تسجيل الدخول

مشاهدة النسخة كاملة : استفسار بخصوص بورش بناميرا...2012؟؟؟؟؟؟؟؟؟


لاجل QT
22-01-2012, 05:52 PM
السلام عليكم:)

حابة استفسر عن البورش بناميرا 2012 من حيث مزايا السيارة ومساوئها؟؟ وهل في فرق بين الاسعار في قطر والاسعار في السعودية؟؟؟



رأيكم يهمنا:shy:
رآعي موآجيب
22-01-2012, 06:12 PM
يازين البنميرا :nice: لوكانت تروح العزبه وتشيل الحلال مثل الحوض كنت خذيت بنميرا :eek5::victory::tease:

شوفي ،، البنميرا سياره كلها مزايا ورفاهيه وتميز وفخامه ولا نقدت عليها إلا وقت دخول السياره والخروج منها ، احس بصعوبه لأنه مصممه على قصة السبورت اكثر وكراسيها نازله تحت بزياده

هذا هو عذروبها الفني الوحيد وبيكون هالعذروب مضاعف بالأستخدام النسائي

اما بالنسبه للسعر ففعلا الأسعار جدا غاليه خصوصا في فئة الأس والتيربو

وحتى البنميرا العاديه غاليه ، لكن إذا فكرت فيها شوي ما الومهم دام وكالات سيارات القراطيس والشينكو سياراتهم العاديه واللي دون المستوى من 300 الف وطالع :omen2:

المهم السياره ما عليها كلام لولا مركبها وسعرها الغالي ، واللي يفكر في البنميرا بس يحاتي سعرها ارخص في السعوديه وإلا قطر , ينسى الموضوع وياخذ جولة تعديل علاقات في برج الحبيب اللي كاسر ظهورنا :funny:
لاجل QT
22-01-2012, 06:23 PM
يازين البنميرا :nice: لوكانت تروح العزبه وتشيل الحلال مثل الحوض كنت خذيت بنميرا :eek5::victory::tease:

شوفي ،، البنميرا سياره كلها مزايا ورفاهيه وتميز وفخامه ولا نقدت عليها إلا وقت دخول السياره والخروج منها ، احس بصعوبه لأنه مصممه على قصة السبورت اكثر وكراسيها نازله تحت بزياده

هذا هو عذروبها الفني الوحيد وبيكون هالعذروب مضاعف بالأستخدام النسائي

اما بالنسبه للسعر ففعلا الأسعار جدا غاليه خصوصا في فئة الأس والتيربو

وحتى البنميرا العاديه غاليه ، لكن إذا فكرت فيها شوي ما الومهم دام وكالات سيارات القراطيس والشينكو سياراتهم العاديه واللي دون المستوى من 300 الف وطالع :omen2:

المهم السياره ما عليها كلام لولا مركبها وسعرها الغالي ، واللي يفكر في البنميرا بس يحاتي سعرها ارخص في السعوديه وإلا قطر , ينسى الموضوع وياخذ جولة تعديل علاقات في برج الحبيب اللي كاسر ظهورنا :funny:

تبي تشيل غنم في البناميرا:eek5:

ماعلينا:(

سعرها 400 الف اشوف مناسب ان اخذ المانى رزة احن من التيوتا اللى صارت مقاربة للهالاسعار:(

والسيارة النازلة اكشخ بس الله يعين الطوال على الدخلة والطلعة منها:(

شكرا على المعلومات الطيبة

اعتبرك اول مشجع لى انى اخذها:nice:

