جنون الأسعار يصيب قاعات الأعراس

[غزلان]

تبدأ بـ 100 ألف وتصل إلى 500 ألف ريال
سعر الفرد وصل 500 ريال والكوشة 40 ألفاً والطقاقة حسب الشهرة



الدوحة – الراية:


شهدت قاعات الأعراس خلال الفترة الماضية حجوزات بالجملة في موسم حفلات الزواج، حيث تراوحت أسعار الحجز ما بين 100 ألف إلى 500 ألف ريال، حسب فخامة القاعة وأسعار الخدمات المقدمة في حين تصل تكاليف إحدى الصالات في الدول المجاورة إلى 7 و12 ألف ريال، وبالطبع هذه الأسعار ترهق الشباب وتزيد من معاناتهم ويظل يسدد فاتورة زواجه للبنوك إلى ما بعد الزواج بسنوات.

ويوجد في الدوحة 18 صالة وقاعة للعرائس وكلها مرتفعة الإيجار بالمقارنة بالدول المجاورة التي تقل بنسبة 60% عن الدوحة وأرجع مدير إحدى صالات الأفراح أسباب الارتفاع هذه في تجهيز الكوشة والكراسي والطاولات والورد والتصوير بخلاف الخدمة المقدمة، ويتم حساب التكلفة حسب عدد الأفراد ومساحة القاعات، حيث تبلغ تكلفة الفرد 500 ريال في إحدى القاعات التي تتسع لنحو 500 فرد، مقابل 200 و300 ريال للفرد في قاعات أخرى أقل مساحة، وتشمل تلك التكلفة أجرة تأجير القاعة والبوفيه المفتوح.

وتقدم قاعات أخرى أقل مساحة أسعاراً أقل تتراوح ما بين 70 و 170 ريالاً للفرد، فيما يؤكد مصممو ديكورات الأعراس بأحد الفنادق الكبرى أن هذه الأيام تشهد ضغطاً كبيراً بالنسبة لمصممي ديكورات الحفلات حيث تتزايد الطلبات على تصميم الديكورات، خصوصاً كوش الأفراح التي تتراوح أسعارها ما بين 5 آلاف إلى 40 ألف ريال!

التجهيزات التي يعتبرها الكثيرون من الضروريات تشمل دعوات العرس وقاعة العرس التي تضم العديد من الترتيبات مثل الديكور والضيافة وأنواع الأطعمة وأغاني الزفات الخاصة والتصوير وفتيات الأمن وفرق الطقاقات التي تحيي المناسبة لساعات متأخرة من الليل، حيث تتباهى الفتيات فيما بينهن باسم الطقاقة التي سوف تحيي فرحها، بالرغم من ارتفاع أسعار الطقاقات والتي تتراوح ما بين 5 آلاف ريال للمبتدئة، وتصل إلى عشرات الآلاف للفنانة أو الطقاقة المعروفة.

ارتفاع تكلفة إقامة الأعراس قضية خطيرة يعتبرها البعض من أهم أسباب تأخر زواج الشباب وارتفاع نسبة العنوسة للفتيات، ويرجعها البعض إلى سعي الأسر والشباب إلى التقليد، والتباهي بتكلفة إقامة العرس، حيث يتباهى البعض بأن كلفة ليلة العرس فقط تكلفت أكثر من 500 ألف ريال، ويتباهى آخرون بعدد المدعوين وكبار الشخصيات التي حضرت الفرح، وبعد عدة أشهر يشتكي هؤلاء من مشاكل القروض التي تراكمت عليهم بسبب إقامة تلك الأعراس.


أكد أن تكاليف القاعات أقل من الخيم .. جويد عثمان:
حفلات الزفاف الأسطورية تتكلف الملايين

يقول جويد عثمان مدير قاعة الجيوان – الدانة : تتسع قاعة الجيوان لحوالي 600 شخص ويتراوح سعر الشخص الواحد حسب نوع البوفية بمبالغ تبدأ من 190 وتصل إلى 300 ريال، في حين يتكلف الشحص 210 ريالات في حال خدمة العشاء العائلي.

وأضاف: الأسعار ليست مرتفعة إذا كان عدد المدعوين قليلاً، كما أن الشكوى من الأسعار سببه ارتفاع تكلفة المعيشة بشكل عام، أما تكلفة إقامة الأعراس فتحدد حسب إمكانية صاحب الدعوة الذي بإمكانه اختيار القاعة التي يقوم بإقامة عرسه فيها، خاصة أن القاعات في قطر متنوعة وتلبي احتياجات كافة القطاعات والفئات.

وأشار إلى أن هناك الكثير من القاعات تعلن أسعاراً مرتفعة ومبالغا فيها مقابل تأجير القاعة وتكاليف العشاء فقط خلافا لديكورات الكوشة التي تصل إلى 40 الف ريال فيما يفضل البعض الاتفاق مع مكتب خاص للديكور لتصميم الطاولات والكوشة مقابل مبلغ يصل إلى 200 الف ريال!.

ويقول: هناك العديد من المواطنين يرصدون ميزانية ضخمة لإقامة الأعراس، ويطلبون خدمات إضافية، وأحيانا يصرون على تغيير الطاولات والديكورات وطلب أنواع محددة من المأكولات والمشروبات، فمثلا اليوم نستعد لحفل زفاف كبير، وقد تم دفع 70 ألف ريال كإيجار للقاعة وللعشاء فقط وهذا يتضمن الخدمة وتقديم المشروبات، في حين قامت عائلة العريس بإحضار 40 طاولة وصلت تكلفة كل طاولة إلى 2500 ريال، خلافا لكعكة العرس وتكلفة التصوير بالفيديو وغيرها من التجهيزات التي سيتم دفعها والتي تصل إلى مبالغ طائلة.

ويشير إلى أن كلفة إقامة الأعراس في الخيام بعيدا عن القاعات يصل إلى مبالغ أكبر، حيث يصل إيجار الخيمة إلى 40 ألف ريال، أما الولائم فتصل قيمتها إلى أكثر من 200 ألف ريال، وبإضافة باقي مستلزمات العرس من مشروبات وكلفة التصوير والفرق الفنية، وخيمة للنساء بما تتضمنه من مستلزمات يصل المبلغ إلى نصف مليون ريال.

ويؤكد أن كثيرا من الأعراس تشهد بذخا فوق العادة وتتجاوز تكلفتها أكثر من 500 ألف ريال، لافتا الى انه في إحدى المرات قام شاب بحجز قاعة العرس مرتين بتواريخ مختلفة يفصل بينها 4 أشهر فقط ليتزوج من فتاتين، كما يقوم بعض الشباب بالاتفاق مع مكتب خاص للإشراف على الديكورات والتصوير بشكل تقني مثل الأفلام التسجيلية، وباستخدام مؤثرات للضوء والصوت والألعاب النارية، وكلها أشياء تضاعف كلفة إقامة العرس.

ويقول: الظلم لا يقع على المرأة فقط، فقد تظلم العروس عريسها بكثير من الأحيان حيث تم إلغاء زفاف أحدهم قبل الموعد المحدد بأيام، بعد ما قررت العروس فجأة وبدون سابق إنذار بالانفصال عن خطيبها رغم دفعه للمبالغ الطائلة لتحضير حفل زفافه ومع ذلك لم يقم العريس بإلغاء الحفل وإنما قامت والدته بخطبة فتاة له في إحدى الحفلات وتم الزواج بعد أيام قليلة، لافتا الى انه في حال إلغاء الحجز يتم رد مبلغ العربون للحاجز إذا كان الإلغاء تم قبل أكثر من شهر من موعد الحفل، أو إعادة نصف المبلغ في حال إلغاء الحفل قبل ذلك.


غير ربحية وتتبع البلديات وتنافس الفنادق
لماذا تأخر مشروع قاعات الأعراس الاقتصادية؟
الحنزاب: غياب التنسيق وراء تعثر تنفيذ المشروع

ارتفاع أسعار قاعات الأعراس دفع المجلس البلدي إلى البحث عن حل لمواجهتها، حيث دعا لإنشاء قاعات أعراس بأسعار مخفضة لمساعدة الشباب على الزواج خاصة .. لكن ماذا حدث لهذا الاقتراح ولماذا لم يرَ النور حتى الآن ؟

يقول سعود عبدالله حمد الحنزاب " رئيس المجلس البلدي المركزي لـ الراية الاسبوعية : إن مشروع إنشاء قاعات أعراس اقتصادية تكون تابعة للبلديات المختلفة اقتراح شهد تجاوبا من المجتمع منذ عرضه للمناقشة قبل عدة سنوات في المجلس البلدي، لكنه لم يحظَ بالمتابعة اللازمة، لذلك سنسعى لطرح الاقتراح مرة أخرى للمناقشة داخل المجلس البلدي، وبالتنسيق مع الجهات المعنية لبحث آليات التنفيذ ووضع الميزانية اللازمة ليرى الاقتراح النور قريباً.

