ما الفرق ؟؟ جميعهم ابناءنا ..!!

[لاجئ عاطفي]

لاحظت الكثير من الشباب اذا رزقه الله بمولود انثى لا يسعى بنشر ذلك الخبر لاصحابه في العمل او في الخارج واحيانا لا يعلم به احد على العكس تماما لو رزق بمولود ذكر ففي هذه الحاله يقوم بنشر خبر قدوم مولوده الذكر في البلاك بيري وفي مسجات الجوال هذا غير العزائم والولائم ... والاقصى من ذلك ان بعضهم لا يقوم بزيارة زوجته التي انجبت مولود انثى في المستشفى وكان هذا الامر بالنسبه له امر معيب ...!!
اخشى ان نكون قد رجعنا الى ايام الجاهليه (( وؤد البنات ))؟؟!!!

والسؤال هنا لما يخجل البعض في حاله لو رزق بمولود انثى ؟؟

[MAZEN37]

في ناس بهالصوره؟

[بو الجوري]

ما أعتقد في من هذول الحيـن :)

بالعكـس أشوف الكل يفرح إن جاه مولود ( سواء ذكر أو أنثى )

[لاجئ عاطفي]

واجهت واحد من هالنوعيه في الدوام رزق بمولود انثى وماقالنا عشان انهنيه ونفرح له ولا حتى جاب لنا طاريها ابد وعرفنا ان عنده مولودة بالصدفه ...

ايضا واحد ثاني خارج الدوام عنده بنت كاول مولولد محد درى عنها ويوم الله ارزقه بالمولود الذكر ماخلى احد ماقاله !!! وحالات كثيره فعلا مرت علي لهذا السبب كتبت لكم الموضوع هناك فعلا من يخل ان لديه مودود انثى

[بصمة قطرية]

الحمد لله اللي اشوفه ان عيالنــا يفرحـون بالبنت نفس الولد ..
اللي تفكيره جذي إنســان متخــلف ..
يحمـد ربه ان ربي رزقـه ببنت ..
غيره يتمناهـا ..:(
الحمــــدلله ~

[بو الجوري]

واجهت واحد من هالنوعيه في الدوام رزق بمولود انثى وماقالنا عشان انهنيه ونفرح له ولا حتى جاب لنا طاريها ابد وعرفنا ان عنده مولودة بالصدفه ...

أخوي في ناس مايحبون يقولون إنه زوجته ربت !!
سواء بنت وإلا ولد :..
ويمكـن هذا من هالنوع :)


ايضا واحد ثاني خارج الدوام عنده بنت كاول مولولد محد درى عنها ويوم الله ارزقه بالمولود الذكر ماخلى احد ماقاله !!! وحالات كثيره فعلا مرت علي لهذا السبب كتبت لكم الموضوع هناك فعلا من يخل ان لديه مودود انثى

يمكـن هو بعد مايحب يقول لكـن يوم جاه الولد إستانس
لأنـه سنده و ولي عهده :)





ومحد ينكـر إن فرحة الولد غير ،،
حتى لو نفس الشي لكـن لما يجيك ولد تحس إن صار عندك ولي عهد و سند لـخواتـه

أنا أول مولود بنت و الثانيه بنت و الثالث ولـد :..
مازعلت يوم جات الجوري ، بالعكس البنات شحلاتهـم
لكـن يوم جاني فهـد ،، :nice: إرتحت
و إن شاء الله بيكون سند وعون لخواتـه عقب موتي
و إن شاء الله بيكـون من الصالحين

[لاجئ عاطفي]

لايوجد احن على الوالدين من الفتاة فهي حنونه كثيرا على والديها وخصوصا في الكبر والدليل انظروا الى العاقيين ومن يرمون ابائهم في دور العجزه تجدوهم في الغالب من الذكور

[لاجئ عاطفي]

ومحد ينكـر إن فرحة الولد غير ،،
حتى لو نفس الشي لكـن لما يجيك ولد تحس إن صار عندك ولي عهد و سند لـخواتـه

أنا أول مولود بنت و الثانيه بنت و الثالث ولـد :..
مازعلت يوم جات الجوري ، بالعكس البنات شحلاتهـم
لكـن يوم جاني فهـد ،، :nice: إرتحت
و إن شاء الله بيكون سند وعون لخواتـه عقب موتي
و إن شاء الله بيكـون من الصالحين


الله يحفظهم لك ويجعلهم من الذريه الصالحة بأذن الله ويفرحك فيهم يا بو فهد

[بصمة قطرية]

تذكـرت واحــد من عيالنا ..
قبل لا يتــزوج كــان يقول ما أحب البنات
و ما أتمنى تجيني بنت و من هالكــلام ..
لكـن سبحانك يارب ..
عقب ما تزوج و ربي رزقه بالبنت
تغير كلامه و تمنى ان رب يرزقه الثانية بعد بنت ..
والحمدلله جاته بنت ..
كان يتكلم بس جذي ..
لكن يوم جرب البنت عرف قيمتها عدل ..
و عرف ايش تعني البنت ..
و ما شاء الله فرحته بالبنت كبيرة الله يديمها عليه ~

[فيزيائية]

عنصرية موجودة لاتنحصر في الزوج
بل تتعدى الى اهله وقد تشمل المجتمع
واللي يقول مش موجودة.........
اقول له قول الحمد لله انها مامرت عليك .

