مشاهدة النسخة كاملة : خوسيه وفيلاجيو و I'm sure انهم انشروه ......> قصة طويلة جدا
ام السعف
24-01-2012, 01:32 PM
قصة طويلة لا يمكن صياغتها الا باللهجة العامية ترويها لنا الأم بكل تفاصيلها ،،
في يوم السبت 14 يناير
دخل علي ولدي الصغير بو التسع سنين وقال لي : ،، ماما .. ماما .. وديني فيلاجيو لو سمحتي ابي اروح محل الرياضة اشتري اغراض ،، قلت له : زحمة فيلاجيو اليوم ،، بكرة ان شاءالله بوديك ،، اوكي ؟ ،، فرد علي : اوكي ماما ،،
يوم الأحد 15 يناير
رجع ولدي من المدرسة وحضني وقال لي : ماما ،، ماما .. بتوديني فيلاجيو اليوم ؟ .. قلت له اليوم ان شاءالله ،، فقال لي : خلاص انا بدرس وبدرس علشان اخلص دروسي وانروح عقب ما يرد ابوي من الشغل ،، قلت له : ان شاءاالله ،، اشوي تذكرت ان عندنا مشوار عائلي وكلنا بنروح له ،، فقلت له : اوه تعال اليوم ما نقدر ،، نسيت بنطلع بنروح بيت فلان ؟ ،، قال لي : ايه صح،، انزين ما يصير انروح الحين،،الله يخليج ماما لو سمحت خلينا انروح الحين ،، بدرس وانروح على طول ومب مطولين ،، قلت له : ماما حبيبي مافي وقت انروح فيلاجيو اليوم ،، بكرة ان شاءالله بوديك ولا يهمك من عيوني الثنتين ،، قال : ان شاءالله باجر بنروح :\،،
يوم الأثنين 16 يناير
رد من المدرسة تغدى وخلص ،، قال لي : ماما مب تنسين اليوم فيلاجيو اوكي ؟ ،، قلت له اووكي ولايهمك ،، قال لي : بروح ادرس " وايد يشجعني اخذه وانروح المكان اللي يبيه لما يردد علي بروح ادرس بروح ادرس " قلت له : اوكي روح ادرس ،، وهو طالع صاح جوالي رديت عليه ،، اختي تذكرني ان اليوم هو اليوم الثالث لعزى بيت فلان وما يصير ما رحنا لليوم :( قلت لها : عدل كلامج خلاص عقب المغرب بنروح ان شاءالله ،، سكرت من عندها ،، صوت على ولدي ،، ياني يركض وقال لي : هااا انروح اللحين ؟ قلت له : :( لا ما اقدر اوديك اليوم ،، لأني لازم اطلع مع خالاتك انروح انعزي،، قال لي: انزين عقب ما اتردين ،، قلت له: وين عقب ما انرد صعب يا ماما ،، اشرايك اقول حق اخوك يوديك ؟ قال لي : انا بقول له ,, اخوه اعتذر ،، وخواتي ناموا ووحدة تذكرت انها عندها موعد تحليل ،، وراح اليوم من غير ما نطلع او اوديه فيلاجيو ،، وعيونه تقول شكلي مب رايح فيلاجيو ولا باشتري الاغراض اللي ابيها :"(
ام السعف
24-01-2012, 01:33 PM
يوم الثلاثاء 17 يناير
من الصبح يقول لي ،، ماما ادري انج اليوم ما بتقدرين بعد اتوديني فيلاجيو صح ؟ ،، قلت له : ايه صح ياماما ،، تدري وين بيت العزا ؟ شفت وين بيت عمك ؟ وتدري متى بنطلع ؟ عقب المغرب وتدري اشقد يبي لنا وقت لين انروح وانرد مع الزحمة اللي في الدوحة ؟ قال لي بكلم اخوي يوديني انزين ؟ قلت له: انا بكمله علشان يوديك وتكون كلمتي اقوى ،، قال لي : لا اخوي اصلا طيب ويحبني ،، قلت له طيب مب مشكلة بس ادرس انت وكمل اللي عليك اوكي ؟
قال لي : ايه بدرس وبكمل وبدرس وايد وبحفظ وبشغل القرآن وانا ادرس وبتم اركز في القرآن وانا احل بعد " حركات الاغراء " ،، انبسطت من كلامه وابديت موافقتي وكلي فرح لأنه بيدرس ،، طلع من غرفتي وراح غرفة القعدة انه بيدرس ،،
انشغلت يمكن ربع ساعة ،، صوتت عليه ابي اشوفه وينه ما رد علي ،، نطرت عشر دقايق ورديت صوتت عليه ما رد علي بعد ،،، قمت من مكاني وانا اسأل نفسي : معقولة ينام وهو ذابح عمره يروح فيلاجيو يشتري هلأغراض اللي ما يبي يسميها ؟ ،، كنت اسأل نفسي وانا في طريقي لغرفة القعدة وكانت الصدمة انه مب موجود في الغرفة ،، دورت عليه في الغرف اللي في الطابق الثاني مالقيته ،،وينه وينه ياترى ؟
نزلت تحت على غرفة اخوه على طول،، فتحت الباب ،،
كل اللي في الغرفة تخرعوا من دخلتي " يووومة وحش داشة عليهم مب امهم " على طول قلت :ماشاااااءالله وعيني على ولدي الصغير اللي قاعد على السرير احذى اخوه الكبير اللي يلعب مباراة في البلاي ستيشن مع اخوه الثاني ،، اخوه الثاني رد علي على طول : ترى انا ماخذ بريك وتوني بريح بالجيم هذا ،، قلت له انت خلك على صوب الحين ،، وقلت : الشيخ وانا أأشر على ولدي الصغير شيسوي اهنيه ؟ مب المفروض يدرس ويكمل اللي عليه علشان يبي يطلع ؟
تدخل اخوه الكبير وقال لي : لا تلومينه تراه يايني يسألني وانا قلت له بفكر يمكن اوديك ويمكن لا حسب مشاويري اليوم ،،
قلت له: وان شاءالله اشكثر يبي له يقعد احذاك ؟ أشرت له قلت له : قم جدامي اشوف ياني وهو طالع عطيته بوحدة طراخ وراى راسه وقلت له : الوقت اللي اتضيعه محسوب عليك ،، قال لي : انا قلت له وهو قال لي اصبر وانا كنت ,....و.... و.... قلت له : خلاص ولا كلمة ،، روح ادرس ولا مافي فيلاجيو خالص واصل كلش
راح ياب اوراقه وتم يسألني اسئلة ويحاول يبذل جهده انه يحل من غير ما يسألني ويراويني براعته في فهم السؤال ،، وتم يتكلم عن نفسه ان المدرس امدحه وانه عمل كذا وكذا ،، وبديت الين وقلبي يرضا عليه واقول له ايه انت شاطر وانت اصلا لو اتشد على نفسك محد يوصل لك في الصف ،، قال لي يعني انتي فرحانة عشاني ؟ قلت له : اكيد افرح ،، على طول قال لي: اذا اخوي ما قدر يودني فيلاجيو بكلم ابوي ،، لو تسمحين ماما الله يخليج لا تقولين لا علشان خاطري ،، ابتسمت في خاطري و قلت له ان شاءالله ،،
من وصل ابوه البيت فز يستقبله ويسلم عليه وعلى طول قال له : يبه بتوديني فيلاجيو محل الرياضة ابي اشتري اغراض ؟ ابوه قال له يبه خلني اريح توني داش البيت وانت تبيني اوديك فيلاجيو ؟ قال له : لا يبه مب الحين عقب المغرب ممكن لو سمحت اتوديني ؟ تكفى يبه لا تقول لا ،، قال له ابوه خلني اريح الحين ويصير خير ،، ياني يقول لي اذا اخوي ما وداني ابوي بيوديني " قرر خلاص ان ابوه بيوديه " ،،
أذن المغرب وكنت بطلع اعزي مع خواتي ،، وقف لي عند الدري وقال لي : بحل مسائل الرياضات بسرعة بسرعة بسرعة ، بس مب كلها بخلص كل الصفحة الأولى ،، لو تسمحين وافقي اروح وبكرة بخلص الصفحة الثانية ،، قلت له من بيوديك ؟ قال لي ابوي ،، عاد انا كنت سامعة ابوه في المرة الثالثة قايل له يمكن ما اقدر ،، بس قلت معليه ،، كلمت ابوه وقلت له :، يابو فلان لو سمحت ولدك ما يروح فيلاجيو والا هو مكمل حل مسائل الرياضيات كلها اللي في الورقة الأولى ،، قال لي عاد اذا وديته ،، قلت له سمعته اشقال ؟ قال لي خلي ابوي علي ،، قلت له خلاص تم ،، لمني وتم يناقز في مكانه وشكرا واحبج ماما انا احبج ،،
وطلعت ورديت عقب ساعتين ونص مالقيته في البيت بالفعل خلى ابوه يوديه ،، اشوي وراد من برع نعسان حده تعشى ورقد ،، ولا شفت شنهي هالأغراض اللي شراها ،، فطلبت من اخته اتصلح له ورقته مالت مسائل الرياضيات ،، من زود العيلة 2+79 النتيجة 8 ونفس الخطأ مكرر في مسائل كثيرة ،،
ام السعف
24-01-2012, 01:34 PM
يوم الأربعاء 18 يناير
رد من المدرسة بعد ماخلص الروتين اليومي ،، يبته عندي في الغرفة وعلى السرير قلت له حل اوراق الرياضيات مالت امس وشوف اخطائك ،، شافها قال باال وشو ذيه ؟ قلت له : ذيه حلك ،قال لي : خلاص بحل الباقي ،، وهو يحل شفته ينود ،، أذن العصر رحت صليت ،، رديت شفته متلحف ونايم ،، قلت مسكين نعسان ،، اشوي والا اسمع صوت تقرم وتقضم وقرقشة قراطيس ،، والمصدر من تحت اللحاف قربت صوب المصدر الا الأبن العزيز ياكل كافي ويمثل علي انه نايم ،، قلت له قم فز اشوف روح صل العصر ،، وتعال ابيك ضروري الحين ..
صلى وياني قلت له كمل شغلك ،، وتميت منشغلة في دروسي ،، قرب صوبي قال لي : ممكن لوسمحتي احل واسمع وياج ،، قلت له ايه ممكن ونص ،، تم يحل معاي ،، وهو يحل ادخلت اخته ،، وتمت تسولف ،، واشوي دخل اخوه وبدأ هالحوار بينه وبين اخوه الصغير ،،
اخوه : هاا خوسيه " خوسيه لقبه لو بيتكلمون عن الرياضة " تدري ان برشلونة وريال مدريد بيلعبون اليوم ؟
خوسيه : ايه ادري وعيونه تسولف عن حزن دفين ،،
اخوه : غريبة ما تكلمت ولا سندرتنا ولا حنيت ولا عطيتنا التوقيت ؟
خوسيه : المباراة بتكون الساعة 12 ،، وامي مابتخليني اشوفها ،،
قلت اهااا زادة الأخ متلحف ويبي ينام !! طلع يبي يعبي البطارية للمباراة :/ ،، قال لي : بتخليني اشوفها ؟،، سألت عن الوقت علشان اتأكد قالوا لي الساعة 12 الليل ،، قلت اسفة طبعا لأن النوم بيكون على الساعة 2 الليل وهذيه صعب لطفل في عمرك وراه مدرسة ،، الثلاثي اللي كانوا يحيطون فيني عيونهم تتكلم باشارات غريبة ،، خليتهم وطلعت مشوار مع بو العيال اللي قال لي ان سيارة الدريول دخلها الوكالة ،، ولازم اندبر توصيل للمدرسة حق يوم الخميس :(
ماطولت في المشوار ورديت ،، لقيت الثلاثي بعدهم في الغرفة ،، يعرضون علي يغيبون قلت لهم : اسفة مافي غياب اخوكم بيوديكم ان شاءالله ،، اهنيه خوسيه : عفس ويهه ،، قلت له ليش عفست ويهك ؟ قال لي ولا شي وهو معصب ،، قلت له : بعد اتعصب ؟ روح اشوف ييب لي دفتر الانشاء واشوف اشكتبت عن الأسد،، خذ اوراق الرياضيات معاه وطلع وقال لي بشوف الدفتر ،، شفته ماسكهم كلهم ودخل غرفة اخته ولا طلع منها " النتيجة انه رقد " قلت احسن يريح جسمه ويقوم الصبح مرتاح ،،
الساعة 9:00 المسا
ادخلت بنيتي عندي واقعدت على السرير وقالت لي : ماما لوسمحتي مابي اروح المدرسة بكرة ،، قلت لها ليش ؟ قالت لي لأني مابي اروح ومالي خاطر ،، شفتها وقلت اممممم ،، اوكي خلاص مافي مدرسة وكلمي اخوج وقولي لي له لا ينطركم الصبح ويحرك ويروح دوامه ،،
الساعة 11:50 دقيقة بنتي كانت حريصة انها اذكرها بالوقت لأنها وعدت خوسيه اتقعده حق المباراة " اطلعوا كلهم متفقين علي علشان يطيبون خاطر خوسيه " ،،
وبالفعل دقعت الساعة 12 وقامت سندريلا من عندي وراحت تقعد خوسيه من النوم اللي قام وهو متسندر ويقول مابي اشوف المباراة ،، قلت له مب مشكلة بس بدل ملابسك والبس بيجامتك وارقد ،، بدل ملابسه وذكرته اخته بالمباراة ونزل على طول يشوفها ،، ونمت وما وعيت الا افتح عيوني على حسه وهو يقول لي : فازوا برشلونة على ريال مدريد 2-1 ومسي ما ياب جول بس صلح جول و ...،، قلت له ماما لو سمحت وقت نوم الحين ممكن ترقد ؟ قال ان شاءالله وراح ،،
ام السعف
24-01-2012, 01:35 PM
يوم الخميس 19 يناير الساعة 7:40 الصبح
دخل علي وهو لابس بدلة رياضة ماخذها مع الجوتي ويقول لي : ماما لو سمحتي اتصلي في الدريول اييب لنا جباتي وبوري ،، قلت له : :) ماما حبيبي اشلون الدريول بييب لنا جباتي وبوري وهو ما عنده سيارة ؟:( لا تزعجني ياماما وخلني نايمة ،،
الساعة 9:30
رد وجبرني اقعد وهو يطل في ويهي ويقول لي والفرحة شاقة ويهه : ماما ماما تدرين اني كلمت مسي ؟ ،، من زود فرحته ،، شبعت نوم ،، قلت له : صج ؟ كلمته ؟ قال لي : ايه ،، قلت له : وين كلمته ؟ قال لي : في الفيس بوك ،، قلت له : شات ؟ قال لي لا ،، كتبت له في صفحته ،، ابتسمت وقمت من النوم ،، تريقت وفتحت لابتوبي ،،
راح وياب لابتوبه وقعد على يميني وقال لي : هذيه موقع مسي في الفيس بوك ،، براويج وين كلمته ،، مالقى خوسيه كلامه اللي اكتبه حق مسي ،، قلت له يمكن مانشروا لك ،، قال لي : امبلى في الدسك توب شفت كلامي منشور وانا اكلمه " حلوة وانا اكلمه " بس هالماك خربان ما يطلع الكلام ،، قلت له انزين انت مسجل دخول على الفيس بوك ؟ لأن مرات يبي لك تسجل دخول ،، قال لي ايه ماما شوفي اسمي فوق ،،، بس هالماك اقول حق ابوي فرمته لي يقول لي ما اعرف له ،، لازم يتفرمت لأنه ما يطلع الأشياء عدل ،، قلت له اوكي روح شوف مشاركتك هناك وتأكد انشروها والا لا ،، وتعال رد عندي ،،
وهو رايح في طريقه يقول لي : ماما I'm sure انهم انشروه ،، راح ورد بسرعة وقال لي : ما قلت لج I'm sure انهم انشروه ،، قلت له عيل ليش ما يطلع اهنيه ؟ قال لي ما ادري ،، تم في صفحة ميسي يدور بين تدويناته ،، لين وصل وقال لي : ماما شوفي مسي اشكاتب اقري ، شوفيه كاتب من بيدفع دولار علشان افريقيا ،، مسكين مسيحي مع انه كافر بس يحب الخير ويتصدق ،، مع انه مسيحي ،، قلت له : ماما وايد ناس يحبون الخير ،،
اشوي نزل الصفحة تحت وقال لي : ماما شوفي جوتي مسي اللي في الصورة نفس جوتيي اللي شريته من فيلاجيو وراح يابه يارويني اياه ،، قلت له وعيوني O.O نفس جوتيك ؟ قال لي ايه نفس جوتيي ،، انا شريته ومسي عنده نفسه ،، والحين في الصورة الثانية مسي يسأل عن جوتي ثاني وهذي صورته بعد ،، قلت له انت كنت ذابح عمرك علشان تشتري نفس جوتي مسي ؟ قال لي : لا انا كنت ابي جوتي ثاني بس مالقيته وشريت هالجوتي ،، والأثنين مسي عنده ،،
اشوي الا يمسكني من يدي وييهه مبتسم ويقول لي شوفي الشاشة شوفيها ،، شفت الشاشة الا صورته اللي حاطها في الفيس بوك وكلامه الموجه حق مسي ،، وقال لي : اهذيه انا اكلم مسي ،، شوفيني ،، مساعة دخلت الموضوع الغلط هذا هو الموضوع اللي كملت فيه مسي ،، وفرحاااان والدنيا مش سيعاه على قولة المصاروة ،،
اشوي ويقول لي شوفي اشكثر ناس يدشون صفحة ميسي اقري الرقم ،، 20قريت الخبر مكتوب مليون صفحة لمسي في الفيس بوك ،، هذا اللي فهمته من اللي قريته ،، يقول لي شفتي اشكثر يحبونه مسي تراه طيب ولعيب ،،
اشويات متسارعة ومتلاحقة تقول في سطورها ان هذا اليوم المجيد عرفت ليش خوسيه كان ذابح عمره ويبي يروح فيلاجيو فكان السبب مسي وجوتي مسي ،،
ام السعف
24-01-2012, 01:35 PM
22 يناير الساعة 9:00 مساء
خوسيه على سريري وفي طريقه الى النوم ،، وبنتي متمددة جدامي وراسها على حضني ،، وكل الليتات مطفية اللهم اضاءة الجواويل مسفرة المكان ،، وبعض من الضوء متسلل من غرفة ولدي ،، بينما احنا نتكلم بصوت خافت ونتبادل اطراف الحديث ،، قطع خوسيه كلامنا وقال : ياليت مسي كان مسلم ،، سكتنا وانصدمنا من كلامه والتفت صوبه على طول وهو يكمل كلامه وعايش عالم خاص فيه ويأشر على صدره ويقول كان بيكون اخوي الحين ،، فجملته بشكل كامل ومترابط تقول : " ياليت مسي كان مسلم اليوم كان بيكون اخوي اليوم " قلت له: اشلون بيكون اخوك ؟
قال لي : بيكون اخوي في الإسلام ،، حسيت بنوع من الحزن وبعض من الفرح انه فكر مسي يكون مسلم علشان يكون اخوه وحزن لأنه وايد يفكر فيه ،، اخته قالت له على طول : خلاص اكبر وتمسك بدينك عدل وحاول انك تدعيه للإسلام واذا اسلم بيصير اخوك وبتكسب فيه اجر كبير ،، قال ان شاءالله ورقد على طوول ،،
23 يناير الساعة 4:00 العصر
حب وتعلق خوسيه بمسي لا يوصف ،، في هذا اليوم كان محتار ويرفض كل المواضيع اللي عرضتها عليه علشان يكتبها في مدونته ،، ومن قلت له اكتب عن مسي ،، تقبل خوسيه الأمر وطلب مني انه يغش من جوجل ،، وصار يدور بالعربي والإنجليزي ويقول لي باستعين بالمترجم ،،
قلت له : ما يهمني اشبتسوي اهم شي انك ما تسوي لك كوبي بيست وانك لازم تكتب باسلوبك ،، دخل جوجل وتم يشوف عن ميسي ويقول لي يصير احط صوره ؟ قلت له: ايه يصير ،، ترك كل شي وراح صوب الصور يشوفه ،،
حكاية خوسيه وميسي مب حكاية عادية ،، حكاية تحمل في طياتها الكثير من الآسى والكثير من الفرح والكثير من التناقضات اللي يحملها عقل طفل صغير في عمره ،،
انتهت القصة
مع تحيات والدة
خوسيه
بو الجوري
24-01-2012, 01:49 PM
زين ممكـن تكتبين لنـا الحكمـه من هالقصـه !!
أو العبره أو النصيحــه !!
بس لفت إنتباهي يوم بنتـج قالت لج مابي أروح المدرسـه
قلتيلهـا أوكي :..
لكـن يوم ولدج قال مب رايـح ،، رفضتي !!
