[] الرجـل القطــري .. بشره وشعر وعضلات []

[شمـوخ]

صباح / مساء .. الخير للجميع
:
/
\
احببت ان اتناقش معاكم عن قضيه .. خلنا نقول انها خفيفة ظل على الاقل بالنسبة لي
مقارنةًََ بما أطرحه .. وهي قضية اهتمام الرجل القطري بمظهره وهندامه وبشرته وشعره
قديما كان الاهتمام بالتعطر والملبس الغالي فقط لكن الان اصبح للرجال مراكز تجميل على
اعلى مستوى .. ناهيكم عن الجيم والمراكز الصحيه للحصول على العضلات وخلافه

http://www.qassimy.com/nu/contents/newsm/643.jpg

ما اعرفه ان الرجل المقدم على الزواج اصبح يعمل فيشال " تنظيف بشره " وساونه وتقليم
اظافر وبديكير وماسكات وكريمات تبيض وتمليس بل اصبح هناك من يضع مرطب شفاة
وعدسات وكريمات نهار وكريمات ليل والاهتمام الشديد والذهاب للمختصين لو صادفهم
مشاكل كـ تساقط الشعر او الجفاف بثور او علامات حمراء او سمراء بالوجه :discuss:
او مشكلة الصلع الجزئي او الكامل .. وحله برزاعة للشعر ..
او مشكلة الترهل والدهون الزائده فـ يلجأ لعمليات شفط الدهون من البطن ليبدو ارشق ..

فيه شباب بالمناسبات ... او من وقت لوقت ..
وفيه نادر لما يروح ويمكن بعضهم ماراح ابد ..
واخيرا فيه المهتمين بصوره كبيره جدا للذهاب لمراكز التجميل ..

http://www10.0zz0.com/2010/06/14/13/744921068.jpg

برأيكم كيف يكون الرجل باهتمامه بشكله الخارجي ؟
هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟
بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟
مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟

واخيرا سؤال للرجال فقط ..
هل تهتم انت ببشرتك وشعرك ؟ كيف؟
وهل تم التعليق عليك بخصوص ذلك من محطيك ؟ اذا نعم ياليت نعرف :shy:

سؤال للحريم فقط ..
من تفضلين في هذا كله .. المهتم ام الغير مبالي ام ماذا .. ؟!! ولماذا ؟:victory:





موضوع خفيف ^_^

احترامي وتقديري
/
\
:

[khaldoon]

انا غير قطري بس راح اجاوب

ما عندي اهتمام بهذه الاشياء صراحه بس اكيد مهتم بالنظافة والشكل و الهندام بشكل يومي بس بدون مراكز تجميل

تنظيف وجه و البشرة و هالاشياء ما لي فيها ...الحلاق اروحه مره بالشهر و يمكن اكثر شوي فقط

التعليق علي كان من الاصدقاء و هو اهتمامي الشديد بتنزيل وزني و الحمد لله ما عاد فيه كرش و يقولون لي ما تحرم نفسك من الاكل و انسى هالاشياء راحت علينا خلاص تزوجنا و صار عندنا اولاد مين بهتم بشكلنا

شكرا على طرح الموضوع الحلو

[المسك1969]

اعتقد من يقوم بعمل الفيشل والمكنير والبديكير والأمور النسائية يكون قد خرج من كونه رجل إلى كونه دلوع لأن مثل هذه الأمور في نظري هي أنثويه بالدرجة الأولى ولكن جاء التقليم ونظافة البدن الداخليه من السنة...

أنا عن نفسي استحي أن أرى صالونات رجالية ففي نظري أنها تعلم الصغار أمور ليست من شأن الرجال في شيء وخصوصا أن العاملين فيها من الآسيوين الذين قد ينقلون لصغارنا وأقصد من فترة المراهقه- تقليعات ليست من ديننا ولا اخلاقنا في شيء في قصات الشعر وطريقة الاهتمام بالجسد بل قد ينقلون لنا اللواط والله المستعان

المرأة من يفترض بها النعومه والرقة والاهتمام بالجمال وأما الرجل فيكفيه أن ينظف بدنه كما أمرنا به الشرع بالاضافة إلى الاهتمام بشكل شعر وجهه من التعديل دون الحلق على قول الرسول صلى الله عليه وسلم حفوا الشوارب وأوفوا اللحى

ولكن للأسف نرى في هذه الايام أن بعض الشباب فاق اهتمامه بنفسه اهتمام بعض البنات بأنفسهن والله المستعان


جزاكم الله خيرا

[سيف قطر]

صباح / مساء .. الخير للجميع
:
/؟

واخيرا سؤال للرجال فقط ..
هل تهتم انت ببشرتك وشعرك ؟ كيف؟
وهل تم التعليق عليك بخصوص ذلك من محطيك ؟ اذا نعم ياليت نعرف :shy:

موضوع خفيف ^_^

احترامي وتقديري
/
\
:




حياك الله اخوي ..
الاهتمام مطلوب ولكن :victory:بدون مبالغة .
نعم تم التعليق خخخخخخخخخخخخخخ :rolleyes2:

[تاجر كشخة]

هع اماااااا وصل الحال فينا :omg: كذا لا يالغالي قول غير كذا هههه انا بشكل عام اهتم بالنظافه ولبس الجديد من الثياب وافرك وجهي بالصابون حاله حال باقي جسمي :tease: المهم واتعطر اي عطر قدامي حتى لو كان حق اهلي المهم انه ريحتك حلوه مشي نفسك يعني :) والحلاق اروحه كل اسبوع بحكم تضبيط السكسوكه :shy: انا اشوف انه عادي واحد يروح يسحل وجه اقصد يسوي سنفره في وجه ويحط كريمات مرطبه للوجه اذا راح يتقدم :nice: علشان تضبط الطبخه اقصد الخطبه :victory: اما اني اخذها عادة سلامات يالغالي ولا اقولك عطوني اياه ابو الصوالين والكريمات ابيه في سالفه :anger1:

[سداوي&مدريدي]

الاهتمام بالنظافه والمظهر شي مهم وضروري في الحياه ,, لكن ماتوصل لدرجه البدي كير والخرابيط هاذي :secret:

شكرا على الطرح

[بوحارب]

اخر مرة سويت تنظيف بشره للوجه يمكن من 5 سنين حق بس هههههههههههه ومن عقبها مافيه امل اخلي الحلاق يمسك وجهي بيده الوصخه

واما الشعر مثل كل الناس اغسله بالشامبو وبس واحبه طويييييل وبدون كريمات وسوالف حريم وقبل كنت احرقه بالأستشوار هههه لكن الحين نووو وييي

بختصار حلاته الرجال يكون مثل ابوه في الأهتمام بالمظهر وشكله راح يكون كيوووت :) اما اللي عليه حركات حريم اقوله التيس طول عمره تيس حتى لو القذله لين رقبته ,,,<<< اشدخل

يسلموا شموخ على الطرح بس اختصري شوي عاد :(

[بوحمد111]

ايوا اروح الحلاق لحلق الشعر وبس واما الكلام اللي ينقال من بدي كير و موني كير وخرابيط كير انا ما اعرف وش معناها اسمع بها من وقت الى آخر ولكن للرجال هذه غريبه بالنسبه لي ولمن اعرف من حولي وان شاء الله ما يجي اليوم اللي اشوف احد اعرفه في صالونات الرجال ووايد علينا الحلاق شمس الدين ابو ١٥ ريال ولا بعد ماخذ زيادة لأنه حدد اللحيه وسلامي للكل

[مهرة]

صباح الخير اختي .. الرجل بطبعه عجوول وملوول ويتخير الحلوول السريعة والنظافة عامل مهم في عقيدتنا الإسلامية فالمهم من هذا كله يهتم بنظافته وهندامه وشكره على نعمة الصحة لله عزوجل وسنةً برسولنا الكريم ولنفسه مما يعطي راحة نفسية له ولغيره من حوله..

ولا تكبرووون المواضيع ..

[w4rr10r]

بختصار حلاته الرجال يكون مثل ابوه في الأهتمام بالمظهر وشكله راح يكون كيوووت اما اللي عليه حركات حريم اقوله التيس طول عمره تيس حتى لو القذله لين رقبته ,,,<<< اشدخل

كيوت مآتنقال للرجآل :)
هآندسوم ان كثرت .. وبخصوص الموضوع اعتقد عآدي الوآحد يهتم بنظآفته ولبسه
ومآفيها شيء لو الوآحد دخل جم عشآن يتمرن ويعدل جسمه ..
اما الباقي .. كلام فآضي ..

[Charisma]

لما حدث الصحابة عن الكبر قالوا : يا رسول الله ، إن الرجل يحب أن يكون نعله حسناً وثوبه حسناً ، فقال النبي صلى الله عليه وسلم : ( إِنَّ الله جَمِيلٌ يُحِبُّ الْجَمَالَ )

روى النسائي في سننه عن أبي قتادة (أنه كان له جمة ضخمة فسأل النبي صلى الله عليه و سلم فأمره أن يحسن إليها وأن يترجل كل يوم). وفي رواية : (قلت : يا رسول الله : إن لي جمة أفأرجلها. قال : نعم أكرمها فكان قتادة ربما دهنها في اليوم مرتين من أجل قوله : أكرمها).

الاهتمام بالمظهر والنظافه شي مطلوب .. لكن المبالغه فيها مب مطلوبة ..

انا اهتم بشعري واهتم بنظافتي الشخصيه واهتم بمظهري .. وهالشيء مايقلل من رجولتي
وبالنسبه لتنظيف الوجه .. انا مادري وين العيب في الموضوع ؟
انا متعود احلق اسبوعيا وكل مره اطلب تنظيف الوجه ..
وبالنسبه للجم .. وين المشكله ؟ رياضه وصحه للجسم وماشوف فيها اي شي؟!


اما سوالف البديكير و"الطرطنكير" ومراكز تجميل هذي ماتنبلع او المبالغه عموما في العنايه بالجسم .. الموضوع شوي ويصير " شبهه"

[شويهينــه]

ان الله جميل يحب الجمال

ماشوف فيها شي ان الواحد يهتم بنفسه لكن ماتوصل لدرجه التشبه بالنساء

[بوحارب]

كيوت مآتنقال للرجآل :)
هآندسوم ان كثرت .. وبخصوص الموضوع اعتقد عآدي الوآحد يهتم بنظآفته ولبسه
ومآفيها شيء لو الوآحد دخل جم عشآن يتمرن ويعدل جسمه ..
اما الباقي .. كلام فآضي ..

كيوت وهاندسم ربع ههههه:)

عاد مشها انت دعابة يابوفلان :victory:

[R 7 A L]

بديكير
:anger1:

عسى ماشر
شالحاصل ؟

[رآعي موآجيب]

الأهتمام بالمظهر الشخصي والقيافه شي طيب وفي اعتقادي الشخصي انه شي اساسي

ولكن اني اروح لمراكز تجميل !! هذا اللي مهب داخل راسي :)


وهذي اجاباتي على اسألتك


برأيكم كيف يكون الرجل باهتمامه بشكله الخارجي ؟

بهندامه وقيافته والأهتمام بالرسميه في الزي والشعر واللحيه او العارض والشنب



هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

أنظر له بنظرة المبالغه في الشيء ، فمراكز التجميل ليست لنا كرجال ولا يمتزج مسماها بهيبة الرجل ، أما صالونات الحلاقه شيء عادي لأنه هو المكان الذي نذهب اليه بدون مبالغات في العنايه كمراكز التجميل


بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

لن اقول تنقص من رجولته ، ولكن تضعف من هيبته كرجل بكل تأكيد


مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟


الشهامه مالها سنع في هالموضوع كله ، وأنا عن نفسي ماعمري رحت مراكز تجميل ابد ، اضبط اللحيه والشنب وقصر شعري وبعض المرات احط لزقة الخشم وأنا احلق اللي مالها داعي لكن اقزر وقت :nice: ، في نفس الوقت بالنسبه للأمور الآخرى انا اهتم فيها شخصيا في بيتي بدون حركات الكريمات والمكياج الرجالي إذا صح التعبير :omen2:

هل تهتم انت ببشرتك وشعرك ؟ كيف؟

كيف اهتم في بشرتي ؟ شسوي فيها يعني !!
شوف كريمات وحركات اللماعي ماعندي هالسوالف :victory: لكن اشتري بودره مع دهن العود من عند اجمل وتصلح لجميع الأستخدامات ( انصحكم بها ) :nice: والشعر امر على الحلاق كل اسبوع ويوفي بالغرض ، وطبعا لوشن الأستحمام إذا كان قصدك هالشي


وهل تم التعليق عليك بخصوص ذلك من محطيك ؟ اذا نعم ياليت نعرف

ابد طال عمرك ، بس شوية حركات نص كم من الشباب بعض المرات بعد الحلاقه :victory:

[لاجئ عاطفي]

من ناحية الاهتمام بالمظهر الخارجي فهذا شي اساسي عندي وحتى الداخلي ولله الحمد اما الحلاق فكل ما اقوم به عنده حلاقة الشعر بين فتره وفتره وتحديد العارض وهذا بشكل اسبوعي اما غير ذلك فلا اقوم به لا غسيل وجهه بالكريمات والاقنعه ولا بدي كير ولا منكير ولا من هالامور ابد ..

[أبو عبدالعزيز]

الآن الواحد إذا كانت أقدامه خشنة ووصلت لدرجة بعض التشققات... هل يعتبر غلطان لو راح (شول) مثلا ليضبط نفسه ويسوي بديكير!!

[الأصيلة]

صباح الخير ياشموخ
تدرين أنا ولدي لما كان عمره سنة شافني أبوه أحط له كريمه على جسمه
قال لا تعلمين الولد على ها السوالف ...خليه رجال...
يعني بمعناه الرجال يبعدون عن كل شيء يخص الحريم
لكن مايمنع هذا من اهتمام الرجل بشكله الظاهري وهندامه وبشرته وشعره
ولايكون القصد من ذلك جذب انتباه الجنس الآخر
بل للنظافة والرعاية الشخصية
أما المبالغة بالتواجد الدائم عن أطباء التجميل وبدون سبب لذلك
فهذا صراحة منظر يقزز وخارج عن المعتاد
أما البعض فيكون تواجده للعلاج من مرض معين...
وأطباء الجلد كثيرين ..ما أدري ليش بعض الشباب يروح للطبيبات..
تحديد لحية بالليزر أو تقشير أو غيره من حركات الحريم...
الله يهديهم ويرد البعض لـ رشده...

[R 7 A L]

الآن الواحد إذا كانت أقدامه خشنة ووصلت لدرجة بعض التشققات... هل يعتبر غلطان لو راح (شول) مثلا ليضبط نفسه ويسوي بديكير!!


:eek5:
ليش البديكير مو تلوين الاضافر ؟

[المفترسه]

ترا صح كلامك البعض صار يهتم بمظهره بشكل مفرط يفقده رجولته وهيبته
ورحت كذا مره لمركز قطر للعنايه بالشعر
وماشاءالله الشباب اكثر من البنات واغلبهم جلسات تنظيف بشره
وعلاج تساقط الشعر وجلسات تنعيم الرجلين :secret:

[هداف]

الرجوله في هذا الوقت في ظل التطور السريع في كل نواحي الحياه في قطر وقمنا انقلد غيرنا في
كل شي في الزين والشين اشوف ان الرجوله ناقصه بعض المعاني من عقب ما قمنا انشوف
رجاجيل من غير شوارب !!!!!! يعني وااااحد تعدي عمره الــ 45 سنه ومن عرفناه مشورب
ومعا زيادة الرواتب وزيادة الكماليات في المجتمع القطري طارت الشوارب وقمنا انشوف وجيه
ودره يجيك مخوضر وضارب كريم ومصنفر الخدود اللي كنها قاعة رجل ماينفع فيها تلميع !
والشنب على الزيرو !!!!!!!!!!!!!!!!!!!!!!!!!!!!!!!!!!!!!!!!! هنا واضح انه فيه خلل وقلة غيره والعمليه
طرديه قمنا انتهاون في امور وااااااااجد وتعدت هذي الامور الشنب الى امور امر وادهى !

