++ هل تفتح صفحات المنتديات اثناء ساعات الدوام الرسمي ؟؟

[Dawn]

السلام عليكم


شلونكم ؟؟؟ :rolleyes:


موضوعي فيه تساؤلات بسيطه جدا ...

- هل تدخلون المنتديات اثناء ساعات الدوام ؟ ..
- وهل تحسون بالذنب او التقصير في هذه الحالة ؟ بالذات في حالة تأجيل العمل وتقليل الانتاجية بسبب انشغالكم بقراءة المواضيع والرد عليها ؟
- هل دخول الشخص للمنتديات اثناء الدوام يدل على ان عمله فيه نوع من البطالة المقنعه واوقات فراغ يجب ان تستغل من قبل ادارته بشكل افضل ؟؟

انا حددت المنتديات لان تصفحها ياخذ وقت اكثر من مواقع التسوق او تصفح الرسايل الموجوده بالايميل الشخصي ... لكن ممكن نضيفهم بعد ... على اساس انها تدل على استخدام النت لاغراض
خارجه عن مهام العمل ...

السبب اللي خلاني اكتب هالموضوع هو موقف صار معاي و راح اكتبه في المشاركات القادمه ...

لكن يهمني اعرف رأيكم مبدئيا بالموضوع .. :telephone:

وشكرا جزيلا ...

صحيح عندي سؤال آخر للي يعرف ، ايهما اصح لغويا :- ساعات الدوام الرسمي - والا ساعات الدوام الرسمية ؟؟؟ لاني احترت وانا اكتب العنوان ... :unsure:

[فراغ]

انا بالنسبه لي
اروح الكرنيش علشان استعمل الأنتر نت ببلاش
ويعتمد ذلك على الجو
اذا كان بارد او فيه اغبار ايلس في البيت لني بطالي ما اشتغل
اذا شفت واحد شايل كمبيوتر كبر الطابوقه في الكرنيش فهذيه انا
لذلك اطلب منك السموحه
ماعندي جواب

[بوحارب]

انا لو عندي نت في الدوام بكون شابك على طول على المنتدى

لكن البي بي ماقصر افتح المنتدى اي وقت :)

الرسمي مب الرسمية

والرسمية تكون صحيحة اذا كانت قبلها كلمة مهمات

مثلا : المهمات الرسمية

فكر انا مافي معلوم عربي :)

[airbus]

والله الي انا متبع المنتديات الصبح اكتر وقت تحصلي فيه اعضاء و زوار

لكن السؤال اهني لما تدخل المنتدى او النت اكتر من الازم في وقت الدوام هل يعتبر راتبك حلال !!؟؟

[Dawn]

انا بالنسبه لي
اروح الكرنيش علشان استعمل الأنتر نت ببلاش
ويعتمد ذلك على الجو
اذا كان بارد او فيه اغبار ايلس في البيت لني بطالي ما اشتغل
اذا شفت واحد شايل كمبيوتر كبر الطابوقه في الكرنيش فهذيه انا
لذلك اطلب منك السموحه
ماعندي جواب

الله يرزقك بالوظيفه عاجلا غير اجلا ان شا الله
شي حلو انك تغير جو وتستمتع بتصفح النت ،،، نصيحتي انك تدش المواقع اللي ممكن تفيدك في الحصول على الوظيفه ... والمواقع اللي تطور من قدراتك ومهاراتك اللغويه والتقنيه ... :nice:

اشكرك على المرور الراقي ..


انا لو عندي نت في الدوام بكون شابك على طول على المنتدى

لكن البي بي ماقصر افتح المنتدى اي وقت :)

الرسمي مب الرسمية

والرسمية تكون صحيحة اذا كانت قبلها كلمة مهمات

مثلا : المهمات الرسمية

فكر انا مافي معلوم عربي :)

انزين متى تدش المنتدى عادة ؟؟ اذا خلصت الشغل والا تاخذ بريك وتتصفح المنتدى وبعدها ترجع للشغل ... وهل هالشي يشتت انتباهك عن انجاز المهام الوظيفيه والا عادي ؟ :con2:

[<اضرب واشرد>]

أنا رأيي أن على حسب الدوام

إذا متعارف بين الموظفين في الدوام أن مسموح الدخول للنت وتصفحه في وقت الفراغ ، او الدردشة بين الموظفين ، فما فيها شي حسب رأيي ، لكن بحدود وذمة كل موظف .. بحيث مايتأثر عمله وانتاجه ويقوم بواجباته أول بأول ، وإذا في مراجعين يقوم بخدمتهم ، مب يسفه لهم ولا يعطيهم وجه ، أو يتصدد عنهم ويقطهم على الموظف الثاني !

[Dawn]

والله الي انا متبع المنتديات الصبح اكتر وقت تحصلي فيه اعضاء و زوار

لكن السؤال اهني لما تدخل المنتدى او النت اكتر من الازم في وقت الدوام هل يعتبر راتبك حلال !!؟؟

ممم سؤال وجيه ... بس لو كان مثلا الموظف فاضي ووظيفته فيها بطاله مقنعه شيسوي المسكين ؟

اشكرك على المرور ايربص

[رآعي موآجيب]

هههههههههههههههههه



أممممممممممم

لو سمحتي وش السؤال !!؟ :eek5:



السموحه منش :shy:

بس مادري ليه يوم جيت اجاوب نسيت السؤال :omen2: فتذكرت مقابلة القذافي يوم سأله المذيع وضحك القذافي وبعدين قاله وش السؤال !!! :tease:



نرجع للموضوع



[B]
السلام عليكم


وعليكم السلام

شلونكم ؟؟؟ :rolleyes:

طيبين طاب حالش :nice:


موضوعي فيه تساؤلات بسيطه جدا ...


انشدي واحن نجاوب


- هل تدخلون المنتديات اثناء ساعات الدوام ؟ ..

اي نعم

- وهل تحسون بالذنب او التقصير في هذه الحالة ؟ بالذات في حالة تأجيل العمل وتقليل الانتاجية بسبب انشغالكم بقراءة المواضيع والرد عليها ؟

بالنسبه لي لا ،، لأن عملي مش مكتبي ، ولا انا مطالب بالتواجد في الموقع إلا اثناء العمل فقط ، والعمل مايجي إلا كل فتره وفتره ، فأتصفح النت لحين يتم استدعائي للموقع

- هل دخول الشخص للمنتديات اثناء الدوام يدل على ان عمله فيه نوع من البطالة المقنعه واوقات فراغ يجب ان تستغل من قبل ادارته بشكل افضل ؟؟

كل ٍ على حسب شغله ، يعني لو كان شغلي غير هالشغله الحين اعتقد انه مهب من حقي اترك الشغل واكدسه واقعد احلل المواضيع وارد عليها واستوي نفس السراج اللي ينور للناس وهو من الداخل مظلم !

السبب اللي خلاني اكتب هالموضوع هو موقف صار معاي و راح اكتبه في المشاركات القادمه ...

ننتظر السبب :telephone:

صحيح عندي سؤال آخر للي يعرف ، ايهما اصح لغويا :- ساعات الدوام الرسمي - والا ساعات الدوام الرسمية ؟؟؟ لاني احترت وانا اكتب العنوان ... :unsure:[/
B]

ساعات العمل الرسميه ,, لأن التأنيث هنا يخص ساعات ولا يخص العمل او الدوام

هذا حسب فهمي المتواضع والله اعلم :)
]




وننتظر اخونا ابو عبدالعزيز يصحح لنا المعلومه :nice:

[Dawn]

أنا رأيي أن على حسب الدوام

إذا متعارف بين الموظفين في الدوام أن مسموح الدخول للنت وتصفحه في وقت الفراغ ، او الدردشة بين الموظفين ، فما فيها شي حسب رأيي ، لكن بحدود وذمة كل موظف .. بحيث مايتأثر عمله وانتاجه ويقوم بواجباته أول بأول ، وإذا في مراجعين يقوم بخدمتهم ، مب يسفه لهم ولا يعطيهم وجه ، أو يتصدد عنهم ويقطهم على الموظف الثاني !