ليش :(
22 يناير الساعة 9:00 مساء
خوسيه على سريري وفي طريقه الى النوم ،، وبنتي متمددة جدامي وراسها على حضني ،، وكل الليتات مطفية اللهم اضاءة الجواويل مسفرة المكان ،، وبعض من الضوء متسلل من غرفة ولدي ،، بينما احنا نتكلم بصوت خافت ونتبادل اطراف الحديث ،، قطع خوسيه كلامنا وقال : ياليت مسي كان مسلم ،، سكتنا وانصدمنا من كلامه والتفت صوبه على طول وهو يكمل كلامه وعايش عالم خاص فيه ويأشر على صدره ويقول كان بيكون اخوي الحين ،، فجملته بشكل كامل ومترابط تقول : " ياليت مسي كان مسلم اليوم كان بيكون اخوي اليوم " قلت له: اشلون بيكون اخوك ؟
قال لي : بيكون اخوي في الإسلام ،، حسيت بنوع من الحزن وبعض من الفرح انه فكر مسي يكون مسلم علشان يكون اخوه وحزن لأنه وايد يفكر فيه ،، اخته قالت له على طول : خلاص اكبر وتمسك بدينك عدل وحاول انك تدعيه للإسلام واذا اسلم بيصير اخوك وبتكسب فيه اجر كبير ،، قال ان شاءالله ورقد على طوول ،،
24 يناير الساعة 4:00 العصر
حب وتعلق خوسيه بمسي لا يوصف ،، في هذا اليوم كان محتار ويرفض كل المواضيع اللي عرضتها عليه علشان يكتبها في مدونته ،، ومن قلت له اكتب عن مسي ،، تقبل خوسيه الأمر وطلب مني انه يغش من جوجل ،، وصار يدور بالعربي والإنجليزي ويقول لي باستعين بالمترجم ،،
قلت له : ما يهمني اشبتسوي اهم شي انك ما تسوي لك كوبي بيست وانك لازم تكتب باسلوبك ،، دخل جوجل وتم يشوف عن ميسي ويقول لي يصير احط صوره ؟ قلت له: ايه يصير ،، ترك كل شي وراح صوب الصور يشوفه ،،
حكاية خوسيه وميسي مب حكاية عادية ،، حكاية تحمل في طياتها الكثير من الآسى والكثير من الفرح والكثير من التناقضات اللي يحملها عقل طفل صغير في عمره ،،
انتهت القصة
مع تحيات والدة
خوسيه
ام السعف شلون التاريخ 24 يناير العصر
شكيت في نفسي قمت اطالع التاريخ في الكمبيوتر
هاهاهاهاها
حبيته خوسيه ولدج حبيبي ايه عليه
الله يبارك لج فيه وفي اخوانه وخواته
ام السعف
24-01-2012, 02:08 PM
ام السعف شلون التاريخ 24 يناير العصر
شكيت في نفسي قمت اطالع التاريخ في الكمبيوتر
هاهاهاهاها
حبيته خوسيه ولدج حبيبي ايه عليه
الله يبارك لج فيه وفي اخوانه وخواته
زين منج نبهتيني .......> كنت ارجع للابتوب واتشيك على التواريخ
واقرب تاريخ حطيته علشان اخلص بسرعة :shy:
هو ينحب خوسيه ،، ويبارك فيج وفي من يعز عليج ،،
عذرا بروح لابوالجوري
الى ابو الجووووري
كازانوفا
24-01-2012, 02:14 PM
زين ممكـن تكتبين لنـا الحكمـه من هالقصـه !!
أو العبره أو النصيحــه !!
بس لفت إنتباهي يوم بنتـج قالت لج مابي أروح المدرسـه
قلتيلهـا أوكي :..
لكـن يوم ولدج قال مب رايـح ،، رفضتي !!
ليش :(
بااااااااااااااااااااااااال الحين تركت القصه وبكل ما فيهاا وركزت على هالنقطه :rolleyes2:
اشكرك يا ام السعف على سردك للقصه
وهذا ان دل دل على تربية الطفل وتعلقه بدينه.. وسبحان الله كيف بيفكر انه الانسان اللى حبه يدخل الاسلام ويصير اخوه
ربي يناوله ما تمنى ان شالله عاجل غير اجل
ام السعف
24-01-2012, 02:19 PM
زين ممكـن تكتبين لنـا الحكمـه من هالقصـه !!
أو العبره أو النصيحــه !!
العبرة او الحكمة او الفايدة ،، تراهم ماينحصرون في شي واحد او شيين ،،
اول الفوائد وطن عبرت عن حبها لخوسيه ،،
ثانيها : تعيش الطبيعة من خلال الوان سطور القصة
ثالثها : تتسلى بقراية قصة باللهجة العامية
رابعها : تتعرف على نوعية تفكير طفل في عمر خوسيه
ومدى حبه لشخصية مب مسلمة ومدى تعلقه فيه ومدى دور الاسرة
في تنمية او تقليل من تعلقه هذا ،،
خامسها : تعيش مع خوسيه حبه هذا اللي تم يفكر ويتمنى
ان مسي هذا يكون مسلم علشان يكون اخوه في الإسلام ،،
سادسا : الفكرة اللي قُدمت له ان يدعيه للإسلام بدل ما ينقال له
هذيه كافر وما يستاهل اتفكر فيه وخلك عنه ومالت عليه وفكر في المسلمين،،
سابعا : خوسيه عبر عن مشاعره وهو مابين امه واخته
الأطفال اللي ينامون في احضان الخادمات او بعاد عن اهاليهم
اشلون ممكن ينخذ بيدهم لما يعبرون عن حبهم للمثل او لاعب او مطرب ؟
تاسعا : ......
عاشرا : .........
هناك فوائد وحكم كثيرة ممكن الواحد يستنبطها او يكتشفها او يحط يده عليها ،،
خلنا انروح لملاحظتك القوية في القصة كلها :shy:
بس لفت إنتباهي يوم بنتـج قالت لج مابي أروح المدرسـه
قلتيلهـا أوكي :..
لكـن يوم ولدج قال مب رايـح ،، رفضتي !!
ليش :(
سؤالك في فحواه معاني كثيرة وتساؤلات أكثر ،، هل لبنتي مكانة خاصة
اقول نعم مكانتها خاصة جدا كثيرا وايد ،، ولكن لأبني مكانة كذلك بحكم صغر سنه
فلماذا التفرقة في القبول والرفض ؟
ولماذا هذه العنصرية في التعامل مع الذكور :secret:
هل لأنهم ذكور يتم رفض طلباتهم بينما البنات لا ؟ :weeping:
هناك تساؤولت كثيرة ستحيط قبولي لأبنتي ورفضي لأبني
وتبقى الحقيقة فقط عند صاحب الحقيقة وهي ام البنت والأبن
وهذه الحقيقة تقول :
ولدي رفض يوصلهم من الاساس ،، وقال لي لو وصلتهم من بيردهم
ما اقدر اطلع من الدوام الظهر،، فقلت له وصلهم وبدبر لهم سيارة
وبينما كنت ادور سيارة اتردهم ومالقيت ردود من الاصدقاء
دخلت بنتي وقالت لي ما تبي تروح المدرسة " فكان القبول الفوري " :shy:
في شي خاطرك تعرفه أكثر ؟
بلوتنيوم
24-01-2012, 02:22 PM
^^
وابحر في مواضيع ام السعف
ففيها خمس فوائد :)
وان شاء الله خوسيه يطلع احسن من ميسي ورونالدو بعد :)
ام السعف
24-01-2012, 02:33 PM
بااااااااااااااااااااااااال الحين تركت القصه وبكل ما فيهاا وركزت على هالنقطه :rolleyes2:
اشكرك يا ام السعف على سردك للقصه
وهذا ان دل دل على تربية الطفل وتعلقه بدينه.. وسبحان الله كيف بيفكر انه الانسان اللى حبه يدخل الاسلام ويصير اخوه
ربي يناوله ما تمنى ان شالله عاجل غير اجل
بو الجوري .. شوف كازونوفا اشلون فكرت في ردة فعل خوسيه وكلامه
نعم اقول ان التربية الاسلامية لها دور في حياة الطفل ،،
لأن خوسيه هذا في يوم من الأيام قلت له انت من زود ما اتحب مسي
الله بيجمعك وياه في النار لو تم كافر ،،
واذا تبي ربنا يجمعك بناس في الجنة حب الصحابة وادرس عنهم وافهم
تاريخهم وبطولاتهم " قالي كانوا يلعبون كورة ؟ " :weeping:
قلت له : لا يا ماما البطولات الاسلاميين كانت في المعارك " قال لي شنهو معارك :(
قلت wars قال لي نفس ايج اوف امبيرز ،، قلت له ايه
كانوا يرفعون راية الإسلام ويحاربون علشانه ،،
ويوم راح المدينة ،، قلت له سلمت على الرسول صلى الله عليه وسلم؟
قال لي ايه وسلمت على سيدنا ابوبكر وسيدنا عمر رضي الله عنهم
قلت له تدري ليش سلمت عليهم ؟
قال لي لأنهم نايمين عند الرسول صلى الله عليه وسلم ،،
قلت له لا ،، هذيلا هم ربع الرسول صلى الله عليه وسلم
هم اللي ساندوه ووقفوا معاه ،، وربنا اختارهم من بد كل هالعالم
علشان يكونون ربعه وصحبته في رحلته للدعوة ،،
والحديث يطول ويطول في شرح امور كثيرة في حياة الطفل من قبل البيت
فيمكن اضافة فايدة اخرى لأخونا ابوالجوري :
وهو ان ابتعاد المدارس عن تدريس تاريخنا الإسلامي
لا يخلي مسؤوليتنا تجاه عيالنا وحقهم في التعرف على هذا التاريخ
الذي سنحمل وزره يوم الدين ،،
حقيقة يا كازنوفا : تفكير خوسيه خلاني احتار مابين فرحة لتفكيره
او حزن لتعلقه بمسي ،، وفي الأخير الأثنين البيت مسؤول عنه ،،
ربنا يعطيه على قد نيته ويوفقه هو اقرانه ويجعلهم اسود لنصرة هذا الدين ،،
ام السعف
24-01-2012, 02:34 PM
^^
وابحر في مواضيع ام السعف
ففيها خمس فوائد :)
وان شاء الله خوسيه يطلع احسن من ميسي ورونالدو بعد :)
اصبر مع الوقت بتصير 100 فائدة يالبخيخ خليتهم 5 بس :(
فال الله ولا فالك ،، ربنا يبعده عن حب الكرة يارب
ونورتنا يا باشا ،،
كازانوفا
24-01-2012, 02:40 PM
:)
بو الجوري .. شوف كازونوفا اشلون فكرت في ردة فعل خوسيه وكلامه
نعم اقول ان التربية الاسلامية لها دور في حياة الطفل ،،
لأن خوسيه هذا في يوم من الأيام قلت له انت من زود ما اتحب مسي
الله بيجمعك وياه في النار لو تم كافر ،،
واذا تبي ربنا يجمعك بناس في الجنة حب الصحابة وادرس عنهم وافهم
تاريخهم وبطولاتهم " قالي كانوا يلعبون كورة ؟ " :weeping:
قلت له : لا يا ماما البطولات الاسلاميين كانت في المعارك " قال لي شنهو معارك :(
قلت wars قال لي نفس ايج اوف امبيرز ،، قلت له ايه
كانوا يرفعون راية الإسلام ويحاربون علشانه ،،
ويوم راح المدينة ،، قلت له سلمت على الرسول صلى الله عليه وسلم؟
قال لي ايه وسلمت على سيدنا ابوبكر وسيدنا عمر رضي الله عنهم
قلت له تدري ليش سلمت عليهم ؟
قال لي لأنهم نايمين عند الرسول صلى الله عليه وسلم ،،
قلت له لا ،، هذيلا هم ربع الرسول صلى الله عليه وسلم
هم اللي ساندوه ووقفوا معاه ،، وربنا اختارهم من بد كل هالعالم
علشان يكونون ربعه وصحبته في رحلته للدعوة ،،
والحديث يطول ويطول في شرح امور كثيرة في حياة الطفل من قبل البيت
فيمكن اضافة فايدة اخرى لأخونا ابوالجوري :
وهو ان ابتعاد المدارس عن تدريس تاريخنا الإسلامي
لا يخلي مسؤوليتنا تجاه عيالنا وحقهم في التعرف على هذا التاريخ
الذي سنحمل وزره يوم الدين ،،
حقيقة يا كازنوفا : تفكير خوسيه خلاني احتار مابين فرحة لتفكيره
او حزن لتعلقه بمسي ،، وفي الأخير الأثنين البيت مسؤول عنه ،،
ربنا يعطيه على قد نيته ويوفقه هو اقرانه ويجعلهم اسود لنصرة هذا الدين ،،
اللهم امين ربي يناولكم ان شالله :)
pink pearl
24-01-2012, 02:48 PM
الله عليج يا أم سعف،قصة حلوة ومليئة بالتفاصيل اليومية
ما شاء الله عليج ، سردج راااائع للقصة، ويا ليت لو فيه مجال تحطين مواضيع من هالنوع :)
شكراً جزيلاً، و الله يبارك لج في خوسيه وإخوانه كلهم
CH Engineer
24-01-2012, 02:54 PM
اهم شي ريال مدريد اخسروا
شميرام
24-01-2012, 03:20 PM
يحليل خوسيه الله يخليه لج
عجبتني القصه ذكرتني في ناس
بصمة قطرية
24-01-2012, 03:56 PM
السلام عليكم ورحمة الله و بركاته
مســاء الورد ~
أولاً: ما بغيتي تنزلين القصة ..
ثانياً : طريقة سردج للقصة رائع و مشوق جداً ..
ثالثاً : نوع الخط والألوان له دور كبير في استمرار القاريء و عدم شعوره بالملل ..
طبعاً هاذي الملاحظات الخارجية ..
الحين دور القصة المشوقة ..
أمممممم
أولاً : الله يخليج لج خوسيه واخوانه واخته ..
ثانياً : عجبني تفكيره الله يحفظه يوم فكر و تمنى ان ميسي يكون مسلم عشان يكون اخوه في الاسلام لأنه يحبه ..
سبحان الله برغم حداثة سنه الا انه تمنى شي كبير ..
ثالثا : خوسيه ذكرني بولع عيالي بجون سينا و المعارك الطاحنة اللي صارت يوم
جا الدوحة في نادي قطر ..
طبعاً أنا أرفض هالاشياء و ما احب اعودهم عليها ..
تموا يحنون علي ليل نهار ( الثلاثي الحنان ) ..:rolleyes2:
قلت لاء ..
ردوا يترجوني شوي و يبوسون ايدي يمه الله يخليج أول و آخر مره ..
قلت لهم كم التذكرة ..؟:rolleyes2:
قالوا لي ( 500 ) ..:eek5:
شنو يعني ثلاثتكم ( 1500 ريال ) :eek5:
طيروا زين ..:eek5: :anger1:
يمه الله يخليج شوي و يصيحون ..
روحوا يبه ما ادفع هالمبلغ في سخافات ..
مصارعه و تمثيل يقصون عليكم ...
يمه أرجووووووووووووووووووج
لاحول ولا قوة الا بالله ..
ما عندي فلوووووس :rolleyes2:
يمه اخذي من ابوي اخصمي من مصروفنا ..:rolleyes2:
مافي ..يالله روحوا ..:anger1:
و تستمر محاولاتهم بالخش ..
و فشلت كل المحاولات ..:secret:
لين تفاجأت الكبير جايني بتذكرة و هو شاق الحلج ...:eek5:
شنو هاي من وين ..:eek5:
قال جدتي خذت لي التذكرة قالت لا تخلي شي في خاطرك :weeping:
و اشتغلوا الاثنين حنه يمه ليش هو يروح كل مكان
و ليش هوو يعطونه وليش و ليش .. :(
لين دخل ابوهم و شاف نظرات الاحباط والحزن في عيونهم
و عرف السبب و قال لي ..
ياا كلهم يروحون ولا محد يروح ..
قلت له كيفك انت وعيالك ما لي شغل خلاص :weeping:
و في الأخير رحت معاهم و خذت لهم التذاكر ..:weeping:
العقل الحر
24-01-2012, 03:56 PM
هل خوسيه المقصود
هو خوسيه انطونيو رييس
doha2012
24-01-2012, 04:06 PM
تسلمين على رائعتك
بس تدرين كسر خاطري خوسيه وانتي كل يوم تمنينه ولا تودينه حطيت نفسي مكانه
وشعرت بحزن الله يحفظه
حاولي قد ماتقدرين تقولين يصير خير ان شاء الله علشان الموضوع يكون مفتوح
يمكن الظروف تسمح وتودينه ويمكن ماتسمح
بارك الله فيك سرد تميزت به
alzbara_qa
24-01-2012, 04:15 PM
ههه تصير في احسن العائلات
بعدين معاك انه تعطينهم قدر من الحريه احيانا خصوصا الاكبر
طاعك الزمان ولاطيعه
دنيا الاسهم
24-01-2012, 04:51 PM
:يا ربي اختي ام السعف اشفيج حرام عليك هالطول قصة مسلسل مدبلج
وين وشو الحين الله يخليج اختصري تعبت وانا ادور المضمون
لا تزعلين مني بس وشو الحين هذة قصة وراح فيلاجو ولا للحين ماوديتية( طرشي لي الاختصار)
اختج دنيا الاسهم :(
تاجر كشخة
24-01-2012, 06:02 PM
الحين شسالفه في عشى ولا لاء :secret:
بوحارب
24-01-2012, 06:12 PM
ام السعف هالموضوع يبيله اجازة عرضية عشان اقراه
نبي الزبده لاهنتي :(
chillis
24-01-2012, 07:35 PM
استمتعت بقرايت القصه بالذات انه بالعاميه كملي لنا بليز :) والله يحفظ لج عيالج
ام السعف
24-01-2012, 08:30 PM
استمتعت بقرايت القصه بالذات انه بالعاميه كملي لنا بليز :) والله يحفظ لج عيالج
عسى تسمتعين بكل حرف ينكتب اهنيه ،، خلصت القصة :shy:
ام السعف هالموضوع يبيله اجازة عرضية عشان اقراه
نبي الزبده لاهنتي :(
الزبذة بتلقها على سفرة الريوق مع جام اليح :telephone:
خلاصة الموضوع : عيالنا أمانة في اعناقنا واحنا لاهين عنهم
كثر ما انحس ان احنا سوينا لهم كثر ما احنا مبتعدين عنهم ،،
ومع هذا رحمة ربك كبيرة ،، تشوف تطلع من هالأطفال امور مرات
الكبير مايفكر فيها وتكون نابعة من حبه لدينه ،،
الحين شسالفه في عشى ولا لاء :secret:
للأسف طلع المطعم مخالف وراحت علينا الطلبية والفلوس :(
نتقابل في مرات قادمة :telephone:
:يا ربي اختي ام السعف اشفيج حرام عليك هالطول قصة مسلسل مدبلج
وين وشو الحين الله يخليج اختصري تعبت وانا ادور المضمون
لا تزعلين مني بس وشو الحين هذة قصة وراح فيلاجو ولا للحين ماوديتية( طرشي لي الاختصار)
اختج دنيا الاسهم :(
احمدي ربج اني كنت مستعيلة ولا كنت بخليها 3 في واحد
مسلسل تركي فارسي مكسيكي :shy:
لا ما وديته لأني مافضيت له ،، بس في اللي جبر له بخاطره ووداه،،
يدتج اللي من غير ضروس
ام السعف
:shy:
ههه تصير في احسن العائلات
بعدين معاك انه تعطينهم قدر من الحريه احيانا خصوصا الاكبر
طاعك الزمان ولاطيعه
هذا احنا كله في طوع الزمن وربنا يثبتنا على طاعته يارب
ويبعدنا عن الأمور الثانية ويهدينا ويهديكم للي يحبه ويرضاه ،،
بس
Pardon
شنهي سالفة " خصوصا الأكبر "
ما استوعبت :shy:
عبدالله الخوار
24-01-2012, 08:33 PM
الصراحة عفستي ويهه مب مرة ولا مرتين ؟؟ بل يا كثر ما يحن وانتي كلله انشاء الله
محسسته انه بيروح القمر ؟؟ كله الا فيلاجيو وديه وردي نص ساعة
ومع ذلك ما تنلاميين !!
يا كثر ما وعدت عيالي ان نروح المريخ .. واحلام الفقارى ما تحقق
ام السعف
24-01-2012, 08:41 PM
الله عليج يا أم سعف،قصة حلوة ومليئة بالتفاصيل اليومية
ما شاء الله عليج ، سردج راااائع للقصة، ويا ليت لو فيه مجال تحطين مواضيع من هالنوع :)
شكراً جزيلاً، و الله يبارك لج في خوسيه وإخوانه كلهم
الله عليج وحياة عينيج ....> ذكرتيني بالمقطع هذا
زمن وراح :(
بصراحة ابدا مافي مجال لمثل هالمواضيع ،، لأن تكرارها تولد الملل في نفوس
الأعضاء ،، لذلك كل عشر سنين مرة شي طيب ومقبول وبيرضي الجماهير :shy:
والعفو ،، ويبارك ربنا فيج وجزاج الله كل خير على هالدعوة الحلوة ،،
يحليل خوسيه الله يخليه لج
عجبتني القصه ذكرتني في ناس
ياحليلهم هالناس اللي نفس خوسيه ،،:nice:
هل خوسيه المقصود
هو خوسيه انطونيو رييس
بصراحة ما ادري من يقصدون فيه خوسيه
،، بس خليني اتأكد منهم :telephone:
ام السعف
24-01-2012, 08:45 PM
اهم شي ريال مدريد اخسروا
ايه،، وعمت الأفراح في الديار الكتالونية
تسلمين على رائعتك
بس تدرين كسر خاطري خوسيه وانتي كل يوم تمنينه ولا تودينه حطيت نفسي مكانه
وشعرت بحزن الله يحفظه
حاولي قد ماتقدرين تقولين يصير خير ان شاء الله علشان الموضوع يكون مفتوح
يمكن الظروف تسمح وتودينه ويمكن ماتسمح
بارك الله فيك سرد تميزت به
الله يسلمك ،،
ان شاءالله بحاول قد ما اقدر اني ارفق " ان شاءالله يصير خير "
وجزاك الله على النصيحة ،،
ام السعف
24-01-2012, 08:49 PM
السلام عليكم ورحمة الله و بركاته
مســاء الورد ~
أولاً: ما بغيتي تنزلين القصة ..
