المصرف الاسلامي والخطوط الجويه القطريه .. [الأرشيف]

راعي 2006

28-01-2012, 11:04 AM

بسم اله الرحمن الرحيم ..

بخصوص بطاقة الفيزا المشتركه بين المصرف الاسلامي والخطوط االجويه القطريه

ممكن حد يفيدنا عن الموضوع انا طلعت البطاقه البلاتينيه وقالولي على كل 5 ريال يعطوني

كيلومايلز وعطوني وياها بطاقه وقالولي تقدر تدخل صالات المطار الvip ممكن حد يفيدنا عن

صالات الvip اي وحده يقصدونها ؟؟ والي عنده خبره اكثر عن البطاقه يفيدنا ... شاكر لكم

مخطط قطري

28-01-2012, 11:17 AM

كم لازم راتبك يكون عشان يعطونك البلاتنيوم يعني المنيمم

راعي 2006

28-01-2012, 11:21 AM

اتوقع فوق 25 يالغالي

مخطط قطري

28-01-2012, 11:23 AM

راعي 2006

28-01-2012, 11:59 AM

والله مادري يالغالي نبي انعرف علشان مانحرج نفسناا :weeping:

الهاجري_قطر

28-01-2012, 02:18 PM

صالات في اي بي نفس اللي في مطار دبي والبحرين اللي هي صالة الدرجة الاولى بس مطار الدرجة الاولى اللي في قطر لا

النصف

29-01-2012, 07:33 AM

تسلم يالشيخ اتوقع يقصدون في صالات ال في اي بي هي خدمات المها الي في المطار العادي
يعني صالات الدرجه الاولى والبزنس القديمه الي قبل يسون المبنى اليديد
لانه مستحيل تكون صالات vip الجنوبيه لانه هذي بس للشيوخ وبعض السفراء والدبلوماسين

صحيح كلامك أخوي لأن الصالات الجنوبية مخصصه للشيوخ وبعض الدبلوماسيين

راعي 2006

29-01-2012, 10:24 AM

الله يعطيكم العافيه

بس للحين ما عرفنا الموضوع

يحفظك ربي

04-02-2012, 01:12 PM

انا خذت هالبطاقة مالت المصرف وعطوني وياها بطاقة سودا لدخول بعض القاعات
اسم هالبطاقة السودا priority pass
لين رحت اي مطار اسأل عن الصالة المخصصة للبريروتي باس
انا عندي البطاقة الفضية القطرية وعندي البريورتي باس وكل وحدة لها قاعة غير عن الثانية
أيضاً في مطار الدوحة.. الفضية لها قاعة اللي هي مالت المها
اما الثانية السودا تدخلك قاعة غير

ان شاء الله افدتك :)

ســداويــه

05-02-2012, 09:25 AM

تسلم يالشيخ اتوقع يقصدون في صالات ال في اي بي هي خدمات المها الي في المطار العادي
يعني صالات الدرجه الاولى والبزنس القديمه الي قبل يسون المبنى اليديد
لانه مستحيل تكون صالات vip الجنوبيه لانه هذي بس للشيوخ وبعض السفراء والدبلوماسين

آخوي هآلصآلات مخصصه بعد لنــآ للي يحجز فيرس آو بزنــس

وبآلنسبة لسؤآل الاخو بس الصآلات اللي بالمطآآر العآدي ..لآن صآلة البريمم حتى اللي مترفع بالدرجه مآيدخلهآ

nba_84

05-02-2012, 10:49 AM

أم شيوخ

05-02-2012, 11:00 AM

ممكن اعرف اذا الراتب فوق ال18 اي بطاقه نحصل؟؟؟؟
وهل على البطايق رسوم والا شلون ممكن الافاااااده

al wafi

05-02-2012, 11:13 AM

ممكن اعرف اذا الراتب فوق ال18 اي بطاقه نحصل؟؟؟؟
وهل على البطايق رسوم والا شلون ممكن الافاااااده

اختي طريقتهم في المصرف لازم يكون 25 الف عشان تاخذين البلاتينيوم

لكن تقدرين اتحصلينها :nice:

لان هم يحسبون الراتب X2

18 * 2 = 36 الف :victory:

والبطاقه مجانيه

يحفظك ربي

05-02-2012, 12:40 PM

اخوي البطاقة الفضية الي تقصدها هل هي بطاقة الفيزا نفسها لاني يوم خذت البطاقة البلاتينية من المصرف عطوني معها بطاقة سودا بس

لا اخوي اقصد البطاقة الفضية مالت العضوية القطرية
privilege club اللي تحصل عليها لين جمعت نقاط من السفر

اما مالت المصرف اللي عندي هي البلاتينيوم ومعاها بطاقة سودا priority pass

يحفظك ربي

05-02-2012, 12:41 PM

والبلاتينيوم تقدرون تاخذونها حتى لو راتبكم اقل من 18
انا خذتها بس سويت وديعه عندهم .. في ب20 في 30 او 50 وكلن على حسب اللي يبيه

مخطط قطري

05-02-2012, 09:31 PM

آخوي هآلصآلات مخصصه بعد لنــآ للي يحجز فيرس آو بزنــس

وبآلنسبة لسؤآل الاخو بس الصآلات اللي بالمطآآر العآدي ..لآن صآلة البريمم حتى اللي مترفع بالدرجه مآيدخلهآ

غلطانه يالشيخه :)
الصالات الي تقصدينها للي يحجزون على الفرست كلاس والبزنس هي الصالات الغرييه
المبنى الجديد (صالات مخصصه لركاب الدرجه الاولى والبزنس فقط وكل واحد له قاعه منفصله داخل بس البوابه الرئيسيه هي نفسها اعتقد افتحوها من سنتين او اقل مب ذاكر لاني ماسافرت عليها الا مره وحده مع انه سفراتي كلها على الفرست كلاس لاني اسافر عن طريق الصاله الجنوبيه ( vip) والحين خلو القادمين الفي ابي بي من كم شهر من صاله ثانيه تختلف عن الجنوبيه
مستحيل المصرف تكون عنده الصلاحيات انه يخلي عملائه يسافرون عن طريق البرايم العادي
الي هي الصالات اليديده فما بالج بالفي اي بي
يليت الي عنده خلفيه اكبر وعنده البطاقه يفيدنا

Outstanding

06-02-2012, 11:59 PM

السلام عليكم
الموضوع ومافيه انه البطاقه البلاتينيوم تدخلك اي صاله درجه اولى في العالم مش الصاله الوزاريه يعني اذا خذيت تدكره درجه اولى او بزنس وين تقعد في صالة الدرجه الاولى اكيد لكن مثال حجزت يوم من الايام على ايكونومي البطاقه السوده تدخلك صالات الدرجه الاولى
اما بالنسبه للمت ومن الي ياخذ هاي لمتها ضعف صافي الراتب يعني 15000 ممكن يعطونه
وممكن انك تحجز على مبلغ 3000 ريال ويعطونك بعد
والي عنده اياستفسار يكلمني على الخاص او العام
واتمنى اني وضحت لكم

أم*خلودي

07-02-2012, 12:44 PM

هل بطاقه priority pass تسمح بدخول قاعات الدرجة الاولى لشخص واحد او ممكن لاكثر من شخص ؟ في البطاقه الواحده

المعنى88

07-02-2012, 01:20 PM

للعلم للأخوة اللي عندهم البطاقة مع الخطوط القطرية هناك فرق كبير مابين المصرف وبنك قطر الوطني والأفضلية لبنك قطر الوطني ........ فضلا عن استغلال المصرف الذي يوهمنا بميزاته
وشروطه المستغلة للبطاقة بدون رادع له .

المعنى88

07-02-2012, 01:31 PM

هل بطاقه priority pass تسمح بدخول قاعات الدرجة الاولى لشخص واحد او ممكن لاكثر من شخص ؟ في البطاقه الواحده

البطاقة مسموحة لشخص واحد فقط وبأشتراك وعلى مستويات للعضوية ولمدة سنة وبرسوم
ومسموح بها قاعات رجال الأعمال فقط ممكن لاكثر من شخص وبرسم قدره 100 ريال للشخص الواحد
واذا كانت عضوية عادية يدفع العضو 100 ريال ... عضوية اعلى من العادية مسموح له 10 مرات دخول القاعة مجانا .

