Dark_QTR
25-01-2012, 01:41 PM
بسم الله الرحمن الرحيم
السلام عليم و رحمة الله و بركاته ..
طبعاً هاي أول موضوع لي في " شبكة الاسهم القطرية " مع أني متبع المواضيع من سنوات ولكن اليوم حبيت أشارك بسبب الوضع الي يستدعي
أولاً عن نفسي .. أنا طالب جامعي سنة أولى .. تخرجت من الثانوية العامة السنه الي طافت بنسبة 92% ولله الحمد.. و حصلت على شهادة الأيلز من اول مره و تقريباً اجتزت البرنامج التأسيسي لولا الرياضيات .. و الحمد لله كان كل شئ تمام و مب مشتكي من أي شئ يخص المواد المطروحه و اللغه
راح أتكلم على أساس تحويل تخصصات الادارة و الاقتصاد و الإعلام إلى العربية في خريف 2012
بشكل خاص أكثر .. لأن هاي التخصصات الي ماشيه في البلد .. و تعتمد على اللغه بشكل أساسي في بيئة العمل .
الشغله الأولى .. دور المدرسه ..
طبعاً كلنا نعرف اسلوب المدرسه المستقله في التعليم و انها تحث الطالب على تعلم اللغه الانجليزية في المواد العلمية .. بعد سنوات من الدراسه في هالمدارس .. أحس نفسي متأسس في اللغه الانجليزية و أقدر اني اساير أي جامعه و اساير هاللغه .. دام إن مدارس البلد كلها هدفها تكوين جيل يقدر يساير اللغه الانجليزية و يساير التطور العالمي الي حاصل .. فليش و بالأخص هيئة التعليم تعلب في اعقولنا .. يدرسونا في المدارس شئ و في الجامعه يطلع شئ ثاني .. يعني شالهدف من هالحركه ؟؟ الحين الصراحه أنا متشتت و متحير و بذلت مجهود في تعلم اللغه على فاضي كوني دخلت جامعه قطر !!
الشغله الثانيه .. بيئة العمل ..
الحين 90% من القطاعات في البلاد تبي كوادر تتعامل باللغه الانجليزية .. خصوصاً إن أغلب الشركات في البلد شغاله إدارياً باللغه الانجليزية .. فشالفياده أني اتخصص إدارة و اقتصاد بالعربي و في النهاية بيئة العمل الي بشتغل فيها أساسها الانجليزي ؟!!! أولاً ما راح أطور نفسي ولا راح أطور قدراتي ثانياً جهه العمل بنفسها راح ترفضني !!!
الشغله الثالثه .. ظلم لطلاب الجامعه
والله يا جماعه اني تعرفت على طلاب ضيعوا شبابهم وهم يتعلمون انجليزي أعمارهم تتفاوت بين ال 20 و ال 25 وهم توهم معدين الانجليزي و داشين سنة أولى .. منهم الي عايد امتحان الايلز 8 مرات و منهم الي عدا مع البرنامج التأسيسي .. هالطلاب بعد ما اتعبوا و اهلكوا و تعبوا نفسهم و اوصلوا شنو ذنبهم ؟؟ والحين ناويين تغيرون قوانينكم .. هالطالب في شنو بيحس بعد ما يغيرون القوانين ؟؟ و يوم يشوف الطالب خريج الثانوية يدش بكل بساطه بلا ايلز بلا انجليزي وهو مضيع 4 سنوات من عمره يدرس شئ طاح سوقه ؟؟! فذمتكم يا شباب !! هاي و أنا اسمع سوالفهم و حاس فيهم
الشغله الرابعه .. فايده البرنامج التأسيسي
يا جماعه البرنامج التأسيسي له فوايد .. ما أدري ليش كل الناس تنظر له نظره سلبيه .. والله يا جماعه إن في ناس كانوا معاي في الرياضيات مب حافضين جداول الضرب و معادلات الدرجه الاولى أول مره يسمع عنها .. أيام الثانوية الطلاب كانوا معتمدين على الحاسبة بشكل كبيير و الحين اشلون تبونهم يتخصصون وهم 0 في الرياضيات ؟ حتى لو كان التعليم بالعربي ؟ تتوقعون إن الطالب يتخرج وهو ما يعرف شئ خير شير .. مع العلم إني ما أقصد الكل أقصد البعض
الشغله الخامسه .. جوده الجامعه
الجامعه وضعت النظام التأسيسي بسبب فشل المدارس من الأساس في تعليم أساسيات الرياضيات و الحاسوب و غريها .. فالحين الطلاب الجدد بيجون "فرشش " من المدرسه و على طول على التخصصات .. يكفي إن ترتيب الجامعه عالمياً 1,772 .. بعد هالقرار .. جوده الطلاب بتقل .. راح يتخرج الفاشل و يتخرج الناجح ! .. و المتخرج بيحصل الأبواب مصكره بسبب متطلبات جهه العمل !
و أخيراً .. اسمحولي على الإطاله .. أدري أن الغالبية راح تكون ضدي ولكن يا جماعه هاي وجهه نظري ما أبي حد يزعل من كلامي وممكن اكون غلطان في أشياء و أنا عارف إن الناس تشتكي و حذف النظام التاسيسي و تغيير اللغه ممكن يكون بمحل إفراج كربه لغيري .. ولكن انا اشذمبي دام اني شقيت و غيري تعب؟؟ .. أي والله ما ينعرف لنا .. مالنا غير الجامعات الخارجيه أو جامعات الشيخه موزا الله يحفظها اذا تطبق الكلام .