اتفق معاك لان مب عدله صراحه يخلي شغله ويقصر فيه ،، ويقطه على غيره علشان شيء يقدر يسويه بعد الدوام ..
اشكرك على المرور

[بوحارب]

انزين متى تدش المنتدى عادة ؟؟ اذا خلصت الشغل والا تاخذ بريك وتتصفح المنتدى وبعدها ترجع للشغل ... وهل هالشي يشتت انتباهك عن انجاز المهام الوظيفيه والا عادي ؟ :con2:
ادخل اي وقت ماعندي اي مشكلة واكثر وقت في البريكات:nice:

[السكين]

بعض الاحيان طبعاً وللعلم كثير من الموظفين غير مشغولين طول وقتهم ،
يعني عنده وقت فراغ ايضاً بالشغل
اهم شي ما يتعارض تصفحه للنت او اي عمل خاص مع مهامه اللي مكلف فيها

[Dawn]

هههههههههههههههههه



أممممممممممم

لو سمحتي وش السؤال !!؟ :eek5:



السموحه منش :shy:

بس مادري ليه يوم جيت اجاوب نسيت السؤال :omen2: فتذكرت مقابلة القذافي يوم سأله المذيع وضحك القذافي وبعدين قاله وش السؤال !!! :tease:



نرجع للموضوع






وننتظر اخونا ابو عبدالعزيز يصحح لنا المعلومه :nice:



يه ؟؟ ليش ما قدرت اقتبس كل الكلام ؟؟

المهم

انتا رايك ان هالشي يعتمد على الوظيفه ومهامها ... ومب اي وظيفه مسموح فيها تصفح النت ..

مم حيرتوني الحين الرسمي والا الرسميه :con2:

اشكرك على المرور

[Dawn]

ادخل اي وقت ماعندي اي مشكلة واكثر وقت في البريكات:nice:

اها شكرا على التوضيح بوحارب

[Dawn]

بعض الاحيان طبعاً وللعلم كثير من الموظفين غير مشغولين طول وقتهم ،
يعني عنده وقت فراغ ايضاً بالشغل
اهم شي ما يتعارض تصفحه للنت او اي عمل خاص مع مهامه اللي مكلف فيها

انا مروا علي ناس يقولون ان ما عندهم وقت كلش ،، وناس مروا علي يشتكون من الوقت الكبير اللي يمر وهم بلا اي مهام وظيفيه .. وصدق او لا تصدق كلهم من قسم واحد !! ومديرتهم وحده !!

وبخصوص السطر الاخير انا اتفق معاك 100%

اشكرك على المرور

[رآعي موآجيب]

يه ؟؟ ليش ما قدرت اقتبس كل الكلام ؟؟

المهم

انتا رايك ان هالشي يعتمد على الوظيفه ومهامها ... ومب اي وظيفه مسموح فيها تصفح النت ..

مم حيرتوني الحين الرسمي والا الرسميه :con2:

اشكرك على المرور


صحيح :)

وانا اقول الرسميه :nice:

[chillis]

اي نعم اشبك من الدوام اذا ماعندي شغل وماحس بتانيب ضمير لاني اشبك وقت الفراغ ومن جهازي الخاص. مهب مثل بو حارب طول الوقت حسب فراغي

[الراقيه سبشل]

لما يجي على بالي اشبك على المنتدى بالدوام

[(بوطلال)]

للاسف اكثر وقت تجد فيه الاعضاء ومشاركاتهم وقت الدوام وهو دليل اهمال وتعطيل لمصالح الناس . اذكر مره وانا اراجع احد الوزارات كان الموظف شابك على المنتدى ويوم دخلت عليه تضايق وحولني لموظف اخر عشان ماينشغل عن متابعة المنتدى واصريت الا يخلصني هو ولاحد غيره وقلتله خلك من الكلام الفاضي وحلل راتبك واتق الله في لقمة عيشك .

الي يقول انه فاضي وماعنده شغل ماعليه يوم او اثنين لكن كل يوم وكل هالعدد من الاعضاء هالشي يخلينا نقول لهم اتقوا الله في المراجعين وفي وظيفتكم وفي تقصيركم .

[الخزرجي قطر]

لااستخدم اوقات الدوم في الدخول الى اي منتدى لان الوقت ملك الوظيفه حتى لو كان في وقت
الصحيح ساعات الدوام الرسميه وبعض المشايخ يقولون لايجوز كلمة دوام لان الدوام لله سبحانه
وصحتها ساعات العمل الرسميه لذا وجب التنويه والتوضيح والله اعلم.

[عاشق الشهادة]

بطلب مني تم الاستغناء منذ فترة عن الكمبيوتر والنت الخاص بالعمل
وتم الاستعانه باللاب توب و ببروباند خاص فيني
والحمد لله اخلص شغل العمل وشغلي من جيبي الخاص .

[airbus]

للاسف اكثر وقت تجد فيه الاعضاء ومشاركاتهم وقت الدوام وهو دليل اهمال وتعطيل لمصالح الناس . اذكر مره وانا اراجع احد الوزارات كان الموظف شابك على المنتدى ويوم دخلت عليه تضايق وحولني لموظف اخر عشان ماينشغل عن متابعة المنتدى واصريت الا يخلصني هو ولاحد غيره وقلتله خلك من الكلام الفاضي وحلل راتبك واتق الله في لقمة عيشك .

الي يقول انه فاضي وماعنده شغل ماعليه يوم او اثنين لكن كل يوم وكل هالعدد من الاعضاء هالشي يخلينا نقول لهم اتقوا الله في المراجعين وفي وظيفتكم وفي تقصيركم .


بظبط هدا هدا مقصد كلامي في ردي السابق وتحصل اكتر عدد مابين الساعه 7 الى الساعه 10 طبعا المفروض يكون هدا الوقت الشغل ومايكون عندك وقت فراغ


هده احد الاسباب الي تخلي الناس تشعر فيها ان راتبهم قليل او مايكفيهم الى نهايته الشهر لانه منزوع منه البركة !

[نتفـه]

لا اصلا ممنوع .. وعموما مافي وقت للمنتديات الصبح حتى في اوقات الفراغ .. شغل شغل شغل ..
صار دخولي للمنتدى نادر بعد ..
وشكرا على الموضوع .. :)

[غايه الطواش]

بالنسبه لي ادخل وقت الدوام الرسمي لما اكون مضغوطه في مشكله عشان اغير جو شوي واريح وارجع للشغل مره ثانيه ..... اما اذا شفتيني محتفيه الصبح يعني الامور سهالات ....وكل شي تمام ....

[barod]

انا شغلي خاص فيني ولذلك ادخل لما الاقي فرصه بالمكتب يعني ما اعطل شغل حد

[qataria]

لااستخدم اوقات الدوم في الدخول الى اي منتدى لان الوقت ملك الوظيفه حتى لو كان في وقت
الصحيح ساعات الدوام الرسميه وبعض المشايخ يقولون لايجوز كلمة دوام لان الدوام لله سبحانه
وصحتها ساعات العمل الرسميه لذا وجب التنويه والتوضيح والله اعلم.

والمفروض ما افتح النت و لا اقرا كتاب ولا اتكلم في التلفون في الوقت اللي ما فيه شغل..طيب وشو الحكمة لا انا بفيدهم ولا بستفيد شي .. ساعات ضايعه من العمر وخلاص.

[ام ناصر1]

عادي ...ساعات ادخل خلال البريكات ...ما احس بتأنيب الضمير لأني حزتها اكون فاضية
وعملنا ماله دخل بتخليص معاملات أحد ...فسهالات ...المشكلة ...إنه الدوام وقته طويل
والمنجزات فيه بسيطة ومحدودة ...ساعات احس إنه بتصبيني حالة نفسية من كثرة
الفراغ بالشغل ...
أنا انصدمت يوم شفت كمية الفراغ بالقطاع العام ...لكن لما كنت بالقطاع الخاص
ما كان فيه شي اسمه شغل بطالية ....فيه شغل شغل ...والبريك استراحة ...للموظف
فعادي ادخل المنتدى ...تسالي :secret:

[المدريدي]

أي نعم أدخل لتصفح المواقع أثناء العمل

وممكن أقعد 7 ساعات لو أبغي لان مرات شغلي يكون أقل من ساعة وبعدها ما عندي شي

[Dawn]

اي نعم اشبك من الدوام اذا ماعندي شغل وماحس بتانيب ضمير لاني اشبك وقت الفراغ ومن جهازي الخاص. مهب مثل بو حارب طول الوقت حسب فراغي

زين .. الاحظ الجميع متفقين انه هالشي مسموح في وقت الفراغ واذا مافيه شغل
شكرا شيليز على المرور الراقي


لما يجي على بالي اشبك على المنتدى بالدوام

هلا الراقيه ... اشكرج على الإضافه .. والمرور الراقي

[Dawn]

للاسف اكثر وقت تجد فيه الاعضاء ومشاركاتهم وقت الدوام وهو دليل اهمال وتعطيل لمصالح الناس . اذكر مره وانا اراجع احد الوزارات كان الموظف شابك على المنتدى ويوم دخلت عليه تضايق وحولني لموظف اخر عشان ماينشغل عن متابعة المنتدى واصريت الا يخلصني هو ولاحد غيره وقلتله خلك من الكلام الفاضي وحلل راتبك واتق الله في لقمة عيشك .

