كيوتل "كمان وكمان"

[ابن الجزيرة]

العنوان مستوحى من فيلم اسكندرية كمان وكمان للمخرج الراحل يحيي شاهين

لا اتذكر ان شركة قد تعذبت معاها مثل كيوتل

وعلى الرغم من ان الشركة عملاقة ومن اكبر واضخم الشركات في قطر الا انني اتعجب

من بعض التصرفات والتي تعتقد لاول مرة انها هفوات ولكن عند تكرارها بشكل منهجي تصبح سياسة وسلوك وليس هفوة موظف او قل خبرة

الموضوع انني اشتركت في احدى باقات كيوتل المعلنة في 6 يناير ووقعت على الاستمارة

وعرفت عدد الدقائق التي املكها مع رقم مجاني وعدد محدد من الرسائل المجانية

وهكذا فهمت ان الموضوع انتهى وان تفعيل الخدمة تلك يتم في نفس اليوم


قبل ايام ذهبت الى مركز خدمة كيوتل وسالت عن رصيدي والمتبقي لان الجهاز كان خربان

فاعطتني الموظفة المبلغ قلت لها اني مشترك في باقة

قالت الباقة لم تفعل وستبدا من اليوم 24 يناير تعجبت وقلت لها لم يخبرني احدا بذلك


فقالت بادب جم"بنعتزر منك"..طبعا هي لم تكن الموظف الذي سجلت لديه بالباقة

اليوم وصلتني فاتولرة بمبلغ كبير لاني اسرفت بالاتصال بالرقم المجاني


فمن المسؤل عن ذلك؟؟

[sweet qatar]

انا ما قد جربت الباقات والعروض هذي..

صج صدمة.. عاد الله يهداك ليش ما تاكدت قبل لا تاخذ راحتك..

الله يعوض عليك ان شالله..

[الخزرجي قطر]

خطأ كيوتل يتحمله المشترك
الله يعينك مافي حل غير الدفع

[قلبي الطيب]

الله يعينك أنا على خط الهلا ماأغير أضمن لي من تخبطات كيوتل
ملاحضة أعتقد اسم المخرج يوسف شاهين

[ام السعف]

بما ان لكيوتل حضور لابد من قول

أكره كيوتل
:(

[مريومة]

ابشرك

وانا في الصالون .. الا وحدة تشتغل في كيوتل موجودة

واتكلم مع الكوافيرة واتقول لها .. كيوتل حرامية .. حرامية

واغلب العملاء اللي يتصلون بنا يشتكون ندري انهم مظلومين

بس مابيدنا حل .. الله يعينك

انا سووا فيني نفس الحركة .. بس بالعكس

دفعوني فلوس على خدمة ما استخدمتها .. والخطأ منهم باثباتات المكالمات

نشفوا ريجي 3 شهور وانا رايحة رادة .. ماعندي لا شغلة ولا مهرة الا هم

لين خذت فلوسي وحولت رقمي هلا

والله المستعان

[Dana’1]

الله يعينك..معروفة سياسات البعض يصيدون العميل بالفكرة العامة بان عندك رقم مجاني وكذا ،،،لكن اذا دققت تلاقية مجاني بساعات معينة او بعدد مكالمات معين ما ان تتجاوزها تنحسب عليك...اعطيتك مثال مو شرط كيوتل ماشية علية الله اعلم عن سياستهم كيف بس تكلمت عن الفكرة بعموم


انا فواتيري كانت بالعلالي مقارنة باستخدامي مع العلم ما عندي دولي ومكالماتي ماهي ذيك الزود ..لكن اظن السبب في تصفح النت وهي احيان مو كثير
فطحت بحركة اني اسكر البيانات الخلوية و ال3جي طول الوقت وافتحها وقت ما احتاجها المهم وما حسيت بفرق كثير ما اعرف يمكن بسبب تصفح اليو تيوب
بعدها رحنا انا وزوجي لكيوتل نشوف شسالفة ..شرحو لزوجي السالفة انة لفواتير هي ل60 يوم مو لشهر ما اعرف ايش يقصدون الخط مرات يقفل قبل وان من ضمنها 20 ريال ترفية قال زوجي تستخدمين الترفية قلت غير النت ما استخدم اي شي ثاني بس عندي خدمة الصلاة ما اعرف اذا يقصدونها او لا
تخيل قال ما اعرف دقو علي 111 وشيلو الخدمة بما انها ما تستخدم الترفية موظف وبيكيوتل ما يعرف من بيعرف اجل
اتصلت وتخيل ما عرفو ايش هي الخدمة قالو ارسلي لنا رقم الخدمة الي يجيك قلت مافي غير رسايل الصلاة ومن مولدي عروض وبس قالو ما نقدر نخدمك اذا ما عطيتينا رقم!!!
المهم النتجية معهم 0
انا اساسا عفتهم وشلت خدمة البلاك بيري حتي من قبل هالسالفة
ورحت لفودا فون بلاك بيري راحة كل شهر 49 ريال وبس حتي مرات شهر وكم يوم
والمكالمات الدولية روووعة عندهم غير كذا اختي عندها فودا نكلم بعض مجانا لان كل ما نعبي يعطونا دقائق مجانية نستفيد منها بس هي من فودا فون الى فودا فون بس
فرتحت وحبيتهم بصراحة
وخليت كيوتل فقط لمكالمات العادية بحكم انة فاتورة ومفتوح على طول باي وقت وسكرت البيانات الخلوية نهائيا وال 3جي سكرتها من الجوال نفسة جوال الاي فون طبعا
الحين فواتيري بين ال 101 تقريبا ما تتعدي ال 200 لان ضربت عليهم اكس الا خدمة الصلاة بس للحين استخدمها والاتصالت هي نفسها قبل بس شوف الفرق بالسعر قبل 700 وشي توصل لل1000 الي هو اللمت الي انا حاطتة