وأضاف: إنشاء قاعات للأعراس تكون تابعة للبلديات المختلفة اقتراح ساهم إلى حد كبير في خفض تكلفة تأجير قاعات الأعراس في الدول المجاورة، بحيث يدفع المواطن ما بين 5 إلى 10 آلاف ريال فقط لتأجير القاعة، وتحدد تكلفة باقي المستلزمات بالاتفاق مع الزبون، لذا نعمل على أن نقتدي بهذه النماذج بهدف تخفيف العبء على المواطنين لاسيما بعد مشاكل الصالات المحتكرة والفنادق التي تُؤجر قاعاتها بأسعار عالية جداً.

ويؤكد محمد شاهين راشد الدوسري عضو المجلس البلدي المركزي أن اقتراح إنشاء قاعات أعراس خاصة بالبلديات وجد صدى كبيرا لدى الشباب عند طرح الفكرة، لكن لم يحدث التنسيق المطلوب مع الجهات المعنية لوضع آليات كاملة لتنفيذ المشروع، لذلك أناشد كافة الجهات المعنية لتوفير الأراضي اللازمة، وإنشاء تلك القاعات على مساحات واسعة لتنافس القاعات الموجودة، فضلا عن ضرورة دعم الهيئات والمؤسسات الخيرية لهذه الفكرة للتخفيف من معاناة الشباب المادية والتي تستمر عدة أشهر بعد الزواج لتسديد القروض التي حصلوا عليها من البنوك لإقامة أعراسهم.

وأضاف: إذا نظرنا إلى الدول المجاورة كالسعودية مثلا نجد أنهم خصصوا قاعات ذات مساحات هائلة لإقامة الأعراس مقابل رسوم منخفضة للإيجار، ومبالغ أخرى لمستلزمات الاحتفال أقل بكثير من مثيلاتها في الفنادق والقاعات الخاصة،، لذا نطالب ألا يتجاوز إيجار قاعات الأعراس 30 ألف ريال فقط شاملة البوفية الذي يتسع لنحو 100 مدعو، لأن مثل هذه المشروعات غير ربحية وتسعى لتحقيق أهداف اجتماعية، أو تلقى دعما خاصا من الدولة والجهات الخيرية.

ويشير إلى أن تكلفة الزواج أصبحت باهظة، وتشمل توفير مسكن للزوجية، ودفع المهر والشبكة، وهي تكاليف تفوق مقدرة أي شاب حديث التخرج، ما يدفعه إلى الاستدانة والحصول على قروض من البنوك، تظل آثارها السلبية عدة سنوات بعد الزواج، وقد تسبب العديد من المشاكل الاجتماعية للمتزوجين حديثا قد تدفعهم للطلاق.

[solyamalenki]

بس اتمنى من الجهات المسؤلة انها تنظر فذي هذا الامر لان هذا استغلال للفرد في اهم يوم في حياته وراح يبتدي حياته مع الديون لازم يكون في حل مع المسؤلين عن هذه القاعات وعدم السكوت حتى لا يتفاقم الوضع

[روح الاطلس]

اوك سعرها 100 ألف لكن شامله كل شي تجهيز طاولات وعشا بوفيه وتصوير وورد الخ

في دول الجوار القاعه على 12 الف لكن ماتشمل ولا شي

يعني لو حسبناها بنطلع نفس دول الجوار يمكن احنا اعلى بشيء بسيط

[بصمة قطرية]

100 ألف و تشمل التصوير و الكوشة .... !!!
في وين هاي ..؟
اي قاعة ..؟؟
كل شي له سعره ..
القاعة بس بالعشا ..
تجهيز الطاولات سعرها غير ..
الكوشة بسعرها ..
الورد ..
كل شي بسعره ..
حتى الشاي و القهوة صار له سعر و ما يكون ضمن القاعه ..
انا حاجزة لعرس أخوي الشهر الجاي
و كل حجوزات العرس انا حاجزتها
كل شي بسعره ..
وطبعاً الاسعار حدث و لا حرج من ناحية الغلا ..
ما اقول غير الله يعين الشباب ..

[رآعي موآجيب]

اوك سعرها 100 ألف لكن شامله كل شي تجهيز طاولات وعشا بوفيه وتصوير وورد الخ

في دول الجوار القاعه على 12 الف لكن ماتشمل ولا شي

يعني لو حسبناها بنطلع نفس دول الجوار يمكن احنا اعلى بشيء بسيط


وش اللي اوك ياروح !!

100 الف في قاعه ليش ؟

يعني استوت القاعه اعلى من المهر !!

وبعدين شلون حسبتيها اذا في دول الجوار بـ 12 الف ومع باقي الأمور توصل 100 الف تقريبا !؟

يعني باقي الترتيبات تكلف حوالي 90 الف ؟

غلطانه ياطويلة العمر

محد من دول الجوار عنده اسعار خبلان مثلنا

لكن هذا مهب موضوعنا ولاهي مشكلتنا

مشكلتنا دام الأسعار عندنا بهالمبالغه والشباب يشتكون من هالمعضله ليش يرضخون لطلبات النسوان ويستسلمون وكل واحد يمغط رقبته ويروح يتسلف ويدفع قيمة إجار قاعه 5 ساعات تكلفه 7 سنوات يكع قسط محترم !!؟؟

ليش الشباب ما يضغطون على النسوان في هالموضوع ويوضحون لهم الصوره بالشكل الصحيح

إذا تفهموا الموضوع ابرك الساعات وإذا ما تفهموا الموضوع الله يستر عليهم وينطرون ولد الوليد بن طلال يجي يخطب بنتهم !

إما اني ادفع 100 الف في قاعه فهذي غبينه مابعدها غبينه

إذا وضعي نفس وضع اغلب الناس باخذ لها قاعه بحول 30 الف نفس قاعة ريجنسي على سبيل المثال وعقب الزواج بروح انا وياها سفره عدله وكان الله غفور رحيم


خارج الموضوع


مادري ليش ما يشترط القاعات الفخمه في الفنادق الفخمه إلا ذوي الدخل المحدود واللي اوضاعهم الماديه عاديه جداً ، الظاهر ما يعوض هالنقص اللي يحسون فيه إلا ليلة العرس :secret:

[Right]

يمدحون الزواج بحوش البيت :nice:

[كتكوت الوحش]

ما جبتوا شي يديد من زمان مولعه الاسعار الا بالعكس الحين انزلت الاول كان الشيرتون ب 250 القاعه بس الحين كم صار ومن الي كان يقدر عليه يسوي عرسه فيه
الحمد لله تزوجت وخلصت

واعيالي اذا الله احياني بفكر بمخ وبسفرهم شهر كامل بره شهر عسل بس قبلها حفله بسيطه بالبيت ومع السلامه

(((((((((( :anger1:والواحد اذا سوا شي عدل زاد الكلام وما يعجب الناس الي هم المعازيم واتزيد ثرثرتهم :omen2:))))))))) اقول العريس للعروسه والجري للمتاعيس


انشالله ترتفع بزياده هههههههههههههههههههه:tease:

[الراقيه سبشل]

ياساتر :(

[بصمة قطرية]

وش اللي اوك ياروح !!

100 الف في قاعه ليش ؟

يعني استوت القاعه اعلى من المهر !!

وبعدين شلون حسبتيها اذا في دول الجوار بـ 12 الف ومع باقي الأمور توصل 100 الف تقريبا !؟

يعني باقي الترتيبات تكلف حوالي 90 الف ؟

غلطانه ياطويلة العمر

محد من دول الجوار عنده اسعار خبلان مثلنا

لكن هذا مهب موضوعنا ولاهي مشكلتنا

مشكلتنا دام الأسعار عندنا بهالمبالغه والشباب يشتكون من هالمعضله ليش يرضخون لطلبات النسوان ويستسلمون وكل واحد يمغط رقبته ويروح يتسلف ويدفع قيمة إجار قاعه 5 ساعات تكلفه 7 سنوات يكع قسط محترم !!؟؟

ليش الشباب ما يضغطون على النسوان في هالموضوع ويوضحون لهم الصوره بالشكل الصحيح

إذا تفهموا الموضوع ابرك الساعات وإذا ما تفهموا الموضوع الله يستر عليهم وينطرون ولد الوليد بن طلال يجي يخطب بنتهم !

إما اني ادفع 100 الف في قاعه فهذي غبينه مابعدها غبينه

إذا وضعي نفس وضع اغلب الناس باخذ لها قاعه بحول 30 الف نفس قاعة ريجنسي على سبيل المثال وعقب الزواج بروح انا وياها سفره عدله وكان الله غفور رحيم


خارج الموضوع


مادري ليش ما يشترط القاعات الفخمه في الفنادق الفخمه إلا ذوي الدخل المحدود واللي اوضاعهم الماديه عاديه جداً ، الظاهر ما يعوض هالنقص اللي يحسون فيه إلا ليلة العرس :secret:

قاعة ريجنسي ب 60 ألف ..
من غير التجهيزات الثانية ..
بس مع البوفيه ..
و تعتبر ريجنسي من أرخص القاعات ..