الي يقول انه فاضي وماعنده شغل ماعليه يوم او اثنين لكن كل يوم وكل هالعدد من الاعضاء هالشي يخلينا نقول لهم اتقوا الله في المراجعين وفي وظيفتكم وفي تقصيركم .

انا ما ركزت صراحه متى وقت الذروه في منتدى الاسهم لكن اعتقد انه في الليل .. او لاني شخصيا ما اقدر ادش المنتدى في وقت الشغل .. وبخصوص هالموقف اللي ذكرته انا صار لي موقف مشابه ... والسبب كان منتدى الاسهم بصراحه .. ما عرفت الوم البنت وازعل منها والا اعذرها ... راح اذكر الموقف بعد ما ارد على المشاركات ان شا الله ... حياك الله اخ بوطلال واشكرك على المرور


لااستخدم اوقات الدوم في الدخول الى اي منتدى لان الوقت ملك الوظيفه حتى لو كان في وقت
الصحيح ساعات الدوام الرسميه وبعض المشايخ يقولون لايجوز كلمة دوام لان الدوام لله سبحانه
وصحتها ساعات العمل الرسميه لذا وجب التنويه والتوضيح والله اعلم.

اشكرك على الاضافه والتنبيه بارك الله فيك ...
لكن ما تتفق معاي انه فيه وقت فراغ يجب ان يستغل بشكل افضل اثناء ساعات العمل ؟ اللي فاضي وما عنده شغل ليش نلومه لما يدخل المنتدى ... عالاقل افضل من جلسات النميمه مثلا .. والا انتا شرايك اخوي ؟؟ :rolleyes2:




بطلب مني تم الاستغناء منذ فترة عن الكمبيوتر والنت الخاص بالعمل
وتم الاستعانه باللاب توب و ببروباند خاص فيني
والحمد لله اخلص شغل العمل وشغلي من جيبي الخاص .

مم غريب موقفك !
ليش سويت هالشي ؟ هل انتا كنت مثلا تحس انه من الخطأ الاعتماد على النت اللي توفره جهة عملك في الدخول لمواقع لا تخدم مصلحة العمل ؟
حياك الله اخوي عاشق الشهادة ..

[سهم عتيج]

بحكم اشرافي على رئاسة احد الاقسام

فانني احث موظفيني على تصفح النت اذا ماعندهم شغل لسبب بسيط

لاني اكتشفت انك يوم تخلي الموظف مرتاح يعطيك اكثر في الشغل وكذلك يوم يحس الموظف انه يقدر يتصفح النت على راحته فهذا يجعله يقعد على مكتبه اكثر ويحاول يخلص الشغل اللي في يده عشان يتفرغ للنت،، ومب كل شوي يبغي يستأذن يروح كوفي شوب او غيره


والحمدلله انتاجية موظفيني مرتاح منها لاني مريحهم وهم مريحيني

والله الموفق

[Dawn]

بظبط هدا هدا مقصد كلامي في ردي السابق وتحصل اكتر عدد مابين الساعه 7 الى الساعه 10 طبعا المفروض يكون هدا الوقت الشغل ومايكون عندك وقت فراغ


هده احد الاسباب الي تخلي الناس تشعر فيها ان راتبهم قليل او مايكفيهم الى نهايته الشهر لانه منزوع منه البركة !

مم كلامك يحتاج الى وقفة تأمل ومحاسبة الذات ،، اتمنى من كل عضو يراجع حساباته ويشوف اذا فعلا كان انشغاله بالمنتدى يكون على حساب انجازه في العمل ...
اشكرك على المرور والاضافه اخوي ايربص


لا اصلا ممنوع .. وعموما مافي وقت للمنتديات الصبح حتى في اوقات الفراغ .. شغل شغل شغل ..
صار دخولي للمنتدى نادر بعد ..
وشكرا على الموضوع .. :)

ممم انتي مدرسه يا نتفه ؟؟
هذي حالتي ايام التدريس :) هه

حياج الله حبوبه ونصيحه حاولي تنظمين وقتج بحيث تخصصين لج وقت تسوين فيه اي شي تستمتعين فيه واحرصي انه يكون بعيد عن جو الشغل ... لا تكون حياتج كلها شغل شغل شغل .. ترا انتي مب مكينه ... زين ؟ :)

شكرن على المرور

[Dawn]

بالنسبه لي ادخل وقت الدوام الرسمي لما اكون مضغوطه في مشكله عشان اغير جو شوي واريح وارجع للشغل مره ثانيه ..... اما اذا شفتيني مختفيه الصبح يعني الامور سهالات ....وكل شي تمام ....

مممم اول مشاركه توضح ان المنتدى وسيله للتنفيس عن مشاكل الموظفه اثناء ساعات العمل .. وما الومج صراحه ... حلو الشعور لما الواحد يعبر عن رأيه بكل راحه بعكس العالم الواقعي ...
حياج الله اختي غايه والله يبعدج ويبعد المسلمين عن الضغوط والمشاكل يارب


انا شغلي خاص فيني ولذلك ادخل لما الاقي فرصه بالمكتب يعني ما اعطل شغل حد

كلام حلو ... اشكرك على المرور والإضافه ..


والمفروض ما افتح النت و لا اقرا كتاب ولا اتكلم في التلفون في الوقت اللي ما فيه شغل..طيب وشو الحكمة لا انا بفيدهم ولا بستفيد شي .. ساعات ضايعه من العمر وخلاص.

ممم لا اشدعوه ،، طالما هالشي مسموح في وقت الفراغ وين المشكله ؟ :unsure:
شكرا على المرور عزيزتي قطريه


عادي ...ساعات ادخل خلال البريكات ...ما احس بتأنيب الضمير لأني حزتها اكون فاضية
وعملنا ماله دخل بتخليص معاملات أحد ...فسهالات ...المشكلة ...إنه الدوام وقته طويل
والمنجزات فيه بسيطة ومحدودة ...ساعات احس إنه بتصبيني حالة نفسية من كثرة
الفراغ بالشغل ...
أنا انصدمت يوم شفت كمية الفراغ بالقطاع العام ...لكن لما كنت بالقطاع الخاص
ما كان فيه شي اسمه شغل بطالية ....فيه شغل شغل ...والبريك استراحة ...للموظف
فعادي ادخل المنتدى ...تسالي :secret:

انا اول ما غيرت شغلي كنت مثلج ووصلت لمرحله قلت خلاص بقدم استقالتي بس الحين تعودت على وقت الفراغ اللي يتخلله بعض المهام اللي تكلفني فيهم رئيستي بالعمل وانا اصلا بارده واخذ وقتي :) ...
هالايام صرت استغل وقت الشغل عدل بحيث ان مكتبي يكون منظم وكل شي في مكانه قدر الامكان ... ولاحظت ان الاوراق اللي على مكتبي خفت من اسبوع تقريبا .... هذي عاد يبيلها موضوع ثاني ... راح احط تجربتي وان شا الله تفيد الموظفات اللي يتوهقون بالاوراق المكدسه على المكتب :shy:

حياج الله حبيبتي وبالتوفيق ان شا الله في شعلج بالقطاع العام ....



أي نعم أدخل لتصفح المواقع أثناء العمل

وممكن أقعد 7 ساعات لو أبغي لان مرات شغلي يكون أقل من ساعة وبعدها ما عندي شي

اكيد انت في القطاع العام بعد .... الله يعز الحكومه :victory:
حياك الله واشكرك على المرور ..

[Dawn]

بحكم اشرافي على رئاسة احد الاقسام

فانني احث موظفيني على تصفح النت اذا ماعندهم شغل لسبب بسيط

لاني اكتشفت انك يوم تخلي الموظف مرتاح يعطيك اكثر في الشغل وكذلك يوم يحس الموظف انه يقدر يتصفح النت على راحته فهذا يجعله يقعد على مكتبه اكثر ويحاول يخلص الشغل اللي في يده عشان يتفرغ للنت،، ومب كل شوي يبغي يستأذن يروح كوفي شوب او غيره


والحمدلله انتاجية موظفيني مرتاح منها لاني مريحهم وهم مريحيني

والله الموفق

اي انا مشرفه بعد في منتدى ثاني ... ولما توظفت كلمت المدير اني بعتذر عن الاشراف بس هو كان متفهم جدا ... لكن لحد اليوم انا ما دخلت اثناء وقت العمل رغم ان عندي وقت من الفراغ .. مادري ليش ...

