........ مـــــاهي الاشيـــاء المستفزه او المستنكــــــره؟؟؟

[فواز1976]

بعض التصرفات والافعال تجد اصحابها يفعلونها عن حسن نيه او عدم وعي وهي في نظر الناس مستفزه او غير حضاريه او مزعجه. وبحكم صعوبه توجيه الانتقاد المباشر لمن يقوموا بهذه الافعال, خطرت على بالي فكره والتي ارجوا ان تلقى القبول لديكم و انت تشاركوني بطرح ما ترونه ايضاً مزع او مستفز او غير مقبول لديكم.

الهدف توعوي وارشادي لنا جميعاً, فمن الممكن ان نغفل عن اشياء او نفعل اشياء بحكم العاده ولا نعلم بانها مستفزه للاخرين او تضايقهم.

هذه بعض ما يخطر في بالي حالياً :

1. قاعد في صاله السينما ومشاء الله الشخص الي وراك ما غير كل شوي يهز كرسيك برجله, ما ادري هو معتقد انك ما تحس ولا الهز ما راح ياصلك ؟؟؟ ما ادري.

2. راكب طياره ولا قاعد في مطعم, ويوافق وجود مجموعه من العوائل الاخرى. الكل قاعد باحترامه الا عائله او اثنتين بالشين الناس بعيالهم, صراخ وركض ولا في اي ادنى توجيه ولو مجامله للي قاعدين. ابد, كانهم ما يسمعون او يشوفون الي قاعد يصير.

3. تبحث لك عن موقف واخيراً لقيت لك واحد يبي يطلع, تنتظر بسيارتك عند سيارته, لكن الشيخ عنده بروتوكلات قبل لا يطلع من الموقف, فلازم يخليك ملطوع كم دقيقه عشان يتفضل عليك ويطلع. بينما المفروض انه يقدر انه في ناس وراهم اشغال ويحرك سيارته ليتيح لغيره ياخذ الموقف, واذا يبي يتكي بسيارته يقدر بعد ما يطلع من الموقف يوقف برى الموقف شوي لما يخلص, وهذا الي اسويه ما احب الطع احد.

4. في اشخاص استغرب من كميه الاصوات الي يطلعها وهو ياكل, مع انه الموضوع سهل سكر فمك وانت تاكل, وامضغ بهدوء.

5. الي فعلاً اجده غريب, اذا رأيت زوجان كانهم زوجي كناري بالسوق وقدام الناس بشكل مبالغ فيه وبايخ, يعني ما ادري هذولا ماعندهم بيت ما امداهم شبعوا من بعض, ولا هو حب استعراض ؟؟؟؟

6. ايضاً بعض الشباب او البنات يتكلمون باعراض الناس ولا كانها شربت المويه, يعني من الممكن تسرد السالفه من غير ذكر الاسامي اذا لا بد وتبي تسردها. بس ذكر الاسامي والله في نظري كبيره, الا السمعه هذا غير انك/ي ممكن تكون/ي غلطان ولا فاهم غلط , وتصير حطيت شي في ذمتك, هذا غير عن فضح سر مسلم بالحالتين.

7. ترجع من سفره سياحيه.....وتجيك اسأله من بعض الاشخاص, مثلاً... اول سؤال وين سكنت؟ كم كلفتك السفره؟؟.... يعني اعرف انهم اسأله عادي تنسأل بس مهم على اول القائمه. في نظري في اسأله اكثر اهميه وهي الي تخصك... مثل كيف السفر ؟ عساك انبسط ؟ طيب وين رحت ويين جييت ؟ ومثلها من الاسأله وخلالها تسأل الاسأله الاخرى..... لا يصير التركيز على الامور الماديه, والتي في اعتقادي ما تفيد السائل شئ يذكر.


بامكانكم التعقيب على اي نقطه .... واي اضافه ستكون مفيده للجميع

تحياتي

[الجوهره 2012]

والله يا اخوي موضوع السينما و الاكل بصوت شي يرفع ضغطي :anger1: و احب اضيف اللي يجي السينما ويسولف ويعلق بصوت عالي :eek5: و يسوي نفسه قوي و دمه خفيف خير شتبي والله العظيم ماتضحك وحركات يهال والله لان الرجال مايسوي جذي ....

الشي الثاني الشباب اللي بالمواتر رايحين وراديين عند باب اي مول بدون هدف ترا مب معناه اذا البنت اطلعت للشوبينق انها تبي حد يرقمها والله حركات قديمة و يرقم ويخلي الكل يتلفت ولاحد يقول كشختها مبالغ فيها والله ان بنات شوفة عيني مافيها اي شي يبين سواد في سواد ارجوا ان الواحد يحترم البنت يعني لو ماشرت اللي تبيه من المجمع من وين بتاخذهم ....؟

واللي يطل داخل سيارة البنت فالاشاره والله حركات مالها داعي :rolleyes2:


موضوعك يبي له سنه كامله نتكلم فيه
يعطيك العافيه الشيخ

[فواز1976]

والله يا اخوي موضوع السينما و الاكل بصوت شي يرفع ضغطي :anger1: و احب اضيف اللي يجي السينما ويسولف ويعلق بصوت عالي :eek5: و يسوي نفسه قوي و دمه خفيف خير شتبي والله العظيم ماتضحك وحركات يهال والله لان الرجال مايسوي جذي ....

الشي الثاني الشباب اللي بالمواتر رايحين وراديين عند باب اي مول بدون هدف ترا مب معناه اذا البنت اطلعت للشوبينق انها تبي حد يرقمها والله حركات قديمة و يرقم ويخلي الكل يتلفت ولاحد يقول كشختها مبالغ فيها والله ان بنات شوفة عيني مافيها اي شي يبين سواد في سواد ارجوا ان الواحد يحترم البنت يعني لو ماشرت اللي تبيه من المجمع من وين بتاخذهم ....؟

واللي يطل داخل سيارة البنت فالاشاره والله حركات مالها داعي :rolleyes2:


موضوعك يبي له سنه كامله نتكلم فيه يعطيك العافيه الشيخ

شكراً على تعليقك واضافتك ,,,, وفعلاً الموضوع يطول , لكن اي اضافه اتوقع انه تفيد بنشر الوعي عند الناس

[فواز1976]

- باب كراج في احد ممكن يوقف قدامه ؟؟؟ تتفاجأ انه جارك مسوي عزيمه ومشاء الله احد الضيوف ما حلى له الا يوقف قدام باب الكراج ...... يعني ما في اي ادنى خيال انه في سياره ممكن تكون داخل !!!!!!!

