موضوع للنقاش ( الحسد والغيره ) والعياذ بالله

[الجوهره 2012]

السلام عليكم ورحمة الله وبركاته ....


http://knol.google.com/k/-/-/2zfst3ecott6o/fhbgb7/74083639.gif




اليوم حابه اتكلم عن موضوع الغيره و الحسد .....

طبعا الكل ملاحظ انتشار العين والحسد والغيره ليش فلانه احسن مني و و و ....الخ

سؤالي اليوم ..


هل تؤمن بالحسد و الغيره والعين .. و هل صار لك موقف وتاكدت بان العين حق ...!
وكيف تخلصت منها عشان الكل يستفيد ..


انا عن نفسي اوووه شبعت من هالسالفه و قمت احصن نفسي ببعض الادعية والآيات اللي جمعتها لاني فعلا ماترقع اعوذ بالله ...!
وصرت كاش اقول ما شاءالله لان في ناس تستحي من ذكر الله :rolleyes2: ..


خل نعود نفسنا على كلمة ما شاءالله ولاحول ولاقوة الابالله لان هالشي حلو ..واوقات الواحد مايقصد وسبحان الله قلبه يفز .. يعني مثلا واحد مطلع موتر عادي ثاني يوم داعم له شي وهو من 25 سنه يسوق ...! خل نتعلم نقول ما شاءالله عليه سيارته حلوه .. او ما شاءالله توفق بالاختيار الله يرزقنا مب بل عليه من وين له ويقولون كاش بعد ....!!

هذا الكلام من واقع تجربه اقوله مب كلام منتديات او نت وبس :)


وبالنهاية احب اختم بانكم تسوون هالاختبار اللي عجبني وجا على الموضوع بعد :nice:



الإختبـــار:


1-لو كان جارك لديه بيت أفخم وأكبر منك فإنك تحسده
نعم (2 نقطة).
لا (صفر نقطة).
لا أدري (1 نقطة).


2-لوكان طولك قصيرا فإنك ستحقد على فارعي الطول
نعم (2 نقطة).
لا (صفر نقطة).
لا أدري (1 نقطة).


3-إذاكنت متزوجا أو تريد أن تتزوج، فإنك سوف تشعر بالغيرة إذا تحدثت زوجتك/ زوجة المستقبل مع رجلآ آخر؟
نعم (2 نقطة).
لا (صفر نقطة).
لا أدري (1 نقطة).



4-إذاكنت تملك سيارة فإنك سوف تحسد من لديه سيارة أفضل منك
نعم (2 نقطة).
لا (صفر نقطة).
لا أدري (1 نقطة).



5-عادة تحسد الأشخاص الذين يكونون بمظهر أفضل منك
نعم (2 نقطة).
لا (صفر نقطة).
لا أدري (1 نقطة).


6-تشعر بالحسد إذا كان هناك شخص أفضل وأذكى منك في المدرسة أو الجامعة أوالوظيفة
نعم (2 نقطة).
لا (صفر نقطة).
لا أدري (1 نقطة).



7-تشعربالحسد تجاه الأشخاص الأثرياء
نعم (2 نقطة).
لا (صفر نقطة).
لا أدري (1 نقطة).


8-تشعربالحسد تجاه الأشخاص المشاهير
نعم (2 نقطة).
لا (صفر نقطة).
لا أدري (1 نقطة).


9-تشعر بالحسد لو ربح صديقك سيارة كجائزة في مسابقة
نعم (2 نقطة).
لا (صفر نقطة).
لا أدري (1 نقطة).


10-تشعر بالحسد تجاه شخص لديه علاقات أفضل وأكثر منك
نعم (2 نقطة).
لا (صفر نقطة).
لا أدري (1 نقطة).

11-تشعر بالحسد تجاه الأشخاص الذين يملكون صوت جميل
نعم (2 نقطة).
لا (صفر نقطة).
لا أدري (1 نقطة).


12- تشعر بالحسد عندما يكون لجارك حديقة أفضل منك
نعم (2 نقطة).
لا (صفر نقطة).
لا أدري (1 نقطة).


