هل ستلحق (القترة القطرية) ،، وتصبح مثل الطربوش المصري

[سلطان23]

في الماضي كان المصريين يلبسون طربوش

مع الايام تركها المصريين واصبح الي يلبس الطربوش هو المهرج فقط

بس الظاهر القترة القطرية بتسير مثل الطربوش

هذا الاسبوع كان عندنا دورة

ونص الشباب لابسين جينز

حتي الأجانب ما كانوا لابسين جينز

[رآعي موآجيب]

ما اعتقد ياسلطان

لأن الطربوش كان يعتبر من مكملات اللباس الرسمي في ذاك الوقت

لكن الغتره ما تعتبر من اللباس الرسمي وبس ، من اللباس الرسمي والزي القطري خاصه وتقريبا الخليجي بشكل عام ومن عاداتنا المتمسكين فيها لأقصى درجه ، حتى الأطفال تلاقيهم يميلون للغتره ويستانسون اذا يلبسونها

أما اننا نشوف كم واحد يلبسون جنز او غيره فهذا ما يعني ان فيه توجه للشباب على ترك الغتره لأنهم اقليه ولبسهم اعتقد بيكون وقتي فقط ومجبورين يرجعون للغتره إذا بغوا يتغلغلون في المجتمع ، انا اعتقد ان الغتره ماراح يكون مصيرها نفس مصير الطربوش

[ابو حيان]

في الماضي كان المصريين يلبسون طربوش

مع الايام تركها المصريين واصبح الي يلبس الطربوش هو المهرج فقط

بس الظاهر القترة القطرية بتسير مثل الطربوش

هذا الاسبوع كان عندنا دورة

ونص الشباب لابسين جينز

حتي الأجانب ما كانوا لابسين جينز


والله اخوي سلطان

بالعكس انا اشوف الحمدالله ان اهل قطر والسعودية بذات معتزين بالغترة
وما يتركونها روح لا اقرب مكان عام وراح اتشوف اغلب الموجودين عليهم اغترهم

انا اقارن الطربوش بالعقال الابيض الي كان العرب لاول يلبسونها
والحين ما فيه حد يلبسها الا ما ندر

اما بخصوص الجينزات ولبس الكاجول انا معاه من باب التغيير والمكان الي رايح له:victory:



والله يعطيك العافية على الطرح:nice:

[al-buainain]

الله المستعان المشكله ان موضوع الملابس صار عند الناس عادي

نسو او تناسو العادات والتقاليد والهوية الوطنية

[ام السعف]

يجوز ليش لا

يمكن صير نفس البخنق للمناسبات الشعبية
او يمكن تصير للمناسبات الرسمية والشخصيات الرسمية

[OTOsan]

الغترة اخوي سلطان .. وليس القتره :)

ما اعتقد ان الغتره بتفقد مكانتها لما زال لها من اهمية لدى القطريين ، ولكونها لباس رسمي لازال الجميع يعتز به ويتحاشى حتى ان يخلعه امام احد ..!

ولكونها احيانا (ستر وغطى) لمن يعاني من التصحر والجفاف في شعر الرأس :)

[بصمة قطرية]

ما أعتقد ..
مستحيل ..
الغتره ..!! لا

[بو الجوري]

ممكـن أعرف وين دورتك أو شنو نوعهـا !!!

لو قايل اشوف في فيلاجيو شباب قطريين مجنزين
بنقول معليـه ،، لكـن دوره !!

[الـقـاسـي]

في قطر بالذات ما اظن هالشي يصير حتى الاطفال متمسكين عندنا بشكل كبير بالغتره ..

[تحداني]

الله اكبر " اذان الظهر "

على ما اعتقد على حسب الدوره والمكان والزمان
اشوف اخواني يلبسون كاجول في اماكن .. والغترف في اماكن ثانيه


بس انهم يستغنون عن الغتره لا صعبه اشوي


جملك الله برضاه

[العقل الحر]

لا يوجد مقارنه بين الغترة والطربوش

الطربوش دخيل على عادات المصريين وهو مستورد من الاتراك العثمانيين

اما الغترة متأصله في عادات العرب ولا علاقه بها بالطربوش

والسؤال هنا هل سيتخلى الخليجين عن لبس الغترة ؟

لا احد يعلم المستقبل وما يخبئه

[بوحارب]

لا لا ماظن قله قليله اللي كنسلت الغترة والعقال وينعدون على الأصابع

بعدين اخوي سلطان لاتحكم على هالمووضوع من خلال دورة حضرتها

اطلع برع وروح المجمعات وبتشوف شباب الدوحة وش لابسين

[مرتبش]

صعبة في قطر
نحب الكوبرا

[الحاقول]

تقترن زينة الشاب القطري و(كشخته) بالغترة والعقال على أساس أنها من اساسيات أناقته التي لا يستغني عنها ويتشابه في هذه النقطة مع أقرانه في دول الخليج العربي الذين توارثوا ارتداء الغترة والعقال من أجدادهم الأوائل

[Qt.1]

يجوز ليش لا

يمكن صير نفس البخنق للمناسبات الشعبية
او يمكن تصير للمناسبات الرسمية والشخصيات الرسمية

اما عليج تعليقات , شدخل البخنق اللحين ,

[Qt.1]

في الماضي كان المصريين يلبسون طربوش

مع الايام تركها المصريين واصبح الي يلبس الطربوش هو المهرج فقط

بس الظاهر القترة القطرية بتسير مثل الطربوش

هذا الاسبوع كان عندنا دورة

ونص الشباب لابسين جينز

حتي الأجانب ما كانوا لابسين جينز

لتحكم على دوره حضرتها , الحمدالله لاازلنا نفتخر بلباسنا ,

[زايدي]

في الزمن الماضي كان الرجل لا يخرج من بيته إلا وهو لابس البشت ثم تناقص العدد وبقي من يلبس البشت في صلاة الجمعة والآن لا تجد البشت إلا في العيد وهو في طريقه إلى الإنقراض
فالذين يقولون مستحيل .. لا يوجد شيء مستحيل فالزمن يتغير وبسرعة

[قهوة الضحى]

القطري متميز بكشخته بالغترة من بين باقي الدول الخليجية

والكل يعرف هالشي كشخة القطري بالغترة غيييييير

ماتمنى يجي هاليوم ويتخلون عن الغترة لانها الشي الوحيد الي محليتهم

[القحطاني505]

اسمها الغترة وليس القترة

[Dawn]

الغتره ستنقرض اذا انتشرت عملية زرع الشعر .. :tease:

[Dawn]

للتوضيح : القتره ستنغرض هه

[.خالد]

ما اشوف فيها مشكله لو ان الشباب لبسوا كاجول او حتى اختفت الغترة من عاداتنا ...
لا ننسى ان الغترة والعقال ايضا يعتبر لبس وارد على اهل الخليج ولم يكن الزي الشعبي الا منذ ١٠٠ سنه تقريبا وكل شوي ويتطور ...

[alfahad1]

ممكن تطور الغتره او العقال مثلا ممكن العقال يصير مطلي ذهب

وعلى حسب اذا على المدى البعيد ممكن اما اذا تقصد المدى القريب فلا صعبه حبتين