كل شئ يزيد ولا ينزل !! .. الا البورصه تنزل وتنزل ! ..

[المخلب]

السلام عليكم ..

في الحقيقه .. للاسف الشديد في قطر .. كل حاجه زادت مع ارتفاع البورصه .. ولكن العجيب ان كل شئ اصبح يتضاعف ! .. بعكس البورصه التي تهافتت على الانخفاض .. بشكل سئ جدا ! ..(( صحيح ترتفع شوي .. ولكن تنخفض كلما ارتفعت ! )) .. ولكن الغريب بالامر .. ان كل حاجه المفروض ارتفعت .. وقت ارتفاع البورصه تنزل ! .. ولكن نشوف العكس ! ..
( لاتقولي اسعار البترول! .. ولا تقولي الحرب على ايران .. ! ولا تخترع شئ في الخيال وتلصقه بالبورصه ! ..الخ من كلام لايودي ولايجب ! ) ..

حاجه تزعل والله ..

يعني بالله عليكم .. انا استغرب .. عدم انشاء وزاره مسماه بوزاره الحفاظ على حقوق المستهلك ! ..

وظيفتها بس ! .. مراقبه الاسعار .. وعدم رفعها بشكل كبير جدا ..!!

يعني ناخذ مثال :

الاراضي .. من يصدق قبل شهر محصل ارض على 120 الفوت ! .. والاسبوع الماضي قالي نقزت الى 200 ريال ! .. حاجه تضحك ! ..

والاكثر من هذا كل شئ من مستهلكات ماديه طافت المعدل الاخضر لها ! ..

صرنا نشوف اشياء يستغرب الواحد منها ..

حتى الحراج ( الي محط يبي اشياه ! ) صار يبيع اغلى من الجديد ! :court: هذي المنافسه ! .. والله هزلت ..

الناس صارت تركض من البلدان الي جنبنا تشتري الي تبيه وتجي ! .. (( وش لها بالخساير )) ..

على قوله واحد من الشباب يقول :" كان ودي افتح دكان بقطر ! .. بس يوم شفت ان اجاره والسجل التجاري الي له يفقع العين ! .. حولت على - ####### - " يقول ارخص والبركه منه وفيه ! . "

ولا ننسى بلدان خليجيه ! ( مثل الامارات ! ) اشوف عندها طفره اقتصاديه عمرها ما صارت اسعارها مثل اسعارنا ! .. دايم اشوفهم انزل ! من عندنا !! واحنا دايما الاعلى !! ..



ان لم يتم وضع حد ! .. ماحد بيعيش بقطر سنه 2008 ! .. شكل نص قطر بهاجرون !! ..

لاحول ولاقوه الا بالله ..

[سلمان]

بس هالحقيقه ولازم انعيش معاها ونتعود عليها وصدقني صعبه ان القطريين يهاجرون والسبب السلفيات ألي ماتخلي الواحد ينام


(( ويعطيك العافيه على الموضوع يالمخلب ))

[الجوكر]

يجب ان احنا نتأقلم مع هذا الوضع
لانه فعلا صاير وبنلاحظه اكثر في الفتره القادمه

[الأختصاصي]

شكرآ اخوي المخلب على طرح هل الموضوع ....
الي يطلع سعره فوق ماينزل ممكن يحافظ على سعره ولاكن نزول لا
بس خل البورصه تعطلع مره ثانيه بنشوف كل شي مره ثانيه ارتفع سعره ضعف السعر الي نشوفه الحين .... اصبحت البورصه هي الي تغير حياة الناس سواء بالارتفاع او النزول ولاكن السلع الخارجيه في ازدياد مستمر الله يستر !!!!
اذ مافي رقابه صارمه وتتكون من الان ولا نقول على الدنيا السلام

[ابو عبد الرحمن]

هل تعلمون أن من أسباب ارتفاع الأسعار هو كثرة الذنوب والمعاصي. نعم اخواني هذا شيء معروف. نسأل الله العفو والعافية وأن يجنبنا الفتن ما ظهر منها وما بطن. اللهم آمين.

[المخلب]

ياجماعه الموضوع مااصار واقع ولازم نعيشه ..

لان مفهوم كلمه (( تاقلم ! )) معناها ان هناك شئ حدث لفتره معينه ! وسيبقى على ماهو عليه ! .. فلازم تتعود عليه ! (( هذا هو مفهومها .. )) ..