13-تشعر بأن معظم الناس أفضل حظا منك
نعم (2 نقطة).
لا (صفر نقطة).
لا أدري (1 نقطة).



14-تشعر بالحسد تجاه العائلات أو القبائل ذات النسب الشريف والأصل المعروف
نعم (2 نقطة).
لا (صفر نقطة).
لا أدري (1 نقطة).


15- تشعر بالحسد تجاه الأشخاص أصحاب المناصب العالية المرموقة
نعم (2 نقطة).
لا (صفر نقطة).
لا أدري (1 نقطة).


16- تشعر بالحسد لو أن صديقا لك يعمل بوظيفة أفضل من وظيفتك
نعم (2 نقطة).
لا (صفر نقطة).
لا أدري (1 نقطة).

17- تشعر بالحسد تجاه أصدقائك الأمهر منك في الرياضة
نعم (2 نقطة).
لا (صفر نقطة).
لا أدري (1 نقطة).


18- تشعر بالحسد تجاه الأشخاص الذين سبقوك وأكملوا دراساتهم العليا
نعم (2 نقطة).
لا (صفر نقطة).
لا أدري (1 نقطة).



19- تحسد الأشخاص الذين يعيشون في مناطق الريف الطبيعية الهادئة
نعم (2 نقطة).
لا (صفر نقطة).
لا أدري (1 نقطة).



20- تحسد الأشخاص الذين يسافرون إلى أنحاء مختلفة جدا من العالم
نعم (2 نقطة).
لا (صفر نقطة).
لا أدري (1 نقطة).


21- تشعر بالحسد تجاه أي شخص يعيش في نفس شارعك
نعم (2 نقطة).
لا (صفر نقطة).
لا أدري (1 نقطة).


22- تشعر بالحسد تجاه شخص أو زميل أكثر ثقة وثقافة منك
نعم (2 نقطة).
لا (صفر نقطة).
لا أدري (1 نقطة).


23- تشعر بالحسد تجاه النجوم
نعم (2 نقطة).
لا (صفر نقطة).
لا أدري (1 نقطة).



24- تشعر بالحسد تجاه من هو وملتزم دينيا أكثر منك
نعم (2 نقطة).
لا (صفر نقطة).
لا أدري (1 نقطة).


25- تشعر بالحسد تجاه الأشخاص الذين يجيدون الكمبيوتر أفضل منك
نعم (2 نقطة).
لا (صفر نقطة).
لا أدري (1 نقطة).



النـتيـجــة والتحليــل:


النقاط أقل من 17:

أنت لا تحسد الآخرين فأنت ترى نجاحاتهم وإنجازاتهم ولا يضايقك ذلك. أنت شخص لا يتأثر بالأشياء بسهولة،
لكن عندما يعجبك شيء وتتأثر به فإنك تتجه له وتعطيه حقه ولكن يجب أن يكون هذا الشيء استثنائيا ويختلف عن الإنجازات العادية.
أنت تنجح في حياتك وتدع الآخرين أيضا أن ينجحوا فإن أحرزوا النجاح فحظا سعيدا لهم.

النقاط من 18 إلى 35:

أنت لست حسود أو غيور فلديك القدرة على مدح الأشياء إذا كانت أهلا لذلك،
إلا أنك لا تحب المختالين بأنفسهم لأن هذا الغرور والتكبر يعتبر طريقة للتغطية على مشاعر النقص وعدم الكفاءة.
أنت عموما شخص راضٍ عن حياته ولا يحسد الآخرين على النجاح.