[دبلوماسية]

قصة واقعية

سال فهد عيسى ..ليش جسمك نحيل وثيابك مب نظيفة ؟
قال عيسى ..انا الحين كبير في السن وشغلي خليته وعيالي الثلاثة تزوجوا وكل واحد بنى له بيت خاص فيه ونقل ...وزوجتي امرأة كبيرة في السن ولا تقوى على شغل البيت من طبخ وغسيل وماعندنا احد يخدمنا او يصرف علينا غير اهل البر والاحسان ..


بس غريبة يا فهد اشوف حالك زينة وملابسك نظيفة ومكوية وانت مثلي ...بناتك تزوجوا وتعيش في البيت مع زوجتك اللي ماتقوى على شغل البيت ..

قال فهد ....بقول لك
بنتي الكبيرة تجينا كل يوم في الصباح وفي يدها فطورنا ...تفطرنا وتغسل ملابسنا وترجع بيتها ...
بنتي الوسطية تجينا الظهر ومعاها الغداء وتكوي ملابسنا وترجع بيتها ...
بنتي الصغيرة اتجينا في الليل وفي يدها عشاءنا ...اتعشينا وتسبحنا وتنومنا وتغطينا ...



اتعرف ايش يعني هذا ؟؟
قال عيسى ..لا ما عرف ...

قال فهد ....ابو البنات اينام وهو متعشي وابو العيال اينام على جوع ...



ويقولون الاولين ...( اللي ماعنده بنيه يموت وعلاته خفيه )

ويقولون بعد ..( جعل عدو عيني ما تجي له بنيه )



فديتنا .....وجعلنا ذخر لأهالينا:victory:




منقولة

[بصمة قطرية]

عنصرية موجودة لاتنحصر في الزوج
بل تتعدى الى اهله وقد تشمل المجتمع
واللي يقول مش موجودة.........
اقول له قول الحمد لله انها مامرت عليك .

صدقتي اختي فيزيائية ..
الكثير عنده هالعقدة ( العنصرية ) تفضيل الولد على البنت..
صحيح الولد يحمل اسم الأب ..
و اشياء كثيرة مفروغ منها ..
ما في داعي نذكرها ..
بس تظل البنت غير ..

[سان سيمون]

ما أعتقد في من هذول الحيـن :)

بالعكـس أشوف الكل يفرح إن جاه مولود ( سواء ذكر أو أنثى )

:nice::nice::nice::nice::nice:

[بصمة قطرية]

قصة واقعية

سال فهد عيسى ..ليش جسمك نحيل وثيابك مب نظيفة ؟
قال عيسى ..انا الحين كبير في السن وشغلي خليته وعيالي الثلاثة تزوجوا وكل واحد بنى له بيت خاص فيه ونقل ...وزوجتي امرأة كبيرة في السن ولا تقوى على شغل البيت من طبخ وغسيل وماعندنا احد يخدمنا او يصرف علينا غير اهل البر والاحسان ..


بس غريبة يا فهد اشوف حالك زينة وملابسك نظيفة ومكوية وانت مثلي ...بناتك تزوجوا وتعيش في البيت مع زوجتك اللي ماتقوى على شغل البيت ..

قال فهد ....بقول لك
بنتي الكبيرة تجينا كل يوم في الصباح وفي يدها فطورنا ...تفطرنا وتغسل ملابسنا وترجع بيتها ...
بنتي الوسطية تجينا الظهر ومعاها الغداء وتكوي ملابسنا وترجع بيتها ...
بنتي الصغيرة اتجينا في الليل وفي يدها عشاءنا ...اتعشينا وتسبحنا وتنومنا وتغطينا ...



اتعرف ايش يعني هذا ؟؟
قال عيسى ..لا ما عرف ...

قال فهد ....ابو البنات اينام وهو متعشي وابو العيال اينام على جوع ...



ويقولون الاولين ...( اللي ماعنده بنيه يموت وعلاته خفيه )

ويقولون بعد ..( جعل عدو عيني ما تجي له بنيه )



فديتنا .....وجعلنا ذخر لأهالينا:victory:




منقولة

:(

:weeping:

[Rider]

الحمد الله على كل مايعطي كلهم فيهم بركة ولي عايش في عصر الجاهلية هاذي مشكلته

[BUHASSEN]

مادري والله انا مامرت علي هالحاله بس ليش الزوج هو الي ينلام مع ان المعروف ان المره تفضل الاولاد عالبنات بس كل شي غلط يكون في راس الزوج وهله

:nice:

[بو الجوري]

و بعدين ترا البنت وقت الزواج يندفع لها مهـر :..
أما الولد وقت الزواج بيطلـع عيونك هههههههههههههههه

[ام السعف]

بشكل عام ما ادري ليش العالم يطيرون من الفرح لو المولد ذكر

لكن هذا ما يعني انهم ما يزفون خبر المولودة البنت ،،

يجوز بعض العرب للحين عايشين في نفسيات الأزمنة الماضية :(

[V.I.P_QATAR]