اما انك تقولي تعال تاقلم مع الوضع .. شلون تبون الناس تتاقلم والشئ هذا يحدث كل شهر !! ..

كل شهر تزيد الاسعار دبل !...

[khaldoon]

جزاك الله كل خير اخوي المخلب على مواضبعك المميزه دائما

[المخلب]

تسلم ياخلدون .. وماقصرت على المرور ..

[الزاجل]

يالمخلب ..
هم يبوننا نتأقلم مع الوضع اللي بيصير عقب عشر سنين
ولأن نظرتهم سباقة للمستقبل .. فبيقولون لك تأقلم ولكن
مع الوضع المتجدد لين اتحصل نفسك نايم في بيت من غير تموين ..

[حسين بن عاقول]

بصراحة السوق مب ذبح المستثمرين الا ذبح كل الناس

بصراحة انا ادور علي ارض مب محصل واذا حصلت سعر خيالي وما يسوا شي
للاسف ماقول غير ما كل شي المرء يتمناء يدركة انا نفسي في بيبسي بس اشرب فيمتو

وسلامتكم

[المخلب]

يالمخلب ..
هم يبوننا نتأقلم مع الوضع اللي بيصير عقب عشر سنين
ولأن نظرتهم سباقة للمستقبل .. فبيقولون لك تأقلم ولكن
مع الوضع المتجدد لين اتحصل نفسك نايم في بيت من غير تموين ..

هههه بس المشكله انك يمكن تحصل نفسك نايم !بدون تموين ! .. بس مو في البيت !!


بصراحة السوق مب ذبح المستثمرين الا ذبح كل الناس

بصراحة انا ادور علي ارض مب محصل واذا حصلت سعر خيالي وما يسوا شي
للاسف ماقول غير ما كل شي المرء يتمناء يدركة انا نفسي في بيبسي بس اشرب فيمتو

وسلامتكم


يااخوك المشكله .. ان الجرايد مليانه ! اراضي وبيوت وعقار !.. لكن العله بالسيوله !!..

ماتقدر تشتري اصغر قطعه فيهم !! ..

[بـوصـالـح]

اقتربنا من الاسياد

وبعد الاسياد ,, بنشوف (( اذا بتضل الاسعار على اسعارها الحاليه ولا لا ))

باقي 6 اشهر

[لاداعي]

وماخفي كان أعظم الله يستر علينا من الجاى

يعطيك العافيه اخوي المخلب

[لمت أب]

اقتربنا من الاسياد

وبعد الاسياد ,, بنشوف (( اذا بتضل الاسعار على اسعارها الحاليه ولا لا ))

باقي 6 اشهر
لاعلاقة للأسياد بهذه الأرتفاعات
ولو أنها قد ساهمت بجزء منها
فأن كنت تتكلم عن أرتفاع المواد الاوليه(مواد البناء)
فلاتنسى المشاريع الضخمه المقبل وسأذكر لك مايحضر ذاكرتي :
1- مشروع اللؤلؤه
2- مشروع لوسيل
3- مشروع مدينة الوافدين
4- مشروع المطار الجديد
5- الطرق الجسور والأنفاق وشبكةالصرف الصحي(البنييه التحتيه بشكل عام)
6- الأبراج والتي من المتوقع أن تغزو منطقة الدفنه والكورنيش والبدع والرميله
7- جميع المناطق التي تم هدمها والتي سيتم هدمها ستقوم محلها مدن جديده
وهناك الكثير الكثير من المشاريع والتي سوف تتطلب مواد بناء تفوق مانحن عليه الآن(يعني تونا ماشفنا شي)
بالنسبه لأسعار المواد الغذائيه وغيرها من ضروريات ومتطلبات الحياه فهو أرتفاع عالمي نتيجة أرتفاع اليورور وأسعار البترول(تكايلف النقل)
ولانستطيع أن ننكر أن هذا الارتفاع قد تأثرت به معظم الدول المستهلكه ولكنه كان بنسب متفاوته.
علاوة على ذلك كله فأن جشع التجار أيضا يعد أحد عوامل الأرتفاعات حيث أن هؤلاء التجار يتنافسون في هذه المرحله بالذات بما أنها تعد مرحلة طفره ولذلك تعتبر فرصه لجميع التجار لأستغلال هذه الطفره في تحقيق الثراء والأستفاده منها قدر الأمكان

[المخلب]

الله يكون بالعون .. شكرا على مرورررركم الكريم ..