[ريتويت]

الكلام والضحك بصوت عالي اكثر شي يستفز.. وبالذات من وراء ظهور الناس

[الأصيلة]

7. ترجع من سفره سياحيه.....وتجيك اسأله من بعض الاشخاص, مثلاً... اول سؤال وين سكنت؟ كم كلفتك السفره؟؟.... يعني اعرف انهم اسأله عادي تنسأل بس مهم على اول القائمه. في نظري في اسأله اكثر اهميه وهي الي تخصك... مثل كيف السفر ؟ عساك انبسط ؟ طيب وين رحت ويين جييت ؟ ومثلها من الاسأله وخلالها تسأل الاسأله الاخرى..... لا يصير التركيز على الامور الماديه, والتي في اعتقادي ما تفيد السائل شئ يذكر.

أكره ها النوع من الفضول ...
ونفس الشي إذا انخطبت بنت ...
يتصلون في أمها ...كم مهرها ... واش عطاكم ...ووين يشتغل ؟
وكم كلفكم العرس ...و...و...و...؟

[فواز1976]

الكلام والضحك بصوت عالي اكثر شي يستفز.. وبالذات من وراء ظهور الناس

هذي اللحظها اذا اجتمعوا مجموعه شوي كبيره في مكان عام ..... يعتقدوا انه بعددهم هذا امتلكوا المكان, ولهم الحق بالتصرف وكأنهم في منزلهم من رفع الصوت والتعليقات السامجه والتي تكون غير مقبوله عند المجاورين لهم. فعلاً اتنرفز بشكل من هذي النوعيه

[فواز1976]

7.

أكره ها النوع من الفضول ...
ونفس الشي إذا انخطبت بنت ...
[color="red"]يتصلون في أمها ...كم مهرها ... واش عطاكم ...ووين يشتغل ؟
وكم كلفكم العرس ...و...و...و...؟

لا لا هذولي من جد تعدوا الحد ..... في ناس اللقافه ذابحتهم

ولا الامور الماديه في نظري اسوء شي ممكن تسأل عنه خصوصاً اذا معرفتها ما راح تفيدك بشئ

[غايه الطواش]

وانا اقرا العنوان كنت بكتب عن الي يمضغ الاكل بصوت عالي ....ماتتخيل شكثر هالموضوع ينرفزني .....او الي يتكلم معاي بالتلفون وهو ياكل ...افقد اعصابي ....
والي لم يتكلم ..يكرر الجمله ثلاث او اربع مرات جنه الي جدامه قليل استيعاب ....
وينزفزني جدا بعض التصرفات الي تصدر من ناس متعلمه بس مابان فيها التعليم وخاصه احترام الطابور في الاماكن الي تتطلب طابور مثل صرف ادوره في مستشفى او كاشيير في محل .....

ينرزفني الضحك بصوت عالي سواء كان من بنت او شاب ......

ينرفزوني الي يجيبون عيالهم للحرم ويهدونهم .....
ينرفزوني الي جيبون عاليهم للمسجد في رمضان ......

مشكور ع الموضوع لي تذكرت برجع ان شاء الله

[الحريّه]

ماذا ترى في من يحدث أطفاله بالانجليزية أثناء التسوق ؟ لا أعرف ماذا يدور في خلدهم وهم يقومون بذلك !!:discuss: و العجيب ان الانجليزية ذاتها مكسّرة و يرثى لها من الأخطاء سواء بين الأطفال أو أهليهم !! أظن انه البحث عما يسمونه " بريستيج " :tease:

والذي يسمع اثنين يتحدثان بصوت منخفض في محاولة لإبقاء بعض السرّية في مكان عمل , و يقترب منهما عيني عينك غير محترماً لما يبديه الموقف !!


يزعجني الذي يتحدث دائماً عن اموره الخاصة مثل بيته و أسرته و أطفاله و مواقفه اليومية ! ولا يجد مواضيع مشتركة للتحاور من خلالها ! قد أسمع مرة , و لكن أكثر من مره ؟؟ لالالالالالالالالالالالالالالالالالالا .. مستحيل :eek5:

[غايه الطواش]

[SIZE="5"]ماذا ترى في من يحدث أطفاله بالانجليزية أثناء التسوق ؟ لا أعرف ماذا يدور في خلدهم وهم يقومون بذلك !!:discuss: و العجيب ان الانجليزية ذاتها مكسّرة و يرثى لها من الأخطاء سواء بين الأطفال أو أهليهم !! أظن انه البحث عما يسمونه " بريستيج " :tease:

eek5:

مره كنت في الجمعيه الا وحده تقول لبنتها
Do you want yogurt؟
والصغيره تقول ماما ماما ابي روب :shy:

[khaldoon]

والله يا اخوي فواز موضوعك فعلا رائع و اتفق تماما مع كل ما ذكر قبل مشاركتي هذه

في اشياء كثير تضايقني فعلا و انتبه لها اضافة الى كل ما تفضلتوا به فوق

اللي يظن ان الشارع له وحده بس و يتصرف على هذا الاساس

اي حركة فيها غباء واضح يمكن تجنبه بكل سهولة يقوم بها الشخص اللي امامك

اللي يسكر الشارع و يضيق على الناس بأي طريقة علشان وصل متأخر للجامع علشان الصلاة....في اي صلاة

لما تكون تنتظر احد يطلع من الموقف و يجي واحد بعدك يبي ينافسك على الموقف و يحاول ياخذه منك....قمة في قلة الادب و الذوق

لما تكون واقف على الدور و تلاقي اللي يجي بعدك وقف جنبك في محاولة تالية منه انه ياخذ دورك عن طريق الاستغفال و الاستهبال

اشياء كثيرة جدا ممكن اكتبها بس مضطر اروح الان

تحياتي

[Dawn]

اكره شيء عندي المسلمين اللي ما يهتمون بنظافتهم الشخصيه ... اكرههم واحتقرهم بصراحه

يعطيك العافيه عالموضوع ... ويمكن ارجع مره ثانيه اذا تذكرت شي ...

[فواز1976]

وانا اقرا العنوان كنت بكتب عن الي يمضغ الاكل بصوت عالي ....ماتتخيل شكثر هالموضوع ينرفزني .....او الي يتكلم معاي بالتلفون وهو ياكل ...افقد اعصابي ....
والي لم يتكلم ..يكرر الجمله ثلاث او اربع مرات جنه الي جدامه قليل استيعاب ....
وينزفزني جدا بعض التصرفات الي تصدر من ناس متعلمه بس مابان فيها التعليم وخاصه احترام الطابور في الاماكن الي تتطلب طابور مثل صرف ادوره في مستشفى او كاشيير في محل .....