النقاط من 36 إلى 50:

أنت شخص غيور وتحسد الآخرين على إنجازاتهم ونجاحاتهم وقدراتهم ومهاراتهم وممتلكاتهم ومكاناتهم،
والحسد شيء سلبي وهو جزء من شخصيتك ومن الصعب أن تغيرها، قد تكون تحسد بسبب فشلك في تحقيق أمر ما ثم رؤيتك لغيرك يحققه،
أو قد يكون هذا اعتراض منك على قسمة الله وحكمته في الرزق والحل يكمن بالمحاولة المستمرة والتركيز على أمور أخرى تجد نفسك أنك قادر أن تفعلها،
فكل شخص له قدرات وإمكانيات تختلف عن غيره، استكشف ذاتك وأظهر قدراتك وتذكر قول الله تعالى
"... ورفعنا بعضكم فوق بعض درجات"
وكذلك تذكر: لا يوجد فشل إنما توجد تجارب



انا طلع لي رقم (2)
انتظر مشاركاتكم :victory:

[بوحارب]

الأستفتاء طويل يبيله روقان شوي ولي عودة له :)


بس الحسد اعوذ بالله منه يدمر اللي مايتدمر :( واما الغيره امرها بسيط ولو انها صفه مذمومهـ


يسلموا الجوهرة على الطرح

عاد الله يعينج على امريكا الحسد عندهم ببلاش !!!

[R 7 A L]

لاتنسين العين
ضيفيها
ترا منتشرة هالأيام

[غزلان]

الله يحمينا من شر الحسد والغيره

تسلمين

[بصمة قطرية]

الله يكفينا شـر العين والحســـد و الغيــرة ..
من ما عانى من الحســد و العين والغيـــرة ..
آفة العصر الله لا يبلانا ..
قــلوب مريضــة ..
ناس ما تخــاف ربهــا ..
حسبي الله ونعم الوكيــل ..

[مسك روز]

كان خاطري حد ينزل موضوع عن السحر :sorry:


لانه اللي يتعاملون بالسحراكثروا هالايام

وتناسوا بأن اللي يتعامل بالسحر له عقاب في الدنيا قبل الاخره

وعقاب شديد في القبر ..

اما العين والحسد لازلت اعاني من أثارها

الله يشفيني ويشفي كل محسود ومسحور ..

[رآعي موآجيب]

بالنسبه لنقاطي 4 نقاط

أما الحسد فكنت اعتقد انه ياتي بغير قصد من الحاسد ، مع اني كنت اسمع أن فلان من الناس يتعمد الحسد ويصيب من يريد مضرته !

طبعا كنت اهاجم من يقول ذلك ، وكنت لا اعطيهم مجال حتى لتوضيح الموضوع

إلى أن شاهدت هذا الأمر بنفسي مع الأسف

والقصه بأختصار كنا طالعين رحلة في البر ، وكنا فوق اكبر طعس موجود في المنطقه

جالسين حول الضو نشوي ، ويجي واحد عنده سياره مزعجه جدا وصوت سيارته دوشنا وضايقنا ، وكان يتنقل بين الطعوس اللي جنبنا وسندرنا بالفعل ، المهم معنا واحد قال هذا ليش ما يذلف بعيد قبل لا اطفي موتره !! :eek5:

قلت شلون تطفي موتره يامستر ريموت :omen2:

قال إذا ما راح بتعرف شلون بطفي موتره :secret:

وبالفعل ماراح راعي الموتر المزعج ، وشافنا متجمعين على الضو فحب يطلع بطولته واحترافه وقوة سيارته قدامنا ، فطلع الطعس بسرعه وموتره من قوة صوته كان يهز الأرض من تحتنا !!

فقال صاحبنا ، بلللل ،، كأنه يمشي على الخط السريع مب كأنه طالع طعس !! :eek5:

والله ماكمل كلامه إلا الموتر مقرطب وضاع حسه :anger1:

سكت شوي وقال ،، كان ذلفت بعيد بدال هالمضره !!! :rolleyes2:

نزلت لصاحب السياره وتم يعتذر ويقول ترى ماشفتكم ومن هالكلام اللي واضح انه متفشل

وبعد ما فحصنا على السياره لقينا المكينه مكسوره :omen2:

انا رجعت فوق وجمعت اغراضي وقلت مكان فيه ابو فلان ما يجوز لي ، وشغلت موتري وتوكلت على الله ، ومن يومها لاهو يدانيني ولا انا ادانيه

زبدة الموضوع أن العين حق ، ولكن اللي يضر الناس بغير قصد هذا مصيبته تهون ، إما اللي يضر الناس عامد متعمد هذا اللي ماله علاج !!