تحداني

08-02-2012, 02:02 AM

عندي البطاقه البلاتينيه ويعطونكم معاها بطاقه سوده لقاعات الدرجه الاولى وقاعات الدرجه الاولى هي المتعارف عليها في كل دول العالم

هم يحددون احقيه حصول العميل على هالبطاقه من خلال شهاده الراتب اذا كان اقل وعندك وديعه يحجزون على الوديعه عشان تحصل على البلاتينيه

فكره هالبطاقه بإختصار
هي عباره عن فيزا وعندك لمت معين وموعد سداد معين
فرضا فيها 30 الف ريال تشتري منها 30 الف ريال فقط

تاريخ 21 من كل شهر يتم سداد قيمه البطاقه من حسابك اذا عندك حساب في المصرف

واذا ما عندك حساب لازم اتزودهم برقم الحساب في البنك الثاني

السداد يكون كامل
واذا ما كان في حسابك في شي ينتظرون الراتب ويتم السحب على طول

مقابل كل مبلغ من المشتريات تاخذ اميال على القطريه
هالاميال تعطيك تذكره

مفيده وايد وعمليه وايد وبدون اي فوائد
وانا وايد استفدت منها ومرتاحه منها

جملكم الله برضاه

Qatari 1980

08-02-2012, 07:42 AM

يصبحكم بالخير

بخصوص بطاقة الدخول لقاعات المطارات ( Priority Pass )
هذا هو موقعهم http://www.prioritypass.com/

وتقدر من خلال موقعهم تعرف القاعات الي مشتركين فيها في كل مطار

يعني مثلاً راح تسافر عن طريق مطار الدوحة ، تدخل للموقع وتبحث عن القاعات الي لهم في مطار الدوحة ولا يعطيك القاعه المخصصه لك والي هي قاعة المها الي مقابله لكوستا كوفي

طبعاً القاعات تتغير من وقت لوقت
يعني ممكن يضيفون قاعات جديده أو يغيرون بعض القاعات الحاليه الي عندهم

يعني الأفضل انك تتأكد من موقعهم قبل ما تسافر

وعيبهم هو ان الدخول فقط لصاحب البطاقه يعني ما يقدر يدخل معاه أي ضيف أو فرد في العائله
يعني تصلح حق الي يسافر لحاله

والعيب الثاني أو البطاقه العاديه ( الي يعطونها المصرف ) تحدد لك عدد مرات دخول محدد وهو 10 مرات في السنه وهذا أشوفه عيب في البطاقه

ولد ازغوى

11-03-2012, 10:54 PM

انزين انا صار لها ٤ شهور عندي واشتري منها وكل شهر يطرشون لي انهم اضافوا اميال بس لما شيكت على الاميال لقيتهم صفر شسالفه مين الي ناصب علي الحين

Laffan

07-06-2012, 10:31 AM

السلام عليكم

يا اخوان ممكن تفيدونا من الناحية الشرعية عن هل البطاقة.

الي عرفته انه الفيز الي تكون صادرة من بنوك اسلامية تستخدمها فقط للمشتريات مايجوز تسسحب منها كاش لانهم ياخذون نسبة. بس بالنسبة حق القطرية هم ماياخذون نسبة على المشتريات بس يعطونك نقاط.

محاسب

07-06-2012, 12:55 PM

سمعتو من راح يبي يستفيد من الأميال؟؟؟؟؟المزعومه
سمعت والعهده على الراوي:::
1- التذكرة ياخذها في الوقت الي يناسب القطريه
2- لها وقت محدد إذا ماخذته ولا راحت عليك

بونواف2011

10-06-2012, 10:30 PM

بطاقة المصرف هاذي بطاقه غيزر اسلاميه يعني ربويه وانا متأكد 100٪ وسئلت شيخ دين وايد كلامي والسبب انهم تذا اشتريت بالبطاقه من خارج قطر ياخذون عليك 2٪ فرق العمله والشيخ قالي بما انهم حددوها بسبه مئويه بغض النظر عن فرق العمله الفعلي فهذا ربا اما البطاقه اللي مب مرتبطه مع القطريه فيما ياخذون 2٪