ينرزفني الضحك بصوت عالي سواء كان من بنت او شاب ......

ينرفزوني الي يجيبون عيالهم للحرم ويهدونهم .....
ينرفزوني الي جيبون عاليهم للمسجد في رمضان ......

مشكور ع الموضوع لي تذكرت برجع ان شاء الله

شكراً على مشاركتك ,,, وفعلاً الاكل بصوت خلاص يوترني, اما عدم احترام الطابور هذا الشي الي اعجز افهمه , يعني ما احد مالي عينك ولا حاس انك فوق الناس ولا ايش؟

ماذا ترى في من يحدث أطفاله بالانجليزية أثناء التسوق ؟ لا أعرف ماذا يدور في خلدهم وهم يقومون بذلك !!:discuss: و العجيب ان الانجليزية ذاتها مكسّرة و يرثى لها من الأخطاء سواء بين الأطفال أو أهليهم !! أظن انه البحث عما يسمونه " بريستيج " :tease:
على انه الحركه فيها ثقاله دم احياناً خصوصاً مثل ما تفضلتي اذا كانت اللغه حقتهم اصلاً رايحه فيها , بس في بعضهم ماخذينها طريقه تعليم لعيالهم

والذي يسمع اثنين يتحدثان بصوت منخفض في محاولة لإبقاء بعض السرّية في مكان عمل , و يقترب منهما عيني عينك غير محترماً لما يبديه الموقف !!
اما هذا فعلاً تصرف يرفع الضغط الا اذا كان من باب الميانه
يزعجني الذي يتحدث دائماً عن اموره الخاصة مثل بيته و أسرته و أطفاله و مواقفه اليومية ! ولا يجد مواضيع مشتركة للتحاور من خلالها ! قد أسمع مرة , و لكن أكثر من مره ؟؟ لالالالالالالالالالالالالالالالالالالا .. مستحيل :eek5:
انا اكثر شي اكرهه اذا شفت رجال يتشكى من زوجته عند الناس , ودي من جد اقوله انت منتب رجال تدير امورك بنفسك , واذا بغيت النصيحه اكيد عندك احد ثاني ولا طريقه افضل من نشر الغسيل هذي الي انت تسويه



والله يا اخوي فواز موضوعك فعلا رائع و اتفق تماما مع كل ما ذكر قبل مشاركتي هذه

في اشياء كثير تضايقني فعلا و انتبه لها اضافة الى كل ما تفضلتوا به فوق

اللي يظن ان الشارع له وحده بس و يتصرف على هذا الاساس

اي حركة فيها غباء واضح يمكن تجنبه بكل سهولة يقوم بها الشخص اللي امامك

اللي يسكر الشارع و يضيق على الناس بأي طريقة علشان وصل متأخر للجامع علشان الصلاة....في اي صلاة
ما كانه الي يسويه من اذية الناس بالطرقات ...
لما تكون تنتظر احد يطلع من الموقف و يجي واحد بعدك يبي ينافسك على الموقف و يحاول ياخذه منك....قمة في قلة الادب و الذوق
فعلاً تصرف غير منطقي جداً ,,
لما تكون واقف على الدور و تلاقي اللي يجي بعدك وقف جنبك في محاولة تالية منه انه ياخذ دورك عن طريق الاستغفال و الاستهبال

اشياء كثيرة جدا ممكن اكتبها بس مضطر اروح الان

تحياتي
في انتظار باقي الامور الي تنرفزك

اكره شيء عندي المسلمين اللي ما يهتمون بنظافتهم الشخصيه ... اكرههم واحتقرهم بصراحه

يعطيك العافيه عالموضوع ... ويمكن ارجع مره ثانيه اذا تذكرت شي ...

فـــعلاً النظافه اساسيه وما عاد في سبب انه الواحد يضايق الناس بريحته , الحياه صارت اريح والعمل اغلبه مكتبي ,, غير توفر وسائل النظافه الان اصبح اسهل بالف مره من قبل

[فيزيائية]

الاشياء اللي صج صج تنرفزني واستنكرها .....
لما اشوف الناس تتخلى عن دينها واخلاقها ومبادئها
وغير ذلك يهون....................................

[sweet qatar]

الله يجزاك الجنة على هالموضوع..

لان ودي اطلع شي في خاطري.. ماقدرت اعبر عنه من قبل ... :secret:

الشي الي استنكره ويستفزني.. البنات الي ينقلون سوالف البنات والامور الي تحصل في تجمعات البنات ويذكرونها في منتديات عامة..

عيب والله عيب.. البنت تطرح موضوع او ترد وتذكر ان البنات في الاعراس او الحفلات يفعلون كذا ويلبسون كذا وبالتفصيل بعد..

اوف اوف شي يحرق دمي واعصابي..المفروض هالكلام ما يطلع الا لبنات الرجال شدخلهم..

والشي الثاني الي يفوق الاول في اثارتي :anger1:

الرجال الي يحسسك انه قليل حيلة مابيده شي..

اذا قلت له غض البصر.. قال شسوي البنات يكشخون..

اذا قلت له تحرى الحلال قالك شسوي الكل يسوي جذي..

اذا شاف الغلط جدامه ما يفتكر..

ابي اعرف بس هذا شخانته في الرجال.. وما يستحي يظهر نفسه ضعيف.. مغلوب على امره..

[بصمة قطرية]

موضــوع رائـــع أخوي ..
بالنسبة لسالفة كرسي السينما ..
أنا أكره شي عندي الكرسي ..
في اي مكان كان ..
مستشفى طيارة اي مكان ..
اتنرفز لما حد يضرب الكرسي ..
اتضايق وايد و صج احسه سخيف اللي يسوي هالحركة ..
بالذات اذا تكررت ..:anger1:
ما استحمل و ممكن أقوم و اغير مكاني ..
حتى في السيارة ما اتحمل هالحركة ..

اتضايق لما أكون في المستشفى أو عيادة و القى ياهال مهملين
ركيض و صراخ عافسين المستشفى على راسهم
و اهاليهم و لا في اذنهم ماي ..
جنهم في بيتهم ..
صج قلة تربية ..!!!:anger1:

تـلوع جبدي من اللي يسمع العالم و هو ياكل
صك حلجك قسم بالله لوعة ..:secret:

اليوم صـار قدامي موقف في الستي ..
بنتين صغــار ما يتعدون ال16 سنه
بروحهم لا لبسهم محترم ولا تصرفاتهم
و آخرتها ...!!
استغفر الله العظيم ..
انقهر من أهاليهم ..
من اشوف هالنوعية اتحسب على أهاليهم لأنهم السبب ..