اللهم لك الحمد والشكر على كل حال

[ريتويت]

الله المستعان

[khaldoon]

:eek5:
ليش البديكير مو تلوين الاضافر ؟

لا يا رحال....البدي كير يعني عناية بالجسم و القدم هي المقصوده بهالحالة...يعني العناية بالقدم

المنيكير هو تلوين للاظافر

[عابر سبيل]

الآن الواحد إذا كانت أقدامه خشنة ووصلت لدرجة بعض التشققات... هل يعتبر غلطان لو راح (شول) مثلا ليضبط نفسه ويسوي بديكير!!

تعجبني سوالف الشياااب...
راحت علينا حركات الشباب...


اجل ف وين احسن صبغ "جوتن"
لكي لا يعيروننا بالشيب
و هو ..الوقارُ

[khaldoon]

الآن الواحد إذا كانت أقدامه خشنة ووصلت لدرجة بعض التشققات... هل يعتبر غلطان لو راح (شول) مثلا ليضبط نفسه ويسوي بديكير!!

مع اني ما اسويها و احتاج فعلا أسويها مرات قليلة من السيفتي شووز و انتوا بكرامة بس ما اعتقد فيها شي و لا عيب

[khaldoon]

تعجبني سوالف الشياااب...
راحت علينا حركات الشباب...


اجل ف وين احسن صبغ "جوتن"
لكي لا يعيروننا بالشيب
و هو ..الوقارُ

الحمد لله انا ضد الصبغ تماما و ما مستعد اصبغ شعري

بس بديت التمس العذر للي يشتغلون بالقطاع الحكومي لما اشوفهم يصبغون علشان ما يفتحون العين عليهم من اجل التقاعد و يبينون انهم ما وصلوا ال 60

اما انا و لله الحمد اعمل بالقطاع الخاص ولا عمري اشتغلت بالقطاع الحكومي يعني في ناس عنا طافت ال 75 سنه و تشتغل وما عنا تقاعد طالما تقدر تشتغل :victory:

[ام السعف]

.................................................. .......................................

بشكل عام اشوف اني اميل الى رفض مثل هالأمور بشكل كبيييير
وياما اختلفت مع عيالي الشباب لو شفت شي من هالسوالف اللي
علموهم عليها الحلاليق الاتراك ،،:telephone:

لدرجة اني مرة لقيت عندهم سائل نتيروجينا ،، سويت لهم عرس
انتوا ما تستحون ما خليتوا للحريم شي ،، تستخدمون كريمات وسوائل تنعيم :weeping:
،، قال لي ولدي الثاني السائل ذيه نصحني فيه رفيجي حق الحبوب
اللي تطلع في الويه " ما اقتنعت " :(
دورت وبحثت طلع كلامه صحيح وعن تجربة ،، فصرت اشتريه بروحي ،،:shy:
اما سوالف البودي شوب والاهتمام بالمظهر العام هذا يعتمد على
مدى الضرر اللي لاحقه في بشرته ،،

مثلا :
* لزقة ازالة الرؤوس السودة من الخشم...> عندي عادي يستخدمها ،،
* قص الشعر الزائد من الأنف عادي
* ينقعون ريولهم في الماي والملح ويتخلصون من الشوائب والتراكمات
ويسترجعون اللون الطبيعي للجلد مع التخلص من الجلد الميت
اشوف هالشي صحي وطبيعي جدا ومطالب به الرجل ،،
اصلا شارية لهم في البيت الجهاز بو طشت الصغير ادزهم دز علشان
ينقعون ريولهم :omen2: ويحافظون عليها بشكلها الصحيح
مع كريم تقشير الجلد الميت لتجديد البشرة وترك مساحة كبيرة لتنفس صحيح ،،

*يقرض اظافره ويحافظ على شكلها الطبيعي بدون ندوب او تشققات
او زوائد جلدية ................> هذي امور من حق جسد الرجل عليه ،،


اما سوالف تنعيم وتقشير وتنظيف بشرة بشكل دوري
وكريمات ترطيب وتلميع وملمس كالحرير " هذي مب للرجال "

[al-sadd]

صباح / مساء .. الخير للجميع
:
/
\

واخيرا سؤال للرجال فقط ..
هل تهتم انت ببشرتك وشعرك ؟ كيف؟
وهل تم التعليق عليك بخصوص ذلك من محطيك ؟ اذا نعم ياليت نعرف :shy:

موضوع خفيف ^_^

احترامي وتقديري
/
\
:



بالعكس مافيها شي اذا الواحد اهتم بنفسه ونظافته
فالنهايه هذي الامور كلها لمصلحته
ولاكن !! انه يوصل لمستوى منيكر وبدي كير وزفت كير لا يبى هالسوالف مب لنا :shy:
بنقول معليه يدخل جم ويهتم بنفسه وبكشخته ولاكن يسوي كل هالخرابيط
فهاي مع احترامي كاره نفسه :tease:

[R 7 A L]

لا يا رحال....البدي كير يعني عناية بالجسم و القدم هي المقصوده بهالحالة...يعني العناية بالقدم

المنيكير هو تلوين للاظافر



القدم :omg:
مالها الا المشي بنص البترول والبريك

يلبس جوتي الله يكرمكم وانتهت السالفة

[دااانة قطر]

سؤال للحريم فقط ..
من تفضلين في هذا كله .. المهتم ام الغير مبالي ام ماذا .. ؟!! ولماذا ؟
المهتم ولكن بدون مباالغه

[Mr. H]

كل واحد حر في نفسه , اما الي فاهمين الرجولة في طول الشنبات و غزارة الشعر و عدم استخدام المنظفات فهذا الله يعينه على نفسه و أهله و الناس الي حوله ..

[طلعة الروح]

^
أنا من رأي اختي اللي فوق
حلو الاهتمام بالنفس سواء المرأة أو الرجل...
وفي كل الحالات بدون مبالغة..

[love1972]

حسافه عالرجال

[Mr. H]

الكريمات و الحفاظ على البشرة و هندام الشعر و الشنب الزيرو و البودي لوشن و العطور و الكحل و الحفاظ على الاسنان و التبيض و لبس عدسات طبية غير ملونة كلها اشياء عادية و لا تزيل في الرجولة شيي !! هذي مشكلة البعض الي فاهمين الرجولة بغزارة الشعر ..

اما مناكير و بودي كير فهذه للنساء .. ما بقى الا احمر شفاه و روج :)

[al-sadd]

كل واحد حر في نفسه , اما الي فاهمين الرجولة في طول الشنبات و غزارة الشعر و عدم استخدام المنظفات فهذا الله يعينه على نفسه و أهله و الناس الي حوله ..

اولا الرجوله افعال مش اقوال :nice:
ثانيا يالذيب الفئة الي تكلم عنهم انقرظو من الاف السنين !
ولاكن للتونيه فقط ان انا واحد ولله الحمد ماحتاج لا بدي كير ولا مني كير ولا هالخزعبلات :victory:
حلو الواحد يهتم نفسه بنفسه :tease:
وبعدين شتقصد فالمنظفات بس علشان افهم ؟ كريمات ؟ ياخي انا ماستخدم كيرمات بالعكس احسها توصخ الايد :telephone:4 خخخخخ
وين المشكلة ؟ :nice:

[vxr 5.7]

والله بخصوص الشعـر في نآس مسآكين آعرفهم آذ رآحو للحلآق قالو له آستشوآر وآحرق لنآ هالشعر خله يصير نآعم ومرتب بس آشوفه شى عآدي يعني الاغلبيه الى شعورهم فلافل يسونهآ :)

والعضلات هذآ شى طبيعي في ناس يحبون المنظر الجسم ف بعضهم يدخل له صاله حديد عشان يرتب جسمـه هذآ شى لآبد منه

وبخصوص البشره هذى مآشوفهآ لنآ صرآحـه ل الحرييم الي يرتب بشرته ويحط فيها كريمآت غآسل آيدي منه

حتى الحلاق اذ جيته يقولي احط لك قناع اخضر اقوله لا مآبي وكل ماجي احلق عنده يقولي نفس الشى قلت له اذ بتقولي مر ثانيه مب جاي الحلاق هني مر ثانيه بروح صوب حلاق ثاني فلا تلحس مخى بالقناع :)

[chillis]

اولا الرجوله افعال مش اقوال :nice:
ثانيا يالذيب الفئة الي تكلم عنهم انقرظو من الاف السنين !
ولاكن للتونيه فقط ان انا واحد ولله الحمد ماحتاج لا بدي كير ولا مني كير ولا هالخزعبلات :victory:
حلو الواحد يهتم نفسه بنفسه :tease:
وبعدين شتقصد فالمنظفات بس علشان افهم ؟ كريمات ؟ ياخي انا ماستخدم كيرمات بالعكس احسها توصخ الايد :telephone:4 خخخخخ
وين المشكلة ؟ :nice:

لا القصد منه عطورات الجسم والشاور جيل والشامبو والازم منه :secret:

[شبح الصمت]

شيء حلو الاهتمام بالنفس وجميل جداً جداً

بس بدون مبالغه

وتقبلوا مروري

Dior Hommme

:shy:

[ضوى]

الموضوع حلو وطريف

لي تجربة مع هالشي باشاركم فيها لكن بعد قليل

[وطن]

برأيكم كيف يكون الرجل باهتمامه بشكله الخارجي ؟

مافيها شي
خل يهتم بس بدون مبالغه
في ناس وصلوا للفاونديشن
وانتو الحين معترضين على كريمات ترطيب البشره والفيشل

:secret:

ولازم طبعا يسوي بديكير ومنكير شنو تبون ريوله تتشلخ من الجلد الميت والجفاف
واظافره تلوع الجبد
اكيد اكيد لازم يهتم
هذي نظافه يا اخوي مو دلع


هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

يعني يروح الحلاق يحلق ويرتب شكله ؟؟
مافيها مشكله اكيد



بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

بالنسبة لي كـ بنت
ايه
ما يعجبني اللي يهتم وايد في هالتفاصيل و يدقق
شبقى لي انا اسويه اذا هو بيسوي هذا كله :secret:
النعومة لنا
مو للرياييل

بس اكيد مافي مانع يهتم بصحة بشرته ويروح الدكتور
وصحة شعره بعد لو ابتدا يصلع ;)



مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟

الشهامة مالها علاقه بالموضوع اخوي
في ناس يهتمون بنفسهم ورياييل ينشد الظهر فيهم
يهتمون بس مو توصل حق الفاونديشن
:secret:






لا يا رحال....البدي كير يعني عناية بالجسم و القدم هي المقصوده بهالحالة...يعني العناية بالقدم

المنيكير هو تلوين للاظافر

اخوي خلدون
البديكير هو للقدم
والمنكير لليد

للعلم فقط ;)

والتلوين اسمه نيل بوليش
ولا كلور

[حمد بن خالد]

اخر مرة سويت تنظيف بشره للوجه يمكن من 5 سنين حق بس هههههههههههه ومن عقبها مافيه امل اخلي الحلاق يمسك وجهي بيده الوصخه

واما الشعر مثل كل الناس اغسله بالشامبو وبس واحبه طويييييل وبدون كريمات وسوالف حريم وقبل كنت احرقه بالأستشوار هههه لكن الحين نووو وييي

بختصار حلاته الرجال يكون مثل ابوه في الأهتمام بالمظهر وشكله راح يكون كيوووت :) اما اللي عليه حركات حريم اقوله التيس طول عمره تيس حتى لو القذله لين رقبته ,,,<<< اشدخل

يسلموا شموخ على الطرح بس اختصري شوي عاد :(

اتخيلك ماسك الاستشوار هههههههههههههه


الصراحة عليك منظر وانت جدام المنظره وماسك الاستشوار وتسحت في هالشعر


ههههههههههههههههههههههههههههههههههه

:nice:

[khaldoon]

[color="red"]

اخوي خلدون
البديكير هو للقدم
والمنكير لليد

للعلم فقط ;)

والتلوين اسمه نيل بوليش
ولا كلور

يعني الحين ما نطلق منكير على تلوين اظافر القدم؟

انا طبعا ما اجادلج اختي انت ادرى مني بس انا قلت المنكير تلوين للاظافر و قصدت فيها اظافر اليد و القدم

و منكم نستفيد

[chillis]

يعني الحين ما نطلق منكير على تلوين اظافر القدم؟

انا طبعا ما اجادلج اختي انت ادرى مني بس انا قلت المنكير تلوين للاظافر و قصدت فيها اظافر اليد و القدم

و منكم نستفيد

لا المنكير يطلق على تقليم اظافر اليد بس وتلوين الاظافر نطلق عليه كلر

[khaldoon]

لا المنكير يطلق على تقليم اظافر اليد بس وتلوين الاظافر نطلق عليه كلر

شكرا على هذه المعلومة ...يعني انا امس قصيت اظافر يدي بالبيت فأقدر اقول اني سويت منيكر بالبيت :eek5:

[chillis]

شكرا على هذه المعلومة ...يعني انا امس قصيت اظافر يدي بالبيت فأقدر اقول اني سويت منيكر بالبيت :eek5:

تقصهم وترتبهم وتنظفهم يعني شغله

[الفرحه]

انا مع ان الرجال يهتم بنفسه بس بشكل غير مبالغ فيه ,يعني قبل الحريم كانوانادر ما يروحون مراكز التجميل بس الحين الغالبية صاروا يروحون ,نفس الشي الرياييل بعد لازم يهتمون في نفسهم . واعيد واكرر ما يبالغ في الشي .

[الرويـس]

بصراحة لو حصل لي أدلع نفسي
ما عندي اي مشكله

[بو الجوري]

طبعاً لازم الرجال يهتم بنظافتـه و لبسـه
لكـن ماتوصل للأشياء اللي قلتيـها !!

ممكـن الواحد يسوي حمام مغربي أو تنظيف بشره
إذا عنده مناسبه خاصه :..

أما إنـه يروح دايماً و من الكلام اللي إنقال في بداية موضوعـج
هاي الإخوانيـه هم اللي يسوونـه :shy:


أنا مثلا أقص أظافري فالبيت
و أحلق فالحلاق
و قاعة ريولي تكرمون أسويها فالبيت

http://www.thebodyshop.com/images/product/zoom/19368m_z.jpg


و فالحلاق ينظف ويهي بعد الحلاقـه عادي :..
وأنا أحلق فالإسبوع مره ،، :shy:

وبخصوص الشعر كنت أحبـه طويل ،،
وعقب صرت عادي مره مكينـه رقم 1 ومره خفيف عادي

يعني الزبده لازم الرجال يكون نظيف ومرتب و ريحته حلوه
خاصـةً المتزوج :)

[خليفـة]

ان الله جميل يحب الجمال
والنظافة من الإيمان
ومش غلط ان الرجل يهتم بشكله وبمنظرة العام .. وبنظافته بشكل عام
ولكن الغلط ان الغلط ان يبالغ الرجل في اهتمامه بمظهرة الخارجي لدرجة الهوس
مافي احسن من الوسطية في كل شي في امور الحياة

لا تكُن يابساً فتُكسر .. ولا تكُن ليناً فتُعصر
خير الأمور الوسط


خليفــة

[المهاجر]

يعني لازم الواحد يكون اشعث اغبر عشان يكون رجال؟!!

الاهتمام والنظافه من الايمان

الرجل لازم يهتم بنظافة جسمه وشعره وصحته

بصوره طبيعيه وغير مبالغ فيها وبالطرق العاديه

اما بديكير ومنكير وسوليدير:rolleyes2: فهذا أمر آخر ومرفوض

يبي يسوي ما ادري عاد اي واحد فيهم بديكير ولا منيكير

اللي هو قص وتقليم اظافره الله لايهينه

مقراض من السوبر ماركت بريالين وبالبيت وعال العال

[كلنا قطر 1981]

اولا الرجال افعال و ليس اشكال

ثاني شي تمعنوا بهالجمله

(ان اللـــــه جميــــل يحب الجمـــــــــال)

ما انقال يحب النعومه و الخ.........

