|| هذا مــــا حدث معي (1 ) !! ||

[إنّ]

هي مواقف وأحداث نتعرض لهـا ربمـا بشكل يومي .. تبقى في الذاكرة .. وعندما تأتي المناسَبة المُناسِبة نستدعيهـا فنحكيهـا ..لاستخلاص العبــر .. أربعة مواقف مرت بي .. أحببت أن تشاركوني آراءكم .. في أول موقفين :



الزمـان : في يوم من أيام عام 2012 ..

المكان : المخازن الكبـــرى

الحدث : رجولة بلا رجولة !


https://www.nojoom.qtel.com.qa/LMSMemberWeb/ar$Common/Image/Logo/GiantStoresBig_en_gb.gif

في هذا اليوم .. حدث معي موقفين .. الموقف الأول :



ذهبت مع اثنين من ابنائي الصغار وبرفقة الخادمة إلى المخازن الكبرى لشراء بعض الاحتيـاجات .. كأي أمي تصطحب اطفالهـا .. وبعد الانتهاء من الشراء وبينمـا أقوم بتسجيل نقاط نجوم لدى قسم الاستقبال .. وجدت شابين في المخازن في الجهة الأمامية للاستقبال وعلى مسافة بعيدة مني نوعاً مـا .. ربمـا لفت انتباه أحدهما وجود امرأة بجانبي تتحدث بصوت عالي مع موظف الاستقبال تستفسر منه عن بعض الأمور .. وكنت في انتظارها لتنتهي .. وإذا بالشاب ينظر إلينـا ويتابع من بعيد كمن ينتظر احدانـا !! .. انتهيت وسرت في اتجـاه البوابة التي دخلت منها وهي تبعد عن المخازن بمدخل واحد .. شعرت بأن هنـاك من يمشي خلفي .. ولقطع الشك باليقين توقفت في إحدى المحلات وإذا به ينتظرني في الخارج .. ! .. فقلت في داخلي ( وجنت على نفسهـا براقش ) ! .. ولكن ساعطيه فرصة ليراجع نفسه فلا شكلي يدل على ما يبحث عنه .. ولست ممن يريد ! .. ولكنه مصر .. وبالفعل أنا المقصودة ولا أحد سواي .. !

وبينما أواصل سيري .. وهو يسير خلفي .. توقف فجأة .. وإذا به يمر بجانبي ويقف أمامي ويلقني رقمه كـ من يسمعه لي .. ويعيد ويزيد .. منظره يستدعي الضحك ! .. فقلت لا حول ولا قوة إلا بالله .. واسمعته من الحديث ما يجعله يخجل من نفسه ومن قبلها خالقه .. فليست هذه الرجولة ولا من الأخلاق في شئ .. والله لو رأيتم شكله وهو يجري مسرعاً ويلتف يمنه ويسره
بطوله وعرضه .. ويدخل إحدى المحلات القريبة ليختبئ فيهـا .. والله لو مـا الحيـاء لما تركت هذا الموقف ينتهي عند هذا الحد ولكن عندي يقين بأنه - إن شاء الله - لن يكررها مع غيري ! .

ما أفكر فيه يا أخواني ..



ظاهرة المعاكسة منتشرة منذ القدم .. لكن مـا سر انتشار هذه الظاهرة بين الشبــاب مع الأمهات تحديداً .. المتزوجات بشكل أدق .. بغض النظر التي أمامه من أي نوع أو صنف ؟؟ فصديقاتي لهن مواقف مشابهة لموقفي ..

في موقفي هذا .. ألا يكفي وجود أطفالها لتكون أبلغ رسالة ان ما تبحث عنه غير متوفر هنـا ؟؟

أمهات واطفالهن .. وليسن من تلك الأصناف - هداهن الله - تتعرضن لمضايقات .. هل وصل بنـا الحد لعدم التمييز بين الغث والسمين .. ؟

هل يتوقع ذلك الشاب بأن هذه الأم .. قد يغلبها الشيطان فتخون ! .. ؟

ألا يتوقع الأسوء وردة الفعل من الجانب الآخر .. ؟؟

ولكم حرية التعليق : .............

[إنّ]

http://www.qatargallery.com/arabic/data/media/154/rfffsss.jpg



الموقف الثاني ..



أخذت طريقي لسيـارتي .. بين استغفار لله وتسبيح .. وبينمـا أنا والخادمة نضع المشتريات في السيـارة وإذا بي اسمع صوت طفلة تبكي بصوت عال وبحرقة وكما يبدو أنها تبكي منذ فترة .. ويأتي الصوت من بين السيارات .. التفت .. ولم أتمكن من تمييز مكان صدور الصوت .. وإذا بي أجد مجموعة من العمال المسؤولين عن غسيل السيارات في المواقف متجمهرين حول شئ مـا .. التفت أحدهم وإذا به يلوح لي .. استدركت حينهـا أن ذلك الصوت قادم من هنـاك .. اقتربت !! .. فإذا به يقول لي .. طفلة ضائعة .. طلبت منهم أن يبتعدوا .. والله لو رأيتوا منظرها لتقطعت افئدتكم .. تجهش بالبكاء خوف ورهبة .. وجدتها ساجدة على الأرض ترويها بدموعهـا .. وينتفض ذلك الجسم الصغير .. فأخذت بيدها واحتضنتها لعلي أعطيها وقلبها شئ بسيط من الاحساس بالأمان والحنان .. وامسح تلك الدموع وقد امتلأ ذلك الوجه البرئ بالتراب .. تحدث معها لعلها تشعر بالطمأنينة .. تبلغ من العمر إن لم يخب ظني 3 سنوات ..!


حبيبتي شأسمك ؟ فترد .. أخي عبود .. أقولها وين ماما .. تقول لي ( مناك ) .. أبوك وينه .؟ أبوي حمد .. عرفت أنها لن تفيدني بشئ لأعرف مكان تواجد امها ! .. وإذا برجل قادم من الجنسية الآسيوية .. ويقول لي اعطيني إياها .. فقلت له عذرا .. من أنت ! .. فقال لي موظف أمن .. قلت له أرني بطاقتك ! .. سكت قليلاً وقال ليست معي الآن .. فرفضت تسليمها له .. تركت ابنائي في السيارة .. وتوجهت لقسم الأمن في المخازن بعد ان استدعيت موظف آمن كان متواجد في المواقف .. ابلغت عنها .. وكل ما حاولت أن أجد منهـا أي شئ قد يفيدنا في معرفة سبب توجدها لوحدها في المواقف وبلا فائدة .. ! .. تم تعميم مواصفاتها على موظفي الأمن داخل الحياة بلازا وخارجها .. وبقيت انتظر .. ولقرابة الساعة .. لم نصل لنتيجة .. قلت لموظفة الأمن .. هل يمكن أن أترك بطاقتي الشخصية ورقمي وأخذها وإن وجدتم اهلها فبيتي قريب من هنا .. فما من حل آخر .. ولا استطيع أن أتركها فقلبي يتقطع عليها وهي تمسك بي بقوة .. وترفض تركي أو حتى مغادرتي .. فرفضت اعطائي اياها .. بناء على تعليمات الأمن هناك .. فآثرت البقاء معها ومع ابنائي .. ننتظر .. والطفلة بين بكاء حين تتذكر أمها وبين صمت وهدوء حين تنشغل بقطعة الحلوى التي في يدهـا .. ! اقترح علي موظف الأمن أن نخرج بهـا للمواقف لعلها تتعرف على مكان سيارتها وأنا أقول في خاطري مستحيل .. المهم أننا خرجنـا .. تجولنا في الخارج .. وإذا بأحد موظفي الأمن يتجه ناحيتنا مسرعاً ويقول وجدنا أمها .. وإذا بي أجد أمرأة قادمة من بعيد .. فقلت لموظف الأم لا تسلمها قبل أن تتأكد أنها والدتها بالفعل .. وصلت ودار بيني وبينها حوار .. فقلت لها ابنتك أمانة فحافظي عليها .. فإذا بالأب قادم والهلع يبدو عليه فسحبها من يدي بقوة .. وقال لي جزاك الله خير .. وذهبوا وعيني تراقب تلك الصغيرة .. ما آلمني .. هو أن والدهـا أشبعها ضرباً وركلاً !! .. تفطر قلبي والله .. ! .. ألا يكفي تلك الدموع التي ذرفت منذ ضياها ! .


ألم يكن الأجدر به وبأمها أن يحتضنوهـا .. ويهدأون من روعها .. ومن ثم يعلمونها خطأ أن تتركهم وتذهب ؟؟ .؟

أليس الخطأ الرئيسي هو خطأ الأب والأم .. والاهمال الواضح منهمـا ؟؟

كيف تكون ردة فعلك أختي / أخي الكريم في المواقف التي تحدث لكم في حياتكم مع صغاركم .. هناك من تكون ردة فعله كبيرة ومؤلمة كما فعل أب الطفلة ويعول عليها أنها ردة فعل نتاج الخوف على الطفلة .. ؟

ولكم حرية التعليق : ...........

[دلة الرسلان]

الموقف الأول ما نقدر نعلق عليه ننتظر المغازلجية يتحفونا بردودهم :d

بصفة عامة تخبرني أحداهن عن فلانة وفلانة وعلانة وكلهن فتيات على خلق وجمال وجد

أزواجهن يغازلن فصارت سمعة فلان أنه مغازلجي , طيب ها الكم ساعة اللي بتروح تلاحق

فيها بنات خلق الله ما كان أولى فيها بيتك وعيالك وزوجتك ؟!

أما الموقف الثاني ما الوم الأب في المواقف الصعبة ما تدرين يمكن الواحد يتصرف غير

ماهو نفسه متوقع .

[@north_star@]

المواقف الي مريتي فيها اختي ما يبيلها تعليق فهي رسالة واضحة لكل شخص يلهث وراء بنات الناس ان يتعظ ويتقي الله ..... ورسالة لكل أم وأب أن يحافظوا على أمانة الابناء التي في أعناقهم ...

[المدريدي]

أستمتعت وأنا أقراء موضوعج وسلمت يداك

والله يهدي هؤلاء الفئة من الشباب وأحذرهم ( كما تدين تدان )
ولا تعليق لهذا الأب الذي يضرب طفلته بدل ما يحمد ربه أنه وجدها سليمة معافيه

[MAZEN37]

لك التقدير لطرحك نقطيتين مهمين
تعليقي بالنسبه للموقف الاول فالقول لا حول ولا قوه الا بالله
قلة حياء وتربيه وبعد عن الدين وعدم مبالاه ولا احساس من هؤلاء الشباب
وصراحه لومي على المسؤلين لترك الاسواق من غير مراقبه وعقاب لهم
من امن العقاب اساء الادب
وبالنسبه لكثرة تحرشهم بالمتزوجات اعتقد بان الشيطان يزين لهم ويمدهم
بالافكار الحالمه لانهم اولياء لهم
والموقف الثاني اتمنى بالصبر على الاولاد اكثر لان الموضوع بنقلب سلبيا عليهم والتربيه باعتقادي فن لا يتقنه الكثير
والله المستعان

[رآعي موآجيب]

بالنسبه للموضوع الأول عجزنا واحنا نقول عليكم بالأمن على طول في حال مضايقة الشباب او اخذوا رقمه وبلغوا الشرطه ، غير هالحل مافيه

ولكن

مش تجيني وحده كاشختلي كشة مره في ليلة دخلتها ومرصرصه عمرها وتحوس في هالمجمعات وتقول ليش الشباب يضايقوني !!

