوء النيه
نعم فيه منحرفات وفيه صيع وهذا من التربيه الفاشله والبعد عن الدين بس عددهم قليل ولله الحمد والمشكله هالقليل بارز على السطح
والسلعه كلمها رخصت كلما زادو زبائينها


صدقت يا مخطط قطري

وفعلاً هالفئة قليلة والحمدلله

وديرتنا وبناتنا فيهم الخير الكثير والصلاح وان تواجدت بعض الضالات والضالين فهذا موجود بكل مكان ولكن ليس بالعدد الكبير الظاهر للسطح ولا عمرنا سمعنا او شفنا في هالامور الا من خلال المنتديات وندعو لهم بالهداية والصلاح.

ودعوا الخلــق للخالق

[وافق شنن طبقة]

استغفر الله


لاحد يظلم بنات الناس .هذولا قله من البنات الي ماتربو على يد رجاااااال ويد نسوان خايفين الله


والله لايبتلينا ويستر على المسلمين اجمعين

[دااانة قطر]

يا اختي الكريمه المشكله مب في الحفلة وبس المشكله بعد البنات ايش يلبسون في هالحفلات .. انا سمعت عن وحده كانت حاطه صورتها هي ورفيجاتها في البلاكبيري في حفلة عيد ميلاد وحده من ربعهم ومسويته على حوض السباحه في بيتهم ومسمينها بارتي المايوهات و كلهم لابسين مايوهات خيوط وحجتهم انهم كلهم بنات وعادي يلبسون اللي يبونه بس نسوا ان اجسامهم عوره حتى على البنات اللي مثلهم ..
ولبسهم في الحفلات لاتقل سوءا عن المايوهات .. فساتين قصيره ومشخلعه واللي عاري اكثر من المستور وكل هاي بحجة انهم بنات ويلبسون اللي يبونه .. اتحدى وحده منهم تطلع جدام ابوها او اخوانها بهاللبس لكنهم يطلعون بالعباة المسكره والخافي اعظم .


الله المستعااان
الله يهدي البناات
للأسف احياانا البناات يحضرون مثل هالحفلااات مع أمهااتهم
انا قد حضرت حفله من هالنوع حسيت نفسي اشوف فيلم اجنبي وكاني في مرقص والعيااذ بالله اضااءات غير شكل لبس غير شكل اغااني غير شكل خبركم دوااعي التطور وغير اللي يشوفونه في الأفلااام هونت من عقبها احضر اي حفله تحت مسمى عيد ميلاااد او جمعة بنااات خااصة اني اعرفهم
حتى جمعة البناات المفروض تكون بحشمه وضواابط

ياازين جمعتنا مع اهلنا في الويكند امس والاسبوع اللي طااف مسوين باربكيو ولا اروع

الله يهدي البناات وقبلا يهدي الأمهااات وأوليااء الأمور

[دااانة قطر]

هي جات على الحفلات هذي

في حفلات اخس من هذي الحفلات

تقام كل نهاية اسبوع مختلطه وقطرية خالصه :secret:

:rolleyes2::rolleyes2::rolleyes2:

[دبلوماسية]

وانتو بس عسى ماتشوفون وحدة من اللي حواليكم والا من ربعكم والا من جيرانكم راحت حفلة قلتوا ظاهرة خطيرة

الحمدلله بناتنا الله ساتر عليهم وماعندهم هالسوالف والا هالظواهر الخطيرة ....



السؤال ....

من اللي يحدد اذا كان هالشي ظاهرة خطيرة ....على اي اساس ....ومن اللي قام بها الدراسة وطلع لنا هالنتايج ؟؟؟؟؟؟؟؟؟؟

[الجوهره 2012]

والله ما عندهم سالفه لو يسون لهم صدقة جارية بهالفلوس الزايده عندهم وايد احسن :)

وفعلا ترا انا سمعت عن هالشي اللي تقولينه و الحفل فيه بنات لكن استغفرالله بس .. اسكت احسن .. لاني اشوف المجمعات على قولتكم احسن من ان الوحده تسوي شي (يهز عرش الرحمن) ........

الدنيا تتطور للاحسن البسي اكشخي استانسي لكن بحدود الدين والعقل .. لان مردج لحفرة متر ف متر :)


الله يحسن خاتمتنا ويهديهم ..


شكرا على موضوعج حبيبتي ...

الجوهره

[ابتسامه]

اشكركم على تفاعلكم في موضوعي يعطيكم العافيه جميعا
وارجع واقول هالبنات موجودين وانا ما اقول الكل لكن الاغلبيه تحضر هالحفلات وفي بنات على فكره يجون من ورا اهاليهم وتصير مصايب الهدف من موضوعي مب ان ابي اتكلم وبس الهدف افتحوا عيونكم وحافظوا على بنات بلادنا من الدمار لان ماشاء بنات الدول المجاوره صاروا يجون الدوحه بعد عشان هالخرابيط الله يحفظنا وياكم من كل شر................................................ ............ ان شاء الله بارجع بموضوع اقوى

[سهم عتيج]

اسمحوا لنا لاغلاق الموضوعه,, لأننا نعتقد أن مثل هالمواضيع سلبياتها أكثر من ايجابياتها وان كان السبب للطرح هو لاصلاح خلل معين ..

ويعطيكم العافية..