بس مبين ما شا الله انك مدير مهتم براحة الموظفين اللي ترأسهم وهذا شي يدل على ان الكفاءات القطريه فيها الخير .. وعكس ما يتم تصويرها من قبل البعض بالذات في هالمنتدى .. :victory:

اشكرك على المرور اخوي سهم عتيج

[نتفـه]

ما شاء الله عليج دام انج منظمه علمينا ننظم الشغل لاني من الناس الفوضويين جدا -_-"

[رآعي موآجيب]

السبب اللي خلاني اكتب هالموضوع هو موقف صار معاي و راح اكتبه في المشاركات القادمه ...




ترانا ننطر السبب :omen2:

[ضوى]

- هل تدخلون المنتديات اثناء ساعات الدوام ؟ ..

اكييد مب اي منتدى ، الاسهم وبس :)

- وهل تحسون بالذنب او التقصير في هذه الحالة ؟ بالذات في حالة تأجيل العمل وتقليل الانتاجية بسبب انشغالكم بقراءة المواضيع والرد عليها ؟

ابدا ماحس بهالشي وانتاجيتي ماقلت اطلاقا وهذا انا من سنة 2000 والنت موجود عندي وشغلي هو هو لا وزايد عن قبل بحكم زيادة موظفينا

- هل دخول الشخص للمنتديات اثناء الدوام يدل على ان عمله فيه نوع من البطالة المقنعه واوقات فراغ يجب ان تستغل من قبل ادارته بشكل افضل ؟؟

لا طبعا ليش بطالة مقنعة ؟ ولازم يكون عندنا وقت مستقطع حتى او ماكان فيه وقت فراغ ،

تدرين ياداون اني علمت خواتي وموظفينا كلهم على منتدى الاسهم وصاروا من رواده الدائمين وماتتخيلين الاستفادة اللي حصلوها خاصة في ضبطيات :)
وغير هذا مديرتي وايد عجبها المنتدى ولقت فيه اخبار واشياء استفادت منها في شغلها *

[المهندس عبدالعزيز]

عقد العمل اللذي وقعت عليه غير مكتوب فيها ممنوع تصفح مواقع الانترنت الغير مرتطبة بالعمل ولا يوجد تعميم خاص بذلك، على العموم إذا انتهيت من عملي اتصفح الانترنت.

[Dawn]

ما شاء الله عليج دام انج منظمه علمينا ننظم الشغل لاني من الناس الفوضويين جدا -_-"

خخ لا تصدقين ترا أنا بعد فوضويه ... لكن بديت امشي على سستم خلال يوم العمل والتزمت فيه والنتيجه كانت ...

تقلص عدد الجبال من الورق على مكتبي ... من 3 ... الى واحد فقط ...
الاسبوع الجاي راح افرز الورق واتخلص منه باذن الله ويكون مكتبي مرتب وماعليه ولا ورقه ..

ان شا الله راح اكتب موضوع بس لازم اثبت على النظام والتزم فيه ...

انتي عندج مشكله في ادارة الوقت صح ؟؟؟ :discuss:






ترانا ننطر السبب :omen2:

ان شاء الله ...
في المشاركه القادمه راح احط القصه كامله ... اللي قلبه رقيق لا يدش ويقرا لانها محزنه شوي :weeping:

[حسن]

بالنسبه لي دائما من البيت او ابرود باند في الويكند

[تغلبية]

غالباً ادخل الصبح واشوف المواضيع الساخنة بدون تسجيل
نظرات سريعه وكني بايقه بوقه لا احد يشوفني لاني مابي اي حد ياخذ عني انطباع اني مخليه الشغل وقاعدة اتصفح المنتدى (وبالذات أنا) واساسا عندي ان كمبيوتر الشغل للشغل موب لاغراض شخصية

اما اذا كنت مضغوظة من الشغل والروح واصله الخشم .. ووراي شغل لازم أخلصه تلقيني مسجله واشارك بعين قويه وماخذة راحتي عالاخر ... تنفيس وراجعة للشغل مرة ثانية !
مع احساس كبيييير بالذنب :(
مادري هل يجوز او مايجوز هالشي .. ؟!:shy:

[Dawn]

- هل تدخلون المنتديات اثناء ساعات الدوام ؟ ..

اكييد مب اي منتدى ، الاسهم وبس :)

- وهل تحسون بالذنب او التقصير في هذه الحالة ؟ بالذات في حالة تأجيل العمل وتقليل الانتاجية بسبب انشغالكم بقراءة المواضيع والرد عليها ؟

ابدا ماحس بهالشي وانتاجيتي ماقلت اطلاقا وهذا انا من سنة 2000 والنت موجود عندي وشغلي هو هو لا وزايد عن قبل بحكم زيادة موظفينا

- هل دخول الشخص للمنتديات اثناء الدوام يدل على ان عمله فيه نوع من البطالة المقنعه واوقات فراغ يجب ان تستغل من قبل ادارته بشكل افضل ؟؟

لا طبعا ليش بطالة مقنعة ؟ ولازم يكون عندنا وقت مستقطع حتى او ماكان فيه وقت فراغ ،

تدرين ياداون اني علمت خواتي وموظفينا كلهم على منتدى الاسهم وصاروا من رواده الدائمين وماتتخيلين الاستفادة اللي حصلوها خاصة في ضبطيات :)
وغير هذا مديرتي وايد عجبها المنتدى ولقت فيه اخبار واشياء استفادت منها في شغلها *

يا سلام انتي شكلج عندج ولاء وتعصب لمنتدى الاسهم ...
اشكرج على الإضافه والمرور الراقي اختي العزيزه ضوى ...


عقد العمل اللذي وقعت عليه غير مكتوب فيها ممنوع تصفح مواقع الانترنت الغير مرتطبة بالعمل ولا يوجد تعميم خاص بذلك، على العموم إذا انتهيت من عملي اتصفح الانترنت.

يا خطير ...
تدري يا بش مهندس .. احنا في عقدنا ( كمدرسات في المستقله ) كان فيه بند عن مسؤولية المعلمة اثناء ساعات العمل .. وانه لو صادوها تضيع وقت العمل في اشياء ما تخدم العمل .. لها بند جزائي ما اذكر بالضبط لاني شقيت نسخ العقود كلها يوم حصلت على وظيفتي الجديده :nice:...

شكرا على الاضافه والمعلومه القانونيه بهالموضوع ... حياك الله



بالنسبه لي دائما من البيت او ابرود باند في الويكند

ما شا الله ملتزم ... شي ممتاز ...


غالباً ادخل الصبح واشوف المواضيع الساخنة بدون تسجيل
نظرات سريعه وكني بايقه بوقه لا احد يشوفني لاني مابي اي حد ياخذ عني انطباع اني مخليه الشغل وقاعدة اتصفح المنتدى (وبالذات أنا) واساسا عندي ان كمبيوتر الشغل للشغل موب لاغراض شخصية

اما اذا كنت مضغوظة من الشغل والروح واصله الخشم .. ووراي شغل لازم أخلصه تلقيني مسجله واشارك بعين قويه وماخذة راحتي عالاخر ... تنفيس وراجعة للشغل مرة ثانية !
مع احساس كبيييير بالذنب :(
مادري هل يجوز او مايجوز هالشي .. ؟!:shy:

ههه يعني تقريبا انتي مثل غاية الطواش اذا انقهرتي من الشغل حطيتي حرتج في المنتدى :ok:

شكرا حبوبه على المرور ،، واستمري دام هالشي يخليج تنفسين عن ضغوط العمل .. :victory:

[sweet qatar]

بالنسبه لي ادخل وقت الدوام الرسمي لما اكون مضغوطه في مشكله عشان اغير جو شوي واريح وارجع للشغل مره ثانيه ..... اما اذا شفتيني محتفيه الصبح يعني الامور سهالات ....وكل شي تمام ....

مي تو ... :shy:

وزايد تواجدي هاليومين في المنتدى لاني بريحاتي في المكتب..

واحيانا اكون في عز شغلي وادخل جوجل واسوي سيرش و يطلع لي منتدى الاسهم ضمن النتايج.. عاد لازم اخذ لفة..

ماشالله ربعنا ما خلوا شي ما تكلموا فيه :nice:

[Dawn]

بخصوص التجربه اللي صارت لي من مده ...

طبعا اغلب الاعضاء عارفين قصة حياتي واني كنت مدرسه وبعدين استقلت ورحت لوظيفه حكوميه ... هالكلام من شهور ...

كموظفه جديده .. صادفتني مشاكل في التأقلم مع الشغل وطبيعته والمهام والزميلات وكل شي ...

كنت مثل السمكه اللي طلعت من البحر << تشبيه مجازي مرفوع بالكسره :cry:

المهم كنت مطالبه ببعض المهام حالي من حال اي موظفه بالقسم ... وكانت مهامي مشابهه لمهام احدى الموظفات ...