وبالنسبه لي فأنا انسان مثلي مثل اي انسان بهالدنيا

ودي بالزياده والخير حتى لو كان عندي اللي يسدني وزود ، فهذا طبع البشر

ولكن إذا شفت موتر ازين من موتري او بيت افخم من بيتي او اي شي يفز له قلبي اذكر الله على طول ، واقول كلمة حفظتها من الشايب الله يطول في عمره

( الله يهني كل عبد في رزقه )

والحمدلله رب العالمين حمداً كثيراً طيبا

الله مغنيني وعازني ومرضيني ولا لي في حلال الناس عازه

بيض الله وجهش يالجوهره على الموضوع المميز واللي طلعنا شوي من روتين مواضيع الرجل والمراه اللي تفقع الكبد :anger1:

:nice:

[بصمة قطرية]

بالنسبه لنقاطي 4 نقاط

أما الحسد فكنت اعتقد انه ياتي بغير قصد من الحاسد ، مع اني كنت اسمع أن فلان من الناس يتعمد الحسد ويصيب من يريد مضرته !

طبعا كنت اهاجم من يقول ذلك ، وكنت لا اعطيهم مجال حتى لتوضيح الموضوع

إلى أن شاهدت هذا الأمر بنفسي مع الأسف

والقصه بأختصار كنا طالعين رحلة في البر ، وكنا فوق اكبر طعس موجود في المنطقه

جالسين حول الضو نشوي ، ويجي واحد عنده سياره مزعجه جدا وصوت سيارته دوشنا وضايقنا ، وكان يتنقل بين الطعوس اللي جنبنا وسندرنا بالفعل ، المهم معنا واحد قال هذا ليش ما يذلف بعيد قبل لا اطفي موتره !! :eek5:

قلت شلون تطفي موتره يامستر ريموت :omen2:

قال إذا ما راح بتعرف شلون بطفي موتره :secret:

وبالفعل ماراح راعي الموتر المزعج ، وشافنا متجمعين على الضو فحب يطلع بطولته واحترافه وقوة سيارته قدامنا ، فطلع الطعس بسرعه وموتره من قوة صوته كان يهز الأرض من تحتنا !!

فقال صاحبنا ، بلللل ،، كأنه يمشي على الخط السريع مب كأنه طالع طعس !! :eek5:

والله ماكمل كلامه إلا الموتر مقرطب وضاع حسه :anger1:

سكت شوي وقال ،، كان ذلفت بعيد بدال هالمضره !!! :rolleyes2:

نزلت لصاحب السياره وتم يعتذر ويقول ترى ماشفتكم ومن هالكلام اللي واضح انه متفشل

وبعد ما فحصنا على السياره لقينا المكينه مكسوره :omen2:

انا رجعت فوق وجمعت اغراضي وقلت مكان فيه ابو فلان ما يجوز لي ، وشغلت موتري وتوكلت على الله ، ومن يومها لاهو يدانيني ولا انا ادانيه

زبدة الموضوع أن العين حق ، ولكن اللي يضر الناس بغير قصد هذا مصيبته تهون ، إما اللي يضر الناس عامد متعمد هذا اللي ماله علاج !!

وبالنسبه لي فأنا انسان مثلي مثل اي انسان بهالدنيا

ودي بالزياده والخير حتى لو كان عندي اللي يسدني وزود ، فهذا طبع البشر

ولكن إذا شفت موتر ازين من موتري او بيت افخم من بيتي او اي شي يفز له قلبي اذكر الله على طول ، واقول كلمة حفظتها من الشايب الله يطول في عمره

( الله يهني كل عبد في رزقه )

والحمدلله رب العالمين حمداً كثيراً طيبا

الله مغنيني وعازني ومرضيني ولا لي في حلال الناس عازه

بيض الله وجهش يالجوهره على الموضوع المميز واللي طلعنا شوي من روتين مواضيع الرجل والمراه اللي تفقع الكبد :anger1:

:nice:

لا إله الا الله :eek5:
هذا اش عقابه عند رب العالمين و هو متعمد الأذية والمضرة ..!!
استغفر الله العظيم ..
ياربي لا تبلينا ~

[تغلبية]

السلام عليكم ورحمة الله وبركاته ....


