المساعد الشخصي الرقمي

مشاهدة النسخة كاملة : تأشيرة الشنغن (الفيزا) ؟؟؟


المحاميه
22-01-2012, 04:50 PM
السلام عليكم


عندي سؤال بسيط هل ممكن اطبع الفورم من النت واعبيه وعقب اوديه السفاره؟ اذا كان الجواب ايه ..

ياريت حد يعطيني رابط الفورم الصحيح .. لان لاحظت ان في نوعين من الشنغن فيزا وماعرفت اي وحده المعتمده الحين ...


أنا حصلت هالفورم ولكن ماعرف اذا صحيحه ولا لا

http://www.vfs-austria.co.in/pdf/Schengen_Visa_Application_Form.pdf

أو هذي

http://www.ambafrance-qa.org/IMG/pdf/formulaire_demande_visa-2.pdf


وشكراً
Right
22-01-2012, 05:07 PM
السلام عليكم ورحمة الله وبركاته



حبيت أفيدج من تجربتي في الحصول على فيزا الشنغن من السفارة الألمانية



يا " المحاميه " لا ما يصيير تطبعين أي فورم من النت



لازم يكون فورم خاص مثلاً بالسفارة الألمانية إلي في قطر



لذلك تفضلي هذا الفورم الأصلي لموقعهم وإلي إستخدمته أنا سابقاً عند سفري لألمانيا



دشي عليه وعبي الفورم وأمورج طبية إن شاء الله



وإذا بخاطرج أي سؤال فأنا حاضر بــ إلي أعرفه



إضغطي هنا (http://www.doha.diplo.de/Vertretung/doha/en/02/Botschafter__und__Abteilungen/Konsularabteilung/Antrag_20auf_20Schengenvisum.html)




تروحين وتردين بالسلامة إن شاء الله
المحاميه
22-01-2012, 05:16 PM
ماقصرت اخوي بس انا مابي اسافر المانيا افكر فالنمسا .. عادي ولا في مشاكل؟

لان اعرف ان الشنغن حق كل اوروبا
المحاميه
22-01-2012, 05:21 PM
اوكي يعني عادي أطبع ذي وأعبيه .. ؟

زين أخذ موعد قبل لاروح السفاره ولا اروح عالطول؟

ولازم كل شخص يبي يسافر يروح حق البصمه ولا شلون .. ؟

اعذرني اول مره افكر اطلع هالفيزا
سلامي للكل
22-01-2012, 05:33 PM
وعليكم الســلام ورحمــة الله وبركاته

اختي هذا ردي لاحد الاعضــاء اتبعيه وان شاء الله امورج في السليم

وفالج التوفيــق





الســلام عليكم ورحمــة الله وبركاته

بالنسبـة لفيــزة الشــنغـن

نصيحــة لك ومن مجــرب مافي احســن من السفـارة الفرنسية (طبعاً اذا الجنسيــة قطــري) ولاداعي للسفريات لان الموضوع مايبغي له شي والسفريات ياخذون ع الجواز الواحد بحدود 200-300 طبعا غير رسوم الفيزا للسفارة

اتبعــوا الخطوات وان شاء الله اموركم طيبة

تعبئة الطلب + عدد صورة او 2 خلفية بيضـة + حجـز تذكــرة + حجــز فنــدق + تاميــن صحي + 300 ريال رسوم الفيــزا بالاضافة لحضــور الشخص عند التقديـم

يفضــل يكون الجــواز مدة صلاحيته طويلة وعلى فكــرة ممكــن تاخذون التاشيــرة لمدة اربع سنــوات

والجواز ما يطول عندهم بنفس اليوم او اليوم الثاني على طــول (قبل الصيف والزحمة الحق)

ملاحظة: يجب اخذ موعــد من السفارة الفرنسية وهذا اللنك لاخــذ الموعـد
https://pastel.diplomatie.gouv.fr//rdv-internet/html/frameset/frameset.html?lcid=1&sgid=099&suid=1

طلب الفيــزا موجود ع هالموقع
http://www.ambafrance-qa.org/spip.php?article413

بالنسبـة لحجز الطيران: طريقة سهلة وبلاش ومايحتاج تدفع ولا ريال لاي مكتب سفريات

اتصلوا على القطــرية واحجزوا تذكرة دوحة باريس دوحة, باي تاريخ يعجبكم وبعدها قولوا للموظف انه يرسل نسخة من الحجز على الايميل الشخصي, وبعدها اطبعوا الحجز واموركم طيبة.