[الجوهره 2012]

وبالاخير شهر ونسمع انها تطلقت

[كتكوت الوحش]

وبالاخير شهر ونسمع انها تطلقت

ههههههههههههههههه والله مالها داعي
خلو ال 60 ولا الميه في مخابيكم ولا عرس ولا شي سكيتي

[رآعي موآجيب]

قاعة ريجنسي ب 60 ألف ..
من غير التجهيزات الثانية ..
بس مع البوفيه ..
و تعتبر ريجنسي من أرخص القاعات ..


العام خذتها بـ 35 بالضبط لواحد من العيال من عند بنت قطريه إذا ماخاب ظني ، تشتغل في ريجنسي ، خذيت 180 شخص وعطتني من عندها 25 شخص كهديه

وكان شامل القاعه والبوفيه ، بس 3 خرفان جبناهم من عندنا ليلة العرس وزدناها على البوفيه

وإذا اسعارهم وصلت 60 الف بلاها هالقاعه

ماهان تبارك ، لكن منيب كداد على الفنادق وقاعات الأفراح

[بصمة قطرية]

العام خذتها بـ 35 بالضبط لواحد من العيال من عند بنت قطريه إذا ماخاب ظني ، تشتغل في ريجنسي ، خذيت 180 شخص وعطتني من عندها 25 شخص كهديه

وكان شامل القاعه والبوفيه ، بس 3 خرفان جبناهم من عندنا ليلة العرس وزدناها على البوفيه

وإذا اسعارهم وصلت 60 الف بلاها هالقاعه

ماهان تبارك ، لكن منيب كداد على الفنادق وقاعات الأفراح

حسب عدد الأشخاص أخوي ..
احنا خذناها لــ 300 شخص ب 60 ألف ..

[روح الاطلس]

وش اللي اوك ياروح !!

100 الف في قاعه ليش ؟

يعني استوت القاعه اعلى من المهر !!

وبعدين شلون حسبتيها اذا في دول الجوار بـ 12 الف ومع باقي الأمور توصل 100 الف تقريبا !؟

يعني باقي الترتيبات تكلف حوالي 90 الف ؟

غلطانه ياطويلة العمر

محد من دول الجوار عنده اسعار خبلان مثلنا

لكن هذا مهب موضوعنا ولاهي مشكلتنا

مشكلتنا دام الأسعار عندنا بهالمبالغه والشباب يشتكون من هالمعضله ليش يرضخون لطلبات النسوان ويستسلمون وكل واحد يمغط رقبته ويروح يتسلف ويدفع قيمة إجار قاعه 5 ساعات تكلفه 7 سنوات يكع قسط محترم !!؟؟

ليش الشباب ما يضغطون على النسوان في هالموضوع ويوضحون لهم الصوره بالشكل الصحيح

إذا تفهموا الموضوع ابرك الساعات وإذا ما تفهموا الموضوع الله يستر عليهم وينطرون ولد الوليد بن طلال يجي يخطب بنتهم !

إما اني ادفع 100 الف في قاعه فهذي غبينه مابعدها غبينه

إذا وضعي نفس وضع اغلب الناس باخذ لها قاعه بحول 30 الف نفس قاعة ريجنسي على سبيل المثال وعقب الزواج بروح انا وياها سفره عدله وكان الله غفور رحيم


خارج الموضوع


مادري ليش ما يشترط القاعات الفخمه في الفنادق الفخمه إلا ذوي الدخل المحدود واللي اوضاعهم الماديه عاديه جداً ، الظاهر ما يعوض هالنقص اللي يحسون فيه إلا ليلة العرس :secret:


راعي المواجيب اي نعم توصل 100 واكثر بعد واحد من اهلنا توه متزوج في السعودية

العشا لوحده كلف 49 ألف !! عشا حريم ورجال والرجال تعرف لازم خرفان وقعود وتعرف اسعارهم واسعار الطبخ
وعشا الحريم بوفيه مفتوح وتكلفته عالية.

واحسب عاد سعر تجهيز الطاولات الطاولة الوحده تكلف 150 ريال اضربها في 50 طاولة ( هذا المتوسط )

واحسب سعر الكوشة

واحسب سعر الضيافه للرجال والحريم من قهوه وشاي ونعناع وعود وبخور وصواني الحلا والفواكه

والتصوير والفيديو والاضاءه

والطقاقات للحريم والعرضــة للرجال ( العرضة بلحالها 10 الالاف)

بتوصل 100 الف وتعديها بعد وهذا العرس بالسعودية

لو بقطر ببساطة عرس الرجال والحريم يصك 400 أو 500 ألف ( نص مليون في اربع ساعات بس :) )

واذا قلنا ياجماعه اقتصدوا لا تسوون اعراس بقاعات عشا عايلي بين اهل المعرس والعروسة وكان الله غفورا رحيما كلونا بقشورنا وقالوا ليه العرس سكاتي مسوين جريمه ! وشلون نشهر العرس !

وانا ضد حفلات الاعراس كلها بس كبار السن هاي معتقداتهم لو قلنا بدون حفلة ارفضوا

[بصمة قطرية]

راعي المواجيب اي نعم توصل 100 واكثر بعد واحد من اهلنا توه متزوج في السعودية

العشا لوحده كلف 49 ألف !! عشا حريم ورجال والرجال تعرف لازم خرفان وقعود وتعرف اسعارهم واسعار الطبخ
وعشا الحريم بوفيه مفتوح وتكلفته عالية.

واحسب عاد سعر تجهيز الطاولات الطاولة الوحده تكلف 150 ريال اضربها في 50 طاولة ( هذا المتوسط )

واحسب سعر الكوشة

واحسب سعر الضيافه للرجال والحريم من قهوه وشاي ونعناع وعود وبخور وصواني الحلا والفواكه

والتصوير والفيديو والاضاءه

والطقاقات للحريم والعرضــة للرجال ( العرضة بلحالها 10 الالاف)

بتوصل 100 الف وتعديها بعد وهذا العرس بالسعودية

لو بقطر ببساطة عرس الرجال والحريم يصك 400 أو 500 ألف ( نص مليون في اربع ساعات بس :) )

واذا قلنا ياجماعه اقتصدوا لا تسوون اعراس بقاعات عشا عايلي بين اهل المعرس والعروسة وكان الله غفورا رحيما كلونا بقشورنا وقالوا ليه العرس سكاتي مسوين جريمه ! وشلون نشهر العرس !

وانا ضد حفلات الاعراس كلها بس كبار السن هاي معتقداتهم لو قلنا بدون حفلة ارفضوا

100 ألف كتكلفة شاملة وايد حلو ..
الحمدلله عرس أخوي لحد الحين التكاليف حلوة ..
حاولت كثر ما أقدر أشوف له انسب الأسعار ..
شي راقي و حلو و سعر معقول ,,
يعني اقدر أقول عرس الحريم والرجــال 250 ألف أو أقل ..
بالنسبة للأسعــار الموجودة الحين يعتبر حــلو ..

[روح الاطلس]

بصمة قطرية

250 ألف وااااايد حلو يعتبر متوسط

والعرس اللي تكلمت عنه كلف اكثر من 100 الف بالسعودية مع انه كان قدر المستطاع يكون مقتصد بس مهما كان التكلفة تضل عالية حتى لو سعر القاعه كان 12 الف فيه تجهيزات وايد تكلف

[غزلان]

بس اتمنى من الجهات المسؤلة انها تنظر فذي هذا الامر لان هذا استغلال للفرد في اهم يوم في حياته وراح يبتدي حياته مع الديون لازم يكون في حل مع المسؤلين عن هذه القاعات وعدم السكوت حتى لا يتفاقم الوضع


ان شاء الله المسؤولين يحددون اسعار القاعات ويرتاح الكل

[رآعي موآجيب]

راعي المواجيب اي نعم توصل 100 واكثر بعد واحد من اهلنا توه متزوج في السعودية

العشا لوحده كلف 49 ألف !! عشا حريم ورجال والرجال تعرف لازم خرفان وقعود وتعرف اسعارهم واسعار الطبخ
وعشا الحريم بوفيه مفتوح وتكلفته عالية.
والطقاقات للحريم والعرضــة للرجال ( العرضة بلحالها 10 الالاف)

بتوصل 100 الف وتعديها بعد وهذا العرس بالسعودية

لو بقطر ببساطة عرس الرجال والحريم يصك 400 أو 500 ألف ( نص مليون في اربع ساعات بس :) )



100 ألف كتكلفة شاملة وايد حلو ..
الحمدلله عرس أخوي لحد الحين التكاليف حلوة ..
حاولت كثر ما أقدر أشوف له انسب الأسعار ..
شي راقي و حلو و سعر معقول ,,
يعني اقدر أقول عرس الحريم والرجــال 250 ألف أو أقل ..
بالنسبة للأسعــار الموجودة الحين يعتبر حــلو ..
أنتوا تتكلمون من جدكم !!!