ثانياً : طريقة سردج للقصة رائع و مشوق جداً ..
ثالثاً : نوع الخط والألوان له دور كبير في استمرار القاريء و عدم شعوره بالملل ..
طبعاً هاذي الملاحظات الخارجية ..
الحين دور القصة المشوقة ..
أمممممم
أولاً : الله يخليج لج خوسيه واخوانه واخته ..
ثانياً : عجبني تفكيره الله يحفظه يوم فكر و تمنى ان ميسي يكون مسلم عشان يكون اخوه في الاسلام لأنه يحبه ..
سبحان الله برغم حداثة سنه الا انه تمنى شي كبير ..
ثالثا : خوسيه ذكرني بولع عيالي بجون سينا و المعارك الطاحنة اللي صارت يوم
جا الدوحة في نادي قطر ..
طبعاً أنا أرفض هالاشياء و ما احب اعودهم عليها ..
تموا يحنون علي ليل نهار ( الثلاثي الحنان ) ..:rolleyes2:
قلت لاء ..
ردوا يترجوني شوي و يبوسون ايدي يمه الله يخليج أول و آخر مره ..
قلت لهم كم التذكرة ..؟:rolleyes2:
قالوا لي ( 500 ) ..:eek5:
شنو يعني ثلاثتكم ( 1500 ريال ) :eek5:
طيروا زين ..:eek5: :anger1:
يمه الله يخليج شوي و يصيحون ..
روحوا يبه ما ادفع هالمبلغ في سخافات ..
مصارعه و تمثيل يقصون عليكم ...
يمه أرجووووووووووووووووووج
لاحول ولا قوة الا بالله ..
ما عندي فلوووووس :rolleyes2:
يمه اخذي من ابوي اخصمي من مصروفنا ..:rolleyes2:
مافي ..يالله روحوا ..:anger1:
و تستمر محاولاتهم بالخش ..
و فشلت كل المحاولات ..:secret:
لين تفاجأت الكبير جايني بتذكرة و هو شاق الحلج ...:eek5:
شنو هاي من وين ..:eek5:
قال جدتي خذت لي التذكرة قالت لا تخلي شي في خاطرك :weeping:
و اشتغلوا الاثنين حنه يمه ليش هو يروح كل مكان
و ليش هوو يعطونه وليش و ليش .. :(
لين دخل ابوهم و شاف نظرات الاحباط والحزن في عيونهم
و عرف السبب و قال لي ..
ياا كلهم يروحون ولا محد يروح ..
قلت له كيفك انت وعيالك ما لي شغل خلاص :weeping:
و في الأخير رحت معاهم و خذت لهم التذاكر ..:weeping:
وعليكم السلام ورحمة الله وبركاته
مراحب ومساهل وياهلا ،،
اسعدني استمتاعج بجمال الطبيعة من خلال لفت الالوان وجذبها لج للقراءة
واكتمل استمتاعج برايج في سرد القصة ،،
بالفعل اتفق معاج خوسيه ربنا يحفظه ويبارك فيه
عليه افكار جدا غريبة وما ادري من وين يركبها ،، بس في الأخير
اشوف عفوية الطفولة في افكاره لأن ابعادها جدا خطيرة :telephone:
اما بخصوص موقفج مع عيالج ،، مثل ما قال احد الأعضاء
ان ما طاعك الزمن طيعه ،، مرات كثيرة ننجبر نسايرهم للي يبونه
وتلقينا نرافقهم ياخذونه او يسوونه مع احنا كنا معارضين وبشدة ،،
ميرسي على المشاركة :shy:
alzbara_qa
24-01-2012, 09:01 PM
ههه تصير في احسن العائلات
بعدين معاك انه تعطينهم قدر من الحريه احيانا خصوصا الاكبر
طاعك الزمان ولاطيعه
:shy:
هذا احنا كله في طوع الزمن وربنا يثبتنا على طاعته يارب
ويبعدنا عن الأمور الثانية ويهدينا ويهديكم للي يحبه ويرضاه ،،
بس
pardon
شنهي سالفة " خصوصا الأكبر "
ما استوعبت :shy:
خصوصا الاكبر سنا قصدي : يعني كل ما كبر نخليه يقرر مثلا يسهر عشان شي يحبه :
اتوقع بنتك اكبر فوافقتي اسرع عشان تظهرين محبتك وانك تثقين في قرارتها و مساحه من الحريه لشئ تحبه :
عشان تنتج و تسمع كلامك في اشياء ثانيه :
اتمنى اني وضحت
ام السعف
24-01-2012, 09:10 PM
خصوصا الاكبر سنا قصدي : يعني كل ما كبر نخليه يقرر مثلا يسهر عشان شي يحبه :
اتوقع بنتك اكبر فوافقتي اسرع عشان تظهرين محبتك وانك تثقين في قرارتها و مساحه من الحريه لشئ تحبه :
عشان تنتج و تسمع كلامك في اشياء ثانيه :
اتمنى اني وضحت
بنتي بشكل عام لها مكانة خاصة وطلباتها تنفذ بنسبة 90%
لكن هالمرة الرفض كان للكل للصغير والكبير والبنت ،،
ومثل ما وضحت لأبوالجوري ،، عدم توفر وسيلة للمواصلات
كان سبب قوي للرضوخ لطلبها ،،
وشكرا جزيلا على توضيحك ،، وكلامك راح اخذه
بعين الأعتبار وجزاك الله كل خير ،،
intesar
24-01-2012, 09:12 PM
تصدقين أم السعف.. أنا ما أعرف الا هالميسي.. بنيتي ذابحتني عليه..
وأخيرا نزلتي قصة خوسيه.. بصرحة استمتعت فيها مع شاي العصرونة..
وبالفعل اللي يبغي يشوف الفوايد بيلاقي ولا ألف واللي ما يبغي يشوفه.. بيقول لج وبعدين وشو الحكمة.. ربعج يحبون الحياة السلبية..
إلى الأمام.. عزيزتي يدووووووه..
ودمتم بحفظ الرحمن..
السلام عليكم ..
الله يعطيك العافية أختي أم السعف ..
مجهود تشكرين عليه ..
استمتعت صراحة ..
الله يحفظ لك البطل الصغيــر ..
ويحفظ أخوانه ..
انا بعد حبيته من خلال كلامك ..
أحسه فطن .. ما شاء الله تبارك الرحمن ..
من فوائد القصــة ..
أتمنى إذا توعدينه مستقلاً لا تأجلين ..
خلينا نعود عيالنا على الالتزام بالوعد المقطوع ..
عندي ولدي الله يحفظه إذا وعدته لازم أوفي ..
وإذا ترددت في التفيذ يقول لي ( لا تتراجعين عن كلامك .. لا تكذبين )
والله اضطر احيانا أاجل مواضيع مهمة بس علشان وعدي له ..
وكل هلي يستغربون مني .. إلا ياهل .. ما عليك منه !! ..
بس أقول لهم أنا غير و ولدي غير ..
الفائدة الثانية ..
صار عندي حب فضول أبي أشوف الــ ميسي هذا ! .. :) بحثت عن صورته
http://www.foot-bl.com/wp-content/uploads/218781-messi_196388.jpg ..
ويا رب يتعلق قلبه الصغير الله يحفظه بمن هو أفضل من ميسي ! ..
ام السعف
24-01-2012, 09:35 PM
تصدقين أم السعف.. أنا ما أعرف الا هالميسي.. بنيتي ذابحتني عليه..
وأخيرا نزلتي قصة خوسيه.. بصرحة استمتعت فيها مع شاي العصرونة..
وبالفعل اللي يبغي يشوف الفوايد بيلاقي ولا ألف واللي ما يبغي يشوفه.. بيقول لج وبعدين وشو الحكمة.. ربعج يحبون الحياة السلبية..
إلى الأمام.. عزيزتي يدووووووه..
ودمتم بحفظ الرحمن..
هو التأخير كان فيه الخير وطلع لي بسالفة انه يتمناه لو كان مسلم ،،
اسعدتيني باستمتاعج ،،
اما بخصوص اللي يبي الفوايد او يبي الزبدة ،،
هذا احنا عطيناهم الزبدة لكن مستحيل يستمتعون مثل اللي قرأ ،،
الأمام لا رجوع
وميرسي جدا خالص على المشاركة
ام السعف
24-01-2012, 09:46 PM
السلام عليكم ..
الله يعطيك العافية أختي أم السعف ..
مجهود تشكرين عليه ..
استمتعت صراحة ..
الله يحفظ لك البطل الصغيــر ..
ويحفظ أخوانه ..
انا بعد حبيته من خلال كلامك ..
أحسه فطن .. ما شاء الله تبارك الرحمن ..
من فوائد القصــة ..
أتمنى إذا توعدينه مستقلاً لا تأجلين ..
خلينا نعود عيالنا على الالتزام بالوعد المقطوع ..
عندي ولدي الله يحفظه إذا وعدته لازم أوفي ..
وإذا ترددت في التفيذ يقول لي ( لا تتراجعين عن كلامك .. لا تكذبين )
والله اضطر احيانا أاجل مواضيع مهمة بس علشان وعدي له ..
وكل هلي يستغربون مني .. إلا ياهل .. ما عليك منه !! ..
بس أقول لهم أنا غير و ولدي غير ..
الفائدة الثانية ..
صار عندي حب فضول أبي أشوف الــ ميسي هذا ! .. :) بحثت عن صورته
http://www.foot-bl.com/wp-content/uploads/218781-messi_196388.jpg ..
ويا رب يتعلق قلبه الصغير الله يحفظه بمن هو أفضل من ميسي ! ..
وعليكم السلام ورحمة الله وبركاته
وراح ابتدي معاج من آخر شي واقول اللهم آمين يارب
جميع عيالنا يارب ،،
ومن ثم اقول
لازم اعترف ان احنا السبب فيما تتعلق قلوب عيالنا فيهم
بطريقة مباشرة او غير مباشرة ،، :( ،، صحيح هو بدأ يحفظ
اسامي العشرة المبشرين بالجنة والخلفاء الراشدين
وبعض ابطال الفتوحات الاسلامية ،، إلا انه تعلقه فيهم مب بقوة تعلقه
بمسي والسبب دور الأسرة القاصر :( " يارب سامحنا "
اما بخصوص الوعود ،، بشكل عام ما احب اخلف وعودي
وهالشي اللي يخلي عيالي بشكل عام يعطون كلمتي لهم القدر الصحيح
سواء كان تهديد او تعزيز ،،
واتفق معاج المفروض لما نوعد ما نخلف
لكن للظروف احكام ولاحظي ان خوسيه ما اعترض على تأجيل وعودي له ،،
هالشي سببه انه متفاهم للظروف ،، او يمكن ما ربيناه انه يراعي الظروف ،،
فن جذيه اشوفه جدا متفهم للظروف الطارئة
لأنه اكثر ثقة لو الظروف ما كانت طارئة أكيد الوعود تننفذ
فمن جذيه ،، لو وعدته بشي يضمن انه بيلقاه وهو مغمض ،،
مثل ما احنا تصيدنا ظروف ،، هو بعد تصيده ظروفه تمنعه من الوفاء
وعلينا ان احنا نراعيه وانفوت ،،
ما اقدر اقول طريقتج غلط ،، بالعكس يمكن ولدج يحترمج أكثر بالطريقة
هذي ،، وبنفس الوقت خوسيه يكتسب ثقفة جديدة للتعامل مع الظروف المختلفة ،،
جدا اسعدتني مشاركتج اليوم
والظاهر اني اليوم سعيدة بالمشاركات كلها لأني سعيدة بخوسيه
اللي ما يدري اني كتبت عنه في المنتدى علشان ماينشر الخبر ويقول
امي اكتبت عني :telephone:
sara jsm
24-01-2012, 09:56 PM
ماينلام خوسيه دام قلبه مع البرشا :shy:
حبيت القصة وايد ,,:victory:
ومرة ثانية اذا يبي اغراض ميسي ,, انا باروح اشتري له ,, ^ ^
http://img02.arabsh.com/uploads/image/2012/01/24/0d36464b64f0.jpg
khaldoon
24-01-2012, 10:03 PM
قصة طويلة لا يمكن صياغتها الا باللهجة العامية ترويها لنا الأم بكل تفاصيلها ،،
في يوم السبت 14 يناير
دخل علي ولدي الصغير بو التسع سنين وقال لي : ،، ماما .. ماما .. وديني فيلاجيو لو سمحتي ابي اروح محل الرياضة اشتري اغراض ،، قلت له : زحمة فيلاجيو اليوم ،، بكرة ان شاءالله بوديك ،، اوكي ؟ ،، فرد علي : اوكي ماما ،،
يوم الأحد 15 يناير
رجع ولدي من المدرسة وحضني وقال لي : ماما ،، ماما .. بتوديني فيلاجيو اليوم ؟ .. قلت له اليوم ان شاءالله ،، فقال لي : خلاص انا بدرس وبدرس علشان اخلص دروسي وانروح عقب ما يرد ابوي من الشغل ،، قلت له : ان شاءاالله ،، اشوي تذكرت ان عندنا مشوار عائلي وكلنا بنروح له ،، فقلت له : اوه تعال اليوم ما نقدر ،، نسيت بنطلع بنروح بيت فلان ؟ ،، قال لي : ايه صح،، انزين ما يصير انروح الحين،،الله يخليج ماما لو سمحت خلينا انروح الحين ،، بدرس وانروح على طول ومب مطولين ،، قلت له : ماما حبيبي مافي وقت انروح فيلاجيو اليوم ،، بكرة ان شاءالله بوديك ولا يهمك من عيوني الثنتين ،، قال : ان شاءالله باجر بنروح :\،،
يوم الأثنين 16 يناير
رد من المدرسة تغدى وخلص ،، قال لي : ماما مب تنسين اليوم فيلاجيو اوكي ؟ ،، قلت له اووكي ولايهمك ،، قال لي : بروح ادرس " وايد يشجعني اخذه وانروح المكان اللي يبيه لما يردد علي بروح ادرس بروح ادرس " قلت له : اوكي روح ادرس ،، وهو طالع صاح جوالي رديت عليه ،، اختي تذكرني ان اليوم هو اليوم الثالث لعزى بيت فلان وما يصير ما رحنا لليوم :( قلت لها : عدل كلامج خلاص عقب المغرب بنروح ان شاءالله ،، سكرت من عندها ،، صوت على ولدي ،، ياني يركض وقال لي : هااا انروح اللحين ؟ قلت له : :( لا ما اقدر اوديك اليوم ،، لأني لازم اطلع مع خالاتك انروح انعزي،، قال لي: انزين عقب ما اتردين ،، قلت له: وين عقب ما انرد صعب يا ماما ،، اشرايك اقول حق اخوك يوديك ؟ قال لي : انا بقول له ,, اخوه اعتذر ،، وخواتي ناموا ووحدة تذكرت انها عندها موعد تحليل ،، وراح اليوم من غير ما نطلع او اوديه فيلاجيو ،، وعيونه تقول شكلي مب رايح فيلاجيو ولا باشتري الاغراض اللي ابيها :"(
ان شاء الله بكمل القصه بس زعلت على الولد....والله انا اولادي ما ينتظروا علي هالشكل ....بعملولي عرس يا جدتي ام السعف لو بتأخر عليهم كم يوم
عندي ولدي الصغير كل خمس دقايق بسألني متى بنروح...صحيح احنا راح نروح اليوم على....مش انت قلت انه احنا راح نروح اليوم .......مثل المسجل...كل ما يشوفني لحد ما ابي افتك منه و اروح و اخلص و طريقة الزن هذه تنفع معاي لاني استسلم على طول :shy:
الله يبارك لج في خوسيييه واخوانه ياااارب
بس تدرين وايد كسرتي خاطره كل يوم بكرة بكره فديته والله
ماشاء على عيالنا يعرفون ميسي وخوسيه واندرتيكر وشسمه ذاك نسيته المصارع اللي يحبه ولدي والله مدري شنو
قبل مانعرف الا منصور مفتاح وصوفي وخالد سلمان ويخب علينا ، ماتدرين يا ام السعف يمكن بيوم ولدج بمحبته لخوسيه يكون سبب في هدايته بإذن الله
khaldoon
24-01-2012, 11:39 PM
ما شاء الله قصه رائعه و حلوه يا ستي ام السعف
الله يخليلج خوسيه و اخوانه
استمتعت جدا بالقراءة و الاسلوب و حبيت خوسيه
الله يحفظه يا رب
حليتان*
25-01-2012, 12:34 AM
بس لفت إنتباهي يوم بنتـج قالت لج مابي أروح المدرسـه
قلتيلهـا أوكي :..
لكـن يوم ولدج قال مب رايـح ،، رفضتي !!
ليش :(
تصدق حتى امي جي :(
كانت ما ترضى نغيب بس اختي عادي :(
بس فالثانويه قمت احطها امام الامر الواقع واغيب :d
وبخصوص خووسيه قولي له يترك عنه برشلونه وميسي ما وراهم رجا
وخله مع الريال نادي نزيه ما يتعامل بالرشاوي :tease:
حليتان*
25-01-2012, 12:41 AM
الله يبارك لج في خوسيييه واخوانه ياااارب
بس تدرين وايد كسرتي خاطره كل يوم بكرة بكره فديته والله
ماشاء على عيالنا يعرفون ميسي وخوسيه واندرتيكر وشسمه ذاك نسيته المصارع اللي يحبه ولدي والله مدري شنو
قبل مانعرف الا منصور مفتاح وصوفي وخالد سلمان ويخب علينا ، ماتدرين يا ام السعف يمكن بيوم ولدج بمحبته لخوسيه يكون سبب في هدايته بإذن الله
اكيد جون سينا :sneaky:
يعني بتقنعيني انكم ما تعرفون هوقن :tease:
مراحل تطور الاطفال
رسوم متحركه
مصارعه
كوره
A l i
25-01-2012, 01:52 AM
اندمجت فيها وياتني النوده :p
الله يحفظ لج عيالج ويخليهم يارب
OTOsan
25-01-2012, 08:29 AM
هل خوسيه المقصود
هو خوسيه انطونيو رييس
اذا كان كذا فالولد ..ماشاء الله تبارك الله ..وسيم ..!
لان رييس احس ملامحه جايه على ممثل اكثر منها لاعب :)
عموما سلامي لخوسيه اولا والله يحفظه ويخليه لكم ..
والقصه طويله بشكل ..ثانيا ..
ثالثا .. انا احمل التكنولوجيا الحديثه والعولمة وتقريب المسافات مسؤولية تعلق خوسيه بميسي ، احنا زمان كان عندنا لعيبه مشهورين على مستوى بس ماكنا نحس ان احنا قراب منهم بهالطريقه .. يعني مثلا انا حبيت (ماركو فان باستن) حب جنوني ..وضميته بعيوني ...بس ماكان عندي طريقة اتواصل مع اخباره اول باول واسال عن علومه ....وهكذا ..! لين ما انكسر مسكين ولاعاد ترقع ..:(
ولكن الجيل الجديد بضغطة زر يحصل نفسه يغوص في عالم ميسي وامثال ميسي ،،
عموما ..خليه يشجع (فالنسيا) ..وله مني هديه:tooth:
الرويـس
25-01-2012, 08:34 AM
اهم شي ريال مدريد اخسروا
واليوم بعد
اكيد جون سينا :sneaky:
يعني بتقنعيني انكم ما تعرفون هوقن :tease:
مراحل تطور الاطفال
رسوم متحركه
مصارعه
كوره
ههههه ايه هذا هو جون سينا :nice:
هوغن الاصلع ماعرفته الا من ريلي لانه احيانا كان يشوف ايام زمان ، بس شفت ويهه مرة واحدة لانه مايرضى اشوف المصارعة :)
تحداني
25-01-2012, 08:50 AM
صباح الخير على الجميع
من ست الحسن والدلال نبدأ في رسم الحوار بلوحات الحوار العام
من خوسيه الطفل .. الى ذات خوسيه الناضج .. الى شخص يحمل فكر لم يأتي في ثواني معدوده
ولا حتى من خلال سماع كلام الكبار وردده كالصغار ..
طفل بهذا الوعي وبهذا النوع المتفرد والقليل من التفكير الي حول العشق الى ممارسه سلوكيه الى تواصل مع هذا العالم
يستوقفني طفل يحمل هالابعاد الكبيره من التفكير ..
ياخذج احيانا الى متاهات الحوار والى متاهات الاسئله ..