هالكلام مأخوذ خيره وملينا واحنا نعيد ونزيد فيه

اقرب مثل لهالوضع ، لو جوعتوا انسان فتره وفجأه حطيتوا قدامه عيشه وقلتوا له ممنوع تاكل منه ، طالع وكحل عيونك وشم ريحة الحمسة لكن نحذرك تقرب عليه !!

شتنطرون منه !!

إما بعض الخبلان اللي أي عباه سوداء تتحرك في المجمع فهي في باله صيدته الجديده ، هذا لازم يعرف ان الله حق ، ويكون عبره للي على شاكلته



إما بخصوص الموضوع الثاني ، هالشيء وارد في كل مكان ، ممكن اهلها التهو في شي معين وهي اختفت ، انا اعطيهم عذر لأني مره التفت على شغله في مجمع ورجعت ابغي بنتي ولا عاد لقيتها !! بس مجرد ثانيتين او ثلاث ثواني كفيله بضياع طفل

ولكن الله يديم الآمن والآمان على هالبلاد وجميع بلاد المسلمين ، والحرص مطلوب طبعا مع الأطفال في كل شيئ

لاهنتي على الموضوعين والله يعطيش العافيه

[sweet qatar]

أسجل اعجابي الشديد باسلوب الكتابة.. فعلا استمتعت بالقراءة .. على الرغم من الالم الي حسيت فيه..

ابدا من الموقف الثاني.. الناس لهم اسلوب غريب في التعبير عن مشاعرهم.. ونتيجة قوة مشاعرهم يمكن يتصرفون عكس المفروض..

جزاج الله خير على وقفتج مع البنت وان شالله ضرب الاب لها ما يكون عادة في تعامله مع ابناءه..

واما الموقف الأول.. ماقدر اجاوبج على سؤالج..

لكن وصفج للموقف ذكرني بالموقف الأخير الي صار لي في فيلاجيو..

ربي يحفظج ياليت اعرف اتكلم وارد مثلج.. لاني صحت وطلعت وانا اتنافض.. :weeping:

[دااانة قطر]

الأخت الكريمه : إن :
ألف شكر لك لطرح موااقف تعرضتي لها
وكلااا الموقفين مررنا بهما بشكل أو بآخر
وقد شدني أسلوبك الرااقي

الموقف الأول : الله يهدي الشبااب أولا سوااء متزوج أو غير متزوج
وهنا أعتب على الأخواات أكثر من عتاابي على الشبااب
الشااب حتى لو لم يجد منك قبولا لتصرفه فإنه سيلااحقك أينما ذهبتي وسيحااول مراات عده حتى يصل لما يريد فكيف وأنتي ذكرتي في ردك الآتي

وجدت شابين في المخازن في الجهة الأمامية للاستقبال وعلى مسافة بعيدة مني نوعاً مـا .. ربمـا لفت انتباه أحدهما وجود امرأة بجانبي تتحدث بصوت عالي مع موظف الاستقبال تستفسر منه عن بعض الأمور .. وكنت في انتظارها لتنتهي .. وإذا بالشاب ينظر إلينـا ويتابع من بعيد كمن ينتظر احدانـا !! .. انتهيت وسرت في اتجـاه البوابة التي دخلت منها وهي تبعد عن المخازن بمدخل واحد .. شعرت بأن هنـاك من يمشي خلفي .. ولقطع الشك باليقين توقفت في إحدى المحلات وإذا به ينتظرني في الخارج .. ! .. فقلت في داخلي ( وجنت على نفسهـا براقش ) ! .. ولكن ساعطيه فرصة ليراجع نفسه فلا شكلي يدل على ما يبحث عنه .. ولست ممن يريد ! .. ولكنه مصر .. وبالفعل أنا المقصودة ولا أحد سواي .. !
وبينما أواصل سيري .. وهو يسير خلفي .. توقف فجأة ..

بتصرف غير إراادي منك ومن غيرك في مثل هذه الموااقف وهي الالتفااات لهم ولغيرهم مرة مرتين تكون بالنسبه لهم المواافقه المبدئيه وهذا ماشجعه لملااحقتك حتى الموااقف
ويمكن الأخ فااقد حناان وقاال مابلقااه إلا عند اللي معااها عيااال ( نظره عجيبه )

في الموقف الثااني وياكثر ماتصير في حاالات الهلع متنااسين بداال مايكون هنااك تهدئه للطفل واحتضاانهم نجد التصرف بالهمجيه متنااسين بأنهم السبب الأول والأخير لضيااع الأطفااال لمجرد الغفله ولو للحظه

أعجبني موقفك في انتظاار ذوي الطفله لأن نحن في زمن نخااف ان نؤمن أي احد حتى لو مسؤؤل أمن باارك الله فيك

والله المستعاان والله يهدي الجميع

[نوار قطر]

عفوا اختي بس في موقفج الاول لو كنت مكانج مستحيل اتكلم واسوي له حساب انتي قلتي ان لاشكلج ولا انتي من اللي يدورون عليهم الشباب اصلا بروحه بيعرف انج مب من ربعه وبيروح عنج بس ماانزل نفسي لمستواه واسمعه كلام باعتبار ان الريال بيتوب من المغازل لا والله هالشكال ماتستحي وبترز ويهها في كل مكان باختصار انا افضل اني اسكت ولا كان حد واري ولا كاني اشوفه ممم هاي رايي


بالنسبه للموقف الثاني فعلا كذا موقف يمر علي ان يهال يضيعون عن اهاليهم ونفس الشي مااتحرك قبل لا القى الاهل واسلمهم عيالهم اقرب موقف يوم الجمعه كنت في الحسى تحديدا في العثيم شفت ولد بو 9 سنوات عنده قاري في بنوته ام 8 شهور وتمشي احذاه بنت ام 4 سنوات تقريبا المهم البنت ام 4 سنوات منفلقه من الصياح والولد مايتكلم بس يدز القاري سالته انت ضايع بمجرد اني كلمته قعد يصيح حاولت اهديه عشان مايخاف سالته وين هلك قال امي خلتني وراحت الله يعزكم الحمام وابوك وين قال ابوي قعدنا على الكراسي وقال لنا برجع لكم المهم تميت شوي الا الام يايه اتمخطر وعطيتها عيالها وووبس الله يحفظ عيالنا وعيالكم من كل شر

[رجل الجزيرة]

جزاكِ الله خير اجزاء.

[ضوى]

اسلوب ادبي راقي في الكتابة ، بارك الله فيج

بالنسبة للموقف الاول ، خبري بسالفة المغازل اندثرت مع ظهور التكنولوجيا الحديثة ، بس مانقول الا الله يهديهم ان شاء الله ، يمكن وقت الفراغ وعدم التمييز بين النساء .

بالنسبة للموقف الثاني : بصراحة انا من هالنوع اضرب اذا اخاف عليهم يعني اذا ولدي تعور بسبب غبائه اضربه وبعدين المه ، ساعات الخوف يدفعنا لتصرفات غير متوقعه وبالتاكيد هذا مش دليل عدم محبة وحرص بس سبحان الله اطباع ، وضياع الطفل ممكن يحدث خلال ثانيتين ومع وجود الام والاب والاولاد حول الطفل ممكن يضيع وبسهولة

شاكرة لج اختي الكريمة

[الأصيلة]

الموقف الأول
ابتسم أنت في حياة بلازا
عادي بالنسبة لـ بعض رواد هذا المكان من الشباب والرجال
الأمر بالنسبة لهم طبيعي وكأنه أمر لازم مفروغ منه..
خيال أسود يمشي يعني ضروري يقومون بالواجب...

[إنّ]

خواتي نوار قطر / دانة قطر .. ولا يهون الباقيين ..

الموقف الأول ..

صعب ما تتصرفين .. ويكون عندك حس حاضر .. الشباب واقفين قدامي أنا والأخت اللي كانت جنبي .. هم داخل المخازن وأحنا نعتبر خارج المخازن بين وبينهم طاولة الاستقبال .. صوت الحرمة عالي يمكن لفت انتباهم لنا .. وهي كانت كاشفة الوجه .. ومب مقصرة في عمرها .. شي طبيعي بشوف جدامي .. حتى ما توقعت إنه بيلحقني .. مشكلته وقف جدام العربانة .. يعني يا أنا يا إنت .. ! أنا تعمت أوقف وأشغل نفسي بولدي .. لين أشوف يمكن نطرته لي لين أطلع من المحل فهمتها غلط .. قلت فرصة ثانية .. بخليه يمر قبلي يروح في حال سبيله .. وهو مر جدامي ووقف .. وإذا ما تصرفت راح يتمادى .. صدقيني .. لو ما كلمته بكل احترام . .كان ممكن يلحقني لين يمكن أوصل لبيتي ..
عادة اتحاشى وربي عالم هالنوعية من البشر .. لكن كان لازم اتصرف .. وياي عيالي .. وهو يا ويه استح ولا في فايدة .


لي رجعة للتعليق على اخواني وخواتي .. وربي يحفظكم وأهلكم من كل شر ..

[sweet qatar]

بالنسبه للموضوع الأول عجزنا واحنا نقول عليكم بالأمن على طول في حال مضايقة الشباب او اخذوا رقمه وبلغوا الشرطه ، غير هالحل مافيه

ولكن

مش تجيني وحده كاشختلي كشة مره في ليلة دخلتها ومرصرصه عمرها وتحوس في هالمجمعات وتقول ليش الشباب يضايقوني !!

هالكلام مأخوذ خيره وملينا واحنا نعيد ونزيد فيه




الأمن ايش بيسوون لي..؟؟

شلون اوقف جدام خلق الله واشتكي.. وانا اتوتر بس اذا حسيت ان في حد يلحقني.. او يمشي حذاي..

انتوا ما تحسون باحساس البنت في هاللحظة.. :weeping:


والحمدلله انا ما اروح المجمعات بكشخة المناسبات.. ولا احوس واتمشى..

واختار الاوقات الي اروح فيها عشان ما اقابل هالاشكال.. لكن الله المستعان..




وإذا ما تصرفت راح يتمادى .. صدقيني .. لو ما كلمته بكل احترام . .كان ممكن يلحقني لين يمكن أوصل لبيتي ..
عادة اتحاشى وربي عالم هالنوعية من البشر .. لكن كان لازم اتصرف .. وياي عيالي .. وهو يا ويه استح ولا في فايدة .


لي رجعة للتعليق على اخواني وخواتي .. وربي يحفظكم وأهلكم من كل شر ..

بالعكس اختي الي سويتيه عين العقل.. لانج لو سكتي يتمادى..

هم يخافون لانهم عارفين نفسهم على غلط.. والله يكثر من امثالج ويهدي الرجال ويصلحهم..

[عابر سبيل]

الشكر الجزيل لك اخت/أن علي الطرح..
اختيار موفق لمواقف تبدو مكررة لكن يجب
الوقوف عندها بتأمل و اعادة تفكييير...