مب غلط انه الانسان يتهم بنظافته بشكل عام و اذا كان في حبوب في وجهه و شكلها مثلا

ياثر عليه فما اظن انه غلط او عيب او حرام اذا عالجها

و الاخوان الي يتكلمون عن طول الشنب بقولكم اذا الرجوله تقاس بطول الشنب ف الصرصور

ارجل واحد فيهم

لا اذكر بالضبط من بس اذا ما خاب ظني انه خالد بن الوليد كان يتزين لزوجته

طبعا يتزين مب يتنعم






ملاحظه اخيره : انا ما اموت قهر الا من الي يتكحلون و يوم تساله ليش متكحل يرد بكل عين

قويه (سنــــه) من الرسول صلى الله عليه و سلم و المشكله انه هو المسجد ما يدل طريقه

:cry2:

الحين خليت الفروض و اشتغلت بالسنه ؟؟؟؟؟؟؟!!!!!!!!!

يسلمووو الاخ شموخ على الطرح الرايق على الصبح :victory:

[Charisma]

يعني لازم الواحد يكون اشعث اغبر عشان يكون رجال؟!!

الاهتمام والنظافه من الايمان

الرجل لازم يهتم بنظافة جسمه وشعره وصحته

بصوره طبيعيه وغير مبالغ فيها وبالطرق العاديه

اما بديكير ومنكير وسوليدير:rolleyes2: فهذا أمر آخر ومرفوض

يبي يسوي ما ادري عاد اي واحد فيهم بديكير ولا منيكير

اللي هو قص وتقليم اظافره الله لايهينه

مقراض من السوبر ماركت بريالين وبالبيت وعال العال

في بريال بعد .. بس عشان الشباب يكون عندهم علم :nice:

[Mr. H]

شنو يعني ( شول ) ؟ اشوف اكثر من واحد قالها في المنتدى ؟ هل هو محل مثلا أو صالون ولا شسالفته !؟

[chillis]

شنو يعني ( شول ) ؟ اشوف اكثر من واحد قالها في المنتدى ؟ هل هو محل مثلا أو صالون ولا شسالفته !؟

شول محل متخصص للباديكير والمانيكير

[المهاجر]

ويعني الي يسوي باديكير مايكون رجال مثلا شنو تخلي رجولك جلحه ملحه :( حلو الواحد يهتم بعمره رجل او امراه

يسوي بالبيت يجي حق ام عياله ويقول لها يام فلان

ولاتهونين ريلي تشققت تعالي سويها لي

ما راح تقصر بتجيب له الزيت الدافي وبتدهنها وبتنظفها

وهي مستانسه وبتاخذ أجر بعد

[ام السعف]

شنو يعني ( شول ) ؟ اشوف اكثر من واحد قالها في المنتدى ؟ هل هو محل مثلا أو صالون ولا شسالفته !؟

مركز للعناية بالرجل
بتلقى كريماتهم في الجمعيات والصيدليات
اخبر كان لهم فرع في الستي صوب المواقف ،،

[Charisma]

ويعني الي يسوي باديكير مايكون رجال مثلا شنو تخلي رجولك جلحه ملحه :( حلو الواحد يهتم بعمره رجل او امراه

الحمدالله مب جلحه ولا ملحه ..

واذا جلحه وملحه يمر الصيدليه يشوف له ادوا مع ان عادي يعني لو كانت جلحه قليلن وليس كثيرن:yes:
بس ان كان "كثيرن" .. يعني لدرجه ان ريوله منتفه حدها .. اهني يمر على دكتور.. لازم يسوون خرابيطكم ؟ وبعدين لحظه شنو بدكير واحد يقول قص اظافر والثاني يقول تلوين والله اني مب فاهم ضعت :swoon2:

[chillis]

يسوي بالبيت يجي حق ام عياله ويقول لها يام فلان

ولاتهونين ريلي تشققت تعالي سويها لي

ما راح تقصر بتجيب له الزيت الدافي وبتدهنها وبتنظفها

وهي مستانسه وبتاخذ أجر بعد

ويوم تقطع رجولك قولها ما قصرتي عقب اخوي المهاجر فرق التنظيف بين البيت والصالونات لان ما نقصد حك الرجل بس ولا تقليم الاظافر :secret: وهم حك الرجل فرق وايد بين البيت وعند المتخصصين

[chillis]

الحمدالله مب جلحه ولا ملحه ..

واذا جلحه وملحه يمر الصيدليه يشوف له ادوا مع ان عادي يعني لو كانت جلحه قليلن وليس كثيرن:yes:
بس ان كان "كثيرن" .. يعني لدرجه ان ريوله منتفه حدها .. اهني يمر على دكتور.. لازم يسوون خرابيطكم ؟ وبعدين لحظه شنو بدكير واحد يقول قص اظافر والثاني يقول تلوين والله اني مب فاهم ضعت :swoon2:

باديكير تقيلم الاظافر بس ويشيلون الجلد الميت الي حوالين الظفر وحك الرجل حتى تصبح كرجل الاطفال ناوي علي بالباند انت :(

[ابوعلي]

المفترض الواحد يهتم بنفسه كحلاقه وصبغ ورياضة خاصة الي في الاربعين

ولكن ما توصل لسالفة المنكير والبديكير وكريم الاساس:secret:

واعتبره عيب في حق الريال:anger1:

ولكن بعض الحريم ما يعجبهم شي

لأني زدت الاهتمام شوي الا الأخوات معترضين علي في البيت

والسبب اني اخرب ازواجهم اذا شافوني وان ممكن يتزوجون عليهم

[تحداني]

ما راح تقصر بتجيب له الزيت الدافي وبتدهنها وبتنظفها

وهي مستانسه وبتاخذ أجر بعد




يا اخوي ترى الزيت " ينشف الجلد " فلا تستخدمه
استبدله بكريم خاص للبدكير ومنتجات " شول " اذا حاب تسويها بالبيت رائعه


جملك الله برضاه

[chillis]

http://www6.0zz0.com/2012/01/24/07/305004894.jpg (http://www.0zz0.com)

هذي بعض الادوات علشان اسهل لك :)

[ام السعف]

اذا الرجل سوا ليزر ! :pardon: <- جواب منطقي

والله يا اختي في شباب الحين يحكون العارض بليزر وهالشي انا اعتبره مقزز
اضرب لي موعد عشان يضبط لي العارض بليزر .. عنبووه

هل جائز شرعا ؟

لأن اعرف في شباب يسوون ليزر للأبطين مكرمين ....> م اشوف فيها شي
بس للوجه وتحديد العارض وتنضيف الخد ،، جائز لمن لديه العلم في هذا ؟

لأن دام انه جائز بالتنف شلي يمنع انه يسويه بالليزر ؟
يوفر روحة الحلاق والتنظيف :telephone:

[المهاجر]

ويوم تقطع رجولك قولها ما قصرتي عقب اخوي المهاجر فرق التنظيف بين البيت والصالونات لان ما نقصد حك الرجل بس ولا تقليم الاظافر :secret: وهم حك الرجل فرق وايد بين البيت وعند المتخصصين

اي نعم باقول لها ما قصرتي حتى لو قصت ريلي

يعني هي بتمسك ريلي وبتدهنا ويتنظفها واذا غلطت شوي باهاوشها:rolleyes2:

ما ابي متخصصين ابي بالبيت وشي على قدي ويأدي الغرض

[تحداني]

اللحين بتعصب علي تحداني ،،

اشفيه شغل البيت ؟

اهم شي الواحد يعرف شيسوي ،، :shy:


شغل البيت في هالشي عادي :)
بس في انواع من التشققات في الرجل وصلت لمرحله صعبه
اليوم لو رضى اخوي بصور لكم وانتوا احكموا والله الحاله وايد صعبه
وهو الاخ ماسك فيها رجوله .. وقاعد يدمر صحته وممكن توصل لامراض والله




المفترض الواحد يهتم بنفسه كحلاقه وصبغ وخاصة الي في الاربعين

ولكن ما توصل لسالفة المنكير والبديكير وكريم الاساس:secret:

واعتبره عيب في حق الريال:anger1:







البدكير وين .. وكريم الاساس وين
هاذي مشكلنا ريايلنا .. كل ما حاجيتهم ردوا علينا رجوله .. ورجوله
الا البدكير يا اخوي والله منظر الرجل كلش مب حلو وحتى كريحه وكصحه


جملك الله برضاه

[Charisma]

باديكير تقيلم الاظافر بس ويشيلون الجلد الميت الي حوالين الظفر وحك الرجل حتى تصبح كرجل الاطفال ناوي علي بالباند انت :(

شكرا اخت دشتي على التوضيح

[رآعي موآجيب]

وااااجد جنجااال :omen2:

[المهاجر]

يا اخوي ترى الزيت " ينشف الجلد " فلا تستخدمه
استبدله بكريم خاص للبدكير ومنتجات " شول " اذا حاب تسويها بالبيت رائعه


جملك الله برضاه

الله يجزاج الخير اختي

انا احب زيت الزيتون ويكون دافي احس براحه

وما يمنع نجرب الكريمات اللي تقولين عنها

بس بالبيت

[ضوى]

برأيكم كيف يكون الرجل باهتمامه بشكله الخارجي ؟

طبعا هذا الشي اساسي للجميع ولكل الاعمار ، ان الله جميل يحب الجمال

والبديكير ضروري لرجول الريال ، خاصة اذا متشققة وحالتها يرثى لها ، شخصيا كنت اسوي لزوجي ولمدة طويلة بشكل اسبوعي لكن مع تطور الزمن خلال السنتين الثانيتين صرت احجز له في شول بشكل شهري تقريبا واحيانا كل شهرين او ثلاث لاني احافظ له على ريوله بالبيت

هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

بالعكس احس انه ذوق ونظيف لكن طبعا اكيد مب مع المبالغة السخيفة اللي فيها تحفف وتمطق وسنفرة وخرابيط تلوع الجبد

بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

تجربتي بهالخصوص ، زوجي سافر لامريكا ، وبصراحة هو يهتم بنفسه من ناحية صفاء الويه ونوره ، ويستخدم كريمات لتحت العين والبشرة بس مب بشكل دائم ، لما رجع من امريكا جاب معاه كريمات ، تم يستخدمها لفترة معينة ، ماشاء الله رجع شباب لورا يمكن عشرين سنة ، الصراحة اسعدني هالشي مع شوية غيرة:shy: ، لكن شكله ريال وشيخ الريايل بعد ، يعني هالصفاء والاشراقة ماخلته دلوع ونص كم :anger1: ، الحمد لله بس بين عليه اهتمامه بنفسه وهالشي حلو الصراحة ولكن سبب لي غيرة مابيه يبين اصغر مني :shy:

مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟

ماله علاقة فيه ناس تحب تبين بعمرها الحقيقي وفي ناس تحب تبين اصغر والاثنين مافي شي يعيبهم دامها في حدود المقبول شرعا وعرفيا

[chillis]

شكرا اخت دشتي على التوضيح

عفوا حياك :secret:

[chillis]

الله يجزاج الخير اختي

انا احب زيت الزيتون ويكون دافي احس براحه

وما يمنع نجرب الكريمات اللي تقولين عنها

بس بالبيت

شنهو العيب لو استخدمته بحلاقك الخاص ؟

[تحداني]

الله يجزاج الخير اختي

انا احب زيت الزيتون ويكون دافي احس براحه

وما يمنع نجرب الكريمات اللي تقولين عنها

بس بالبيت




ويجزيك يارب بمثله .. وزيت الزيتون بالذات ينشف وايد
كنت اسوي بدكير للوالده في البيت واستخدم الزيت ومع الايام سبب لها نوع من الحساسيه وصارت هم " صدفيه مزمنه " ما ادري اشلون

راحت عند دكتور حرب في البحرين وتعالجيت فتره طويله اسملى عليك
حط اي كريم مب شرط " شول " بس هي معلومه ودير بالك منها وللاخوان والخوات بعد


جملك الله برضاه

[chillis]

http://www.mobdi3ine.net/up/13273897881.jpg (http://www.mobdi3ine.net/)

http://www.mobdi3ine.net/up/13273898111.jpg (http://www.mobdi3ine.net/)

صور تعبيريه للرجل المتشققه

[ريتويت]

عليكم بالزيوت التاليه: زيت الزيتون , زيت جنين القمح , زيت اللوز افضل الزيوت لنمو وكثافه الشعر

اسال مجرب

[وطن]

اشحلوه هالموضوع :)


انا كل ما اخذ موعد حق واحد من اخواني لمحل " شول " ما يبي يروح
يقول اشدعوه تحداني الزمن مب لهالدرجه .. مع العلم الدرجه الي وصل لها " تلوع الجبد "
وما اعتقد انسان طبيعي وده يشوف هالمنظر



فهد الباكر طابور الشباب اطول من طابور البنات
حسن عبدالله نفس المصيبه

ما ادري ايش تاليتهم مع هالشباب .. ذابحين روحهم بالليزر
ما يعوركم :( كل شعره امتن من الثانيه


لا تحرقون اشعوركم ولا اتنتفون روحكم ولا اتمنكرون
بس دخيل الله " تعلموا شي اسمه بدكير " والله انه عادي "
ولو عندكم حرار في وجهكم بعد في اختراع اسمه " كريم " حطوه في الليل
وعشان ما تتلعوزون حطوا فوطه على المخده

واسنانكم بعد في شي اسمه تبيض خاصه المدخنين
ترى الي اسنانه مب حلوه مافي ابنيه ترضى فيه

كاني قلت لكم



جملكم الله برضاه

ايه والله ما يعورهم لين يسوون ليزر !!!
تفاجأت مره رايحه للدكتوره
الا اشوفهم طالعين وكانو مسويين ليزر

يا الهي ما هذا !!!


وبخصوص الأسنان اتفق معاج 100%




:eek5: :eek5: :eek5:

:sorry::this:

سمعتوا ياشباب ؟ من اليوم :tooth:

صدقتي اختي موضوع الليزر ومراكز التجميل هالشي اعتبره " مقزز" بالنسبه للرجل
والمناكير والبدكير والخرابيط هذي مانعرف شمعناتها حتى .. بس حلو ان هالموضوع
جا في وقته عشان نشوف نظره المجتمع لهالنوع .. انا على تنظيف الوجه في الحلاق
وشككتوني بموضوعكم .. خلاص شكلي مابنظف وجهي من اليوم ورايح :rolleyes2:


روح سو تنظيف بس كل شهر او كل كم شهر مره
متى ما حسيت وجهك يحتاج

مب كل اسبوع او اسبوعين
عشان ما تتعب بشرتك اخوي









اعرف وحده تقول زوجها مايتسبح الا بتايد :( وتقول اخاف عيالي يكبرون ويكتشفون المصيبه :rolleyes2:

الله يعين عياله اذا بغوا يحبون راسه :weeping:

تـــايد
:eek5:

خشمي حرقني
زادت علي الحساسيه
تخيلت الريحه
:(






يسوي بالبيت يجي حق ام عياله ويقول لها يام فلان

ولاتهونين ريلي تشققت تعالي سويها لي

ما راح تقصر بتجيب له الزيت الدافي وبتدهنها وبتنظفها

وهي مستانسه وبتاخذ أجر بعد

ايــه الله ياجرها
مو غلط تسوي له بالعكس حلو تدلع زوجها

بس عاد مو كل مره
خل شوي يمر يسويهم في مكان متخصص

لان مو كل مره هي لها مزاج او فاضيه ما عندها شغل
المسؤوليات زادت في هالزمن يا اخوي
:secret:

[Charisma]

بس للوجه وتحديد العارض وتنضيف الخد ،، جائز لمن لديه العلم في هذا ؟
مريت على العم قوقل واغلب الفتاوى تقول ان ازاله شعر الوجه بالليزر او غيره" العارض" & "اللحيه"
مايجوز

[Bozizoo]

والله أشوف مافيها شي وخاطري اروووح بس ما عندي وقت كله مشغول
بس ما يمنع أني افضي نفسي كل كم شهر
البلا مب هذا البلا اذا شفت الرجاال ناعم و يكسر يدينه و مياعه مثل البنت
هنا رأيي الشخصي
و صباحكم خير

[موضي قطر]

اهم شي النظافة الشخصية <<< السبوح من قلب مع الاستعانه ببعض منتجات الاستحمام و


اللوشنات بعد الحمام .. ووفيه نقطه مهمه جداً وهي تنظيف الاسنان .. وقص الأظافر ..