يعني اللي يبغي يعرس الحين لازم يكع نص مليون !!!؟

اقووووول

انا كنت اقول ياشباب عددوا

الحين اقول جود مجنونك ولا عاد تزعلون نسوانكم

هونّا من التعدد :victory:

الله يرحم قبل 10 سنوات ولا كان عاجبنا بعد :omen2:

[غزلان]

اوك سعرها 100 ألف لكن شامله كل شي تجهيز طاولات وعشا بوفيه وتصوير وورد الخ

في دول الجوار القاعه على 12 الف لكن ماتشمل ولا شي

يعني لو حسبناها بنطلع نفس دول الجوار يمكن احنا اعلى بشيء بسيط


الله يعين المعاريس خساير لكم ساعه ويالله بعد اذا توفقوا ولا كم شهر وتطلقوا:weeping:

[غزلان]

100 ألف و تشمل التصوير و الكوشة .... !!!
في وين هاي ..؟
اي قاعة ..؟؟
كل شي له سعره ..
القاعة بس بالعشا ..
تجهيز الطاولات سعرها غير ..
الكوشة بسعرها ..
الورد ..
كل شي بسعره ..
حتى الشاي و القهوة صار له سعر و ما يكون ضمن القاعه ..
انا حاجزة لعرس أخوي الشهر الجاي
و كل حجوزات العرس انا حاجزتها
كل شي بسعره ..
وطبعاً الاسعار حدث و لا حرج من ناحية الغلا ..
ما اقول غير الله يعين الشباب ..




---
والله يعين اهل العروس اذا عليهم التجهيزات لأن بعضهم يكتفي بالمهر الى يطرشه

من اسبوع ناس عنهم عرس بس الطاولات كلفتهم 450 الف :omg:

[غزلان]

وش اللي اوك ياروح !!

100 الف في قاعه ليش ؟

يعني استوت القاعه اعلى من المهر !!

وبعدين شلون حسبتيها اذا في دول الجوار بـ 12 الف ومع باقي الأمور توصل 100 الف تقريبا !؟

يعني باقي الترتيبات تكلف حوالي 90 الف ؟

غلطانه ياطويلة العمر

محد من دول الجوار عنده اسعار خبلان مثلنا

لكن هذا مهب موضوعنا ولاهي مشكلتنا

مشكلتنا دام الأسعار عندنا بهالمبالغه والشباب يشتكون من هالمعضله ليش يرضخون لطلبات النسوان ويستسلمون وكل واحد يمغط رقبته ويروح يتسلف ويدفع قيمة إجار قاعه 5 ساعات تكلفه 7 سنوات يكع قسط محترم !!؟؟

ليش الشباب ما يضغطون على النسوان في هالموضوع ويوضحون لهم الصوره بالشكل الصحيح

إذا تفهموا الموضوع ابرك الساعات وإذا ما تفهموا الموضوع الله يستر عليهم وينطرون ولد الوليد بن طلال يجي يخطب بنتهم !

إما اني ادفع 100 الف في قاعه فهذي غبينه مابعدها غبينه

إذا وضعي نفس وضع اغلب الناس باخذ لها قاعه بحول 30 الف نفس قاعة ريجنسي على سبيل المثال وعقب الزواج بروح انا وياها سفره عدله وكان الله غفور رحيم


خارج الموضوع


مادري ليش ما يشترط القاعات الفخمه في الفنادق الفخمه إلا ذوي الدخل المحدود واللي اوضاعهم الماديه عاديه جداً ، الظاهر ما يعوض هالنقص اللي يحسون فيه إلا ليلة العرس :secret:




---
صادق اخوي مبالغه كبييره لدرجه تروح العرس وتشوف الخساير في اشياء مالها داعي تضيق على لفلوس الى راحت على تجهيزات لكم ساعه

وبعضهم يكلفون على نفسهم مايهمهم القناعه والبركه همهم الناس يتكلمون عن عرسهم ,,

من فتره وحده تقول احنا عرسنا جايبين له مصممه من البحرين للقاعه ,,ليش كل هالخساير وبعدها تشتكون من الغلاء:rolleyes2:

[روح الاطلس]

ايييه يا راعي المواجيب

جود مجنونك ابرك لك هههههههه واللي يبي يعدد يشرط بدون حفلة زواج بس المهر والذهب رضوا ولا البنات وايد ^_^

[ابوالكلام]

ماعندنا قوانين صارمة في البلد كل واحد على هواه والي ماكلها المواطن المسكين الي كلن حاسده على هذي الزيادة حسبي الله ونعم الوكيل

[روح الاطلس]

---
والله يعين اهل العروس اذا عليهم التجهيزات لأن بعضهم يكتفي بالمهر الى يطرشه

من اسبوع ناس عنهم عرس بس الطاولات كلفتهم 450 الف :omg:


ليه فيه ناس يخلون اهل العروس هي تتكفل بالجهيزات؟؟ من وين لها تجهز اذا مهرها مثلا 100 الف ؟!! التجهيزات تكسر الظهر خاصة الطاولات والعشا
عندنا عيب لازم الزوج يتكفل بكل شيء من والى

[رآعي موآجيب]

---
صادق اخوي مبالغه كبييره لدرجه تروح العرس وتشوف الخساير في اشياء مالها داعي تضيق على لفلوس الى راحت على تجهيزات لكم ساعه

وبعضهم يكلفون على نفسهم مايهمهم القناعه والبركه همهم الناس يتكلمون عن عرسهم ,,

من فتره وحده تقول احنا عرسنا جايبين له مصممه من البحرين للقاعه ,,ليش كل هالخساير وبعدها تشتكون من الغلاء:rolleyes2:

هذا اللي ماله سنع بالفعل والزبو طاغي مع الأسف

ايييه يا راعي المواجيب

جود مجنونك ابرك لك هههههههه واللي يبي يعدد يشرط بدون حفلة زواج بس المهر والذهب رضوا ولا البنات وايد ^_^

جبتيها صح :nice:

[بوحارب]

اتوقع مبالغين في الأسعار واحد من ربعي توه مسوي عرسه في الدانة وقالنا تكلفة القاعة كاملة 51000

من قال الأسعار تبدأ من 100000 !!

[غزلان]

ليه فيه ناس يخلون اهل العروس هي تتكفل بالجهيزات؟؟ من وين لها تجهز اذا مهرها مثلا 100 الف ؟!! التجهيزات تكسر الظهر خاصة الطاولات والعشا
عندنا عيب لازم الزوج يتكفل بكل شيء من والى



لكن على حسب ظروفه

والمهر يقدم عقب الخطبه يعني شيسوون هل العروس البعض يستحي يطلب او يتشرط

[روح الاطلس]

اتوقع مبالغين في الأسعار واحد من ربعي توه مسوي عرسه في الدانة وقالنا تكلفة القاعة كاملة 51000

من قال الأسعار تبدأ من 100000 !!

تكلفة تأجير القاعه 51 ألف لكن هالتكلفة ماتشمل ولا شي يعني فيه بلاوي ثانية غيرها مادخلت بالحسبة. مستحيل 51 ألف تشمل عشا وطاولات وتصوير وطقاقات وتوزيعات وضيافه وعاملات غير طبعاً عن عرس الرجال

[بوحارب]

في 2006 سويت عرس الحريم كاااااااااااامل من والى مع العشا والتصوير والدي جي وتجهيز الطاولات والكوشة وشاي وقهوة وتوزيعات وخروفين فوق البوفيه مع البطايق ممممم كل شي يخص العرس

والتكلفة ماوصلت ال 70000 تقريبا

عرس الرجال كلفني حروة ال 20 في فندق الواحة والله ايام هالفندق :(

الحين لو فكرة في الثانية بشترط عليهم بدون عرس !!!!!

[بوحارب]

تكلفة تأجير القاعه 51 ألف لكن هالتكلفة ماتشمل ولا شي يعني فيه بلاوي ثانية غيرها مادخلت بالحسبة. مستحيل 51 ألف تشمل عشا وطاولات وتصوير وطقاقات وتوزيعات وضيافه وعاملات غير طبعاً عن عرس الرجال

لا اختي انا اقصد عرس الرجال كان في الدانة والرجال قالنا هذي التكلفة الأجمالية للعرس !!

[روح الاطلس]

في 2006 سويت عرس الحريم كاااااااااااامل من والى مع العشا والتصوير والدي جي وتجهيز الطاولات والكوشة وشاي وقهوة وتوزيعات وخروفين فوق البوفيه مع البطايق ممممم كل شي يخص العرس

والتكلفة ماوصلت ال 70000 تقريبا

عرس الرجال كلفني حروة ال 20 في فندق الواحة والله ايام هالفندق :(

الحين لو فكرة في الثانية بشترط عليهم بدون عرس !!!!!