تلقينه احيانا يخنقج بالحيره .. يثيرج في طريقه ربط الاحداث ببعضها البعض
كلمه " ليش " اكثر كلمه احبها لما يرددها طفل
لان ليش تفتح ليشات كثيره .. وكلمه ليش معنى ان الاخر سيكون في خطر
الطفل لما يعشق شي .. يمكن بدأ هالحب معاه من خلال ممارسات الغير بمعنى يولد على صفحه بيضاء .. تتكون الرغبات والميول على حسب الاجواء وعلى حسب العالم الي حوله
عالم الكتروني كان ولا عالم كتابي ولا عالم فضائي ولا عالم مكتوب
من فينا ما يعرف البرشا
ومن فينا ما يعرف ريال مدريد
ومن فينا ساهي وناسي البرازيل والارجنتين ..
حولوا الغرب ثقافه الكوره على انها ثقافه شعب .. بخلاف البعض منا حولوها الى ثقافه الفرجان .. ومضيعه للوقت .. صقلوا مواهب وصقلوا مهارات .. وصقلوا اقدام ذهبيه
ومن خلالهم رفعوا شعارات كثيره .. ومن خلال الشعارات زادت رغبه اللعيبه في تمجيد حتى شعاراتهم الشخصيه .. ومثل ميسي او رونالدو .. او بيكهام .. او رونالدينهو .. او زين الدين زيدان .. تعاملوا مع الكوره على انها مهاره .. مب بس مهاره التعامل مع كوره دائريه الا خلقوا فن
تقدرين اتقولين اليوم لما اشوف اي مباراه ما يهمني من يفوز من يخسر .. لكن اكثر ما يثير استغرابي كيف يتعاملون مع الكوره .. لياقه .. فن .. متعه .. كلمات سحريه بحركات بهلوانيه .. قي ثواني
في هالثواني يقرر يرفع .. والثاني يصد .. والثالث يراوغ .. والرابع يستلم .. ومعاها ضربه ركنيه ولا اجمل ..ويجي ميسي يحطها برجله السحريه في زاويه 90 واحلى هدف .. وتعالي شوفي تعامل الحارس مع هالهدف .. يا سلام ولا احلى .. والبوب كورن طار في السماء
الله عليك ميسي :)
بالفعل ليت ميسي مسلم .. وليت غيرهم وغيرهم من نماذج انسانيه جميله مسلمين
ذكرني خلام خوسيه بكلام الوالده يوم ماتت " ديانا " قالت اشكثر ديانا طيبه
اشكثر يحبونها الفقراء .. اشكثر معطاءه .. اشكثر آدميه .. واشكثر هي صاحبه اعمال خيريه ..
واشكثر هي حلوه وانيقه .. ورقيقه ... ليتج متي وانتي مسلمه ..
تزعلين لما تشوفينهم في قدر كتب لهم الكفر
وفي قدر كتب لهم بفطره قد تكون نتاج اهاليهم يحملون الشرك
وتزعلين اكثر لما يقولون انهم سيخلدون في النار
شوفي ست الحسن والدلال .. ما احب حركات الامهات في التعامل مع لحظات " كلاسيكيه " حلوه في حياه العاشق الولهان مع حبيبه البرشا .. وخصمه المدريدي
لحظه انج تقررين اتقولين لا ما راح اتشوف تأكدي انج زعلتيه زعل مب بس جايد .. الا زعل قتل فيه حتى رغبه النوم .. ويمكن تمر ثواني يقول في خاطره .. ليش ما يحترمون ويقدرون حبي لهالمباريات ..
تخيلي ودج تكتبين .. ودج اتعبرين .. ودج بس اتحطين القلم على السطر لانج بالطبع تحسين بالمتعه .. اجي اطفي الليت .. ارمي الاوراق في سله المهلات .. اكسر الاقلام ..
وفوقها بعد كلمه " سخافه " اتوقع راح تكلمين نفسج الين ما اتنور الدنيا
لما تعرفين ان خوسيه عاشق ولهان .. فلازم وحتما تحترمين عشقه
شنو يعني دوام صباحي قدام موعد غرامي كلاسيكي
شنو يعني دوام صباحي قدام لعبه جميله من ميسي
سلمي على خوسيه سلام كثير .. وقوليله خالتك تحداني الزمن تقول لك البرشا وبس
وقوليله اكتب لميسي انك رائع .. وليتك كنت مسلم .. لان في الاسلام معاني ساميه كبيره
والكل يعشق انسانيتك .. وقدمك الجميل .. ونتمنى ان تكون رمز من رموز العطاء
تحيه من الدوحه .. لارض البرشا ..
قصه جميله جدا ..بألوان ذكرتني بما مضى
جملك الله برضاه
هتـان قطر
25-01-2012, 08:56 AM
ام السعف ضاع علي اليوم وانا اقرا القصة :nice:
اندمجت معاكم والله وحسيت اني في وسطكم
الله يحفظ خوسية واخوانه ويخليهم لج يارب
عندي واحد في نفس عمره ونفس اتجاهه بالضبط
بس عنيييييييييييد ياليت يتعرفون على بعض:)
استفدت من القصة ان الذاكرة عندي اشتغلت
ورجعت لايام الصغر يوم كنت انا واختي نتابع كاس العالم
اللي في الارجنتين ما ادري كان سنة 1978 ؟ اعتقد
وكنا من متابعي اللاعب الارجنتيني " كمبس "
وكثير من اللاعبين المشهورين اللي كنا نتابع اخبارهم
مع عدم وجود وسائل اعلاميه مثل الحين
كان اللاعب باولو روسي والحارس دينو زوف
وكنت ايطاليه بحته
جعل يسقى علينا والله :weeping:
ام السعف
25-01-2012, 11:09 AM
ماينلام خوسيه دام قلبه مع البرشا :shy:
حبيت القصة وايد ,,:victory:
ومرة ثانية اذا يبي اغراض ميسي ,, انا باروح اشتري له ,, ^ ^
http://img02.arabsh.com/uploads/image/2012/01/24/0d36464b64f0.jpg
واااااااااااااااااااااااو
لقينا سبونسر لمشتريات خوسيه
بو الجوري سجل عندك فايدة يديدة للقصة :shy:
على فكرة لسنوات كنت اميل الى تشجيع الريال علشان خاطر فيجو
لحد ماطلع وكانت ايامه نادر ما كانوا ينغلوب الريال بالشكل الغريب من عقبه
ويوم طلع تموا يعايروني ان الريال انغلب و انه وانه ،،
فكنت اقول لهم Pardon
عرباوية وبس :shy:
وانا حبيت مشاركتج وحبيت عرضج أكثر :p
الله يبارك لج في خوسيييه واخوانه ياااارب
بس تدرين وايد كسرتي خاطره كل يوم بكرة بكره فديته والله
ماشاء على عيالنا يعرفون ميسي وخوسيه واندرتيكر وشسمه ذاك نسيته المصارع اللي يحبه ولدي والله مدري شنو
قبل مانعرف الا منصور مفتاح وصوفي وخالد سلمان ويخب علينا ، ماتدرين يا ام السعف يمكن بيوم ولدج بمحبته لخوسيه يكون سبب في هدايته بإذن الله
ويبارك لج في الصغنونة واخوانها وكل من يعز عليج،،
خوسيه من النوع اللي عيونه تتكلم أكثر من لسانه في المواقف العميقة
في هالموقف لقيت لسانه يتكلم أكثر من عيونه لأنه أكيد أدرك ان
لغة العيون ما بيكون لها أثر كبير لو الظروف غلبتنا :(
فلا تلوموني :"(
تدرين ياضوى
احنا امي عرفتنا على محمد علي كلاي وكنا صغار كانت تقعدنا الفير
نصلي ونشجعه ونتابعه تدرين ليش ؟
لأنه مسلم ولازم انشجعه :(
كبرنا وحب محمد علي كلاي في قلوبنا صار ماضي ومن يومين
الام بي سي كانوا حاطين خبر عن الاحتفال بعيد ميلاده وقالوا ان محمد علي
كلاي صار ملاكم علشان يتعلم الملاكة وياخذ حقه من شخص سرقه
اعتقد اني سمعت هالشي :shy:
كبرنا وسيطرت كرة القدم على العقول :(
تاج قطر
25-01-2012, 11:14 AM
لا إله إلا الله وحده لا شريك له له الملك وله الحمد وهو على كل شيء قدير
تحداني
25-01-2012, 11:23 AM
[color="purple"]
الام بي سي كانوا حاطين خبر عن الاحتفال بعيد ميلاده وقالوا ان محمد علي
كلاي صار ملاكم علشان يتعلم الملاكة وياخذ حقه من شخص سرقه
اعتقد اني سمعت هالشي :shy:
:(
شفتي اشلون صار شكله .. والمرض واضح عليه
كسر خاطري محمد علي كلاي ..
جملك الله برضاه
ام السعف
25-01-2012, 11:24 AM
لا إله إلا الله وحده لا شريك له له الملك وله الحمد وهو على كل شيء قدير
والنعم بالله
شكرا على هالمشاركة العميقة:shy:
ام السعف
25-01-2012, 11:26 AM
شفتي اشلون صار شكله .. والمرض واضح عليه
كسر خاطري محمد علي كلاي ..
جملك الله برضاه
ايه شفته ،، وقلت ياالله كم هي الحياة قصيرة والزهايمر اخذ منه مأخذ
ربنا يرحمه برحمته ويعم علينا رحمته الواسعة
المقاول
25-01-2012, 11:30 AM
ام السعف
صراحة عورتني عيوني وماقدرت اقرأ كل شي .
المهم في القصة
مشاء الله عليج مديرة وربت منزل بالدرجة الاولى
almaf1a
25-01-2012, 11:33 AM
كل الامور تهون ولا يكسر البيت بتشوت الكورة
ولا يلام في حب ميسي فهو لاعب من كوكب اخر
ام السعف
25-01-2012, 11:41 AM
ام السعف
صراحة عورتني عيوني وماقدرت اقرأ كل شي .
المهم في القصة
مشاء الله عليج مديرة وربت منزل بالدرجة الاولى
عذرا ما كنت ادري ان عيونك بتنكسر والا كنت بحط فلتر للسطور:shy:
بو الجوري سجل عندك فايدة طلع فيها المقال ،،
جزاك الله كل خير يا اخوي المقاول ،،
كل الامور تهون ولا يكسر البيت بتشوت الكورة
ولا يلام في حب ميسي فهو لاعب من كوكب اخر
ليتات الحوش وكفرات المكيفات تكسرت بكورهم ،، لكن الكورة في السكن نفسه
ما ترتفع من مستوى الأرض وياما دخلت عليهم لقيتهم يلعبون كورة في مساحة
3 امتار في متر وربع وفي غرفة النوم :anger1:
اما مسي عالم سحري ويستحق الاشادة ،، وعلى قولة خوسيه
وهو يشرح لي طريقة تسجيله للهدف،،
ماما يااااسلام عليه لو اتشفينه اشلون عدى مابين اللعيبة مثل النملة
ولا شافوه ويااااب الجووووووووووووول ويااااسلاااام عليه
الله عليه والله :(............> هذا مسي الله عليه
ام السعف
25-01-2012, 12:00 PM
ان شاء الله بكمل القصه بس زعلت على الولد....والله انا اولادي ما ينتظروا علي هالشكل ....بعملولي عرس يا جدتي ام السعف لو بتأخر عليهم كم يوم
عندي ولدي الصغير كل خمس دقايق بسألني متى بنروح...صحيح احنا راح نروح اليوم على....مش انت قلت انه احنا راح نروح اليوم .......مثل المسجل...كل ما يشوفني لحد ما ابي افتك منه و اروح و اخلص و طريقة الزن هذه تنفع معاي لاني استسلم على طول :shy:
هلا بحفيدي خلدون ،،
خلنا نضيف فايدة لأخونا ابوالجوري واقول حسب خبرتي ،،
احنا بيدنا نخلي عيالنا حنانيين او راضيين بالوضع حتى لو نقدر بس ما نبي نسويه لهم ،،
خوسيه محاط مابين أم خلنا نقول شريرة وابو حنون مايرد له طلب ،، واخوان كبار
اثنين منهم مستقلين ماديا ،، طلباته اوامر ممكن ايأشر على أي شي وينحط جدامه ،،
طفل في ظروف خوسيه ممكن تلقاه دليع وعصبي ويصرخ ويزعل ويرضخ البيبان
وممكن يطول لسانه على اللي أكبر منه وبدمعة الكل يحاول يراضيه ففارق السن بين
وبين أكبر واحد قبله سبع سنين ،،" اشوف نماذج حية جدامي ،، والبعض يتكلم عنها "
اخوانه تربوا على اطلب بس لا اتحن وان حنيت مالك شي ابدا
وقبل لا ياخذون له اي شي حريصين يستشيروني هل يستحق او لا
مع انهم كانوا يرفضون هالاسلوب معاهم ويعدوني قاسية لكن اليوم
من نفسهم تلقائيا يكلموني ناخذ له او لا ،،
فاللي ابي اوصل له ،، يمكن هناك امور كثيرة خاطئة في اسلوب تربيتي
لكن في نقطة الحنة ما عانيت ابدا لا في المجمعات ولا في البيت ولا في بيت ابوي
يعرفون لا يعني لا ،، واذا يبي مطالباه تتنفذ لازم يطور نفسه علشان
يحصل على استثناء في المعاملة ،،
مرة يا اخوي خلدون كنت طالعة من بيت ابوي وخوسيه معاي في السيارة
وقال لي في بيت ابوي ابي امر الدكان اشتري ،، قلت له ان شاءالله من ايي
الدريول بخليه يوديك ،، واحنا طالعين من باب الحوش قال لي : ماما بروح الدكان
انزين ؟ قلت له : ان شاءالله يا حبيبي ،،ودخل راح اييب شي ،، ركبت السيارة
وقلت حق الدريول اول شي روح الدكان ،، رد خوسيه ركب السيارة حركنا
رحنا صوب الدكان زحمة صوب اللفة ،، الدريول قرر يروح من الشارع العام
اشوي الا خوسيه يقول : ماما انا ماقلت ابي اروح الدكان ؟ قلت له : تدري مافي دكان
وطلبت من الدريول يروح البيت مع بيننا وبين الدكان دقيقة في السيارة ،،
رد البيت وبوزه شبرين ولا نفس الا دموع في عيونه ومحمرة،، دخل سلم على ابوه
يقول له اشبلاك ،، قال ولا شي ابي انام ،، شافني قال لي اشبلاه خوسيه من طاقه
قلت له ما بلاه الا العافية كان يبي يروح الدكان وما خليته قال لي كلمته المشهورة
" مجرمة من يومج " وليش كسرتي بخاطره ؟ قلت له : كان يحن ،، خلاص بو العيال
سكت ولا علق ولا قال لي ليش ،، لأنه يعرف فايدة الحرمان في هالمواقف ،،
ما شاء الله قصه رائعه و حلوه يا ستي ام السعف
الله يخليلج خوسيه و اخوانه
استمتعت جدا بالقراءة و الاسلوب و حبيت خوسيه
الله يحفظه يا رب
منور يا ستو خلدون منور ،،
تحداني
25-01-2012, 12:04 PM
كل الامور تهون ولا يكسر البيت بتشوت الكورة
ولا يلام في حب ميسي فهو لاعب من كوكب اخر
اما هالمسي يذكرنب بالكابتن ماجد .. الي كنه نطنز عليه
انقول الحين في احد يسوي جي ويجيب هدف ابهالطريقه
وكل ما كانوا اخواني يبون يقلدونه .. المركز الصحي حليفهم
بس بس ميسي غير غيييير .. انت غير الناس عندي
اما مسي عالم سحري ويستحق الاشادة ،، وعلى قولة خوسيه
وهو يشرح لي طريقة تسجيله للهدف،،
ماما يااااسلام عليه لو اتشفينه اشلون عدى مابين اللعيبة مثل النملة
ولا شافوه ويااااب الجووووووووووووول ويااااسلاااام عليه
الله عليه والله :(............> هذا مسي الله عليه [/color][/quote]
عاد اسمعي صوت الهدف .. على طريق يوسف سيف
ولا اروع ولا اجمل ولا احلى .. اتحسين ابمتعه ومعنى ونوعيه الهدف
الله على العذال اشلون قاعدين في مكانهم واقلوبهم اتولع اسملى عليهم من الغيره والغبطه
كأن بلسان حالهم يقول " ليت .. وليت خوسيه مدريدي "
هذا يوم تاريخي في قسم الحوار العام
موضوع كلاسيكي .. راااااااائع
الله عليك مسي ..
بس تعالي كم مره فاز ميسي بكاس أفضل لاعب ؟؟
سمعت " الاغا يقول " اكثر لاعب حصل على احسن لاعب صج ؟؟
جملك الله برضاه
ام السعف
25-01-2012, 12:07 PM
تصدق حتى امي جي :(
كانت ما ترضى نغيب بس اختي عادي :(
بس فالثانويه قمت احطها امام الامر الواقع واغيب :d
وبخصوص خووسيه قولي له يترك عنه برشلونه وميسي ما وراهم رجا
وخله مع الريال نادي نزيه ما يتعامل بالرشاوي :tease:
هل تعتقد ان احنا الأمهات عنصريات نميل لبنات جنسنا على حساب الذكور حتى لو كانا فلذات اكبادنا :(
اما خوسيه انا لو اقدر عليه كان خليته عرباوي ،، اللي باقوه منا الريانيين في البيت
خواله السداويين باقوا واحد والريانيين في البيت باقوا لي واحد
ماصفينا الا 2 عرباوية في البيت ومستحيل نغير :telephone:
اندمجت فيها وياتني النوده :p
الله يحفظ لج عيالج ويخليهم يارب
يا بو الجوري ضيف فايدة يديدة،،
ويحفظ لك كل من يعز عليك يا علي
ومرسي على الحضور ،،
واليوم بعد
ايه واليوم بــعد :(
ام السعف
25-01-2012, 12:19 PM
اما هالمسي يذكرنب بالكابتن ماجد .. الي كنه نطنز عليه
انقول الحين في احد يسوي جي ويجيب هدف ابهالطريقه
وكل ما كانوا اخواني يبون يقلدونه .. المركز الصحي حليفهم
بس بس ميسي غير غيييير .. انت غير الناس عندي
ما ينلام خوسيه دام ان تحداني تتكلم عن جذيه:shy:
عاد اسمعي صوت الهدف .. على طريق يوسف سيف
ولا اروع ولا اجمل ولا احلى .. اتحسين ابمتعه ومعنى ونوعيه الهدف
الله على العذال اشلون قاعدين في مكانهم واقلوبهم اتولع اسملى عليهم من الغيره والغبطه
كأن بلسان حالهم يقول " ليت .. وليت خوسيه مدريدي "
هذا يوم تاريخي في قسم الحوار العام
موضوع كلاسيكي .. راااااااائع
الله عليك مسي ..
بس تعالي كم مره فاز ميسي بكاس أفضل لاعب ؟؟
سمعت " الاغا يقول " اكثر لاعب حصل على احسن لاعب صج ؟؟
جملك الله برضاه
ثلاث مرات توه العام خذ احسن لاعب
موضوع كلاسيكي والله عليك يا مسي هاااا !!
بصراحة يا آنستي الجميلة ،، ما اشوف المباراة وخاصة
لما تكون في غرفة ولدي ،، اشوف الكل يجتمع عنده خوالهم
العيال خوسيه وصوت ضحكهم الله لا يغير عليهم لين غرفتي سواء المكيف
شغال ولا مسكر ،،
توصلني المعلومات من خوسيه اللي مع كل جوول ايينا فوق
اللــــه عليه اللـــه عليه ،، وان كان يوسف سيف اكيد التعليق احلى
بس العيال ما يحبونه ويغيرونه :(
تحداني
25-01-2012, 12:25 PM
ثلاث مرات توه العام خذ احسن لاعب
تف تف تف عليه .. عين الحسود فيها دود
والله خطير هالولد
موضوع كلاسيكي والله عليك يا مسي هاااا !!
بصراحة يا آنستي الجميلة ،، ما اشوف المباراة وخاصة
لما تكون في غرفة ولدي ،، اشوف الكل يجتمع عنده خوالهم
العيال خوسيه وصوت ضحكهم الله لا يغير عليهم لين غرفتي سواء المكيف
شغال ولا مسكر ،،
توصلني المعلومات من خوسيه اللي مع كل جوول ايينا فوق
اللــــه عليه اللـــه عليه ،، وان كان يوسف سيف اكيد التعليق احلى
بس العيال ما يحبونه ويغيرونه :(
هو المباراه لما اتكون كلاسيكيه .. مب بس تسمعين اصوات وضحكات وحركات
والله.. الله .. الا تسمعين يمكن اصياح وضرب امضارب .. وما يكلمون بعض بعض الناس
لا اتقولين يسمعون تعليق التونس ما ادري الجزائري الي في الجزيره
ما اتذكر اسمه .. هو صح يقول كلام طيب
بس ابلع يوسف سيف اكثر .. احب اسمع تاريخ الكوره مع التعليق
اكثر من التعليق نفسه
ياخوفي يقولون لنا اشفيهم هالمسترجلات :shy:
والله دخلتينا جو مب جونا .. الا جو الله يحفظهم الشباب
الفيس الاخير والي جنبه اقوى شي لج ولخوسيه
ذبحني الاندرويد
:( تذكرتج امس وبغيت اكسر الجهاز
جملك الله برضاه
ام السعف
25-01-2012, 12:31 PM
هو المباراه لما اتكون كلاسيكيه .. مب بس تسمعين اصوات وضحكات وحركات
والله.. الله .. الا تسمعين يمكن اصياح وضرب امضارب .. وما يكلمون بعض بعض الناس
لا اتقولين يسمعون تعليق التونس ما ادري الجزائري الي في الجزيره
ما اتذكر اسمه .. هو صح يقول كلام طيب
بس ابلع يوسف سيف اكثر .. احب اسمع تاريخ الكوره مع التعليق
اكثر من التعليق نفسه
ياخوفي يقولون لنا اشفيهم هالمسترجلات :shy:
والله دخلتينا جو مب جونا .. الا جو الله يحفظهم الشباب
الفيس الاخير والي جنبه اقوى شي لج ولخوسيه
ذبحني الاندرويد
:( تذكرتج امس وبغيت اكسر الجهاز
جملك الله برضاه
لحد يتكلم عن الاندرويد ....> أزعل :( اشسوى لج قولي لي ؟؟!!