أكــره دوارة بعض الشبــاب في المجمعات ..
اللي بس رايح و راد ..
لي متى هالحركــات ..!!!

عدم احترام النظــام في المواعيد ..
المستشفيات او المجمعات ..
اللي ييجي و يدرعم ولا يفتكر باللي واقف قدامه و ينتظر ..
كنت في المركز الصحي من كم يوم وكنت وايد تعبانة
مش قادرة أوقف ..
المشكلة غرفة واحدة لأخذ القياسات الحيوية ضغط وحرارة ووزن ..
رحت صوب الغرفة لقيت في الغرفة رجال و برع رجال وقفت بعيد شوي
لين دخل اللي كان برع قربت ..
جوا بعدي ثلاث حريم ..
فجأة ييجي رجال من الباب الثاني و يدرعم ..
و لا قال حريم واقفين ..
انقهرت من تصرفه السخيف ..
انا كنت واقفة قريب أِرت للممرضة جاتني
قلت لها الحين ما في الا غرفة وحدة للرجال و النساء
قالت اي ..
طيب احنا من مساعة واقفين ..
قالت له الحريم جايين قبلك ما عجبع وقعد يتحلطم ..
يعني من الذوق والأدب انه :
أولاً : يحترم الدور ..
ثانياً : يخلي المرة تدخل قبله ..
و هالشي الحمدلله يصير في كل مكان ..
مستحيل رجال يخلي المره تنتظر بعده يقدمها قبله ..


اذا تذكرت شي برجع ...:secret:
يعطيك العافية أخوي :shy:

[ام السعف]

كل الأمور مستفزة تقريبا بالنسبة لي ،،
لكن أكثرها اللي يستوي آلة طابعة يسمعنا طقاقات مضغاته
او صوت بلعه للقمة ،، او كيفية تقلب الأكل في حلجه

اتنرفز وايد ...> بس شاسوي :(

[كلنا قطر 1981]

بعض التصرفات والافعال تجد اصحابها يفعلونها عن حسن نيه او عدم وعي وهي في نظر الناس مستفزه او غير حضاريه او مزعجه. وبحكم صعوبه توجيه الانتقاد المباشر لمن يقوموا بهذه الافعال, خطرت على بالي فكره والتي ارجوا ان تلقى القبول لديكم و انت تشاركوني بطرح ما ترونه ايضاً مزع او مستفز او غير مقبول لديكم.

الهدف توعوي وارشادي لنا جميعاً, فمن الممكن ان نغفل عن اشياء او نفعل اشياء بحكم العاده ولا نعلم بانها مستفزه للاخرين او تضايقهم.

هذه بعض ما يخطر في بالي حالياً :

1. قاعد في صاله السينما ومشاء الله الشخص الي وراك ما غير كل شوي يهز كرسيك برجله, ما ادري هو معتقد انك ما تحس ولا الهز ما راح ياصلك ؟؟؟ ما ادري.

هي تقهر بس بعض المرات ممكن يكون الشخص الي وراك طويل او متين و اي حركه منه

بدون قصد منه يحرك كرسي الي قدامه فا انا التمسله العذر

2. راكب طياره ولا قاعد في مطعم, ويوافق وجود مجموعه من العوائل الاخرى. الكل قاعد باحترامه الا عائله او اثنتين بالشين الناس بعيالهم, صراخ وركض ولا في اي ادنى توجيه ولو مجامله للي قاعدين. ابد, كانهم ما يسمعون او يشوفون الي قاعد يصير.

عاد هالحاله صادتني في الطياره كان في اخت راكبه حذاي و ولدها يصيح و صراخ بس ما قدرت اقولها شي استحيت بصراحه بس الصدمه انه تقولي لو سمحت بروح الحمام الله يكرمكم ممكن تمسك الياهل:omg: سكت و انا مبتسم و في داخلي مليون آآه و قلتلها انشاء الله :weeping: و صرت مربي اطفال في الطياره :nice:

3. تبحث لك عن موقف واخيراً لقيت لك واحد يبي يطلع, تنتظر بسيارتك عند سيارته, لكن الشيخ عنده بروتوكلات قبل لا يطلع من الموقف, فلازم يخليك ملطوع كم دقيقه عشان يتفضل عليك ويطلع. بينما المفروض انه يقدر انه في ناس وراهم اشغال ويحرك سيارته ليتيح لغيره ياخذ الموقف, واذا يبي يتكي بسيارته يقدر بعد ما يطلع من الموقف يوقف برى الموقف شوي لما يخلص, وهذا الي اسويه ما احب الطع احد.

اما هذي تخليني اقفل :anger1: ياخي تبي تعدل عمرك اطلع من الموقف و تعدل على كيفك

4. في اشخاص استغرب من كميه الاصوات الي يطلعها وهو ياكل, مع انه الموضوع سهل سكر فمك وانت تاكل, وامضغ بهدوء.

هههههههههههههههههههههههههههه عاد هذي النوعيه خذ و خل ودك وهو ياكل تصفق له و يجيك واحد يكملها و يغني لانه الاصوات تحس انهم يسون ايقاع منوسيقي بحلوجهم الله يبعد عنهم هالعاده و يهديهم

5. الي فعلاً اجده غريب, اذا رأيت زوجان كانهم زوجي كناري بالسوق وقدام الناس بشكل مبالغ فيه وبايخ, يعني ما ادري هذولا ماعندهم بيت ما امداهم شبعوا من بعض, ولا هو حب استعراض ؟؟؟؟

اخوي فواز هذا الموديل من الازواج ودك تجيب لهم ماي بارد و تكته عليهم علشان يعيشون دور (جاك و روز) ابطال فلم تايتنك و قبل لا يمشون تكتب لهم ورقه مكتوب عليها the end


6. ايضاً بعض الشباب او البنات يتكلمون باعراض الناس ولا كانها شربت المويه, يعني من الممكن تسرد السالفه من غير ذكر الاسامي اذا لا بد وتبي تسردها. بس ذكر الاسامي والله في نظري كبيره, الا السمعه هذا غير انك/ي ممكن تكون/ي غلطان ولا فاهم غلط , وتصير حطيت شي في ذمتك, هذا غير عن فضح سر مسلم بالحالتين.