[عابر سبيل]

مغلق للصيانة
و حذف السوالف الجانبية
بين بعض الانسات
و السيدات:)

[عابر سبيل]

مغلق للصيانة
و حذف السوالف الجانبية
بين بعض الانسات
و السيدات:)

مع الاعتذار من صاحبة الموضوع
و الجادين و الجادات...
على هذا القطع الاجباري في الارسال..
*
*
،،
لكن نحذر هل "الشات" و صانعي "الهوشات"...
لا تخربون المواضيع...
فالمخربين و المخربات-عمدا-
تحت "المجهر":telephone:

[بو الجوري]

يعطيك العافيه أخوي عابر :..

أنا أشوف الواحد يقرض أظافره فالبيت
و يحك قاعة ريلـه تكرمون باللي قلت عليه << راجعو المشاركـه رقم 48 :)

وماراح يحتاج بدكير ومنكير :)

[السديم]

والله مو عيب ولا غلط لو الواحد اهتم بنفسه ..

فمثلا المداومة على الحلاقة .. يعني حزات يجيك واحد تشوفه تقول مطلعينه من المقبرة مبهدل وحالته وحاله !!! هذا وينه و وين حديث رسولنا عليه افضل الصلاة والسلام ان الله جميل يحب الجمال !!!

المداومة على الحلاقة و عمل البديكير و اللياقة الجسدية امور مفروغ منها وبياض الاسنان والرائحة الطيبة .. فالرجل الله احل له التطيب متى واين ماشاء

لكن سنفرة وكريم ليل وكريم نهار و تبيض وفلرز ومادري شنو هذي بصراحة لا

لانها جد تفقد الرجل رجولته وتخلي اهتماماته مقاربة للنساء .

[ام السعف]

مريت على العم قوقل واغلب الفتاوى تقول ان ازاله شعر الوجه بالليزر او غيره" العارض" & "اللحيه"
مايجوز

احنا نتكلم عن اللي جائز ازالته ،، هل يجوز ازالته بالليز ؟

سألت الشيخ عبدالسلام البسيوني من اشوي
قال استخدام العلم لا ضرر فيه ،،

دام الأصل حلال فالطريقة لا خلاف عليه ،،

وهذا اللي كنت اظنه ،،

[المفترسه]

بعض مراكز السبا الرجاليه لها دعايات مقززه من ضمن الدعايه حف وازالة شعر الصدر والظهر
وحمام مغربي ماخلو شي حق الحريم :(

[بو الجوري]

بعض مراكز السبا الرجاليه لها دعايات مقززه من ضمن الدعايه حف وازالة شعر الصدر والظهر
وحمام مغربي ماخلو شي حق الحريم :(

بخصوص إزالة شعر الصدر و الظهر و الكتف
أعرف ناس مساكين فيهـم غزاره :( ومظطر يشيل عشان زوجته :(

الحمدلله إني مب محتاج :shy:

و الحمام المغربي عادي ، نوع من الصنفره للجسم :nice:

[بو خليفه 123]

واخيرا سؤال للرجال فقط ..
هل تهتم انت ببشرتك وشعرك ؟ كيف؟
وهل تم التعليق عليك بخصوص ذلك من محطيك ؟ اذا نعم ياليت نعرف :shy:


/
\
:






لا بد من الاهتمام و لكن ليس الاهتمام المبالغ فيه لأن هناك أمور تجميليه للبشره والجسم أهم و معترف بها اكثر من المواد المستخدمه مثل الـ facial والـ scrab اتوقع هكذا تُكتب

آخر مره استخدمت تنظيف البشره كانت قبل عرسي بـ يوم واحد .. لم يتغير شيء لكن حسيت بالانتعاش في وجهي و من بعدها استخدم الصابون الطبيعي لغسيل الوجه

الحمام المغربي حلو و منعش اسويه في احد الفنادق بالسنه مره او مرتين ينظف الجسم كامل ..

الاهتمام بالشعر هو فقط استخدام الـ الشامبو و احرص على استخدام الـ Hair Conditioner بعده ليحافظ على نعومة الشعر (لأنه ماشاءالله الماء الي نتسبح فيه جداً صحي و ابد مايتساقط شعرنا بسبته)


البديكير او تقليم الاظافر (بدون لمعه او الوان) اذكر اني سويته في محل بالستي سنتر و من عقبها ولا عاد عودت لأنه ممل فـ اكتفيت بتقليم الاظافر في المنزل قبل السبوح

الاهتمام بالمظهر الداخلي مثل الابتعاد عن بعض الاكلات التي تفرز هرمونات او تسبب ريحه للرجل مثل الاكل الهندي , الثوم , البصل

الاهتمام بالمظهر الخارجي لا بد منه و ماشاء الله عليهم الشباب واضح الاهتمام عليهم الآن و اصبحوا يلبسون افضل الثياب و احسن الغتر والماركات فلذلك احب اواكب الموضه المعتدله من ناحية الحرص على لبس الازرار والساعه والقلم

لا يوجد تعليق من البيئه المحيطه او الأهل لأني كـ رجل واثق من نفسي ولا يقوم بهذه الأمور الا الرجل الواثق



موضوع جميل .. شكراً لك أختي شموخ

[المفترسه]

بخصوص إزالة شعر الصدر و الظهر و الكتف
أعرف ناس مساكين فيهـم غزاره :( ومظطر يشيل عشان زوجته :(

الحمدلله إني مب محتاج :shy:

و الحمام المغربي عادي ، نوع من الصنفره للجسم :nice:

من صجك :omg:

[المستريح]

نعم اهتم بمظهرى والنظافه من الايمان ولكن الغسل كل خمس مرات يعنى الوضوء يكفى والحلاقه العاديه ومااحب الشعر الطويل بس بدون تنظيف وجه وخرابيط

[عابر سبيل]

يعطيك العافيه أخوي عابر :..

أنا أشوف الواحد يقرض أظافره فالبيت
و يحك قاعة ريلـه تكرمون باللي قلت عليه << راجعو المشاركـه رقم 48 :)

وماراح يحتاج بدكير ومنكير :)

الله يعافيك..

و اضافة على كلامك و باختصااااار
فالفطر السليمة ما يبيلها شرح و اعادة شرح
خاصة في مسائل النظافة ...عليه فإن:

"

الحق واضح في نفسه ..
وإنما يخفى علينا لعلة في عقولنا
فان الشمس نيرة ..
ولا يراها الخفاش لعلة في بصره
"
أرسطو!

[بو الجوري]

من صجك :omg:

على أي نقطه بالضبط :eek5:

[chillis]

انا اشوف مثل ما الرجل يحب بالمراه الاهتمام بشكلها ونظافتها كذلك المراه تحب هالشي ومافيها شي لو كثر الاهتمام :)

[المفترسه]

على أي نقطه بالضبط :eek5:

عن سنفور مشعر قصدي الرجال الي يحف عشان المدام واخزياه

[بو الجوري]

عن سنفور مشعر قصدي الرجال الي يحف عشان المدام واخزياه

ههههههههه
مب شرط يحف :.. في واحد من الشباب يخفف بالمكينه :secret:
مجبور مسكين شيسوي ،، مرتـه ماتحب الشعر الكثيف :rolleyes2:

[عابر سبيل]

انا اشوف مثل ما الرجل يحب بالمراه الاهتمام بشكلها ونظافتها كذلك المراه تحب هالشي ومافيها شي لو كثر الاهتمام :)

يقول ابن عباس-رضي الله عنهما-
إني أحب أن أتجمل لزوجتي كما احب أن تتجمل لي

[chillis]

يقول ابن عباس-رضي الله عنهما-
إني أحب أن أتجمل لزوجتي كما احب أن تتجمل لي

:victory:

[وطن]

مع الاعتذار من صاحبة الموضوع
و الجادين و الجادات...
على هذا القطع الاجباري في الارسال..
*
*
،،
لكن نحذر هل "الشات" و صانعي "الهوشات"...
لا تخربون المواضيع...
فالمخربين و المخربات-عمدا-
تحت "المجهر":telephone:

عساكم على القوة والله يعطيكم العافية

[مستوى الدعم]

برأيكم كيف يكون الرجل باهتمامه بشكله الخارجي ؟
هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

أعتقد أن الاهتمام يكون بالقدر الذي يضمن النظافة البدنية ونظافة الملابس وسلامة الجلد والشعر، واللياقة الرياضية المعتدلة، والظهور بملابس مرتبة متناسقة وبشكل يناسب المستوى المادي الذي ينتمي له الشخص.. مع مراعاة الاعتدال وعدم الإسراف في الأمر..

و ديننا الحنيف يحض على الاهتمام فقد روى عبدالله بن عمر أن رسول الله صلى الله عليه وسلم قال:

"من سحب ثيابه لم ينظر الله إليه يوم القيامة فقال أبو ريحانة لقد أمرضنا ما حدثتنا إني أحب الجمال حتى أجعله في نعلي وعلاقة سوطي أفمن الكبر ذلك فقال رسول الله صلى الله عليه وسلم إن الله جميل يحب الجمال ويحب أن يرى أثر نعمته على عبده لكن الكبر من سفه الحق وغمص الناس أعمالهم"
الراوي: عبدالله بن عمر المحدث: الألباني - المصدر: السلسلة الصحيحة - الصفحة أو الرقم: 4/167
خلاصة حكم المحدث: صحيح

وقد بلغ عمر بن الخطاب رضى الله عنه أن خالداً – يعنى ابن الوليد رضى الله عنه – قد دخل الحمام فتدلك بعد النَّورة بثخين عصفر معجوناً بخمر.

النَّورة (بفتح النون) هي مادة مستخلصة من الجير تزيل الشعر من البدن
العصفر هو نبات الكركم ولونه أصفر ويعتبر نوعاً من الأصباغ، وغسل الرأس والبدن به ثلاثا يدفع القمل والخشونة ويحسن الوجه

فكتب إليه:
” بلغنى أنك تدلكت بخمر ، وإن الله قد حرم ظاهر الخمر وباطنها كما حرم ظاهر الإثم وباطنه ، وقد حرم من الخمر إلا أن تُغسل كما حرم شربها ، فلا تمسوها أجسادكم ، فإنها نجس. وإن فعلتم فلا تعودوا“

فكتب إليه خالد رضى الله عنه:

“إنا قتلناها فعادت غسولا غير خمر”….
فكتب إليه أمير المؤمنين عمر رضى الله عنه:
“إنى أظن أن آل المغيرة قد ابتلوا بالجفاء ، فلا آماتكم الله عليه”…فانتهى خالد إلى ذلك

كان انتقاد سيدنا عمر ينصب في نجاسة الشيء المستخدم وهو الخمر
ولم ينتقد سيدنا عمر قيام سيدنا خالد بالقيام بتلك الأمور التجميلية.. وكلنا يعلم مدى الخشونة التي كان يعيش بها سيدنا عمر.. كما ندرك أن سيدنا خالد بن الوليد كان رجلاً مقاتلاً.. و كلا الرجلين كانا من أشد الرجال بأساً على مر العصور الإسلامية.. وما تسبب ذلك في الانتقاص من رجولة "سيف الله المسلول"

[ريتويت]

الاهتمام بالمظهر شي حلو.. ولكن اهم شي الاستحمام خصوصا بالجو البارد لان الافرازات والعرق تزيد بانخفاض درجات الحراره وارتفاع نسبه الرطوبه بالجو

[مستوى الدعم]

بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

هناك مصطلح جديد في الغرب ظهر في عام 1994 يطلق على من تصفينهم من هؤلاء الشباب وهو: Metrosexual

وتعريفه حسب الويكيبيديا:

Metrosexual is a neologism derived from metropolitan and heterosexual coined in 1994 describing a man (especially one living in an urban, post-industrial, capitalist culture) who spends a lot of time and money on shopping for his appearance

هو الرجل (المستقيم وليس المنحرف) الذي يعيش في المدن والضواحي في بلد رأسمالي، ويقضي الكثير من وقته في التسوق من أجل مظهره..

[شبح الصمت]

عن نفسي احب اهتم في نفسي

بس تنظيف بشره ما سويت من زمان والحمد لله لانه ما يحتاج :)

وبخصوص الكريمات وهالسوالف الواحد يحب يشم ريحته له اهو نفسه طيبه وفايحه

كفايه يوم تفصخ ثووبك تشم ريحة حلوووه تطلع من تحت ثيابك

:shy:

[Arab!an]

حلو انك يوم من الايام تجي منهك وتعبان .. تمر محل مزركش وريحته ورد و موسيقى هادئة .. تقط نفسك عندهم الظهر تخليهم يشتغلون عليك ولا تزعج نفسك بمعرفة مصطلحات الشغل بدي كير منيكير مساج كريمات اللي هو .. خلك ريلاكس

تطلع العصر وانت تلق .. ودك تبروز نفسك في المجلس

[العقل الحر]

يجب على الرجل ان يكون مظهره لائق ونظيف

[هدوء الليل]

حلوو انه يهتم بمظهره بس بحدوود

ويعطيكم العافيه


=)

[بلوتنيوم]

حلو انك يوم من الايام تجي منهك وتعبان .. تمر محل مزركش وريحته ورد و موسيقى هادئة .. تقط نفسك عندهم الظهر تخليهم يشتغلون عليك ولا تزعج نفسك بمعرفة مصطلحات الشغل بدي كير منيكير مساج كريمات اللي هو .. خلك ريلاكس

تطلع العصر وانت تلق .. ودك تبروز نفسك في المجلس

وين هالنادي المزركش
نبي نتبروز معاك :)

[هجمة مرتدة]

المنيكير والبديكير ليس طلاء الأظافر كما يعتقد البعض !

بل هي عملية تنظيف وتقليم الأظافر وإزالة الجلد الزائد من الجوانب . .

هل في ذلك عيب إذا قام الرجل بـ "المنيكير والبديكير" في صالون الحلاقة ؟

أما الفيشال، أو بالأحرى تنظيف ومعالجة مسامات الوجه من الرؤوس السوداء والبيضاء الخ . .

فهي تنفع ولا تضر، بل أثرها يبقى ونظافة الوجه تكون واضحة . .

فهل في ذلك أيضاً أي عيب أو انتقاص من رجولة الشخص ؟

[Class - Qtr]

لما حدث الصحابة عن الكبر قالوا : يا رسول الله ، إن الرجل يحب أن يكون نعله حسناً وثوبه حسناً ، فقال النبي صلى الله عليه وسلم : ( إِنَّ الله جَمِيلٌ يُحِبُّ الْجَمَالَ )

روى النسائي في سننه عن أبي قتادة (أنه كان له جمة ضخمة فسأل النبي صلى الله عليه و سلم فأمره أن يحسن إليها وأن يترجل كل يوم). وفي رواية : (قلت : يا رسول الله : إن لي جمة أفأرجلها. قال : نعم أكرمها فكان قتادة ربما دهنها في اليوم مرتين من أجل قوله : أكرمها).

الاهتمام بالمظهر والنظافه شي مطلوب .. لكن المبالغه فيها مب مطلوبة ..

انا اهتم بشعري واهتم بنظافتي الشخصيه واهتم بمظهري .. وهالشيء مايقلل من رجولتي
وبالنسبه لتنظيف الوجه .. انا مادري وين العيب في الموضوع ؟
انا متعود احلق اسبوعيا وكل مره اطلب تنظيف الوجه ..
وبالنسبه للجم .. وين المشكله ؟ رياضه وصحه للجسم وماشوف فيها اي شي؟!


اما سوالف البديكير و"الطرطنكير" ومراكز تجميل هذي ماتنبلع او المبالغه عموما في العنايه بالجسم .. الموضوع شوي ويصير " شبهه"



:telephone:


انا مع اخوي صاحب هذا الرد ,,

[Class - Qtr]

حلو انك يوم من الايام تجي منهك وتعبان .. تمر محل مزركش وريحته ورد و موسيقى هادئة .. تقط نفسك عندهم الظهر تخليهم يشتغلون عليك ولا تزعج نفسك بمعرفة مصطلحات الشغل بدي كير منيكير مساج كريمات اللي هو .. خلك ريلاكس

تطلع العصر وانت تلق .. ودك تبروز نفسك في المجلس


:telephone:


هذا نادي صحي في فندق ( 5 نجوم ) اذا معلومتي غير دقيقه ياليت نعرف المكان

[halcrow]

عمر بن الخطاب رضي الله عنه قال :اخشوشنو فان النعم لاتدوم

[الـقـاسـي]

مشكله بعض الاخوان فاهمين الموضوع غلط ..