انا ودي اعلق على الموقف الثاني...
يكاد يكون (أبكاني)...احيانا اقول
ليت اي طفل لا يبكي و لا يعاني...
الدنيا جدامه و ريض و هو في مهده
على الحرن و البكا..موقفج اخت/ان
موقف انساني بارك الله فيكم...
و الحمد لله ان البنت رجعت لاهلها..
الحمد لله الحمد لله



اسلوب ادبي راقي في الكتابة ، بارك الله فيج

بالنسبة للموقف الاول ، خبري بسالفة المغازل اندثرت مع ظهور التكنولوجيا الحديثة ، بس مانقول الا الله يهديهم ان شاء الله ، يمكن وقت الفراغ وعدم التمييز بين النساء .

بالنسبة للموقف الثاني : بصراحة انا من هالنوع اضرب اذا اخاف عليهم يعني اذا ولدي تعور بسبب غبائه اضربه وبعدين المه ، ساعات الخوف يدفعنا لتصرفات غير متوقعه وبالتاكيد هذا مش دليل عدم محبة وحرص بس سبحان الله اطباع ، وضياع الطفل ممكن يحدث خلال ثانيتين ومع وجود الام والاب والاولاد حول الطفل ممكن يضيع وبسهولة

شاكرة لج اختي الكريمة

و اشكرج يا اخت/ضوى على
هذه الصراحة التي يخاف اغلبنا من البوح بها...

كنت ابي اقول ان الاب..يمكن من شدة خوفه سوى اللي سواه...

بس هي موب خوف و بس..الا هي ربما
ملامة للذات على التقصير...و توضع الحره
في الطفل او الطفله...

مشكله لما احنا نغلط...
و يكون امامن ا شخص اضعف منا..
طفل او خادمه او او حتى احيانا الزوجه
او الزوج!!:omg:

اغلبنا يطلع الحره فيه و يقط الملامه عليهم
هروبا من مسؤوليته هو عن الخطأ...

عموما...لا نعلم..ربما يكون الاب
متهاوش مع الام قبل ما يحصلون الطفله
و كل منهم يلوم الثاني...
و ربما شعر الاب بالحرج الكبير
ان طلع بموقف المهمل لابنته امام الناس
فهو ربما يحاول يبرر امامهم ان الُملامه هي الطفلة
الشقية...و امها ...و هو (رجل) ما يعيبه شي...
فيتفرعن في اظهار "سلطانه"

و يمكن..رجل يعاني من ضغط او سكري او شي
من هالامراض...فاثر الموقف على صحته
و افتلتت اعصابه...
*
*
،،
لكن كل ذلك ليس بمبرر للضرب كما تصفين...
و انتي اخت/ ان
لا تلومين نفسج ان كنتي تعتقدين
ان بتدخلج للاخير قد تجنبين الطفله
هذا المصير...فلا حول لكِ و لا قوه..

[رآعي موآجيب]

الأمن ايش بيسوون لي..؟؟




شلون أيش بيسوي الأمن !!

أجل وش خانة الأمن في المجمعات !!؟



شلون اوقف جدام خلق الله واشتكي.. وانا اتوتر بس اذا حسيت ان في حد يلحقني.. او يمشي حذاي..



والله إذا الموضوع بسيط وأكبر مصيبته التوتر ! خليه يبربر ولا تشتكين قدام خلق الله :)





انتوا ما تحسون باحساس البنت في هاللحظة.. :weeping:




لا والله بالنسبه لي ما احس بأحساس البنت ، وشو هالأحساس ؟




والحمدلله انا ما اروح المجمعات بكشخة المناسبات.. ولا احوس واتمشى..

واختار الاوقات الي اروح فيها عشان ما اقابل هالاشكال.. لكن الله المستعان..



هذا الكلام السليم ، لا كشخه في الأماكن المختلطه وأختيار الأوقات المناسبه للأبتعاد عن السفهاء قدر المستطاع

[R 7 A L]

أسلوب رائع ومشوق
بالنسبة للموضوع الأول
ما أقول الا الحمدلله والشكر على العقل
معقولة أنسان كامل عاقل يستخدم هذا الأسلوب ما أقربه أكرمكم الله من ( التيس )
ماقمتي به أختي الفاضله شي طيب خصوصاً ان هدفك لاصلاحه فضلتيه على أخذ حقك وفي المقابل ربما لن يصلح حاله .


الموضوع الثاني
جزاك الله خير على ماقمتي به تجاه الطفله
وتعليقي على تصرف والدها مانقدر نلومه المسكين يمكن طول الوقت الى البنت معاك يدور في مكان ثاني وعلومه أعلوم .

[ميموري]

اسلوب حلو اختي (ان)

وردود احلى من الاعضاء

غصب نتفاعل معكم

بالنسبه للموقف الاول

وبالذات في الحياة بلازا

اتوقع اي وحد(ه) >>> ركزي على الهااااااء

لازم تتعرض له

سواء كاشفه او منقبه

سواء عبايه مرصرصه او عباية راس

سواء عمرها 13 او 45

لازم الكل


وبالنسبه لاني بهاوش او شي

انا بالنسبه لي (احتراما لاسمي ولاسم ابوي واخواني )

طبعا اسوي مثل (الاطرش في الزفه) او (لا اسمع لا ارى لا اتكلم)

اما الموقف الثاني

فتخيلي انا تعرضت له في تركيا

ضاع ولدي في جزء من الثانيه ولله الحمد لقيته بعد كم دقيقه

بس كانت اصعب دقايق بعمريcrazy

لانه حركي بزياده وسريع ويحب يتخشش ولو تنادين عليه مايرد عليج

على باله لعبه:tomato:

صحيح ماطقيته بس كان فيلم هندي

لملمه وصياح:cry2:

وتكدر مزاجي وكرهت الديره بكبرها

<< اول مره تروح لسوق وتطلع برضاها محد يسحبها لان المزاج اعتفس:wizard:

فلاتلومين الاب

انا دقيقتين وانجنيت اشلون هو اكثر من ساعه

وفي الموقف مابين عمال وسيارات

وانتي اخبر بالحوادث اللي صايره في البلد

[دااانة قطر]

خواتي نوار قطر / دانة قطر .. ولا يهون الباقيين ..

الموقف الأول ..

صعب ما تتصرفين .. ويكون عندك حس حاضر .. الشباب واقفين قدامي أنا والأخت اللي كانت جنبي .. هم داخل المخازن وأحنا نعتبر خارج المخازن بين وبينهم طاولة الاستقبال .. صوت الحرمة عالي يمكن لفت انتباهم لنا .. وهي كانت كاشفة الوجه .. ومب مقصرة في عمرها .. شي طبيعي بشوف جدامي .. حتى ما توقعت إنه بيلحقني .. مشكلته وقف جدام العربانة .. يعني يا أنا يا إنت .. ! أنا تعمت أوقف وأشغل نفسي بولدي .. لين أشوف يمكن نطرته لي لين أطلع من المحل فهمتها غلط .. قلت فرصة ثانية .. بخليه يمر قبلي يروح في حال سبيله .. وهو مر جدامي ووقف .. وإذا ما تصرفت راح يتمادى .. صدقيني .. لو ما كلمته بكل احترام . .كان ممكن يلحقني لين يمكن أوصل لبيتي ..
عادة اتحاشى وربي عالم هالنوعية من البشر .. لكن كان لازم اتصرف .. وياي عيالي .. وهو يا ويه استح ولا في فايدة .



اسمحي لي أختي فأنا لم اقصد الإسااءه لك من خلااال ردي وذكرت في ردي الساابق
بتصرف غير إراادي منك ومن غيرك في مثل هذه الموااقف وهي الالتفااات لهم ولغيرهم مرة مرتين تكون بالنسبه لهم المواافقه المبدئيه وهذا ماشجعه

فأنت لم تكوني متعمدة ولكن غيرك أخذها حجه

دمتِ بود

[دااانة قطر]

معااك في ردك الاول اما التطنيش او الاستعاانه بالأمن



اما الموقف الثاني
فتخيلي انا تعرضت له في تركيا
ضاع ولدي في جزء من الثانيه ولله الحمد لقيته بعد كم دقيقه
بس كانت اصعب دقايق بعمريcrazy
لانه حركي بزياده وسريع ويحب يتخشش ولو تنادين عليه مايرد عليج
على باله لعبه:tomato:
صحيح ماطقيته بس كان فيلم هندي
لملمه وصياح:cry2:
وتكدر مزاجي وكرهت الديره بكبرها


:shy:ذكرتيني بالفيلم اللي سويته انا وهلي في دبي لما ضااعت بنتي في سوق جميرا الشعبي كنا نركض جداام النااس ونصوت عليها:weeping: وهي مع الجوال بيدها بس لحظتها ماكاان في ارسااال ( سبحاان الله )
والحمدلله لقيتها واستوى الفيلم الهندي :weeping:

الله يحفظ عياالنا من كل شر

[بوحمد111]

اختي العزيزه إن

من بداية طرحج للمواضيع الاثنين وانا متحمس اقرأ بكل هدوء وتمعن وبكل صدق وامانه اهنيج على اسلوبج ويا ريت عندي نصف اسلوبج بالكتابه وطريقة طرحج المواضيع وعن نفسي اقول عن موضوعج الاول ان المغازلجي همه الوحيد اي بنت لابسة عبايه او غيرها ولا يهتم ولا يدري ان الله يراة وهذه سيئات يرتكبها وهو لا يعلم وربما يعلم ولكنه يجهل والقصة المشهوره عن السقا ووالد البنت عندما قال لابنه دقة بدقة ولو زدت لزاد السقا والقصه معروفه ومشهوره والله يستر عليج اختي ويحفظج من كل مكروه

والموضوع الثاني اقولها بإختصار اهمال الوالدين لأولادهم انا عن نفسي اعتبرها جريمة يعاقب عليها المقصر والبنت راعية الثلاث سنين ما لها ذنب بالي صار وضربها من والدها هذا تصرف لا إرادي والحمد لله البنت رجعت لأهلها

وصار لي موقف في رمضان اللي راح مع شخص ضرب ولده جدامي وقلت له بكل هدوء نصيحة لله لا تضرب ولدك جدام الناس والمشكله ان ولدة عمره تقريبا ١٢ سنه ولكنه زعل وتهور و شوي ويمد يده على وانا بكل هدوء قلت له اللهم اني صائم وفي نهار رمضان ما ودي ازعل حد وهذه نصيحتي لك رضيت بها او ما رضيت وفي الاخير هذا ولدك وعامله مثل ما تريد وتركته وطلعت من المحل وشكله كان معصب حدة الله يهديه ويصلحة وآسف على الإطاله

واهنيك على سعة صدرك والله يكثر من امثالك

[شـعـشـبـونـه]

الموقف الاول: دام حس انج داريه فيه مب مخليج ..عشان كذا (المرات الجايه) طنشي وعامليه هو والطوفه سوى ولا كأنج تسمعين منه شي(صج حاولي ان ماتسمعين) وطبعا لاتشوفينه .. بس قولي في قلبج : ( وجعلنا من بين أيديهم سداً ومن خلفهم سداً فأغشيناهم فهم لا يبصرون ) صدقيني ربي بيصرفه عنج ...

الموقف الثاني: ان شاء الله محد يتعرض لمثل هالمواقف والام والاب اكيييد ماكانوا يدرون عنها اشلون اختفت... والي سويتيه بصراحه الله يجزااااج الف خير عليه والله يحفظ عيالج ويخليهم لج...

مشكوره حبيبتي عالموضوع .. مواقف ممكن اي احد يتعرض لهاا وبادره حلوه وطيبه منج ان خليتينا نعيشها واناقشها معاج...