ماشاءالله اللي يجتمعون في غرفة ولدي كبار اصغرهم 32 سنة
وعيالي هم البعابيص قياسا بينهم ،، فمستحيل يتضاربون
بس ضحكهم وقرقعتهم وتعليقاتهم توصل فوق ،، وتلقين المدريدي منبلع
وساكت وماله حس والكل مستلمه .......> تبا لمثل هذه المواقف وسحقا لها ،،
الأستاذ
25-01-2012, 12:36 PM
بأختصار ..
ممتعة أختي أم السعف ..
لم أتصور أنني سأكملها .. وحين أنتهيت ..
تمنيت لو طالت ..
غريبة .. رغم بساطتها .. مُعقّدة ..
ام السعف
25-01-2012, 12:39 PM
اذا كان كذا فالولد ..ماشاء الله تبارك الله ..وسيم ..!
لان رييس احس ملامحه جايه على ممثل اكثر منها لاعب :)
عموما سلامي لخوسيه اولا والله يحفظه ويخليه لكم ..
والقصه طويله بشكل ..ثانيا ..
ثالثا .. انا احمل التكنولوجيا الحديثه والعولمة وتقريب المسافات مسؤولية تعلق خوسيه بميسي ، احنا زمان كان عندنا لعيبه مشهورين على مستوى بس ماكنا نحس ان احنا قراب منهم بهالطريقه .. يعني مثلا انا حبيت (ماركو فان باستن) حب جنوني ..وضميته بعيوني ...بس ماكان عندي طريقة اتواصل مع اخباره اول باول واسال عن علومه ....وهكذا ..! لين ما انكسر مسكين ولاعاد ترقع ..:(
ولكن الجيل الجديد بضغطة زر يحصل نفسه يغوص في عالم ميسي وامثال ميسي ،،
عموما ..خليه يشجع (فالنسيا) ..وله مني هديه:tooth:
ويخلي لك وليدك ...> ما ادري كم صار عددهم اليوم :shy:
ادري ان القصة طويلة فمن جذيه كتبت انها طويلة :secret:
ومن نقطة تحميلك التكنالوجيا السبب خلنا نضيف لابوجوري فايدة يديدة ،،
خوسيه قعد في وقت الكل نايم وراح في غرفة الكمبيوتر ،، ودخل الفيس بوك
ويمكن دخل جيمزر ويمكن شبك بالسكايب ويمكن شغل الماسنجر ويمكن ويمكن ويمكن
في ظل هاليمكنات ،، هالعالم الخطر اشلون انأم عيالنا فيه ؟
اشلون خوسيه متوفرة له كل هالأمور اللي متوفرة لكثيريين من الأطفال في قطر
ومافي وقت محدد للاستخدام ،، جواله تحت راسه وايباده في احضانه وايبوده
بين ريوله والواير لس شغال ،، واليهال في غرفة واولياء الأمور في غرفة ثانية،،
خوسيه شده ميسي غير خوسي ممكن تشده امور كثيرة في مواقع صاروا
اليهال يدخلونها بكل سهولة ابسطها يوتيوب وما ادراكم من مقاطع اليوتيوب :(
خلني يا صديقي القديم جدا اخليه يشجع العربي وعقب يصير خير :(
العقل الحر
25-01-2012, 12:39 PM
اليوم يوم الاثارة والمتعه
موعدكم مع الكلاسيكو
برشلونة وريال مدريد
الساعة 12 في الليل بتوقيت الدوحة
وطبعا لن تغمض العيون في وجود افضل لاعب في العالم
ليونيل اندريس ميسي ( ليو )
الرويـس
25-01-2012, 12:42 PM
بأختصار ..
ممتعة أختي أم السعف ..
لم أتصور أنني سأكملها .. وحين أنتهيت ..
تمنيت لو طالت ..
غريبة .. رغم بساطتها .. مُعقّدة ..
الله يهديك
صار لنا موسم 2010/2011 نقنعها في انها تختصر
وبدينا نخطو خطوات جيده في عملية تقنين كتاباتها وردودها
جيت انت وهدمت ما بنيناه
الحين من بيمسكها ؟
_______________________________
موسم 2010/2011 شهد تقدم واضح .. وما قبله كانت النكسات.
almaf1a
25-01-2012, 12:44 PM
نمله عاد يا ام السعف
النمله بطيئة وميسي لين اسلتم الكورة يصير زهبه
قوليله يسمونه البرغوث وهو اسرع من النمله بواجد
وسرعته تعادل سرعة الطلقه الناريه
http://syria2u.com/vb/imgcache/10802.imgcache.jpg
شكله كيوووت:nice:
العقل الحر
25-01-2012, 12:49 PM
نمله عاد يا ام السعف
النمله بطيئة وميسي لين اسلتم الكورة يصير زهبه
قوليله يسمونه البرغوث وهو اسرع من النمله بواجد
وسرعته تعادل سرعة الطلقه الناريه
http://syria2u.com/vb/imgcache/10802.imgcache.jpg
شكله كيوووت:nice:
اللقاب ميسي
هي البرغوث والزئبق
وهي مشهورة جدا منذ سنه 2005
ولقب محاور النمل هذا من عندي له
يستاهل ليو
ام السعف
25-01-2012, 12:51 PM
بأختصار ..
ممتعة أختي أم السعف ..
لم أتصور أنني سأكملها .. وحين أنتهيت ..
تمنيت لو طالت ..
غريبة .. رغم بساطتها .. مُعقّدة ..
في كل مشاركة في هالموضوع اشعر بسعادة أكبر ....> ما ادري اشكبر بتصير هالسعادة
ممكن اوزعها على اللي يعاني من قلتها في نفسه :shy:
كل مشاركة من غير استثناء ابدا بداية بوطن وابوالجوري مرورا بكل من دخل
وصولا لك استاذنا وترحيبا بكل من بيدخل عقبك ،، اجد سعادة في التعامل مع حروفهم
ومشاركاتهم ،، واجد متعة في التعامل مع المشاركات اللي الكثير منها التعامل معاها
كان من الأعماق وما يخرج من الأعماق يترك في الأعماق مكانا اكبر لاستقبال
كل انواع المشاركات بشكل عام ،،
وما بالك قلم حسب ما وصلني انه يتجنب مناقشتي :telephone:
نعم اقول ان القصة معقدة جدا ،، مب محصورة فقط في اسم خوسيه وطفولته
قصة كتبتها واشعر فيها الكثير من التناقضات اللي نعيشها في حياتنا الخاصة
ولكن مع هذا رحمة ربنا وسعت كل شي ،، والنوايا الحسنة قادرة على كسب
رضا رب العالمين ،،،
فالحمدلله رب العالمين على كل شي وعلى تواجدكم جميعا هنا ،،
كلنا قطر 1981
25-01-2012, 12:56 PM
سيتو الحجه ام السعف
يعطيج 1000 عافيه على القصه الي بصراحه كانت جد حلوه و انا في اكثر من مره كنت اضحك على طريقج في التعبير و الكتابه لانها بكل صراحه لامست طريقة التربيه الي تربينا عليها من مماطله في تنفيذ الطلبات و الحث على الدراسه مقابل طلعه او نزه يقدموها لنا اهلنا
عسى ربي يحفظ لج اعيالج كلهم و كنت اتمنى انج تذكرين اسمه احسن من خوسيه
اتعتينا بقصتج عسى ربي يمتعج بعيالج و ابوهم و يحفطكم كلكم و كل المسلمين من كل شر
تحياتي لج و اسرتج الكريمه :victory:
ام السعف
25-01-2012, 01:05 PM
اللقاب ميسي
هي البرغوث والزئبق
وهي مشهورة جدا منذ سنه 2005
ولقب محاور النمل هذا من عندي له
يستاهل ليو
هو ما انتبه ليش خوسيه قال عنه نملة
تابعي ردي عليه :telephone:
الله يهديك
صار لنا موسم 2010/2011 نقنعها في انها تختصر
وبدينا نخطو خطوات جيده في عملية تقنين كتاباتها وردودها
جيت انت وهدمت ما بنيناه
الحين من بيمسكها ؟
_______________________________
موسم 2010/2011 شهد تقدم واضح .. وما قبله كانت النكسات.
ها ها ها
ها ها ها ....> اضحك من صجي
اعجبتني كلمة النكسات حسيت مدى معاناتك وانت تكتب لي اختصري:(
طيب انتظر الجزء الثاني من سوالف خوسيه ،، في ردي على هتان :(
ابي رايك في تفكيره ...> مهم جدا رايك :( والمصطلح المناسب لتفكيره ،،
نمله عاد يا ام السعف
النمله بطيئة وميسي لين اسلتم الكورة يصير زهبه
قوليله يسمونه البرغوث وهو اسرع من النمله بواجد
وسرعته تعادل سرعة الطلقه الناريه
http://syria2u.com/vb/imgcache/10802.imgcache.jpg
شكله كيوووت:nice:
ايه نملة ،، هو بتفكيره كطفل ،، يشوف اشلون النملة اتمر ومافي حد يحس فيها
اول ما قال لي نملة ،، قلت بل بينداس ،، لكن لما عادوا الهدف وشفته ،
شفت تمويهاته ما شاءالله تبارك الرحمن وعجز الثانين عن الحركة كأنهم ما يشوفونه
فتعمقت في وصفه شفت عقله صحيح في تفسيره فهو يمر كأنه ما ينشاف ويتحرك
بحرية وسط مجموعة مب قليلة من اللعيبة ،،
مرتبش
25-01-2012, 01:13 PM
كنت ادري ان الموضوع طويل
لكن قلت باحاول اقراه..وقريت معظمه
اهم النقاط هي الوفاء بالوعد مع الاطفال..ومع الكل
شي صعب لأكثرنا يمكن بالتدريب المستمر واخذ الوقت المناسب للتفكير بعواقب ردودنا وقرارتنا نحلحل الوضع شوي
النقطة الاخرى هي التعلق بالشخصيات المشهورة من لاعبين وفنانين وغيره.. طبيعي هالتعلق وميسي اشوى من جستن بيبر ..
شوية نقاش عن كون هالشخصية المشهورة في النهاية انسان يخطئ ويصيب وقد تكون شخصيته الحقيقية سيئة لكنه لاعب فنان.. نحب لعبه وحركاته في الملعب ونتابعه وماعلينا من حياته
khaldoon
25-01-2012, 01:16 PM
هلا بحفيدي خلدون ،،
يعرفون لا يعني لا ،، واذا يبي مطالباه تتنفذ لازم يطور نفسه علشان
يحصل على استثناء في المعاملة ،،
قلت له : كان يحن ،، خلاص بو العيال
سكت ولا علق ولا قال لي ليش ،، لأنه يعرف فايدة الحرمان في هالمواقف ،،
منور يا ستو خلدون منور ،،
بارك الله فيكي يا سيتي على هذه المشاركة المميزه...ما شاء الله عليكي ... ومنكم نستفيد
مدرسة في التربية و التطوير
مع اني فعلا اتبع هالاسلوب اللي ذكرتيه فوق بس الظاهر اني اتبعه من غير ما انتبه فعلا و مب بتركيز كبير و الحين انت لفتي انتباهي لاهميته و الله يجزيكي كل خير على هذه النصيحه المميزه
اعجبني في قصتج الاسلوب اللي وصلتي فيه الاحساس الجميل في التواصل و الترابط العائلي بينكم وبين بعض و الله يحفظكم و يخليكم كلكم لبعض و يحفظ خوسيه و يحميه يا رب
ام السعف
25-01-2012, 01:21 PM
سيتو الحجه ام السعف
يعطيج 1000 عافيه على القصه الي بصراحه كانت جد حلوه و انا في اكثر من مره كنت اضحك على طريقج في التعبير و الكتابه لانها بكل صراحه لامست طريقة التربيه الي تربينا عليها من مماطله في تنفيذ الطلبات و الحث على الدراسه مقابل طلعه او نزه يقدموها لنا اهلنا
عسى ربي يحفظ لج اعيالج كلهم و كنت اتمنى انج تذكرين اسمه احسن من خوسيه
اتعتينا بقصتج عسى ربي يمتعج بعيالج و ابوهم و يحفطكم كلكم و كل المسلمين من كل شر
تحياتي لج و اسرتج الكريمه :victory:
ويعطيك كل العوافي ،، كلنا تقريبا تربينا بالطريقة هذي ،، يمكن احنا العسو والعصا والزنوبة تكرم والشوتات والتكفخ كانت اتداعب اطرافنا ،، لكن اليوم نقول جزاهم الله كل خير شلونا وكبرونا ،،
اما بخصوص اسمه ،، شخصيا ما افضل وعندي تحفظ جدا على ذكر اساميهم
وربنا يجزيك كل خير ورحم الله والديك على هالدعاوي الحلوة
كنت ادري ان الموضوع طويل
لكن قلت باحاول اقراه..وقريت معظمه
اهم النقاط هي الوفاء بالوعد مع الاطفال..ومع الكل
شي صعب لأكثرنا يمكن بالتدريب المستمر واخذ الوقت المناسب للتفكير بعواقب ردودنا وقرارتنا نحلحل الوضع شوي
النقطة الاخرى هي التعلق بالشخصيات المشهورة من لاعبين وفنانين وغيره.. طبيعي هالتعلق وميسي اشوى من جستن بيبر ..
شوية نقاش عن كون هالشخصية المشهورة في النهاية انسان يخطئ ويصيب وقد تكون شخصيته الحقيقية سيئة لكنه لاعب فنان.. نحب لعبه وحركاته في الملعب ونتابعه وماعلينا من حياته
مراحب يا المرتبش ....> واسمح لي من خلال ردي هذا اعتذر عن عدم ردي عليك للحين في اخر موضوع طرحته وان شاءالله برجع له في اقرب فرصة ،،
ومن ثم نقول لأبوالجوري ،، شوف الفايدة اللي طلع فيها المرتبش واخوان كثيرين
وهي اهمية ايفاء الوعود مع الأطفال ،،
اتفق معاك ان التعليق طبيعي بحكم طبيعة البيئة اللي يعيشها هالطفل ،،
ولكن المصيبة لما هالطفل ما يلقى حد ياخذ بيده ويكبر على تعلق بكل ماهو غربي
وينسى اي شي شخصيات اسلامية :( ،، واحنا في زمن صار الطفل ما يعرف عن دينه
غير الشهادتين واسم رسوله للأسف الشديد :( الا من رحم ربي ،، حتى مع الناهج في المدارس
نلقى معلومات كثيرين من الأطفال فقيرة في هالمجال لدرجة :weeping:
ام السعف
25-01-2012, 01:23 PM
بارك الله فيكي يا سيتي على هذه المشاركة المميزه...ما شاء الله عليكي ... ومنكم نستفيد
مدرسة في التربية و التطوير
مع اني فعلا اتبع هالاسلوب اللي ذكرتيه فوق بس الظاهر اني اتبعه من غير ما انتبه فعلا و مب بتركيز كبير و الحين انت لفتي انتباهي لاهميته و الله يجزيكي كل خير على هذه النصيحه المميزه
اعجبني في قصتج الاسلوب اللي وصلتي فيه الاحساس الجميل في التواصل و الترابط العائلي بينكم وبين بعض و الله يحفظكم و يخليكم كلكم لبعض و يحفظ خوسيه و يحميه يا رب
ويبارك فيك ستي خلدون ،، وبعودتك للتعقيب ،،
الله لا يغير علينا ولا عليكم يارب وينعم على الجميع نعمة الاستقرار والهدوء
ام السعف
25-01-2012, 01:43 PM
صباح الخير على الجميع
من ست الحسن والدلال نبدأ في رسم الحوار بلوحات الحوار العام
مساء الأنوار يا مرحبا ومسهلا ،،
من خوسيه الطفل .. الى ذات خوسيه الناضج .. الى شخص يحمل فكر لم يأتي في ثواني معدوده
ولا حتى من خلال سماع كلام الكبار وردده كالصغار ..
طفل بهذا الوعي وبهذا النوع المتفرد والقليل من التفكير الي حول العشق الى ممارسه سلوكيه الى تواصل مع هذا العالم
هكذا هم اطفال اليوم يا تحداني
يستوقفني طفل يحمل هالابعاد الكبيره من التفكير ..
ياخذج احيانا الى متاهات الحوار والى متاهات الاسئله ..
تلقينه احيانا يخنقج بالحيره .. يثيرج في طريقه ربط الاحداث ببعضها البعض
كلمه " ليش " اكثر كلمه احبها لما يرددها طفل
لان ليش تفتح ليشات كثيره .. وكلمه ليش معنى ان الاخر سيكون في خطر
بالفعل ،، ليش ؟ ليش ؟ او شنهو ؟ او اشمعنى ؟
كلمات كثيرا يستخدمها في كلامه او في تدريسه ،، تعال يا خوسيه سمع هالسورة
وهو يقرأ ،، والعاديات ضبحا يوقف ويسأل " ماما شنهو العاديات " ؟
من وين اكتسب هالطفل مثل هالإسئلة ؟ ،، ارجع اقول من البيت ونضيف لأبو الجوري
فايدة يديدة ونقول ،،
من حق الطفل انه يعرف شلي ينطقه ويعرف اشتعني هالكلمة واشتعني الكلمة الثانية
ويفهم ليش الاجابة هذي لازم تكون صح وغيرها لا ،، وليش الأسد ملك الغابة وليش
يسمونه الكسول مع انه قوي ،، وليش هالمرض سوى هالشي ،،
لما نتعامل مع فكر الطفل ونحترم حقه في اكتساب عمق وابعاد الكلمة شي طبيعي راح
نلقى طفل يحط لنا ملايين الليشات واحنا نتكلم معاه " وخاصة لو حب يضيع وقتنا ووقته " :(
الطفل لما يعشق شي .. يمكن بدأ هالحب معاه من خلال ممارسات الغير بمعنى يولد على صفحه بيضاء .. تتكون الرغبات والميول على حسب الاجواء وعلى حسب العالم الي حوله
عالم الكتروني كان ولا عالم كتابي ولا عالم فضائي ولا عالم مكتوب
من فينا ما يعرف البرشا
ومن فينا ما يعرف ريال مدريد
ومن فينا ساهي وناسي البرازيل والارجنتين ..
شي طبيعي اكتسب حبه من خلال البيئة المحيطة
الكل صار يعرفهم ،، واذا سافروا وحبوا يهدونه اييبون لها بدلات برشولونة والبرازيل او قمصان مكتوبة عليه اسمه ويختار اعلام الدول اللي يشجعها :(
حولوا الغرب ثقافه الكوره على انها ثقافه شعب .. بخلاف البعض منا حولوها الى ثقافه الفرجان .. ومضيعه للوقت .. صقلوا مواهب وصقلوا مهارات .. وصقلوا اقدام ذهبيه
ومن خلالهم رفعوا شعارات كثيره .. ومن خلال الشعارات زادت رغبه اللعيبه في تمجيد حتى شعاراتهم الشخصيه .. ومثل ميسي او رونالدو .. او بيكهام .. او رونالدينهو .. او زين الدين زيدان .. تعاملوا مع الكوره على انها مهاره .. مب بس مهاره التعامل مع كوره دائريه الا خلقوا فن
فن وبزنس ومافيا و اصابات ومؤامرات و... و ....
كل شي كل شي صار في كورة القدم ،، عيل لازم خمور وبنات في قطر علشان بطولة كاس العالم 2022 :"(
تقدرين اتقولين اليوم لما اشوف اي مباراه ما يهمني من يفوز من يخسر .. لكن اكثر ما يثير استغرابي كيف يتعاملون مع الكوره .. لياقه .. فن .. متعه .. كلمات سحريه بحركات بهلوانيه .. قي ثواني
في هالثواني يقرر يرفع .. والثاني يصد .. والثالث يراوغ .. والرابع يستلم .. ومعاها ضربه ركنيه ولا اجمل ..ويجي ميسي يحطها برجله السحريه في زاويه 90 واحلى هدف .. وتعالي شوفي تعامل الحارس مع هالهدف .. يا سلام ولا احلى .. والبوب كورن طار في السماء
الله عليك ميسي :)
اللي يتذوق الشي غير عن اللي يتعنصر " وشو يتعنصر " ؟ :(
بالفعل ليت ميسي مسلم .. وليت غيرهم وغيرهم من نماذج انسانيه جميله مسلمين
ذكرني كلام خوسيه بكلام الوالده يوم ماتت " ديانا " قالت اشكثر ديانا طيبه
اشكثر يحبونها الفقراء .. اشكثر معطاءه .. اشكثر آدميه .. واشكثر هي صاحبه اعمال خيريه ..