رئيستي في العمل جزاها الله خير ما قصرت وعطتني رؤوس اقلام للاشيا اللي مطلوبه علي ..

كنت اتلقى منها التدريب ولكن بحكم انها مشغوله دايما وبعدها خذت اجازه ... ونظرا لاني توهقت نوعا ما وما عرفت شسالفه في بعض الامور

قررت اني اتجرأ واطلب من زميلتي انها تعلمني بعض الاشيا اللي كنت ما استوعبها وهي اشيا الحين انا انجزها بكل سهوله بحكم خبرة كمن شهر ...

طبعا انا على نياتي توقعت انه النظام مثل ماهو عندنا يالمدرسات كل وحده تساعد الثانيه ... ومحد يبخل على حد لما يسأل او يستفسر عن الشغل وكيفية إداءه بالشكل المطلوب ... بالذات اذا من نفس القسم

فيوم طلبت منها انها تعلمني على شيئين من المهام اللي ما استوعبتهم نظريا شفت ويهها اعتفس شوي ... بس شكلها المسكينه انحرجت تقول لي : انا مب فاضيه لج وانا انحرجت ارجع في كلامي .. يمكن تفهم انه غرور او تعالي على طلب المساعده منها ... :shy:

خلال هالفتره كانت دايما تتكلم ان شغلها وااااايد وانها ماتفضى كلش كلش .. وان الشغل صعب والحاله حاله ،،، وانا كل يوم اقول لها خلاص حبيبتي نأجل الموضوع بكرا ... او اي وقت تفضين فيه ... تقول اوكيه .. طبعا الشغل كان يتراكم علي وانا ما اسوي شي :)

مر يوم 2 3 4 5 6 7 8 9 الخ ... وكل يوم تقريبا اشوف انها قاعده اغلب الوقت على شبكة الاسهم ! في الوقت اللي تقول فيه انها مشغوله بالشغل والاشيا اللي مطلوبه عليها ..

للامانه انا زعلت من موقفها مب منها هي شخصيا ... لان انا دايما اساعد الناس و احس انه واجب علي .. وكان جو العمل في وظيفتي السابقه فيه نوع من الاخوه والروح الطيبه اللي مافيها غيره او كراهيه ،، "الا اذا من قسم ثاني منافس فهالحاله عادي تصير سوالف وهوشات احيانا :secret:"


طبعا انا طنشت وما فاتحتها بالموضوع

بس في نفسي قلت ليش يعني ادعاء ان الواحد ما يقدر يحك راسه من كثر الشغل ،، واخرتها قاعده على النت ... وبس كانت صدمه لي صراحه ان المنتدى صار اهم من مساعدة زميله تبي تتعلم علشان تخفف الشغل شويه ... يعني ليش شذيه ياربي :( الشغله ما كانت بتاخذ يوم يعني :omen2:

المهم رئيستي رجعت من الاجازه ... وانا قلت لها اني ما خلصت ولا شي من الشغل لاني ما عرفت اشلون صراحه :( ابي تطبيق لان ما افهم بالكلام النظري :(...

قعدت معاي ساعه تقريبا وفي يوم واحد فهمت وطلعت السالفه بسيييطه جدا جدا جدن :app: ... والحين انا اللي اسوي شغلي بنفسي :victory:

في يوم من الايام ( من كم اسبوع يعني ) زميلتي هذي خذت اجازتها السنويه وانا طبعا صرت مسؤوله عن شغلي وشغلها .... واكتشفت ان وايد اشيا ما خلصت من اسابيع والشغل اللي تسويه كله ناقص ولازم انا اللي اسويه الحين :omg: :swoon2:

هنا قلت لألألألأ .... هذي السراحه مسختها وايد ( مسختها يعني مصختها زياده عن اللزوم )

وللحين انا قاعده اكمل شغلي اليومي وارقع في شغلها .. يعني ليش :weeping: كله من شبكة الاسهم :anger1:



بس عادي انا مب زعلانه :) لان اي مجهود ما يتقارن ابدا بالمجهود اللي كنت ابذله في شغلي السابق :victory: ... والحمدلله على كل حال ...



وبس هذي كل السالفه ... هذا سبب كتابتي للموضوع ..

وبعد فيه سبب ثاني وهو اني كنت متملله امس :tease:

وشكرن:shy:

[Dawn]

مي تو ... :shy:

وزايد تواجدي هاليومين في المنتدى لاني بريحاتي في المكتب..

واحيانا اكون في عز شغلي وادخل جوجل واسوي سيرش و يطلع لي منتدى الاسهم ضمن النتايج.. عاد لازم اخذ لفة..

ماشالله ربعنا ما خلوا شي ما تكلموا فيه :nice:



يه كلكم تحطون حرتكم في المنتدى ... ههه

شكلي بجرب نظامكم في يوم من الايام :)

شكرا على المرور السويت يا سويت قطر

[Bozizoo]

عااد انا مريح بااالي فاضي ولا مب فاضي
نفس الشي عندي
موظف في قطر للبترول و كل شي مقفول عندك
منتدى الاسهم محظور البورصه محظوره و الايميلات الخاصه مانقدرنفتحها
يعني مثل الياهو و الهوت ميل و كثير من المواقع محظوره
حتى بعض المنتديات الخاصه بالهندسه ماتقدر تدخلها
و تحياتي للجميع

[المسك1969]

أنا كنت انطر يالغلا تكتبين القصص وكنت مجهزة دموعي بس ولله الحمد قصتج ما تصيح مثل ما ذكرتي

والأمر اللي ذكرتيه ربي يحفظج عادي جدا... فهناك من الموظفات المخلصات المتفانيات في العمل وهن في نفس الوقت يساعدن أخواتهن سواء الجديدات أو القدماء ولكن هناك مثلما تفضلتي مثل هذه الأخت المهمله لعملها الغير مبالية لمعاملات عباد الله مثلا

وعن نفسي قد أفتح المنتدى صباحا وقد أقرا وقد لا أقرأ وهو يعتمد على حجم شغلي ومدى فراغي وأحيانا أبدأ في التعليق على موضوع ما ثم يأتيني عمل فأترك الصفحة مفتوحه وقد أعود لها بعد ساعات وقد لا أعود

المشكله هي عندما أعود أجد أنني قد نسيت ما كنت أريد كتابته... وأياما أنسى وأترك نفسي مسجله وجودي بالمنتدى لليوم الآخر:)

وعن الأخوة الذين تساءلوا عن مدى حرمة هذا الأمر من عدمه... وأنا لا أفتي ولكن أود أن أطرح رأيا وهو:

نحن نكون في الدوام على 6:45 أو بعدها بربع ساعه... ونبدأ عملنا من 7:30 ولكن قد يكون هناك عمل وقد لايكون.. فأقرأ وردي وأصلي ركعتين ثم يأتيني عمل فأعمل وقد أجد وقت فراغ يمتد لساعة مثلا فأدخل للمنتدى إن استطعت واعتقد دام أنه لا يضيع وقت الناس وأداء واجبي الوظيفي فهو أفضل من الجلوس مع الموظفات والقيل والقال والمفوشر ... والله أعلم

لكن أن يُترك العمل وتتطل مصالح الناس من أجل المنتدى فهذا لا يجوز والله أعلم لأن المنتدى باقي على حالة نستطيع أن ندخله عصرا أو ليلا ونقرأ ونعلق ما شاء الله لنا

جزاكم الله خيرا

[sweet qatar]

تسلمين حياتي..:shy:

كنت انتظر قصتج.. وبصراحة عورتي قلبي..

استغرب من هالنفسيات خصوصا ان شغل الحكومة اشتغلتي ولا ما اشتغلتي راتبج ماشي..

ليش ماتبي تعلمج وتاخذ اجر..؟؟!!!

متى بيفهمون ان الشغل ما يوقف عليهم.. ولا يوقف على احد... !!!!

هي تدخل هني منتدى الاسهم وتشارك.. اممممممم تهقين بتشوف موضوعج وتندم على حركتها.. !!!

[المدريدي]

مممم اول مشاركه توضح ان المنتدى وسيله للتنفيس عن مشاكل الموظفه اثناء ساعات العمل .. وما الومج صراحه ... حلو الشعور لما الواحد يعبر عن رأيه بكل راحه بعكس العالم الواقعي ...
حياج الله اختي غايه والله يبعدج ويبعد المسلمين عن الضغوط والمشاكل يارب



كلام حلو ... اشكرك على المرور والإضافه ..