[الحال مايساعد]

لاحول ولا قوة إلا بالله

[Rider]

أسلوب راقي في الكتابة لكن ياخوات انا اتمنى كل وحده اذا بتروح هالمجمعات يكون معاها زوجها او انها تروح الميره على الاقل مافيها هالاشكال
اما النقطة الثانية للاسف هناك اهمال كبير من بعض الاباء والامهات للابناء وخاصه في المجمعات والاسواق مايرقبون عيالهم اذا ضاع كل واحد قط الوم على الثاني

[هيـااا]

مسكينه البنت عورت قلبي :(
لان عندها ابو متخلف بدال مايحظنها يضربها

الحمدلله والشكر

جزاج الله خير على موقفج مع البنت

[شبح الصمت]

الله يعطيج العافيه أختي إإن

ماشاء الله عليج كاتبه وانتقاء للكلمات وخارجه من داخل قلبـج وعيشتينا الواقع صراحه بكل كلمة وحرف قاعد اتخيل الموقف ..

اهنيـج على سردج للقصه وكاننا نراها أمام أعيننا

وانا متاكد انه مش بسرد القصص فقط فلديك الكثير من الافكار والكلمات والعبر التي سوف نراها على واقع المنتدى ..

احييك

وبخصوص موقفج الاول زين سويتي فيـه لانه في ناس يبيلهم هالرادع ( التخويف )

الموقف الثاني

بيض الله وجهك وارحم الله والديج على صبرج وانتظارج مع هالطفله التي لا حول ولا قوة لها ..

وابوها الله يهداه عاد يصطرها مسكينه امبادل من الشوق ما يلمها ..

اش دارها فتاه لا تجهله ولا تفقه شيء الغلط من الابوين لازم ينتهبون لابنائهم يراقبونهم في كل مكان وبالاخص في المجمعات وغيرها وغيرها دامهم معانا انا لازم يكونون الاب والآم

حراس شخصيين لأبنائهم الصغار

والله يحفظ الجميـــــــــع

[سان سيمون]

الله يعطيك العافية على هالموضوع الاول ما خوذه زبدته ما راح يتعدلون هالمخفة الا اذا جاتهم ..... على وجهم علشان يتوبون .
الموضوع الثاني جد هزني وحزني وتخيلت احد من عيالي مكان البنت وانا مكان الاهل الحمد لله الي حفظها .

اتعرفين انا حصلي موقف مقارب للي واجهج كنت في فيلاجيو وكانت فيه بنت اعتقد هندية ضايعة عمرها ما بين 8-9 سنوات كانت تبكي اول ما بديت اتقرب منها والناس متجمهرين الا ابوها طالع علينا وليته ما طلع صار يضرب فيها ويرفس وللاسف كلنا واقفين ما حد تدخل وهداء الوضع جد حسيت اني جبانه والله لين الحين يمكن صار للامر 3 سنوات ضميري يأنبني ليش ما سحبت البنت منه لين يهدا وبصراحة خفت انه يمد ايده علي لانه في ذيك الحظة العقل غايب بس اخذ عهد على نفسي انه لو شفت مثل هالامر اني لا اتدخل وما اخلي احد يضرب طفلة بمثل هالموقف

[qatarman8008]

في رايي الشخصي ... الموقف الاول يحل بالضرب ... اي بالضرب ...
... ينضرب زي الكلب قدام الناس بدون رحمة ولا شفقة ...
.... وقد يصل الامر الى شيئ اكبر من الضرب اذا استلزم الامر ....

اما الموقف الثاني .. فيجب ان يسمع الابوين محاضرة معتبرة معناها ان انتوا الغلطانين باهمالكم للطفلة ...
ولا يجوز لك ايها ( المحترم ) معالجة هذا الخطا والتقصير منك بضرب الطفلة ..!!!!

انا شخصيا صار موقف امامي لاحد الاباء وهو يضرب ابنه بالنعال .. اعزكم الله ... في الوجه زي الحيوان !!
لا شعوريا .. خذت النعال من يده ... وبغيت اعطيه من الزين ...

مشكلة الناس اللي مايحسون بنعمة الابناء .... لايشكرون الله عليها ..!!

[بوعلى 1]

هذة المواقف كثيرة هلايام وخاصة الموقف الاول وراح تزداد بزدياد الكلاب من الجنسبات العربية وخاصة السورية الذين يكشخون في لباس القطرين ويحاولون مضايقة بنات قطر ولا اعتقد ان هناك قطري اصل وفصل يفعل ذالك الفعل الا السفية منهم وكان الاجدر بكي حفظ الرقم وايصالة للجهات الامنية ليرتدع هذا الكلب اين كان

[إنّ]

الموقف الأول ما نقدر نعلق عليه ننتظر المغازلجية يتحفونا بردودهم :d

بصفة عامة تخبرني أحداهن عن فلانة وفلانة وعلانة وكلهن فتيات على خلق وجمال وجد

أزواجهن يغازلن فصارت سمعة فلان أنه مغازلجي , طيب ها الكم ساعة اللي بتروح تلاحق

فيها بنات خلق الله ما كان أولى فيها بيتك وعيالك وزوجتك ؟!

أما الموقف الثاني ما الوم الأب في المواقف الصعبة ما تدرين يمكن الواحد يتصرف غير

ماهو نفسه متوقع .




من لا يرضى على بناته وأخواته فلا يرضى على بنات الناس أختي .. مبدأ يا ريت كل شاب يحطه في ذهنه ! ..

أمـا موقف الأب فلي تحفظ عليه ..

شاكرة مرورك وتعليقك .. :) ..

[إنّ]

المواقف الي مريتي فيها اختي ما يبيلها تعليق فهي رسالة واضحة لكل شخص يلهث وراء بنات الناس ان يتعظ ويتقي الله ..... ورسالة لكل أم وأب أن يحافظوا على أمانة الابناء التي في أعناقهم ...


بالفعل هي رسائل ..
لكل أم .. ولكل أخت .. أخ .. وأب .. ولعلها وصلت ..
شكراً لك ..

[إنّ]

أستمتعت وأنا أقراء موضوعج وسلمت يداك

والله يهدي هؤلاء الفئة من الشباب وأحذرهم ( كما تدين تدان )
ولا تعليق لهذا الأب الذي يضرب طفلته بدل ما يحمد ربه أنه وجدها سليمة معافيه



نسـأل الله الهداية لنا ولهم ..
ونسأله الصبـر في تربية ابنائنا ..
فنحن بحاجة إلى الكثير من الحكمة والتريث في التعامل مع المواقف الحياتية ..
شاكرة تواجدك أخي مدريدي ..

[ام السعف]

هم خلوا حد ما عاكسوه ؟
اللي المعاكسة في دمه ماتفرق معاه متزوجة او بنت ،،

الله يهديهم ،،

اما بخصوص تصرف الأب ،، اتفق مع دلة
مرات كثيرة ردود الافعال السلبية تكون نابعة من حب وخوف
والتصرف يكون غير لائق ،،

[إنّ]

لك التقدير لطرحك نقطيتين مهمين
تعليقي بالنسبه للموقف الاول فالقول لا حول ولا قوه الا بالله
قلة حياء وتربيه وبعد عن الدين وعدم مبالاه ولا احساس من هؤلاء الشباب
وصراحه لومي على المسؤلين لترك الاسواق من غير مراقبه وعقاب لهم
من امن العقاب اساء الادب
وبالنسبه لكثرة تحرشهم بالمتزوجات اعتقد بان الشيطان يزين لهم ويمدهم
بالافكار الحالمه لانهم اولياء لهم
والموقف الثاني اتمنى بالصبر على الاولاد اكثر لان الموضوع بنقلب سلبيا عليهم والتربيه باعتقادي فن لا يتقنه الكثير
والله المستعان


أكثر ما اعجبني بين الردود ..
بارك الله فيك أخي الكريم

[إنّ]

بالنسبه للموضوع الأول عجزنا واحنا نقول عليكم بالأمن على طول في حال مضايقة الشباب او اخذوا رقمه وبلغوا الشرطه ، غير هالحل مافيه

ولكن

مش تجيني وحده كاشختلي كشة مره في ليلة دخلتها ومرصرصه عمرها وتحوس في هالمجمعات وتقول ليش الشباب يضايقوني !!

هالكلام مأخوذ خيره وملينا واحنا نعيد ونزيد فيه

اقرب مثل لهالوضع ، لو جوعتوا انسان فتره وفجأه حطيتوا قدامه عيشه وقلتوا له ممنوع تاكل منه ، طالع وكحل عيونك وشم ريحة الحمسة لكن نحذرك تقرب عليه !!

شتنطرون منه !!

إما بعض الخبلان اللي أي عباه سوداء تتحرك في المجمع فهي في باله صيدته الجديده ، هذا لازم يعرف ان الله حق ، ويكون عبره للي على شاكلته



إما بخصوص الموضوع الثاني ، هالشيء وارد في كل مكان ، ممكن اهلها التهو في شي معين وهي اختفت ، انا اعطيهم عذر لأني مره التفت على شغله في مجمع ورجعت ابغي بنتي ولا عاد لقيتها !! بس مجرد ثانيتين او ثلاث ثواني كفيله بضياع طفل

ولكن الله يديم الآمن والآمان على هالبلاد وجميع بلاد المسلمين ، والحرص مطلوب طبعا مع الأطفال في كل شيئ

لاهنتي على الموضوعين والله يعطيش العافيه


تصدق بالله أخي الفاضل ..
إنه بعد ما شرد الأخ ..
والتفت أشوفه داخل واحد من المحلات ..
حصلت موظف الأمن واقف .. الظاهر كان وراي ..
ولا يدري شالسالفة .. شفته وأقول في خاطري أطرش في الزفة ! ..

[إنّ]

أسجل اعجابي الشديد باسلوب الكتابة.. فعلا استمتعت بالقراءة .. على الرغم من الالم الي حسيت فيه..

ابدا من الموقف الثاني.. الناس لهم اسلوب غريب في التعبير عن مشاعرهم.. ونتيجة قوة مشاعرهم يمكن يتصرفون عكس المفروض..

جزاج الله خير على وقفتج مع البنت وان شالله ضرب الاب لها ما يكون عادة في تعامله مع ابناءه..

واما الموقف الأول.. ماقدر اجاوبج على سؤالج..

لكن وصفج للموقف ذكرني بالموقف الأخير الي صار لي في فيلاجيو..

ربي يحفظج ياليت اعرف اتكلم وارد مثلج.. لاني صحت وطلعت وانا اتنافض.. :weeping:


شوفي عزيزتي ..
عادة وربي شاهد ما أحب أحط نفسي في مواقف وياهم ..
بعضهم تطنشين .. يملون .. وانتهى الموضوع ..
بعضهم لا .. بيتم وراك لين يشوف آخرتها .. ومجرد ما يشوف البنت اللي جدامه بدت تخـاف ..
استأسد عليهـا .. !
وحدة من رفيجاتي .. تم يلاحقها في المول و وصل الموضوع إنه لحقها بالسيارة .. وتم يضايقهـا .. !

[إنّ]

جزاكِ الله خير اجزاء.


وإياك أخي الفاضل

[إنّ]

اسلوب ادبي راقي في الكتابة ، بارك الله فيج

بالنسبة للموقف الاول ، خبري بسالفة المغازل اندثرت مع ظهور التكنولوجيا الحديثة ، بس مانقول الا الله يهديهم ان شاء الله ، يمكن وقت الفراغ وعدم التمييز بين النساء .