اليوم حابه اتكلم عن موضوع الغيره و الحسد .....

طبعا الكل ملاحظ انتشار العين والحسد والغيره ليش فلانه احسن مني و و و ....الخ

انتظر مشاركاتكم :victory:

شي عجيب اللي نشوفه هالايام من الغيرة القاتلة اللي تودي صاحبها إلى الحسد وهو ما يحس !! شي لايصدق ..

من الافلام اليومية اللي نشوفها في الشغل ...

وحده الله خالقها عيونها عسلية ........... زميلتها غارت منها وركبت العدسة !
وحدة أنيقة وعندها ذوق ملفت ... وتحب الزين ... غاروا منها ... من صنادلها .. من شناطها .. من شغلها .. من حكيها .. من كل شي تسويه !! واستقعدوا لها على الزلة وطاروا بها للمدير!! كل ذي لان المدير يحترمها ويقدرها غير ..
يبون يوصلون مواصليها موب عارفين .. فياخذون عين المدير بالمظاهر مب بالشغل نفسه !
واشكره وحده تقولها أنا اكتب كلامج من وراج!!!!!!!!!!!!!!!!!!


شي مؤسف ومقزز ان النفس من الداخل لهذي الدرجة من السواد والعياذ بالله
وكلها من ضعف الايمان ولاحول ولاقوة الا بالله

[الجوهره 2012]

الأستفتاء طويل يبيله روقان شوي ولي عودة له :)


بس الحسد اعوذ بالله منه يدمر اللي مايتدمر :( واما الغيره امرها بسيط ولو انها صفه مذمومهـ


يسلموا الجوهرة على الطرح

عاد الله يعينج على امريكا الحسد عندهم ببلاش !!!



ههههههههههههههههههآي

بو حروب انت كسول كله تقول ان الموضوع طويل لكن ولاتزعل مره ثانيه بكتب العنوان بس وبحط . و بعد النقطه بكتب هذا كل اللي عندي لاتحرموني الردود ههههههههههههههههههههههههههههههههههههههههههههههه


و فعلا صدقت ناس مساكين يكسرون الخاطر اعرفهم يتمنون يجون امريكا لكن بس لاني مسافره وما شاءالله مستانسه ومرتاحه صاروا يذمون السفر والغربه ههههههههههآي ملحقين عالدوحه ليكون بهاجر وانا مادري لووووول هاي اعتبرها مرض فيهم مش حسد او غيره ..

والغيره ترا شي كبير بنظري لان في ناس يضرونك بغيرتهم :)


يلا انتظر عودتك ان شاءالله
ويسعدني انك اول من شارك ربي يحفظك اخوي :victory:

[الجوهره 2012]

لاتنسين العين
ضيفيها
ترا منتشرة هالأيام


اي اخوي ذكرت العين فالموضوع لان فعلا شي منتشر بطريقة رهيبة اعوذ بالله

الله المستعان

ونورت :victory:

[الجوهره 2012]

الله يحمينا من شر الحسد والغيره

تسلمين



امين يا عمري

يسلمج ربي من كل شر


نورتي غلاي:victory:

[الجوهره 2012]

الله يكفينا شـر العين والحســـد و الغيــرة ..
من ما عانى من الحســد و العين والغيـــرة ..
آفة العصر الله لا يبلانا ..
قــلوب مريضــة ..
ناس ما تخــاف ربهــا ..
حسبي الله ونعم الوكيــل ..



الله المستعان يا اختي الغالية بصمة

وياليت لو الواحد حس ان عينه حاره يعود السانه على ذكر الله ... ترا في ناس تفتخر بان عيونهم حاره ...!!


نورتي يا حياتي :victory:

[الجوهره 2012]

كان خاطري حد ينزل موضوع عن السحر :sorry:


لانه اللي يتعاملون بالسحراكثروا هالايام

وتناسوا بأن اللي يتعامل بالسحر له عقاب في الدنيا قبل الاخره

وعقاب شديد في القبر ..

