استفسار :تأشيرة ايطاليا ؟

[المحاميه]

السلام عليكم

هل ايطاليا تحتاج لتأشيره؟ ومن وين اطلعها؟ واذا في فورم فالنت ياريت تعطوني اياه عشان اعبيه ..

واخر سؤال هل تصلح ايطاليا للزياره في هالوقت؟ يعني فالشتا؟؟ ولا بتكون بارده وكئيبه وكل شي مسكر مثل دول اوروبا؟؟؟؟؟؟


وشكرا :victory:

[الجوهره 2012]

حبيبتي

تسوين فيزا الشنغن و هي طبعا هالفيزا بتخليج تروحين كل دول اوروبا اللي تنضم للاتحاد الاوروبي .. ما عدا بريطانيا لها فيزا لحالها ..


تقدرين تروحين الى الدول التالية :

ألمانيا

إيطاليا :shy: بلد العشاق

بلجيكا

فرنسا

هولندا

أيرلندا

إسبانيا

البرتغال

السويد

النمسا

فنلندا

..........الخ


تقدرين بهالفيزا تروحين 27 دولة ما عدا الولايات المتحده لها فيزا خاصة و بريطانيا ايضا :victory:




ويوم سويت انا الفيزا عطيت اللي فالسفريات الجواز و بس .. رد لي الجواز بعد يومين اعتقد وتدفعين الرسوم على حسب مدة الفيزا يعني تبينها لشهور او سنين :victory:

وبخصوص الجو في اوروبا دوم بارده الا فرنسا مره رحت لها كان حر موت :eek5: بس كان فالصيف مب هالوقت البارد في كل العالم :nice:
وبخصوص ان كل شي مسكر من قال .. هم يكون لهم اوقات معينه فالويك اند يسكر بدري والايام العادية يكونون فاتحين بس تقريبا الماركات تسكر عالـ 7

تعالي امريكا بحطج بعيوني والله


بس عمري
واي سؤال انا حاضره حبيبتي وبالتوفيق
:nice:

[المحاميه]

ماتقصرين ومشكوره على المعلومات

زين عادي اطلع الفيزا من سفارة المانيا حق ايطاليا؟ مادري اذا عندنا سفاره لهم ولالا

ههه ودي اروح امريكا بس بعيده .. يوم عشان اوصل ويوم عشان ارجع وكل اللي عندي اسبوع =)

ان شاء الله المره الجايه

[المحاميه]

انزين انا مفكره 3 ليالي في روما و 3 في فينيسيا

حلو ولا تعب
ولا بس اقر في وحده ؟
لان المسافه بينهم بالقطار حول ال4 ساعات عاد تخيلوا اضيع 8 ساعات روحه ورده هههه ضاع اليوم

[الجوهره 2012]

شوفي انا اشوف موضوعج القديم وقريت انج ماتحبين البرد

ترا اللحين موت برد في كل مكان .. انا احب البرد بس ماحب الثلج والله عطاني الاثنين اللحين :weeping:

شوفي حياتي شرايج لان الفتره قصيره وايد يعني اسبوع ولاشي ليش ماتروحين لندن :nice:

واذا تفكيرين في انج تروحين اكثر من مكان خليه فالصيف احسن لج لان بيكون الجو استعدل و سهل التنقل مايبي لكم الا قارمن وسياره وتلفين اوروبا كلها في اقل من شهر :victory:

اللحين روحي انتي و زوجج لان اعتقد عندج طفل خليه عند هلج احسن لان الجو وايد وايد بارد يعني لو انتي وهو وايد احسن وانتي براحتج اكيد

وبخصوص الفيزا بس عطي اللي فالسفريات وهو بيخلص كل شي ماعليج من ولاشي لا السفاره الالمانيه والا غيرها :victory:

واذا ماتبين مكان بارد روحي ماليزيا نظيفة وعائلية وجوها دوم عادي وفيها اماكن كثيره للسياحه ولو تحبين الجزر روحي من كوالالمبور الى لنكاوي حلوه وايد :victory:

[المحاميه]

شوفي انا اشوف موضوعج القديم وقريت انج ماتحبين البرد

ترا اللحين موت برد في كل مكان .. انا احب البرد بس ماحب الثلج والله عطاني الاثنين اللحين :weeping:

شوفي حياتي شرايج لان الفتره قصيره وايد يعني اسبوع ولاشي ليش ماتروحين لندن :nice:

واذا تفكيرين في انج تروحين اكثر من مكان خليه فالصيف احسن لج لان بيكون الجو استعدل و سهل التنقل مايبي لكم الا قارمن وسياره وتلفين اوروبا كلها في اقل من شهر :victory:

