اخيراً المراسل صار صديقي

[هسلان]

السلام عليكم ورحمة الله وبركاته

ايام الشقاوة عملت مخالفة مرورية في السعودية والجماعة هناك ما يتفاهمون على طول الحجز مافي تفاهم
المهم رقدوني خمسة ايام في الحجز وكان معانا في الحجز هندي سواق تريلة سكران وقاطع إشارة
هذا الهندي بعد يومين نادو اسمه وطلع خارج الحجز ورجع يزورنا من الدريشة وقال باي باي أنا طلعوني
اشتغل عندنا الحسد وين يالحبيب كيف طلعوك ؟
قال هذا فراش سوي كلين حجز سيم سيم بلاد هو كلم مدير ومدير سوي مسامح.
والله قهر ههههههههههه
أنا كملت خمس ايام في الحجز ودفعت 2500ريال لأن الفراش مش من بلاد مال أنا

هذي القصة يالربع حقيقي صارت لي أنا وهذا هو الواقع الحقيقي وهو أن الواسطة لا تأتي فقط من المنصب الكبير ولاكن حت الصغار لهم واسطاتهم وممكن أهم من الكبير.

نرجع للعنوان والي خلاني اكتب الموضوع
أنا حاولت في الأونة الاخيرة احصل على موعد في المستشفى يكون قريب وما قدرت
بالصدفة لاقاني مراسل هناك تعرفت عليه من خلال صديق وقدمت له خدمة بسيطة وسألني إذا كنت محتاج شيء وقلت له عن الموضوع والمفاجئة أنه جاب لي اقرب موعد وما كنت احلم فيه ابداً
الحين المراسل صار صديقي وهو عندي أهم من مدير المستشفى
تحياتي للجميع

[ابو حيان]

سبحان الله

يوضع سره فاصغر خلقه


ايه هذي الواسطه ودهاليزها
كلن يعرفها الصغير والكبير والغني والفقير اهم شي يمشي موضوعه


والله دنيا غريبة

مشكور اخوي على الطرح
وانتبه على نفسك من المخالفات

[intesar]

الهنود أحسن واسطة بالبلد..

[ايزو]

تبغي ضج الواسطه في كل الاماكن تعرف على شوبير

[khaldoon]

اللي اعرفه انه المقيم اللي ينمسك و هو سايق و سكران بتسفر خاصة لو عمل حادث

انا مصدقك تماما اخوي بس احس انه الاهمال من الضابط اللي طلعه من الحجز

اكيد العامل اللي يسوي القهوة و الشاي و مبسوط منه مديره بيكون واسطه لها ثقلها و ما ينرفض له طلب

الله يوفقك....يعني انت الحين صار عندك واسطه بالمستشفى...يعني الحين صار احنا بعد في المنتدى معانا ناس عندهم واسطه بس لحظه شوي خليك معاي على الخط....يا جماعة ...يا هوووو ...اللي يبي واسطه بمستشفى حمد يكلم اخونا العزيز هسلان...تراه واصل الحين و ما يتسكر امامه اي باب :omen2: ....اخوي معلش تكلم صاحبك يسويلي موعد قريب و الا يعيطيني sick leave :eek5::eek5:

[هسلان]

اللي اعرفه انه المقيم اللي ينمسك و هو سايق و سكران بتسفر خاصة لو عمل حادث

انا مصدقك تماما اخوي بس احس انه الاهمال من الضابط اللي طلعه من الحجز

اكيد العامل اللي يسوي القهوة و الشاي و مبسوط منه مديره بيكون واسطه لها ثقلها و ما ينرفض له طلب

الله يوفقك....يعني انت الحين صار عندك واسطة بالمستشفى...يعني الحين صار احنا بعد في المنتدى معانا ناس عندهم واسطه بس لحظه شوي خليك معاي على الخط....يا جماعة ...يا هوووو ...اللي يبي واسطه بمستشفى حمد يكلم اخونا العزيز هسلان...تراه واصل الحين و ما يتسكر امامه اي باب :omen2: ....اخوي معلش تكلم صاحبك يسويلي موعد قريب و الا يعيطيني sick leave :eek5::eek5:

حاضرين ياخلدون دام صديقي موجود مافي مشكل*:telephone:
على طاري التسفير في واحد زميل رجع البيت وجد راعي الدكان مع الخدامة مسكه وجاب الشرطة وبعد يومين لقاه في الدكان مفرج عنه بكفالة لين وقت المحكمة وما ادراك متى تجي المحكمة:secret:
تقبل تحياتي

[ام السعف]

ما شفت المسرحيات عناوينها تقول
فراش الوزير وبشت الوزير ،، ولا مرة كان عنوانها
سعادة الوزير ............> كسر خاطري الوزير :(

[بو خليفه 123]

دائماً هكذا و حتى في الاسواق الناشئه وفي طبيعة عملي تحديداً نبحث عن شخص يطلق عليه إسم Key Person وهو قد يكون في بعض الاحيان المراسل وهو يغنيني عن رئيس مجلس الاداره بكبره .


كبار الشخصيات و المدراء لهم باب
و صغار الموظفين لهم باب
(اتكلم من ناحيه شرعيه) ليست ضد القانون

أنت و حظك

[حقيقه]

ايه والله صادق
الفراش وغيره هم اللي يوصلونك للعود

[khaldoon]

حاضرين ياخلدون دام صديقي موجود مافي مشكل*:telephone:
على طاري التسفير في واحد زميل رجع البيت وجد راعي الدكان مع الخدامة مسكه وجاب الشرطة وبعد يومين لقاه في الدكان مفرج عنه بكفالة لين وقت المحكمة وما ادراك متى تجي المحكمة:secret:
تقبل تحياتي

:secret::secret::secret:

بصراحه سمعت نفس هذه القصه و انه ما تسفر ...و انا اتفق تماما معاك

اعتقد اخوي هسلان انه ضرر السكران على الناس بالشارع و هو سايق اكبر و اخطر من ضرر اللي مسكوه مع وحده برضاها و لهالسبب ما تسفر ...و الله اعلم :secret:

[هسلان]

اشكر الجميع على المشاركة واثراء الموضوع