حلوووو والله يعني 90 ألف لحفله الرجال والحريم

ياليت هالاسعار موجودة الحين :(

[الحاقول]

اذا الاسعار بهذا الشكل

الافضل الواحد يتزوج من السعوديه او البحرين

[ابوعلي]

للأسف البلا فينا لو نفكر بعقل وحريمنا وبناتنا يبتعدون عن المظاهر وحب التقليد او الظهور بمظهر الاحسن وكل على حساب الزوج الي يتحمل الديون وفي النهاية ما يقدر يسعد البنت بسبب الالتزامات الي ترتبت عليه من الزواج


اعرف واحد من الربع اتفق مع خطيبته ان لها خيارين

تسوي عرس في قاعة ويروحون شهر العسل بالدول المحاورة

او عشى بين الاهل في البيت وبنفس اليوم يسافرون دول اوروبية

ووافقت خطيبته على العشى بين الاهل والسفر لدول اوروبية


يقول رفيجي المقصد من اقتراحي ان هو وزوجته اولى بالفلوس من اصحاب القاعات

[رآعي موآجيب]

اعرف واحد من الربع اتفق مع خطيبته ان لها خيارين

تسوي عرس في قاعة ويروحون شهر العسل بالدول المحاورة

او عشى بين الاهل في البيت وبنفس اليوم يسافرون دول اوروبية

ووافقت خطيبته على العشى بين الاهل والسفر لدول اوروبية

المقصد من اقتراحي ان هو وزوجته اولى بالفلوس من اصحاب القاعات


سلم على رفيقك وقوله انه حكيم وذيب ومرته عاقله وسنعه :nice:

الله يهنيهم ويسعدهم ان شاء الله

[بوحارب]

حلوووو والله يعني 90 ألف لحفله الرجال والحريم

ياليت هالاسعار موجودة الحين :(

اي والله كانت الأسعار ممتازة

ولو اقولج كم كان المهر بتستغربين :secret:

صج الناس قبل فيهم خير :)

[غزلان]

يمدحون الزواج بحوش البيت :nice:







خاصه ان الجو ياخذ العقل جو لبناني على اوروبي
غير توفير للمال حتى لو لاقدر الله حصل طلاق مابتحسفون على المصاريف الى راحت:nice:

[غزلان]

ما جبتوا شي يديد من زمان مولعه الاسعار الا بالعكس الحين انزلت الاول كان الشيرتون ب 250 القاعه بس الحين كم صار ومن الي كان يقدر عليه يسوي عرسه فيه
الحمد لله تزوجت وخلصت

واعيالي اذا الله احياني بفكر بمخ وبسفرهم شهر كامل بره شهر عسل بس قبلها حفله بسيطه بالبيت ومع السلامه

(((((((((( :anger1:والواحد اذا سوا شي عدل زاد الكلام وما يعجب الناس الي هم المعازيم واتزيد ثرثرتهم :omen2:))))))))) اقول العريس للعروسه والجري للمتاعيس


انشالله ترتفع بزياده هههههههههههههههههههه:tease:


:omg:

يكفي التجهيزات الأضافيه تاخذ كل الى في الخزنه:rolleyes2:

[غزلان]

ياساتر :(




ياساتر من الطمع وحب المظاهر:(

[غزلان]

قاعة ريجنسي ب 60 ألف ..
من غير التجهيزات الثانية ..
بس مع البوفيه ..
و تعتبر ريجنسي من أرخص القاعات ..


60 الف حق كم ساعه مب الكل يقدر يدفع هالمبلغ حتى لو هي ارخص قاعه

[ام السعف]

ياليت هالمبالغ تدخل في جيوب العرايس
على الأقل تصير صاحبة رصيد لما يتزوجها الشاب :(

[المفترسه]

لاحظوا في التقرير انه مدير قاعة الجيوان قال انه الناس هم الي يبالغون في تكاليف
الاعراس من ناحية التجهيزات فعلا كلامه صحيح وفالاخير نصها ديون

بس من هالبطران الي تزوج بنتين في نفس القاعه الصراحه ماله حل

[Class - Qtr]

موضوع جميييييييييييييل جدا ..

انا رتبت عرس واحد من ربعي عرس ( الرجال ) فقط لاغير

تكلفه العرس .. الخيمه + عشا + فرقه من السعوديه + فواله العرس = 80 الف ريال


مشكله وحيدة في العرس

((((((((((((((((((((((((((((((((((((((( قاعه النساء ))))))))))))))))))))))))))))))

انا اجوف ان عرس النساء مرتبط بعدد الحضور

واجوف مبلغ 120 الف ريال الوقت الحالي مناسب لتكلفه العرس

الله يعين الشباب

والله يزوج كل شاب وكل شابه

^_^

[ابوعلي]

سلم على رفيقك وقوله انه حكيم وذيب ومرته عاقله وسنعه :nice:

الله يهنيهم ويسعدهم ان شاء الله

اللهم اميييين والله يسلمك ويسلمه من كل شر وفعلا نعم التصرف


والله يسلمك قلت اجرب اشوف راي حريمنا في هالشي سوو لي مناحة :rolleyes2:

ويقولون انت تحرمنا من احلى ليلة وهي ليلة بالعمر والناس شيقولون و و و

بس الوضع يبيله موقف وكلمة رجال ولو على الحريم رحنا فيهم

شكلي جبت العيد:secret:

[بصمة قطرية]

بصمة قطرية

250 ألف وااااايد حلو يعتبر متوسط

والعرس اللي تكلمت عنه كلف اكثر من 100 الف بالسعودية مع انه كان قدر المستطاع يكون مقتصد بس مهما كان التكلفة تضل عالية حتى لو سعر القاعه كان 12 الف فيه تجهيزات وايد تكلف

ادري 250 ألف مبلغ مش بسيط ..
بس للعرسين ..
الرجال والنساء شامل كل شي .
لو نحسبها على اسعار هالأسام يعتبر سعر حلو ..

[بصمة قطرية]

أنتوا تتكلمون من جدكم !!!

يعني اللي يبغي يعرس الحين لازم يكع نص مليون !!!؟

اقووووول

انا كنت اقول ياشباب عددوا

الحين اقول جود مجنونك ولا عاد تزعلون نسوانكم

هونّا من التعدد :victory:

الله يرحم قبل 10 سنوات ولا كان عاجبنا بعد :omen2:

الله يرحم ذيك الأيام ..

أخوي انا حسبت تكلفة العرس ..
مع العلم اني جايبة خصومات خاصة من أغلب الأماكن ..
الكوشة و التصوير و الطاولات ..
بس المبلغ يظل معقول لو تقارنه بأسعار اليوم ..
يعني رحت عرس صديقتي عرس النسوان بس مكلفهم قريب النص مليون ..
بصراحة قلت لها انتي تدورين الشو بس
زبو على الفاضي ..
اللي يبي أسعــار معقولة بيلقى ..
بس الناس تدور إسم المكان قبل شغله ..
للأسـف صــاروا الناس يتنافسون في الأعراس
من عرسه كلف أكثر ..!!

---
والله يعين اهل العروس اذا عليهم التجهيزات لأن بعضهم يكتفي بالمهر الى يطرشه

من اسبوع ناس عنهم عرس بس الطاولات كلفتهم 450 الف :omg:

تجهيزات عرس اخوي كلها عليه ..
و الحمدلله قدرت اجيب له شغل حلو و سعر حلو ..
في بعد أكثر من 450 ألف
لا تصدقين اللي يقول لج هاي الأسعار الموجودة
أنا لفيت و شفت الأسعار ..
يعني يروحون لأغلى المحلات في الدوحة
و يطلبون شي خيالي اكيد السعر بيكون دبل ..

[بصمة قطرية]

60 الف حق كم ساعه مب الكل يقدر يدفع هالمبلغ حتى لو هي ارخص قاعه

عدل كلامج ..
بس شنسوي اذا هاي الموجود ..
يعني باقي القاعات اسعارها قريب الـ 100 ألف
و نوعا ما يعتبر سعرها معقول بالنسبة لغيرها ..
انا معاج المبلغ مش بسيط ..
و مش الكل يقدر يدفعه ..
بس ما في بديل ..!!!
الله يرحم أيام كانت القاعات على 20 و 30

[Right]

خاصه ان الجو ياخذ العقل جو لبناني على اوروبي
غير توفير للمال حتى لو لاقدر الله حصل طلاق مابتحسفون على المصاريف الى راحت:nice:





صدقتي يا " غزلان " بس وين إلي بـــ يقتنعون ؟

[ريتويت]

:eek5::eek5::eek5::eek5::eek5::eek5:

[ريتويت]

اذا الاسعار بهذا الشكل

الافضل الواحد يتزوج من السعوديه او البحرين

او المغرب او تايلاند .. بس البحرين لا الله يخليك .. تكفى بلاش

[Al-Kuwari]

او المغرب او تايلاند .. بس البحرين لا الله يخليك .. تكفى بلاش

شفيها البحرين ؟

مقارنتج فيها نوع من المبالغه !

يعني تايلند والمغرب اوكي والبحرين لا ؟

ممكن اعرف السبب

[شمـوخ]

100 ألف و تشمل التصوير و الكوشة .... !!!
في وين هاي ..؟
اي قاعة ..؟؟
كل شي له سعره ..
القاعة بس بالعشا ..
تجهيز الطاولات سعرها غير ..
الكوشة بسعرها ..
الورد ..
كل شي بسعره ..
حتى الشاي و القهوة صار له سعر و ما يكون ضمن القاعه ..
انا حاجزة لعرس أخوي الشهر الجاي
و كل حجوزات العرس انا حاجزتها
كل شي بسعره ..
وطبعاً الاسعار حدث و لا حرج من ناحية الغلا ..
ما اقول غير الله يعين الشباب ..