بالنسبة للموقف الثاني : بصراحة انا من هالنوع اضرب اذا اخاف عليهم يعني اذا ولدي تعور بسبب غبائه اضربه وبعدين المه ، ساعات الخوف يدفعنا لتصرفات غير متوقعه وبالتاكيد هذا مش دليل عدم محبة وحرص بس سبحان الله اطباع ، وضياع الطفل ممكن يحدث خلال ثانيتين ومع وجود الام والاب والاولاد حول الطفل ممكن يضيع وبسهولة

شاكرة لج اختي الكريمة


حياك عزيزتي :) ..
أنا معاك خوفنـا على عيالنا شي بديهي ..
وكان من الأجدر بهالأب أو الأم طالما يخافون على عيالهم ..
ينتبهون لهم .. أما طفل صغير مب واعي لنفسه يترك أمه مثلاً ..
وأنا أحمله جزء من المسؤولية ..
إن كان سلوكي مع طفلي إني اضربه كردة فعل أولى .. واحضنه كردة فعل ثانية ..
أي وحدة فيهم راح تثبت في باله .. وتأثر في نفسيته ؟؟؟ ..
شنو راح يتذكر لي ! ..
تدرين أختي أبو البنت ضربها بشكل جنوني ..
طيب لو جات الضربة في راسهـا .. وسببت لها شئ لا سمح الله ..
رجة في المخ .. وإلا صمم في الإذن ..
أو في ظهرها .. كان توقف قلبهـا ..
شالفايدة بعدهـا .. ؟! ..
ارجوك عزيزتي .. حاولي تتمالكين نفسك عند الغضب .. وتعوذين من الشيطان ساعتهـا ..

[إنّ]

الموقف الأول
ابتسم أنت في حياة بلازا
عادي بالنسبة لـ بعض رواد هذا المكان من الشباب والرجال
الأمر بالنسبة لهم طبيعي وكأنه أمر لازم مفروغ منه..
خيال أسود يمشي يعني ضروري يقومون بالواجب...


.............:):)...............

[إنّ]

الأمن ايش بيسوون لي..؟؟

شلون اوقف جدام خلق الله واشتكي.. وانا اتوتر بس اذا حسيت ان في حد يلحقني.. او يمشي حذاي..

انتوا ما تحسون باحساس البنت في هاللحظة.. :weeping:


والحمدلله انا ما اروح المجمعات بكشخة المناسبات.. ولا احوس واتمشى..

واختار الاوقات الي اروح فيها عشان ما اقابل هالاشكال.. لكن الله المستعان..



بالعكس اختي الي سويتيه عين العقل.. لانج لو سكتي يتمادى..

هم يخافون لانهم عارفين نفسهم على غلط.. والله يكثر من امثالج ويهدي الرجال ويصلحهم..


الله يحفظك يا أختي من كل شر ..
قوي قلبك ..
واقري الأدعية ..
وعلى لسانك الاستغفار وما يصر لك إلا كل خير يا قلبي :) ..

[إنّ]

الشكر الجزيل لك اخت/أن علي الطرح..
اختيار موفق لمواقف تبدو مكررة لكن يجب
الوقوف عندها بتأمل و اعادة تفكييير...

انا ودي اعلق على الموقف الثاني...
يكاد يكون (أبكاني)...احيانا اقول
ليت اي طفل لا يبكي و لا يعاني...
الدنيا جدامه و ريض و هو في مهده
على الحرن و البكا..موقفج اخت/ان
موقف انساني بارك الله فيكم...
و الحمد لله ان البنت رجعت لاهلها..
الحمد لله الحمد لله




و اشكرج يا اخت/ضوى على
هذه الصراحة التي يخاف اغلبنا من البوح بها...

كنت ابي اقول ان الاب..يمكن من شدة خوفه سوى اللي سواه...

بس هي موب خوف و بس..الا هي ربما
ملامة للذات على التقصير...و توضع الحره
في الطفل او الطفله...

مشكله لما احنا نغلط...
و يكون امامن ا شخص اضعف منا..
طفل او خادمه او او حتى احيانا الزوجه
او الزوج!!:omg:

اغلبنا يطلع الحره فيه و يقط الملامه عليهم
هروبا من مسؤوليته هو عن الخطأ...

عموما...لا نعلم..ربما يكون الاب
متهاوش مع الام قبل ما يحصلون الطفله
و كل منهم يلوم الثاني...
و ربما شعر الاب بالحرج الكبير
ان طلع بموقف المهمل لابنته امام الناس
فهو ربما يحاول يبرر امامهم ان الُملامه هي الطفلة
الشقية...و امها ...و هو (رجل) ما يعيبه شي...
فيتفرعن في اظهار "سلطانه"

و يمكن..رجل يعاني من ضغط او سكري او شي
من هالامراض...فاثر الموقف على صحته
و افتلتت اعصابه...
*
*
،،
لكن كل ذلك ليس بمبرر للضرب كما تصفين...
و انتي اخت/ ان
لا تلومين نفسج ان كنتي تعتقدين
ان بتدخلج للاخير قد تجنبين الطفله
هذا المصير...فلا حول لكِ و لا قوه..


بارك الله فيك أخوي عابر سبيل ..
الأم .. كانت ردة فعلها عادية .. يمكن لحد الحين ما استوعبت رجوع بنتها لهـا ..
لمتها صراحة .. وقالت لي .. كنا نحاسب عند الكاشير .. وهي خذت حلاوتها وطلعت بدونا
وتمينا ندور عليهـا .

مع إن الأب والأم لو فكروا صح بيروحون لقسم الأمن ويبلغون عن البنت ..
وبيحصلونها بسرعة .. بس شكلهم كانوا يدورونها خارج المخازن .. بدون أي بلاغ عنهـا ..
وسبحان الله أبوها وأمها شفتهم مع عيالهم داخل المخازن يتسوقون ..
ولفت انتباهي عيالهم يكلمون ولدي .. بس البنت الصغيره ما شفتهـا معاهم
يمكن لو شفتهـا معاهم حزتها .. كان عرفت ارجع فيها للمخازن وندور عليهم بدل ما يدورون علينـا .

عجبني تحليلك للموقف الثاني وفي مكانه .. والله يحفظ عيالنا من كل شر .

[إنّ]

أسلوب رائع ومشوق
بالنسبة للموضوع الأول
ما أقول الا الحمدلله والشكر على العقل
معقولة أنسان كامل عاقل يستخدم هذا الأسلوب ما أقربه أكرمكم الله من ( التيس )
ماقمتي به أختي الفاضله شي طيب خصوصاً ان هدفك لاصلاحه فضلتيه على أخذ حقك وفي المقابل ربما لن يصلح حاله .


الموضوع الثاني
جزاك الله خير على ماقمتي به تجاه الطفله
وتعليقي على تصرف والدها مانقدر نلومه المسكين يمكن طول الوقت الى البنت معاك يدور في مكان ثاني وعلومه أعلوم .


وجزاك الله خير على متابعتك ..
وتعليقك ..

[إنّ]

اسلوب حلو اختي (ان)

وردود احلى من الاعضاء

غصب نتفاعل معكم

بالنسبه للموقف الاول

وبالذات في الحياة بلازا

اتوقع اي وحد(ه) >>> ركزي على الهااااااء

لازم تتعرض له

سواء كاشفه او منقبه

سواء عبايه مرصرصه او عباية راس

سواء عمرها 13 او 45

لازم الكل


وبالنسبه لاني بهاوش او شي

انا بالنسبه لي (احتراما لاسمي ولاسم ابوي واخواني )

طبعا اسوي مثل (الاطرش في الزفه) او (لا اسمع لا ارى لا اتكلم)

اما الموقف الثاني

فتخيلي انا تعرضت له في تركيا

ضاع ولدي في جزء من الثانيه ولله الحمد لقيته بعد كم دقيقه

بس كانت اصعب دقايق بعمريcrazy

لانه حركي بزياده وسريع ويحب يتخشش ولو تنادين عليه مايرد عليج

على باله لعبه:tomato:

صحيح ماطقيته بس كان فيلم هندي

لملمه وصياح:cry2:

وتكدر مزاجي وكرهت الديره بكبرها

<< اول مره تروح لسوق وتطلع برضاها محد يسحبها لان المزاج اعتفس:wizard:

فلاتلومين الاب

انا دقيقتين وانجنيت اشلون هو اكثر من ساعه

وفي الموقف مابين عمال وسيارات

وانتي اخبر بالحوادث اللي صايره في البلد


بالنسبة للموقف الأول .. وبالنسبة لي التصرف يختلف ..
حسب نوع الشخص ! ..
في شباب ما ينفع معاهم التطنيش ..
والله يحفظك أختي ولا تواجهين هالنوع من البشر ..

أما البنت .. بصراحة أبوها كان وايد خايف ومضطرب ..
كان واضح عليه .. ما ينلام على خوفه ..
بس ينلام على اهماله وضربه ..
الله يحفظ عيالك ويبارك لك فيهم .. :)

[إنّ]

معااك في ردك الاول اما التطنيش او الاستعاانه بالأمن



:shy:ذكرتيني بالفيلم اللي سويته انا وهلي في دبي لما ضااعت بنتي في سوق جميرا الشعبي كنا نركض جداام النااس ونصوت عليها:weeping: وهي مع الجوال بيدها بس لحظتها ماكاان في ارسااال ( سبحاان الله )
والحمدلله لقيتها واستوى الفيلم الهندي :weeping:

الله يحفظ عياالنا من كل شر



تخيلي عزيزتي ..
وحدة من رفيجاتي .. طلعت مع ريلها وعيالها وبناتها في أحد مولات دبي ..
أيام المهرجان ..
خلصوا عيالها العبوا وتعشوا ..
وطلعوا من المول ..
وصلوا الفندق ..
واحد من عيالها سألها ( يمه وين دانة ! ) ؟
الأم قالت له وينها .. شوفها في الغرفة ..
ما حصلوها ..
طلعت إنها ضيعت بنتها .. لا ونستها هناك .. ورجعت الفندق .. وهي ولا تدري !
تخيلي الشعور حزتها ؟؟؟!! :rolleyes2:

[Locale]

هذة المواقف كثيرة هلايام وخاصة الموقف الاول وراح تزداد بزدياد الكلاب من الجنسبات العربية وخاصة السورية الذين يكشخون في لباس القطرين ويحاولون مضايقة بنات قطر ولا اعتقد ان هناك قطري اصل وفصل يفعل ذالك الفعل الا السفية منهم وكان الاجدر بكي حفظ الرقم وايصالة للجهات الامنية ليرتدع هذا الكلب اين كان

ضحكتني ياابوعلي
يعني المغازلجيه نصهم سورين لابسين ثوب
واحنا مانميزهم !!!

الا قطري اصل وفصل يغازل ونص
لنا اهل وصديقات معروفين عن رياييلهم مغازل وعيون زايغه وهم اصـــل وفصل ..حسبي الله ونعم الوكيل



اختي ان ماقصرتي في طرحج للواقع
الظاهر الابو طلع عن طوره وماقدر يمسك انفعاله
الله يهديهم بعض الاباء مايمسكون اعصابهم جدام الناس
اليهال لما ينطق جدام الناس شخصيته تضعف
الكثير يجهل هالشي

[رآعي موآجيب]

تصدق بالله أخي الفاضل ..
إنه بعد ما شرد الأخ ..
والتفت أشوفه داخل واحد من المحلات ..
حصلت موظف الأمن واقف .. الظاهر كان وراي ..
ولا يدري شالسالفة .. شفته وأقول في خاطري أطرش في الزفة ! ..