اولا الاهتمام بالنظافه مب حق الحريم بس ..

الكريمات مب كلها حق الحريم ..

ما اشوف ان الواحد لما يهتم بنفسه شوي يعتبر نوع من النعومه بالعكس ..

يمكن البعض عند مشكله شوي في التفرقه بين الواحد لما يهتم بنفسه ولما يكون ناعم ..

انا عن نفسي اهتم بنفسي جدا سواء من ناحيه قص اظافر اليد او الرجل وتنظيف قاع القدم وانتوا بالكرامه اهتم بهالشي بشكل كبير جدا

ماحب اظافر طويله ماحب في زوائد ماحب الوصاخه تكون متجمعه على اظافر او قاع القدم واسويها بشكل اسبوعي او كل عشر ايام بالكثير

والحمد لله ماشوف نفسي نقصت رجولتي او شي بالعكس ..

اذا بتتكلمون عن العيادات الجلديه انا كنت اروح لفتره عند د. الما الرفاعي كان عند شويه مشاكل فالبشره والحمد لله بالاهتمام انتهت

ولعلمكم يعني انا ماطلع من البيت الا حاط واقي شمس مابي المشاكل ترجع لي ونفس الوقت استخدم انواع ماتبين نهائيا

وماشوف هالشي انتقص من رجولتي او خلاني احس اني ناعم ..

وماطلع من البيت الا محلق ومتعطر ومتبخر وملابسي نظيفه وكل اموري تمام


انك تكون اشعث اغبر مب يعني انك رجال واذا اهتميت بنفسك مايعني انك ناعم ..

انا الحمد لله عارف نفسي زين وعارف وضعي فـ مراح انتظر من حد يقيمني او يحدد ااذا كنت رجال او ماني برجال لاني اهتم بنفسي


لكن ان وصل الحال لمرحله الدلع والنعومه وانقلب اخواني هذاك الوقت عاد واضح شكله ومعروف ..


بالنسبه لليزر صحيح اغلب اللي تشوفونهم هناك اخوانيه لكن ترا في ناس اسوياء ويروحون يسوون ليزر

انا عندي واحد من عيال عمي يحلق العصر عقب العشاء اللي يشوفه يقول صار له اسبوع ماحلق مبتهدل الشعر يطلع لع بسرعه خياليه اضطر يروح يسوي ليزر حق العارض عشان يرتاح هذا مب رجال الحين ولا مشكوك في امره ..


اتمنى من البعض انه يوسع فهمه شوي ويفهم كلامه قبل لاينتقد الاخرين ..

[الـقـاسـي]

الله يجزاج الخير اختي

انا احب زيت الزيتون ويكون دافي احس براحه

وما يمنع نجرب الكريمات اللي تقولين عنها

بس بالبيت

ههههههه عجبتني ردودك ..

يعني اللي افهمه من كلامه ان انت مب معترض على الموضوع بس معترض على المكان ..

يعني اذا فيه عندهم خدمه منزليه ماعندك مشكله ؟؟

[الإكسير]

من ناحية الاهتمام بالمظهر الخارجي فهذا شي اساسي عندي وحتى الداخلي ولله الحمد اما الحلاق فكل ما اقوم به عنده حلاقة الشعر بين فتره وفتره وتحديد العارض وهذا بشكل اسبوعي اما غير ذلك فلا اقوم به لا غسيل وجهه بالكريمات والاقنعه ولا بدي كير ولا منكير ولا من هالامور ابد ..

:eek5:

[الإكسير]

حلو انك يوم من الايام تجي منهك وتعبان .. تمر محل مزركش وريحته ورد و موسيقى هادئة .. تقط نفسك عندهم الظهر تخليهم يشتغلون عليك ولا تزعج نفسك بمعرفة مصطلحات الشغل بدي كير منيكير مساج كريمات اللي هو .. خلك ريلاكس

تطلع العصر وانت تلق .. ودك تبروز نفسك في المجلس

مدام مافيه شي حرام شالي يمنع ياخي واحد يبي يدلع عمره عجزان يقص اظافره... اأأيد كلامك

[شمـوخ]

يامرحبا تراحيب المطر والله :nice:
نزلته الفجر ولقيته وصل لـ 11 صفحه ..
ماكنت ادري ان الموضوع بيلقى هالصدى ..
كل الشكر والتحيه كل من ادلى بدلوه ولو بكلمه ..
والله يقدرني اني ارد على كل من علق وشارك لان هاي طبعي
ماحب اخلي رد لعضو كريم رد بدون التعليق عليه ..

بس على الفكره يالغاليين لاحظت ان بعض الردود ردت فقط على





واخيرا سؤال للرجال فقط ..
هل تهتم انت ببشرتك وشعرك ؟ كيف؟
وهل تم التعليق عليك بخصوص ذلك من محطيك ؟ اذا نعم ياليت نعرف :shy:
[/COLOR]


أو ..





سؤال للحريم فقط ..
من تفضلين في هذا كله .. المهتم ام الغير مبالي ام ماذا .. ؟!! ولماذا ؟:victory:



وانا ابيكم تردون على ايضا هذه التساؤلات ..
وشغله اخيره .. لاحظت بعض الردود تتكلم عن النظافه الشخصيه
انا لم اتطرق لانها بديهيه ومن الدين .. انا تكلمت فقط عن امور التجميل والتزين
والاهتمام بالشكل والمظهر والهندام فقط :) كما هو موضح بالموضوع








برأيكم كيف يكون الرجل باهتمامه بشكله الخارجي ؟
هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟
بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟
مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟
[/COLOR]


مع خالص تقديري واحترامي

اختكـ شـمــوخ ــم
..

[شمـوخ]

انا غير قطري بس راح اجاوب

ما عندي اهتمام بهذه الاشياء صراحه بس اكيد مهتم بالنظافة والشكل و الهندام بشكل يومي بس بدون مراكز تجميل

تنظيف وجه و البشرة و هالاشياء ما لي فيها ...الحلاق اروحه مره بالشهر و يمكن اكثر شوي فقط

التعليق علي كان من الاصدقاء و هو اهتمامي الشديد بتنزيل وزني و الحمد لله ما عاد فيه كرش و يقولون لي ما تحرم نفسك من الاكل و انسى هالاشياء راحت علينا خلاص تزوجنا و صار عندنا اولاد مين بهتم بشكلنا

شكرا على طرح الموضوع الحلو

هلا وغلا اخوي خلدون

السموحه انا قلت "القطري" بحكم البيئه والمعرفه بهم
وايضا لان بقية الجنسيات العربيه كـ المصريين والشاميين
الاهتمام الزائد امر عادي لدرجة بعضهم يحفون الشعر الزائد حولين حواجبهم

تروح للحلاق مره بالشهر .. ماجنّها قليله جدا جدا
حلو الواحد يهتم بـ "شيب جسمه " واللياقه
الله يبارك لك بعيالك وعائلتك اجمعين

احترامي

..



اعتقد من يقوم بعمل الفيشل والمكنير والبديكير والأمور النسائية يكون قد خرج من كونه رجل إلى كونه دلوع لأن مثل هذه الأمور في نظري هي أنثويه بالدرجة الأولى ولكن جاء التقليم ونظافة البدن الداخليه من السنة...

أنا عن نفسي استحي أن أرى صالونات رجالية ففي نظري أنها تعلم الصغار أمور ليست من شأن الرجال في شيء وخصوصا أن العاملين فيها من الآسيوين الذين قد ينقلون لصغارنا وأقصد من فترة المراهقه- تقليعات ليست من ديننا ولا اخلاقنا في شيء في قصات الشعر وطريقة الاهتمام بالجسد بل قد ينقلون لنا اللواط والله المستعان

المرأة من يفترض بها النعومه والرقة والاهتمام بالجمال وأما الرجل فيكفيه أن ينظف بدنه كما أمرنا به الشرع بالاضافة إلى الاهتمام بشكل شعر وجهه من التعديل دون الحلق على قول الرسول صلى الله عليه وسلم حفوا الشوارب وأوفوا اللحى

ولكن للأسف نرى في هذه الايام أن بعض الشباب فاق اهتمامه بنفسه اهتمام بعض البنات بأنفسهن والله المستعان


جزاكم الله خيرا

مرحبا اخوي المسك

ماتعتقد انك بالغت بالحكم .. يعني الفيشال هو تنظيف الوجه من
الدهون والرؤوس السوداء والشوائب التي تعيق تنفس خلايا الوجه
والمونيكير " بدون لون طبعا" والبوديكير هي عملية تنظيف الاصابع
من الجلد الميت وتقليمها بصوره مرتبه وجميله وترطيبها
وخصوصا البوديكير لتنظيف الرجلين التي قد يكون بها تشققات الظبان
تقدر ادش فيه من كبرها << امزح طبعا بس كنايه عن فظاعة منظرها
اشكرك على ردك

دمت بود

..





حياك الله اخوي ..
الاهتمام مطلوب ولكن :victory:بدون مبالغة .
نعم تم التعليق خخخخخخخخخخخخخخ :rolleyes2:

مرحبا سيف
اشكرك على ردك السريع

دمت بود

..

[شمـوخ]

هع اماااااا وصل الحال فينا :omg: كذا لا يالغالي قول غير كذا هههه انا بشكل عام اهتم بالنظافه ولبس الجديد من الثياب وافرك وجهي بالصابون حاله حال باقي جسمي :tease: المهم واتعطر اي عطر قدامي حتى لو كان حق اهلي المهم انه ريحتك حلوه مشي نفسك يعني :) والحلاق اروحه كل اسبوع بحكم تضبيط السكسوكه :shy: انا اشوف انه عادي واحد يروح يسحل وجه اقصد يسوي سنفره في وجه ويحط كريمات مرطبه للوجه اذا راح يتقدم :nice: علشان تضبط الطبخه اقصد الخطبه :victory: اما اني اخذها عادة سلامات يالغالي ولا اقولك عطوني اياه ابو الصوالين والكريمات ابيه في سالفه :anger1:

مرحبا تاجر ..

اها .. طيب
كل الشكر لمشاركتك ومتابعتك

دمت بود

..



الاهتمام بالنظافه والمظهر شي مهم وضروري في الحياه ,, لكن ماتوصل لدرجه البدي كير والخرابيط هاذي :secret:

شكرا على الطرح

مرحبا سداوي مدريدي

والله البوديكير مب خرابيط .. طيب امانه كعب قدمك شاخباره:omen2:
اشكرك على التعليق

دمت بود

..
اخر مرة سويت تنظيف بشره للوجه يمكن من 5 سنين حق بس هههههههههههه ومن عقبها مافيه امل اخلي الحلاق يمسك وجهي بيده الوصخه

واما الشعر مثل كل الناس اغسله بالشامبو وبس واحبه طويييييل وبدون كريمات وسوالف حريم وقبل كنت احرقه بالأستشوار هههه لكن الحين نووو وييي

بختصار حلاته الرجال يكون مثل ابوه في الأهتمام بالمظهر وشكله راح يكون كيوووت :) اما اللي عليه حركات حريم اقوله التيس طول عمره تيس حتى لو القذله لين رقبته ,,,<<< اشدخل

يسلموا شموخ على الطرح بس اختصري شوي عاد :(

مرحبا بوحارب

حق شنو .. لاتقول العرس هههههه
الفيشال يسوونه اختصاصي تجميل مب راجو ولا شمس الدين
كيوت وتيس .. عليك تشبيهات فزييييييييييييعه << يعني فظيعه
مشكور على المشاركه وحرام عليك مب طويل
عيل لو قريت مواضيعي اللي قبل شبتقول :secret:

دمت بود

..



ايوا اروح الحلاق لحلق الشعر وبس واما الكلام اللي ينقال من بدي كير و موني كير وخرابيط كير انا ما اعرف وش معناها اسمع بها من وقت الى آخر ولكن للرجال هذه غريبه بالنسبه لي ولمن اعرف من حولي وان شاء الله ما يجي اليوم اللي اشوف احد اعرفه في صالونات الرجال ووايد علينا الحلاق شمس الدين ابو ١٥ ريال ولا بعد ماخذ زيادة لأنه حدد اللحيه وسلامي للكل

مرحبا اخوي بوحمد

المونيكير والبوديكير هم عملية تنظيف الاصابع من الجلد الميت
وتقليم الاظافر وترتيبها وترطيب اليدين والقدمين بعد ازالة التشققات
الموجوده بكعب الرجل .. :)
الله يسلمك وشاكره لك متابعتك

دمت بود

..



صباح الخير اختي .. الرجل بطبعه عجوول وملوول ويتخير الحلوول السريعة والنظافة عامل مهم في عقيدتنا الإسلامية فالمهم من هذا كله يهتم بنظافته وهندامه وشكره على نعمة الصحة لله عزوجل وسنةً برسولنا الكريم ولنفسه مما يعطي راحة نفسية له ولغيره من حوله..

ولا تكبرووون المواضيع ..

مرحبا مهره ..

صباحج ورد ومسك .. صحيح كلامج
النظافه ماعليها خلاف اصلا ..
كل الشكر لمرورج الكريم

دمت بحب

..

[شمس2]

حلات الريال نظييييييييييييييييييييييف بكل ما تحمله هذه الكلمه من معاني :nice:

[شمـوخ]

من ناحية الاهتمام بالمظهر الخارجي فهذا شي اساسي عندي وحتى الداخلي ولله الحمد اما الحلاق فكل ما اقوم به عنده حلاقة الشعر بين فتره وفتره وتحديد العارض وهذا بشكل اسبوعي اما غير ذلك فلا اقوم به لا غسيل وجهه بالكريمات والاقنعه ولا بدي كير ولا منكير ولا من هالامور ابد ..

مرحبا اخوي لاجئ عاطفي

جربها اخوي بتشوف الفرق وخصوصا انها بنظري لاتنتقص
من هيبتك .. فقط امور تنظيفيه بحته .. كـ ازالة الجلد الميت والتشققات
من القدمين وتنظيف البشره من الرؤوس السوداء والدهون الزائده
التي قد تسبب ظهور بثور
اشكرك على المرور والمشاركه

دمت بود

..




الآن الواحد إذا كانت أقدامه خشنة ووصلت لدرجة بعض التشققات... هل يعتبر غلطان لو راح (شول) مثلا ليضبط نفسه ويسوي بديكير!!


لا طبعا بالعكس لو خلاها بيعطي مظهر انه انسان بدائي
وغير مرتب ..
اشكرك على المرور والمتابعه

دمت بود

..




صباح الخير ياشموخ
تدرين أنا ولدي لما كان عمره سنة شافني أبوه أحط له كريمه على جسمه
قال لا تعلمين الولد على ها السوالف ...خليه رجال...
يعني بمعناه الرجال يبعدون عن كل شيء يخص الحريم
لكن مايمنع هذا من اهتمام الرجل بشكله الظاهري وهندامه وبشرته وشعره
ولايكون القصد من ذلك جذب انتباه الجنس الآخر
بل للنظافة والرعاية الشخصية
أما المبالغة بالتواجد الدائم عن أطباء التجميل وبدون سبب لذلك
فهذا صراحة منظر يقزز وخارج عن المعتاد
أما البعض فيكون تواجده للعلاج من مرض معين...
وأطباء الجلد كثيرين ..ما أدري ليش بعض الشباب يروح للطبيبات..
تحديد لحية بالليزر أو تقشير أو غيره من حركات الحريم...
الله يهديهم ويرد البعض لـ رشده...

هلا بالاصيله ..

لا حرام مب للدرجه ذي .. ريلج شكله متطرف بهالامور
الاهتمام بالمظهر مطلوب ولكن بدون مبالغه اكيد
لكن يجب ان يكون هناك رعاية خاصه لليدين والقدمين
والشعر والبشره مافيها شي ..
اشكرج على تواجدج ومشاركتج

احترامي

..




:eek5:
ليش البديكير مو تلوين الاضافر ؟

لا اخوي رحال البوديكير تنظيف القدمين من الجلد الميت
وازالة التشققات وترطيب القدم الخشنه تبدو انعم وانظف
جربها وبتحس بالفرق ..

تحياتي لك

..