استغفر الله العظيم هذي الفئه نسوا انه الي يسونه هو قذف الي رب العالمين حرمه علينا انا بعض المرات اذكر قصص و مواقف لربعي بس لا اذكر اسماء ولا جنسيات لانه حكمي على البشر بشكل عام هو حكم على الشخص مب الجنس و لا الجنسيه

7. ترجع من سفره سياحيه.....وتجيك اسأله من بعض الاشخاص, مثلاً... اول سؤال وين سكنت؟ كم كلفتك السفره؟؟.... يعني اعرف انهم اسأله عادي تنسأل بس مهم على اول القائمه. في نظري في اسأله اكثر اهميه وهي الي تخصك... مثل كيف السفر ؟ عساك انبسط ؟ طيب وين رحت ويين جييت ؟ ومثلها من الاسأله وخلالها تسأل الاسأله الاخرى..... لا يصير التركيز على الامور الماديه, والتي في اعتقادي ما تفيد السائل شئ يذكر.

بالنسبه لي ما اشوف فيها شي اتكلم و ارد عليهم و ما اشوف فيها شي

بامكانكم التعقيب على اي نقطه .... واي اضافه ستكون مفيده للجميع

تحياتي

تسلم اخوي فواز و الله يعطيك العافيه :victory:

[@north_star@]

موضوع قيم أخوي فواز وبالنسبه لي :

تكون واقف بالزحمة فى الشارع ويجيك واحد من أقصى اليمين ويطوف الجميع يعني هو مستعجل والناس مب مشكلة عنده...

واحد يمشى 60 ويمسك أقصى اليسار ومسوي وراه قطار من السيارات ...

تبغي تحط بترول بالمحطة واللي قدامك صب بترول وخلص ويتم واقف لين يحط الخرده بالبوك ولين يربط حزام الامان وووووو......... وطبعا انت متنقع وتنتظره يروح عشان تصب بترول .

وطبعا أوصخ عادة تكون واقف بالزحمة أو على الاشارة ويكون جنبك واحد يفتح الجامة ويتفل بالشارع ....

[تحداني]

المواقف المستفزه كثيره يا أخوي تقدر تقول كل شي ما يناسب اطباعك او رغباتك يكون مستفز او كل شي يتعلق بالذوق العام وصعب تحكمه او تضبطه يكون مستفز ايضا


عن نفسي مب مشكله عندي لو لقيت شي مستفز فهذا طبيعي
لكن المشكله ما أعرف أتعامل وانا في مرحله استفزاز الغير لي بطريقه ذكيه

بمعنى أكسب نفسي وأكسب الموقف لصالحي
أعتبر هاللحظه هي من أصعب اللحظات
لان عرض مواقف الاستفزاز دون عرض طريقه التعامل معها لايمكن نصل من خلالها لنتيجه حتى ان كان القارئ يقع فيها احيانا

ولا انت ايش رايك يا أخوي ؟




جملك الله برضاه

[فواز1976]

الاشياء اللي صج صج تنرفزني واستنكرها .....
لما اشوف الناس تتخلى عن دينها واخلاقها ومبادئها
وغير ذلك يهون....................................
اختي فيزيائية,,,, ما ذكرتيه هو شامل , لانه الدين تقريباً داخل في جميع اوجهه حياتنا. يا ليت لو توضحي اكثر بالنسبه للامور المتعلقه بالدين ايش اكثر شئ يضايقك لانه الموضوع هذا نسبي , فما هو خارج عن الدين عندك يمكن يكون شئ عادي عند غير مثل للبس الحجاب او العمل في مكان مختلط وخلافه


الله يجزاك الجنة على هالموضوع..

لان ودي اطلع شي في خاطري.. ماقدرت اعبر عنه من قبل ... :secret:

الشي الي استنكره ويستفزني.. البنات الي ينقلون سوالف البنات والامور الي تحصل في تجمعات البنات ويذكرونها في منتديات عامة..

عيب والله عيب.. البنت تطرح موضوع او ترد وتذكر ان البنات في الاعراس او الحفلات يفعلون كذا ويلبسون كذا وبالتفصيل بعد..

اوف اوف شي يحرق دمي واعصابي..المفروض هالكلام ما يطلع الا لبنات الرجال شدخلهم..
هو على حسب الموضوع , لكن بالعموم اذا لم يذكر اسماء او جنسيات بعينها , فاتوقع الموضوع
والشي الثاني الي يفوق الاول في اثارتي :anger1:

الرجال الي يحسسك انه قليل حيلة مابيده شي..

اذا قلت له غض البصر.. قال شسوي البنات يكشخون..

اذا قلت له تحرى الحلال قالك شسوي الكل يسوي جذي..

اذا شاف الغلط جدامه ما يفتكر..
ابي اعرف بس هذا شخانته في الرجال.. وما يستحي يظهر نفسه ضعيف.. مغلوب على امره..
الي يشوف الغلط وخصوصاً اذا كان غلط كايد وما يتدخل هذا ما هو رجال في نظري , لانه الرجال في الشدايد

اما موضوع غض البصر فالمشكله اذا كان الشاب عازب ومشاء الله البنت طالعه بكامل زينتها صعب انه ما يناظر على الاقل نظره خطافيه كذا ... بس اذا كان متزوج ومعه زوجته فاعتبرها قلة ادب وعدم احترام لزوجته

[فواز1976]

موضــوع رائـــع أخوي ..
بالنسبة لسالفة كرسي السينما ..
أنا أكره شي عندي الكرسي ..
في اي مكان كان ..
مستشفى طيارة اي مكان ..
اتنرفز لما حد يضرب الكرسي ..
اتضايق وايد و صج احسه سخيف اللي يسوي هالحركة ..
بالذات اذا تكررت ..:anger1:
ما استحمل و ممكن أقوم و اغير مكاني ..
حتى في السيارة ما اتحمل هالحركة ..

الحمد لله انه مش بس انا ,,, لاني مره يرتفع ضغطي من الخبط او هز الكرسي

اتضايق لما أكون في المستشفى أو عيادة و القى ياهال مهملين
ركيض و صراخ عافسين المستشفى على راسهم
و اهاليهم و لا في اذنهم ماي ..
جنهم في بيتهم ..
صج قلة تربية ..!!!:anger1:

تـلوع جبدي من اللي يسمع العالم و هو ياكل
صك حلجك قسم بالله لوعة ..:secret:

هههههه من جد الله يهداهم , انا خلاص اعاف الاكل معه

اليوم صـار قدامي موقف في الستي ..
بنتين صغــار ما يتعدون ال16 سنه
بروحهم لا لبسهم محترم ولا تصرفاتهم
و آخرتها ...!!
استغفر الله العظيم ..
انقهر من أهاليهم ..
من اشوف هالنوعية اتحسب على أهاليهم لأنهم السبب ..
الي يقهر اذا قلتي لاهلهم ولا لمحتي له , يرد بانه واثق فيهم , وانا في اعتقادي انها عدم احساس بالمسئوليه وهماله اكثر من انها ثقه

أكــره دوارة بعض الشبــاب في المجمعات ..
اللي بس رايح و راد ..
لي متى هالحركــات ..!!!