اما العين والحسد لازلت اعاني من أثارها

الله يشفيني ويشفي كل محسود ومسحور ..





فالج طيب .. برتب موضوع وبنزله ان شاءالله

وفعلا هالشي منتشر اعوذ بالله لكن السحر خلاص ينسى رضا رب العالمين ويبشر بالعذاب ونار جهنم :)


وماعليج شر يا حياتي ربي يشفيج ويشفينا ان شاءالله من كل شر

نورتي يا روحي

[الجوهره 2012]

بالنسبه لنقاطي 4 نقاط


ولكن إذا شفت موتر ازين من موتري او بيت افخم من بيتي او اي شي يفز له قلبي اذكر الله على طول ، واقول كلمة حفظتها من الشايب الله يطول في عمره

( الله يهني كل عبد في رزقه )

والحمدلله رب العالمين حمداً كثيراً طيبا

الله مغنيني وعازني ومرضيني ولا لي في حلال الناس عازه

بيض الله وجهش يالجوهره على الموضوع المميز واللي طلعنا شوي من روتين مواضيع الرجل والمراه اللي تفقع الكبد :anger1:

:nice:



لا اله الا الله .. اعوذ بالله من هالناس فعلا يا اخوي في ناس قامت تفتخر بهالشي لكن ايش الفايدة ما ادري ...!

الله يطول في عمر الوالد ويعطيه الصحه والعافيه اللي علمك هالشي ونعم التربيه والله .. في يهال صغار اللحين تشوفهم لما يعجبهم الشي يقولون بل ...! طيب اذا ولدك بتربيه على كلمة بل من صغره وش اتوقع لما يكبر ...!!

وانت اللي بيض الله وجهك تسلم لي عالمرور العطر اللي يشرفني

لاهنت يا اخوي العزيز :victory:

[الجوهره 2012]

لا إله الا الله :eek5:
هذا اش عقابه عند رب العالمين و هو متعمد الأذية والمضرة ..!!
استغفر الله العظيم ..
ياربي لا تبلينا ~



على فكره يا بصمة ترا في شباب معروفين انهم يطيحون الطير من السما و الله اسمع سوالف اخواني يقولون واحد معروف لو شاف موتر او سمع الصوت مادري الهدرز اللي عليه وفز قلبه راحت على راعي الموتر عشره صفر :eek5:

لا اله الا الله ..... الله يعينه على نفسه والله

[الجوهره 2012]

شي عجيب اللي نشوفه هالايام من الغيرة القاتلة اللي تودي صاحبها إلى الحسد وهو ما يحس !! شي لايصدق ..

من الافلام اليومية اللي نشوفها في الشغل ...

وحده الله خالقها عيونها عسلية ........... زميلتها غارت منها وركبت العدسة !
وحدة أنيقة وعندها ذوق ملفت ... وتحب الزين ... غاروا منها ... من صنادلها .. من شناطها .. من شغلها .. من حكيها .. من كل شي تسويه !! واستقعدوا لها على الزلة وطاروا بها للمدير!! كل ذي لان المدير يحترمها ويقدرها غير ..
يبون يوصلون مواصليها موب عارفين .. فياخذون عين المدير بالمظاهر مب بالشغل نفسه !
واشكره وحده تقولها أنا اكتب كلامج من وراج!!!!!!!!!!!!!!!!!!


شي مؤسف ومقزز ان النفس من الداخل لهذي الدرجة من السواد والعياذ بالله
وكلها من ضعف الايمان ولاحول ولاقوة الا بالله




اوه عاد سوالف البنات شي ثاني اسمع صديقاتي يقولون لي كل وحده تدوس عالثانيه بس عشان ترتفع على حسابها ...!!

ترا لو تجري جري الوحوش غير رزقك ماتحوش تذكروا هالحكمة دوم لو ايش الواحد يسوي من الغيره والله مابيشوف غير رزقه اللي ربي اكتبه له ...


