معا لتخفيف الزحمة في شوارع الدوحة

[السد]

اقدم اقتراحي لكل من المجلس الاعلى للتعليم + ادارة المرور + هيئة الاشغال العامة

كما تعلمون بان جميع المدارس الابتدائية والاعدادية والثانوية
دوام الطلاب من الساعة 7 صباحا إلى 2 ظهراً

اقترح كالتالي لتخفيف الزحمة في الشوارع
دوام الطلاب في المرحلة الابتدائية يبدأ من الساعة 7 الى 1 ظهرا
دوام الطلاب في المرحلة الاعدادية يبدأ من الساعة 7.30 الى 1.30 ظهرا
دوام الطلاب في المرحلة الثانوية يبدأ من الساعة 8 الى 2 ظهرا
ونكون خففنا الضغط على الشوارع
:nice::nice::nice::nice::nice::nice:

[المتحدث الرسمي]

.....

واللي عنده 3 أولاد في المراحل الثلاث و هو يوصلهم مدارسهم و هو يداوم الساعه 7

شيسوي ؟؟


.....

[الخفي]

((الحل مو تنسيق بين من يداوم اول

الحل عمل جسور ولنفاق وشوارع هاي وي والغاء الدورات والاشارات

كيف يدمج الدوارات والاشارات والشرطي وكاننا من ايام الستينات

مشكلتنا وضعنا العربه امام الخيول ولم نضع الخيول امام العربه

مشكلتنا اهتمينا في الجامعات والملاعب واستضافه البطولات وتركنا

الطرق والشوارع حتى صارت مشاويرنا تاخذ بالساعات

دبي كل فتره عاملين طرق جديده وانفاق وجسور

وللاسف شوارعنا نفسها من ايام الثمانينات والسيارات تزيد

وعدد السكان يزيد ومفتوح الباب على مصراعيه لمن هب ودب ياخذ ليسن

وكروه معدودين على الاصابع وصارت شوارعنا مسرح لكل غشيم يتعلم السواقه

فيها واللكل ساق والسيارات تزيد والشوارع نفسها بدون التفكير في عمل جسور

وانفاق لن تحل مشكله الزحمه عندنا وكل وقت يمر تزيد المشكله تعقيدا ))

[البرنس_توب]

اقتراح طيب بس والله مايفك الزحمه حتى لو اجزوا

[GOOKLUCK]

اخوي السد اقتراح جميل وبصراحه خلاني افكر في تطوير اقتراحك بطريقتي

وهو تغيير اوقات الدوام في المدارس من الساعه 6 الين الساعه 1 او من الساعه 8 الين الساعه 3

لان وقت الذروة بالنسبه لجميع العاملين في القطاع الحكومي بين الساعه 1 ونص والساعه 2

[بوحمد111]

الله يسمع منك وان شاء الله يتم تطبيق الدوام المختلف ومثل ما قلت الزحمة غير طبيعيه عندنا وهذه يعتبر حل جزئي فب الصباح وان شاء الله تكون حلول لزحمة المساء في كل انحاء الدوحه

[بوحارب]

الشوارع كلها دواوير وين تبي الزحمه تخف مافيه امل

[السد]

اخوي السد اقتراح جميل وبصراحه خلاني افكر في تطوير اقتراحك بطريقتي

وهو تغيير اوقات الدوام في المدارس من الساعه 6 الين الساعه 1 او من الساعه 8 الين الساعه 3

لان وقت الذروة بالنسبه لجميع العاملين في القطاع الحكومي بين الساعه 1 ونص والساعه 2

نحن في هذا الموضوع نقترح لتخفيف الزحمة جزئيا
لجين استكمال باقي الاعمال

[خبير أسهم]

انا من راي ان ادارة المرور تمنع الشاحنات من 6.30 - 7.30

من 1.30 - 3

انا في نظري ان الشاحنات سبب الزحمة تلقاهم في كل مكان

[الصغيره]

