استفسار :من زار النمسا هالوقت؟

[المحاميه]

السلام عليكم

بس حابه أتأكد من شغله قبل لابلش فالحجوزات هل من الممكن زيارة النمسا في هالوقت؟ أقصد عشان البرد يعني .. والله خايفه يكون وايد برد وثلج وتخترب السفره .. رجاء اللي عنده علم يفيدني بالموضوع .. عشان اذا الوضع اوكي اتوكل على الله واحجز ..


وبعد تسوون خير اذا تعطوني نصيحه وين اسكن فالنمسا .. وهل احجز فندق ولا شقه ؟
العدد 2 ويمكن طفل بعمر السنه ونصف ..

اتمنى حد متفرغ يرد علي :shy: لان حابه اعرف قبل مابدأ أي خطوة ..

وشكرا يالطيبين :victory:

[قطريه ماركه]

اوروبا بصفة عامة تكون بارده في هالوقت و ثلوج ..

ممكن تدخلين على مواقع الطقس و تشوفين الجوو شلون بيكون في الوقت اللي بتروحين فيه ..

اذا بس 2 مع طفل الفندق أفضل .. ما حددتي وين في النمسا .. فيننا والا سالزبورغ أو زيلامسي أو أو ...

بالتوفيق ان شاء الله ...

[sout qatar]

السلام عليكم

بس حابه أتأكد من شغله قبل لابلش فالحجوزات هل من الممكن زيارة النمسا في هالوقت؟ أقصد عشان البرد يعني .. والله خايفه يكون وايد برد وثلج وتخترب السفره .. رجاء اللي عنده علم يفيدني بالموضوع .. عشان اذا الوضع اوكي اتوكل على الله واحجز ..


وبعد تسوون خير اذا تعطوني نصيحه وين اسكن فالنمسا .. وهل احجز فندق ولا شقه ؟
العدد 2 ويمكن طفل بعمر السنه ونصف ..

اتمنى حد متفرغ يرد علي :shy: لان حابه اعرف قبل مابدأ أي خطوة ..

وشكرا يالطيبين :victory:

اختي مانصحج لان برررد وماراح تستمتعون انا كنت هناك في عيد الأضحى وكان برد مب طبيعي الدرجة وصلت صفر وزيلامسي كانت ميته وكل المطاعم مسكره والبلاد مهجوره

احلى وقت لأوروبا الصيف لان صيفهم باارد فما بالك بشتاهم خصوصا النمسا وسويسرا وغير ان معاكم صغير بيتغير عليه الجو وبيتعب

وبالتوفيق اختي

[Right]

من واقع تجربة ... ونصيحة لوجه الله



لا تسافرين للنمسا ولا لأوروبا



بصفة عامة بيكون الجود بارد جداً وثلوج



مثلاً درجة الحرارة في النمسا تقريباً توصل -3 ويمكن تنزل أكثر بعد



وبنفس الوقت النهار قصير جداً والليل طويل جداً جداً وممل وموحش




والحياة تموت بحدود الساعة 4 مساءاً يعني كل المحلات تسكر بدري حتى الصيدليات



ونادراً ما تلقين صيدليات مناوبة

[المحاميه]

الحمدلله اني انتبهت لهالنقطه قبل لاحجز واتوهق ..
خلاص كنسلت
انا البرد اللي اهني مو محتملته شلون هناك .. وصج خايفه ان كل شي يسكر وتكون السفره بايخه وانا ابي صج اغير جو من بعد التعب

شكرا من جد

[Right]

الحمدلله اني انتبهت لهالنقطه قبل لاحجز واتوهق ..
خلاص كنسلت
انا البرد اللي اهني مو محتملته شلون هناك .. وصج خايفه ان كل شي يسكر وتكون السفره بايخه وانا ابي صج اغير جو من بعد التعب

شكرا من جد





زين سويتي



هالوقت مو وقت أوروبا ... هالوقت وقت دول الخليج لأن الجووو حلو



وقت أوروبا ... من بداية شهر 5 حتى شهر 10 على أقصى تقدير

[خالد البلوشي]

هلا وغلا اختي

انا كنت موجود قبل شهر ونص وتحديدا بزلامسي وكانت حيل باردة وشبه مهجورة من السياح العرب والخليجيين و حتلا الفنادق كانت اغلبها تحت اعمال الصيانة يعني ما قعدت الا يومين ورجعت لميونخ .. واوروبا هالوقت من السنة باردة ودرجات الحرارة توصل لتحت الصفر ..واتوقع هالوقت تكون ابرد من وقت زيارتي لها و النمسا حلوة بمناظرها و طبيعتها الخلابة لكن مثل ما اشاروا الاخوان المشكلة ان البرد القارس يخليج تعتكفين بالفندق طول الوقت ..

[المحاميه]

انزين شورو علي وين اروح؟

فكرت في استراليا بس بعيده والتذاكر غاليه يعني حق شخصين 13000 وشي درجه سياحيه وبزنس 43000 وشي ..

مابي دول الخليج .. دبي رحتها مرتين خلال سنه وزحمه ومافيها غير المجمعات .. ابي اغير جو ابي استجمام :(

[Right]

انزين شورو علي وين اروح؟

فكرت في استراليا بس بعيده والتذاكر غاليه يعني حق شخصين 13000 وشي درجه سياحيه وبزنس 43000 وشي ..