غيروة:telephone::)
hamad almohd
22-01-2012, 06:34 PM
البانميرا سيارة كشخه ورزه من جميع النواحي وفخمه وانصحج اختي انج تتوكلين على الله وتاخذينها بس مثل ماقال اخوي راعي مواجيب مشكلت كراسيها نازله وصعبه شوي فالركوب والنزول انا وايد حبيتها بس المشكله اني اعاني شوي لانها ماتنفع حق الطوال :) بس حق الحريم وايد حلوه ومناسبه والله يوفقج فيها ان خذتيها
لاجل QT
22-01-2012, 06:41 PM
البانميرا سيارة كشخه ورزه من جميع النواحي وفخمه وانصحج اختي انج تتوكلين على الله وتاخذينها بس مثل ماقال اخوي راعي مواجيب مشكلت كراسيها نازله وصعبه شوي فالركوب والنزول انا وايد حبيتها بس المشكله اني اعاني شوي لانها ماتنفع حق الطوال :) بس حق الحريم وايد حلوه ومناسبه والله يوفقج فيها ان خذتيها

عادي نتحمل :)باتقلقص فيها..دام هي اللى في الخاطر:shy:

ويوفقك اخوي مشكور على التشجيع نمبر2:)

غيروة:telephone::)
رآعي موآجيب
22-01-2012, 06:50 PM
الظاهر انتي ناويه عليها بس تبين حد يقول ايه اخذيها ;)

بالتوفيق ان شاء الله

إذا بتاخذينها جديده من الشركه اخذي السعر من الموظف ولا تخلصين المعامله ، فيه رجال بحريني مدير المبيعات ناسي اسمه ، لكنه رجال محتتتترم جداً وخدوم واللي يجيه يطلع راضي ، ويعطي خصومات جداً ممتازه

والله يعطيش من خيرها ويكفيش شرها وأبعدي من الألوان الغامقه في البنميرا ، ترى كل ما فتح لونها كل ماكانت افخم :victory:
لاجل QT
22-01-2012, 06:54 PM
الظاهر انتي ناويه عليها بس تبين حد يقول ايه اخذيها ;)

بالتوفيق ان شاء الله

إذا بتاخذينها جديده من الشركه اخذي السعر من الموظف ولا تخلصين المعامله ، فيه رجال بحريني مدير المبيعات ناسي اسمه ، لكنه رجال محتتتترم جداً وخدوم واللي يجيه يطلع راضي ، ويعطي خصومات جداً ممتازه

والله يعطيش من خيرها ويكفيش شرها وأبعدي من الألوان الغامقه في البنميرا ، ترى كل ما فتح لونها كل ماكانت افخم :victory:

تبي الصج اي:shy:

كان على اللون خاطري في البيضة وداخل احمر مولع :rolleyes2:

ومشكور على الدعوة الطيبة:shy:
خليفـة
22-01-2012, 08:19 PM
الموتر رزة .. وكشخه .. ورزة
ويستاهل قيمته

عليج بالعافية
وهذي هدية بسيطة ومتواضعه مني لج
:nice:

http://up.3ros.net/get-1-2012-2k0kwb8n.jpg (http://up.3ros.net)
غايه الطواش
22-01-2012, 08:30 PM
عليج بالعافيه in advance :shy:
hamad almohd
22-01-2012, 11:18 PM
ابيض ويكون لؤلؤي ومن داخل احمر ورنقات رماديه قمة الكشخه :) اختيارج احلا لون على البناميرا
الجوهره 2012
23-01-2012, 03:08 AM
حياتي احب اقولج مبروك مقدما :victory:

السياره روعه واستعمالها اروع وفعلا نفس ماقلتي مافي فرق اللحين بين التويوتا والالماني فالسعر عالاقل ناخذ الاكشخ....

وياليتج بس تشوفين اللي عندنا في امريكا ارخاص وفرق كبير بالسعر :weeping:.. صج حسيت انهم قاصين علينا بالدوحه :sneaky:

واهم شي لاتنسين تستخيرين خل ربي يوفقج باختيار السياره المناسبه ان شاءالله :nice:

وحاسبي يالغاليه تاخذين مستعمله لاني حسيت مافيهم ذمه بصراحة من موقف صار معي الله يستر عليهم بس :sorry:



بالتوفيق ولما تاخذينها لاتنسين تمرين علي وتعزميني على عصير :dance


اختج /
الجوهره
لاجل QT
23-01-2012, 04:13 AM
الموتر رزة .. وكشخه .. ورزة
ويستاهل قيمته

عليج بالعافية
وهذي هدية بسيطة ومتواضعه مني لج
:nice:

http://up.3ros.net/get-1-2012-2k0kwb8n.jpg (http://up.3ros.net)

مشكور اخوي خليفةعلى الصورة:)

بس من داخل حبيتة احمر مولع مو اسود:shy:

الموتر دش خاطري:shy:
بو خليفه 123
23-01-2012, 08:34 AM
موتر حلو و ميزة الـ 2012 ممكن تختارين كراسي الـ Comfort بدال السبورت وهي مريحه للاستخدام اليومي اكثر

البانميرا ممكن تطلبين 6 سلندر و عليها بودي كت التيربو مع الرنقات لكن بتكون سواقتها وعره جداً و لازم تحاسبين من كل حفره و مطبه لأن مقاس الرنقات بيكون 20 إنش (حساسه جداً)

اذا تبغين قوه و ردة فعل من السياره و انتي من الحريم الي يحبون يسابقون :anger1: انصحك تاخذين الـ بانميرا 4s قويه و البودي كت منها و فيها و بالنسبه لي احلى بانميرا انزلت في الفئات الاربع

ما اتوقع الوكاله يبيعون من داخل جلد أحمر الي اعرفه انه بيج , اوف وايت , رمادي , أسود الا اذا انتي بتودينها مكان مختص يغير لك الجلد , و ما انصح في هالشيء .. و بعدين اللون الاحمر يتلعوز مع العبايه بسرعه , انصحك تاخذين اسود من داخل و من الخارج عنابي او لؤلؤي و رنقات سوده :nice: و بالنهايه الموتر موترك والاختيار بيكون اختيارك ..
Amal_QTR
23-01-2012, 09:03 AM
سمعت ٢٠١٣ بيغيرون الليتات الاماميه .. تاكدي
انا خاطري فيها
بس ابي اسوي تيست درايف اشوف تشد حفر شوارع الدوحه ولا لا
Amal_QTR
23-01-2012, 09:06 AM
موتر حلو و ميزة الـ 2012 ممكن تختارين كراسي الـ Comfort بدال السبورت وهي مريحه للاستخدام اليومي اكثر

البانميرا ممكن تطلبين 6 سلندر و عليها بودي كت التيربو مع الرنقات لكن بتكون سواقتها وعره جداً و لازم تحاسبين من كل حفره و مطبه لأن مقاس الرنقات بيكون 20 إنش (حساسه جداً)

اذا تبغين قوه و ردة فعل من السياره و انتي من الحريم الي يحبون يسابقون :anger1: انصحك تاخذين الـ بانميرا 4s قويه و البودي كت منها و فيها و بالنسبه لي احلى بانميرا انزلت في الفئات الاربع

ما اتوقع الوكاله يبيعون من داخل جلد أحمر الي اعرفه انه بيج , اوف وايت , رمادي , أسود الا اذا انتي بتودينها مكان مختص يغير لك الجلد , و ما انصح في هالشيء .. و بعدين اللون الاحمر يتلعوز مع العبايه بسرعه , انصحك تاخذين اسود من داخل و من الخارج عنابي او لؤلؤي و رنقات سوده :nice: و بالنهايه الموتر موترك والاختيار بيكون اختيارك ..



انا عندي اكس ٦ و قمه في الوعاره ( مادري اصلا اذا هذي كلمه حتى :tease: )
و اللي سمعته ان البانيميرا وعره .. و هالشي شوي خلاني ااجل الموضوع
لاعت كبدي وانا احس بكل حفره فالشارع
vxr 5.7
23-01-2012, 10:52 AM
آختي لهآ آنوآع .

آحلى نوع الآس طبعآ آقل خربآت وتصلح لج لآن الـ6 مب شى والتيربو ، مآرآح تتطيرين آنتي فالدوحه الشوارع فيهآ رآدآرآت وكل 6 متر رآدآر فـ آحلى شى الاس آخذيها من وكآلة البورش الى عند شآرع المطآر ـ البرآق سمعت عليهآ تنزيل اسعـآر
M O H D
23-01-2012, 10:58 AM
السياره حلوه وماعليها كلام
بس عيبها وعره جدآ و الوكيل لج عليه شوي
انصحج بالبي ام الجديده
الفئه السادسه البابين
نفس فئة البانميرا والسياره حلوه جدآ ومواصفاتها حلوه
سعرها من 360 تقريبآ وطالع
واعتقد تقدرين تحجزينها من الحين
لاتنسين ان السياره معاها كونتراكت سيرفس 3 او 5 سنين
يعني صيانه مجانيه لمدة 3 او 5 سنوات
وهالشي مب موجود فالبورش
هذي صورتها
bmw 6 series gran coupe
http://cache.jalopnik.com/assets/images/12/2011/12/e8e41ecccc34dcb54fef741bd3259d24.jpg
وبالتوفيق مقدمآ
لاجل QT
23-01-2012, 01:30 PM
عليج بالعافيه in advance :shy:

الله يعافيج مرسي على المرور
لاجل QT
23-01-2012, 01:33 PM
ابيض ويكون لؤلؤي ومن داخل احمر ورنقات رماديه قمة الكشخه :) اختيارج احلا لون على البناميرا

:rolleyes2:

كانك توصف سويت طعمة ولا اروع يسيل لة اللعاب:swoon:

اتمنى احصل المواصفات اللى ابيها:shy:
لاجل QT
23-01-2012, 01:37 PM
حياتي احب اقولج مبروك مقدما :victory:

السياره روعه واستعمالها اروع وفعلا نفس ماقلتي مافي فرق اللحين بين التويوتا والالماني فالسعر عالاقل ناخذ الاكشخ....

وياليتج بس تشوفين اللي عندنا في امريكا ارخاص وفرق كبير بالسعر :weeping:.. صج حسيت انهم قاصين علينا بالدوحه :sneaky:

واهم شي لاتنسين تستخيرين خل ربي يوفقج باختيار السياره المناسبه ان شاءالله :nice:

وحاسبي يالغاليه تاخذين مستعمله لاني حسيت مافيهم ذمه بصراحة من موقف صار معي الله يستر عليهم بس :sorry:



بالتوفيق ولما تاخذينها لاتنسين تمرين علي وتعزميني على عصير :dance


اختج /
الجوهره

كل شي برة ارخص :weeping:

يلا جوجو برزي عمرج حق افتر فيج:nice:

كنيبى ماراح اطلع ابها الا لين تتصلح الشوارع ونفتك من نظام المطبات الغثيث:(

مافي شي غير المطبات لتخفيف السرعة :anger1: حتى الفراويل تكسرت:weeping:
لاجل QT
23-01-2012, 01:39 PM
موتر حلو و ميزة الـ 2012 ممكن تختارين كراسي الـ Comfort بدال السبورت وهي مريحه للاستخدام اليومي اكثر

البانميرا ممكن تطلبين 6 سلندر و عليها بودي كت التيربو مع الرنقات لكن بتكون سواقتها وعره جداً و لازم تحاسبين من كل حفره و مطبه لأن مقاس الرنقات بيكون 20 إنش (حساسه جداً)

اذا تبغين قوه و ردة فعل من السياره و انتي من الحريم الي يحبون يسابقون :anger1: انصحك تاخذين الـ بانميرا 4s قويه و البودي كت منها و فيها و بالنسبه لي احلى بانميرا انزلت في الفئات الاربع

ما اتوقع الوكاله يبيعون من داخل جلد أحمر الي اعرفه انه بيج , اوف وايت , رمادي , أسود الا اذا انتي بتودينها مكان مختص يغير لك الجلد , و ما انصح في هالشيء .. و بعدين اللون الاحمر يتلعوز مع العبايه بسرعه , انصحك تاخذين اسود من داخل و من الخارج عنابي او لؤلؤي و رنقات سوده :nice: و بالنهايه الموتر موترك والاختيار بيكون اختيارك ..

ههههههه

لا ماحب اتسابق ابشرك:nice:

حدي 100 واحس انى طايرة:shy:

عاد انا خاطري داخل احمر وبرة ابيض:shy:انشالله القى:weeping:
لاجل QT
23-01-2012, 01:44 PM
سمعت ٢٠١٣ بيغيرون الليتات الاماميه .. تاكدي
انا خاطري فيها
بس ابي اسوي تيست درايف اشوف تشد حفر شوارع الدوحه ولا لا

تيست درايف :)والله فلة :)

شوفو عاد اذا بنحرم نفسنا من سيارة في الخاطر على شان الحفر والمطبات ابشركم انكم عمركم ماراح تركبون سيارات كشخة:)

لان موضوع الحفر امر مفروغ منة ولا عمرة راح يتصلح:nice:

عيشو حياتكم:nice:
لاجل QT
23-01-2012, 01:47 PM
انا عندي اكس ٦ و قمه في الوعاره ( مادري اصلا اذا هذي كلمه حتى :tease: )
و اللي سمعته ان البانيميرا وعره .. و هالشي شوي خلاني ااجل الموضوع
لاعت كبدي وانا احس بكل حفره فالشارع




في اقتراح اخذوة من الفقيرة لله:shy:

خلو السيارة الكشخة للطلعات الكشخة:victory:

والايام العادية مافي غيرك يالكروزر:victory:المنقذ:rolleyes2:
لاجل QT
23-01-2012, 01:50 PM
آختي لهآ آنوآع .

آحلى نوع الآس طبعآ آقل خربآت وتصلح لج لآن الـ6 مب شى والتيربو ، مآرآح تتطيرين آنتي فالدوحه الشوارع فيهآ رآدآرآت وكل 6 متر رآدآر فـ آحلى شى الاس آخذيها من وكآلة البورش الى عند شآرع المطآر ـ البرآق سمعت عليهآ تنزيل اسعـآر

يسون تنزيلات على السيارات والله خوش شي..اخبر في خصم بس...لنا جولة انا والغالين على الوكالات:nice:
لاجل QT
23-01-2012, 01:53 PM
السياره حلوه وماعليها كلام
بس عيبها وعره جدآ و الوكيل لج عليه شوي
انصحج بالبي ام الجديده
الفئه السادسه البابين
نفس فئة البانميرا والسياره حلوه جدآ ومواصفاتها حلوه
سعرها من 360 تقريبآ وطالع
واعتقد تقدرين تحجزينها من الحين
لاتنسين ان السياره معاها كونتراكت سيرفس 3 او 5 سنين
يعني صيانه مجانيه لمدة 3 او 5 سنوات
وهالشي مب موجود فالبورش
هذي صورتها
bmw 6 series gran coupe
http://cache.jalopnik.com/assets/images/12/2011/12/e8e41ecccc34dcb54fef741bd3259d24.jpg
وبالتوفيق مقدمآ

صعبتها على :(

انا محتار بين 3 سيارات اصلن المرسدس والبي ام والبنميرا:rolleyes2:

اللى باقتنع فيها هي اللى انشالله باخذها:shy:

اهم شي في السيارة تكون راكبة على:)

هذي كل المشكلة:shy:
Khaled Qatar
23-01-2012, 02:06 PM
البورش وكالتهم تعبانه

مالك غير الفردان
لاجل QT
23-01-2012, 02:09 PM
البورش وكالتهم تعبانه

مالك غير الفردان

ممكن توضح اكثر من اي ناحية اخوي الوكالة تعبانة
لاجل QT
23-01-2012, 02:14 PM
مدري احس في رد كان موجود عقب صار مونتاج لة واختفي مثل الينانوة:eek5:

مدري كان رد بو حارب ولا انا حلمانة:tease:

حتى قال زبو بنات وشي من هذا القبيل :rolleyes2:مدري كانى حلمانة مدري صج:discuss:

عيارة شافت الرد الصبح بس تعيير:p
غايه الطواش
23-01-2012, 02:22 PM
صعبتها على :(

انا محتار بين 3 سيارات اصلن المرسدس والبي ام والبنميرا:rolleyes2:

اللى باقتنع فيها هي اللى انشالله باخذها:shy:

اهم شي في السيارة تكون راكبة على:)

هذي كل المشكلة:shy:

انا مثلج كنت محتاره بين هالثلاث سيايير بس بورش فوريل
جربتهم البي ام اكس سكس وايد وعره ونفس الشي البورس
فتوكلت ع الله وخذت مرسدس
وسمعت كلام وايد حفر ولا تاخذين وووو بس خذت الي في خاطري وطلبتها ع الخاطر وتميت 6 شهور استلمتها
يحليلها بنتي :)

:shy:
بو خليفه 123
23-01-2012, 02:29 PM
اهم شي في السيارة تكون راكبة على:)

:shy:



همر :shy:
لاجل QT
23-01-2012, 02:34 PM
انا مثلج كنت محتاره بين هالثلاث سيايير بس بورش فوريل
جربتهم البي ام اكس سكس وايد وعره ونفس الشي البورس
فتوكلت ع الله وخذت مرسدس
وسمعت كلام وايد حفر ولا تاخذين وووو بس خذت الي في خاطري وطلبتها ع الخاطر وتميت 6 شهور استلمتها
يحليلها بنتي :)

:shy:

امممم مافي الا امر على الوكلات واشوف اللى لة الخاطر يهلي:)
لاجل QT
23-01-2012, 02:37 PM
همر :shy:

ههههه
فكرت فيها العام ابيض من برة ومن داخل بعد احمر مولع:p

بس مليت من الفرويل ابي اغير سبورت:shy:
بو خليفه 123
23-01-2012, 02:44 PM
لأجل

المشكله الوكالات نعاني معها كـ مستهلكين للسيارات


الاودي (بوزوير)

المرسدس ( ناصر بن خالد)

البي ام / الرنج روفر / جاغوار (الفردان)

البورش (الدرويش)


كل ماذكر اعلاه خدمتهم تعيسه و اقل من المستوى العادي (مقابل المبلغ الي تدفعينه في سيارتهم)

والآن السيرفس كونتراكت الي يقدمه الفردان (الي ماخذ سعره في سعر السياره مسبقاً) صارت تقدمه وكالة المرسدس والاودي فـ اصبحت العروض متساويه ..

السيرفس كونتراكت : يشمل ضمان السياره على القير والمكينه و تشييك السياره من أول الى آخر برغي "حسب الاتفاق"

السي إل إس الجديده حلوه و متطوره و نسائيه و كشخه و ارخص من البورش ..



لا تنسين إن تأمين البانميرا 25 ألف .. :rolleyes2:
غايه الطواش
23-01-2012, 03:03 PM
cls لون فضي مطفي رهيب سمعي شوري :)
بو خليفه 123
23-01-2012, 03:06 PM
cls لون فضي مطفي رهيب سمعي شوري :)

المطفي على الـ 63 فقط

إسمه Ash Grey

سعره 590 ألف


و من داخل أحمر يا لأجل ان كان هالشيء بيطيب خاطرك
غايه الطواش
23-01-2012, 03:12 PM
مايصير اوردر يعني !!!
بو خليفه 123
23-01-2012, 03:16 PM
اوردر من الوكاله صعبه لـ فئة ال 350 وال 500

لأن ناصر بن خالد يطلبون من كل بستان زهره

يعني أسود , رمادي , ابيض , عنابي من فئة الـ 350 و الـ 500

اما الـ 63 يتميز بالالوان المطفيه قبل ان يتم سماحها بالمرور كانت تباع في هذه الفئه و يتم تسجيلها بالمرور و يطلق عليها إسم Street Legal

مثل الفضي المطفي , اللؤلؤي المطفي .. الخ الخ
لاجل QT
23-01-2012, 03:53 PM
لأجل

المشكله الوكالات نعاني معها كـ مستهلكين للسيارات


الاودي (بوزوير)