المقيمين نوسع لهم

هو يسوق
زوجته تسوق
اعياله يسوقون
بناته يسوووقون وكم مقيم واحنا لازم نوسع لهم ليه ما يتم تقنين الرخص السواقه للمقيمين واللي جاي على الشركه الشركه تتكفل بتنقله واهله المواصلات العامه

تعبنا وربي

[Bozizoo]

انا مع تطوير الشوارع
وليس مع تغيير مواعيد المدارس

[بيرق_المجد]

الحل يخلون الدوام الساعه 8 والمدارس على ماهو على شان زحمت المدارس ماتكون في وقت دوام الموظفين ادري الى بيقولى عيالى في كل مكان بس هذا افضل ترتيب

[M O H D]

الشوارع كلها دواوير وين تبي الزحمه تخف مافيه امل

حتى بدون الدواوير يا بوحارب زحمه !
اليوم حادث على جسر سوق العلي وبسبة الحادث الزحمه واصله لين جسر الشمال :weeping:
وحتى بدون حوادث زحمه وبالتحديد عند المخارج .. مخرج دوار جسر الشمال ومخرج اشارات اللاند مارك
الله المستعان

[السد]

انا مع تطوير الشوارع
وليس مع تغيير مواعيد المدارس

حتى نحن مع تطوير الشوارع
لكن تغيير موعد المدارس نتمنى تطبيقه ولو جزئياً

[راسي براسك]

فكره غير مدروسه جيداً ,,

المواعيد وتغييرها لن يجدون بشي نافع !

رايي الشخصي

[AHLAM222]

المشكلة مو في الدوارات والجسور المشكلة في عدم وعي الناس لطريق المختصر
يعني ناس تبي تروح الدوار المايل او العكس المرخيةتروح من دوار الجوازات وما يستخدمون النفق وتنطر دقايق طويلة والحين مع بدا الاشارات على الدوار الزحمه راح تتضاعف والنفق تحت نادر ما يستخدم خلال اليوم

ومشكلة الفتره الصباحية نشوف الزحمه واصله لداخل النفق رغم ان المفروض وجود النفق يخفف هالزحمه لكن مشكلتنا نهاية النفق ما يستوعب الكم الهائل من السيارات اللي جاية من داخل النفق بسبه اشارات الدوار اللي المفروض نتخلص منها اول نحولها لاشارات ذكية يعني الفتره الصباحية الشوارع فاضيه واحنا ننطر ما نقدر نتحرك لان الاشاره حمرا !
واداره المرور تقول كل اشارات الدوحه ذكية ؟ وين الذكاء فيها واهي حمرا و3 خطوط فاضية ومولعه خضرا ؟

[كلنا قطر 1981]

((الحل مو تنسيق بين من يداوم اول

الحل عمل جسور ولنفاق وشوارع هاي وي والغاء الدورات والاشارات

كيف يدمج الدوارات والاشارات والشرطي وكاننا من ايام الستينات

مشكلتنا وضعنا العربه امام الخيول ولم نضع الخيول امام العربه

مشكلتنا اهتمينا في الجامعات والملاعب واستضافه البطولات وتركنا

الطرق والشوارع حتى صارت مشاويرنا تاخذ بالساعات

دبي كل فتره عاملين طرق جديده وانفاق وجسور

وللاسف شوارعنا نفسها من ايام الثمانينات والسيارات تزيد

وعدد السكان يزيد ومفتوح الباب على مصراعيه لمن هب ودب ياخذ ليسن

وكروه معدودين على الاصابع وصارت شوارعنا مسرح لكل غشيم يتعلم السواقه

فيها واللكل ساق والسيارات تزيد والشوارع نفسها بدون التفكير في عمل جسور

وانفاق لن تحل مشكله الزحمه عندنا وكل وقت يمر تزيد المشكله تعقيدا ))

نعم الراي و اتفق وياك اخوي الخفي بالاقتراح :victory: