ورق جدران

[am-tmim]

السلام عليكم ورحمة الله وبركاته..

اخواني واخواتي الله يرضى عليكم بغيت محلات ورق جدران تكون اسعارها معقوله وتشكيلاتها منوعه

جزاكم الله خير ..

[خشوف]

عندك المها لورق الجداران شارع الاصمخ تقريبا هو الموزع عنده اشياء حلوه

[تحداني]

بو راشد بعد دوار قطر للديكور
الخليج للمفروشات بجانب الرونق في المطار
مفروشات الاندلس في الاصمخ



جملك الله برضاه

[بوعلى 1]

المعرض الصيني الي في دبي عندهم جميع اشكال ورق الجدران الي موجودة في الدوحة واكثر من ذلك بكثير وختيارات عديدة واسعارهم فرق كبير عن الدوحة مثال ع ذلك :--

اذا كان سعر المتر من النوع الممتاز في الدوحة مثلا ب 85 ريال فان نفسة في المعرض الصيني ب 8 ريال فقط يعني رول كامل يطلع ب 150 ريال
وعلى فكرة فان المعرض الصيني راح يفتح فرع لة في قطر بداية شهر 3

[السحابة]

المعرض الصيني الي في دبي عندهم جميع اشكال ورق الجدران الي موجودة في الدوحة واكثر من ذلك بكثير وختيارات عديدة واسعارهم فرق كبير عن الدوحة مثال ع ذلك :--

اذا كان سعر المتر من النوع الممتاز في الدوحة مثلا ب 85 ريال فان نفسة في المعرض الصيني ب 8 ريال فقط يعني رول كامل يطلع ب 150 ريال
وعلى فكرة فان المعرض الصيني راح يفتح فرع لة في قطر بداية شهر 3

اذا جاء قطر المعرض الصيني بيسير دبل الدبل اللي في دبي ماادري الاسواق تيجي قطر وتضرب الاسعار للسما الله يستر

[QTR-SOUL]

محل الوان في بروه المتر على 7 و10 ريال بدون التركيب

[am-tmim]

مشكورين ماقصرتوا
معلومات فادتني
جزاكم الله خير

[تمون]

يالغالي

من كم يوم جبت واحد البيت يسوي لي الصالة و مداخل الغرف قالي ١٨٠٠٠ ريال انصدمت قلت له برد عليك بعد مم يوم

وبالصدفة رحت السوق الصيني في دبي انصدمت اكثر اسعاره رخيصة جدا تخيل نفس التصمصم الي اخترته من الرجال الي ب ١٨٠٠٠ مع التركيب خذتة ب ٢٠٠٠ ريال بس الحين بجيب واحد فقط تركيب قول بيكلفني ٢٠٠٠ التركيب بكون وفرت ١٤٠٠٠ ريال

انصحك تروح السوق الصيني بعد معرفة القياسات وخذ من هناك و جيب واحد يركب لك فقط

[بصمة قطرية]

ورق الجدران حلو وراقي بس عيبه ما يناسب اجوائنا ..
لازم المكيف شغال 24 ساعه ولا يتفكك لأنه ما يستحمل الحر والرطوبة ..
في ناس يجهلون هالشغلة و يتفاجئون لما يشوفونه يتبطل ..

[Eman Qtr]

محل التصميم الذهبي في شارع الاصمخ انصحج فيه اذا تبين شي راقي وحلو
توني من فترة ماخذة منه حق غرفتي وغرفة اخوي
بس طلبية اللي عندة تاخذ اسبوع على مايوصل