واشكثر هي حلوه وانيقه .. ورقيقه ... ليتج متي وانتي مسلمه ..
انا تمنيت باتيستوتا يكون مسلم ،، لأني لما قريت مدى تمسكه في دياناته ،، قلت مسكين متمسك في شي غلط :(،، واحنا بدل مانكون سبب في هدايتهم نكون سبب في تشجيعهم على شي ما يفيدهم ولا يفيدنا :(
تزعلين لما تشوفينهم في قدر كتب لهم الكفر
وفي قدر كتب لهم بفطره قد تكون نتاج اهاليهم يحملون الشرك
وتزعلين اكثر لما يقولون انهم سيخلدون في النار
:weeping:
شوفي ست الحسن والدلال .. ما احب حركات الامهات في التعامل مع لحظات " كلاسيكيه " حلوه في حياه العاشق الولهان مع حبيبه البرشا .. وخصمه المدريدي
لحظه انج تقررين اتقولين لا ما راح اتشوف تأكدي انج زعلتيه زعل مب بس جايد .. الا زعل قتل فيه حتى رغبه النوم .. ويمكن تمر ثواني يقول في خاطره .. ليش ما يحترمون ويقدرون حبي لهالمباريات ..
مجبرين يا تحداني ما نقدر انخلي حياتهم ماشية على كيفهم ،، لأنهم اول من بيحملنا سوء حالهم لا سمح الله في المستقبل :(
تخيلي ودج تكتبين .. ودج اتعبرين .. ودج بس اتحطين القلم على السطر لانج بالطبع تحسين بالمتعه .. اجي اطفي الليت .. ارمي الاوراق في سله المهلات .. اكسر الاقلام ..
وفوقها بعد كلمه " سخافه " اتوقع راح تكلمين نفسج الين ما اتنور الدنيا
:weeping:
لما تعرفين ان خوسيه عاشق ولهان .. فلازم وحتما تحترمين عشقه
شنو يعني دوام صباحي قدام موعد غرامي كلاسيكي
شنو يعني دوام صباحي قدام لعبه جميله من ميسي
كلمة اعشق يا عزيزتي تحداني ،، ارفض ربطها بأي علاقة غير علاقة الرجل بالمرأة ،، بنتي من يومين عندها موضوع انشاء عن الأم،،قالت لي ممكن تقرين لي اللي كتبته ؟ قلت لها ممكن بس ممكن تتقبلين تصحيحي؟ قالت لي بكل رحابة صدر ممكن طبعا ،، قريت وصححت لين وصلت عند أمي ،، حبيتي ،، اعشقك يا سيدتي ،، توقفت عند كلمة اعشقك وايد ،، قلت لها : ماما حبيتي هالكلمة ابدا لا تستخدمينها في غير مكانها الصحيح ،، العشق معنه وصال والوصال يعني علاقة رجل بمرأة ،، لقيت نفسي احس باحراج وانا اقولها مب بسبب طبيعتي لا ،، بسبب طبيعتها الخجولة ،، قلت لها اكيد تقرين واحد كاتب اعشق الله واعشق الدين ،، هذي من المصطلحات اللي نستخدم في غير مكانها ،، فابتعدي عنها واكتبي ،،
أمي ،، حبيتي ،، أحبك يا سيدتي ،، ابتسمت وقالت كأنه رسوم متحركة :shy:
سلمي على خوسيه سلام كثير .. وقوليله خالتك تحداني الزمن تقول لك البرشا وبس
وقوليله اكتب لميسي انك رائع .. وليتك كنت مسلم .. لان في الاسلام معاني ساميه كبيره
والكل يعشق انسانيتك .. وقدمك الجميل .. ونتمنى ان تكون رمز من رموز العطاء
من عنوني ،، اقتراحج وايد حلو ،، بطلب منه يكتب هالشي ،،وبخليه موضوع فقرة اللغة الإنجليزية ،،
تحيه من الدوحه .. لارض البرشا ..
قصه جميله جدا ..بألوان ذكرتني بما مضى
جملك الله برضاه
على فكرة يا تحداني ،، تراه غايب اليوم ،، ادعى المرض ،، وقام على الساعة 8 وطلب بوري وجباتي ،، ولما قعدت من النوم ،، قال لي شوفي انا كتبت فقرة عن نفسي بالانجليزي ،، ودخلت
xel وحليت وحصلت هالشهادة ،، بقى بس احفظ سورة المزمل ويبي هديته لو حفظها يشوف المباراة اليوم :(
ام السعف
25-01-2012, 03:16 PM
ام السعف ضاع علي اليوم وانا اقرا القصة :nice:
اندمجت معاكم والله وحسيت اني في وسطكم
الله يحفظ خوسية واخوانه ويخليهم لج يارب
عندي واحد في نفس عمره ونفس اتجاهه بالضبط
بس عنيييييييييييد ياليت يتعرفون على بعض:)
خليه يصادقني بينسى العند .....> :sneaky:
طيب شوفي سوالف خوسيه وعقب قرري اتخلينه مع ولدج العنيد او لا ،،
1- كنا في السيارة وبما ان اخوه الكبير مب موجود نسمح له يقعد جدام ،، كنا حاطين على صوت القرآن الكريم ،، وكانوا حاطين الشيخ السديس ،، فمن ضمن كلامنا واحنا نتكلم وصلنا ان تكملنا عن المشايخ ومكانتهم قال انا لكبرت بصير امام في مكة مثل الشيخ سديس ،،
قلنا له ما يخلونك قال ليش ؟ قلت له : لأنك مب سعودي ، قال لي : الحين كلهم سعوديين اللي في الحرم؟ قلت له معلوم كلهم سعوديين ،، قال لي : الشيخ ماهر سعودي ؟ قلت له : ايه ،، الشيخ الشريم سعودي ؟ قلت له ايه ،، قال لي والشيخ ياسر الدوسري سعودي؟ قلت له : ايه سعودي بس ما يقرأ في الحرم لكن ممكن يقرأ مع الأيام ،، قال لي والشيخ : ادريس ابكر سعودي ؟ قلت له : لا مب سعودي ،،سمعت انه يمني وما اعتقد يعطونه ،،
قال خلاص انا بصير سعودي :secret:،، هم اشلون صاروا سعوديين :weeping:،، قلت له حتى لو صرت سعودي ما بيخلونك ،، الشيخ احمد العجمي سعودي وقريت ان ما عطوه شرف الإمامة في بيت الله في مكة ،، فانت لازم تكون سعودي خليص ،، لكن مع هذا ما تدري الله اشيعطيك لما تكبر انت احفظ وافهم القرآن يمكن تكون احسن من اللي من المشايخ اللي في مكة كلها ،، قال ان شاءالله ،،
************************************************** *************
2- وبنفس السيارة وبمشوار ثاني ياب العيد هالمرة ،، سألنا شنهو يعني ولي العهد ،، قلت له من أميرنا ؟ قال الشيخ حمد ،، قلت له : من ولي العهد قال الشيخ تميم ؟ قال لي انزين الشيخ حمد اايش يشتغل ؟ والشيخ تميم ايش يشتغل ؟ قلت له الأمير يشتغل أمير ،، يدير البلاد ويعين الوزراء ويصدر قرارات ،، وولي العهد مثل أميرنا لما يسافر ،، يخلي ولده الشيخ تميم مكانه ،، يصدر قرارات ويتابع أمور الدولة ،،
قال احنا أمير والإمارات اشعندهم ،، قلت له رئيس دولة ،، والسعودية عندهم ملك والبحرين ملك والكويت امير وعمان سلطان ،، قال لي ايه شسمهم اللي كانوا يقولون الشعب يريد اسقاط النظام كان عندهم رئيس شسمه كان ؟ قلت له حسني مبارك ،، قلت له بس مصر اسمها جمهورية مصر ،، والإمارات اسمها دولة الإمارات العربية المتحدة ،، وكل يختار اللي يناسب بلاده ،،
على طول قال :
قال انا اذا كبرت بدرس وباشتغل أمير :secret:،، مثل الشيخ حمد ،، :eek5: OMG شنهو ادرس علشان اصير امير ؟؟!! يالهوي بالي ،،قلت له ما يصير تصير أمير ،، قال لي عيل اشلون الشيخ حمد صار أمير ،، قلت له ابوه كان أمير وهو بيصير أمير وولده او اخوه بيصيرون أمراء،، وقلت له بعدين لازم تكون من آل ثاني علشان تصير أمير في قطر ،، قال لي بغير عايلتي وبخليها آل ثاني ،، قلت له ما يخلونك وبعد آل ثاني ما بيوافقون لك تتلزق فيهم :secret:،، قال لي بكلم الأمير بيوافق لي ،،
على طول كلمت وحدة من بنات آل ثاني ،، قلت لها اشهدي تراني مالي خص ،،ولدي سالفته كيت وكيت ويبي يقابل الأمير ويقول له ابي اصير آل ثاني علشان لكبرت اصير أمير ،، اللهم اني ابري نفسي من كلامه ،، لحد يقول انها تربيتي :weeping:،، ،،
اشلون ننصحه واشلون انفهمه ان الكلام في مثل هالأمور من الخطوط الحمرة الثقيلة اللي ممكن اتطير فيها روس ،،ما كنت ابي اخوفه وارهبه ،، بس قلت له شوف ماما،، ما يصير تكون أمير الا اذا الأمير قال خلوه " أمير " وبعدين لو صرت أمير ترى ما تقدر تعيش حياتك عادي كله شغل شغل شغل شغل :(...> ابي اقنعه يشل هالفكرة ،، مرت اللحظات وعقبها الدقايق والساعات ولا عاد التخصص مرة ثانية على لسانه
" قال ايش قال لكبرت بدرس علشان اصير أمير "
************************************************** *************
3- عاد هالثالثة ام المصايب " استغفر الله العظيم من كل ذنب عظيم "
له فترة كان يقول لي : تدرين انج في الجنة كل شي تحصلينه وتلقينه او تتمنينه ؟
قلت له ايه ادري ،، انت مجرد ما اتفكر في الشي تحصله جدامك ،،
قال لي :eek5: يعني من غير ما اطلبه ؟ قلت له من غير ما تطلبه ،، قال لي ومن يسوي هالشي ؟ قلت له :الله سبحانه وتعالى يسوي هالشي ،، قال اي شي اي شي ،، لعبة بيت أكل ،، قلت له :حتى اشياء ما تخطر لك على باال ،، عقب سألني ماما الله وين موجود ؟؟،،
اول شي قلت له فوق ،، وعقب تذكرت ان غلط نقول الله فوق،، قلت له الله في كل مكان ،، معانا في كل مكان فوق تحت الأرض ،، تنخش في الكبت الله معاك تنخش في البحر الله معاك في كل مكان الله ،، قال يشوفنا ؟ قلت له يشوفك ويسمعك ويعرف انت اشتبي تقول : لما نقول ان الله سميع عليم ،، يعني يسمع اللي انت تبي تقوله ويعلم اللي انت تبي اتسويه في قلبك ،، قال كل شي يعرفه حتى لو ما تكلمت ؟ يعني الحين يعرف شنهو في قلبي ؟ قلت له ايه يعرف شنهو في قلبك ،،سكت اشوس وعقب قال : ياليت أكون اللـه :swoon:
تبينه يصادق ولدج ؟:secret:
والله حبيي هالخوسيه عليه سوالف عجيبة :shy:
استفدت من القصة ان الذاكرة عندي اشتغلت
ورجعت لايام الصغر يوم كنت انا واختي نتابع كاس العالم
اللي في الارجنتين ما ادري كان سنة 1978 ؟ اعتقد
وكنا من متابعي اللاعب الارجنتيني " كمبس "
وكثير من اللاعبين المشهورين اللي كنا نتابع اخبارهم
مع عدم وجود وسائل اعلاميه مثل الحين
كان اللاعب باولو روسي والحارس دينو زوف
وكنت ايطاليه بحته
جعل يسقى علينا والله :weeping:
احنا لعيبة قطر وبعض لعيبة الخليج كنا نعرفهم ،، لكن عالميا
كان راس مالنا بيليه ومارادونا واشوي لعيبة دخلهم اخوي علينا
مثل زيكو وسقراط وبلاتيني ،،
شفت اخوي يشجع المانيا شجعتهم ،، وعقب صرت ارجنتينة علشان مارادونا
ياربي مافين وفى كلش :(
لكن وفية مع العربي حتى لو الغوا هالنادي من خارطة العالم :shy:
ولا لي اهتمامات لمتابعة الكورة اليوم ولا لي خلق اتابعهم :rolleyes2:
العقل الحر
25-01-2012, 03:45 PM
اللقاب ميسي
هي البرغوث والزئبق
وهي مشهورة جدا منذ سنه 2005
ولقب محاور النمل هذا من عندي له
يستاهل ليو
[QUOTE=ام السعف;7951574]هو ما انتبه ليش خوسيه قال عنه نملة
تابعي ردي عليه :telephone:
:whistling::waiting::deal::con2:
[QUOTE=ام السعف;7951970]
3- عاد هالثالثة ام المصايب " استغفر الله العظيم من كل ذنب عظيم "
قال لي :eek5: يعني من غير ما اطلبه ؟ قلت له من غير ما تطلبه ،، قال لي ومن يسوي هالشي ؟ قلت له :الله سبحانه وتعالى يسوي هالشي ،، قال اي شي اي شي ،، لعبة بيت أكل ،، قلت له :حتى اشياء ما تخطر لك على باال ،، عقب سألني ماما الله وين موجود ؟؟،،
اول شي قلت له فوق ،، وعقب تذكرت ان غلط نقول الله فوق،، قلت له الله في كل مكان ،، معانا في كل مكان فوق تحت الأرض ،، تنخش في الكبت الله معاك تنخش في البحر الله معاك في كل مكان الله ،، قال يشوفنا ؟ قلت له يشوفك ويسمعك ويعرف انت اشتبي تقول : لما نقول ان الله سميع عليم ،، يعني يسمع اللي انت تبي تقوله ويعلم اللي انت تبي اتسويه في قلبك ،، قال كل شي يعرفه حتى لو ما تكلمت ؟ يعني الحين يعرف شنهو في قلبي ؟ قلت له ايه يعرف شنهو في قلبك ،،سكت اشوس وعقب قال : ياليت أكون اللـه :swoon:
أم خوسيه حبيبتي ..
اقري هالفتوة .. ولا عاد تردين على الولد إلا لما تكونين متأكدة ..
ذكرت قصة في إحدى الإذاعات، تقول: إن ولدا سأل أباه عن الله فأجاب الأب بأن الله موجود في كل مكان. السؤال: ما الحكم الشرعي في مثل هذا الجواب؟ عبد الله م - الرياض
هذا الجواب[COLOR="Red"] باطل وهو من كلام أهل البدع من الجهمية والمعتزلة ومن سار في ركابهما، والصواب الذي عليه أهل السنة والجماعة أن الله سبحانه في السماء فوق العرش فوق جميع خلقه كما دلت عليه الآيات القرآنية والأحاديث النبوية وإجماع سلف الأمة، كما قال عز وجل: إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ[1]، وكرر ذلك سبحانه في ست آيات أخرى من كتابه العظيم.
ومعنى الاستواء عند أهل السنة هو: العلو والارتفاع فوق العرش على الوجه الذي يليق بجلال الله سبحانه، لا يعلم كيفيته سواه كما قال مالك رحمه الله لما سئل عن ذلك: (الاستواء معلوم، والكيف مجهول، والإيمان به واجب، والسؤال عنه بدعة)، ومراده رحمه الله السؤال عن كيفيته.
هذا المعنى جاء عن شيخه ربيعة بن أبي عبد الرحمن، وهو مروي عن أم سلمة رضي الله عنها، وهو قول جميع أهل السنة من الصحابة رضي الله عنهم ومن بعدهم من أئمة الإسلام، وقد أخبر الله سبحانه في آيات أخر أنه في السماء وأنه في العلو، كما قال سبحانه: فَالْحُكْمُ لِلَّهِ الْعَلِيِّ الْكَبِيرِ[2]، وقال عز وجل: إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ[3]، وقال سبحانه: وَلا يَئُودُهُ حِفْظُهُمَا وَهُوَ الْعَلِيُّ الْعَظِيمُ[4]، وقال عز وجل: أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ * أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ[5]، ففي هذه الآيات، وفي آيات كثيرة من كتاب الله الكريم صرح سبحانه أنه في السماء وأنه في العلو وذلك موافق لما دلت عليه آيات الاستواء.
وبذلك يعلم أن قول أهل البدع بأن الله سبحانه موجود في كل مكان من أبطل الباطل وهو مذهب الحلولية المبتدعة الضالة، بل هو كفر وضلال وتكذيب لله سبحانه وتكذيب لرسوله صلى الله عليه وسلم فيما صح عنه من كون ربه في السماء، مثل قوله صلى الله عليه وسلم: ((ألا تأمنوني وأنا أمين من في السماء))،وكما جاء في أحاديث الإسراء والمعراج وغيرها. والله ولي التوفيق.
[1]سورة الأعراف الآية 54.
[2]سورة غافر الآية 12.
[3] سورة فاطر الآية 10.
[4]سورة البقرة الآية 255.
[5]سورة الملك الآيتان 16 – 17.
موقع سماحة الشيخ عبد العزيز بن باز رحمه الله
نشرت في مجلة الدعوة ، في العدد ((1288)) ، في 11/10/1411هـ - مجموع فتاوى و مقالات متنوعة الجزء السادس
ام السعف
25-01-2012, 06:27 PM
:whistling::waiting::deal::con2:
وسو :(
ام السعف
25-01-2012, 06:37 PM
أم خوسيه حبيبتي ..
اقري هالفتوة .. ولا عاد تردين على الولد إلا لما تكونين متأكدة ..
ذكرت قصة في إحدى الإذاعات، تقول: إن ولدا سأل أباه عن الله فأجاب الأب بأن الله موجود في كل مكان. السؤال: ما الحكم الشرعي في مثل هذا الجواب؟ عبد الله م - الرياض
هذا الجواب باطل وهو من كلام أهل البدع من الجهمية والمعتزلة ومن سار في ركابهما، والصواب الذي عليه أهل السنة والجماعة أن الله سبحانه في السماء فوق العرش فوق جميع خلقه كما دلت عليه الآيات القرآنية والأحاديث النبوية وإجماع سلف الأمة، كما قال عز وجل: إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَى عَلَى الْعَرْشِ[1]، وكرر ذلك سبحانه في ست آيات أخرى من كتابه العظيم.
ومعنى الاستواء عند أهل السنة هو: العلو والارتفاع فوق العرش على الوجه الذي يليق بجلال الله سبحانه، لا يعلم كيفيته سواه كما قال مالك رحمه الله لما سئل عن ذلك: (الاستواء معلوم، والكيف مجهول، والإيمان به واجب، والسؤال عنه بدعة)، ومراده رحمه الله السؤال عن كيفيته.
هذا المعنى جاء عن شيخه ربيعة بن أبي عبد الرحمن، وهو مروي عن أم سلمة رضي الله عنها، وهو قول جميع أهل السنة من الصحابة رضي الله عنهم ومن بعدهم من أئمة الإسلام، وقد أخبر الله سبحانه في آيات أخر أنه في السماء وأنه في العلو، كما قال سبحانه: فَالْحُكْمُ لِلَّهِ الْعَلِيِّ الْكَبِيرِ[2]، وقال عز وجل: إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ[3]، وقال سبحانه: وَلا يَئُودُهُ حِفْظُهُمَا وَهُوَ الْعَلِيُّ الْعَظِيمُ[4]، وقال عز وجل: أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ * أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا فَسَتَعْلَمُونَ كَيْفَ نَذِيرِ[5]، ففي هذه الآيات، وفي آيات كثيرة من كتاب الله الكريم صرح سبحانه أنه في السماء وأنه في العلو وذلك موافق لما دلت عليه آيات الاستواء.
وبذلك يعلم أن قول أهل البدع بأن الله سبحانه موجود في كل مكان من أبطل الباطل وهو مذهب الحلولية المبتدعة الضالة، بل هو كفر وضلال وتكذيب لله سبحانه وتكذيب لرسوله صلى الله عليه وسلم فيما صح عنه من كون ربه في السماء، مثل قوله صلى الله عليه وسلم: ((ألا تأمنوني وأنا أمين من في السماء))،وكما جاء في أحاديث الإسراء والمعراج وغيرها. والله ولي التوفيق.
[1]سورة الأعراف الآية 54.
[2]سورة غافر الآية 12.
[3] سورة فاطر الآية 10.
[4]سورة البقرة الآية 255.
[5]سورة الملك الآيتان 16 – 17.