ياليت لو نرجع نفس قبل القلوب كلها على بعض لو الوحده قالت اه الكل حس بألمها


تسلمين لي يا غلاي نورتي
والله يهدي الجميع

[sara jsm]

اول نقطة \ اكيد اؤمن بالحسد وهو مذكور بالقران الكريم ,,
وكانت عندي تجربه حاسديني في شي معين ولكن الحمدلله رحت حق مطوع قرا علي ,,
وحصنت نفسي بالقران والاذكار والحمدلله احين احسن من قبل بوايد ,,
وعن عيوني انا ههههههههههههه مرات احسها حااااااره خاصه يوم يطيح خاطري بشي ,, :shy:
اذا حد خذاه مني ومتعمد انه يقهرني ,, ماراح يتهنى فيه :o اي شي حتى لو برايه قلم :secret:

:

الاختبار طلع لي 13 ,, يعني اقل من 17 :victory:
لاهنتي اختي على هالطرح :victory:

[السحابة]

الحمدلله علي القناعة ماعندي حسد أو غيرة والله انا المحسودة وناس عندهم غيره مني ماأدري ليش مع أني في حالي لابضر أحد ولابحقد علي أحد الله يحفظني انا واولادي وزوجي هما عندي بالدنيا واللي عنده حقد يذهب به الي الجحيم

[كازانوفا]

صبااااااح الخيررر على الجميع وعليكي يا الجوهره الساعه عندنا الحين 6:25 صباحا
اول موضوع ادخل فيه لانه مهم بحياتنا بالنسبه لي احسد اللى ربي كتب لهم نصيب يتمسكو بالدين وما تهمهم الدنيا بما فيها من اغرااااءات كبيره وكثيره والله استغرب تبارك الله عليهم انهم عايشين ونايمين ورايجين وجايين على ذكر الله
يمكن اوقات اقول بنفسي ياريت عندي وعندي لكن على ابسط مشكله تواجهني يصير همي الاول والاخير اطلع من اللى انا فيه ...
الحمدلله رب العالمين

بالنسبه لمواقف الحسد اول 3 اطفال عندي كانو اولاد ووحده من قريباتي قالتلي بل كل خلفتك اولااااااااااااااد ولا بنت خلال اسبوع توفى لي طفل بحادث سياره حسبي الله ونعم الوكيل هي ايش استفادت مش عارفه الحمدلله رب العالمين لعله شفيع لي يوم القيامه ان شالله

والمواضيع كثيره بس موضوع ابني اللى مر عليه اكثر من 8 سنين هو اللى لسه في قلبي ما نسيته وما نسيت ان الحسد هو السبب الرئيسي

شاكره لكي يا الجوهره وربي يعينك على غربتك ويحفظك من العين ان شالله

[الجوهره 2012]

اول نقطة \ اكيد اؤمن بالحسد وهو مذكور بالقران الكريم ,,
وكانت عندي تجربه حاسديني في شي معين ولكن الحمدلله رحت حق مطوع قرا علي ,,
وحصنت نفسي بالقران والاذكار والحمدلله احين احسن من قبل بوايد ,,
وعن عيوني انا ههههههههههههه مرات احسها حااااااره خاصه يوم يطيح خاطري بشي ,, :shy:
اذا حد خذاه مني ومتعمد انه يقهرني ,, ماراح يتهنى فيه :o اي شي حتى لو برايه قلم :secret:

:

الاختبار طلع لي 13 ,, يعني اقل من 17 :victory:
لاهنتي اختي على هالطرح :victory:




ههههههههههههههههههههه

حتى البراية ماتخلينها بحالها :tease: عودي نفسج على ما شاءالله ولاحول ولاقوة الا بالله



مشكوره يا عمري عالتواصل معاي

منوره

[عيون Qatar]

طلعت لي النتيجة النقاط 17
النقاط أقل من 17:

أنت لا تحسد الآخرين فأنت ترى نجاحاتهم وإنجازاتهم ولا يضايقك ذلك. أنت شخص لا يتأثر بالأشياء بسهولة،
لكن عندما يعجبك شيء وتتأثر به فإنك تتجه له وتعطيه حقه ولكن يجب أن يكون هذا الشيء استثنائيا ويختلف عن الإنجازات العادية.
أنت تنجح في حياتك وتدع الآخرين أيضا أن ينجحوا فإن أحرزوا النجاح فحظا سعيدا لهم.