[بوحارب]

مالج حل حكرتيلي الصراحة :) ههههههههههههههههه

قريتها بس انا بعيد عن السياسة مالي في عوار الراس :(

[شمـوخ]

ترا صح كلامك البعض صار يهتم بمظهره بشكل مفرط يفقده رجولته وهيبته
ورحت كذا مره لمركز قطر للعنايه بالشعر
وماشاءالله الشباب اكثر من البنات واغلبهم جلسات تنظيف بشره
وعلاج تساقط الشعر وجلسات تنعيم الرجلين :secret:

مرحبا يالعضاضه =)

اكيد ولا ماكتبته .. بس بعد الاهتمام اكيد مطلوب
لا افراط لاتفريط :victory:
مشكوره حياتي

دمت بحب

..




الرجوله في هذا الوقت في ظل التطور السريع في كل نواحي الحياه في قطر وقمنا انقلد غيرنا في
كل شي في الزين والشين اشوف ان الرجوله ناقصه بعض المعاني من عقب ما قمنا انشوف
رجاجيل من غير شوارب !!!!!! يعني وااااحد تعدي عمره الــ 45 سنه ومن عرفناه مشورب
ومعا زيادة الرواتب وزيادة الكماليات في المجتمع القطري طارت الشوارب وقمنا انشوف وجيه
ودره يجيك مخوضر وضارب كريم ومصنفر الخدود اللي كنها قاعة رجل ماينفع فيها تلميع !
والشنب على الزيرو !!!!!!!!!!!!!!!!!!!!!!!!!!!!!!!!!!!!!!!!! هنا واضح انه فيه خلل وقلة غيره والعمليه
طرديه قمنا انتهاون في امور وااااااااجد وتعدت هذي الامور الشنب الى امور امر وادهى !

اللهم لك الحمد والشكر على كل حال

ههههههههههه حسبي الله على عدوك .. ذكرتني بمره وحده اعرفها تقول
لي ان عندهم بالوزراه يعلقون على الوزير لانه اسمر شوي وكان يحط كريم
مبيض فيصير شكله بنفسجي =)
اما سالفة تخفيف الشنب .. تلوع الجبد انقرف منها صج
اعنبو ماجنّه الواحد له شنب صاروا عيالنا اكبر الباكرعلى غفله:secret:

اشكرك على مرورك وتعليقك


دمت بود

..



الله المستعان

ونعم بالله

دمت بود

..



.................................................. .......................................

بشكل عام اشوف اني اميل الى رفض مثل هالأمور بشكل كبيييير
وياما اختلفت مع عيالي الشباب لو شفت شي من هالسوالف اللي
علموهم عليها الحلاليق الاتراك ،،:telephone:

لدرجة اني مرة لقيت عندهم سائل نتيروجينا ،، سويت لهم عرس
انتوا ما تستحون ما خليتوا للحريم شي ،، تستخدمون كريمات وسوائل تنعيم :weeping:
،، قال لي ولدي الثاني السائل ذيه نصحني فيه رفيجي حق الحبوب
اللي تطلع في الويه " ما اقتنعت " :(
دورت وبحثت طلع كلامه صحيح وعن تجربة ،، فصرت اشتريه بروحي ،،:shy:
اما سوالف البودي شوب والاهتمام بالمظهر العام هذا يعتمد على
مدى الضرر اللي لاحقه في بشرته ،،

مثلا :
* لزقة ازالة الرؤوس السودة من الخشم...> عندي عادي يستخدمها ،،
* قص الشعر الزائد من الأنف عادي
* ينقعون ريولهم في الماي والملح ويتخلصون من الشوائب والتراكمات
ويسترجعون اللون الطبيعي للجلد مع التخلص من الجلد الميت
اشوف هالشي صحي وطبيعي جدا ومطالب به الرجل ،،
اصلا شارية لهم في البيت الجهاز بو طشت الصغير ادزهم دز علشان
ينقعون ريولهم :omen2: ويحافظون عليها بشكلها الصحيح
مع كريم تقشير الجلد الميت لتجديد البشرة وترك مساحة كبيرة لتنفس صحيح ،،

*يقرض اظافره ويحافظ على شكلها الطبيعي بدون ندوب او تشققات
او زوائد جلدية ................> هذي امور من حق جسد الرجل عليه ،،


اما سوالف تنعيم وتقشير وتنظيف بشرة بشكل دوري
وكريمات ترطيب وتلميع وملمس كالحرير " هذي مب للرجال "


ام السعف حرام عليج الحيم سائل نتروجينا فيه شي :omg:
هاي ينشف البثور .. يعني علاج ..
الحين الشباب يحبون ينعمون شعرهم واتوقع مافيها شي بس بدون اسراف
كل الشكر لتعليقج الكريم

دمت بحب

..

[qatara]

الحمد لله على ما وهب
والحمد لله على نعمة العقل

[شمـوخ]

بالعكس مافيها شي اذا الواحد اهتم بنفسه ونظافته
فالنهايه هذي الامور كلها لمصلحته
ولاكن !! انه يوصل لمستوى منيكر وبدي كير وزفت كير لا يبى هالسوالف مب لنا :shy:
بنقول معليه يدخل جم ويهتم بنفسه وبكشخته ولاكن يسوي كل هالخرابيط
فهاي مع احترامي كاره نفسه :tease:

مرحبا السد

اكيد الاهتمام مافيه شي بس الاسراف والمبالغه وبعض
الامور الدخيله علينا هي الغير مرغوبه وغير مطلوبه
اشكرك على المرور والتعليق

..



سؤال للحريم فقط ..
من تفضلين في هذا كله .. المهتم ام الغير مبالي ام ماذا .. ؟!! ولماذا ؟
المهتم ولكن بدون مباالغه



مرحبا دانه

يارب يسلم الرد التنتوف ^_^
ياليت تشاركينا بالرد على التساؤلات اللي بالاحمر مب بس هالسؤال
اشكرج على متابعتج


دمت بحب

..



كل واحد حر في نفسه , اما الي فاهمين الرجولة في طول الشنبات و غزارة الشعر و عدم استخدام المنظفات فهذا الله يعينه على نفسه و أهله و الناس الي حوله ..

مرحبا اخوي

اكيد الرجوله اكبر من هالمعاني
والاهتمام ماينتقص من الهيبه ولكن كل شي وله حدود

دمت بود


^
أنا من رأي اختي اللي فوق
حلو الاهتمام بالنفس سواء المرأة أو الرجل...
وفي كل الحالات بدون مبالغة..

اسم الله عليج من هالنكـ اختي
اشكرج على المتابعه

دمت بود

..

[فيزيائية]

حلو ان الرجل يتزين كما تتزين له امرأته
بما يرضي الله .....لاتكلف ولا اسراف

[شمـوخ]

والله بخصوص الشعـر في نآس مسآكين آعرفهم آذ رآحو للحلآق قالو له آستشوآر وآحرق لنآ هالشعر خله يصير نآعم ومرتب بس آشوفه شى عآدي يعني الاغلبيه الى شعورهم فلافل يسونهآ :)

والعضلات هذآ شى طبيعي في ناس يحبون المنظر الجسم ف بعضهم يدخل له صاله حديد عشان يرتب جسمـه هذآ شى لآبد منه

وبخصوص البشره هذى مآشوفهآ لنآ صرآحـه ل الحرييم الي يرتب بشرته ويحط فيها كريمآت غآسل آيدي منه

حتى الحلاق اذ جيته يقولي احط لك قناع اخضر اقوله لا مآبي وكل ماجي احلق عنده يقولي نفس الشى قلت له اذ بتقولي مر ثانيه مب جاي الحلاق هني مر ثانيه بروح صوب حلاق ثاني فلا تلحس مخى بالقناع :)

مرحبا فكسار

اشكرك على تعليقك ومشاركتك لنا بقناعتك بهالموضوع

كل التحيه والتقدير

..




شيء حلو الاهتمام بالنفس وجميل جداً جداً

بس بدون مبالغه

وتقبلوا مروري

Dior Hommme

:shy:

مرحبا اخوي / اختي
بالفعل ... لا افراط ولاتفريط

دمت بود

..




الموضوع حلو وطريف

لي تجربة مع هالشي باشاركم فيها لكن بعد قليل

الاحلى والاجمل تواجدج وتواجد الناس الطيبه
ومشاركتهم اللي حلت الموضوع :nice:
ونحن بالانتظار يالغاليه

احترامي

..



برأيكم كيف يكون الرجل باهتمامه بشكله الخارجي ؟

مافيها شي
خل يهتم بس بدون مبالغه
في ناس وصلوا للفاونديشن
وانتو الحين معترضين على كريمات ترطيب البشره والفيشل

:secret:

ولازم طبعا يسوي بديكير ومنكير شنو تبون ريوله تتشلخ من الجلد الميت والجفاف
واظافره تلوع الجبد
اكيد اكيد لازم يهتم
هذي نظافه يا اخوي مو دلع


هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

يعني يروح الحلاق يحلق ويرتب شكله ؟؟
مافيها مشكله اكيد



بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

بالنسبة لي كـ بنت
ايه
ما يعجبني اللي يهتم وايد في هالتفاصيل و يدقق
شبقى لي انا اسويه اذا هو بيسوي هذا كله :secret:
النعومة لنا
مو للرياييل

بس اكيد مافي مانع يهتم بصحة بشرته ويروح الدكتور
وصحة شعره بعد لو ابتدا يصلع ;)



مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟

الشهامة مالها علاقه بالموضوع اخوي
في ناس يهتمون بنفسهم ورياييل ينشد الظهر فيهم
يهتمون بس مو توصل حق الفاونديشن
:secret:





اخوي خلدون
البديكير هو للقدم
والمنكير لليد

للعلم فقط ;)

والتلوين اسمه نيل بوليش
ولا كلور

مرحبا وطن

شاكره لج على تعليقج
بس سالفة الفونديشن :secret: قويه جدا
كل ماطرح بصوب والفونديشين بصوب :rolleyes2:

للرجال : الفونديشين يعني كريم اساس يعني كريم لونه اوف وايت
او بيج او ابيض لصبغ الوجه لتبيضه او لجعل الوجه لون موحد

تحياتي لج

..

[شمـوخ]

انا مع ان الرجال يهتم بنفسه بس بشكل غير مبالغ فيه ,يعني قبل الحريم كانوانادر ما يروحون مراكز التجميل بس الحين الغالبية صاروا يروحون ,نفس الشي الرياييل بعد لازم يهتمون في نفسهم . واعيد واكرر ما يبالغ في الشي .

هلا فرحه

صح كلامج الاول تروح للصالون بالمناسبات فقط
الحين لا اسبوعيا واحيانا مرتين بالاسبوع
وبالكثير مرتين بالشهر
المبالغه مب مقبوله اكيد وللطرفين بعد

اشكرج اختي على مشاركتج

دمت بحب

..



بصراحة لو حصل لي أدلع نفسي
ما عندي اي مشكله

مرحبا الرويس .. حلو بس شلون
ياليت تشرح لنا شلون بدلع نفسك :)

اشكرك على مرورك

..



طبعاً لازم الرجال يهتم بنظافتـه و لبسـه
لكـن ماتوصل للأشياء اللي قلتيـها !!

ممكـن الواحد يسوي حمام مغربي أو تنظيف بشره
إذا عنده مناسبه خاصه :..

أما إنـه يروح دايماً و من الكلام اللي إنقال في بداية موضوعـج
هاي الإخوانيـه هم اللي يسوونـه :shy:


أنا مثلا أقص أظافري فالبيت
و أحلق فالحلاق
و قاعة ريولي تكرمون أسويها فالبيت

http://www.thebodyshop.com/images/product/zoom/19368m_z.jpg


و فالحلاق ينظف ويهي بعد الحلاقـه عادي :..
وأنا أحلق فالإسبوع مره ،، :shy:

وبخصوص الشعر كنت أحبـه طويل ،،
وعقب صرت عادي مره مكينـه رقم 1 ومره خفيف عادي

يعني الزبده لازم الرجال يكون نظيف ومرتب و ريحته حلوه
خاصـةً المتزوج :)

مرحبا بو الجوري

الله يخلي لك الجوري .. الاهتمام بتقليم الاظافر
وتنظيف القدمين وتنظيف البشره من الخلايا الميته والدهون
ماعتقد فيها شي لدرجة توصفهم بالكلمه اللي قلتها :secret:
اشكرك اخوي على المشاركه

دمت بود

..




ان الله جميل يحب الجمال
والنظافة من الإيمان
ومش غلط ان الرجل يهتم بشكله وبمنظرة العام .. وبنظافته بشكل عام
ولكن الغلط ان الغلط ان يبالغ الرجل في اهتمامه بمظهرة الخارجي لدرجة الهوس
مافي احسن من الوسطية في كل شي في امور الحياة

لا تكُن يابساً فتُكسر .. ولا تكُن ليناً فتُعصر
خير الأمور الوسط


خليفــة

هلا ومرحبا اخوي خليفه

ونعم بالله .. مثل مايقولون لا افراط ولاتفريط
وكلامك صحيح
كل الشكر لمرورك الطيب

احترامي

..




يعني لازم الواحد يكون اشعث اغبر عشان يكون رجال؟!!

الاهتمام والنظافه من الايمان

الرجل لازم يهتم بنظافة جسمه وشعره وصحته

بصوره طبيعيه وغير مبالغ فيها وبالطرق العاديه

اما بديكير ومنكير وسوليدير:rolleyes2: فهذا أمر آخر ومرفوض

يبي يسوي ما ادري عاد اي واحد فيهم بديكير ولا منيكير

اللي هو قص وتقليم اظافره الله لايهينه

مقراض من السوبر ماركت بريالين وبالبيت وعال العال

مرحبا المهاجر

شاكره لك مرورك وتعليقك
واتمنى عقب ماتم شرح معنى المونيكير و البوديكير
تكون غيرت رأيك .. لان السالفه مب تقصير بس

احترامي

..

[شمـوخ]

اولا الرجال افعال و ليس اشكال

ثاني شي تمعنوا بهالجمله

(ان اللـــــه جميــــل يحب الجمـــــــــال)

ما انقال يحب النعومه و الخ.........

مب غلط انه الانسان يتهم بنظافته بشكل عام و اذا كان في حبوب في وجهه و شكلها مثلا

ياثر عليه فما اظن انه غلط او عيب او حرام اذا عالجها

و الاخوان الي يتكلمون عن طول الشنب بقولكم اذا الرجوله تقاس بطول الشنب ف الصرصور

ارجل واحد فيهم

لا اذكر بالضبط من بس اذا ما خاب ظني انه خالد بن الوليد كان يتزين لزوجته

طبعا يتزين مب يتنعم






ملاحظه اخيره : انا ما اموت قهر الا من الي يتكحلون و يوم تساله ليش متكحل يرد بكل عين

قويه (سنــــه) من الرسول صلى الله عليه و سلم و المشكله انه هو المسجد ما يدل طريقه

:cry2:

الحين خليت الفروض و اشتغلت بالسنه ؟؟؟؟؟؟؟!!!!!!!!!

يسلمووو الاخ شموخ على الطرح الرايق على الصبح :victory:

ياعل ربي يسلمك اخوي .. تدري اخر سطرين انا معاك وبشده
لانه يذكرني باللي ينادون بالتعدد ويقولون الشرع حلل لنا اربع
ومايذكرون انه حلل الاربع ولكن وضع شروط طبعا ناهيك عن
الامور الشرعيه الاهم اللي مايدل طريقها ويتمسك باللي جاي على هواه
اشكرك على ردك بخصوص ماطرح واسعدتني جدا طلتك وياليت اشوف
لك ردود بمواضيعي دائما


تحياتي لك

..

المفترض الواحد يهتم بنفسه كحلاقه وصبغ ورياضة خاصة الي في الاربعين

ولكن ما توصل لسالفة المنكير والبديكير وكريم الاساس:secret:

واعتبره عيب في حق الريال:anger1:

ولكن بعض الحريم ما يعجبهم شي

لأني زدت الاهتمام شوي الا الأخوات معترضين علي في البيت

والسبب اني اخرب ازواجهم اذا شافوني وان ممكن يتزوجون عليهم

مرحبا اخوي .. البوديكير مب مثل الكريم اساس مطلقا
الاولى عملية تنظيف وتقليم وازالة .. بينما الثانيه تجميليه بحته
واكيد مانشجعها ولا نبيها بالرجل .. بس الاولى اتوقع مطلوبه :)
اشكرك على مرورك وتعليقك

دمت بود

..



