نصب في اسعار الاطارات

[هينا]

ابي رايكم في الموضوع اللي راح اقوله لكم وهل حماية المستهلك لها دور وتقف مع المواطن ولها مواقف حازمه ...
الموضوع انا شاري 4 اطارات من محل معروف وقال لي سعر الاطار الواحد 850 ريال مقاس 16 لسيارة لاندكروز ويوم ركبهم كلهم قلت له عطني فاتورة عطاني بس ماكتب فيها ضمان والمعروف في كل المحلات يعطون ضمان 6 شهور هو رفض وقال الوكيل منع الضمان على اللاندكروزر يعني لو سيارة مازدا او سيارة غير الكروزر بيعطيه المهم رضيت لاني الحمد لله استخدامي جدا نظيف المشكله الكبرى اني رحت بالصدفه محلات تواير ادور على نوع معين لسيارة ثانيه ولقيت نفس التواير اللي ركبتها على الاندكروزر بسعر 675 الاطار الواحد وتميت الف كل السوق اكثر واحد قال لي 700 ريال الحين بصراحه انا مقهور من اللي شاري منه التواير اللي باعهم لي ب 850 ويمثل بعد ويكذب ويحلف انها في شارع سلوى على 900 ريال الحين ابي اعرف ايش رايكم اسوي وهل لو اشتكيت لحماية المستهلك بيسون شي ولا بيقولون هذي تجارة ..
ارجو تفيدوني وتشاركون في ارائكم

[CH Engineer]

اول شي تكتب اسم المحل اهني مع نسخه من الفاتوره
لتنبيه باقي الاعضاء
والشي الثاني درس لك بالحياه قبل لاتركب التاير
تسأل عن التاير الزين والسعر المناسب

[عيد823]

والله صار معي نفس موضوعك ، بس الفرق أني ركبتهم ب٨٠٠ ريال وقالي في شارع سلوى ب٩٠٠ ريال ، في ذمته .

[ن.سهيل]

اذا هو الي في الريان ؟

صارت معاي ، بس الحمدلله ماشريت منه رحت طريق سلوى ولقيتهم بفرق 80 اريال في التاير .

[Rashid554]

اخوي ممكن تقول اسم المحل الي فيه التاير بـ 675

[النهار]

اخوي ممكن تقول اسم المحل الي فيه التاير بـ 675

نفس السؤال ناوي اغير تواير موتري

[رجل الجزيرة]

مستحيل أشتري من عند أي محل تواير بدون ضمان، كذب عليك.

[هينا]

بكرة بتصل ع حماية المستهلك وبسألهم

التواير اللي 675 المحلات اللي ع خط سلوى قبل لاتوصل دوار الصناعيه (المرة) محلات تبيع رنجات
تقريبا اخر المحلات تواير حجرية اسمها ممتاز

[هينا]

المحل اللي نصب علي في ام صلال محمد مقابل سفاري

[الـقـاسـي]

غلطتك مفروض تشيك على المحلات قبل ,, في نفس الوقت فيه فرق كبير فالسعر لازم تبلغ حمايه المستهلك

[المارونـــي]

كل المحلات تخيط وتبيط
ومساء الخير ياحماية المستهلك
بس على فكره بعد منع البوالين ارتفع سعر التواير اللي تركب على الفورويل والطامه الكبرى انه مافيه رادع لهم وعلى سبيل المثال التاير الحجري وصل سعر الف ريال من ٥٠٠ ريال قبل المنع

[عضو المنتدى]

الصراحة مهزلة صارت أسعار التواير . :tease:

سعر التاير الواحد صناعة تايوان أو صيني ينباع علينا ب 800 - 1000 ريال .

وبرميل النفط في بلادنا ينباع عليهم في الخارج ب80$ = 300ريال .

يعنى 3 براميل تصدرها قطر = تاير واحد صناعة تايون أو صيني .

معقولة يعنى ولا حسبتي غلط ؟؟؟؟:(:shy:

[ناصر الصلاحي]

غلطة الشاطر بألف
في البداية الواحد يسأل اكثر من مكان و اهم شي ما يكونون المحلات جنب بعض عشان هم بيكونون متفقين على السعر يعني روح محلات بعيده عن بعض و بتعرف الاسعار صح

[fahd]

عن تجربه مع هذ المحل
تأكد إنه عمل لك ميزانية تواير
لانه للأسف فعلا مثل ما قلت نصاب
وراي بلغ حماية المستهلك عنه
ما راح تخسر شي

[قرنقووش]

يقولك المثل الصيني
اذا بغيت تشري شي اسال عن سعره في ٣ محلات

واترك عنك حاية المستهلك على شحم ماعندهم اي شي

[محمد الجفيري]

لا حول الله