ممم لا اشدعوه ،، طالما هالشي مسموح في وقت الفراغ وين المشكله ؟ :unsure:
شكرا على المرور عزيزتي قطريه



انا اول ما غيرت شغلي كنت مثلج ووصلت لمرحله قلت خلاص بقدم استقالتي بس الحين تعودت على وقت الفراغ اللي يتخلله بعض المهام اللي تكلفني فيهم رئيستي بالعمل وانا اصلا بارده واخذ وقتي :) ...
هالايام صرت استغل وقت الشغل عدل بحيث ان مكتبي يكون منظم وكل شي في مكانه قدر الامكان ... ولاحظت ان الاوراق اللي على مكتبي خفت من اسبوع تقريبا .... هذي عاد يبيلها موضوع ثاني ... راح احط تجربتي وان شا الله تفيد الموظفات اللي يتوهقون بالاوراق المكدسه على المكتب :shy:

حياج الله حبيبتي وبالتوفيق ان شا الله في شعلج بالقطاع العام ....



اكيد انت في القطاع العام بعد .... الله يعز الحكومه :victory:
حياك الله واشكرك على المرور ..


لا في القطاع الخاص :victory:

[بو راشد 1]

عندنا في العمل قافلين علينا موقع "منتديات الاسهم القطريه" :weeping:

[qatari 111]

ما عندي نت فالدوام .. وطبيعة عملي اكثرها خارج العمل

[نتفـه]

خخ لا تصدقين ترا أنا بعد فوضويه ... لكن بديت امشي على سستم خلال يوم العمل والتزمت فيه والنتيجه كانت ...

تقلص عدد الجبال من الورق على مكتبي ... من 3 ... الى واحد فقط ...
الاسبوع الجاي راح افرز الورق واتخلص منه باذن الله ويكون مكتبي مرتب وماعليه ولا ورقه ..

ان شا الله راح اكتب موضوع بس لازم اثبت على النظام والتزم فيه ...

انتي عندج مشكله في ادارة الوقت صح ؟؟؟ :discuss:



ان شاء الله ...
في المشاركه القادمه راح احط القصه كامله ... اللي قلبه رقيق لا يدش ويقرا لانها محزنه شوي :weeping:

عندي مشكله في ادارة الوقت وترتيب الاولويات خبرج في المستقله كل يوم يعطونج مهمه غير مهماتج !!! وكل يوم يطلعون بقرار جديد يطفش الواحد :rolleyes2: كل ما اقول برتب ماقدر 7 صنايع و البخت ضايع :eek5:
ودي بحل .. وايد شغل من المدرسات ومن الاداره ومن المجلس و و و و و و و و :weeping:

[الحاقول]

انا اي عادي

[ساس الوفا]

انا افتح المنتدى اثناء ساعات الرسمي .. ولكن وقت الفراغ ( ماعندي شغل ) او عند استراحة التدخين ( انا غير مدخن واقضي الـ 10 دقائق في المنتدى ) استفيد من مواضيعكم القيمة ..

خلاص الشكر على الموضوع الرائع ..

[كلنا قطر 1981]

ادخل من الدوام في وقت الفراغ

و بالنسبه لي اللاوليه للشغل و هقب للمنتدى

و الحمدلله انجز شغلي في اول ساعات الدوام و عقب اكون مع المنتدى

بس ارد و اقول اللاولويه للشغل

[ام السعف]

أكيد يدخلون ، والا اللي يشاركوننا الصبح وهم موظفين يشتغلون من البيت ؟

[تحداني]

اي نعم اتواجد في الصباح في بعض الايام وبعض الايام لا وما أحس بتأنيب الضمير ابدا لان هالشي مصرح لي ومن حقي .. المكتب مكتبي لوحدي والكمبيوتر خاص بمكتبي والهاتف ايضا خاص وخط الانترنت ايضا للمكتب


ان احبوا حضر الموقع ابراحتهم لكن بالعكس اشوف الكل يدخل اي موقع يبيه في العمل .. لكن وقت العمل والزحمه والمراجعين صعبه وايد مب لانه ممنوع ولا لانه عيب ولا لانه فشيله بس لان الانسان الطبيعي صعب يسوي شيئين في وقت واحد والحوار يحتاج الى ذهن صافي وتركيز


عندي العمل وضغط العوامل مواسم فأنا هالشهر اعيش موسم البطاله الجميله ليته ما يخلص :)




جملك الله برضاه

[تحداني]

أكيد يدخلون ، والا اللي يشاركوننا الصبح وهم موظفين يشتغلون من البيت ؟



ست الحسن والدلال هالمعلومه اكيد اتعرفها بس يمكن من خلال السؤال تبي توصل لحوارات اخرى واستنتاجات ثانيه لا تستعجلين :)



جملك الله برضاه

[ام السعف]

ست الحسن والدلال هالمعلومه اكيد اتعرفها بس يمكن من خلال السؤال تبي توصل لحوارات اخرى واستنتاجات ثانيه لا تستعجلين :)



جملك الله برضاه

ان شاءالله

ظنيت اني فكيكة ويبت الذيب من ذيله
طلعت المعلومة معروفة ................> :shy:

[doha2012]

ايه عادي

افتحها وان انشغلت ارجع لها بعدين

الله المستعان

[تحداني]

ان شاءالله

ظنيت اني فكيكة ويبت الذيب من ذيله
طلعت المعلومة معروفة ................> :shy:



:shy::shy:

[Dawn]

عااد انا مريح بااالي فاضي ولا مب فاضي
نفس الشي عندي
موظف في قطر للبترول و كل شي مقفول عندك
منتدى الاسهم محظور البورصه محظوره و الايميلات الخاصه مانقدرنفتحها
يعني مثل الياهو و الهوت ميل و كثير من المواقع محظوره
حتى بعض المنتديات الخاصه بالهندسه ماتقدر تدخلها
و تحياتي للجميع

:eek5:
ليش محكرين لكم جذي؟
الله يعينكم صراحه
اشكرك عالمرور اخوي بوزيزو


أنا كنت انطر يالغلا تكتبين القصص وكنت مجهزة دموعي بس ولله الحمد قصتج ما تصيح مثل ما ذكرتي

والأمر اللي ذكرتيه ربي يحفظج عادي جدا... فهناك من الموظفات المخلصات المتفانيات في العمل وهن في نفس الوقت يساعدن أخواتهن سواء الجديدات أو القدماء ولكن هناك مثلما تفضلتي مثل هذه الأخت المهمله لعملها الغير مبالية لمعاملات عباد الله مثلا

وعن نفسي قد أفتح المنتدى صباحا وقد أقرا وقد لا أقرأ وهو يعتمد على حجم شغلي ومدى فراغي وأحيانا أبدأ في التعليق على موضوع ما ثم يأتيني عمل فأترك الصفحة مفتوحه وقد أعود لها بعد ساعات وقد لا أعود

المشكله هي عندما أعود أجد أنني قد نسيت ما كنت أريد كتابته... وأياما أنسى وأترك نفسي مسجله وجودي بالمنتدى لليوم الآخر:)

وعن الأخوة الذين تساءلوا عن مدى حرمة هذا الأمر من عدمه... وأنا لا أفتي ولكن أود أن أطرح رأيا وهو:

نحن نكون في الدوام على 6:45 أو بعدها بربع ساعه... ونبدأ عملنا من 7:30 ولكن قد يكون هناك عمل وقد لايكون.. فأقرأ وردي وأصلي ركعتين ثم يأتيني عمل فأعمل وقد أجد وقت فراغ يمتد لساعة مثلا فأدخل للمنتدى إن استطعت واعتقد دام أنه لا يضيع وقت الناس وأداء واجبي الوظيفي فهو أفضل من الجلوس مع الموظفات والقيل والقال والمفوشر ... والله أعلم

لكن أن يُترك العمل وتتطل مصالح الناس من أجل المنتدى فهذا لا يجوز والله أعلم لأن المنتدى باقي على حالة نستطيع أن ندخله عصرا أو ليلا ونقرأ ونعلق ما شاء الله لنا

جزاكم الله خيرا

انا فعلا ما اعرف الحكم الديني في هالشي ولكن المنطق يتفق مع ما ذكرتيه
اشكرك عالمرور حبيبتي


تسلمين حياتي..:shy:

كنت انتظر قصتج.. وبصراحة عورتي قلبي..

استغرب من هالنفسيات خصوصا ان شغل الحكومة اشتغلتي ولا ما اشتغلتي راتبج ماشي..

ليش ماتبي تعلمج وتاخذ اجر..؟؟!!!

متى بيفهمون ان الشغل ما يوقف عليهم.. ولا يوقف على احد... !!!!

هي تدخل هني منتدى الاسهم وتشارك.. اممممممم تهقين بتشوف موضوعج وتندم على حركتها.. !!!