هلا بصومه قلتي اللي بقوله :nice:
الـ 100 ازود او انقص هاي سعر فقط القاعه بعشاها طبعا
لكن التزيين وترتيب الطاولات بالورد والكريستال والستيج والكوشه بـ 90 الف
أوبـ 300 الف وممكن اكثر ( لو خذتي شركة وحده ) << عرسي :shy:
مسؤولة القهوه والشاي والمشروبات الساخنه بشكل عام صاروا ياخذون 15 الف
الفرق والطبالات بالسماعات المحترفه قد تصل لـ 35 الف واكثر
لكن الطبالات العاديه في حدود 10 الاف


ومشكوره اختي غزلان


دمتم بود

..

[ولد النواخذه]

متى يرى مشروع القاعات المدعومه النور في المناطق وهنا يأتي دور المجلس البلدي في تفعيل مثل هذه المشاريع وطرحها للنقاش لما فيه مصلحة الوطن والمواطن.....

[غزلان]

ماعندنا قوانين صارمة في البلد كل واحد على هواه والي ماكلها المواطن المسكين الي كلن حاسده على هذي الزيادة حسبي الله ونعم الوكيل


من صارت لزياده والمحلات مب ملحقه وهي تزيد في اسعارها:(

[غزلان]

اتوقع مبالغين في الأسعار واحد من ربعي توه مسوي عرسه في الدانة وقالنا تكلفة القاعة كاملة 51000

من قال الأسعار تبدأ من 100000 !!


000
معقول السعر بالنسبه لعرس الرجاجيل المشكله بعرس النسوان لين ليلة العرس والأفكار والأضافات ماتخلص :rolleyes2:

[غزلان]

في 2006 سويت عرس الحريم كاااااااااااامل من والى مع العشا والتصوير والدي جي وتجهيز الطاولات والكوشة وشاي وقهوة وتوزيعات وخروفين فوق البوفيه مع البطايق ممممم كل شي يخص العرس

والتكلفة ماوصلت ال 70000 تقريبا

عرس الرجال كلفني حروة ال 20 في فندق الواحة والله ايام هالفندق :(

الحين لو فكرة في الثانية بشترط عليهم بدون عرس !!!!!



000
عيل انسى البوجاتي:rolleyes2:

[غزلان]

اذا الاسعار بهذا الشكل

الافضل الواحد يتزوج من السعوديه او البحرين


شدخل :eek5:

طيب ومصاريف السفر والسكن والضيوف ؟؟

[غزلان]

للأسف البلا فينا لو نفكر بعقل وحريمنا وبناتنا يبتعدون عن المظاهر وحب التقليد او الظهور بمظهر الاحسن وكل على حساب الزوج الي يتحمل الديون وفي النهاية ما يقدر يسعد البنت بسبب الالتزامات الي ترتبت عليه من الزواج


اعرف واحد من الربع اتفق مع خطيبته ان لها خيارين

تسوي عرس في قاعة ويروحون شهر العسل بالدول المحاورة

او عشى بين الاهل في البيت وبنفس اليوم يسافرون دول اوروبية

ووافقت خطيبته على العشى بين الاهل والسفر لدول اوروبية


يقول رفيجي المقصد من اقتراحي ان هو وزوجته اولى بالفلوس من اصحاب القاعات




000
حب المظاهر والبعض حديثي النعمه اعجاب وردة فعل الناس اهم من كل شي

حرااام اشياء تنضاف كزينه للعرس تزيد من المصاريف

الحين حتى الممر للقاعه له زينه خاصه وحركات مالها داعي لعدة ساعات تصرف عليها مبالغ يقدر يبنى فيها بيت خاص فيهم

[غزلان]

اي والله كانت الأسعار ممتازة

ولو اقولج كم كان المهر بتستغربين :secret:

صج الناس قبل فيهم خير :)


ماتشوف ان الطلاق كل ماله ويزيد:(

[غزلان]

ياليت هالمبالغ تدخل في جيوب العرايس
على الأقل تصير صاحبة رصيد لما يتزوجها الشاب :(


الا قولي يقدرون ياخذون لهم بيت خاص ويفرشونه احلى فرش او يسافرون كمن بلد بلا هالفلوس الى تصرف اما لمطربه ولا حركات غريبه عجيبه ,, مره في عرس جايبين مغنية دخلت على الساعه 12 وشرايج اغلب المعازيم طلعوا الى عندهم داوم والى بالجامعه والى عندهم عيال خلاص تعبوا والقاعه شبه فاضيه هال250 الف راحت خساره:(

[غزلان]

لاحظوا في التقرير انه مدير قاعة الجيوان قال انه الناس هم الي يبالغون في تكاليف
الاعراس من ناحية التجهيزات فعلا كلامه صحيح وفالاخير نصها ديون

بس من هالبطران الي تزوج بنتين في نفس القاعه الصراحه ماله حل


000

فعلا الى نشوفه من تزيين وضيافه يبين ان الناس هم السبب واصحاب القاعات مستغلين هالشي باغرائهم بتجهيزات غريبه وجديده حتى تستفيد من زياده المصاريف

[الخزرجي قطر]

الاسعار مولعه نار الله يعين الشباب اكيد مع هذه الاسعار العزوبيه ارحم

[سارق الكحل]

الحل بسيط
كسر الاحتكار

[رآعي موآجيب]

الاسعار مولعه نار الله يعين الشباب اكيد مع هذه الاسعار العزوبيه ارحم


مع هالجمله اللي تتكرر واسمعها دايما بين الشباب اقول هذا اللي يحز بالخاطر !

ياجماعه علموا الشيبان والعجايز على الأنترنت خلوهم يشوفون وش اوضاع الدنيا !!

[barod]

الحل في زياده قاعات الاعراس والمعاريس يخففوا من التكاليف والطلبات الي مالها داعي .. مشكوره على الموضوع غزلان

[غزلان]

موضوع جميييييييييييييل جدا ..

انا رتبت عرس واحد من ربعي عرس ( الرجال ) فقط لاغير

تكلفه العرس .. الخيمه + عشا + فرقه من السعوديه + فواله العرس = 80 الف ريال


مشكله وحيدة في العرس

((((((((((((((((((((((((((((((((((((((( قاعه النساء ))))))))))))))))))))))))))))))

انا اجوف ان عرس النساء مرتبط بعدد الحضور

واجوف مبلغ 120 الف ريال الوقت الحالي مناسب لتكلفه العرس

الله يعين الشباب

والله يزوج كل شاب وكل شابه

^_^



شكرا اخوي

--
فعلا التكلفه في عرس النساء مبالغاات كثيره تزيد من الفاتوره
ياريت الأمهات يرجعون الى البساطه حتى تتبارك اعراس بناتهم

[غزلان]

اللهم اميييين والله يسلمك ويسلمه من كل شر وفعلا نعم التصرف


والله يسلمك قلت اجرب اشوف راي حريمنا في هالشي سوو لي مناحة :rolleyes2:

ويقولون انت تحرمنا من احلى ليلة وهي ليلة بالعمر والناس شيقولون و و و

بس الوضع يبيله موقف وكلمة رجال ولو على الحريم رحنا فيهم

شكلي جبت العيد:secret:


كلام الناس هو اول اسباب زيادة المصاريف:rolleyes2:

[غزلان]

الله يرحم ذيك الأيام ..

أخوي انا حسبت تكلفة العرس ..
مع العلم اني جايبة خصومات خاصة من أغلب الأماكن ..
الكوشة و التصوير و الطاولات ..
بس المبلغ يظل معقول لو تقارنه بأسعار اليوم ..
يعني رحت عرس صديقتي عرس النسوان بس مكلفهم قريب النص مليون ..
بصراحة قلت لها انتي تدورين الشو بس
زبو على الفاضي ..
اللي يبي أسعــار معقولة بيلقى ..
بس الناس تدور إسم المكان قبل شغله ..
للأسـف صــاروا الناس يتنافسون في الأعراس
من عرسه كلف أكثر ..!!

تجهيزات عرس اخوي كلها عليه ..
و الحمدلله قدرت اجيب له شغل حلو و سعر حلو ..
في بعد أكثر من 450 ألف
لا تصدقين اللي يقول لج هاي الأسعار الموجودة
أنا لفيت و شفت الأسعار ..
يعني يروحون لأغلى المحلات في الدوحة
و يطلبون شي خيالي اكيد السعر بيكون دبل ..



كلامج صحيح اختي الى يبي المعقول والبساطه بيحصلها وبيوفر لكن المشكله احنا الى سبب استغلال المحلات لنا بسبب طلباتنا الأوفر

[غزلان]

صدقتي يا " غزلان " بس وين إلي بـــ يقتنعون ؟






محد بيقتنع دام راي الناس وكلامهم عن العرس اهم عندهم من التوفير

[دلة الرسلان]

ننتظر دور المجلس البلدي بفتح موضوع القاعات مرة ثانية .