عدم احترام النظــام في المواعيد ..
المستشفيات او المجمعات ..
اللي ييجي و يدرعم ولا يفتكر باللي واقف قدامه و ينتظر ..
كنت في المركز الصحي من كم يوم وكنت وايد تعبانة
مش قادرة أوقف ..
المشكلة غرفة واحدة لأخذ القياسات الحيوية ضغط وحرارة ووزن ..
رحت صوب الغرفة لقيت في الغرفة رجال و برع رجال وقفت بعيد شوي
لين دخل اللي كان برع قربت ..
جوا بعدي ثلاث حريم ..
فجأة ييجي رجال من الباب الثاني و يدرعم ..
و لا قال حريم واقفين ..
انقهرت من تصرفه السخيف ..
انا كنت واقفة قريب أِرت للممرضة جاتني
قلت لها الحين ما في الا غرفة وحدة للرجال و النساء
قالت اي ..
طيب احنا من مساعة واقفين ..
قالت له الحريم جايين قبلك ما عجبع وقعد يتحلطم ..
يعني من الذوق والأدب انه :
أولاً : يحترم الدور ..
ثانياً : يخلي المرة تدخل قبله ..
و هالشي الحمدلله يصير في كل مكان ..
مستحيل رجال يخلي المره تنتظر بعده يقدمها قبله ..
عـــاد الله واكبر من المواعيد المهمه ولا الشغل الي عنده الي مهو قادر ينتظر دوره .... بس هي مسأله احساس وتربيه

اذا تذكرت شي برجع ...:secret:
يعطيك العافية أخوي :shy:
يعطيكي العافيه على مداخلتك الغنيه


كل الأمور مستفزة تقريبا بالنسبة لي ،،
لكن أكثرها اللي يستوي آلة طابعة يسمعنا طقاقات مضغاته
او صوت بلعه للقمة ،، او كيفية تقلب الأكل في حلجه
اتنرفز وايد ...> بس شاسوي :(
حلووه .... اجل يستوي آله طابعه :)

تسلم اخوي فواز و الله يعطيك العافيه :victory: الله يسلمك وشكراً على مرورك.......... وتعليقاتك الرائعه

[مضاربه]

والله انك طحت على العوق ياخوي صادق كل الي ذكرته ينرفز وتوني جايه متنرفزه الله يسلمك ابي الصيدليه الي عند محطه البترول كروز معطل الناس سيد شكبره وراه واقف ومسكر على العالم وانا اهرن له والله ولاعنده احساس والا في الاخر طلعت المدام من الصيدليه زين كان لفيت ورجعت لها والا خذت لك موقف وصفيت السياره صراحه تنرفزت وينرفزني الناس الي يحطون عطورات قويه احس اني بختنق خاصه اذا كان المكان مغلق والي ينرفز بعد تحفص المواتر والي يطوف من صوبك كانه دبابه مادري شيركبون في سيايرهم شكرا لك على موضوعك الرائع خليتنا نفضفض شوي

[فواز1976]

موضوع قيم أخوي فواز وبالنسبه لي :

تكون واقف بالزحمة فى الشارع ويجيك واحد من أقصى اليمين ويطوف الجميع يعني هو مستعجل والناس مب مشكلة عنده...

واحد يمشى 60 ويمسك أقصى اليسار ومسوي وراه قطار من السيارات ...
اووووف هذا يذبحني ..... لا والي يقهر اذا رفعت عليه النور ويالله يوخر وما يمديك تعديه الا ويرجع يمسك اليسار ما ادري كيف مخه مركب , يابوي هذا حق الي يمشي بسرعه انت حده اقصى اليمين .... بس ماش مافي امل

تبغي تحط بترول بالمحطة واللي قدامك صب بترول وخلص ويتم واقف لين يحط الخرده بالبوك ولين يربط حزام الامان وووووو......... وطبعا انت متنقع وتنتظره يروح عشان تصب بترول .
اكثـــــرهم الشيبان .....

وطبعا أوصخ عادة تكون واقف بالزحمة أو على الاشارة ويكون جنبك واحد يفتح الجامة ويتفل بالشارع ....
صدقت والله .... ودي اوصف بس مراعاه للمشاعر ما راح اقول شي عن هذه النقطه .... :anger1:



المواقف المستفزه كثيره يا أخوي تقدر تقول كل شي ما يناسب اطباعك او رغباتك يكون مستفز او كل شي يتعلق بالذوق العام وصعب تحكمه او تضبطه يكون مستفز ايضا


عن نفسي مب مشكله عندي لو لقيت شي مستفز فهذا طبيعي
لكن المشكله ما أعرف أتعامل وانا في مرحله استفزاز الغير لي بطريقه ذكيه

بمعنى أكسب نفسي وأكسب الموقف لصالحي
أعتبر هاللحظه هي من أصعب اللحظات
لان عرض مواقف الاستفزاز دون عرض طريقه التعامل معها لايمكن نصل من خلالها لنتيجه حتى ان كان القارئ يقع فيها احيانا

ولا انت ايش رايك يا أخوي ؟




جملك الله برضاه

صحيح هي الاشياء الي تستفز كثيره بس الي يستفز اكثر ماهو واضح انه غلط ومستنكر , بعض الحركات مثل طريقه الاكل هذي اخبر من الابتدائي يعلمونا اياهه ... انك تاكل وانت مسكر فمك ولا تتكلم وبفمك اكل.... فما في عذر

واتفق معك فيه بعض الحركات تستفز ومن كثر ما الواحد متنرفز يآثر انه يسكت عشان ما يغلط على احد , لانه التوجيه اللطيف ماراح يكون حاضر

اما مسأله كيفيه التعامل معها .... بعض الحركات افضل شي للتعامل معها هي غض الطرف عنها , لكن ذكرها هنا للتوعيه لعل من فيه هذه الصفه اذا قرأ انها مقززه او مرفوضه ان يبتعد عنها , لكن هناك بعض الامور التي من الممكن التعامل معها على سبيل المثال , اذا احد تخطاني بالطابور اقول له : لو سمحت اخوي (بابتسامه) ترى فيه طابور ينتظر ... اذا قام يبرر مثل انا مستعجل ... ارد عليه : ترى كلنا مستعجلين وورانا اشغال ولا ما احد حاب الانتظار

