رايكم: كاديلاك cts 2012 او لكزس es350 2012

[Galbi]

السلام عليكم ورحمة الله وبركاته

ان شاالله ناوي اشتري سياره جديده وحطيت عيني على سيارتين

كاديلاك CTS

http://cdn.nitrobahn.com/wp-content/uploads/2011/04/2012_Cadillac-CTS.jpg

لكزس ES350

http://onsurga.com/wp-content/uploads/2011/11/2012-Lexus-ES-350.jpg

لكني محتار وايد

الكاديلاك شكلها أحلى بوايد من اللكزس ، وكنت ناوي آخذها

بس اللي حولي خوفوني آخذها ، لأن قطع غيارها غاليه ، وتصرف بترول ، وان فكرت يوم أبيعها بيطيح سعرها .... الخ من الكلام اللي نسمعه دوم عن المواتر الامريكية

وانصحوني آخذ لكزس .... مع ان مواصفاتها قوية ومقاربه للكاديلاك ، بس شكلها مب عاجبني وايد

لكن اللي حولي يقولون: لا يغرك المظهر ، اهتم بالجوهر :nice:

فصرت يوم متحمس للكاديلاك ، ويوم متحمس لـ اللكزس ، ويوم محتار

فقلت اسألكم ، يمكن حيرتي تخف :)

[hamad almohd]

انا اشوف الكزس احلا واكبر وسوقها اقوى من الكاديلاك :)

[بوحارب]

اللكزس بالراحة

[الارض]

الكدلك وانا مغمض

كفايه ان وقت الدعمه ماراح تكون اعضاء جسمي منثره فالشارع مثل اللكزس الياباني البلاستك اللي مافيه لا قوه ولا سيفتي

[قلم صادق]

الكاديلاك فخامه من الداخل ومن الخارج

[الجوهره 2012]

ههههههههههههههههههههههههههههههآي

احس انهم حيروك اكثر لووووووووووووول



من وجهة نظري :nice:

انا احب اللكزس احس الكاديلاك حق عيوز ازقرت يسوق فيها السايق :eek5:

موفق اخوي :victory:

[وحيد-الشوق]

اللكزس الي مختارها جنها كامري وشكلها قريب بيتغير وسعرها مايسوى صراحه

اما الكدليك ما اقدر اقولك حلوة ولامو حلوة

[المدريدي]

طبعا الكاديلاك قمة الفخامة والرقي

والكزس وشو اخرتها تويوتا رافعين اسعارهم على الفاضي

شخصيا اشوف الكاديلاك افخم بالراااااااااااااحة

[ASK2]

طبعاً كاديلاك

[al-sadd]

تبي الصراحة انا ماجربت ولا واحد فيهم
ولاكن اشوف الكاديلاك احلى وارقى
اما اللكزس سعره غالي واخرتها ياباني
خلك ع الامريكي

[fhd4]

الكاديلاك والامريكي بشكل عام مشكلته انك تحسه صار قديم بسرعة ... بعد سنة تحس الموتر مغبر وشكله قديم حتى لو كنت محافظ عليه ... مادري يمكن احساسي أنا بس ..

ومشكلة اللكزس الـ es ... انه شكله راح يتغير بعد سنة أو أقل ...

إذا ودك تنتظر ... انتظر الـ gs الجديد ...

[فتى الجود]

السلام عليكم


خلك على وارد عبدالغنى

ارشح لك اللكزس

وموفق خير ان شاء الله

[الوسيط العقاري]

لكزس وبس

[بعيد النظر]

عن نفسي ياخوي كنت نفسك محتار ..
بين موترين لكزس وكدلك ..


وخالفت الجميع وخذت كدلك والحمدلله مرتاح مع الموتر ..
وما اجوفه يشكي من شي ! والضماان ما يقصر !


وانت براحتك !

[Galbi]

مشكورين على ردودكم وتفاعلكم :)

والله استخرت كم مرة ، وصاير احس براحه اكثر من الكاديلاك

لكن ما زلت متردد شوووي


عن نفسي ياخوي كنت نفسك محتار ..
بين موترين لكزس وكدلك ..


وخالفت الجميع وخذت كدلك والحمدلله مرتاح مع الموتر ..
وما اجوفه يشكي من شي ! والضماان ما يقصر !


وانت براحتك !

هلا اخوي

بس حبيت اسإلك ، كم سنه صار لك مع الكاديلاك ؟
وأي نوع أخذت cts ولا غيره ؟

[بوجاسم566]

خدمة شركة المناعي لايلعى عليها

وخصوصا ان اهتمامهم كبير بالكدلك واذا خايـف من قطع الغيـار ٥ سنين كل شيء ع الضمان

ولكن عيب الكدلك يعتـج بسرعة يعني سنة ولا ٢ ويطيح كرتة واذا حصلت له شراي اب ٤٠ الف زين

جوف اسعار الاسكاليـد مقارنة باللكزس الفورويل اتكلم عن المستعمل

يعني بيني وبينك المواتر مافيهم مقارنـة

يعني المواصـفات والخدمة الكدلك لكن عقب الضمان .. كل شيء غالي

لكن الى يمسك سعرة و شكلة يتم يديد حتى عقب ٥ سنين وحولها ع البيت وبيعيش معاك عمـر اللكزس