والنعم بالله

مع احترامي وتقديري اختي بس هذا خطأش انتي ، وخطأ كل بنت ذربه ومحافظه وبنت رجال وعلى سنع بس ما توقف وقفه صارمه

ليش يوم شفتي إن وراكم سيكيورتي ولا حرك ساكن ما رحتي للأداره على طول وقلتي لهم موظفكم وجوده وعدم وجوده واحد !!

أنا ادري ان الموضوع بيستوي ملغ وبتطول السالفه وانتي تبين المخلاص ، لكن هالشي هو اللي بيردع هالطفيليات وبيخليهم يحشمون الناس غصباً عنهم إذا ماتربوا على الحشيمه والسنع ، تخيلي لو كل بنت تطلب الأمن او تحاسب الأمن في مثل هالحالات ، وش بيكون موقف هالغثيث النشبه !!؟

صدقيني الموضوع مش بسيط ، ولو ماكان فيه رادع قوي وإلا بنسوي نفس دولتين خليجيتين التحرش في مجمعاتهم بالقوه وعيني عينك ياتاجر

شوف عيني انا مجموعة شباب يسوون حلقه دائريه على البنت ويتحكمون في مساراها لأنها ما تبغي تلامس حد منهم وتاخذ الرقم غصباً عنها ولا احد يقول بررررم

وش خلاهم يوصلون لهالمرحله غير تغاضي البنات والمجتمع في نفس الوقت !!

وهذا مصير مجمعاتنا إذا ماكان هناك ما يردع هالخبلان بكل وأي وسيله .

[بوعمير]

واسمعته من الحديث ما يجعله يخجل من نفسه ومن قبلها خالقه color].. [color="black"]
[/b]

أرجو توضيح ما المقصود بكلمة (خالقة)، هل الإشاره هنا إلى (الخالق) المولى عزوجل وجل أو غيره ؟

[إنّ]

اختي العزيزه إن

من بداية طرحج للمواضيع الاثنين وانا متحمس اقرأ بكل هدوء وتمعن وبكل صدق وامانه اهنيج على اسلوبج ويا ريت عندي نصف اسلوبج بالكتابه وطريقة طرحج المواضيع وعن نفسي اقول عن موضوعج الاول ان المغازلجي همه الوحيد اي بنت لابسة عبايه او غيرها ولا يهتم ولا يدري ان الله يراة وهذه سيئات يرتكبها وهو لا يعلم وربما يعلم ولكنه يجهل والقصة المشهوره عن السقا ووالد البنت عندما قال لابنه دقة بدقة ولو زدت لزاد السقا والقصه معروفه ومشهوره والله يستر عليج اختي ويحفظج من كل مكروه

والموضوع الثاني اقولها بإختصار اهمال الوالدين لأولادهم انا عن نفسي اعتبرها جريمة يعاقب عليها المقصر والبنت راعية الثلاث سنين ما لها ذنب بالي صار وضربها من والدها هذا تصرف لا إرادي والحمد لله البنت رجعت لأهلها

وصار لي موقف في رمضان اللي راح مع شخص ضرب ولده جدامي وقلت له بكل هدوء نصيحة لله لا تضرب ولدك جدام الناس والمشكله ان ولدة عمره تقريبا ١٢ سنه ولكنه زعل وتهور و شوي ويمد يده على وانا بكل هدوء قلت له اللهم اني صائم وفي نهار رمضان ما ودي ازعل حد وهذه نصيحتي لك رضيت بها او ما رضيت وفي الاخير هذا ولدك وعامله مثل ما تريد وتركته وطلعت من المحل وشكله كان معصب حدة الله يهديه ويصلحة وآسف على الإطاله

واهنيك على سعة صدرك والله يكثر من امثالك


رحم الله والديك أخي الكريم ..
وأشكرك على تعقيبك اللي ضاف للموضوع الشئ الكثير ..
بعض الأخوة يرفضون تدخل الأشخاص الغرباء في طريقة تعاملهم مع ابنائهم ..
وإن كان .. فمن الأقوم لهم أن يكون ذلك بين جدران بيوتهم لا على مسمع ومرأى من الجميع .. وإلا فماذا نسمي هذا الاستهجان من ابسط تدخل ! .. إلا أنه الخطأ بعينه .

[إنّ]

الموقف الاول: دام حس انج داريه فيه مب مخليج ..عشان كذا (المرات الجايه) طنشي وعامليه هو والطوفه سوى ولا كأنج تسمعين منه شي(صج حاولي ان ماتسمعين) وطبعا لاتشوفينه .. بس قولي في قلبج : ( وجعلنا من بين أيديهم سداً ومن خلفهم سداً فأغشيناهم فهم لا يبصرون ) صدقيني ربي بيصرفه عنج ...

الموقف الثاني: ان شاء الله محد يتعرض لمثل هالمواقف والام والاب اكيييد ماكانوا يدرون عنها اشلون اختفت... والي سويتيه بصراحه الله يجزااااج الف خير عليه والله يحفظ عيالج ويخليهم لج...

مشكوره حبيبتي عالموضوع .. مواقف ممكن اي احد يتعرض لهاا وبادره حلوه وطيبه منج ان خليتينا نعيشها واناقشها معاج...


شكراً عزيزتي :) ..
ونصيحتك على الراس والعين ..
تسلمين وما قصرتي ..

[إنّ]

أسلوب راقي في الكتابة لكن ياخوات انا اتمنى كل وحده اذا بتروح هالمجمعات يكون معاها زوجها او انها تروح الميره على الاقل مافيها هالاشكال
اما النقطة الثانية للاسف هناك اهمال كبير من بعض الاباء والامهات للابناء وخاصه في المجمعات والاسواق مايرقبون عيالهم اذا ضاع كل واحد قط الوم على الثاني


شكراً أخوي Dider ..
ربما الضرورة تدفع للخروج وربي عالم بالحــال ..
أشكر لك تعلقيك ..
أما بالنسبة للاهمال ..
اذكر إني رحت أحد المجمعات .. وكان فيه عروض للخضروات والفواكه .. الكيلو بريال .. غير اللي 75 درهم .. وتعال شوف الأمة !! .. تستغرب شلون يتشرون الناس بكميات كبيرة الملفت لك حزتها كمية الأطفال الضايعين .. تسمع أصوات ونغمات للبكاء وأصوات صياح ما تتخيله .. الأب والأم مشغولين بجمع الخضار وهواش مع خلق الله .. والأطفال حدث ولا حرج ضياع في ضياع .. فأي مسؤولية بيتحملونها !

[إنّ]

مسكينه البنت عورت قلبي :(
لان عندها ابو متخلف بدال مايحظنها يضربها

الحمدلله والشكر

جزاج الله خير على موقفج مع البنت


وجزاك الله على شعورك الطيب ..
شكراً على تواجدك :) ..

[إنّ]

الله يعطيج العافيه أختي إإن

ماشاء الله عليج كاتبه وانتقاء للكلمات وخارجه من داخل قلبـج وعيشتينا الواقع صراحه بكل كلمة وحرف قاعد اتخيل الموقف ..

اهنيـج على سردج للقصه وكاننا نراها أمام أعيننا

وانا متاكد انه مش بسرد القصص فقط فلديك الكثير من الافكار والكلمات والعبر التي سوف نراها على واقع المنتدى ..

احييك

وبخصوص موقفج الاول زين سويتي فيـه لانه في ناس يبيلهم هالرادع ( التخويف )

الموقف الثاني

بيض الله وجهك وارحم الله والديج على صبرج وانتظارج مع هالطفله التي لا حول ولا قوة لها ..

وابوها الله يهداه عاد يصطرها مسكينه امبادل من الشوق ما يلمها ..

اش دارها فتاه لا تجهله ولا تفقه شيء الغلط من الابوين لازم ينتهبون لابنائهم يراقبونهم في كل مكان وبالاخص في المجمعات وغيرها وغيرها دامهم معانا انا لازم يكونون الاب والآم

حراس شخصيين لأبنائهم الصغار

والله يحفظ الجميـــــــــع


أخوي ..
يعلم الله إن طرحي لهالموضوع ..
لعل يكون فيه فايدة مستخلصة ..
وأنا صراحة وايد استفدت من ردود أخواني وخواتي ..
الله يعطيك العافية ..
وجزاك الله خير على كلامك الطيب ..

[إنّ]

الله يعطيك العافية على هالموضوع الاول ما خوذه زبدته ما راح يتعدلون هالمخفة الا اذا جاتهم ..... على وجهم علشان يتوبون .
الموضوع الثاني جد هزني وحزني وتخيلت احد من عيالي مكان البنت وانا مكان الاهل الحمد لله الي حفظها .

اتعرفين انا حصلي موقف مقارب للي واجهج كنت في فيلاجيو وكانت فيه بنت اعتقد هندية ضايعة عمرها ما بين 8-9 سنوات كانت تبكي اول ما بديت اتقرب منها والناس متجمهرين الا ابوها طالع علينا وليته ما طلع صار يضرب فيها ويرفس وللاسف كلنا واقفين ما حد تدخل وهداء الوضع جد حسيت اني جبانه والله لين الحين يمكن صار للامر 3 سنوات ضميري يأنبني ليش ما سحبت البنت منه لين يهدا وبصراحة خفت انه يمد ايده علي لانه في ذيك الحظة العقل غايب بس اخذ عهد على نفسي انه لو شفت مثل هالامر اني لا اتدخل وما اخلي احد يضرب طفلة بمثل هالموقف


مرحبا أختي :) ..
مشكلتنـا إن تدخلنا واجهنا رفض الأهل ..
وإن سكتنا ضميرنا ذبحنـا ..
ترى أبو الطفلة ضربها بعد ما خذها مني ..
يوم حس إنه بعد شوي استلمها الله يسامحه ..
شاكرة مرورك وردك عزيزتي :) ..

[إنّ]

في رايي الشخصي ... الموقف الاول يحل بالضرب ... اي بالضرب ...
... ينضرب زي الكلب قدام الناس بدون رحمة ولا شفقة ...
.... وقد يصل الامر الى شيئ اكبر من الضرب اذا استلزم الامر ....

اما الموقف الثاني .. فيجب ان يسمع الابوين محاضرة معتبرة معناها ان انتوا الغلطانين باهمالكم للطفلة ...
ولا يجوز لك ايها ( المحترم ) معالجة هذا الخطا والتقصير منك بضرب الطفلة ..!!!!

انا شخصيا صار موقف امامي لاحد الاباء وهو يضرب ابنه بالنعال .. اعزكم الله ... في الوجه زي الحيوان !!
لا شعوريا .. خذت النعال من يده ... وبغيت اعطيه من الزين ...

مشكلة الناس اللي مايحسون بنعمة الابناء .... لايشكرون الله عليها ..!!


لاحظ أخوي التأثير السلبي على الطفل أثناء ومن الضرب .. فما بالك بالضرب أما الغرباء ! ..
أحياناً يراودني شعور مؤلم وأفكر ..
هل نحن نستغل ضعف هذا الكائن الصغير الحجم .. الوديع .. الذي لا حول ولا قوة له ( الطفل ) فنضربه ! .. يقينا منا بأنه لن يرد الصفعة بالصفعة .. فهو لا يستطيع أن يدافع عن نفسه .. فهل ننتهز هذه الصفات لنلقنه أصناف الضرب ! .. حقيقة مؤلمه .. بارك الله فيك أخي .. وندعوا لنا ولهم بالهداية والله المستعان .