[فواز1976]

والله انك طحت على العوق ياخوي صادق كل الي ذكرته ينرفز وتوني جايه متنرفزه الله يسلمك ابي الصيدليه الي عند محطه البترول كروز معطل الناس سيد شكبره وراه واقف ومسكر على العالم وانا اهرن له والله ولاعنده احساس والا في الاخر طلعت المدام من الصيدليه زين كان لفيت ورجعت لها والا خذت لك موقف وصفيت السياره صراحه تنرفزت وينرفزني الناس الي يحطون عطورات قويه احس اني بختنق خاصه اذا كان المكان مغلق والي ينرفز بعد تحفص المواتر والي يطوف من صوبك كانه دبابه مادري شيركبون في سيايرهم شكرا لك على موضوعك الرائع خليتنا نفضفض شوي

لا الله يهداكي هذا شاري الشارع وهو الي متفضل عليكم ومخليكم تمرون منه... فاذا وقف له 10 دقايق ولطعكم شوي عادي اصبروا عليه :)

لا واذا جاء العطر ريحته بالخير ... تكتمل
والي يطوف من صوبك كانه دبابه مادري شيركبون في سيايرهم عاد هاذي مسؤليه المرور لانه فعلاً ازعاج وتلوث سمعي يعكر مزاجعك على لا شئ الا انه يزعج خلق الله

شكراً على مشاركتك

[chillis]

اوف موضوع السينما شي مقزز وممل بالذات الي يطق الكرسي وتنبهه مره ومرتين وهم يكرر :(

والشخص الي ياكل ويطلع صوت بالمطعم ويتكلم بصوت عالي جنه بيته شي يقهر

[تحداني]

صحيح هي الاشياء الي تستفز كثيره بس الي يستفز اكثر ماهو واضح انه غلط ومستنكر , بعض الحركات مثل طريقه الاكل هذي اخبر من الابتدائي يعلمونا اياهه ... انك تاكل وانت مسكر فمك ولا تتكلم وبفمك اكل.... فما في عذر

واتفق معك فيه بعض الحركات تستفز ومن كثر ما الواحد متنرفز يآثر انه يسكت عشان ما يغلط على احد , لانه التوجيه اللطيف ماراح يكون حاضر

اما مسأله كيفيه التعامل معها .... بعض الحركات افضل شي للتعامل معها هي غض الطرف عنها , لكن ذكرها هنا للتوعيه لعل من فيه هذه الصفه اذا قرأ انها مقززه او مرفوضه ان يبتعد عنها , لكن هناك بعض الامور التي من الممكن التعامل معها على سبيل المثال , اذا احد تخطاني بالطابور اقول له : لو سمحت اخوي (بابتسامه) ترى فيه طابور ينتظر ... اذا قام يبرر مثل انا مستعجل ... ارد عليه : ترى كلنا مستعجلين وورانا اشغال ولا ما احد حاب الانتظار [/quote]




الامثله الي ذكرتها أقدر أتعامل معاها .. يمكن لان صعب استفزازي ابهالمواقف
او ان هالاشياء كلها حلها بأن تشير لها لو سمحت اوقف بالطابور
ولو سمحت بند حلجك لما تاكل
ولو سمحت .. لا تقاطعني
ولو سمحت لا اتصرخ علي


أما إستفزاز رأي .. او نقطه حوار .. او مبدأ .. او طريقه حياه مع شخص مجبر ان تعيش معاه
هنا قمه المشكله .. لانك محتاج اما تتنازل وصعب تتنازل .. او تجاريه وتفقد التوافق امبينك وبينه



جملك الله برضاه

[فواز1976]

اوف موضوع السينما شي مقزز وممل بالذات الي يطق الكرسي وتنبهه مره ومرتين وهم يكرر :(

والشخص الي ياكل ويطلع صوت بالمطعم ويتكلم بصوت عالي جنه بيته شي يقهر

هذي المشكله اذا نبهته ويعيد الحركه بعد , كذا يرتفع ضغطي الف وبعدها ما اقدر اسكت

شكراً على مرورك

[فواز1976]

[center][b][size="4"]الامثله الي ذكرتها أقدر أتعامل معاها .. يمكن لان صعب استفزازي ابهالمواقف
او ان هالاشياء كلها حلها بأن تشير لها لو سمحت اوقف بالطابور
ولو سمحت بند حلجك لما تاكل
ولو سمحت .. لا تقاطعني
ولو سمحت لا اتصرخ علي


[color="red"]أما إستفزاز رأي .. او نقطه حوار .. او مبدأ .. او طريقه حياه مع شخص مجبر ان تعيش معاه
هنا قمه المشكله .. لانك محتاج اما تتنازل وصعب تتنازل .. او تجاريه وتفقد التوافق امبينك وبينه

اوفقك .... استفزاز الرأي او المبدأ , من الامور الصعبه, خصوصاً اذا كان الطرف الاخر محدود الفكر , يعتبر الرجوع عن فكرته اهانه, هذا الشخص يعتبر من اصعب الاشخاص الي ممكن الواحد ان يتحاو و يتناقش معهم.
لانه في نظري , الرأي يتكون بناء على معطيات وهذه المعطيات تتكون من الخبره والقراءه والاطلاع والخيال والتصور , فاذا كان الطرف المقابل لك منفتح فكرياً متقبل للنقاش فانه يسهل عليك التحاور معه واستعراض ما لديك من معطيات له , والتي تطمح ان تؤثر على تفكيره او تغير رأيه . لكن اذا كان الشخص من النوع المتشبث العنيد فان الحوار يصبح جدلي عقيم لا يصل الى اي نتيجه, لانه ببساطه لا يسمع الا لصوته.

الناس بالمجمل يختلفون بالتفكير , ولهذا في نظري اذا كان الاختلاف لا يصل الى حد المبادئ المؤثره في حياة الشخص او معتقده فانا اتكيف و اتعايش مع هذا الاختلاف الى نسبه معينه , لكن اذا كان هناك تأثير مثل ماذكرتي بالاعمال التجاريه , فاني حتماً لن ادخل في عمل او شراكه مع شخص من هذه النوعيه.