موقع سماحة الشيخ عبد العزيز بن باز رحمه الله
نشرت في مجلة الدعوة ، في العدد ((1288)) ، في 11/10/1411هـ - مجموع فتاوى و مقالات متنوعة الجزء السادس
جزاج كل خير على هالنقل الطيب يا إنّ ،،
وبالفعل من فترة مب طويلة مرت اخوي نبهتنا للنقطة هذي جزاها الله كل خير،،
بس بالنسبة لي ،، ما كنت اقصد ان الله بجلاله عظمته ومكانته موجود بيننا
والفقرة هذي
"اول شي قلت له فوق ،، وعقب تذكرت ان غلط نقول الله فوق،، قلت له الله في كل مكان ،، معانا في كل مكان فوق تحت الأرض ،، تنخش في الكبت الله معاك تنخش في البحر الله معاك في كل مكان الله "
فجملة "غلط نقول ان الله فوق " المفروض " غلط نقول الله فوق ونسكت "
لأن بالفعل ما يصير نسكت وخاصة لما نبي نوصل مفهوم اشلون الله يسمعنا واحنا في البحر
او على قولة خوسيه يقدر يشوفنا والليت مسكر ؟،،:secret:
كنت ابي اقرب له الصورة وافهمه اشلون الله معانا ،، لأنه كان يعتقد ان
الله ما ينزل من السما ،، وقلنا له الله كل ليلة ينزل للسماء الدنيا ،،
فمرسي جدا خالص على ملاحظتج ،،
وفسح المجال لي بتصحيح المعلومة بشكل عام :shy:
ام السعف
28-01-2012, 03:49 PM
هل خوسيه المقصود
هو خوسيه انطونيو رييس
بعد السؤال والاستفسار ،، ما طلع هو ،،
ولا اي لاعب او رياضي بعينه ،، اللهم اسم تم الصاقه به :secret:
ام السعف
28-01-2012, 08:22 PM
الصراحة عفستي ويهه مب مرة ولا مرتين ؟؟ بل يا كثر ما يحن وانتي كلله انشاء الله
محسسته انه بيروح القمر ؟؟ كله الا فيلاجيو وديه وردي نص ساعة
ومع ذلك ما تنلاميين !!
يا كثر ما وعدت عيالي ان نروح المريخ .. واحلام الفقارى ما تحقق
:omg:
مي سوري جدا وايد ،،
عذرا يا اخوي عبدالله ،، مب عارفة اشلون تجاوزت مشاركتك :(
هذيه فيلاجيو مسكين ومرت عليه اربع ايام لراح
لو القمر يبي لنا قرن :(
ما شاءالله عليكم فقارى فضائيين ،، مشاويركم على المريخ
وكلامكم عن القمر :shy:
تحداني
28-01-2012, 08:41 PM
مثل ما قلتي كل ليش تطلع من طفل تفتح ليش ثانيه وثالثه ورابعه ومب ضروري فيها تضييع وقت يمكن احنه ما عندنا وقت لهم وايد فنحس ان حوارنا مع طفل يعني حوار ماله معنى او قيمه لو فكروا بعض الاهالي ان حوار الطفل في مراحل عمره الاولى تولد افكار تعيش معاه لعمره جاي واتشكل جانب كبير من شخصيته راح يعطونه اهتمام كبير
شوفي بعض الناس يعطون نص وقتهم للطفل لان الطفل في مراحله الاولى عباره عن صفحه بيضه من الهوايات من السلوكيات من الأطباع من الرغبات يبدأ يدور عن نفسه بين الناس الي حوله
تلقين يحب السباحه لان اخوه يعرف يسبح
ويحب الشطرنج لان اخته مبدعه فيه
ويحب الايفون اكثر من البلاك بيري لان امه تذم الجهاز
للأسف ان الكثير من الأهالي يعتقدون ان الطفل عباره عن سلوكيات خارجيه مع مراحل تعليميه وانتهى الدور وهالشي خطأ اليوم طفل يكبر ابسرعه ويسبق عمره ابسرعه فضروري نحترم كلامه ونعطيه وقت طويل احنه نقدره
يمكن تجاربكم العمليه كأمهات اكثر من تجربتي
لكن تمر علينا حالات نقدر نحكم عليها
نجي لباتوستوتا وحبج له وان احنه انشجعهم على شي هو مب في صالحهم انا اختلف معاج فيه احنه انشجع هوايتهم وانشجع اصدامهم اما مذهبهم ودينهم ومعتقداتهم هاذي كمعجبين احنه ابعاد عنها
ولو كان بيدنا كان غيرنا من حال الكثير من حولنا
لكن عشان تدخلين الى داخل فطره الانسان ومذهب الانسان وتغيير تفكيره يبيله شغل وقعده وقناعه
قوليلي خوسيه ايش صار معاه مع الي قلت لج اياه
كتب له ليتك كنت مسلم ولا لا ورد عليه ولا لا ؟؟
جملك الله برضاه
الأستاذ
28-01-2012, 11:15 PM
في كل مشاركة في هالموضوع اشعر بسعادة أكبر ....> ما ادري اشكبر بتصير هالسعادة
ممكن اوزعها على اللي يعاني من قلتها في نفسه :shy:
كل مشاركة من غير استثناء ابدا بداية بوطن وابوالجوري مرورا بكل من دخل
وصولا لك استاذنا وترحيبا بكل من بيدخل عقبك ،، اجد سعادة في التعامل مع حروفهم
ومشاركاتهم ،، واجد متعة في التعامل مع المشاركات اللي الكثير منها التعامل معاها
كان من الأعماق وما يخرج من الأعماق يترك في الأعماق مكانا اكبر لاستقبال
كل انواع المشاركات بشكل عام ،،
وما بالك قلم حسب ما وصلني انه يتجنب مناقشتي :telephone:
نعم اقول ان القصة معقدة جدا ،، مب محصورة فقط في اسم خوسيه وطفولته
قصة كتبتها واشعر فيها الكثير من التناقضات اللي نعيشها في حياتنا الخاصة
ولكن مع هذا رحمة ربنا وسعت كل شي ،، والنوايا الحسنة قادرة على كسب
رضا رب العالمين ،،،
فالحمدلله رب العالمين على كل شي وعلى تواجدكم جميعا هنا ،،
لمُبلِغكِ الواشي .. أغشّ وأكذبُ ..
أمّا أن كان هذا استنتاجاً ..فلعله حقّ ..
ولكنه كتهيّب العسكري المُستّجد من مدير الأمن إذا أقبل ..
وقلمك يفرض نفسه على من يرغب ومن لا ...
أنت لك ستايل خاص مميز ..
من النادر أن امرّ دون قرآءة ما تدونين ..
لكنني قليل التداخل .. سوى لأزعاج البعض ..
إلاّ أن هذه المشاركة أجبرتني على البوح بأعجابي ..
فقد وجدتني أمارس أكثرها ..مع من أعول ..
فلكِ كل تقديري واحتراماتي وأعجابي بما تجودين ..
ولا بأس من إضافة (وخوفي أيضاً) ..
ليش ... مادري !!!
يمكن من مبدأ من خاف سلم ..
ام السعف
29-01-2012, 09:28 AM
لمُبلِغكِ الواشي .. أغشّ وأكذبُ ..
أمّا أن كان هذا استنتاجاً ..فلعله حقّ ..
ولكنه كتهيّب العسكري المُستّجد من مدير الأمن إذا أقبل ..
وقلمك يفرض نفسه على من يرغب ومن لا ...
أنت لك ستايل خاص مميز ..
من النادر أن امرّ دون قرآءة ما تدونين ..
لكنني قليل التداخل .. سوى لأزعاج البعض ..
إلاّ أن هذه المشاركة أجبرتني على البوح بأعجابي ..
فقد وجدتني أمارس أكثرها ..مع من أعول ..
فلكِ كل تقديري واحتراماتي وأعجابي بما تجودين ..
ولا بأس من إضافة (وخوفي أيضاً) ..
ليش ... مادري !!!يمكن من مبدأ من خاف سلم ..
ميرسي جدا خالص يا استاذنا على الكلمات اللي كتبتها واعذرني
ما اعرف اعبر بشكل كبير في مثل هالمواقف :(
ومن ثم نقول الوشاه قالوا لي هالكلام من ايام قعدوك على الكرسي
وللأسف كنت مشغولة ايامها وكانت توصلني بعض تعليقاتك في الواتس اب :telephone:
ولما دخلت ابي اسأل واستفسر لقيت السيدة Rose قفلت الموضوع
فتركته ورحت بعيد من غير ما أدقق في المكتوب :weeping:
لكني للحين أجهل ترددك :sneaky:
ومبدأ السلامة بعد الخوف :unsure:
ام السعف
29-01-2012, 10:12 AM
مثل ما قلتي كل ليش تطلع من طفل تفتح ليش ثانيه وثالثه ورابعه ومب ضروري فيها تضييع وقت يمكن احنه ما عندنا وقت لهم وايد فنحس ان حوارنا مع طفل يعني حوار ماله معنى او قيمه لو فكروا بعض الاهالي ان حوار الطفل في مراحل عمره الاولى تولد افكار تعيش معاه لعمره جاي واتشكل جانب كبير من شخصيته راح يعطونه اهتمام كبير
بالفعل كلامج صحيح ،، احنا ما عندنا وقت نرد عليهم
والاحظ دايما نتأفف من أسئلتهم ،، مرات تكون بسيطة وبريئة ومرات تكون خبيثة
تكون التفاصيل عندهم لكنهم يبون يكتشفون مدى صدقج او كذبج " تبا لهذه الطريقة " :(
شوفي بعض الناس يعطون نص وقتهم للطفل لان الطفل في مراحله الاولى عباره عن صفحه بيضه من الهوايات من السلوكيات من الأطباع من الرغبات يبدأ يدور عن نفسه بين الناس الي حوله
تلقين يحب السباحه لان اخوه يعرف يسبح
ويحب الشطرنج لان اخته مبدعه فيه
ويحب الايفون اكثر من البلاك بيري لان امه تذم الجهاز
خاطره يتعلم شطرنج مثل اخوانه،، شكله بيصير نفس امه ما يعرف شي في الشطرنج الا انه يحرك القطع بس :weeping:،،
اما بخصوص اعطاء الوقت للطفل ،، في كثير من الدول ،، وكانت العراق وحدة منهم ،، كانوا مدرسات رياض الأطفال والمراحل الأولى مدرسات كبيرات في السن ،، صلقتهم الحياة وتجاربها ،، فيهم شوق للأطفال ويستحملون الطفل ويعوضون المفقود عندهم في الاطفال هذيلا ،، فمن جذيه تلقين الطفل يلقى حضن الأم وعالم معلوماتي كبير يكثر فيه الليشات فيها ،،
للأسف ان الكثير من الأهالي يعتقدون ان الطفل عباره عن سلوكيات خارجيه مع مراحل تعليميه وانتهى الدور وهالشي خطأ اليوم طفل يكبر ابسرعه ويسبق عمره ابسرعه فضروري نحترم كلامه ونعطيه وقت طويل احنه نقدره
يارب يقدرنا يارب،، الوقت سارقنا :(
يمكن تجاربكم العمليه كأمهات اكثر من تجربتي
لكن تمر علينا حالات نقدر نحكم عليها
:shy:
نجي لباتوستوتا وحبج له وان احنه انشجعهم على شي هو مب في صالحهم انا اختلف معاج فيه احنه انشجع هوايتهم وانشجع اصدامهم اما مذهبهم ودينهم ومعتقداتهم هاذي كمعجبين احنه ابعاد عنها
ولو كان بيدنا كان غيرنا من حال الكثير من حولنا
لكن عشان تدخلين الى داخل فطره الانسان ومذهب الانسان وتغيير تفكيره يبيله شغل وقعده وقناعه
شوفي يا آنستي الجميلة صاحبة القلم الرشيق
مهما شجعنا العب الحلو ،، او شفنا الافلام الحلوة ،، او سمعنا الاغاني الطريبية
في الأخير في ساعات الرجوع الى النفس ،، نفكر احنا شنهو وضعنا على خارطة هالدنيا ؟
من احنا وشنهو احنا ووين رايحين احنا ؟
جورج في غينيا ،،ما يعرف عن الدين الاسلامي شي
صامو في صربيا ،، ما يعرف عن ديننا شي
باتيستوتا ما لقى من ياخذ بيده ،،
اهنيه اشعر ان احنا ولاشي وكل شي محسوب علينا لأننا في الأخير
محسوبين في الدين الإسلامي ....> فلاتلوميين لما احس اني احنا نشجعهم
على شي ما يفيدهم :weeping:
قوليلي خوسيه ايش صار معاه مع الي قلت لج اياه
كتب له ليتك كنت مسلم ولا لا ورد عليه ولا لا ؟؟
جملك الله برضاه
خوسيه واللي يسلم لج غاليج ،،
البارحة قريت مشاركتج وسكرت المنتدى وقعدت احذاه وقلت له : اشرايك تكتب في صفحة مسي وتقول له : انا احبك وابيك تصير مسلم مثلي ؟
قال لي : لا ،، مب كاتب له :eek5:،، انا خاطري اروح له بيته في الارجنتين ازوره واعطيه Arbic Books ،، قلت له :وشو؟ قال لي : اعطيه Booksعربي "يعني ترجم لي" ،، قلت له: وليش بالعربي ؟ ،،قال لي: ابي اغشه :eek5: ،، باعطيه كتب عربية لما بيترجمها بتكون عن الإسلام :omg: قلت له: تقصد تبي تخدعه ؟ قال: ايه بغشه،، مابي يعرف ان الكتب عن الإسلام علشان ما يخليها وما يقراها:(
عاد ما كان عندي تعليق على كلامه ،، ودخلنا نتكلم عن مدونته وانه لازم يكتب باسلوبه ، لأني لاحظت الاسلوب المكتوب وايد منسق ومرتب واعترف انه كوبي وبيست ،، واحنا نتكلم
الا مرة وحدة قال لي : ماما مب الله لو دخلنا الجنة يعطينا كل شي ؟
وكانت اخته حزتها على يميني قاعدة على الكمبيوتر وهو مقابلني
وقاعد على الأرض ،، قلت له: ايه : قال لي: اي شي ابيه اي شي صح؟
قلت له: ايه شي طبيعي ،، على طول اخته افهمت اشيبي يقول : والتفت صوبنا ووجهت له كلامها وقالت له: " خوسيه انت تبي تطلب ميسي يطلع من النار واتيبه الجنة عندك ؟
قال ايه : ان شاءالله ادش الجنة واطلب من الله يطلعه من النار واييبه الجنة عندي
:weeping::weeping::weeping:
مافكر فينا يا تحداني ،، خلانا وفكر اشلون يخلي مسي في الجنة :weeping:
تحداني
29-01-2012, 10:12 AM
لمُبلِغكِ الواشي .. أغشّ وأكذبُ ..
أمّا أن كان هذا استنتاجاً ..فلعله حقّ ..
ولكنه كتهيّب العسكري المُستّجد من مدير الأمن إذا أقبل ..
وقلمك يفرض نفسه على من يرغب ومن لا ...أنت لك ستايل خاص مميز ..
من النادر أن امرّ دون قرآءة ما تدونين ..لكنني قليل التداخل .. سوى لأزعاج البعض ..
إلاّ أن هذه المشاركة أجبرتني على البوح بأعجابي ..
فقد وجدتني أمارس أكثرها ..مع من أعول ..
فلكِ كل تقديري واحتراماتي وأعجابي بما تجودين ..
ولا بأس من إضافة (وخوفي أيضاً) ..
ليش ... مادري !!!
يمكن من مبدأ من خاف سلم ..
ومثلك ايضا يتمتع بقلم " قوي .. مفهوم .. واضح .. صريح .. جميل للغايه "
لكن مشكلته تكمن في بخله .. واحيانا اشعر بترفعه ..
بمعنى لا احد يستطيع كسر اعجابي الشديد به بسهوله
ولا احد يستطيع ان يقتني شئ من ردودي .. لانك ترى في البوح عن الاعجاب شئ خاص فيك
استغرب من هذه المعادله الغريبه .. وألمس هذا الاحساس من خلال بعض المعرفات
بمعنى هناك اشخاص تترقب مداخلاتهم ليس لكي تتباهى بهم .. بقدر ما تريد ان تحصل على شئ من النصح والفائده .. لانهم بالفعل يملكون الكثير ولكن يلتزمون الصمت
مع ايماني الكامل لو وجدنا في موضوع واحد 1000 رد .. سيجد لردي طابع مختلف حتى ان كان بنفس المعنى
هاذي اعتبرها مشكله كبيره يعانون منها أصحاب بعض الاقلام الجميله
مع العلم الحوار العام .. هو من اجل محاوره من يملك ابجديات الحوار
وحوار المواضيع وليس فكر وثقافات .. وان لم اجد بين 30 موضوع الا موضوع واحد يستوطن قلمي معنى هذا ان هناك مشكله .. اما في ذوق المعرف
او في نظره المعرف لقلمه ومقارنته في الغير
او في تلك النرجسيه الغريبه
هناك معرفات لو اعطت شي من نرجسيتها للجميع .. لاصبح للحوار العام معنى مختلف
نعم .. ست الحسن والدلال .. لايمكن المرور على مداخلاتها مرور الكرام
قلم يفرض نفسه بقوه .. وروحها الانسانيه المرحه .. وتواضعها مع الجميع
وثقافتها الكبير الا انها تجد من الممكن ان تبسط لنا المفردات في مواضيع
وتذهب بعيدا ببساطتها في مواضيع عميقه
مبدع انت .. وهي كذلك
ومن حق من يستحق التقدير والاعجاب ان نقول له .. بارك الله في فكركم
وفي قلمكم .. وفي ابداعكم .. وفي لمسات الجمال التي تضعونها على ردودكم ..
لان قلما تجد اقلاما تستطيع رسم الابتسامه وهي في قمه غضبها
وفي قمه حزنها
وفي قمه انكساراتها
عذرا على المداخله
جملك الله برضاه
ام السعف
29-01-2012, 10:20 AM
ومثلك ايضا يتمتع بقلم " قوي .. مفهوم .. واضح .. صريح .. جميل للغايه "
لكن مشكلته تكمن في بخله .. واحيانا اشعر بترفعه ..
بمعنى لا احد يستطيع كسر اعجابي الشديد به بسهوله
ولا احد يستطيع ان يقتني شئ من ردودي .. لانك ترى في البوح عن الاعجاب شئ خاص فيك
استغرب من هذه المعادله الغريبه .. وألمس هذا الاحساس من خلال بعض المعرفات
بمعنى هناك اشخاص تترقب مداخلاتهم ليس لكي تتباهى بهم .. بقدر ما تريد ان تحصل على شئ من النصح والفائده .. لانهم بالفعل يملكون الكثير ولكن يلتزمون الصمت
مع ايماني الكامل لو وجدنا في موضوع واحد 1000 رد .. سيجد لردي طابع مختلف حتى ان كان بنفس المعنى
هاذي اعتبرها مشكله كبيره يعانون منها أصحاب بعض الاقلام الجميله
مع العلم الحوار العام .. هو من اجل محاوره من يملك ابجديات الحوار
وحوار المواضيع وليس فكر وثقافات .. وان لم اجد بين 30 موضوع الا موضوع واحد يستوطن قلمي معنى هذا ان هناك مشكله .. اما في ذوق المعرف
او في نظره المعرف لقلمه ومقارنته في الغير
او في تلك النرجسيه الغريبه
هناك معرفات لو اعطت شي من نرجسيتها للجميع .. لاصبح للحوار العام معنى مختلف
مبدع انت .. وهي كذلك
ومن حق من يستحق التقدير والاعجاب ان نقول له .. بارك الله في فكركم
وفي قلمكم .. وفي ابداعكم .. وفي لمسات الجمال التي تضعونها على ردودكم ..
لان قلما تجد اقلاما تستطيع رسم الابتسامه وهي في قمه غضبها
وفي قمه حزنها
وفي قمه انكساراتها
عذرا على المداخله
جملك الله برضاه
اجد نفسي مرغمة بالوقوف الى صفك في مشاركتك هذه ،، الا في كلمة النرجسية
لربما مب نرجسية كثر ما هو لا جديد ممكن ينضاف منهم ،، او هناك امور
ثانية هم اقدر على شرحها وتوضيحها هنا :telephone:
الرويـس
29-01-2012, 10:22 AM
قولي له يلتفت لدراسته احسن
محد مضيع عيال خالتي غير الكورة وأندية (العربي والريال)
تحداني
29-01-2012, 10:23 AM
:( ويلوموني ليش لقيت في الاطفال الي عجزت القاه في الإكبار
ودي ابمليون طفل .. وودي أعيش بين مليون فكر برئ .. فكر ياخذج للبساطه
ياخذج لعالم اسمه ابتسمي ألحين تحداني .. ونبكي ألحين تحداني .. وبكره لما يصير الصبح واتنور الدنيا مافي شي في قلبي عليج ..
ودي ابفكر عمييييق بإسلوب الأطفال .. يسأل ويحن الا يلقى إجابه
وإن فكر ابحيله او مشكله لايمكن تضرج الا تنفعج وتنفعه ازياده
اتصدقيني لو قلت لج .. عندي وحده من صديقاتي تشتغل في حضانه .. هالحضانه حلوه وايد وايد .. كل شي في هالحضانه اسمه " ابتسامه طفل .. وبكاء طفل .. واللعب مع طفل "
كل وقت يمر في ذاك المكان يمر ببراءه طفل .. وبتجربه طفل مع لعبه انكسرت .. وأكبر خلاف ومشكله تنتظر حل هو ان محمد ضرب نوره بالقلم .. وعشان انراضي الاثنين .. نشتري لكل واحد فيهم جبس
خوسيه طفل كبير .. وعسى الله ما يحرمج منه
وخوسيه نتيجه تربيه من الطراز الأول .. وخليج دايما قريبه منه .. وقريبه من طلباته
لانج راح تتركين للمجتمع طفل لن يكون اقل من اخوه الخريج المتميز على مرتبه الشرف
وبشهاده الجامعه والاساتذه والاهل والاصدقاء
خوسيه ان كانت امنيته في الحياه ان يلتقي بميسي ..