[إنّ]

هذة المواقف كثيرة هلايام وخاصة الموقف الاول وراح تزداد بزدياد الكلاب من الجنسبات العربية وخاصة السورية الذين يكشخون في لباس القطرين ويحاولون مضايقة بنات قطر ولا اعتقد ان هناك قطري اصل وفصل يفعل ذالك الفعل الا السفية منهم وكان الاجدر بكي حفظ الرقم وايصالة للجهات الامنية ليرتدع هذا الكلب اين كان


أخي بو علي ..
رغم إنه كرر الرقم مرات عديدة ..
لكن الموقف لم يكن ليسمح لحفظ الرقم ..
لكن نقطة توضع بالاعتبار ..
كفانا الله شر تلك الأنفس ..
أشكر شعورك وتعليقك ..

[إنّ]

ضحكتني ياابوعلي
يعني المغازلجيه نصهم سورين لابسين ثوب
واحنا مانميزهم !!!

الا قطري اصل وفصل يغازل ونص
لنا اهل وصديقات معروفين عن رياييلهم مغازل وعيون زايغه وهم اصـــل وفصل ..حسبي الله ونعم الوكيل



اختي ان ماقصرتي في طرحج للواقع
الظاهر الابو طلع عن طوره وماقدر يمسك انفعاله
الله يهديهم بعض الاباء مايمسكون اعصابهم جدام الناس
اليهال لما ينطق جدام الناس شخصيته تضعف
الكثير يجهل هالشي


رحم الله والديك وأنت بعد ما قصرت ..
شكراً لتعقيبك ..

[إنّ]

والنعم بالله

مع احترامي وتقديري اختي بس هذا خطأش انتي ، وخطأ كل بنت ذربه ومحافظه وبنت رجال وعلى سنع بس ما توقف وقفه صارمه

ليش يوم شفتي إن وراكم سيكيورتي ولا حرك ساكن ما رحتي للأداره على طول وقلتي لهم موظفكم وجوده وعدم وجوده واحد !!

أنا ادري ان الموضوع بيستوي ملغ وبتطول السالفه وانتي تبين المخلاص ، لكن هالشي هو اللي بيردع هالطفيليات وبيخليهم يحشمون الناس غصباً عنهم إذا ماتربوا على الحشيمه والسنع ، تخيلي لو كل بنت تطلب الأمن او تحاسب الأمن في مثل هالحالات ، وش بيكون موقف هالغثيث النشبه !!؟

صدقيني الموضوع مش بسيط ، ولو ماكان فيه رادع قوي وإلا بنسوي نفس دولتين خليجيتين التحرش في مجمعاتهم بالقوه وعيني عينك ياتاجر

شوف عيني انا مجموعة شباب يسوون حلقه دائريه على البنت ويتحكمون في مساراها لأنها ما تبغي تلامس حد منهم وتاخذ الرقم غصباً عنها ولا احد يقول بررررم

وش خلاهم يوصلون لهالمرحله غير تغاضي البنات والمجتمع في نفس الوقت !!

وهذا مصير مجمعاتنا إذا ماكان هناك ما يردع هالخبلان بكل وأي وسيله .


شوف أخوي الكريم ..
أثناء حدوث الموقف ..
يروح عن بالك بعض الاجراءات اللي من المفروض تقوم بهـا ..
ومثل ما قلت عيالي وياي ..
وأنا من النوع اللي أخذ اللي ابيه واطلع ..
ويمكن لو كنت رحت واشتكيت ..
ما حصلت هالطفلة الضايعة ..
لكن بإذن الله ملاحظة حاطتها في اعتباري ..
وشكراً أخوي على حرصك .. واهتمامك ..
ومب غريب على عيال ديرتي ..

[إنّ]

أرجو توضيح ما المقصود بكلمة (خالقة)، هل الإشاره هنا إلى (الخالق) المولى عزوجل وجل أو غيره ؟


نعم المقصود .. المولى عز وجل .

وهذه اهداء ..

إذا ما قال لي ربي أما استحييت تعصيني ..؟

وتُـخفي الذنبَ عن خلقيَ وبالعصيانِ تأتيني

فكيف أجيبُ يا ويحي ومن ذا سوف يحميني؟

أسُلي النفس بالآمالِ من حينٍ إلى حيني ..

وأنسى ما وراء الموت ماذا بعد تكفيني

كأني قد ضّمنتُ العيش ليس الموت يأتينى

وجاءت سكرة الموت الشديدة من سيحميني؟؟

نظرتُ إلى الوُجوهِ أليـس منُهم من سيفدينـــي؟

سأسأل ما الذي قدمت في دنياي ينجيني

فكيف إجابتي من بعد ما فرطت في ديني

ويا ويحي ألــــم أسمع كلام الله يدعوني؟؟

ألــــم أسمع لما قد جاء في قاف ويسِ

ألـــم أسمع بيوم الحشر يوم الجمع والدين

ألـــم أسمع مُنادي الموت يدعوني يناديي

فيا ربــــاه عبدُ تــائبُ من ذا سيؤويني ؟

سوى رب غفور واسع للحقِ يهدييني

أتيتُ إليكَ فارحمني وثقــّـل في موازيني

وخفَفَ في جزائي أنتَ أرجـى من يجازيني

وهذه الأبيات لها قصة مع الإمام أحمد بن حنبل حيث جاء إليه شخص قال له يا إمام ما رأيك في الشعر، قال الإمام وأي شعر هذا، قال الرجل :
إذا ما قال لي ربي أما استحييت تعصيني
وتخفي الذنب عن خلقي وبالعصيان تأتيني

فأخذ الإمام يردد الأبيات ويبكي حتي أصبح له صوت كبكاء الأطفال حتى قال تلامذة الإمام كاد يهلك الإمام من كثرة البكاء ..

[بوحارب]

بالنسبة حق الموضوع الأول الحين اكثر الشباب صاروا يدورون عن الأمهات او المتزوجات بالأصح وهالشي الحريم اللي جابوه لنفسهم مادري وش سالفة بعضهم فيهم مراهقة متأخره !!

عشان كذا الشاب ماعاد يفرق بين الشلقا والبلقا !!

والسبب الرئيسي والأول مافيه اللي يردع الشباب عن هالسوالف المصخره توني راد من الاند وشفت شباب همهم ترقيم وملاحق البنات بس وين الشرطة عنهم لايوجد :)

[OTOsan]

ليس لدي تعقيب على المواقف بحد ذاتها فقد اسهب الاعضاء فيها ، ولكنني اردت ان اسطر اعجابي بطريقة السرد لهذه المواقف :)

لك ِجزيل الشكر ،،

[qatarman8008]

لاحظ أخوي التأثير السلبي على الطفل أثناء ومن الضرب .. فما بالك بالضرب أما الغرباء ! ..
أحياناً يراودني شعور مؤلم وأفكر ..
هل نحن نستغل ضعف هذا الكائن الصغير الحجم .. الوديع .. الذي لا حول ولا قوة له ( الطفل ) فنضربه ! .. يقينا منا بأنه لن يرد الصفعة بالصفعة .. فهو لا يستطيع أن يدافع عن نفسه .. فهل ننتهز هذه الصفات لنلقنه أصناف الضرب ! .. حقيقة مؤلمه .. بارك الله فيك أخي .. وندعوا لنا ولهم بالهداية والله المستعان .

ما فهمتي ردي عدل .. الضرب للموقف الاول ... وليس الثاني

[دااانة قطر]

تخيلي عزيزتي ..
وحدة من رفيجاتي .. طلعت مع ريلها وعيالها وبناتها في أحد مولات دبي ..
أيام المهرجان ..
خلصوا عيالها العبوا وتعشوا ..
وطلعوا من المول ..
وصلوا الفندق ..
واحد من عيالها سألها ( يمه وين دانة ! ) ؟
الأم قالت له وينها .. شوفها في الغرفة ..
ما حصلوها ..
طلعت إنها ضيعت بنتها .. لا ونستها هناك .. ورجعت الفندق .. وهي ولا تدري !
تخيلي الشعور حزتها ؟؟؟!! :rolleyes2:

:eek5::eek5::eek5:
لاتعليق
طيب لقوها أو لا ؟؟

[دااانة قطر]

بالنسبة حق الموضوع الأول الحين اكثر الشباب صاروا يدورون عن الأمهات او المتزوجات بالأصح وهالشي الحريم اللي جابوه لنفسهم مادري وش سالفة بعضهم فيهم مراهقة متأخره !!

عشان كذا الشاب ماعاد يفرق بين الشلقا والبلقا !!

والسبب الرئيسي والأول مافيه اللي يردع الشباب عن هالسوالف المصخره توني راد من الاند وشفت شباب همهم ترقيم وملاحق البنات بس وين الشرطة عنهم لايوجد :)

في هذي صدق بوحاارب
الاحسااس بالمرااهقه المتأخره
الله المستعاان

[ارين]

ليس لدي تعقيب على المواقف بحد ذاتها فقد اسهب الاعضاء فيها ، ولكنني اردت ان اسطر اعجابي بطريقة السرد لهذه المواقف :)

لك ِجزيل الشكر ،،


وأنا كذلك أود أن أثني على أسلوبك الرائع وطريقتك الجميلة السلسة في سرد المواقف ..

يعطيك العافية أختي إنّ

[مضاربه]

عزيزتي ان الموقف الاول الي صادج يصير ومع ناس وايد في المخازن الكبرى والمشكله انه مب من شباب مراهقين لا من رجال كبار في ظني والله واعلم في نوعيه من الناس لم يشوفون الوحده من غير محرم يسترخصونها ويظنون انها بنت سهله عجبتنيني يوم وقفتي في وجهه حسيت فيج بالحرص مب بس على نفسج حتى على بنات بلادج تحياتي لج

[رمح الشمال]

السبب واضح وضوح الشمس من قل دينه قل حياه

[Bozizoo]

:omg:
فقط مشاهد

[إنّ]

بالنسبة حق الموضوع الأول الحين اكثر الشباب صاروا يدورون عن الأمهات او المتزوجات بالأصح وهالشي الحريم اللي جابوه لنفسهم مادري وش سالفة بعضهم فيهم مراهقة متأخره !!

عشان كذا الشاب ماعاد يفرق بين الشلقا والبلقا !!

والسبب الرئيسي والأول مافيه اللي يردع الشباب عن هالسوالف المصخره توني راد من الاند وشفت شباب همهم ترقيم وملاحق البنات بس وين الشرطة عنهم لايوجد :)


يا بو حارب ..
الجواب باين من عنوانه ..
في ذمتك في حد للحين ما يعرف يفرق ..! ..
اسمح لي فإذا الشاب ما يعرف يميز .. بيكون أحمق ..
ولو كان عندنا سياسة متبعة لمثل هالأشكال ..
من تشهير لهم في الجرايد .. وجلد ..
كان أبركها من ساعة ..

