بصراحة ارجوكم

[ساره]

اشرايكم في كلية شمال الاطلنطي
تنصحوني اسجل بنتي فيها مع العلم ان مجموعها 88% علمي
واذا حد فيكم جرب الجامعة ارجوكم يقولي ايجابياتها وسلبياتها

[الدم البنفسجي]

االله المستعان في هذي الكليه ما نصح اختي ساره الاوضع غير طبيعي وكل شي عادي وفري

[بوخالد2]

اختى ساره حافظي على بنتج ومثل ماقال اخوى الاوضاع هناك غير مطمئنه يعني فري الحياه عندهم هناااااك استرى عليها ودخليها جامعه قطر البنات افضل لج

وجزاج الله خير على السوال

[مهاوي]

والله حتى انا ابي اسجل اختي بها

لكن الي يقول سجليها والي يقول لا

مدري والله وش الخيره

[سهم طايش]

البنت العدله عدله سواء في جامعة قطر و لا شمال الاطلنطي

يعني البنات اللي في جامعة قطر كلهم مطوعات ؟؟؟؟؟

[الأختصاصي]

مثل ماقالو اخواني من قبلي جامعة قطر ابرك مع العلم ان جامعة قطر فيها سلبيات ولاكن بعد افضل من الاختلاط ( المبالغ فيه )

[مخاوي بورصه قطر]

االله المستعان في هذي الكليه ما نصح اختي ساره الاوضع غير طبيعي وكل شي عادي وفري


:nice: :nice: :nice: :nice:

[بدور]

اختي ساره

كلية شمال الاطلنطي دبلوم عالي والمنهج صعب جداً اذاكانت لغة البنت

عالية في اللغه الانكليزيه ممكن تدخل فيها حنا عندنا مجموعه من البنات والاعيال من هلي

يدرسون فيها عن طريق مؤسسة البترول

ولاخوف من الاختلاط اذا كانت البنت الحمدلله حريصه

على نفسها والاختلاط موجود في كل جامعات قطر مثل المدينه التعليميه والهولنديه

حتى جامعة قطر فيها اختلاط البدايه بين الموظفين وقريباً جداً بين الطلبه والطالبات مافي مفر من الاختلاط

توكلي على الله اختي وسجلي البنت والتخصصات حلوه عندهم أهم شي اللغه وتجيب التوفل والسات

وبعد ماتخلص الطالبه من النورث تطلع بعثه لمدة سنه الى الشارقه

او لندن برفقة ولي الامر وتاخذ البكالوريوس وربي يوفقها

اتمنى انج استفدي من هالمعلومه البسيطه

[جليســــة القــــرآن]

الأفضل لها جامعة قطر ولا ننسى أن الصاحب ساحب ومن عاشر القوم 40 يوما صار منهم
وقوم كلية شمال الأطلنطي مطبوع عليهم بالـ free فحافظي على بنتك من التأثر بهم

والله الحافظ ..

[بوخالد2]

الأفضل لها جامعة قطر ولا ننسى أن الصاحب ساحب ومن عاشر القوم 40 يوما صار منهم
وقوم كلية شمال الأطلنطي مطبوع عليهم بالـ free فحافظي على بنتك من التأثر بهم

والله الحافظ ..

مشكوره اختى قطريه على الكلام الجميل

واضم صوتي لها 000 لان ياما سمعنا عنها وكل الاختلاط المبالغ فيه وبعدين لين فات الفوت ماينفع الصووت ياساره

[ساره]

ماكنا نعرف انها اختلاط الا الحين منكم
يزاكم الله خير وماقصرتوا واحنا رسينا الحمدلله على جامعة قطر

[Pro]

احنا دايما نبي الخير لأولادنا
و بناتنا و أولادنا و اهلنا اهل قطر
-
-
فهل من الممكن ان نطعم أبنائنا
اي طعام هل من الممكن ان نلبسهم
اي لباس كل واحد يريد الخير لأبنائه
-
-
يعني احنا نحب لهم الخير
فهل نرميهم في أي مكان
بقصد التعليم او العمل
-
-
هنا يجب ان تكون لنا نظرة اوسع
و أشمل ان بناتنا جوهرات و يجب
المحافظة على هذه الجوهرة في اطار
جميل يحافظ على نقاوتهن
-
-
و بالنسبة لي لا هو التعليم و لا العمل
راح يرزقها فقط رب العالمين إلي قادر
يعلمهم و يرزقهم و ذلك بوضع الأسباب
الصحيحة
-
-
يعني لا تعرضوا بناتكم للتهلكة
فإذا الخلط مش مشكلة بكرة السلام
مش مشكلة و البوسه البريئة مش مشكلة
و و و و ........... مش مشكله
-
-
و على قولة المشايخ هذا نسمية
بألفة المعصية
يعني كل شيء عادي هاذي بنت فلان مسجله
و بنت علان احسن منها مافي في نفس الجامعه
و نسينا ان هناك خلط و ضحك و قلب يرف
و وده يحب و وده يعاشر و وده حد يسمع له
-
-
و نسينا ان هناك من يترصد لبناتنا
و امهات المستقبل
-
-
انا اعتبر بنتج بنتي او اختي
و كل بنات قطر خواتي
و انا ما أرضى على خواتي
و نصيحتي لج اختي الكريمة
-
-
ان تتحرين ما هو صالح لبنتج
او على قولتكم مستقبلها؟؟؟