طلب ضروري شهر عسل ( إلى مكه ) درجه اولى

[النــادر]

السلام عليكم ورحمه الله وبركاته

عندي زواج 9-2

واحتاج على الخطوط القطريه درجه اولى 9 - او يوم 10 بشهر 2 فبراير مب مشكله الوقت

إلى مكة بتاريخ 9 او 10 شهر 2

من ( الدوحة ) إلى ( مطار جدة )

ورجعه بتاريخ 11 -2 يوم واحد فقط ..


ضروري من كان يعرف احد يقدر يخدمني يرسل لي على الخاص وانا مراح اقصر بإذن الله

من راح يخدمني راح اعطيه 2000 ريال على خدمته وفوقها جزاك الله كل خير لاني في حاجه لدرجه اولى او رجال اعمال

[ولد ازغوى]

روح ريجنسي واحجز ليش تعطيننا ٢٠٠٠

[وطن]

اخوي القطرية ما عندهم حجوزات يعني
؟؟

ما فهمت ؟

[قطريه ماركه]

كلم السفريات أخوي و أكييد بتحصل بإذن الله .....

خيرر ما اخترت حق شهر العسل ...

مبرووك الزواج مقدما ....

[النــادر]

شكراً للجميع
الذهاب من الدوحة إلى جده على الانتظار !!!!

اما العوده من جدة إلى قطر متوفر درجه اولى

كل ما احتاج له الذهاب من الدوحه إلى مطار جدة درجة اولى

وانا ما نزلت الموضوع الا بعد ما سألتهم

[النــادر]

http://www.ansanbseet.com/om/uploads/13276670821.jpg

[ن.سهيل]

بالتوفيق

[AL-MAYSTRO]

ان شاء الله يتوفر لك حجز

وعمره مقبوله بإذن الله

[النــادر]

للجميع

[السحابة]

ليش ماتحجز علي طيران السعودية والله روعة

[الجوهره 2012]

صح احجز على غير القطرية والسعودية انسب عشان تنزل ف جده على طول ...؟


الله يوفقكم ان شاءالله

[النــادر]

السعودية للأسف مافيه

[النــادر]

ياليت من كان يعرف احد يخدمني

رقم الكود الخاص بي للحجز

8vn4zg

العوده محجوزه ولله الحمد لكن المطلوب احصل فرصه في الذهاب بتاريخ 10

وجزاكم الله خير للي بيخدمني واللي يحاول والي مايقدر

[روح الاطلس]

والله مدري شنو اقول لك لكن اذا عندك حجز على السياحية خلاص مالك الا هو لا تغربل عمرك والرحلة مب طويلة كلها ساعتين ونص
السياحية طالع لك سعرها 11 الف عيل الاولى كم!! وفر قريشاتك واشتري لها هدايا حلوه من هناك وبس ^_^


او شوف الرحلة من الدوحة الى المدينة المنورة يمكن تلقى درجة اولى

[بنت شيوخ]

ماااااااااااااااااااافي حجوزات

بصعوووبه هاي الوقت

[طماطه]

روحوا على السياحيه وارجعوا على الاولى ..

فعلا الرحلة مب طويله .. ساعتين وشوي الا انتوا في جده ^_^

[الخيالة]

حجزت ولي للحين؟؟؟ عشان اسأل لك ناس

[بو نيوفي]

احجز مقعد الطوارئ

[النــادر]

اللهم لك الحمد والمنه ربي اعطاني على قد النيه وحصلت حجز متوفر الساعه 4 فجر واتصلت عليهم وحجزت مباشره

ملاحظة لما رحت لمكتبه القطريه وشفت المقاعد المتوفره للدرجه الاولى

حصلت اكثر من 10 مقاعد متوفره !!!!!!!!!!


سبحان الله


جزاكم الله كل خير كل من حاول يساعدني

[تحداني]

اللهم لك الحمد والمنه ربي اعطاني على قد النيه وحصلت حجز متوفر الساعه 4 فجر واتصلت عليهم وحجزت مباشره

ملاحظة لما رحت لمكتبه القطريه وشفت المقاعد المتوفره للدرجه الاولى

حصلت اكثر من 10 مقاعد متوفره !!!!!!!!!!


سبحان الله


جزاكم الله كل خير كل من حاول يساعدني




سبحان الله
وعلى نياتكم ترزقون .. الله يهنيكم ويسعدكم ويجعل ايامك كلها في رضى الرحمن
لما قريت بعطيكم 2000 ريال قلت وعليه ما يسوى عليه " الناس للناس يا اخوي " لا اتحاتي

الجو جميل هالايام
والمكان اجمل
والمناسبه رائعه


الف مبروك مقدما وتقبل الله عمرتكم ايضا مقدما
واوقات سعيده


جملك الله برضاه

[وطن]

الحمدلله انك لقيت حجز

الله يهنيكم
والله يتقبل طاعتكم

[النــادر]

جزاكم الله خير احبتي ... على مروركم وبارك الله فيكم