[غزلان]

:eek5::eek5::eek5::eek5::eek5::eek5:



اهم شي مافي اصابات:eek5:

[غزلان]

او المغرب او تايلاند .. بس البحرين لا الله يخليك .. تكفى بلاش

:secret:

[غزلان]

هلا بصومه قلتي اللي بقوله :nice:
الـ 100 ازود او انقص هاي سعر فقط القاعه بعشاها طبعا
لكن التزيين وترتيب الطاولات بالورد والكريستال والستيج والكوشه بـ 90 الف
أوبـ 300 الف وممكن اكثر ( لو خذتي شركة وحده ) << عرسي :shy:
مسؤولة القهوه والشاي والمشروبات الساخنه بشكل عام صاروا ياخذون 15 الف
الفرق والطبالات بالسماعات المحترفه قد تصل لـ 35 الف واكثر
لكن الطبالات العاديه في حدود 10 الاف


ومشكوره اختي غزلان


دمتم بود

..



العفو وشكرا لمشاركتك

[ام السعف]

الا قولي يقدرون ياخذون لهم بيت خاص ويفرشونه احلى فرش او يسافرون كمن بلد بلا هالفلوس الى تصرف اما لمطربه ولا حركات غريبه عجيبه ,, مره في عرس جايبين مغنية دخلت على الساعه 12 وشرايج اغلب المعازيم طلعوا الى عندهم داوم والى بالجامعه والى عندهم عيال خلاص تعبوا والقاعه شبه فاضيه هال250 الف راحت خساره:(




ولدي هذا اقتراحه ،، عني ادعمه مليون بالمية لو وافقت زوجة المستقبل
يقول 250 الف في حسابها ولا ينحط في مظاهر مالها معنى
100 مهرها ،، 150 او 170 او 180
في حسابها ولا ادفع حق اربع ساعات :shy:

ياليت نرجع للبساطة ،، فستان مع خلفية خاصة للتصوير
وحفلة للمقربين ،، وكان الله غفور رحيما :nice:

[chillis]

ولدي هذا اقتراحه ،، عني ادعمه مليون بالمية لو وافقت زوجة المستقبل
يقول 250 الف في حسابها ولا ينحط في مظاهر مالها معنى
100 مهرها ،، 150 او 170 او 180
في حسابها ولا ادفع حق اربع ساعات :shy:

ياليت نرجع للبساطة ،، فستان مع خلفية خاصة للتصوير
وحفلة للمقربين ،، وكان الله غفور رحيما :nice:

انا برأيي ياخذها ويسافرون شهر العسل ويستفيدون من الفلوس هناك

[هتـان قطر]

ولدي هذا اقتراحه ،، عني ادعمه مليون بالمية لو وافقت زوجة المستقبل
يقول 250 الف في حسابها ولا ينحط في مظاهر مالها معنى
100 مهرها ،، 150 او 170 او 180
في حسابها ولا ادفع حق اربع ساعات :shy:

ياليت نرجع للبساطة ،، فستان مع خلفية خاصة للتصوير
وحفلة للمقربين ،، وكان الله غفور رحيما :nice:



عين الصواب والله وانا هذي فكرتي وقايله لبناتي

بإذن الله ..زواجهم بيكون في حديقة البيت

وعيالي على حسب البنات اللي بيتوفقون معهم


الله يبلغنا ويبلغكم خير

قالوها اهلنا قبل " ما هان , تبارك "

[ام السعف]

انا برأيي ياخذها ويسافرون شهر العسل ويستفيدون من الفلوس هناك

شوفي ،، البعض يقول ان مصاريف العرس مب من حق العروس
هي لها المهر ومالها غير المهر ،، واي مبلغ ينحط عقب المهر لازم
ينصرف على حفلة الزواج ،، ونلقى هل المعرس يصرون على
حفلة توازي المبلغ المدفوع

فولدي يقول : الفلوس تنحط في حسابها وتستفيد فيها زوجة المستقبل
ولا تنحط في مظاهر تروح في كم ساعة ،،
وشهر العسل مب بالفلوس اللي بتروح للعروس:telephone:

تدرين يا تيشليز في ناس يرفضون هالشي ويصرون يبون حفلة زواج:(

[chillis]

شوفي ،، البعض يقول ان مصاريف العرس مب من حق العروس
هي لها المهر ومالها غير المهر ،، واي مبلغ ينحط عقب المهر لازم
ينصرف على حفلة الزواج ،، ونلقى هل المعرس يصرون على
حفلة توازي المبلغ المدفوع

فولدي يقول : الفلوس تنحط في حسابها وتستفيد فيها زوجة المستقبل
ولا تنحط في مظاهر تروح في كم ساعة ،،
وشهر العسل مب بالفلوس اللي بتروح للعروس:telephone:

تدرين يا تيشليز في ناس يرفضون هالشي ويصرون يبون حفلة زواج:(

تدرين احيانا ام اعروس ام المعرس هم الي يصرون يبون عرس تجي ام المعرس تقولج ولدي الوحيد ابي اسوي له عرس لا صار ولا استوى وكذلك ام العروس بنتي الوحيده وهكذا خطين تحت هكذالاحظي قمت اتفنن بالحجي بس انا افضل انهم يتزوجون ويسافرون ومهب لازم للعروس مصاريف الزواج تنحط للمعرس يعيش هو ومرته هناك احلى شهر عسل :shy:

[ام السعف]

عين الصواب والله وانا هذي فكرتي وقايله لبناتي

بإذن الله ..زواجهم بيكون في حديقة البيت

وعيالي على حسب البنات اللي بيتوفقون معهم


الله يبلغنا ويبلغكم خير

قالوها اهلنا قبل " ما هان , تبارك "

ياليت نبتدي بنفوسنا علشان نصير قدوة لغيرنا
ربنا ثبتنا على اقوالنا واجعلها افعال كي تصبح ظاهرة وتعين الجميع
على الزواج

[ام السعف]

تدرين احيانا ام اعروس ام المعرس هم الي يصرون يبون عرس تجي ام المعرس تقولج ولدي الوحيد ابي اسوي له عرس لا صار ولا استوى وكذلك ام العروس بنتي الوحيده وهكذا خطين تحت هكذالاحظي قمت اتفنن بالحجي بس انا افضل انهم يتزوجون ويسافرون ومهب لازم للعروس مصاريف الزواج تنحط للمعرس يعيش هو ومرته هناك احلى شهر عسل :shy:

كلامج صحيح ومرت علي هالسالفة ،،
كأن الوحدة ما تصير عروس الا ما تمشي عشر امتار على صوت الموسيقى
والطبالات لين توصل الكوشة ،، طيب وين راح كل هذا ؟
بح ما بقت الا الصور :telephone:

وايد من اللي عرسوا اقول لهم لو قالوا لكم اليوم بنعيد ايام ما قبل حفل الزواج
بتسوون حفلة بالشكل اللي سويتوه ،، يقولون لا والله بنحتفظ في الفلوس
البعض يقولون ايييييه بعوض اشياء ماكانت موجودة :shy:

[حمد 2002]

او المغرب او تايلاند .. بس البحرين لا الله يخليك .. تكفى بلاش

كلامج فيه نوع من الغرابه ، وفيه تعرض لدوله البحرين الشقيقه ،،، يرجى التوضيح اختي المقصود من كلامج هذا !!!!!!!!!!!!!!!!!!!!!!!!!!!!

[هتـان قطر]

بعض الامهات الله يهديهن هن السبب في هالامور

احيانا تكون أم المعرس ما تبي حد أحسن منها

وتقعد ترهق الولد وأبوه بأمور مالها دعي

بس علشان تقارن نفسها بأم فلان وأم علان

[chillis]

:shy:
كلامج صحيح ومرت علي هالسالفة ،،
كأن الوحدة ما تصير عروس الا ما تمشي عشر امتار على صوت الموسيقى
والطبالات لين توصل الكوشة ،، طيب وين راح كل هذا ؟
بح ما بقت الا الصور :telephone:

وايد من اللي عرسوا اقول لهم لو قالوا لكم اليوم بنعيد ايام ما قبل حفل الزواج
بتسوون حفلة بالشكل اللي سويتوه ،، يقولون لا والله بنحتفظ في الفلوس
البعض يقولون ايييييه بعوض اشياء ماكانت موجودة :shy:

ويه طقاقات مال اول الحين الموضه فرقه رجال بس ورا الستار او بغرفه مسكره :shy: الشي بالبساطه ربج يوفقج اكثر

[ام السعف]

:shy:

ويه طقاقات مال اول الحين الموضه فرقه رجال بس ورا الستار او بغرفه مسكره :shy: الشي بالبساطه ربج يوفقج اكثر

يا ختج ما استانس الا في وجودهم " الطقاقات " ..............> مالت اول :shy:

بالفعل البساطة حلوة واللمة البسيطة احلى ،،


هتان : بالفعل مرات كثيرة اهل المعرس تلقينهم يذبحون المعرس
بس علشان عرسهم يكون في المستوى ،، وهو مدفون بالديون :weeping:

[كازانوفا]