الحمدالله ربي رزقني ببنات مثل القمر والحمدالله رب العالمين في الصبح والمساء ياخوي ماظن احد ينزعج اذا جاه بنت او ولد واللي يفكر في هذا الشيء ايمانه بالله ضعيف علشان ربنا اهو اللي يرزقنا يا بالولد او بالبنت

بعطيك قصه صغيره

كان في رجال وربي ارزقه 4 بنات حلوات وماشاءالله تعالى عليهن وكان في خاطر الرجال اعيال المهم تزوج الرجال على مرته وربي ارزقه بالولد الاول وسبحان الله بعدها بفترة امرضت وحده من بناته وماتت
ورزقه ربي بالثاني وهم مرضت وحده من بناته وماتت وسبحان الله ربي عطاه بنات ولكن الطمع وعدم الايمان وعدم الرضاء بالقدر خلاه يخسر بنت كل ماجاه ولد لين خسرهن كلهن

[MAZEN37]

لاحظت الكثير من الشباب اذا رزقه الله بمولود انثى لا يسعى بنشر ذلك الخبر لاصحابه في العمل او في الخارج واحيانا لا يعلم به احد على العكس تماما لو رزق بمولود ذكر ففي هذه الحاله يقوم بنشر خبر قدوم مولوده الذكر في البلاك بيري وفي مسجات الجوال هذا غير العزائم والولائم ... والاقصى من ذلك ان بعضهم لا يقوم بزيارة زوجته التي انجبت مولود انثى في المستشفى وكان هذا الامر بالنسبه له امر معيب ...!!
اخشى ان نكون قد رجعنا الى ايام الجاهليه (( وؤد البنات ))؟؟!!!

والسؤال هنا لما يخجل البعض في حاله لو رزق بمولود انثى ؟؟
طيب الولد يفرح داخليا اكثر :shy:
شدخل الام صراحه ما فيه خير:secret:

[العقل المدمر]

اعرف ناس تفكيرهم للحين جذي
حتى الكبار يفرقون فمعاملتهم ويفضلون الصبيان على البنات
وفي وحده حامل فالشهر الرابع مادري الخامس لما سوت تلفزيون وقالوا لها بنت
قامت تسبهم عند الناس وتدعي عليهم وراحت عياده ثانيه قالوا لها ولد استانست قالت خلاص بتابع عندهم والله يسمع منهم :rolleyes2:

[الكواري 1972]

كذب المنجمون حتى لو صدقو
:)

طبعاً امزح

الحمدالله هلعقده اندثرت راحت ولتوان شاءالله بلا رجعه

وتحياتي لك

[نوار قطر]

الحمدلله والشكر للحين فيه ناس يفكرون بهالطريقه الواحد يشكر ربه على العطيه سواء بنت او ولد والله ان البنت في كثر من الاحيااان احسن من الولد محد يشيل ويحط ويسوي ويعابل غيرها والبنت كانت في يوم من الايام امه واخته وعمته وزوجته وهالبنت اللي رفيجك ماقالكم عنها بكره لي كبر وطاح محد بيشيله غيرهاا

[@north_star@]

والله البنت والولد نفس الشي واللي ربنا يرزقه بعيال يحمد ربه مليون مرة لانه في ناس الله ما رزقهم ....
واعتقد انه الي يخجل لا جاته بنت يكون مريض نفسيا وايمانه ضعيف

[vxr 5.7]

آول مره آعرف هالشى !

آحمد ربك جآك مولود آو جآتك مولوده غيرك آسنين مآجآه شى ولآ ربي آرزقـه :(

وبالنسبه لى والله آن عندي آحب المولوده آكثر من المولود :)

[نوار قطر]

الاوليين يقولون اذا وحده ياها ولد تقول:

يوم قالو لي غلام
شد عزمي ثم قام
يببو يا نسوان
ورزو الصفرية
ويوم قالو لي بنيه
اظلمت داري عليا
اسكتو يا نسوان
ونزلو الصفرية

ردت عليها ام البنات وقالت:
ابنيه على ابنية
ولاقعود بطال
ابنيه تطحن القفه
وابنية تساعد اليار
وابنيه تقول يايمه
لفونا اليوم خطار

طبعا هالكلام حفظته من يدتي وامي الله يعطيهم الصحه والعافيه

[إينشتاين]

فديت بنياتي والله يخليهم هم شمعة البيت ومصدر البسمة

[love1972]

جاهلية وتعصبية

الرازق هو الله

فلله الحمد والمنه علي كل شئ

[كازانوفا]

صحيح معنا مسؤول بالشغل ما شالله ل3 سنوات متتاليه تجيه بنات ونعرف بالصدفه
ولما نساله كانه ما سمعنااا نستغرب من هالتخلف المش طبيعي ولمااجاه ولد وزع شوكولاته
الكل استحقره بصراحه

[elders]

اولهم شماته واخرهم حسد

[البريمي (م)]

الحمد لله على نعمة العقل لايعرف نعمة المواليد الا من فقدهم الله يهديهم