اللحين روحي انتي و زوجج لان اعتقد عندج طفل خليه عند هلج احسن لان الجو وايد وايد بارد يعني لو انتي وهو وايد احسن وانتي براحتج اكيد

وبخصوص الفيزا بس عطي اللي فالسفريات وهو بيخلص كل شي ماعليج من ولاشي لا السفاره الالمانيه والا غيرها :victory:

واذا ماتبين مكان بارد روحي ماليزيا نظيفة وعائلية وجوها دوم عادي وفيها اماكن كثيره للسياحه ولو تحبين الجزر روحي من كوالالمبور الى لنكاوي حلوه وايد :victory:

مب سالفة ماحب البرد لكن اذا كان برد بزياده ماراح اقدر اطلع واتمشى راح يزعجني البرد طبعا اذا كان برد وايد .. واذا السالفه فيها ثلج طبعا راح تتعطل اغلب الاشياء وتتسكر .. وبجذي تخترب كل السفره وهالشي مابيه .. من جذي اسال عن البرد ..

حابه اخلص شغل الفيزا بروحي .. وكل الحجوزات ابي اسويها بروحي .. لان هالشي مب مستحيل فليش اعتمد على سفريات؟!؟

ماحب دول شرق آسيا ..

يعني تعتقدين اقدر اروح ايطاليا؟
ابي ابلش احجز قبل لايضيع الوقت :discuss:

[فطووم]

حبيبتي ( المحاميه) نصيحتي لج روحي سفريات الرجنسي وبيخلصونها لج في عشرة ايام بيطلبون منج صورتيين شخصيه طبعا خلفية الصوره بيضا وبيطلبون كشف حساب لمدة ثلاث شهور او ست شهور ماذكر وبيطلبون والحجوزات اللي سويتها ومب شرط اتسويين لهم حجوازات صجيه انصحج سوي حجوزات وهميه عند اي سفريات 200 ريال بس ممممممممم بعد ابي اتذكر ذي كله مع جوازاتكم طبعا هاي اللي قدرت اتذكره وهم بيسووولج شنغن تروحين اي دوله اوروبيه ماعدا بريطانيا وانا انصحج لاتروحيين سفارات لانهم بيلوعون جبدج .

ورحلة سعيده.

[يوسف الحمادي]

السلام عليكم ورحمة الله وبركاته

اختي الكريمة بالنسبة للفيزا ممكن تاخذينها من اي سفارة اوروبية بس بشرط انج تكونين رايحة لنفس بلد السفارة
وللأسف ماعندي معلومات عن ايطاليا إذا كان لها سفارة في قطر او لا لكن الفترة الي فاتت غيرو شوية قوانين
صار لازم انتي شخصيا تروحين السفارة عشان ياخذون بصمات اليد والعين والخبر الحلو ان الفيزا لمدة خمس سنوات

وفي حالة اذا كانت ايطاليا ماعندها سفارة في قطر ممكن تطلعين فيزا عن طريق سفريات (يعطونك تذكره سفر وهمية وفوتشر للفندق ايضا وهمي ) بس عشان السفارة تعطيج الفيزا وتسوين تأمين بعد عند السفريات ماذكر المبلغ بالضبط لكن بسيط

انا بعد ما جددت جوازي كنت بروح سويسرا وللأسف سويسرا مالها سفارة في قطر ورحت السفارة الألمانية والفرنسية قالو لي مانقدر نطلع لك فيزا إلا اذا بتدخل بلادنا لأننا محتاجين صورة من التذكرة ومن فوتشر الفندق
ف رحت لسفريات الدرويش وتعاملت مع مديرهم اسمه خلدون والصراحة ماقصر طلع لي تذكرة وهمية وسكن وهمي في فرنسا وسوى لي التأمين وبعدها رحت للسفارة الصبح واستلمت الفيزا في نفس اليوم العصر

والشي الوحيد الي واجهني اني يوم وصلت سويسرا موظف الجوازات هناك قال لي انت مطلع الفيزا من السفارة الفرنسية لكنك مادخلت فرنسا ف قلت له اي فعلا كنت بروح فرنسا ولكن غيرت رايي في اللحظة الأخيره وقررت اجي سويسرا وطبعا الموضوع ما خذ اكثر من خمس دقايق

(الفيزا تدخلك كل دول اوروبا لكن المفروض ان اول مره تروحين لنفس الدوله الي اصدرتي من سفارتها الفيزا)