بالنسبة لحجز الفندق: ادخلوا على موقع بوكينك واعملوا حجز لاي فندق في فرنسا (بنفس تواريخ حجز التذكرة) بس بشرط اختاروا الفنادق الي من شروطها (الغاء الحجز مجاناً) وبعد ماتحجزوا سيتم ارسال لكم الحجز اطبعوه واموركم طيبة. (للحجز محتاج فيزا كارت)
وادخلوا على حجزكم ثاني يوم وكنسلوه

بالنسبــة للتاميــن الصحي: اذا عندكم تاميــن صحي من مكان شغلكم صورة من البطاقة تكفي واذا لا مكاتب السفريات تعطيك تامين صحي للسفـر بـ 70 ريال اكثر اقل واموركم طيبة.

ولاتنســون ان تعبون الفورم على اساس انكم رايحين فرنسا وتحطون التواريــخ المطابقة للتذكرة والفنــدق

واتمنى اني افدتكم ولو بقليل

ترى انا مقدم ع الفيــزا من شهـر واشوي وعطوني 4 سنوات مده التاشيــرة ونفس الشي من قبل الاهل

وبالتوفيــق
المــزن*
22-01-2012, 05:33 PM
أنا سويت الفيزا قبل اسبوع في السفارة الفرنسية

وهذا الطلب الي عبيته

http://www.vfs-austria.co.in/pdf/Schengen_Visa_Application_Form.pdf

بدون موعد ،، ولازم حضور الاشخاص عشان البصمة ماعدا الأطفال

اخذي معاج، لكل شخص:

الطلب +التذاكر + حجز الفنادق+ الجواز + التأمين الصحي+ صورتين شخصية بخلفية بيضة


وفيزا شنغن حق أوروبا ماعدا بريطانيا

وبس
Right
22-01-2012, 05:37 PM
اوكي يعني عادي أطبع ذي وأعبيه .. ؟

زين أخذ موعد قبل لاروح السفاره ولا اروح عالطول؟

ولازم كل شخص يبي يسافر يروح حق البصمه ولا شلون .. ؟

اعذرني اول مره افكر اطلع هالفيزا





عادي ... خذي راحتج بالأسئلة



بالنسبة لتجربتي مع السفارة الألمانية لا يتطلب موعد مسبق ولا يتطلب أخذ بصمة



مادري هل هالـــ فورم مناسب لأخذ فيزا الشنغن للدخول النمسا أم لا ؟؟



لذلك يجب التأكد من ذلك بالإتصال



بـــ سفارة ألمانيا على هذه الأرقام

44876959

44082300
مخطط قطري
22-01-2012, 06:32 PM
اتفق مع العضو الكريم سلامي للكل
صحيح انا بعد سويتها عند الفرنسيه معامله محترمه وطيبين وياخذون يعطون وياك
وسوي نفس الاجراءت الي قالج عنها سلامي للكل
وانا قدمت عليها الصبح واستلمتها العصر
و5 سنوات مده صلاحيه الجواز لاني كنت توني مجدده
وكل الي دفعته ماعدى 350 ريال
في حين الشنغن القديم الي عن طريق السفاره الالمانيه كان بتقريبا 1000 ريال وسنتين
بس عن طريق مراسل لوعو جبدي كل ساع ورادينه لي يبون طلبات يديده وخذت تقريبا اسبوع او 10 ايام لين خلصت
بس الحسنه الوحيده في الالمانيه انك لاتشوفهم ولا تمر عليهم يعني المراسل كافي عنك العباله
بس الفرنسيه لازم تروح عشان البصمه وهذا شي سهل مب صعب:)
المحاميه
23-01-2012, 12:11 AM
الابلكيشن تبع سفارة فرنسا غير عن المانيا

والله مادري

عالعموم شكرا عالتفاعل