المرسدس ( ناصر بن خالد)

البي ام / الرنج روفر / جاغوار (الفردان)

البورش (الدرويش)


كل ماذكر اعلاه خدمتهم تعيسه و اقل من المستوى العادي (مقابل المبلغ الي تدفعينه في سيارتهم)

والآن السيرفس كونتراكت الي يقدمه الفردان (الي ماخذ سعره في سعر السياره مسبقاً) صارت تقدمه وكالة المرسدس والاودي فـ اصبحت العروض متساويه ..

السيرفس كونتراكت : يشمل ضمان السياره على القير والمكينه و تشييك السياره من أول الى آخر برغي "حسب الاتفاق"

السي إل إس الجديده حلوه و متطوره و نسائيه و كشخه و ارخص من البورش ..



لا تنسين إن تأمين البانميرا 25 ألف .. :rolleyes2:

اي ادري التامين:weeping:

ومشكور على المعلومات الطيبة
لاجل QT
23-01-2012, 03:55 PM
cls لون فضي مطفي رهيب سمعي شوري :)

حلو الذهبي هابين فية:)

بس اموت في الحمر:shy:

انا باروح وباشوف اللي بياخذ قلبي باروحلة مغمضة:shy:
hamad almohd
23-01-2012, 06:28 PM
:rolleyes2:

كانك توصف سويت طعمة ولا اروع يسيل لة اللعاب:swoon:

اتمنى احصل المواصفات اللى ابيها:shy:

ههههههههههه لازم هاي الوصف الي يطيب الخاطر

موفقه اختي
hamad almohd
23-01-2012, 06:32 PM
تيست درايف :)والله فلة :)

شوفو عاد اذا بنحرم نفسنا من سيارة في الخاطر على شان الحفر والمطبات ابشركم انكم عمركم ماراح تركبون سيارات كشخة:)

لان موضوع الحفر امر مفروغ منة ولا عمرة راح يتصلح:nice:

عيشو حياتكم:nice:

كلامج سليم وانا اشاركج الراي الواحد ليش يحرم نفسه من الكشخه عشان الحفر ؟؟
ترا سواقة الألماني قمت المتعه سيفتي وقوه وامان ويسوى سعره حتى لو كان غالي
مضاربه
23-01-2012, 06:43 PM
انا في خاطري البانيميرا بس متعوذه من ابليس لين ابتدي بالبنيان واخلص بس اذا انتي في خاطرج لاتخلينها ترى البورش سواقتها متعه انا ماجربت الصالون الي عندي فورويل بس العيب الوحيد السيرفز غالي جدا وبعدين اي شي يخرب مايهتمون يقولون لج بدليه حتى مايحاولون يصلحونه خاصه اذا شافو بنت تحياتي لج
بوحارب
23-01-2012, 11:00 PM
هاه لأجل قطر بشري متى بتروحين الشركة تاخذين الموتر

والفلوس كاش ولا اقساط ههههههه
لاجل QT
24-01-2012, 04:18 AM
ههههههههههه لازم هاي الوصف الي يطيب الخاطر

موفقه اختي

الله يوفق الجميع:)
لاجل QT
24-01-2012, 04:23 AM
كلامج سليم وانا اشاركج الراي الواحد ليش يحرم نفسه من الكشخه عشان الحفر ؟؟
ترا سواقة الألماني قمت المتعه سيفتي وقوه وامان ويسوى سعره حتى لو كان غالي

اتفق معك بس من ناحية سيفتى امممم هذي سيارات دلوعة مااعتقد واايد مثل الفرويل ..تحس انك داخل كبت :eek5:
لاجل QT
24-01-2012, 04:27 AM
انا في خاطري البانيميرا بس متعوذه من ابليس لين ابتدي بالبنيان واخلص بس اذا انتي في خاطرج لاتخلينها ترى البورش سواقتها متعه انا ماجربت الصالون الي عندي فورويل بس العيب الوحيد السيرفز غالي جدا وبعدين اي شي يخرب مايهتمون يقولون لج بدليه حتى مايحاولون يصلحونه خاصه اذا شافو بنت تحياتي لج