سعدت بمداخلتك و مشاركتنا افكارك

تحياتي

[khaldoon]

امس المساء بتجاوز سيارة تمشي بهدوء شديد على الكورنيش

نظرت الى السائق علشان اشوف ليش بيسوق بهذه الطريقة اللي بتعطل السير فوجدته رجل كبير جدا بالسن و لكن ماذا يفعل؟؟؟؟










































بيسوق السيارة و بيقرأ بنفس الوقت القران الكريم و مثبته على مقود السيارة

crazycrazycrazycrazycrazycrazycrazycrazy


مش المفروض انه تنسحب منه الرخصة بعدين نفهمه غلطه و كيف انه ممكن يقضي على حياة الاخرين و على حياته بهذه الطريقة

حبكت معاه يقرأ القران وهو بيسوق

[penguin]

لما اجوف هندي واقف عند الدوار ويكون فاضي ولا يحرك:anger1:

[السكين]

ما قريت كل الصفحات فلو فيه شي مكرر سامحونا

- الانتظار عند المصعد خصوصاً أوقات الدوامات الصباحية ييجي واحد متأخر اول ما يفتح الباب يدخل قدامك وكأنك غير موجود .

- الارصفة الضيقة المخصصة للمشاة .. خاصة امام المحال التجارية ..يجيك 3 واقفين قاعدين يتكلموا وانت عاد انزل على الشارع حتى ما تخرب عليهم حديثهم !!

- البصق بالشوارع ( عارف انه المواطن والمقيم العربي والأوروبي ما يسويها ) بس استفزاز الآسيويين في هالحركة المقرفة وقدامك بصوت وتصرف مقرف يجيبلي انهيار :eek5:

بالنهاية الناس تختلف كل واحد جاي من بيئة مختلفة وعايش بطريقة مختلفة ..يا إنه البيئة تأثر فيه سلباً ولاّ ايجابياً ..

- الطابور ..توقف فيه ..يجيك واحد واثنين وثلاثة ..ولما تعارض يضحك لك ببراءة ويقولك : يا اخي بس لو سمحت انا بسأل الموظف بس سؤال !!



موضوع جميل ممكن يكون القاريء يرتكب نفس الأفعال دون علمه بأنها مستفزّة !

[khaldoon]

اضيف على كلام اخونا العزيز نورث ستار: واحد يمشى 60 ويمسك أقصى اليسار ومسوي وراه قطار من السيارات ...

لما تعطيه ليت و الا هرن بيزعل و بيصير يعاند و يخفف السرعة و يدعس بريك بعد و انت يمكن عندك حالة طارئة و مستعجل لا قدر الله


هذا ايش تسوي فيه ؟؟؟!!!!!

[khaldoon]

لما اجوف هندي واقف عند الدوار ويكون فاضي ولا يحرك:anger1:

مرات تكون مضطر انك توقف ورى سيارة و ما تقدر تتجاوزها لا يمين ولا يسار لانه السيارات مسرعة على الجهتين وما تعطيك فرصه و اللي قدامك لو يدحل شوي سيارته للامام بيصير عندك مجال تطلع بس القهر لما تلاقيه ما يتحرك سنتيمتر واحد يعني كأنه سيارته متسمرة بمسامير في الشارع لا يمكن تحريكها ولا ازاحتها نهائيا

[مسك روز]

- اللي تتكلم وريحة حلجها اعوذ بالله :tooth:

- البنت اللي ماتعرف تفرق بين مكان عمل او دراسه وبين مكان سهره او زياره

فتطلع للدوام كأنها رايحه حفله، من ميك اب الى عبايه الخ .

- لما اتكلم والطرف الثاني يتلفت او يطالع الساعه

وعقب يقول هاه ؟ ايه .. وهو مايدري شسالفه :discuss:

او لما اسولف وحد يقطع كلامي .

- ينرفزني ويحيرني جدا اذا شفت بنت كاشفه وامها نقاب وعبايه ع الراس .

- ينرفزني اللي يتكلم بالتلفون في مكان عام كأنه قاعد فبيته ، عرفنا قصة حياته من هالمكالمه
:telephone:



اذا تذكرت شي برجع اكتبه..


موضوع حلو ومميز ويخليك اطلع اللي بخاطرك :nice:

عل وعسى حد يقرا الكلام ويحس على دمه ..

[دبلوماسية]

اتنزفز ...واموت قهر ....

لين شفت بنت صغيرة مطرشينها المدرسة مع دريول بروحها ....

لين شفت وحدة في الجمعية ووراها الدريول ايدز لها الجاري ...

لين شفت ريال مع عياله والخدامة ايتمشون في مجمع ....

لين اي حد ايتكلم كلمه عربي وكلمتين انجليزي (وغلط بعد ).....وخاصة وانت اتعرف انه هالشخص كان فاشل في الانجليزي .

[قطرية مثقفة]

اتنزفز ...واموت قهر ....

لين شفت بنت صغيرة مطرشينها المدرسة مع دريول بروحها ....

لين شفت وحدة في الجمعية ووراها الدريول ايدز لها الجاري ...

لين شفت ريال مع عياله والخدامة ايتمشون في مجمع ....

لين اي حد ايتكلم كلمه عربي وكلمتين انجليزي (وغلط بعد ).....وخاصة وانت اتعرف انه هالشخص كان فاشل في الانجليزي .
حلوة :nice:

[قطرية مثقفة]

أستنكر الحقد وعدم حب الخير للآخرين اللي في قلوب البعض لدرجة ان العين تنطق بالحقد ....

[فيزيائية]

اختي فيزيائية,,,, ما ذكرتيه هو شامل , لانه الدين تقريباً داخل في جميع اوجهه حياتنا. يا ليت لو توضحي اكثر بالنسبه للامور المتعلقه بالدين ايش اكثر شئ يضايقك لانه الموضوع هذا نسبي , فما هو خارج عن الدين عندك يمكن يكون شئ عادي عند غير مثل للبس الحجاب او العمل في مكان مختلط وخلافه


بالتحديد ...
اللي يحلل لنفسه شي ويقول بعض المفتين اجازوا.....
مثلا العري الماصخ اللي بالاعراس
ان ناقشتهم قالوا عادي بين النساء
المفتي قال.....
النمص ...الوصلة ....وغيرها...
طبعا وايد امور وبشكل عام تنرفز لي طلعت عن الاخلاق والاداب العامة ...
بس الامور الدينية اشد واصعب بنظري ..[/COLOR]

[penguin]

مرات تكون مضطر انك توقف ورى سيارة و ما تقدر تتجاوزها لا يمين ولا يسار لانه السيارات مسرعة على الجهتين وما تعطيك فرصه و اللي قدامك لو يدحل شوي سيارته للامام بيصير عندك مجال تطلع بس القهر لما تلاقيه ما يتحرك سنتيمتر واحد يعني كأنه سيارته متسمرة بمسامير في الشارع لا يمكن تحريكها ولا ازاحتها نهائيا

اااايييي والله :weeping:

مادري شفيهم متخرعين الدنيا سهالات