مابي دول الخليج .. دبي رحتها مرتين خلال سنه وزحمه ومافيها غير المجمعات .. ابي اغير جو ابي استجمام :(





عندج دول شرق آسيا ... مثل تايلاند و ماليزيا و المالديف

[المحاميه]

ماحبيتهم ..

خلاص اخر حل ايطاليا ياتصيب ياتخيب ..
يعني بشوف هل تنفع في الشتا وشنو فيها .. الخ

او بقعد في الدوحه هههه ونعوضها بالشاليهات =s

[Right]

ماحبيتهم ..

خلاص اخر حل ايطاليا ياتصيب ياتخيب ..
يعني بشوف هل تنفع في الشتا وشنو فيها .. الخ

او بقعد في الدوحه هههه ونعوضها بالشاليهات =s





أقعدي بالدوحة أحسن :nice:

[المحاميه]

هههه ليش تسكرها بويهي

انزين حد زار ايطاليا فالشتا ؟؟

الاجواء اوكي ولا ؟

[hamad almohd]

والله اختي ماانصحج تروحينها بهالوقت انا كنت فيها شهر 12 وكانت الحراره فليل 1 او صفر والنهار 10 يعني برد قارص ماينفع حق التمشي وخاصه النمسه بردها اقوى من لندن هو صج البرد ممتع بس دام معاكم طفل لا ماانصحج ابد :) والله يوفقج

[المحاميه]

انزين كنسلت النمسا ابي اعرف عن ايطاليا بهالوقت لو سمحتوا؟؟؟؟؟؟؟؟

[Right]

انزين كنسلت النمسا ابي اعرف عن ايطاليا بهالوقت لو سمحتوا؟؟؟؟؟؟؟؟





أقولج أوروبا بشكل عام ما تنفع بهالوقت لأنها بادره واايد ... تقولين لي إيطاليا !!!



تدرين ... شرايج تسافرين للسنغال ؟ :nice:

[المحاميه]

هههه السنغال عاد
والله كنسلت ايطاليا بعد

خلاص ان شاء الله باروح جزيره .. محتاره بين 2
جزر المالديف .. ولا سيشل ..

[ولد ازغوى]

روحي ماليزيا احسن من هالجزيرتين عالاقل في ملاهي واسواق وجزر يعني بتاع كلللله

[لطآم]

:tease:تعرفون عايض

[sout qatar]

احتي عندك هونغ كونغ جوها حلو نفس الخليج الحين لاهي بارده وايد ولا حاره وعندهم ديزني لاند وفي ملاهي ثانيه وكورنيشهم روووعه مع الأبراج وتقدرين تروحين بعد جزيرة مكاوي قريبه وتردين في نفس اليوم

[المحاميه]

المدينه راقيه ومتطوره وصج فيها اماكن سياحيه بس جدا مكتظه بالناس والسياح .. وهالامر بيدوشنا وطبعا اكيد بتزيد الجراثيم والامراض .. افضل مكان اهدا

شكرا على الاقتراح الجميل ان شاء الله مره ثانيه

[المحاميه]

لا مش معئول

تفكيري متذبذب حده
كنسلت الجزر ورجعت رسيت على هونج كونج

هههه كل يوم طالعه بدوله .. بنتحر ههه

[Right]

شكلج مو مسافرة لا لأوروبا ولا حتى لشرق آسيا



وآخرتها بتسافرين لــ " الحسا " :nice:

[وحيد-الشوق]

اوروبا برد حيل انا امس واول امس كنت في بروكسل كان برد ومطر وحاليا في المانيا درجات الحرارة تحت الصفر في الليل

[المحاميه]

هههه

لا ان شاء الله الصين
رسيت عليها الحمدلله لين الحين كل شي تمام بس باقي الحجز

[Class - Qtr]

انا ضد اوربا هالفترة ,,

هالفترة وقت ( ماليزيا ----------- تايلند --------------- سنغافورا )

ماليزيا ( كوالالمبور ) .. تايلند ( بوكت )

متعه هالفترة

[Right]

هههه

لا ان شاء الله الصين
رسيت عليها الحمدلله لين الحين كل شي تمام بس باقي الحجز





ما شاء الله ... سافرتي لدول العالم وإنتي بالدوحة :nice:



شيصير لج " ابن بطوطة " ؟ :nice:

[بنت شيوخ]

قمممممممممممممممه البرد

واروباا حلاتهاا شهر 4

وناس اعرفهم جاين من اوربا يقولون مممله

[المحاميه]

الله يهديكم بس

ان شاء الله باجر لي سافرت الصين بتعرفون اني صج رسيت عليها هههه

[Right]

قمممممممممممممممه البرد

واروباا حلاتهاا شهر 4

وناس اعرفهم جاين من اوربا يقولون مممله





من واقع تجربة هو بداية شهر 5 ... أحلى وقت :victory:







الله يهديكم بس

ان شاء الله باجر لي سافرت الصين بتعرفون اني صج رسيت عليها هههه






يصير خير ... إنتي سافري بالأول :)



وإذا سافرتي ... تروحين وترجعين بالسلامة إن شاء الله

[مشتاقة لقطر]

ننتظر تقريرج