فأنا أمنيتي ان يمنحني الله طفل أزرع إبداخله ربع الي زرعتيه في اعيالج
واتلوميني ان قلت لج ما أحبج
اوقات تكونين قاسيه وايد :(
وما تستوعبين
جملك الله برضاه
تحداني
29-01-2012, 10:26 AM
اجد نفسي مرغمة بالوقوف الى صفك في مشاركتك هذه ،، الا في كلمة النرجسية
لربما مب نرجسية كثر ما هو لا جديد ممكن ينضاف منهم ،، او هناك امور
ثانية هم اقدر على شرحها وتوضيحها هنا :telephone:
في أقلام مميزه ورائعه .. قادره تحط لها بصمه متفرده صدقيني
حتى وان تشابهت في الفكره والمضمون ..
فالنرجسيه ان كانت كلمه ستجعل اخونا الفاضل
اطاله الرد عليها وتجاهل بقيه الكلام ..
فأنا من هنا سأسحبها وكأني ما قلتها
جملك الله برضاه
ام السعف
29-01-2012, 10:50 AM
في أقلام مميزه ورائعه .. قادره تحط لها بصمه متفرده صدقيني
حتى وان تشابهت في الفكره والمضمون ..
فالنرجسيه ان كانت كلمه ستجعل اخونا الفاضل
اطاله الرد عليها وتجاهل بقيه الكلام ..
فأنا من هنا سأسحبها وكأني ما قلتها
جملك الله برضاه
قلم اخونا الاستاذ من غير مجاملة قلم اوجد نفسه بنفسه من دون فضل لاحد عليه
اشوفه نفس داركو مب محتاجين يكتبون وايد علشان يقولون اقلامهم قوية
فهو ما احتاج لسنين في المنتدى ولا احتاج لمواضيع او مشاركات ليقول انا قلم الاستاذ
على الرغم من صعوبة فهمي لأسلوبه " مشكلة فيني مب فيه " إلا ان المديح اللي وصلني عليه
في حلقة الكرسي الخاصة فيه " للحين ما قريتها :weeping:" والحديث اللي دار بيننا مع اكثر من شخص ورايهم فيه كعضو ،، خلاني بالفعل اقف احتراما لهذا القلم ،،
فالموضوع انج تسحبين الكلمة ،، بالعكس خليها يمكن تثيره ويرد يشارك :shy:
ام السعف
29-01-2012, 10:57 AM
قولي له يلتفت لدراسته احسن
محد مضيع عيال خالتي غير الكورة وأندية (العربي والريال)
كان لي موقف حازم مع اخوه اللي في الثانوية العامة يوم كان 12 و 13 و14 و15 و16
واليوم ساكت ما يطلب ويحن :telephone:
وكان ردي على خوسيه يوم قال لي : ماما شوفي ميسي اشكاتين عنه
At the age of five, he started playing football for Grandoli, a club coached by his father
وكمل وقال :انا توني 8 سنين ابي اصير مثله لعيييب " ركز على لعييب " ماقال لاعب :(
قلت له : اسمح لي الا هذي ياخوسيه :(
سوري :( ولا نقاش ابدا :(
ام السعف
29-01-2012, 11:03 AM
:( ويلوموني ليش لقيت في الاطفال الي عجزت القاه في الإكبار
ودي ابمليون طفل .. وودي أعيش بين مليون فكر برئ .. فكر ياخذج للبساطه
ياخذج لعالم اسمه ابتسمي ألحين تحداني .. ونبكي ألحين تحداني .. وبكره لما يصير الصبح واتنور الدنيا مافي شي في قلبي عليج ..
ودي ابفكر عمييييق بإسلوب الأطفال .. يسأل ويحن الا يلقى إجابه
وإن فكر ابحيله او مشكله لايمكن تضرج الا تنفعج وتنفعه ازياده
اتصدقيني لو قلت لج .. عندي وحده من صديقاتي تشتغل في حضانه .. هالحضانه حلوه وايد وايد .. كل شي في هالحضانه اسمه " ابتسامه طفل .. وبكاء طفل .. واللعب مع طفل "
كل وقت يمر في ذاك المكان يمر ببراءه طفل .. وبتجربه طفل مع لعبه انكسرت .. وأكبر خلاف ومشكله تنتظر حل هو ان محمد ضرب نوره بالقلم .. وعشان انراضي الاثنين .. نشتري لكل واحد فيهم جبس
خوسيه طفل كبير .. وعسى الله ما يحرمج منه
وخوسيه نتيجه تربيه من الطراز الأول .. وخليج دايما قريبه منه .. وقريبه من طلباته
لانج راح تتركين للمجتمع طفل لن يكون اقل من اخوه الخريج المتميز على مرتبه الشرف
وبشهاده الجامعه والاساتذه والاهل والاصدقاء
خوسيه ان كانت امنيته في الحياه ان يلتقي بميسي ..
فأنا أمنيتي ان يمنحني الله طفل أزرع إبداخله ربع الي زرعتيه في اعيالج
واتلوميني ان قلت لج ما أحبج
اوقات تكونين قاسيه وايد :(
وما تستوعبين
جملك الله برضاه
ادري اني قاسية وايد :weeping: بس لا تحكمين على الظاهر :yawn:
واعذريني ما اقدر اعقب على كلامج لأني احس بحالة http://www.pic4ever.com/images/4yajuyo.gif
فالحمد والشكر اوله واخره لله وحده وله الفضل في كل ما نحن عليه اليوم
http://www.pic4ever.com/images/grouphug.gif
الأستاذ
29-01-2012, 11:06 AM
ومثلك ايضا يتمتع بقلم " قوي .. مفهوم .. واضح .. صريح .. جميل للغايه "
لكن مشكلته تكمن في بخله .. واحيانا اشعر بترفعه ..
بمعنى لا احد يستطيع كسر اعجابي الشديد به بسهوله
ولا احد يستطيع ان يقتني شئ من ردودي .. لانك ترى في البوح عن الاعجاب شئ خاص فيك
استغرب من هذه المعادله الغريبه .. وألمس هذا الاحساس من خلال بعض المعرفات
بمعنى هناك اشخاص تترقب مداخلاتهم ليس لكي تتباهى بهم .. بقدر ما تريد ان تحصل على شئ من النصح والفائده .. لانهم بالفعل يملكون الكثير ولكن يلتزمون الصمت
مع ايماني الكامل لو وجدنا في موضوع واحد 1000 رد .. سيجد لردي طابع مختلف حتى ان كان بنفس المعنى
هاذي اعتبرها مشكله كبيره يعانون منها أصحاب بعض الاقلام الجميله
مع العلم الحوار العام .. هو من اجل محاوره من يملك ابجديات الحوار
وحوار المواضيع وليس فكر وثقافات .. وان لم اجد بين 30 موضوع الا موضوع واحد يستوطن قلمي معنى هذا ان هناك مشكله .. اما في ذوق المعرف
او في نظره المعرف لقلمه ومقارنته في الغير
او في تلك النرجسيه الغريبه
هناك معرفات لو اعطت شي من نرجسيتها للجميع .. لاصبح للحوار العام معنى مختلف
نعم .. ست الحسن والدلال .. لايمكن المرور على مداخلاتها مرور الكرام
قلم يفرض نفسه بقوه .. وروحها الانسانيه المرحه .. وتواضعها مع الجميع
وثقافتها الكبير الا انها تجد من الممكن ان تبسط لنا المفردات في مواضيع
وتذهب بعيدا ببساطتها في مواضيع عميقه
مبدع انت .. وهي كذلك
ومن حق من يستحق التقدير والاعجاب ان نقول له .. بارك الله في فكركم
وفي قلمكم .. وفي ابداعكم .. وفي لمسات الجمال التي تضعونها على ردودكم ..
لان قلما تجد اقلاما تستطيع رسم الابتسامه وهي في قمه غضبها
وفي قمه حزنها
وفي قمه انكساراتها
عذرا على المداخله
جملك الله برضاه
كلام كبير يا من تحداها الزمن ..
ما يهياني ما أرد عليه ..
وأن كان قد أستشكل علي فهم أوله ..
أأنا المعني به أم الست أم السعف ..؟
وعلى كل حال ..
فقلّما يجد المرء منّا قلماً أوحداً يخصّه بالتفرد ..
أو يتخذه نديماً وجليساً دون غيره ..
خاصة في مثل هذا المكان الذي يزخر بهم ..
وكأننا في بستان تتنوع فيه الورود لدرجة تُحيرك آيها تقطف ..
ولكن لا بأس ببعض الشوك أحياناً حتى يميز الخبيث من الطيب ..
أمّا الغرور والتعالي .. فأن كنت أنا المُتهم فيها ..
فهذا من سوء الظن الذي أثاره عابر في موضوعه ..
كل الحكاية ..
أنني أحياناً أجد من الوقت متسعاً لأكتب لحدّ الأشباع ..
وأحياناً أضِنّ على نفسي بالوقت .. فلا أجده للأكل والشرب ..
أمّا تعالي وكَبر .. فلا ..
فأنا لست ضمنهما لسببين ..
احدهما أنني أبسط من أن أترفع على أحد ..
فبضاعتي مُزجاه وزادي قليل ..وحملي ثقيل ودابتي مُنهكة ..
فعلام الكبر ..
وثانيهما .. هناك ممن هم هنا .. لا أجرؤ على مناطحتهم ..
بل أراني قزما أمام أقلامهم .. ولا أدرك مدادها ..
حقيقة ووالله دون مجاملة .. أنني حين أقرأ لبعضهم ..
أرى نفسي لا شئ أمام طرحهم وسعة أفقهم ..
أمّا عن هذه التي لقبت نفسها بـــ أم السعف ..
فلي معها موقف ..
فحين دخلت المنتدى أبحث عن ضاله ..
وجدتها وكأنها كانت لي بالمرصاد ..
لم تنظر لحداثة قلمي ..
ولا لصغر عمري ..ولم تقم بواجب ضيافتي ..
بل أعطتني على رأسي ..
وسبحان الله من عقبها .. مسكت بريك ..
وأقول في نفسي ..
أبيييييه هني يهاوشون ويمكن يضربون ..
فبدأت أراجع نفسي كلما هممت بالكتابة ..
وأصبحت من غير قصد منها ..
ذات فضل علي .. إذ جعلتني أنتقي مفرداتي ..
وأراجع قلمي قبل لحد يكفخني ..
ومع هذا لم أدعها ..
فدائماً ما أتلصص على قلمها ومداخلاتها من طرف خفي ..
إلى أن واكبتني الشجاعة هذا المرة .. وقلت يا ولد ..
الناس تموت في سوريا واليمن وفلسطين ..
وأنت خايف من أم السعف ..
فأستجمعت شتات أمري .. وأقتحمت موضوعها ..
ومع هذا وقفّت السيارة عند الباب وخليتها شغّالة ..
تحسباً لأنسحاب مفاجئ وسريع ..
لكنني أرى الأمور تسير بشكل أيجابي لحد الآن ..
وعسى محد يشيشها عليّ ..
وخليها تكمل لنا سالفة خوسييه .. لأن عندي واحد مثله ..
بأغش منها وبأسوي له مثل ما تسوي لخوسيه مالها ..
وشيلي من بالك فكرة الكبر والغرور والتعالي ..
تراها سهالات وما تِكبر إلاّ ..... أعزك الله ..
وشكراً للأطراء .. كان به أطراء ..
تحداني
29-01-2012, 11:08 AM
قلم اخونا الاستاذ من غير مجاملة قلم اوجد نفسه بنفسه من دون فضل لاحد عليه
اشوفه نفس داركو مب محتاجين يكتبون وايد علشان يقولون اقلامهم قوية
فهو ما احتاج لسنين في المنتدى ولا احتاج لمواضيع او مشاركات ليقول انا قلم الاستاذ
على الرغم من صعوبة فهمي لأسلوبه " مشكلة فيني مب فيه " إلا ان المديح اللي وصلني
عن حلقة الكرسي الخاصة فيه " للحين ما قريتها :weeping:" والحديث اللي دار بيننا مع اكثر من شخص ورايهم فيهم ،، خلاني بالفعل اقف احتراما لهذا القلم ،،
فالموضوع انج تسحبين الكلمة ،، بالعكس خليها يمكن تثيره ويرد يشارك :shy:
ما أعتقد لما نكتب شي ننتظر الاطراء من الآخر ...
او لما نكتب نبي نوصل رساله ان ديروا بالكم جات ام السعف الي راح تقضي على الجميع .. انما متعه الكتابه تكمن في متعه الحوار
كل شخص يحب الحوار والنقاش الا تلقينه يحب يشارك الجميع .. ويحب يعطي الجميع .. ويحب يقول قولوا اكثر وتعالوا نعبر مع بعض
بس لما يجينا قلم جميل ومحرومين من جماله ضروري نقول له انت رائع
لكي يعرف ان مشاركه الجميع بقلم جميل يعطي متعه أكثر .. ويوسع مدارك كثيره
مثل لما تدخلين مكتبه ضخمه .. لايمكن توقفين عند رف واحد .. وكتاب واحد
الا تحاولين ان تجمعين فكره من كل عنوان .. وان لم يكن من كل عنوان على الاقل من كل مبدع من مبدعي الادب .. والشعر .. والتكنلوجيا .. والفضاء ..
هكذا نحن البشر ..
كل ورده لها ريحتها في هالمكان يا ست الحسن والدلال
كل قلم له من الجمال
كل حرف له من التقدير والاعجاب
تحيه تقدير وإعجاب أيضا " لــDarco "
وله نصيب ايضا من العتاب الاخوي
جملك الله برضاه
الرويـس
29-01-2012, 11:12 AM
كان لي موقف حازم مع اخوه اللي في الثانوية العامة يوم كان 12 و 13 و14 و15 و16
واليوم ساكت ما يطلب ويحن :telephone:
وكان ردي على خوسيه يوم قال لي : ماما شوفي ميسي اشكاتين عنه
at the age of five, he started playing football for grandoli, a club coached by his father
وكمل وقال :انا توني 8 سنين ابي اصير مثله لعيييب " ركز على لعييب " ماقال لاعب :(
قلت له : اسمح لي الا هذي ياخوسيه :(
سوري :( ولا نقاش ابدا :(
كلمت لعيب هي بقايا مصطلحات زمن نظام (العرباويه) البائد
:(
الظاهر وباء الكره مستشري من زمن عندكم
لذلك اعتماد الرد شبه مرفوض
ام السعف
29-01-2012, 11:16 AM
ما أعتقد لما نكتب شي ننتظر الاطراء من الآخر ...
او لما نكتب نبي نوصل رساله ان ديروا بالكم جات ام السعف الي راح تقضي على الجميع .. انما متعه الكتابه تكمن في متعه الحوار
كل شخص يحب الحوار والنقاش الا تلقينه يحب يشارك الجميع .. ويحب يعطي الجميع .. ويحب يقول قولوا اكثر وتعالوا نعبر مع بعض
بس لما يجينا قلم جميل ومحرومين من جماله ضروري نقول له انت رائع
لكي يعرف ان مشاركه الجميع بقلم جميل يعطي متعه أكثر .. ويوسع مدارك كثيره
مثل لما تدخلين مكتبه ضخمه .. لايمكن توقفين عند رف واحد .. وكتاب واحد
الا تحاولين ان تجمعين فكره من كل عنوان .. وان لم يكن من كل عنوان على الاقل من كل مبدع من مبدعي الادب .. والشعر .. والتكنلوجيا .. والفضاء ..
هكذا نحن البشر ..
كل ورده لها ريحتها في هالمكان يا ست الحسن والدلال
كل قلم له من الجمال
كل حرف له من التقدير والاعجاب
تحيه تقدير وإعجاب أيضا " لــDarco "
وله نصيب ايضا من العتاب الاخوي
جملك الله برضاه
شوفي هذا هو الاستاذ دخل للمرة الثالثة وعقب عليج ،، ورب كلمة افضل من مليون دعوة
راح اتركم تتفاهمون فيما بينكم واسحب نفسي وخاصة انه بعده متروع من اول رد لي عليه :shy: مع اني مب متذكرة :(
واقول كما قلتِ
هكذا نحن البشر ..
كل ورده لها ريحتها في هالمكان يا ست الحسن والدلال
كل قلم له من الجمال
كل حرف له من التقدير والاعجاب
تحداني
29-01-2012, 11:19 AM
ادري اني قاسية وايد :weeping: بس لا تحكمين على الظاهر :yawn:
واعذريني ما اقدر اعقب على كلامج لأني احس بحالة http://www.pic4ever.com/images/4yajuyo.gif
فالحمد والشكر اوله واخره لله وحده وله الفضل في كل ما نحن عليه اليوم
http://www.pic4ever.com/images/grouphug.gif
:):shy::)
معذوره .. وما انتظر تعقيب
يكفيني الفيس الاخير
الله يرضى عليج يارب
كلام كبير يا من تحداها الزمن ..
ما يهياني ما أرد عليه ..
وأن كان قد أستشكل علي فهم أوله ..
أأنا المعني به أم الست أم السعف ..؟
وعلى كل حال ..
فقلّما يجد المرء منّا قلماً أوحداً يخصّه بالتفرد ..
أو يتخذه نديماً وجليساً دون غيره ..
خاصة في مثل هذا المكان الذي يزخر بهم ..
وكأننا في بستان تتنوع فيه الورود لدرجة تُحيرك آيها تقطف ..
ولكن لا بأس ببعض الشوك أحياناً حتى يميز الخبيث من الطيب ..
أمّا الغرور والتعالي .. فأن كنت أنا المُتهم فيها ..
فهذا من سوء الظن الذي أثاره عابر في موضوعه ..
كل الحكاية ..
أنني أحياناً أجد من الوقت متسعاً لأكتب لحدّ الأشباع ..
وأحياناً أضِنّ على نفسي بالوقت .. فلا أجده للأكل والشرب ..
أمّا تعالي وكَبر .. فلا ..
فأنا لست ضمنهما لسببين ..
احدهما أنني أبسط من أن أترفع على أحد ..
فبضاعتي مُزجاه وزادي قليل ..وحملي ثقيل ودابتي مُنهكة ..
فعلام الكبر ..
وثانيهما .. هناك ممن هم هنا .. لا أجرؤ على مناطحتهم ..
بل أراني قزما أمام أقلامهم .. ولا أدرك مدادها ..
حقيقة ووالله دون مجاملة .. أنني حين أقرأ لبعضهم ..
أرى نفسي لا شئ أمام طرحهم وسعة أفقهم ..
أمّا عن هذه التي لقبت نفسها بـــ أم السعف ..
فلي معها موقف ..
فحين دخلت المنتدى أبحث عن ضاله ..
وجدتها وكأنها كانت لي بالمرصاد ..
لم تنظر لحداثة قلمي ..
ولا لصغر عمري ..ولم تقم بواجب ضيافتي ..
بل أعطتني على رأسي ..
وسبحان الله من عقبها .. مسكت بريك ..
وأقول في نفسي ..
أبيييييه هني يهاوشون ويمكن يضربون ..
فبدأت أراجع نفسي كلما هممت بالكتابة ..
وأصبحت من غير قصد منها ..
ذات فضل علي .. إذ جعلتني أنتقي مفرداتي ..
وأراجع قلمي قبل لحد يكفخني ..
ومع هذا لم أدعها ..
فدائماً ما أتلصص على قلمها ومداخلاتها من طرف خفي ..
إلى أن واكبتني الشجاعة هذا المرة .. وقلت يا ولد ..
الناس تموت في سوريا واليمن وفلسطين ..
وأنت خايف من أم السعف ..
فأستجمعت شتات أمري .. وأقتحمت موضوعها ..
ومع هذا وقفّت السيارة عند الباب وخليتها شغّالة ..
تحسباً لأنسحاب مفاجئ وسريع ..
لكنني أرى الأمور تسير بشكل أيجابي لحد الآن ..
وعسى محد يشيشها عليّ ..
وخليها تكمل لنا سالفة خوسييه .. لأن عندي واحد مثله ..
بأغش منها وبأسوي له مثل ما تسوي لخوسيه مالها ..
وشيلي من بالك فكرة الكبر والغرور والتعالي ..
تراها سهالات وما تِكبر إلاّ ..... أعزك الله ..
وشكراً للأطراء .. كان به أطراء ..
أنت المعني استاذي الفاضل " الاستاذ "
والغرور والكبر أحيانا لا يأخذ بالمعنى الذي أخذتني إليه
إنما إعتبره تشبيه من باب التشبيهات الأدبيه الإستفزازيه
بالله عليك .. كيف أرد على هذا الإسلوب الجميل والي يحمل خليط من الكلمات الرنانه
والادبيات العاليه .. والمفردات الغزيره .. بقالب فكاهي ..
بيني وبين السوء الظن مسافات طويله
تعلمت من سيد المرسلين عليه الصلاه والسلام ..
وضع قائمه طويله من الأعذار حتى ان وصلت " للــ70 " عذر فلا بأس
سأجعل الموقف لست الحسن والدلال
بالطبع لديها ما تريد التعقيب عليه
شكرا لكرم الرد والله يبعد عن الجميع الغرور والتكبر
فلا بأس بقليل منه في بعض الاحيان
جملك الله برضاه
Powered by vBulletin® Version 4.2.5 Copyright © 2024 vBulletin Solutions Inc. All rights reserved.