الى كل ملاك نيسان باترول الجديد والى كل من جربه

[gxr o.z]

السلام عليكم ورحمة الله وبركاته يا اخوان ناوي اطق لي موتر جديد وجا في بالي النيسان باترول الجديد كليا لكن بكل امانه ماجربته ولا ركبت فيه وهو يمشي واتمنى تفيدوني ببعض الامور
انا حاليا عندي لاندكروزر فكسار 2010 والموتر حلو لكن ابغي اغير هل النيسان باترول الجديد قيادته افضل من قيادة الاندكروزر ؟
وهل هو وعر في المطبات مقارنه بالكروزر ولا اريح واريف ؟؟ لأن هذي نقطه مهمه بالنسبه لي
وكيف استخدامه بشكل عام , شكرا

[يكفي حضوري]

ياهلا وسهلا وصباحك سعيد والله ياطويل العمر مافيه مقارنه بينه وبين السياره اللي عندك من كل النواحي لا مركب ولا ممشى ولا مميزات أنا واحد من عشاق التيوتا ولو قايل.شرايك في النيسان القديم كان قلت لك بريال مابغيه

فتوكل على الله واشتر

[khalid 87]

صباح الخير ياخوي اذا ناوي على النيسان لاتردد وبالذات اذا كان 400 حصان موتر والله خيالي وانا خذته من عقب vxr ومافيه مقارنه وفي حياتي ماتوقعت ان شركة النيسان في يوم من الايام بتبدع بهالطريقه واذا لك خاطر تجرب الموتر حاظرين

[غير عنهم]

النيسان ماعليه كلام بس تمله بسرعه بس الفي اكس ار موتر استخدام على طول

[الشاااهين]

انصحك ب320 حصان بصراحه ماعليه كلام والله يوفقك.

[Rayane]

انا رحت لهم الشهر اللي فات وحصلت الـ 320 حصان قير عادي بـ 184 الف حيث ان الاوتو بـ225 الف اللهم الفرق ان باب الشنطه كهربائي وفتحه وكشافات بسسس...

وأنا رجال على قد حالي.... لكن الموتر مكيفين وثلاجه ورهيب مرررررره.

الله يخارجنا بس... بيحدني على الدين وعلى البنك خخخخـ

[$$كلنا قطر$$]

اخوي الموتر ما عليه كلام بس عيبه حجمه شوي دفش
الحمدلله ما يشكو من التنسيم نفس قبل
بس شوي وعر فالسرعات الخفيفه وكلمت الوكاله قالولي للأنه هدرولك ونضام التثبيت ومن هالكلام بس مع السرعات العالي ما تحس بالحفر وعن تجربه
صرفيته فالخطوط مالها حل
يكفي لونه من داخل يفتح النفس مب نفس الكروزر
وماله داعي تشيل الكراسي الي ورا يكفي تنزلهم عكس الكروزر
بس
بسسسسسسسسسسسسسس
التويوتا تويوتا

[طاش]

النيسان فيه مميزات ولكن فيه عيوب القرقعه ومن داخل في الخلف ضيق واذا استعمالك تنزل حصى مايسوى شي وعلى الخط اذا كان فيه هوا يدخل عليك هواء ومب ثابت في الهواء
ومميزاته الرادار اذا قدامك سيارة واذا طلعت من الخطوط الجانبية للشارع يعطيك نغمة تحذير وقوة عزمة ال400حصان وال5كاميرات حلوه
والفي اكس ار انت ادرى والمقارنة من واقع تجربة وطبعا مقارنتي النيسان مع الكزس بالنسبة لي الكزس افضل بكثير نعومة وثبات وعدم تنسيم الهواء على الطريق واشياء كثيرة وانا مسوي مقارنة لاني جربت النيسان اسبوع كامل الفل ابشن 5كاميرات ولاكن الكزس افضل

[qtr qtr]

نصيحه اذا تبي حق الحصى وفيه مواصفات حلوه خذ ال320 حصان ..
لان جاميناته عاديه مب هيدرولك والتواير حجمها 18 ما تحس بالمطبات والحفر وناعم وعزمه ما يحتاج .. وما في تنسيم هوا عالبيبان .. توكل على الله

[نيساني]

الفرق الرئيسي بين بو 320 حصان و400 حصان الجير والهيدرولك

اللي اعرفه انه 7 تبديلات في بو 400 لذلك الصرفيه اقل اما بو 320 خمس تبديلات يعني يصرف شوي


وتبي نصيحة اخو مثل مانصحت اخوي وخذ له واحد

خذ بو 400 حصان واهم شي خذ اللي بدون هيدرولك

وبالتوفيق لك اخوي

[البحار00]

أنا ياخوي نفسك

بعد عشرة عمر طويله ويا الكروزر اليوم قلت له يسمح أمرك والله يسهل عليك ما عااااد ابييك

وان شاء الله رايح صووب النيسااان


وانا يا جماعه محتار

أخذ بفتحه ولا بدون لأني نادر ما استخدمها

[بـن عدوان]

نصيحتي لك اذا بتدفع هالمبلغ ادفعه على موتر الماني او بريطاني

رنج او بورش كايين اس