برأيكم كيف يكون الرجل باهتمامه بشكله الخارجي ؟

طبعا هذا الشي اساسي للجميع ولكل الاعمار ، ان الله جميل يحب الجمال

والبديكير ضروري لرجول الريال ، خاصة اذا متشققة وحالتها يرثى لها ، شخصيا كنت اسوي لزوجي ولمدة طويلة بشكل اسبوعي لكن مع تطور الزمن خلال السنتين الثانيتين صرت احجز له في شول بشكل شهري تقريبا واحيانا كل شهرين او ثلاث لاني احافظ له على ريوله بالبيت

هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

بالعكس احس انه ذوق ونظيف لكن طبعا اكيد مب مع المبالغة السخيفة اللي فيها تحفف وتمطق وسنفرة وخرابيط تلوع الجبد

بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

تجربتي بهالخصوص ، زوجي سافر لامريكا ، وبصراحة هو يهتم بنفسه من ناحية صفاء الويه ونوره ، ويستخدم كريمات لتحت العين والبشرة بس مب بشكل دائم ، لما رجع من امريكا جاب معاه كريمات ، تم يستخدمها لفترة معينة ، ماشاء الله رجع شباب لورا يمكن عشرين سنة ، الصراحة اسعدني هالشي مع شوية غيرة:shy: ، لكن شكله ريال وشيخ الريايل بعد ، يعني هالصفاء والاشراقة ماخلته دلوع ونص كم :anger1: ، الحمد لله بس بين عليه اهتمامه بنفسه وهالشي حلو الصراحة ولكن سبب لي غيرة مابيه يبين اصغر مني :shy:

مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟

ماله علاقة فيه ناس تحب تبين بعمرها الحقيقي وفي ناس تحب تبين اصغر والاثنين مافي شي يعيبهم دامها في حدود المقبول شرعا وعرفيا




هلا وغلا ضوى من احلى الردود اللي قريتها
بصراحه زوجي مهمل بهالنقطه لكن يروح لشول
فـ انا اللي كنت اهتم بهالامر دائما احيانا اسوي له
واحيانا اكل قلبه عشان يروح .. خبرج يتعذر بالدوام والمشاغل
والالتزامات الاهم والخ .. لكن بنظري المظهر والهندام مهم جدا
خصوصا وان شغلته مب هينه والتقاء مع رؤوساء ووزراء ومسؤوليين
كبار الدوله وخارجها فيجب ان يكون مرتب جدا وجميل الطله بمعنى كل اموره تمام
كل الشكر لتشريفج وردج الحلوو يالحلوه


احترامي

..

[شمـوخ]

http://www.mobdi3ine.net/up/13273897881.jpg (http://www.mobdi3ine.net/)

http://www.mobdi3ine.net/up/13273898111.jpg (http://www.mobdi3ine.net/)

صور تعبيريه للرجل المتشققه


http://www6.0zz0.com/2012/01/24/07/305004894.jpg (http://www.0zz0.com)

هذي بعض الادوات علشان اسهل لك :)

اختي العزيزه تشيلي

كل الشكر لاثرائك للموضوع وللرد على تسائلاتهم
تقبلي عظيم امتناني :)

دمت بكل حب

..




والله أشوف مافيها شي وخاطري اروووح بس ما عندي وقت كله مشغول
بس ما يمنع أني افضي نفسي كل كم شهر
البلا مب هذا البلا اذا شفت الرجاال ناعم و يكسر يدينه و مياعه مثل البنت
هنا رأيي الشخصي
و صباحكم خير

مرحبا اخوي .. اشكرك على مرورك وردك الكريم
لا حشى هالنوع من الرجال مكروه والله لايبلانا


احترامي

..



اهم شي النظافة الشخصية <<< السبوح من قلب مع الاستعانه ببعض منتجات الاستحمام و


اللوشنات بعد الحمام .. ووفيه نقطه مهمه جداً وهي تنظيف الاسنان .. وقص الأظافر ..

مرحبا موضي

النظافه امر ماعليه اي خلاف يالغاليه
هو الاهتمام وكميته ونوعيته هي المطروحه للنقاش
كل الشكر لج يالغاليه

احترامي

..




مع الاعتذار من صاحبة الموضوع
و الجادين و الجادات...
على هذا القطع الاجباري في الارسال..
*
*
،،
لكن نحذر هل "الشات" و صانعي "الهوشات"...
لا تخربون المواضيع...
فالمخربين و المخربات-عمدا-
تحت "المجهر":telephone:


مرحبا اخوي عابر سبيل

عذرك معاك .. وهاي واجبك واتخذ مايلزم
بس ماكنت موجوده فماعرفت منهم المخربين:omen2:
:nice: ثانكس على اهتمام وياليت تشرفنا بتعليقك على الطرح


تحياتي وتقديري

..

[شمـوخ]

والله مو عيب ولا غلط لو الواحد اهتم بنفسه ..

فمثلا المداومة على الحلاقة .. يعني حزات يجيك واحد تشوفه تقول مطلعينه من المقبرة مبهدل وحالته وحاله !!! هذا وينه و وين حديث رسولنا عليه افضل الصلاة والسلام ان الله جميل يحب الجمال !!!

المداومة على الحلاقة و عمل البديكير و اللياقة الجسدية امور مفروغ منها وبياض الاسنان والرائحة الطيبة .. فالرجل الله احل له التطيب متى واين ماشاء

لكن سنفرة وكريم ليل وكريم نهار و تبيض وفلرز ومادري شنو هذي بصراحة لا

لانها جد تفقد الرجل رجولته وتخلي اهتماماته مقاربة للنساء .

اشكرك / ج سديم

اها .. الله يسلمك وشاكره لك مرورك وتعليقك

دمت بود

لا بد من الاهتمام و لكن ليس الاهتمام المبالغ فيه لأن هناك أمور تجميليه للبشره والجسم أهم و معترف بها اكثر من المواد المستخدمه مثل الـ facial والـ scrab اتوقع هكذا تُكتب

آخر مره استخدمت تنظيف البشره كانت قبل عرسي بـ يوم واحد .. لم يتغير شيء لكن حسيت بالانتعاش في وجهي و من بعدها استخدم الصابون الطبيعي لغسيل الوجه

الحمام المغربي حلو و منعش اسويه في احد الفنادق بالسنه مره او مرتين ينظف الجسم كامل ..

الاهتمام بالشعر هو فقط استخدام الـ الشامبو و احرص على استخدام الـ Hair Conditioner بعده ليحافظ على نعومة الشعر (لأنه ماشاءالله الماء الي نتسبح فيه جداً صحي و ابد مايتساقط شعرنا بسبته)


البديكير او تقليم الاظافر (بدون لمعه او الوان) اذكر اني سويته في محل بالستي سنتر و من عقبها ولا عاد عودت لأنه ممل فـ اكتفيت بتقليم الاظافر في المنزل قبل السبوح

الاهتمام بالمظهر الداخلي مثل الابتعاد عن بعض الاكلات التي تفرز هرمونات او تسبب ريحه للرجل مثل الاكل الهندي , الثوم , البصل

الاهتمام بالمظهر الخارجي لا بد منه و ماشاء الله عليهم الشباب واضح الاهتمام عليهم الآن و اصبحوا يلبسون افضل الثياب و احسن الغتر والماركات فلذلك احب اواكب الموضه المعتدله من ناحية الحرص على لبس الازرار والساعه والقلم

لا يوجد تعليق من البيئه المحيطه او الأهل لأني كـ رجل واثق من نفسي ولا يقوم بهذه الأمور الا الرجل الواثق

موضوع جميل .. شكراً لك أختي شموخ

مرحبا اخوي خليفه .. الاجمل تشريفك ومشاركتك
كلام منطي وجميل .. وكنت اتوقع ان الفيشل مره وحده كعادة القطريين قبل العرس :nice:
تقبل تحياتي وتقديري

..



نعم اهتم بمظهرى والنظافه من الايمان ولكن الغسل كل خمس مرات يعنى الوضوء يكفى والحلاقه العاديه ومااحب الشعر الطويل بس بدون تنظيف وجه وخرابيط

مرحبا المستريح

اكيد .. اشكرك على المرور والرد

دمت بود

[شمـوخ]

الله يعافيك..

و اضافة على كلامك و باختصااااار
فالفطر السليمة ما يبيلها شرح و اعادة شرح
خاصة في مسائل النظافة ...عليه فإن:

"

الحق واضح في نفسه ..
وإنما يخفى علينا لعلة في عقولنا
فان الشمس نيرة ..
ولا يراها الخفاش لعلة في بصره
"
أرسطو!



يقول ابن عباس-رضي الله عنهما-
إني أحب أن أتجمل لزوجتي كما احب أن تتجمل لي[/QUOTE]

مرحبا اخوي عابر سبيل

اخر سطر .. قد عبر واوضح مافي قناعتك
بالفعل اخوي المفروض الزوج يتجمل لمرته مثل ما اهي تتجمل له
كل الشكر لمرورك وتعليقك

احترامي

..



الاهتمام بالمظهر شي حلو.. ولكن اهم شي الاستحمام خصوصا بالجو البارد لان الافرازات والعرق تزيد بانخفاض درجات الحراره وارتفاع نسبه الرطوبه بالجو

مرحبا سكر نبات

اكيد النظافه مطلوبه ولكن الموضوع يتحدث عن التجمل والتجميل
كل الشكر لمرورك

دمت بود

..



برأيكم كيف يكون الرجل باهتمامه بشكله الخارجي ؟
هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

أعتقد أن الاهتمام يكون بالقدر الذي يضمن النظافة البدنية ونظافة الملابس وسلامة الجلد والشعر، واللياقة الرياضية المعتدلة، والظهور بملابس مرتبة متناسقة وبشكل يناسب المستوى المادي الذي ينتمي له الشخص.. مع مراعاة الاعتدال وعدم الإسراف في الأمر..

و ديننا الحنيف يحض على الاهتمام فقد روى عبدالله بن عمر أن رسول الله صلى الله عليه وسلم قال:

"من سحب ثيابه لم ينظر الله إليه يوم القيامة فقال أبو ريحانة لقد أمرضنا ما حدثتنا إني أحب الجمال حتى أجعله في نعلي وعلاقة سوطي أفمن الكبر ذلك فقال رسول الله صلى الله عليه وسلم إن الله جميل يحب الجمال ويحب أن يرى أثر نعمته على عبده لكن الكبر من سفه الحق وغمص الناس أعمالهم"
الراوي: عبدالله بن عمر المحدث: الألباني - المصدر: السلسلة الصحيحة - الصفحة أو الرقم: 4/167
خلاصة حكم المحدث: صحيح

وقد بلغ عمر بن الخطاب رضى الله عنه أن خالداً – يعنى ابن الوليد رضى الله عنه – قد دخل الحمام فتدلك بعد النَّورة بثخين عصفر معجوناً بخمر.

النَّورة (بفتح النون) هي مادة مستخلصة من الجير تزيل الشعر من البدن
العصفر هو نبات الكركم ولونه أصفر ويعتبر نوعاً من الأصباغ، وغسل الرأس والبدن به ثلاثا يدفع القمل والخشونة ويحسن الوجه

فكتب إليه:
” بلغنى أنك تدلكت بخمر ، وإن الله قد حرم ظاهر الخمر وباطنها كما حرم ظاهر الإثم وباطنه ، وقد حرم من الخمر إلا أن تُغسل كما حرم شربها ، فلا تمسوها أجسادكم ، فإنها نجس. وإن فعلتم فلا تعودوا“

فكتب إليه خالد رضى الله عنه:

“إنا قتلناها فعادت غسولا غير خمر”….
فكتب إليه أمير المؤمنين عمر رضى الله عنه:
“إنى أظن أن آل المغيرة قد ابتلوا بالجفاء ، فلا آماتكم الله عليه”…فانتهى خالد إلى ذلك

كان انتقاد سيدنا عمر ينصب في نجاسة الشيء المستخدم وهو الخمر
ولم ينتقد سيدنا عمر قيام سيدنا خالد بالقيام بتلك الأمور التجميلية.. وكلنا يعلم مدى الخشونة التي كان يعيش بها سيدنا عمر.. كما ندرك أن سيدنا خالد بن الوليد كان رجلاً مقاتلاً.. و كلا الرجلين كانا من أشد الرجال بأساً على مر العصور الإسلامية.. وما تسبب ذلك في الانتقاص من رجولة "سيف الله المسلول"

الله عليك اخوي الدعم

انت عاد جبت اثنين .. اعشق سيرتهم
وادعي الله ان يحشرنا معهم ..
خالد بن الوليد وعمر الخطاب << كم اعشق سيرته وشجاعته
لدرجة اقول لزوجي الولد الثاني باسميه عمر ويارب يطلع على سميه:shy:
كل الشكر لمرورك المفصل والمثري

احترامي لشخصك الكريم

..



عن نفسي احب اهتم في نفسي

بس تنظيف بشره ما سويت من زمان والحمد لله لانه ما يحتاج :)

وبخصوص الكريمات وهالسوالف الواحد يحب يشم ريحته له اهو نفسه طيبه وفايحه

كفايه يوم تفصخ ثووبك تشم ريحة حلوووه تطلع من تحت ثيابك

:shy:

مرحبا اخوي اشكرك على مرورك مع اني ماقصد الرائحه او النظافه

احترامي

..

[شمـوخ]

حلو انك يوم من الايام تجي منهك وتعبان .. تمر محل مزركش وريحته ورد و موسيقى هادئة .. تقط نفسك عندهم الظهر تخليهم يشتغلون عليك ولا تزعج نفسك بمعرفة مصطلحات الشغل بدي كير منيكير مساج كريمات اللي هو .. خلك ريلاكس

تطلع العصر وانت تلق .. ودك تبروز نفسك في المجلس

مرحبا يالعربي

اكيييييييييييد :nice: اشكرك على المتابعه والرد

دمت بود

..




يجب على الرجل ان يكون مظهره لائق ونظيف

مرحبا العقل الحر

اكيد اخوي .. اشكرك

دمت بود

..


حلوو انه يهتم بمظهره بس بحدوود

ويعطيكم العافيه


=)

مرحبا اخوي .. الله يعافيك على ردك الهادي


دمت بود

..


المنيكير والبديكير ليس طلاء الأظافر كما يعتقد البعض !

بل هي عملية تنظيف وتقليم الأظافر وإزالة الجلد الزائد من الجوانب . .

هل في ذلك عيب إذا قام الرجل بـ "المنيكير والبديكير" في صالون الحلاقة ؟

أما الفيشال، أو بالأحرى تنظيف ومعالجة مسامات الوجه من الرؤوس السوداء والبيضاء الخ . .

فهي تنفع ولا تضر، بل أثرها يبقى ونظافة الوجه تكون واضحة . .

فهل في ذلك أيضاً أي عيب أو انتقاص من رجولة الشخص ؟

مرحبا اخوي هجمه مرتده

اشكرك على المرور والرد وتوضيح الامور اكثر

احترامي

..

[شمـوخ]

عمر بن الخطاب رضي الله عنه قال :اخشوشنو فان النعم لاتدوم

الخشونه شي والاهتمام بنظافة اليدين والقدمين والشعر والبشره شي اخر
اشكرك اخوي على المتابعه

دمت بود



:telephone:


انا مع اخوي صاحب هذا الرد ,,

مرحبا اخوي .. حياك

دمت بود

..



مشكله بعض الاخوان فاهمين الموضوع غلط ..

اولا الاهتمام بالنظافه مب حق الحريم بس ..

الكريمات مب كلها حق الحريم ..

ما اشوف ان الواحد لما يهتم بنفسه شوي يعتبر نوع من النعومه بالعكس ..

يمكن البعض عند مشكله شوي في التفرقه بين الواحد لما يهتم بنفسه ولما يكون ناعم ..