السلام عليم و رحمة الله و بركاته ..
طبعاً هاي أول موضوع لي في " شبكة الاسهم القطرية " مع أني متبع المواضيع من سنوات ولكن اليوم حبيت أشارك بسبب الوضع الي يستدعي
أولاً عن نفسي .. أنا طالب جامعي سنة أولى .. تخرجت من الثانوية العامة السنه الي طافت بنسبة 92% ولله الحمد.. و حصلت على شهادة الأيلز من اول مره و تقريباً اجتزت البرنامج التأسيسي لولا الرياضيات .. و الحمد لله كان كل شئ تمام و مب مشتكي من أي شئ يخص المواد المطروحه و اللغه
راح أتكلم على أساس تحويل تخصصات الادارة و الاقتصاد و الإعلام إلى العربية في خريف 2012
بشكل خاص أكثر .. لأن هاي التخصصات الي ماشيه في البلد .. و تعتمد على اللغه بشكل أساسي في بيئة العمل .
الشغله الأولى .. دور المدرسه ..
طبعاً كلنا نعرف اسلوب المدرسه المستقله في التعليم و انها تحث الطالب على تعلم اللغه الانجليزية في المواد العلمية .. بعد سنوات من الدراسه في هالمدارس .. أحس نفسي متأسس في اللغه الانجليزية و أقدر اني اساير أي جامعه و اساير هاللغه .. دام إن مدارس البلد كلها هدفها تكوين جيل يقدر يساير اللغه الانجليزية و يساير التطور العالمي الي حاصل .. فليش و بالأخص هيئة التعليم تعلب في اعقولنا .. يدرسونا في المدارس شئ و في الجامعه يطلع شئ ثاني .. يعني شالهدف من هالحركه ؟؟ الحين الصراحه أنا متشتت و متحير و بذلت مجهود في تعلم اللغه على فاضي كوني دخلت جامعه قطر !!
الشغله الثانيه .. بيئة العمل ..
الحين 90% من القطاعات في البلاد تبي كوادر تتعامل باللغه الانجليزية .. خصوصاً إن أغلب الشركات في البلد شغاله إدارياً باللغه الانجليزية .. فشالفياده أني اتخصص إدارة و اقتصاد بالعربي و في النهاية بيئة العمل الي بشتغل فيها أساسها الانجليزي ؟!!! أولاً ما راح أطور نفسي ولا راح أطور قدراتي ثانياً جهه العمل بنفسها راح ترفضني !!!
الشغله الثالثه .. ظلم لطلاب الجامعه
والله يا جماعه اني تعرفت على طلاب ضيعوا شبابهم وهم يتعلمون انجليزي أعمارهم تتفاوت بين ال 20 و ال 25 وهم توهم معدين الانجليزي و داشين سنة أولى .. منهم الي عايد امتحان الايلز 8 مرات و منهم الي عدا مع البرنامج التأسيسي .. هالطلاب بعد ما اتعبوا و اهلكوا و تعبوا نفسهم و اوصلوا شنو ذنبهم ؟؟ والحين ناويين تغيرون قوانينكم .. هالطالب في شنو بيحس بعد ما يغيرون القوانين ؟؟ و يوم يشوف الطالب خريج الثانوية يدش بكل بساطه بلا ايلز بلا انجليزي وهو مضيع 4 سنوات من عمره يدرس شئ طاح سوقه ؟؟! فذمتكم يا شباب !! هاي و أنا اسمع سوالفهم و حاس فيهم
الشغله الرابعه .. فايده البرنامج التأسيسي
يا جماعه البرنامج التأسيسي له فوايد .. ما أدري ليش كل الناس تنظر له نظره سلبيه .. والله يا جماعه إن في ناس كانوا معاي في الرياضيات مب حافضين جداول الضرب و معادلات الدرجه الاولى أول مره يسمع عنها .. أيام الثانوية الطلاب كانوا معتمدين على الحاسبة بشكل كبيير و الحين اشلون تبونهم يتخصصون وهم 0 في الرياضيات ؟ حتى لو كان التعليم بالعربي ؟ تتوقعون إن الطالب يتخرج وهو ما يعرف شئ خير شير .. مع العلم إني ما أقصد الكل أقصد البعض
الشغله الخامسه .. جوده الجامعه
الجامعه وضعت النظام التأسيسي بسبب فشل المدارس من الأساس في تعليم أساسيات الرياضيات و الحاسوب و غريها .. فالحين الطلاب الجدد بيجون "فرشش " من المدرسه و على طول على التخصصات .. يكفي إن ترتيب الجامعه عالمياً 1,772 .. بعد هالقرار .. جوده الطلاب بتقل .. راح يتخرج الفاشل و يتخرج الناجح ! .. و المتخرج بيحصل الأبواب مصكره بسبب متطلبات جهه العمل !
و أخيراً .. اسمحولي على الإطاله .. أدري أن الغالبية راح تكون ضدي ولكن يا جماعه هاي وجهه نظري ما أبي حد يزعل من كلامي وممكن اكون غلطان في أشياء و أنا عارف إن الناس تشتكي و حذف النظام التاسيسي و تغيير اللغه ممكن يكون بمحل إفراج كربه لغيري .. ولكن انا اشذمبي دام اني شقيت و غيري تعب؟؟ .. أي والله ما ينعرف لنا .. مالنا غير الجامعات الخارجيه أو جامعات الشيخه موزا الله يحفظها اذا تطبق الكلام .