نصب عيني عينك في بنك قطر الوطني !!!!!!!

[Chambray]

السلام عليكم

الكل سمع بموضوع تحويل البنوك الاسلامية إلى تقليديه .. وهالقرار تنفذ في يناير الحالي

طبعاً انا علي سلفه في البنك وعندي بطاقة ائتمانية معاهم ..
بحكم اني مش متواجد في الدولة على طول ..
رحت البنك علشان ارفع لمت البطاقة الائتمانية

فقالولي مايصير . لازم تحول حسابك عندنا ..

قلت لهم انا باحوله بنك ثاني . بس علي سلفه ..

شيكوا على باقي السلفه الي ماصار لها إلا سنه ونص تقريباً ..

قالولي مبلغ السلفه . قلت لهم انزين والفوايد المتبقيه كم ؟؟ قالولي تقريباً 28 الف ..

بس ما انرجعها لك إذا رحت بنك ثاني غير qnb لكن إذا حولت حسابك عندنا راح نرجع لك 50% من الفوايد الي لك ..

احين انا اسدد الفوايد من سنه ونص وقاعد انطر القرض يخلص والمده تقل وافتك ..

تجون انتوا وتقولون مالك فوايد !!! انزين باقي 28 الف من الفوايد . وانتوا ولا البنك الاسلامي الي باروح له ، بيشتري السلفه كامله . يعني الفوايد او الارباح من حقي او 80% ترجع لي ..

مب تقولون لي مايرجع لك شئ ..

وانتوا بتسوون لي اعاده جدولة او البنك الاسلامي الي ناوي اروح له سواء المصرف او بنك الريان .. وبياخذون فوايد ..

قسماً قهرررررر ..

يعني اتم في بنك مافيه خدمات لين يخلص القرض الي علي .. واعيش بدون فيزا ولا ماستر .. لين يخلص القرض الي علي ..

او اني اراكم على نفسي الديون .. والغلطه مب غلطني ومب انا الي قلت ما ابغي اطلع من البنك ..

الغلطه غلطة المصرف المركزي .. الي وهقنا ووهق العالم في هالحركة . المفروض يتدخل ويحمينا ..

والبنوك خصوصاً بنك قطر الوطني طاح من عيني بعد ماقال لي مالك اي ارباح ترجع لك .. وانا ماصار لي إلا سنه ونص ماخذ القرض .. وملتزم معاهم في كل شئ ...

لكن للاسف مافي قانون ينصفنا ويحمينا ..


ياجماعه الخير في مثل هالامور . اروح اشتكي عند من .؟؟ من الي بينصفني ؟؟ سواء بنك قطر الوطني او مصرف قطر المركزي !!!!!!

[بوحارب]

هذي البنوك الربوية تشنق الواحد برضاه حسبي الله عليهم

[MoTeC]

الله يعينك اخوي
انزين انا على بنك قطر الوطني وماخذ سلفه اول 2010 تقريباَ 61 والحين باقي منها 46 وخرده
كنت ادفع 1000 كل شهر لحد الحين
لو بسدد لازم اسددها مع الفوايد وهل بيعطوني شي لو سددت ولا لااء وهل اقدر اسددها وتطيح الفوايد
والسموحه من صاحب الموضوع خربت موضوعه
بس ارجو من اهل الخبره يفيدوني

[monatee]

استشير محامي اذا في طريقة يرد حقك بالقانون

[رآعي موآجيب]

المصرف المركزي شاد حيله عليهم

توجه للمصرف المركزي بكتاب مفصل وأذكر في الكتاب بأي صيغه كانت بأن الذنب في تحويل وإلغاء البنوك الأسلاميه ليس ذنبك ولا القرار قرارك وأنك غير ملزم بأي أمر ترتب عليه هالوضع

[الزعفراني]

حوّل عليهم وخذ الـ 50% وعقب حوّل بنك إسلامي شنهي المشكلة ؟

[R 7 A L]

الله يكون بعونك اخوي

[قطري مفلس]

صباح الخير

أخوي العزيز صاحب الموضوع

نصيحة مني لك قبل ماتروح تشتكي وتدخل في دوامة ((( ارجع للعقد الذي تم ابرامة مابينك وبين البنك ، راح تلقى كل الأجوبة الي لها عندك سؤال )))

تحياتي ^_^

[قطريه ماركه]

الله يكوون بعونك ان شاء الله ........

حاول تتخلص من البنك الربوي بأي طريقة .. و الله بييسرها لك ...

[Chambray]

جزاكم الله خير
بعد الاطلاع .. عرفت ان المفروض اتقدم بالشكوى إلى البنك نفسه .. ومن ثم تصعيدها إلى مصرف قطر المركزي . ثم تصعيدها للمحاكم ..
http://www.qcb.gov.qa/Arabic/ConsumerRelations/Documents/complaints_system.pdf

[الخزرجي قطر]

الله يعينك بس سمعت ان بعض البنوك رجعت مايفارب من 80% الى90% من الفوائد
عند طلبك تحويل القرض الى بنك اخر يمكنك مخاطبة البنك اولا ثم ارفع شكواك الى مصرف قطر المركزي

[مضارب دوسري]

على فكره اخوي
انا من كم شهر كنت ابي احول من المصرف الى مصرف الريان
وقالولي نفس الكلام اللي قالوه لك الوطني

فكرت فيها وقلت خلني مكاني لين اخلص من القروض وبعدها اغير البنك
هم على فكره ماقالولي بياخذون الفوايد كلها وماراح يردون شي
لا قالولي بدل مانعطيك 80 % من الفوايد
لان كان مر علي سنتين تقريبا
قالولي بنرد لك في حالة تحويل البنك اقل من 60 %

[مضارب دوسري]

وتحمممممل تسمع كلامهم وتحول عندهم
لان السالفه واضحه
بيرجعون لك 50 %
بس عقب بيقصبونك بالفوايد المتغيره (الغير ثابته)

اما انك تتنازل عن ال28000
وتروح بنك اسلامي
او انك تبقى مثل ما انت

[sultanqtr]

ارجع الى عقد القرض

و شوف هل تستحق مبلغ الخصم في حال السداد المبكر او لا

هل يحق للبنك ان يحجب عنك جائزة التسديد المبكر ؟

اذا موجودة في العقد ادفع قيمة القرض و بعدين سكر الحساب

لا تفتح معاهم موضوع النقل الى اي بنك اخر موضوعك السداد المبكر للقرض

احسبها صح ايهم احسن تاخذ قرض جديد و تسدد و تربح مبلغ الخصم
او تدور بنك يشتري القرض و كم ربحة

توكل على اللهو ان شاء الله يسهل امرك
لا تاخذ على الكلام دائما خلك فى الشئ المكتوب