وتو من قبل كم اسبوع متصلة علي وحدة من كيوتل بعد السلام واللباقة قالت عندنا عروض حلوة عروض شهري
خط مجانا لمت معين للنت وووووالخ بس علي حسب سعر الباقة خليتها تعبر وتعرض كل ما عندهم وسالتها كذا سؤال عقب قالت تحبي افعل لك الخدمة لان انتي الوردي ياخذون منك 50 ريال مقابل خدمة الفاتورة ومع الشهري غير وكذا قلت انا تو شلت خدمة البلاك بيري وارتحت
قلت لا شكرا انا ما ابغى الخدمة قالت لية؟؟!!
قلت انا عندي خط فودا فون مسبق الدفع وعلية خدمة البلاك بيري ودولي ومرتاحة عالاخر ولله الحمد والمنة مع فودا فون حسيت بالفرق وما بغى هالخدمة حستها تحطمت وقالت اوك على راحتك قلت شكرا
بصراحة انا ما ودي احطمها بس كيوتل جابت لنفسها ولموظفينها الكلام

[ابوالكلام]

فودافون أحسن

[بوحارب]

فودافون أحسن

مافيه امل كيوتل وبس :nice:

[ابوالكلام]

الموضوع موضوع مبدئ

[ابن الجزيرة]

ين ياجماعة واللي هواه "كيوتل" يعني مدمن في كيوتل..ايش الحل معاه


السوال هل هي سياسة"فهلوة" من كيوتل أوان الموضوع"غباء وقلة خبرة"موظفين؟؟

لو ياتي الاخ العضو احب قطر يفتينا


وشكرا للجميع من مر ومن علقعلى الموضوع

[bohilal191]

الباقات الشهرية معروفة ماتتفعل الا يوم تاريخ اصدار الفاتورة وهالشي عرفته بعد الالطلاع على موضوع اخونا قلب الدوحة وطريقة كيوتل في احتسابها للفواتير

شوف موضوع اخونا قلب الدوحة

http://www.qatarshares.com/vb/showthread.php?t=357968

[jeep-srt8]

ياجماعة الخير جربو فودافوووون ماعادت مثل زمان تقطيع ومافي ارسال ومدري وشو

لا بس امس طول يوم اكلللللللم واكللللللم واقول انا معبي ب 10 شسالفتها ماخلصت الا والاقيها 9 ونص هههههههههههه جيت ارسلت مسج انسحبت 70 درهم !!!!!!! تخبط فظيع

الله يعينك ياخوي ماعندك الا تدفع او تكون قوي عين وتدخل على مسؤول وتبهذله

[بوخالد911]

هلا

اطلب حقك

اتصل 111

وطالب بمعرفة الموظف اللي خلص معاملتك
لكي يحاسبونه

ولا تتهاون وتتكاسل

[زهرة بنفسجية]

ما ادري بس فعلا حسيتها قمة في النصب للاسف
بما انني استخدم المسجات كثير
قلت بحول خط و بستفيد من العروض
الا انه صارت الفاتورة تجيني بمبلغ و قدره!!!
و يقطعونه بعد لما يخلص
لا خلاص هلا ارحم
رجعت لهلا و الله يعينا عليهم و على احتيالهم
كلها لعبة و حيله على المشترك
الا هو بالنهايه لا عروض تخدم المشترك بل تخدمهم هم
@-@

[الجوكر90]

السلام عليكم
اتصل وظني الحبيب صباح الخير ومشكلتك راح تنحل فنفس اليوم
واذا كلمك المسؤول قول ابي الموظف يتحاسب لان عطلني
وبالتوفيق ان شاء الله

[Adhoc]

مالك حل الا ادارة حماية المستهلك اللي توها بادية شغلها في المجلس الأعلى للإتصالات جربتهم وجابوا لي حقي بس تصبر شوي لين ما يتحققون مع كيوتل. اتصل لهم على 103 وقول لهم مشكلتك وربي يوفقك وتسترجع حقوقك

[وتبقى الدنيا حلوه]

وايد صارت لي مشاكل مع كيوتل

و المشكله اذا اشتكيت غصب انت تكون غلطان و اذا هم غلطانين و اعترفوا بالخطا بعد انت بتدفع

[ابوالكلام]

إحنا الي خلينا كيوتل تتمادى الى هذا الحد ولا تحترمنا وتعيشنا انا إحنا المحتاجين لها يوم دخلت فودافون حست بالخطر وقامت تغيير من سياستها اعتقد ان كل شي بيدنا حنا نرفع الشي ونزله مثال ( شركة التويوتا ) يحسسونك انك تشتري من عندهم أدوية هل سالنا انفسنا من المسؤول نحن

الله المستعان