انا عن نفسي اهتم بنفسي جدا سواء من ناحيه قص اظافر اليد او الرجل وتنظيف قاع القدم وانتوا بالكرامه اهتم بهالشي بشكل كبير جدا

ماحب اظافر طويله ماحب في زوائد ماحب الوصاخه تكون متجمعه على اظافر او قاع القدم واسويها بشكل اسبوعي او كل عشر ايام بالكثير

والحمد لله ماشوف نفسي نقصت رجولتي او شي بالعكس ..

اذا بتتكلمون عن العيادات الجلديه انا كنت اروح لفتره عند د. الما الرفاعي كان عند شويه مشاكل فالبشره والحمد لله بالاهتمام انتهت

ولعلمكم يعني انا ماطلع من البيت الا حاط واقي شمس مابي المشاكل ترجع لي ونفس الوقت استخدم انواع ماتبين نهائيا

وماشوف هالشي انتقص من رجولتي او خلاني احس اني ناعم ..

وماطلع من البيت الا محلق ومتعطر ومتبخر وملابسي نظيفه وكل اموري تمام


انك تكون اشعث اغبر مب يعني انك رجال واذا اهتميت بنفسك مايعني انك ناعم ..

انا الحمد لله عارف نفسي زين وعارف وضعي فـ مراح انتظر من حد يقيمني او يحدد ااذا كنت رجال او ماني برجال لاني اهتم بنفسي


لكن ان وصل الحال لمرحله الدلع والنعومه وانقلب اخواني هذاك الوقت عاد واضح شكله ومعروف ..


بالنسبه لليزر صحيح اغلب اللي تشوفونهم هناك اخوانيه لكن ترا في ناس اسوياء ويروحون يسوون ليزر

انا عندي واحد من عيال عمي يحلق العصر عقب العشاء اللي يشوفه يقول صار له اسبوع ماحلق مبتهدل الشعر يطلع لع بسرعه خياليه اضطر يروح يسوي ليزر حق العارض عشان يرتاح هذا مب رجال الحين ولا مشكوك في امره ..


اتمنى من البعض انه يوسع فهمه شوي ويفهم كلامه قبل لاينتقد الاخرين ..

مرحبا اخوي القاسي

كل الشكر لردك المسهب .. احترامي لك

..



حلات الريال نظييييييييييييييييييييييف بكل ما تحمله هذه الكلمه من معاني :nice:

النظافه زينه وانا اختك بس التجمل حلو ..
اشكرك اخوي على المتابعه

دمت بود

..

[شمـوخ]

مالج حل حكرتيلي الصراحة :) ههههههههههههههههه

قريتها بس انا بعيد عن السياسة مالي في عوار الراس :(

هلا بك بوحارب

اها :omen2: .. بس عن جد ياليت نشوف لك مشاركات
وانت قدها وقدود


احترامي

..


الحمد لله على ما وهب
والحمد لله على نعمة العقل

مرحبا اخوي كتارا

اللهم لك الحمد على كل النعم

دمت بود

..


حلو ان الرجل يتزين كما تتزين له امرأته
بما يرضي الله .....لاتكلف ولا اسراف

هلا اختي

اي والله حلو :) ياليت يواظبون على هالشي
اشكرج على المشاركه

دمت بحب

..

[شمـوخ]

الأهتمام بالمظهر الشخصي والقيافه شي طيب وفي اعتقادي الشخصي انه شي اساسي

ولكن اني اروح لمراكز تجميل !! هذا اللي مهب داخل راسي :)


وهذي اجاباتي على اسألتك


برأيكم كيف يكون الرجل باهتمامه بشكله الخارجي ؟

بهندامه وقيافته والأهتمام بالرسميه في الزي والشعر واللحيه او العارض والشنب



هل تنظر لمن يواظب باستمرار على الذهاب للمراكز وصالونات الحلاقه والاهتمام بشكله
بنظره اقل ؟ ام كيف تنظر له ؟

أنظر له بنظرة المبالغه في الشيء ، فمراكز التجميل ليست لنا كرجال ولا يمتزج مسماها بهيبة الرجل ، أما صالونات الحلاقه شيء عادي لأنه هو المكان الذي نذهب اليه بدون مبالغات في العنايه كمراكز التجميل


بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

لن اقول تنقص من رجولته ، ولكن تضعف من هيبته كرجل بكل تأكيد


مارأيك في من لايهتم بهذه الامور مطلقا .. اي فقط يهتم بتهذيب لحيته او شنبه فقط
فلا يهتم ببشره او شعر هل تعتبره غير مهندما وغير معاصر ام تعتبره رجلا شهما ؟


الشهامه مالها سنع في هالموضوع كله ، وأنا عن نفسي ماعمري رحت مراكز تجميل ابد ، اضبط اللحيه والشنب وقصر شعري وبعض المرات احط لزقة الخشم وأنا احلق اللي مالها داعي لكن اقزر وقت :nice: ، في نفس الوقت بالنسبه للأمور الآخرى انا اهتم فيها شخصيا في بيتي بدون حركات الكريمات والمكياج الرجالي إذا صح التعبير :omen2:

هل تهتم انت ببشرتك وشعرك ؟ كيف؟

كيف اهتم في بشرتي ؟ شسوي فيها يعني !!
شوف كريمات وحركات اللماعي ماعندي هالسوالف :victory: لكن اشتري بودره مع دهن العود من عند اجمل وتصلح لجميع الأستخدامات ( انصحكم بها ) :nice: والشعر امر على الحلاق كل اسبوع ويوفي بالغرض ، وطبعا لوشن الأستحمام إذا كان قصدك هالشي


وهل تم التعليق عليك بخصوص ذلك من محطيك ؟ اذا نعم ياليت نعرف

ابد طال عمرك ، بس شوية حركات نص كم من الشباب بعض المرات بعد الحلاقه :victory:

مرحبا اخوي السنافي

اولا السموحه عن سقوط الرد على تعليقك سهوا :shy: والله
ثانيا تدري عاد .. ردك من احلى الردود اللي قريتها واستمعت به
وحتى تمت في بالي كلمة " نقص بالـ هيبه " بدل " نقص بالـ رجوله في تعليقك
على من يبالغ في ذلك .. وانا متاكده اني رديت لكن يمكن طار =)
عمرك طويل .. واشكرك على تشريفك وردك الكريم

احترامي

..


السموحه ياجماعه لو سقط سهو تعليقا دون رد
ولو حصل ياليت تخبروني :shy:


احترامي للجميع

..

[ام السعف]

ام السعف حرام عليج الحيم سائل نتروجينا فيه شي :omg:
هاي ينشف البثور .. يعني علاج ..
الحين الشباب يحبون ينعمون شعرهم واتوقع مافيها شي بس بدون اسراف
كل الشكر لتعليقج الكريم

دمت بحب

..

لا تلوميني ،، احنا تربينا في زمن ما عرفنا الا بريلكريم ضد القشرة
الأخضر منه والأحمر ،، وبيف باف حق القمل :shy:

و لا اخواني كانوا يستخدمون هالسوالف ،،
ولقلة الخبرة ظنيت نتروجينا للتنعيم،، ولكن ظني طلع سيء :(

فاعتذر رسميا من خلال هالموضوع :shy:

[شمـوخ]

لا تلوميني ،، احنا تربينا في زمن ما عرفنا الا بريلكريم ضد القشرة
الأخضر منه والأحمر ،، وبيف باف حق القمل :shy:

و لا اخواني كانوا يستخدمون هالسوالف ،،
ولقلة الخبرة ظنيت نتروجينا للتنعيم،، ولكن ظني طلع سيء :(

فاعتذر رسميا من خلال هالموضوع :shy:


ههههههههههههههههه ياعمري
اوكي خلاص .. الحين عرفتي :nice:
لا عاد تناشبينهم زين

ولو .. لاداعي للاعتذار :victory:

..

[بو خليفه 123]

بصراحة .. الشباب الذي يهتم جدا ببشرته وسلامتها ونعومتها ومن يهتم بوضع الكريمات
وتنسيق شعره ويتحدث عن هذه الامور .. هل تعتقد انه غير سوي او بمعنى اخر هل تعتقد
ان هذا الامر ينتقص من رجولته ؟

هناك مصطلح جديد في الغرب ظهر في عام 1994 يطلق على من تصفينهم من هؤلاء الشباب وهو: Metrosexual

وتعريفه حسب الويكيبيديا:

Metrosexual is a neologism derived from metropolitan and heterosexual coined in 1994 describing a man (especially one living in an urban, post-industrial, capitalist culture) who spends a lot of time and money on shopping for his appearance

هو الرجل (المستقيم وليس المنحرف) الذي يعيش في المدن والضواحي في بلد رأسمالي، ويقضي الكثير من وقته في التسوق من أجل مظهره..



اتفق معك من ناحية هذا التعريف و لكن المسمى اعلاه ينطبق على من هو اهتمامه الأول والاخير في هذه الامور فقط وهو من يميل الى متابعة آخر موضه + متابعة ازياء الرجال الخ الخ والحضور اليومي في محلات التجميل والتنظيف والـ spa والشوبينق.. قد تكون ميوله طبيعيه لكن ميّاله الى حدٍ ما للنعومه من كثرة الانشغال في هذه الأمور..

[شمـوخ]

اتفق معك من ناحية هذا التعريف و لكن المسمى اعلاه ينطبق على من هو اهتمامه الأول والاخير في هذه الامور فقط وهو من يميل الى متابعة آخر موضه + متابعة ازياء الرجال الخ الخ والحضور اليومي في محلات التجميل والتنظيف والـ spa والشوبينق.. قد تكون ميوله طبيعيه لكن ميّاله الى حدٍ ما للنعومه من كثرة الانشغال في هذه الأمور..



مرحبا بوخليفه مره ثانيه واشكرك والشكر موصول للدعم
على اضافة هالمعلومه ..


احترامي

..

[مسك روز]

خله يهتم بنفسه ويسوي كل شي

الا انه يحط كريم للبشره او مرطب شفايف

صج صج وع :omen2:

[شمـوخ]

خله يهتم بنفسه ويسوي كل شي

الا انه يحط كريم للبشره او مرطب شفايف

صج صج وع :omen2:

مرحبا مسك

اي والله الا هالشيئين :rolleyes2:
مشكوره عزيزتي على المشاركه


احترامي

..

[khaldoon]

هلا وغلا اخوي خلدون

السموحه انا قلت "القطري" بحكم البيئه والمعرفه بهم
وايضا لان بقية الجنسيات العربيه كـ المصريين والشاميين
الاهتمام الزائد امر عادي لدرجة بعضهم يحفون الشعر الزائد حولين حواجبهم

تروح للحلاق مره بالشهر .. ماجنّها قليله جدا جدا
حلو الواحد يهتم بـ "شيب جسمه " واللياقه
الله يبارك لك بعيالك وعائلتك اجمعين

احترامي

..


..

والله يمكن قليلة جدا بس والله ما قلت الا الحقيقة ....الحلاق دايما يقلي انت مخسرنا لانك ما تيجي الا مره بالشهر او بالشهر و نص لاني اقص شعري قصير جدا بس مب لدرجة الصفر ولا على درجة واحد

على فكرة انا اكره شي عندي هو الشعر الطويل اللي يوصل الكتف و تحت ...يعني صحيح اروح قليل جدا على الحلاق بس ما احب الشعر الطويل نهائيا :pardon::pardon::pardon::pardon:

[الشيخة شيوخة]

مايمنع النظافه مطلوبه بس اهم شي ماتظيع الرجوووووووووووله :strong

[شمـوخ]

[color="navy"][size="6"]

والله يمكن قليلة جدا بس والله ما قلت الا الحقيقة ....الحلاق دايما يقلي انت مخسرنا لانك ما تيجي الا مره بالشهر او بالشهر و نص لاني اقص شعري قصير جدا بس مب لدرجة الصفر ولا على درجة واحد

على فكرة انا اكره شي عندي هو الشعر الطويل اللي يوصل الكتف و تحت ...يعني صحيح اروح قليل جدا على الحلاق بس ما احب الشعر الطويل نهائيا :pardon::pardon::pardon::pardon:




مرحبا خلدون

اشكرك على الرد ^_^

دمت بود


..



مايمنع النظافه مطلوبه بس اهم شي ماتظيع الرجوووووووووووله :strong

النظافه مب مطلوبه بس الا اكيده لدرجة ماتطرقت لها اصلا
التجمل اهو اللي عليه الخلاف

شكرا على المرور شيوخه

..

[روح الاطلس]

ما اعتقد اذا الرجل كان يعاني من مشاكل بالبشره مثل حب الشباب او بثور وحفر وحب يعالجها بالكريمات او زياره عيادات جلديه ان هالامر ينتقص من رجولته.. انا دائما اتفحص بشره اخوي لانها كانت ممتازه وفجأه قلبت دهنيه وصار تطلع له بثور خربت بشرته وطلبت منه مايخليها ويعالجها فهل هذا الامر فيه انتقاص؟ وكذلك ايده كان يطلع من الشور جااافه جدا ومتشققه وعطيته كريم مرطب يدهن فيه يده بعد الشور . الامور العلاجيه سواء لتساقط الشعر او مشاكل البشره والجلد مافيها مشكله وحلو الاهتمام لكن المبالغه بالتجمل لا اتفق معه.

[شمـوخ]

ما اعتقد اذا الرجل كان يعاني من مشاكل بالبشره مثل حب الشباب او بثور وحفر وحب يعالجها بالكريمات او زياره عيادات جلديه ان هالامر ينتقص من رجولته.. انا دائما اتفحص بشره اخوي لانها كانت ممتازه وفجأه قلبت دهنيه وصار تطلع له بثور خربت بشرته وطلبت منه مايخليها ويعالجها فهل هذا الامر فيه انتقاص؟ وكذلك ايده كان يطلع من الشور جااافه جدا ومتشققه وعطيته كريم مرطب يدهن فيه يده بعد الشور . الامور العلاجيه سواء لتساقط الشعر او مشاكل البشره والجلد مافيها مشكله وحلو الاهتمام لكن المبالغه بالتجمل لا اتفق معه.



مرحبا اخوي روح الاطلس

اكيد .. مافيها خلاف اصلا
كل الشكر لمرورك ومشاركتك الكريمه


احترامي

..

[الجوهره 2012]

يعطيج العافيه موضوع مميز يا شموخ :nice:

واكيد اللي قبلي كفوا و وفوا وماقصروا بالردود :victory:

الاهتمام حلو و مطلوب .. لكن مب يتشبه بالنساء يعني موضوع الليزر كلش ما ابلعه حق شعر جسمه الزائد او التحديد :eek5:

لكن اشوف ان الرجل يهتم بشعره عند دكتور مختص عادي .. بعد مسكين لازم يصير قرعه ويخرع الناس بقرعته ..!

ازالة تشققات الرجل عادي مافيها شي :nice: والا انه يشلخ اريول زوجته مسكينه :tease:


والرياضة وش حلوها واكيد نفس ما ان الرجل يحب ان جسم البنت مرتب البنت تبي ترتبط بشخص جسمه حلو بدون كرش وخرابيط


الاهتمام والنظافة بحدود والله مافي احلى منها :nice:

[شمـوخ]

يعطيج العافيه موضوع مميز يا شموخ :nice:

واكيد اللي قبلي كفوا و وفوا وماقصروا بالردود :victory:

الاهتمام حلو و مطلوب .. لكن مب يتشبه بالنساء يعني موضوع الليزر كلش ما ابلعه حق شعر جسمه الزائد او التحديد :eek5:

لكن اشوف ان الرجل يهتم بشعره عند دكتور مختص عادي .. بعد مسكين لازم يصير قرعه ويخرع الناس بقرعته ..!

ازالة تشققات الرجل عادي مافيها شي :nice: والا انه يشلخ اريول زوجته مسكينه :tease:


والرياضة وش حلوها واكيد نفس ما ان الرجل يحب ان جسم البنت مرتب البنت تبي ترتبط بشخص جسمه حلو بدون كرش وخرابيط


الاهتمام والنظافة بحدود والله مافي احلى منها :nice:



هلا وغلا الجوهره

حلو اسمج :victory:
الله يعافيج ويسلمج حبيبتي ..
بالفعل كلامج صحيح .. مثل ما احنا نحافظ على جمالنا عشانهم
المفروض اهم بالمثل :nice:
اشكرج على مشاركتج اللطيفه

دمتِ بحب

..