خلاااااااااااص قررت افتح بيتي صالة افراح وبسعر معقول وممكن عابر سبيل

حسبي الله عليهم ما خلو شي الا علو اسعاره يعني اللى اجتهم الزيادات ولا راح يشمو ريحتهااا

[مهرة]

الله يسامحج اختي غزلان عورتي قلبي على هالخبرية ..!! ورانا عرس والمشكلة اني قلت حق الغالي اخوي انا الي بتكفل بالقاعة:rolleyes2: الحين من وين أجيب حق عروووسته هدية!!:eek5: ليش هالغلا الفاحش حرام عليهم وين الرقابة وين الضمير اتقو الله يامسؤولين خافو الله فينا ( بدنـــــــــا نتجوووز ) :( الله بيفرجها .. ان شاءالله

[تحداني]

حوش بيتنا يرحب بكل المعاريس حياكم الله .. خذت الموافقه من الوالده
واخونا " حسن " المعازيم الرجال عنده

بلا قاعه وبلا عوار راس .. وبنحط نطاطيه بعد لليهال
يعني راح يكون العرس مع اصطحاب الاطفال


لا اتحاتون شي



جملكم الله برضاه

[doha1]

والله قهر فعلا

عرس الرجال كامل بدون ذباح يوصل 35 الف واكثر

عرس الحريم من 60 الف وطالع

قمة القهر يطلعون عين خلق الله عشان يكمل نص دينه

حسبي الله ونعم الوكيل

انا عايش هالتجربه حاليا ومعاناه والله

[barod]

حوش بيتنا يرحب بكل المعاريس حياكم الله .. خذت الموافقه من الوالده
واخونا " حسن " المعازيم الرجال عنده

بلا قاعه وبلا عوار راس .. وبنحط نطاطيه بعد لليهال
يعني راح يكون العرس مع اصطحاب الاطفال


لا اتحاتون شي



جملكم الله برضاه

كفو عليج وعلى الوالده

[ms-qtr]

اوك سعرها 100 ألف لكن شامله كل شي تجهيز طاولات وعشا بوفيه وتصوير وورد الخ

في دول الجوار القاعه على 12 الف لكن ماتشمل ولا شي

يعني لو حسبناها بنطلع نفس دول الجوار يمكن احنا اعلى بشيء بسيط

لا اخوي القاعة تاخذها فاضية ب 100000 كل شي وله سعره

[BUHASSEN]

الله المستعان المفروض تكون في صالات مدعومه من الدوله وبسعر رمزي


بس نسيت الدوله ماتبي تخسر التجار خلهم يربحون الناس عندها فلوس


الله يعين المعرس

[al3grab]

يمدحون الزواج بحوش البيت :nice:





والله خوش اقتراح لو عدد بسيط يرحع يسوي الاعراس في لبييوت بيعرفون ان الله حق

[بوحارب]

حوش بيتنا يرحب بكل المعاريس حياكم الله .. خذت الموافقه من الوالده
واخونا " حسن " المعازيم الرجال عنده

بلا قاعه وبلا عوار راس .. وبنحط نطاطيه بعد لليهال
يعني راح يكون العرس مع اصطحاب الاطفال


لا اتحاتون شي



جملكم الله برضاه

سلمي على الوالده وقوليلها بوحارب يبي ياخذ الثانية ومب قادر على القاعة :(

اما حسن في المخبا مايقصر :victory:

[تحداني]

كفو عليج وعلى الوالده


الله يرضى عليك يارب

سلمي على الوالده وقوليلها بوحارب يبي ياخذ الثانية ومب قادر على القاعة :(

اما حسن في المخبا مايقصر :victory:


يسلم عمرك يارب .. حوش البيت يستقبل كل الزواجات الثانيه الثالثه الرابعه
احنه تحت امركم بس اهم شي ما اتسون مشاكل مع الاولى
نبي العرس يعدي على خير


رتب بعد مع حسن لان مواعيده فل على ما اعتقد

جملك الله برضاه

[شايب الفريج]

السلام عليكم يا اخواني و يا اخواتي الموضوع بسيط وسهل جدا حله من منطق لكل مشكلة و لها حل اخذ الحل عندك الذي سبق وتكلمت فيه من زمان و هو
ان يسمح للمدارس بتأجير الصالات الرياضية لتكون صالة افراح ولكن بشروط وهي كالاتي :-
- ان تكون الاسعار محددة و مدروسة بحيث تكون في متناول الناس اي ان لا تزيد على 5000 ريال على سبيل المثال.
- ان تكون الشروط بين المدرسة والعريس بأن يستأجر مكتب تنظيم افراح و ذلك لغرض المحافظة على الصالة وارجاعها كما هي من غير اي اضرار وان يتحمل المكتب هذه الاضرار ان حدثت وان يكون هو المسؤول عن النظافة.
- ان توضع لافتات توضح اسم المعرس وتاريخ العرس و الوقت قبل يوم العرس بيوم وذلك حتى لا يؤثر ذلك على العملية التعليمية اليومية.
وهذا كله سوف يسهم ويساعد على عدة امور منها:-
1- ان اقامة العرس لن تتأثر بالعوامل الطبيعية من امطار وبرد وحر وغيره.
2- العرس سوف لن يؤثر على الشوارع العامة بالوقوف غير المنظم والحاصل اليوم وذلك ان لكل مدرسة مواقفها الخاصة والمساحات المساعدة لها.
3- ان الوصف للمعازيم سوف لن يكون ذو مشقة على المعرس واهله حيث يكفي وضع اسم المدرسة فقط وسوف يكون الوصول لها سهل.
4- جميع المرافق العامة سوف تكون متوفرة افضل من ماهو حاصل اليوم من المياه التي هي للغسيل.
5- سوف يكون هناك استثمار داخلي للمدرسة لكي تنفقه على النشاطات الصفية والمدرسية طوال العام ومن غير انقطاع.

كما انني جاهز لكل الاراء او المناقشات المطلوبة من المسؤولين حتى يتم هذا الاقتراح بنجاح ويحقق الهدف المطلوب.
وتسلمون و تعيشون،،،،
شكرا

[love1972]

الحمد لله اني تزوجت وخلصت

الله يعين الشباب

[Al-Kuwari]

او المغرب او تايلاند .. بس البحرين لا الله يخليك .. تكفى بلاش




شفيها البحرين ؟

مقارنتج فيها نوع من المبالغه !

يعني تايلند والمغرب اوكي والبحرين لا ؟

ممكن اعرف السبب


مازلت انتظر ردج يا سكر نبات :)

[miss.so0s0o]

لا حول ولا قوه الا بالله

[ريتويت]

مازلت انتظر ردج يا سكر نبات :)

بتركك تفكر بالاجابه ..

[ريتويت]

كلامج فيه نوع من الغرابه ، وفيه تعرض لدوله البحرين الشقيقه ،،، يرجى التوضيح اختي المقصود من كلامج هذا !!!!!!!!!!!!!!!!!!!!!!!!!!!!

اخوي حمد ... لوسمحت جمله ( تعرض لدوله البحرين الشقيقه ) جمله كبيره شوي؟؟؟

عدل الجمله واسالني سؤال منطقي

[ابوالكلام]

الاحتكار وما إدراك ما الاحتكار

[Al-Kuwari]

بتركك تفكر بالاجابه ..

مابي افكر بالاجابه

اتمنى وافضل اني اسمعها منج

[حمد 2002]

اخوي حمد ... لوسمحت جمله ( تعرض لدوله البحرين الشقيقه ) جمله كبيره شوي؟؟؟

عدل الجمله واسالني سؤال منطقي

وجملتج اختي عن دوله البحرين تعتبرينها منطقيه!!!!!!!!! :nice:

[رذاذ]

الحل بسيط افتحوا باب الحصول على رخصة بناء قاعات للزواج في مناطق مختلفه ..

لو عندك الرخصه اشتر ارض في الخيسة (( شمعنه ليش - هل الشمال بيسون بها وقريبة من كل مناطق الدوحه خاصة بعد الخط السريع ))
بـ 15 مليون مساحتها كبيره وابني فيها 6 قاعات بنفس الحجم وبمواصفات مختلفه ..

واجرها للناس بـ 30 الف ريال قطري مع التكيف والكراسي وكل الاغراض ..

اضرب سوق الاعراس وسوق المصورين وسوق الفنادق ..

بس منو يقدر يسوي هالشي الا واحد بمخباه اكثر من 150 مليون .

نقول 25 عرس شهريا خاصه مع هذا التسهيل للقاعة راح تشجع الشاب للزواج .. اقل شي بنفس اليوم بقوم 3 اعراس 3 حريم و 3 رجال ..
25*30000 = 750.0000 مليون ريال في الشهر ..

ها مربح ولا شرايكم


زود المبنى بسكورتيه وامن نسائي و رجالي . ومواقف كبيره . وشوف شلون الناس بتهل على هذا المشروع الاستثماري الى يعود بفائدة للجميع ..


رجائن الى بياخد بالفكره يدعي لي ويعيني مدير القاعات وبشاركة قلبا وقالبا ^_^