[intesar]

قال تعالى { ومن شر حاسد إذا حسد } ..وقوله تعالى { ، ولا تتمنوا ما فضل الله به بعضكم على بعض }..

الحسد مذموم
والحقد مكروه
والغبطة محمودة

الحسد.. تتمنى ما لدى غيرك.. مع تمني زواله من هذا الشخص..
الحقد.. هو كراهية الشخص والإنتقام منه.. لمجرد أن شخص متنعم..
الغبطة.. تتمنى ما لدى غيرك.. من غير زوالها من المتنعم..

ما أحببت هنا هو أن ألقي الضوء على أن الحسد ذكر في القرآن والسنة.. إذا هوحق.. لكن دعوني أسير في الإتجاه المعاكس.. يوجد الكثير من البشر جعلوا من الحسد هم يومي.. يعني كل كلمة هذه الفئة تعتقد أنها عين.. والعين حق.. لكن ليس بهذا الاعتقاد.. حتى وخزة الإبرة تعبرها حسد.. أصبح العين لديهم مرض والعياذ بالله.. هناك إدارة أو مركز في وزارة معروفة جدا.. أصبح الحسد لديهم هاجسا.. كل فترة وأخرى يحضرون إنادا مملوء بالماء.. لكي غسل الجميع يده في هذا الإناء ويفك العين.. العين يكون وقوعه في اللحظة والتو.. ولا يكون بعد ساعتين أو بعد يومين..

عليكم بأذكار الصباح والمساء.. ثم التوكل على الله سبحانه وتعالى في كل شاردة وواردة..

ودمتم بحفظ الرحمن..

[شمـوخ]

موضوع جميل كـ جمال صاحبته ..
لي عودة للتعليق =)


..

[مضاربه]

اغلب الامراض في الانسان كله من الحسد والعين المشكله الي يحسدون مب فقاره لكن الانسان الي عينه مب مليانه دايما عينه في الي يملكه غيره الله يكفينا شرهم

[الجوهره 2012]

الحمدلله علي القناعة ماعندي حسد أو غيرة والله انا المحسودة وناس عندهم غيره مني ماأدري ليش مع أني في حالي لابضر أحد ولابحقد علي أحد الله يحفظني انا واولادي وزوجي هما عندي بالدنيا واللي عنده حقد يذهب به الي الجحيم



الغيره منج لان يشوفونج باحسن حال ما شاءالله و مرتاحه

هاي حال الناس و والله حاسه فيج لان هالشي اعرفه ^_*

اعوذ بالله بس من شر هالناس


منوره

[moon_night]

بعطيكم معلومه يمكن تعرفونها ويمكن لا

الحسد والغيره تأثر بعد على الشخص نفسه ...ليش لان الحسد والغيره يولدون مشاعر سلبيه تأثر على الشخص نفسه يا اما جسديا او نفسيا
ولو مثلا حسد انسان على منصب صعب جدا انه يوصل المنصب الي يحسد الشخص عليه

[فواز1976]

أؤمن بالحسد

لكن ما اذكر اني نسبت اي شئ سئ حصل لي بالحسد ، لأني مؤمن انها اشياء تحصل لكل الناس، والإنسان اصلاً خلق في كبد.
مع انه كثير يقولوا انتبه لنفسك ترى الناس ما تعطي خير ، وانا ما افتكر في كلامهم
لانه اهم شي أنا مقتنع فيه انك ما تحاول تقهر احد ولا تتظاهر وتبين النعمه الي عندك قدام شخص محروم او تبين فرحتك بشكل مبالغ فيه قدام الناس، وانشأ الله ربي يحميك

يعني أنا ما أشوفها حلوه واحد يتكلم عن شغله وقروشه في مجلس فيه ناس على قد حالهم ولا عليهم ديون، او واحد يتكلم عن تفوق عياله بشكل مبالغ فيه قدام ناس مبتلشه بالي عندهم من عيال.