نعم اختى هالسيارات سيرفزها غالي بس ثمنها فيها..والوكالة الله يعينا عليها اتمنى يقدمون لنا مثل سيرفز الفرادن من ضمان مدة طويلة وصيانة..بنكع مبلغ وقدرة:rolleyes2:اقل شي الخدمة تكون ممتازة

اتمنى يخلص بنيانج وبنيانى على خير ..:)
لاجل QT
24-01-2012, 04:30 AM
هاه لأجل قطر بشري متى بتروحين الشركة تاخذين الموتر

والفلوس كاش ولا اقساط ههههههه


omen
omen
عزووز قطر
24-01-2012, 09:27 PM
صعبتها على :(

انا محتار بين 3 سيارات اصلن المرسدس والبي ام والبنميرا:rolleyes2:

اللى باقتنع فيها هي اللى انشالله باخذها:shy:

اهم شي في السيارة تكون راكبة على:)

هذي كل المشكلة:shy:

بعطيج اختيار رابع اللي هو الجاكور اكس جي

موتر فخم بمعنى الكلمة ومميز وله هيبته ،،، ووكيله الفردان يعني خدمة ممتازة

شوفي الصور والاوبشن في google واحس انه بيدخل بالج
لاجل QT
24-01-2012, 11:30 PM
بعطيج اختيار رابع اللي هو الجاكور اكس جي

موتر فخم بمعنى الكلمة ومميز وله هيبته ،،، ووكيله الفردان يعني خدمة ممتازة

شوفي الصور والاوبشن في google واحس انه بيدخل بالج

الجاكور ماحبيتة والله:shy:

مثل ماتفضلت يجي في المرتبة 4 عقب المذكورين اعلاة

وشاكرة لك مرورك الطيب:)
ALDIWAN
30-01-2012, 12:05 PM
توكلي على الله الموتر ماعليه كلام بس عيبها الوحيد الوكيل تعبان
اما عن الموصفات ماعليها كلام ونصيحه لاتاخذين سته سلندرماتصلح بالنسبه لوزن السياره
خذي ثمانيه سلندر
بو الجوري
30-01-2012, 12:15 PM
إذا محتاره بين المرسدس و البي أم و البورش :..

أنا أفضّل تاخذين bmw الفئه السابعـه ، أو إكس 5 :..

أعتقد خدمة مابعد البيع عندهم أفضل من المرسدس و البورش
لاجل QT
30-01-2012, 04:13 PM
توكلي على الله الموتر ماعليه كلام بس عيبها الوحيد الوكيل تعبان
اما عن الموصفات ماعليها كلام ونصيحه لاتاخذين سته سلندرماتصلح بالنسبه لوزن السياره
خذي ثمانيه سلندر

العكس في شي حلو اذكرتة وكالة البورش لي ان اول سنتين يكون الموتر تحت الضمان فري ..وعقب ادفع 7 الاف اذا حبيت ويكون تحت الضمان لمدة 7 سنوات ولله خوش شي:nice:..واشوف خدمتهم زينة م مثل ماسمعت

شكرا اخوى على تعقيبك:)
لاجل QT
30-01-2012, 04:17 PM
إذا محتاره بين المرسدس و البي أم و البورش :..

أنا أفضّل تاخذين bmw الفئه السابعـه ، أو إكس 5 :..

أعتقد خدمة مابعد البيع عندهم أفضل من المرسدس و البورش

حيالله بالجوري:)

رحت البي ام.. السيارات ماعليها كلام وارخص بشوى من البورش:shy: بس داش خاطري البورش حسيتة افخم..غير انى مادش خاطري البي ام فورويل اكس 5او البورش كاين فوروويل...السبورت يجي احلى ورزة:)

شاكرة لك تعقيبك بو الجوري:)