[إنّ]

ليس لدي تعقيب على المواقف بحد ذاتها فقد اسهب الاعضاء فيها ، ولكنني اردت ان اسطر اعجابي بطريقة السرد لهذه المواقف :)

لك ِجزيل الشكر ،،


أشكر حضورك ..
وبالمناسبة أنا واحدة من المتابعين لما تكتبه ..
وتعجبني مشاركاتك ..
قلم واعد مـا شاء الله ..

[إنّ]

ما فهمتي ردي عدل .. الضرب للموقف الاول ... وليس الثاني


فهمت ردك عدل والله ..
بس أنا كان تعليقي بشكل عام .. وتركيزي على الموقف الثاني ..
لإني اتوافق معاك في ما جاء بردك على الموقف الأول ..
يعني كنت أتكلم عن ضرب الأطفال بجميع أنواعه وبإختلاف المواقف ..
أما بالنسبة للموقف الأول ..
كما قلت سابقاً ..
الجلد ..
التشهير ..
لمثل هذه الفئة ..
قد يمنع عنـا أذاهم ..
وفقك الله أخي ومرحبا بك مرة أخرى ..

[إنّ]

:eek5::eek5::eek5:
لاتعليق
طيب لقوها أو لا ؟؟


:) ..
أبو البنت ..
حرم على مرته تسافر دبي من يومهـا ..
حمل زوجته كامل المسؤولية ..
رجعوا المول .. وتخيلي شعورهم ..
كانت توصف لي وهي تصيح .. زحمة الشوارع والسيارات ..
التفكير يودي وييب ..نحصلها ما نحصلهـا .. هواش ريلها لها ..
زين ما ذبحها ريلها .. واللي يقهرك إنه مطلع نفسه من السالفة ..
صياح عيالها على اختهم ..
مأســــــــــــــــــاة بمعنى الكلمة ..
وصلوا وراحوا على قسم الأمن هناك ..
حصلوا البنت منهارة ..
عايلة إماراتية سلمتها للأمن ..
قدر سبحانه ولطف يا دانتنا :):) ..

[إنّ]

وأنا كذلك أود أن أثني على أسلوبك الرائع وطريقتك الجميلة السلسة في سرد المواقف ..

يعطيك العافية أختي إنّ




الله يعافيك عزيزتي :) ..
هذا من طيب أصلك ..
وإلا أنا ما سويت شي :) ..
شكراً أختي

[إنّ]

عزيزتي ان الموقف الاول الي صادج يصير ومع ناس وايد في المخازن الكبرى والمشكله انه مب من شباب مراهقين لا من رجال كبار في ظني والله واعلم في نوعيه من الناس لم يشوفون الوحده من غير محرم يسترخصونها ويظنون انها بنت سهله عجبتنيني يوم وقفتي في وجهه حسيت فيج بالحرص مب بس على نفسج حتى على بنات بلادج تحياتي لج


أختي العزيزة ..

بالفعل المخازن وايد تصير فيه مثل هالأمور .. صدقتي !! ..
وبالفعل مب مراهقين .. يعني أعمارهم في الثلاثين والأربعين .. ! ..
الله ينور عليك .. ييتي على الجرح بالضبط ! ..
تتخيلي عزيزتي .. رفيجتي الحامل ما اسلمت منهم ! ..
الله يكفينا شرهم ..

[إنّ]

السبب واضح وضوح الشمس من قل دينه قل حياه




http://www.xtremeshack.com/immagine/i85159_ok.jpg

[وجه ابن فهره]

الموقف الأول :

ما استغربه خصوصا في مجمع .. واللي ما يستحون وااااااجد انا صار معي هالموقف بس بعياده اسنان تخيلي :eek5:
واحد ما آدري من وين طالع لي وتم وراي وراي لين السياره بغى يركب معنا وسافهته طووووول الطريق احسب انه يبي يروح لسيارته مثلنا ولما شافني ركبت انا والخدامه وتوني بسكر الباب مسك الباب يجره مدخل اصابعه عشان ما اصك الباب يجر وانا اجر من الخووووف صرت طرزان ذاك اليوم من الصدمه وما فكه الا لما ضربت اصابعه بقووه بغرشه تروبيكانا كانت معي :secret:


يا مااال الضعفه اشهههههد ان فيه قووووووه خلع كتفي :(

اللي قهرني انه ووقح انا من الروعه اقول لا شعوريا وانا ماسكه الباب : امحق سنه امحق سنه وهوو يرد في بطنك في بطنك :mad:


بالنسبه للموقف الثاني : المفروض ان الأب لم على بنته ما ضربها كذا وهي بروحها خايفه

[رآعي موآجيب]

الموقف الأول :

ما استغربه خصوصا في مجمع .. واللي ما يستحون وااااااجد انا صار معي هالموقف بس بعياده اسنان تخيلي :eek5:
واحد ما آدري من وين طالع لي وتم وراي وراي لين السياره بغى يركب معنا وسافهته طووووول الطريق احسب انه يبي يروح لسيارته مثلنا ولما شافني ركبت انا والخدامه وتوني بسكر الباب مسك الباب يجره مدخل اصابعه عشان ما اصك الباب يجر وانا اجر من الخووووف صرت طرزان ذاك اليوم من الصدمه وما فكه الا لما ضربت اصابعه بقووه بغرشه تروبيكانا كانت معي :secret:


يا مااال الضعفه اشهههههد ان فيه قووووووه خلع كتفي :(

اللي قهرني انه ووقح انا من الروعه اقول لا شعوريا وانا ماسكه الباب : امحق سنه امحق سنه وهوو يرد في بطنك في بطنك :mad:


بالنسبه للموقف الثاني : المفروض ان الأب لم على بنته ما ضربها كذا وهي بروحها خايفه




هههههههههههههههههههههههههه


وعاد وجهه قوي يقول في بطنش !!

يادافع البلا

لكن الحق عليش ، المفروض تقولين له انا وجه ابن فهره :tease:



<< امزح طبعا لكن النك ماله حل :rolleyes2:

الموقف على كثر ماهو يحزن ويقهر على كثر ماهو كوميدي وضحكت من جدي

جات سالفة هم يضحك وهم يبكي

تصبحون على خييير escape

[وجه ابن فهره]

هههههههههههههههههههههههههه


وعاد وجهه قوي يقول في بطنش !!

يادافع البلا

لكن الحق عليش ، المفروض تقولين له انا وجه ابن فهره :tease:



<< امزح طبعا لكن النك ماله حل :rolleyes2:

الموقف على كثر ماهو يحزن ويقهر على كثر ماهو كوميدي وضحكت من جدي

جات سالفة هم يضحك وهم يبكي

تصبحون على خييير escape





ذيك الساعه ما آدري وين وجه ابن فهره مني استحيت :(
وجه ابن فهره علومه علوم معي ما يطلع اذا احتجته :p

[بوحارب]

يا بو حارب ..
الجواب باين من عنوانه ..
في ذمتك في حد للحين ما يعرف يفرق ..! ..
اسمح لي فإذا الشاب ما يعرف يميز .. بيكون أحمق ..
ولو كان عندنا سياسة متبعة لمثل هالأشكال ..
من تشهير لهم في الجرايد .. وجلد ..
كان أبركها من ساعة ..

حتى كلمة احمق قليلة في حقه

تصدقين مرة صار نفس الموقف لزوجة واحد من ربعي وهو بنفسه قالي السالفة

دخل يصلي في مصلى المجمع ( الستي ) وهي برع تنطره وفي يدها القاري تدز طفلها :omg: ومعروفه هالمره بأحتشامها واخلاقها

ويوم رجعوا البيت قالت حق زوجها واحد رقمني !!!!

وماحبت تقوله داخل السوق عشان مايقولها وريني الرجال وتصير مشكلة !!

والله ناس ماتستحي في ذمتي ياريت نشوف تحرك من الشرطة لردع هالأشكال

[عابر سبيل]

أختي العزيزة ..

بالفعل المخازن وايد تصير فيه مثل هالأمور .. صدقتي !! ..
وبالفعل مب مراهقين .. يعني أعمارهم في الثلاثين والأربعين .. ! ..
الله ينور عليك .. ييتي على الجرح بالضبط ! ..
تتخيلي عزيزتي .. رفيجتي الحامل ما اسلمت منهم ! ..
الله يكفينا شرهم ..

التحية مجددا...
حقيقة..من امس و انا مستغرب ن كلام اللي قالت
ان هالشي هو ظاهرة في هالمجمع..
و اليوم انتي اختي/ تأكدين هالامر..

حقيقة..انا من بد "المجمعات" ما اخذ هلي و اعيالي
الا لهالمجمع..و من حزه لين حزه..
لانا انشوفه "انظف" المجمعات..
اضافة لوجود "جنغل زون"!!

عموما..اختي و كل من يقرا معنا..
الله الحافظ اولا..لكن على الانسان ان يتخذ الاسباب..
و اسمعي مني هالقصة
*
*
،،
كنت في امريكا راجعين من المصلى انا و زميل كويتي..
اما هوبيوصلني للشقة او انا كنت ابي اوصله..
و كان هو متزوج (بو عيال) و انا عزوبي..

ع الطريج..قال لي..ابي غرض صغير للبيت
من احد المجمعات اللي على طريجنا..
يعني..مثل هالمخازن الكبرى و ما شابه..

لمراد..لما وقفنا السيارة في الموقف(شوي بعيد)..
انا ما بغيت انزل معاه..
بحكم انه بسرعه بياخذ الغرض و بيرجع
و انا "متعيجز" امشي المسافة..او قدرت
انه يبي ياخذ شي "خاص" للبيت و بحرجه
لوكنت معاه..

فقال لي..ما بتنزل معاي!!
قلت له..اذا تحب:shy:

و احنا نمشي في المجمع..
كملنا سوالفنا عادي..
في وسط المجمع..هو سألني..
تعرف ليش انا قلت لك انزل معي؟؟
قلت له..هاه..عادي..ما ادري؟؟

قال..انا من طبعي
(و هو رجاااااااال و ابو عياااال)
ما انزل هالاماكن (بروحي)..
ان ما كانت معي زوجتي..فأحد من ربعي..
عشان ما يكون (الشيطان) خويي..
و انشغل باللي معي عن كل (من ) حولي..
و بهالشكل..استعين برفيقي بعد الله ..
انه من هالفتن.. يحميني!!
*
*
،،
فالنصيحة..للرجل و لا للحرمة..
يحاول الانسان ما يروح لهالاماكن (بروحه)..
يكون دايما معه أحد "خيـّـر" ..
يحفظه
من شر نفسه
و من شر شياطين الجن..
ومن خطر اباليس (الانس)!

و اذا ما حصل له (مرافق)..

يـــ(ـتـ)ــروح يــ(ــتـ)ـتـقضى من اماكن عادية في الفرجان..
و اقل فتنة و لو كانت بضاعتها (اغلى)..
فحفظ القلب...أغلى من توفير خريدة
على قواطي فاين او قصدير
او جبن او شوية (روتي)!!
*
*
،،
اخيرا..و اعذروني ع الاطالة..

أخرج مسلم في صحيحه من حديث أبي هريرة رضي الله عنه أن رسول الله صلى الله عليه وسلم قال:
أحبّ البلاد إلى الله مساجدها، وأبغض البلاد إلى الله أسواقها.

وأخرج البزار والطبراني من حديث سلمان الفارسي رضي الله عنه قال:
قال رسول الله صلى الله عليه وسلم:
لا تكونن إن استطعت أول من يدخل السوق ولا آخر من يخرج منها
فإنها معركة الشيطان وبها ينصب رايته.