اكيد بتشوفه
بس تدرين هي ما راح تندم لسبب واحد ... انها اصلا مب ملزومه تساعد زميلتها ...

لكن

في يوم من الايام بتحتاج مساعده ... الظاهر هي ناسيه هالشي :vampire:




لا في القطاع الخاص :victory:

غريبه توقعت البطاله بس في حكومي .. :con2:



عندنا في العمل قافلين علينا موقع "منتديات الاسهم القطريه" :weeping:

وباقي المواقع مفتوحه ؟؟؟
هذا دليل انهم خايفين تشتكون في المنتدى .. يمكن ؟

اشكرك على المرور يا بوراشد


ما عندي نت فالدوام .. وطبيعة عملي اكثرها خارج العمل

شكله شغلك فيه مجهود ... غير عن الوظايف الاداريه .. الله يعطيك العافيه
وشكرا على المرور اخوي قطري

[Dawn]

عندي مشكله في ادارة الوقت وترتيب الاولويات خبرج في المستقله كل يوم يعطونج مهمه غير مهماتج !!! وكل يوم يطلعون بقرار جديد يطفش الواحد :rolleyes2: كل ما اقول برتب ماقدر 7 صنايع و البخت ضايع :eek5:
ودي بحل .. وايد شغل من المدرسات ومن الاداره ومن المجلس و و و و و و و و :weeping:

ممم الله يعينج حاسه فيج والله ...

اشرايج نسوي تجمع للي حالتهم مثلنا ( اقصد الناس اللي ما يقدرون يضبطون وقتهم )
لان هذي المشكله اشوفها عندي وعند كمن شخص من اهلي وكمن وحده من صديقاتي ...
يمكن نقدر نشجع بعض ونقدر نطلع اقتراحات تخلينا نمشي شغلنا ونسويه على اكمل وجه .. وفي نفس الوقت ما نقصر في التزاماتنا الثانيه ...

بس اعتقد ان مشكلتج سببها بعد كثرة المتطلبات والاعباء الوظيفيه ... وهذا اللي كان يضايقني في المدارس المستقله ... الله يعينج :(


انا اي عادي

:nice:


انا افتح المنتدى اثناء ساعات الرسمي .. ولكن وقت الفراغ ( ماعندي شغل ) او عند استراحة التدخين ( انا غير مدخن واقضي الـ 10 دقائق في المنتدى ) استفيد من مواضيعكم القيمة ..

خلاص الشكر على الموضوع الرائع ..

زين استغليت وقتك في شي مفيد ،، ابرك من اللي يلوثون الجو ويجيبون لنفسهم المرض
اشكرك على المرور والاضافه ...


ادخل من الدوام في وقت الفراغ

و بالنسبه لي اللاوليه للشغل و هقب للمنتدى

و الحمدلله انجز شغلي في اول ساعات الدوام و عقب اكون مع المنتدى

بس ارد و اقول اللاولويه للشغل

كلام حلو ،، وفعلا هذا اللي المفروض يصير بس للاسف صادفت ناس الاولويه عندها ليست للشغل وهذا غلط وياريت لو ينتبهون على هالشي ... لان الشغل امانه بيتحاسبون عليها


أكيد يدخلون ، والا اللي يشاركوننا الصبح وهم موظفين يشتغلون من البيت ؟

اي ادري :shy:
بس من خلال هالموضوع اكتشفت اشخاص ما يدخلون النت ،، وبعضهم جابوا بروباند شخصي ،، واشخاص اشتكوا من انشغال بعض الموظفين بالمنتدى وترك المراجعين ... اشخاص يحسون بالضغط وينفسون عن ضغوطهم من خلال المنتدى ،،، اشخاص ما يحسون بالذنب وفي المقابل اشخاص يحسون بالذنب اذا دشوا وطلوا على المنتدى .. في عضو ذكر ان هالشي يترتب عليه ان الراتب ليس حلال اذا ترك العمل وانشغل الموظف بتصفح النت ..

يعني ما شا الله ردود مختلفه ... وانا استمتعت جدا صراحه بالنقاش مع العضوات والاعضاء



اي نعم اتواجد في الصباح في بعض الايام وبعض الايام لا وما أحس بتأنيب الضمير ابدا لان هالشي مصرح لي ومن حقي .. المكتب مكتبي لوحدي والكمبيوتر خاص بمكتبي والهاتف ايضا خاص وخط الانترنت ايضا للمكتب


ان احبوا حضر الموقع ابراحتهم لكن بالعكس اشوف الكل يدخل اي موقع يبيه في العمل .. لكن وقت العمل والزحمه والمراجعين صعبه وايد مب لانه ممنوع ولا لانه عيب ولا لانه فشيله بس لان الانسان الطبيعي صعب يسوي شيئين في وقت واحد والحوار يحتاج الى ذهن صافي وتركيز


عندي العمل وضغط العوامل مواسم فأنا هالشهر اعيش موسم البطاله الجميله ليته ما يخلص :)




جملك الله برضاه



صحيح كلامج ... والاغلبيه اتفقوا ان تصفح النت يكون في وقت الفراغ وهذا شي طيب ...
الله يهنيج بالموسم و استمتعي فيه وافيدي وستفيدي من خلال مشاركاتج الطيبه بالمنتدى :nice:

حياج الله حبيبتي




ست الحسن والدلال هالمعلومه اكيد اتعرفها بس يمكن من خلال السؤال تبي توصل لحوارات اخرى واستنتاجات ثانيه لا تستعجلين :)


جملك الله برضاه


اي :shy: شكرن على التوضيح :shy:


ان شاءالله

ظنيت اني فكيكة ويبت الذيب من ذيله
طلعت المعلومة معروفة ................> :shy:

:shy:


ايه عادي

افتحها وان انشغلت ارجع لها بعدين

الله المستعان

شي طيب .. الله يعطيك العافيه
واشكرك على المرور


:shy::shy:

:rolleyes:

[بوحمد111]

انا شايل معاي الايباد وعلى طول مشبوك على المنتدى وصاير المنتدى جزء من دوامي مع اني مش مقصر في شي واول ما ادخل مكتبي اشوف شغلات الدوام اولا وإذا خلصت اتصفح المنتدى وبعض الاوقات ادخل على المنتدى من البيت

[OTOsan]

بالنسبة لي .. انا ما افتح المنتدى الا ( اثناء ساعات الدوام الرسمي ) ..!!
والله يسامحني ويغفر لي ان كان في هالشي ذنب.. او يهدي الجماعه في الاي تي ويسوون للمنتدى حظر كامل عشان تأنيب الضمير يروح :)

مالم .. فسأظل اواصل الدخول حتى آخر رمق من ارسال الانترنت :)

[بلوتنيوم]

وين ضميركم تدخلون في اوقات الدوام الرسمي :)

[بلوتنيوم]

بالنسبة لي .. انا ما افتح المنتدى الا ( اثناء ساعات الدوام الرسمي ) ..!!
والله يسامحني ويغفر لي ان كان في هالشي ذنب.. او يهدي الجماعه في الاي تي ويسوون للمنتدى حظر كامل عشان تأنيب الضمير يروح :)

مالم .. فسأظل اواصل الدخول حتى آخر رمق من ارسال الانترنت :)

انا ضميري محتاج عملية انعاش فورية
علشان اقدر مادخل في وقت الدوام:tease:

[شبح الصمت]

يعني انا يومياً معاكم قاط وجهي

معناتها اي افتح بس وقت الشغل شغل

:)

[مهرة]

يس .. ليش لا ويش الي يمنع!! واجباتي اقوم فيها على أكمل وجهة ولازم أخذلي وقت مستقطع لتنفس الصعداء ولكن بعض المواضيع او الردوود بشكل خاص اتغث واتصدع اكثر من شغل الدوام ويخترب يومج وماتعرفين اتردين طبيعية نفس بداية الدوام .. وتصفحي يكاد يكون حكراً فقط على هالمنتدى الطيب وماهر زين على اليوتيوب (سماعات)!! .. النت عندي فقط في الدوام اذا جاز لي من وقت وطاقة ولكن في البيت ماعندي تايم وحرام اقضية عالنت وفي الويكند عندي الي اهم ولا تنسووون ترانا محاسبين على ( ووقتك فيما قضيته) ..

ويعطيج العافية اختي فجر ..

[chillis]

دام الواحد مادي شغله على اكمل وجهه مافيها شي لو دش النت والمنتدى اشوه اني اشبك من جهازي وعلى حسابي

[بو الجوري]

أنا عن نفسي 90% من تواجدي فالمنتدى يكـون وقت الدوام :nice:

السبب : الحمدلله ماعندي شغل وايـد ،، و إذا عندي شغل أخلصـه أول :..

