فيزة امريكا

[عبدالمحسن]

السلام عليكم


ابي اروح امريكا وابي اقدم على الفيزه


لاحد يقول روح للسفاره ؟؟

ابي حد يرتب لي الامور كلها ويقول لي عن يوم الموعد



اللي يعرف طريقه ياليت يتكرم ويقولها

[R 7 A L]

اخوي
تبي تريح عمرك روح لاي مكتب سفريات وعطهم 200 ريال
وهم يرسلون للسفارة ويحددون موعدك

[مخطط قطري]

ف الاخير لازم تروح :)

[R 7 A L]

:omg:

اخوي ماقريت الموضوع عدل

لازم تروح للسفارة
في بصمة عين واصابع وكذا سؤال :)

[مستثمر 999]

التسجيل عن طريق النت وحتى الموعد

اذا انت قطري تستلم جوازك بعد المقابه الشخصيه بيوم او يومين وتستلم جوازك من الكاونتر الخارجي


على فكره اذا فيزة دراسه يطلبون منك كشف حساب من البنك مع رصيد يزيد عن 200 الف مع اثبات القبول من الجامعه او معهد اللغات

مع دفع رسوم 300 دولار للكليه غير رسوم السفاره تقريبا 180 دولار او 550 ريال تقريبا

[عبدالمحسن]

الله لا يهينكم ومشكورين


.. يعني اروح اي سفريات وهم بيرؤتبون لي


اشكركم

[الجوهره 2012]

اخوي


شفت وين بنك الوطني اللي بعد دوار الجوازات يجي لك سيد كله محلات في محل حق تخليص المعاملات في نفس سيد اللي حق الفواكه اللبنانيه القطريه اعتقد اسمه جذي ... ناسيه اسمه .. ولازم يكون وياك سي دي فيه صورتك الشخصية طبعا تصور في اللاند (فوجي) .. وبس هالمكتب تدفع لهم 75 ريال اعتقد و بيعبي الطلب و بيعطيك تاريخ الموعد وتروح تدفع رسوم 550 ريال في البنك التجاري و اذا لاقدر الله ماوافقوا السفاره انك ماتدخل الولايات المتحدة تروح عليك الـ 550 ريا ل.. المهم تاخذ وصل البنك التجاري و ترفقه مع الطلب و تروح في نفس التاريخ المحدد لك السفاره من الصبح وتنتظر ياخذون الطلب ويدخلونك ويخلصونك و يقولون لك متى تسليم الجواز في حال الموافقه .. داخل السفاره ياخذون الطلب و البصمات و يسألونك عن وظيفتك كم راتبك عندك ممتلكات في الولايات المتحدة وبس تتوكل عالله و وقت التسليم يكون نص ساعه فقط ..!! من 3 العصر الى 3ونص ....

وتقدر تدخل الموقع وتشوف اللي يبونه .. اذا تبي عن طريق النت :victory:

الله يوفقك وتجي بالسلامه

[مشتاقة لقطر]

موووووفق

[غايه الطواش]

اخوي جيه والا جيه لازم تروح السفاره ...
والفيزا تعتمد على الي يقابلك ...
انا هلي كلهم طلعت فيزهم بيومين وانا بشهرين :)