وماشوف فيهـا شي لو ماعندي شي أسويـه ، أدخل عالنت

لكـن المشكله بتكون فالموظفين اللي يتعاملون مع العملاء :..

يعني مب مثلا كاشير في بنك منقـّع العملاء عشان يرد على موضوع :eek5:


يعني هو يعتمد على الشغل ،، و مايجوز نقعد على النت في أمور شخصيه
على حساب الشغل و الإنتاجيـه و وقت العملاء :..

[بو الجوري]

وبخصوص السؤال اللي في آخر الموضوع عن العنوان


أعتقد ( ساعات الدوام الرسميه )

لأن الرسميه تعود على الساعات ، وليس الدوام

بما معناه إن في ساعات رسميه فالدوام وفي overtime :)

من وجهة نظري

[أسير الاسهم]

اذا فاضي بدش وبضيع وقت .. واذا بزي وفيه شغل أكيد بخلص شغلي

[chillis]

وبخصوص السؤال
أعتقد ( ساعات الدوام الرسميه )

لأن الرسميه تعود على الساعات ، وليس الدوام

بما معناه إن في ساعات رسميه فالدوام وفي overtime :)

من وجهة نظري

ذكرتني ببطت بطتنا تشبهه بطت بطتكم :( مافهمت وضح

[R 7 A L]

ايه نعم أفتح المنتدى أثناء ساعات العمل

[بو الجوري]

ذكرتني ببطت بطتنا تشبهه بطت بطتكم :( مافهمت وضح

:eek5:

كلمة الرسميه نقصد فيها الساعات
مب الدوام ، فَـ الجمله بتكون ( ساعات الدوام الرسميه )

مادري عرفتي قصدي الواضح :secret:


زين قولي خيط حرير على حيط خليل

أو قولي
حوش خليل خوش حوش

[chillis]

:eek5:

كلمة الرسميه نقصد فيها الساعات
مب الدوام ، فَـ الجمله بتكون ( ساعات الدوام الرسميه )

مادري عرفتي قصدي الواضح :secret:


زين قولي خيط حرير على حيط خليل

أو قولي
حوش خليل خوش حوش

حوش خليل خوش حوش سهله شفت
وتسلم على التوضيح

[نوار قطر]

والله انا اذا فاضية عمل ادخل المنتدى اتصفح وادور من موقع لي موقع اسوي شوبينق اما اذا كنت مشغوله لا ماادخل النت كللش ماحب اشتت فكري بين النت وشغلي وووبس والله

[قطريه أصيله]

انا اشبك من الدوام ولكن انزل صفحة المنتدى متى ماكنت فاضيه او ماعندي شغل اقعد اتصفح بس اذا مشغووله انزل الصفحه

[Dawn]

انا شايل معاي الايباد وعلى طول مشبوك على المنتدى وصاير المنتدى جزء من دوامي مع اني مش مقصر في شي واول ما ادخل مكتبي اشوف شغلات الدوام اولا وإذا خلصت اتصفح المنتدى وبعض الاوقات ادخل على المنتدى من البيت
:nice:
شكرا على المرور


بالنسبة لي .. انا ما افتح المنتدى الا ( اثناء ساعات الدوام الرسمي ) ..!!
والله يسامحني ويغفر لي ان كان في هالشي ذنب.. او يهدي الجماعه في الاي تي ويسوون للمنتدى حظر كامل عشان تأنيب الضمير يروح :)

مالم .. فسأظل اواصل الدخول حتى آخر رمق من ارسال الانترنت :)

اشمعنى الا ( اثناء الدوام الرسمي ) يعني في البيت ما تفتح المنتدى كلش ؟ !!
ههه لو فلتروا المواقع ومنعوا المنتدى يا ترى شلون بتكون ردة فعلك وشلون بتقضي وقت فراغك اثناء ساعات العمل ؟



وين ضميركم تدخلون في اوقات الدوام الرسمي :)

:unsure:

:pardon:


يعني انا يومياً معاكم قاط وجهي

معناتها اي افتح بس وقت الشغل شغل

:)

وهذا هو المطلوب ،،
وقت اللعب لعب
ووقت الجد جد :victory:


يس .. ليش لا ويش الي يمنع!! واجباتي اقوم فيها على أكمل وجهة ولازم أخذلي وقت مستقطع لتنفس الصعداء ولكن بعض المواضيع او الردوود بشكل خاص اتغث واتصدع اكثر من شغل الدوام ويخترب يومج وماتعرفين اتردين طبيعية نفس بداية الدوام .. وتصفحي يكاد يكون حكراً فقط على هالمنتدى الطيب وماهر زين على اليوتيوب (سماعات)!! .. النت عندي فقط في الدوام اذا جاز لي من وقت وطاقة ولكن في البيت ماعندي تايم وحرام اقضية عالنت وفي الويكند عندي الي اهم ولا تنسووون ترانا محاسبين على ( ووقتك فيما قضيته) ..

ويعطيج العافية اختي فجر ..

الله يعافيج حبيبتي
منهو ماهر زين :unsure:
ههه بخصوص الردود والمواضيع صج في بعضها يغث ... بس حلو اختلاف العقليات واختلاف الاراء .. تبين الصج انا يمكن ما استلطف اراء ومواضيع واسلوب البعض من الاعضاء ... لكن اعترف اني اتابع بعض مواضيعهم ... وساعات يصدموني لو قالوا اراء تتطابق مع رأيي :omg:
وحلو انج مخصصه وقت مستقطع تستفيدين منه في تغيير الروتين اليومي للشغل وهذا اكيد راح يؤثر بشكل ايجابي على الاداء الوظيفي طبعا :victory:

اشكرج على المرور الراقي اختي العزيزه مهره :)



دام الواحد مادي شغله على اكمل وجهه مافيها شي لو دش النت والمنتدى اشوه اني اشبك من جهازي وعلى حسابي

كلام حلو ،،، :victory:
شكرا على المرور حبيبتي شيليز


أنا عن نفسي 90% من تواجدي فالمنتدى يكـون وقت الدوام :nice:

السبب : الحمدلله ماعندي شغل وايـد ،، و إذا عندي شغل أخلصـه أول :..

وماشوف فيهـا شي لو ماعندي شي أسويـه ، أدخل عالنت

لكـن المشكله بتكون فالموظفين اللي يتعاملون مع العملاء :..

يعني مب مثلا كاشير في بنك منقـّع العملاء عشان يرد على موضوع :eek5:


يعني هو يعتمد على الشغل ،، و مايجوز نقعد على النت في أمور شخصيه
على حساب الشغل و الإنتاجيـه و وقت العملاء :..

صحيح ... يعني تخيل واحد جاي ومستأذن من شغله علشان مراجعه للبنك وفي الاخير يلقى كاشيير مطنش ومبحلق بالجهاز ،، ومسوي نفسه انه يخلص شغله مهمه ... وفي الاخير الاخ قاعد يرد على موضوع ... :nono:

[Dawn]

وبخصوص السؤال اللي في آخر الموضوع عن العنوان


أعتقد ( ساعات الدوام الرسميه )

لأن الرسميه تعود على الساعات ، وليس الدوام

بما معناه إن في ساعات رسميه فالدوام وفي overtime :)

من وجهة نظري

شكرا على الافاده بو الجوري :)




ذكرتني ببطت بطتنا تشبهه بطت بطتكم :( مافهمت وضح





:eek5:

كلمة الرسميه نقصد فيها الساعات
مب الدوام ، فَـ الجمله بتكون ( ساعات الدوام الرسميه )

مادري عرفتي قصدي الواضح :secret:


زين قولي خيط حرير على حيط خليل

أو قولي
حوش خليل خوش حوش




حوش خليل خوش حوش سهله شفت
وتسلم على التوضيح

:rolleyes:


اذا فاضي بدش وبضيع وقت .. واذا بزي وفيه شغل أكيد بخلص شغلي


ايه نعم أفتح المنتدى أثناء ساعات العمل

اشكركم على المرور اخواني اسير الاسهم ورحال :)


والله انا اذا فاضية عمل ادخل المنتدى اتصفح وادور من موقع لي موقع اسوي شوبينق اما اذا كنت مشغوله لا ماادخل النت كللش ماحب اشتت فكري بين النت وشغلي وووبس والله


انا اشبك من الدوام ولكن انزل صفحة المنتدى متى ماكنت فاضيه او ماعندي شغل اقعد اتصفح بس اذا مشغووله انزل الصفحه

اخواتي العزيزات نوار قطر وقطريه اصيله تشرفت وسعدت بمروركم وتعليقاتكم :victory: